బ్యాంకులకు కేంద్రం స్ట్రాంగ్ వార్నింగ్!

ఆర్థికమంత్రిత్వ శాఖ బ్యాంకులకు స్ట్రాంగ్ వార్నింగ్ ఇచ్చింది. అధికారులెవరు అక్రమాలకు పాల్పడినా వదిలేది లేదంటూ, ఎవరూ కూడా తప్పించుకోలేరంటూ శనివారం మరోసారి హెచ్చరించింది. అక్రమాలకు పాల్పడుతున్న వారిపై మంత్రిత్వశాఖ చాలా సీరియస్గా చర్యలు తీసుకుంటుందని సంబంధిత వర్గాలు చెప్పాయి.  పెద్ద నోట్ల రద్దు అనంతరం కొంతమంది బ్యాంకు అధికారులు పలు అక్రమాలకు తెరతీసిన సంగతి తెలిసిందే. వారు నల్లకుబేరులతో చేతులు కలిసి రద్దైన నోట్లను వైట్మనీగా మార్చడానికి సాయపడుతున్నారు. ఈ నేపథ్యంలో అక్రమాలకు పాల్పడుతున్న 27 మంది ప్రభుత్వ బ్యాంకు అధికారులను ప్రభుత్వం డిసెంబర్ 2న సస్పెండ్ చేసిన సంగతి తెలిసిందే. మరో ఆరుగురిని ఎలాంటి ప్రాధాన్యత లేని పోస్టులకు బదిలీ చేసింది.