తక్కువ కాలంలోనే సర్కారుపై ప్రజా వ్యతిరేకత

తక్కువ కాలంలోనే సర్కారుపై ప్రజా వ్యతిరేకత

వైఎస్సార్ సీపీ తెలంగాణ వర్కింగ్ ప్రెసిడెంట్ పొంగులేటి శ్రీనివాసరెడ్డి

హైదరాబాద్: నవ తెలంగాణ, బంగారు తెలంగాణ అని అధికారంలోకి వచ్చిన టీఆర్‌ఎస్ ప్రభుత్వం ఈ నాలుగు నెలల కాలంలో ఎలాంటి కార్యక్రమాలు చేసిందో ప్రజలు గ్రహించారని వైఎస్సార్‌సీపీ తెలంగాణ వర్కింగ్ ప్రెసిడెంట్ పొంగులేటి శ్రీనివాసరెడ్డి వ్యాఖ్యానించారు. తక్కువ కాలంలోనే టీఆర్‌ఎస్ ప్రభుత్వం ప్రజా వ్యతిరేకతను మూటగట్టుకుందన్నారు.

రైతులకు 8 గంటల విద్యుత్ అని చెప్పి 2 గంటలు కూడా ఇవ్వలేని పరిస్థితులున్నాయన్నారు. శుక్రవారం ఆయన మీడియాతో మాట్లాడుతూ జిల్లాపార్టీ సమీక్షా సమావేశాల్లో  క్షేత్రస్థాయిలో ఉన్న పరిస్థితులు, సమస్యలను జిల్లానాయకులు, కార్యకర్తలు తమ దృష్టికి తీసుకువచ్చారని చెప్పారు. శుక్రవారం పార్టీ కేంద్రకార్యాలయంలో నిజామాబాద్, ఆదిలాబాద్ జిల్లాల సమీక్షా సమావేశం జరిగింది.