TV
ఆగస్టు 1 మృణాల్ ఠాకూర్ పుట్టినరోజు. మహారాష్ట్ర ధూలేలో 1992 న జన్మించింది. ఆమె విద్యాభ్యాసం అంతా ముంబై పరిసర ప్రాంతంలోనే సాగింది. నాన్న బ్యాంకు ఉద్యోగి కావడంతో తరచూ బదిలీ అవుతుండేది. దాంతో ఇంటర్‌ పూర్తయ్యేలోపు పదకొండు స్కూళ్లు మారింది.
2013 ప్రాంతంలో ‘ముజ్సే కుచ్ కెహ్తీ..ఖామోషియాన్’లో నటించి అందర్నీ ఆకట్టుకుంది. మొదట ఆమె సీరియల్స్‌తోనే క్రేజ్‌ దక్కించుకుంది. ఆమె ఎక్కువ కాలం నటించిన సీరియల్ ‘కుంకుమ్ భాగ్య’ ఇప్పటికీ టీవీల్లో వస్తూనే ఉంటుంది.
ఆమె మొదటి సినిమా 2014లో వచ్చింది. ‘విట్టు దండు’ మరాఠీ మూవీతో మృణాల్ సినీ ప్రస్థానం మొదలైంది. ఈ మూవీ తర్వాత 2015 లో ‘లవ్ సోనియా’తో బాలీవుడ్ అరంగేట్రం చేసింది. ఈ మూవీలో ఆమె నటనతో మెప్పించినప్పటికీ కమర్షియల్‌గా మూవీ హిట్ అందుకోలేదు.
ఆ సమయంలో మృణాల్ పై చాలా విమర్శలు వచ్చాయి. సినిమాకు పనికొచ్చే మొఖమేనా తనది అంటూ కొందరు కామెంట్లు కూడా చేశారు. ఓసారి డిప్రెషన్‌లోకి వెళ్లిపోయిన మృణాల్. ఆత్మహత్య ఆలోచన కూడా వచ్చిందట.
టీవీ సీరియల్ నటి హీరోయిన్ కావడం ఏంటి అనే చర్చ కూడా బాలీవుడ్‌లో జరిగిందని ఓ ఇంటర్వ్యూలో ఆమె తెలిపింది.
ఆడిషన్స్ కోసం దర్శకులను నిర్మాతలను అభ్యర్థించాల్సి వచ్చేదని అయినా ఎవరూ కూడా ఒక్క అవకాశం కూడా ఇవ్వలేదని పేర్కొంది.
అయితే అవకాశాల కోసం తన పోరాటం మాత్రం ఆపలేదని. పలు చిన్న సినిమాలు చేస్తూ ఉండటం వల్ల తన టాలెంట్‌పై మేకర్స్‌కు నమ్మకం కలగడం. ఆ తర్వాత ఆడిషన్స్ లేకుండానే సినిమాల్లోకి తీసుకున్నారని తెలిపింది.
‘లవ్ సోనియా’ మృణాల్‌కు మంచి గుర్తింపు తీసుకొచ్చింది. మెల్‌బోర్న్‌లో ఈ సినిమాని ప్రదర్శించినప్పుడు మృణాల్‌కు దర్శకుడు నాగ్‌అశ్విన్‌ పరిచయమయ్యారు. దీంతో ‘సీతారామం’ అవకాశం దక్కంది. అక్కడి నుంచి ఆమె జీవితం మారిపోయింది.
తెలుగులో తనకు ‘సీతారామం’ మొదటి సినిమా. ఇదీ భారీ విజయం అందుకోవడంతో మృణాల్ కు వరుస అవకాశాలు వెల్లువెత్తుతున్నాయి.
ప్రస్తుతం హీరో నాని సరసన ‘హాయ్‌ నాన్న’లో, విజయ్‌ దేవరకొండ సరసన ఓ చిత్రంలో నటిస్తోంది
