కేసీఆర్‌ బావమరిది కారుకు ప్రమాదం

కామారెడ్డి: రాష్ట్ర ముఖ్యమంత్రి చంద్రశేఖర్‌ రావు బావమరిది ప్రయాణిస్తున్న వాహనాన్ని వేగంగా వస్తున్న లారీ ఢీకొట్టింది. ఈ ఘటనలో ఆయనతో సహా ఆయన భార్యకు తీవ్ర గాయాలయ్యాయి. ఈ సంఘటన కామారెడ్డి మండలం టేక్రియాల్‌ సమీపంలో 44వ నెంబర్‌ జాతీయ రహదారిపై గురువారం మధ్యాహ్నం చోటు చేసుకుంది. సీఎం బావమరది నివాస్‌ రావు ప్రయాణిస్తున్న ఇన్నోవా వాహనాన్ని ఎదురుగా వస్తున్న లారీ ఢీకొట్టింది. ఈ ప్రమాదంలో నివాస్‌ రావు సహా ఆయన భార్య స్వరూపకు గాయాలయ్యాయి. స్వరూపకు తీవ్ర గాయాలు కావడంతో వెంటనే కామారెడ్డి ఆస్పత్రికి తరలించారు. ప్రాణపాయం లేదని వైద్యులు తెలిపారు. విషయం తెలుసుకున్న పోలీసులు సంఘటనా స్థలానికి చేరుకొని కేసు దర్యాప్తు చేస్తున్నారు.