Adipurush Movie: దర్శకుడు ఓం రౌత్‌ చేసిన పొరపాట్లు గుర్తించారా? (ఫోటోలు)

ప్రభాస్‌ రాఘవుడిగా నటించిన చిత్రం ఆదిపురుష్‌. ఇప్పటివరకు మనకు రాముడు అంటే నీలమేఘ శ్యాముడిగానే తెలుసు. కానీ 'ఆదిపురుష్'లో రాముడికి మీసాలు పెట్టడం, సిక్స్ ప్యాక్ బాడీతో కనిపించడం.. రామ భక్తులకు కాస్త ఇబ్బందిగా అనిపించింది.

సీత పాత్రలో కృతి సనన్ పలు రకాల రంగుల దుస్తులు ధరించింది. కానీ ఇతిహాసమైన రామాయణంలో అజ్ఞాతవాసంలో ఉన్న సీత కేవలం కాషాయ రంగు దుస్తులు మాత్రమే ధరించింది.

రావణుడికి ఉన్న పది తలలపై ప్రేక్షకులు తీవ్రంగా ఎగతాళి చేశారు. అంతే కాకుండా రావణుడి కేశాలంకరణ భారత క్రికెటర్ విరాట్ కోహ్లీతో పోలి ఉందని కామెంట్స్ చేశారు.

సీతను రావణుడు ఎత్తుకెళ్లిపోతే జఠాయు పక్షి రాముడికి ఈ విషయం చెబుతుంది. 'ఆదిపురుష్'లో మాత్రం రాముడు, లక్ష‍్మణుడు స్వయంగా చూస్తారు.

చివర్లో బాణంతో రావణాసురుడిని చంపే రాముడు.. సీతను ఎత్తుకెళ్తుంటే ఏం చేయలేకపోతాడు.

ప్రశాంత చిత్తమైన రాముడిని.. బలపరాక్రమశాలిగా చూపించడం కూడా కాస్త వింతగా అనిపించింది.

హాలీవుడ్ మూవీల్లో కార్టూన్స్ లాంటివి 'ఆదిపురుష్'లో చాలా చోట్ల కనిపిస్తాయి. పిల్లలకు అవి నచ్చొచ్చేమో గానీ పెద్దోళ్లకు రామాయణం గురించి తెలిసిన వాళ్లకు మాత్రం షాకింగ్ గా అనిపిస్తుంది.

సినిమాలో హనుమంతునిపై రాసిన డైలాగులు ప్రేక్షకులను, విమర్శకులను తీవ్రంగా నిరాశపరిచాయి. అయితే డైలాగ్స్‌ను తర్వాత నిర్మాతలు మార్చేశారు.

పురాణాల ప్రకారం రావణుడి లంక బంగారు వర్ణంతో నిండి ఉంది. అయితే ఓం రౌత్ లంకను ఈ చిత్రంలో నలుపు, తెలుపులో చిత్రీకరించినందుకు నెటిజన్స్ ట్రోల్స్ చేశారు.

పుష్పక విమానంలో రావణుడు సీతను అపహరిస్తాడు. కానీ.. ఆదిపురుష్‌లో మాత్రం నల్లటి గబ్బిలం లాంటి పక్షిపై రావణుడు కనిపించాడు. ఇది కూడా తీవ్ర విమర్శలకు దారితీసింది.

ఇంద్రజిత్ పాత్రలో మేఘనాథ్‌కు చాలా టాటూలు వేయించుకున్నట్లు చూపించారు. దీంతో నెటిజన్స్ మీమ్స్ చేస్తూ ట్రోల్ చేశారు.

ఇందులో రావణుడు కొండచిలువలతో మసాజ్‌ చేయించుకున్నట్లు చూపించారు.