TV
ఫైల్ ఫోటో
హెల్‌సింకీ: ఏకంగా షాపింగ్‌ సెంటర్‌లోనే ఐప్యాడ్‌ బ్యాటరీ తగలబడటం ఫిన్‌లాండ్‌లో కలకలం రేపింది. బ్యాటరీలో ఒక్కసారిగా మంటలు అంటుకొని.. భారీగా పొగ ఎగజిమ్మడంతో షాప్‌లోని వినియోగదారులు, సిబ్బంది భయాందోళనకు గురయ్యారు. వెంటనే బయటకు పరుగులు తీశారు.
అధికారుల ప్రకారం.. రొవానీమిలోని ఓ ఫోన్ల దుకాణంలో ఈ ఘటన జరిగింది. ఓ వినియోగదారుడు తన ఐప్యాడ్‌లోని బ్యాటరీ మార్చేందుకు దుకాణానికి వచ్చాడు. రెండేళ్ల కిందటి అతని ఐప్యాడ్‌లో బ్యాటరీ మారుస్తుండగా ఒక్కసారిగా మంటలు అంటుకున్నాయి. బ్యాటరీ నుంచి భారీగా పొగ ఎగజిమ్ముకుని షాప్‌లో అలుముకోవడంతో వినియోగదారులు బయటకు పరుగులు తీశారని జిన్హుహ వార్తాసంస్థ తెలిపింది.
