హిమాన్షు శుభారంభం

జాతీయ బిలియర్డ్స్ చాంపియన్‌షిప్
 
 కోల్‌కతా: జాతీయ సీనియర్ బిలియర్డ్స్ చాంపియన్‌షిప్‌లో తెలంగాణ ప్లేయర్ హిమాన్షు జైన్ శుభారంభం చేశాడు. సోమవారం మొదలైన ఈ పోటీల్లో భాగంగా జరిగిన గ్రూప్ ‘సి’ లీగ్ మ్యాచ్‌లో హిమాన్షు 3-0 (101-69, 100-76, 100-98) ఫ్రేమ్‌ల తేడాతో కన్‌కన్ షంషీ (ఉత్తరప్రదేశ్)పై విజయం సాధించాడు. గ్రూప్ ‘హెచ్’లో తెలంగాణకే చెందిన మరో ప్లేయర్ ఎం.ఎన్.రంజిత్ 0-3 (68-100, 0-100, 75-100) ఫ్రేమ్‌ల తేడాతో జైవీర్ ఢింగ్రా (మహారాష్ట్ర) చేతిలో ఓడిపోయాడు.

ఆంధ్రప్రదేశ్‌కు చెందిన ఐ.వి.రాజీవ్, ఎస్.శంకర్ రావు తమ లీగ్ మ్యాచ్‌ల్లో ఓటమి పాల య్యారు. రాజీవ్ 2-3 (100-59, 100-60, 92-100, 47-100, 67-100) ఫ్రేమ్‌ల తేడాతో నిఖిల్ గాడ్గే (రైల్వేస్) చేతిలో; శంకర్ రావు 0-3 (67-101, 83-100, 49-100) ఫ్రేమ్‌ల తేడాతో డిఫెండింగ్ చాంపియన్ సౌరవ్ కొఠారి (పీఎస్‌పీబీ) చేతిలో పరాజయాన్ని చవిచూశారు.