మెయిన్ డ్రాకు సనమ్ సింగ్

మెయిన్ డ్రాకు సనమ్ సింగ్

చెన్నై: భారత యువ టెన్నిస్ ఆటగాడు సనమ్ సింగ్ పీఎల్ రెడ్డి స్మారక ఏటీపీ చాలెంజర్ టోర్నీ మెయిన్ డ్రాకు అర్హత సాధించాడు. సోమవారం జరిగిన క్వాలిఫయింగ్ మ్యాచ్‌లో ఐదో సీడ్ సనమ్ 6-2, 6-2తో రెండో సీడ్ మారెక్ సెంజాన్ (స్లొవేకియా)కు షాకిచ్చాడు. స్థానిక ఆటగాళ్ల మధ్య జరిగిన మరో మ్యాచ్‌లో ప్రజ్నేశ్ గున్నేశ్వరన్ 7-6(4), 6-3తో శశికుమార్‌ను ఓడించి మెయిన్ డ్రాలో చోటు దక్కించుకున్నాడు. ఇతర మ్యాచ్‌ల్లో మూడో సీడ్ విక్టర్ బలూడా (రష్యా) 7-5, 4-6, 7-6(4)తో రిచర్డ్ బెకర్ (జర్మనీ)పై చెమటోడ్చి నెగ్గగా, మైకేల్ వీనస్ (న్యూజిలాండ్) 6-2, 6-1తో కరుణుదయ్‌సింగ్‌పై గెలుపొంది మెయిన్ డ్రాకు చేరాడు.