ప్రశాంతంగా ముగిసిన అసిస్టెంట్ ఇంజనీర్ల పరీక్ష

హైదరాబాద్: ఆంధ‍్రప్రదేశ్ పబ్లిక్ సర్వీస్ కమిషన్ ఆదివారం నిర్వహించిన అసిస్టెంట్ ఇంజనీర్ల స్క్రీనింగ్ టెస్టు ప్రశాంతంగా ముగిసింది. ఈ పరీక్షకు 32,530 మంది దరఖాస్తు చేసుకోగా 27,827 మంది అభ్యర్థులు ఆదివారం పరీక్షకు హాజరయ్యారు.

తెలుగు రాష్ట్రాల్లోని 59 కేంద్రాల్లో ఈ పరీక్ష నిర్వహించారు. ఈ స్క్రీనింగ్ టెస్ట్‌కు సంబంధించి కీ అభ్యంతరాల నమోదు ప్రక్రియను సోమవారం ఏపీపీఎస్సీ వెబ్‌సైట్‌లో పొందుపరుస్తామని అధికారులు చెప్పారు. ఫిబ్రవరి ఒకటిన మెయిన్ పరీక్ష నిర్వహిస్తామన్నారు. రాష్ట్రంలోని వివిధ విబాగాలకు సంబంధించి ఈఏ పోస్టులకు ఈ ఏడాది సెప్టెంబర్ ఆఖరులో నోటిఫికేషన్ జారీచేసిన సంగతి తెలిసిందే.