TV
మోటో కొత్త ఫోన్ వచ్చేసింది, లాంచ్ ఆఫర్లివే!
లెనోవో సొంతమైన మోటోరోలా తన సరికొత్త స్మార్ట్ ఫోన్ మోటో జెడ్2 ప్లేను భారత మార్కెట్లోకి అధికారికంగా విడుదల చేసింది.
లెనోవో సొంతమైన మోటోరోలా తన సరికొత్త స్మార్ట్ ఫోన్ మోటో జెడ్2 ప్లేను భారత మార్కెట్లోకి అధికారికంగా విడుదల చేసింది. రూ.27,999కు ఈ స్మార్ట్ ఫోన్ ను మార్కెట్లోకి లాంచ్ చేస్తున్నట్టు లెనోవా పేర్కొంది. ఈ-కామర్స్ దిగ్గజం ఫ్లిప్ కార్ట్, ఆఫ్ లైన్ స్టోర్లలో ఈ ఫోన్ జూన్ 15 నుంచి అమ్మకానికి రానుంది. ప్రీబుకింగ్ లు నేటి నుంచి జూన్ 14వ తేదీ వరకు అందుబాటులో ఉండనున్నాయి. మోటో జెడ్2 ప్లేతో పాటు లాంచింగ్ ఆఫర్లను కంపెనీ అందుబాటులోకి తీసుకొచ్చింది.
2000 రూపాయలతో ఈ ఫోన్ ను ముందస్తు బుక్ చేసుకున్న వారు, జీరో శాతం వడ్డీతో 10నెలకు పైగా పేమెంట్ ను ఎంపికచేసుకోవచ్చు. ప్రాసెసింగ్ ఫీజు కూడా ఏమీ ఉండదు. జియో యూజర్లకు అదనంగా 100జీబీ 4జీ డేటాను కంపెనీ ఆఫర్ చేస్తోంది. అయితే ఈ ఆఫర్ కేవలం రెగ్యులర్ కొనుగోలుదారులకు మాత్రమేనని, ప్రీ-బుక్ చేసుకునే వారికి కాదని లెనోవో పేర్కొంది. అంతేకాక ఎంపికచేసిన మోటో మోడ్స్ పై 50 శాతం తగ్గింపును ఇవ్వనుంది.
మోటో జెడ్2 ప్లే స్పెషిఫికేషన్స్...
ఆండ్రాయిడ్ 7.1.1 నోగట్
5.5 అంగుళాల ఫుల్ హెచ్-డీ సూపర్ అమోలెడ్ డిస్ ప్లే
కార్నింగ్ గొర్రిల్లా గ్లాస్ 3 ప్రొటెక్షన్
2.2గిగాహెడ్జ్ ఆక్టా-కోర్ క్వాల్ కామ్ స్నాప్ డ్రాగన్ 626 ప్రాసెసర్
4జీబీ ర్యామ్
64జీబీ ఇంటర్నల్ స్టోరేజ్
12 ఎంపీ రియర్ కెమెరా
5 ఎంపీ సెల్ఫీ కెమెరా
వైడ్ యాంగిల్ లెన్స్
డ్యూయల్ ఎల్ఈడీ సీసీటీ ఫ్లాష్
ఫింగర్ ప్రింట్ స్కానర్
3000 ఎంఏహెచ్ బ్యాటరీ
