మొహాక్... మహీ!

రాంచీ: మైదానంలో ఎవరికీ చిక్కని వ్యూహాలతో తన జట్టును ముందుండి నడిపించే కెప్టెన్ ఎం.ఎస్.ధోని తన వేషభాషలతో కూడా అభిమానులను అలరిస్తూ ఉంటాడు. ఫుట్‌బాల్ క్రీడను అమితంగా ఇష్టపడే ఈ జార్ఖండ్ డైనమైట్ దాదాపు పదేళ్ల క్రితం నుంచే హెయిర్ స్టయిల్‌లో తనదైన ముద్రను వేస్తూ వస్తున్నాడు. కెరీర్ ఆరంభంలో అందరికీ జులపాల జుట్టుతో అభిమాన పాత్రుడయ్యాడు. ఏకంగా అప్పటి పాక్ అధ్యక్షుడు ముషారఫ్ కూడా అతడి అభిమాన జాబితాలో చేరిపోయాడు. ఆ తర్వాత వెంటనే వెంట్రుకలను చిన్నగా కత్తిరించి కనిపించాడు. వన్డే ప్రపంచకప్ గెలవగానే గుండుతో కనిపించాడు. ఇలా రకరకాల స్టయిల్స్‌తో కేవలం రాంచీ అభిమానులకే కాకుండా దేశవ్యాప్తంగా అభిమానులకు కొత్త స్టైల్స్ పరిచయం చేశాడు.