నిలిచిపోయిన న్యూయార్క్‌ విమానం

న్యూఢిల్లీ: ఇంజన్‌లో హైడ్రాలిక్‌ వైఫల్యం నెలకొనడంతో న్యూఢిల్లీ నుంచి న్యూయార్క్‌ వెళ్లాల్సిన ఎయిరిండియా విమానం బుధవారం నిలిచిపోయింది. ఆ సమయంలో విమానంలో ఉన్న 300 మంది ప్రయాణికులకు సమీప హోటల్లో బస కల్పించామని ఎయిర్‌ ఇండియా ప్రతినిధి తెలిపారు.

మంగళవారం రాత్రి 1.40 గంటలకు న్యూఢిల్లీ నుంచి న్యూయార్క్‌ వెళ్లాల్సిన ఎయిరిండియా 101 విమానంలో ఈ సమస్య తలెత్తింది. ప్రయాణికులను తీసుకెళ్లడానికి మరో విమానాన్ని సిద్ధం చేయాలని ఎయిరిండియా చేసిన యత్నాలు సఫలం కాలేదు. సమస్యను పరిష్కరించడానికి ఇంజినీర్లు కృషిచేస్తున్నారని, బుధవారం సాయంత్రం 5 గంటలకు విమానం బయల్దేరే అవకాశముందని ఎయిరిండియా అధికారి వెల్లడించారు.