చేబ్రోలులో జంట హత్యలు

ఏలూరు(ప.గో):జిల్లాలోని చేబ్రోలులో సోమవారం ఉదయం చోటుచేసుకున్న జంట హత్యలు స్థానికంగా కలకలం రేపాయి. కొంతమంది దుండగులు ఇనుపరాడ్లతో దాడి చేసి ఇద్దరు మృతికి కారణమయ్యారు. ఈ ఘటనలో ఒకరు యాచకురాలు పార్వతి కాగా, మరొకరు హైవే పెట్రోలింగ్ వెహికల్ లో కాంట్రాక్ట్ ఉద్యోగి రాజు. ఈ రోజు తెల్లవారుజాము ప్రాంతంలో కొందరు దుండగులు ఆకస్మికంగా దాడి చేసి ఆ ఇద్దర్నీ కొట్టి చంపారు. దీనిపై సమాచారం అందుకున్న డీఎస్పీ సత్తిబాబు ఆ ఘటనా స్థలికి చేరుకున్నారు.ఈ జంట హత్యలకు సంబంధించి పూర్తి వివరాలు తెలియాల్సి ఉంది.