సవాళ్లను అధిగమిస్తాం: రాజన్

 

 మూడు వారాలు ఓఎస్‌డీగా...

 ఆర్‌బీఐ గవర్నర్‌గా నియమితులైన రాజన్, ఈ బాధ్యతలు స్వీకరించే ముందు సంబంధిత అత్యున్నతస్థాయి సంస్థలో ఆఫీసర్ ఆన్ స్పెషల్ డ్యూటీ(ఓఎస్‌డీ)గా పనిచేయనున్నారు. మూడు వారాల పాటు ఆయన ఈ విధులు నిర్వహించనున్నారు. ప్రస్తుత గవర్నర్ దువ్వూరి సుబ్బారావు వచ్చేనెల 4న పదవీ విరమణ చేయనున్న నేపథ్యంలో, మరుసటి రోజు రాజన్ ఈ కీలక బాధ్యతలు చేపట్టనున్నారు. ఆర్‌బీఐ కార్యకలాపాలకు సంబంధించి  పూర్తిస్థాయి అధ్యయనానికి రాజన్‌కు ఓఎస్‌డీ బాధ్యతలు దోహదపడతాయని అధికార వర్గాలు పేర్కొన్నాయి. ప్రస్తుతం కేంద్ర ప్రధాన ఆర్థిక సలహాదారుగా బాధ్యతలు నిర్వహిస్తున్న రాజన్, ఆర్‌బీఐ 23వ గవర్నర్‌గా మూడేళ్ల పాటు కొనసాగుతారు.