నోకియా 6 విక్రయం నేటి నుంచే...

హెచ్‌ఎండీ గ్లోబల్‌ విడుదల చేసిన మిడ్‌-రేంజ్‌ ఆండ్రాయిడ్‌ స్మార్ట్‌ఫోన్‌ నోకియా 6 తొలి విక్రయం నేటి(బుధవారం) నుంచే ప్రారంభమవుతోంది. అమెజాన్‌ ఇండియాలో నేటి మధ్యాహ్నం 12 గంటల నుంచి ఈ స్మార్ట్‌ఫోన్‌ను వినియోగదారులు కొనుగోలు చేసుకోవచ్చు. జూన్‌లో నోకియా 3, నోకియా 5తో పాటు ఈ స్మార్ట్‌ఫోన్‌ను హెచ్‌ఎండీ గ్లోబల్‌ లాంచ్‌ చేసింది. మిగతా రెండు స్మార్ట్‌ఫోన్లు ఆఫ్‌లైన్‌ స్టోర్లలో విక్రయానికి వచ్చాయి. నోకియా 6 మాత్రం నేడే విక్రయానికే వస్తోంది. ఈ ఫోన్‌ లాంచ్‌ ఆఫర్లను కూడా అమెజాన్‌ లిస్టు చేసింది. సోమవారంతోనే ఈ ఫోన్‌ తొలి సేల్‌ రిజిస్ట్రేషన్‌లు క్లోజయ్యాయి. మేట్‌ బ్లాక్‌, సిల్వర్‌, టాంపర్డ్‌ బ్లూ రంగుల్లో ఈ ఫోన్‌ అందుబాటులోకి ఉండనుంది.