TV
కాలుష్యమే పెద్ద సమస్య: ప్రణబ్
హైదరాబాద్: రానున్న ఐదేళ్లలోపు స్వచ్ఛ భారత్ కార్యక్రమాన్ని విజయవంతం చేయాలని రాష్ట్రపతి ప్రణబ్ ముఖర్జీ పిలుపునిచ్చారు. హైదరాబాద్ జరుగుతున్న 11వ మెట్రో పొలిస్ సదస్సులో గురువారం పాల్గొన్నారు. ఈ సందర్భంగా మాట్లాడుతూ... నగరాలకు కాలుష్యం పెద్ద సమస్యగా మారిందన్నారు. ప్రజా రవాణా వ్యవస్థను సంస్కరించడం ద్వారా ట్రాఫిక్ సమస్యను పరిష్కరించాలని సూచించారు.
దేశంలో 100 స్మార్ట్ సిటీల ఏర్పాటుకు కేంద్ర ప్రభుత్వం కృషి చేస్తోందని చెప్పారు. ఈ శతాబ్దం అంతా నగరాలదేనని రాష్ట్రపతి పేర్కొన్నారు. మెట్రో పొలిస్ సదస్సును విజయవంతంగా నిర్వహించినందుకుతెలంగాణ సీఎం కేసీఆర్ ను రాష్ట్రపతి అభినందించారు.
