విలన్‌ని కూడా ఇష్టపడేలా చేశాడు.. ఈయన గొంతుకే సెపరేట్ ఫ్యాన్స్ (ఫొటోలు)

సినిమాలో హీరోని జనాలు ఇష్టపడాలంటే విలన్ అనేవాడు అంతే బలంగా ఉండాలి.

అలా దక్షిణాది సినీ చరిత్రలో విలనిజం అనగానే చాలామందికి గుర్తొచ్చే పేరు రఘువరన్.

తనదైన విలనీ పాత్రలతో ఎంతో పేరు తెచ్చుకున్న ఈయన జయంతి నేడు (డిసెంబరు 11)

ఈ సందర్భంగా రఘువరన్ గురించి కొన్ని ఇంట్రెస్టింగ్ సంగతులు మీకోసం.

కేరళలో పుట్టిన రఘవరన్.. టీనేజీలో ఉన్నప్పుడు కుటుంబంతో కలిసి తమిళనాడుకి వలస వచ్చాడు.

యాక్టర్ అవ్వాలనే ఆశతో చదువు మధ్యలోనే ఆపేశాడు. 1982లో తొలి మూవీ చేశాడు.

కెరీర్ ప్రారంభంలో చిన్న చిన్న పాత్రలు చేశాడు గానీ పెద్దగా గుర్తింపు రాలేదు.

ఎప్పుడైతే విలన్ తరహా పాత్రలు చేశాడో రఘువరన్ పేరు సౌత్‌లో మార్మోగిపోయింది.

తెలుగులో శివ, ఆహా, సుస్వాగతం, నాని, మాస్‌ తదితర చిత్రాల్లో నటించి మనోళ్లకు దగ్గరయ్యాడు.

తమిళ, మలయాళం, తెలుగు సినిమాలకుగానూ ఎన్నో రాష్ట్ర, ఫిలింఫేర్‌ పురస్కారాలను అందుకున్నాడు.

వ్యక్తిగత జీవితానికొస్తే నటి రోహిణిని ప్రేమించి 1996లో పెళ్లి చేసుకున్నాడు. 2004లో విడిపోయారు.

విలన్‌ని కూడా ప్రేక్షకులు ఇష్టపడేలా చేసిన రఘువరన్ గొంతుకి సెపరేట్ ఫ్యాన్స్ ఉన్నారంటే ఆశ్చర్యమే.

2008 మార్చి 19న షుగర్ లెవల్స్ పడిపోవడంతో 49 ఏళ్లకే రఘువరన్ కన్నుమూశాడు.