ఆపరేషన్ చేసినా గర్భం.. లేడీ డాక్టర్కు భారీ ఫైన్

ఆపరేషన్ చేసినా గర్భం.. లేడీ డాక్టర్కు భారీ ఫైన్

ముజఫర్నగర్: నిర్లక్ష్యం కారణంగా ఓ వైద్యురాలు భారీ మూల్యం చెల్లించుకోవాల్సి వచ్చింది. తాను నిర్వహించిన ఆపరేషన్ విషయంలో ఆశ్రద్ధగా వ్యవహరించడంపట్ల ఓ మహిళ వినియోగదారుల కోర్టు మెట్లెక్కడంతో సమస్యల్లో ఇరుక్కుంది. బాధితురాలికి రూ.1,12,000 ఫైన్ చెల్లించాల్సి వచ్చింది.

తనకు పిల్లలు పుట్టకుండా ఉండేందుకు ముజఫర్ నగర్ జిల్లాకు చెందిన సునీతా దేవీ అనే మహిళ శస్త్ర చికిత్స చేయించుకుంది. 2013లో ఆమె ఈ ఆపరేషన్ చేయించుకోగా తాజాగా ఆమె గర్భం దాల్చింది. దీంతో వైద్యురాలి నిర్లక్ష్యం కారణంగా తాను మరోసారి తల్లి కావాల్సి వస్తోందని ఆందోళన వ్యక్తం చేస్తూ కంజ్యూమర్ కోర్టును ఆశ్రయించగా డాక్టర్ మంజు అగర్వాల్ అనే వైద్యురాలికి కోర్టు రూ.లక్షకుపైగా ఫైన్ వేసింది.