న్యూఢిల్లీ: కాంగ్రెస్‌ నాయకుడు రాహుల్‌ గాంధీ తన తల్లి సోనియాగాంధీకి ఒక సర్‌ప్రైజ్‌ గిఫ్ట్‌ ఇచ్చారు. ఒక బుజ్జి కుక్క పిల్లను కానుకగా ఇచ్చారు. ఆ కుక్క పిల్లకి నూరీ అని పేరు పెట్టారు. బుధవారం ప్రపంచ జంతు దినోత్సవాన్ని పురస్కరించుకొని తల్లి సోనియాకు కుక్కపిల్లని ఇచ్చి ఆశ్చర్యంలో ముంచెత్తారు. ఇదంతా వీడియో తీసి యూట్యూబ్‌లో ఉంచారు. అమ్మకి ఒక సర్‌ప్రైజ్‌ అంటూ రాహుల్‌ గాంధీ సోనియాను బయటకు తీసుకురావడంతో వీడియో మొదలవుతుంది. రాహుల్‌ ఇచ్చిన బాక్స్‌ తీసి చూసిన సోనియా గాంధీ అందులో బుజ్జి కుక్క పిల్ల ఉండడంతో సంతోషంతో ఉప్పొంగిపోయారు. చాలా క్యూట్‌గా ఉందంటూ మురిసిపోయారు. ఇప్పుడు తమ కుటుంబంలోకి మరో సభ్యురాలు వచ్చిందంటూ రాహుల్‌ చెబుతున్నారు. జాక్‌ రస్సెల్‌ టెర్రియర్‌ జాతికి చెందిన ఈ ఆడకుక్క పిల్లను రాహుల్‌ గోవా నుంచి ప్రత్యేకంగా తీసుకువచ్చారు.

ఢిల్లీ:చంద్రయాన్ 3 విజయంపై ఇస్రో చీఫ్ సోమనాథ్‌ పట్ల ప్రశంసల వెల్లువ కురుస్తున్న విషయం తెలిసిందే. ఇదే క్రమంలో సోమనాథ్‌కు ఓ చిన్నారి నుంచి అరుదైన బహుమతి అందింది. జాబిల్లిపై వాలిన విక్రమ్ ల్యాండర్ నమూనాను చేతితో తయారు చేసిన పిల్లాడు.. దానిని ఇస్రో చీఫ్ సోమనాథ్‌కు బహుకరించాడు. ఈ విషయాన్ని ఇస్రో శాస్త్రవేత్త పీవీ వెంకటకృష్ణన్ తన ట్విట్టర్ (ఎక్స్‌)  వేదికగా షేర్ చేశారు.  ఈ వీడియో నెట్టింట వైరల్‌గా మారింది. నెటిజన్లు తెగ కామెంట్లు చేశారు. చంద్రయాన్ 3 విజయంతో దేశంలో వచ్చే తరాలకు ఎంతో ప్రోత్సాహం అందించారని సోమనాథ్‌ను కొనియాడారు. ఆ బాలున‍్ని ఆసక్తిని మెచ్చుకున్నారు. భవిష్యత్‌లో ఎందరో పిల్లలు శాస్త్రవేత్తగా ఎదగాలనుకుంటారు. బాలునికి శుభాకాంక్షలు అని తెలిపారు.  ISRO Chief Sri Somanath today had a surprise visitor,A young neighbour boy has handed over own made Vikram Lander model to the ISRO chief on behalf of all the neighbours. pic.twitter.com/BcyHYO0pDW — Dr. P V Venkitakrishnan (@DrPVVenkitakri1) September 2, 2023 చంద్రయాన్ 3 ప్రాజెక్టులో భాగంగా ఆగష్టు 23న విక్రమ్ ల్యాండర్ చంద్రునిపై ల్యాండ్ అయింది. చంద్రుని దక్షిణ ధ్రువంపై ల్యాండ్ అయిన మొదటి దేశంగా భారత్ నిలిచింది. దీంతో ప్రపంచవ్యాప్తంగా ఇస్రోకు ప్రశంసల వెల్లువెత్తుతున్నాయి. ఇటీవల ఇస్రో చీఫ్ సోమనాథ్ విమానంలోకి ఎక్కగానే.. ఫ‍్లైట్‌లో ప్రయాణికులందరూ ఆయన్ని అభినందించిన  విషయం తెలిసిందే.  చంద్రయాన్ 3తో పాటు సెప‍్టెంబర్ 2న ఇస్రో ఆదిత్య ఎల్‌1ను కూడా ప్రయోగించింది. సూర్యూనిపై పరిశోధనలు జరపడానికి ఈ మిషన్‌ను ప్రయోగించిన విషయం తెలిసిందే. 125 రోజుల పాటు ప్రయాణం చేసి సూర్యుని గుట్టు విప్పే పనిలో ఆదిత్య ఎల్‌ 1 నిమగ్నమవనుంది.  ఇదీ చదవండి: Chandrayaan-3: స్లీప్‌ మోడ్‌లోకి ప్రజ్ఞాన్‌..

సాక్షి, ముంబై:  బాలీవుడ్‌ నటి నేహా ధూపియా, అంగద్ బేడీల మెహర్‌ కూతురు ఈ రోజుతో మూడేళ్లు పూర్తి చేసుకుంది. ఈ సందర్భంగా నేహా ధూపియా తన కుమార్తె మెహర్‌కోసం ఒక అద్భుతమైన పోస్ట్‌ పెట్టింది. సోషల్‌ మీడియాలో యాక్టివ్‌గా ఉండే నేహా మెహర్‌కు స్పెషల్‌గా  శుభాకాంక్షలు తెలిపింది. (Nayanthara Birthday Special: డేరింగ్‌ అండ్‌ డాషింగ్‌ నయన్‌ ‘తార’) రెండవ బిడ్డ కడుపులో ఉండగా నేహా ధూపియా మెహర్‌తో కలిసివున్న తన ప్రసూతి ఫోటోషూట్  ఫోటోను పోస్ట్ చేస్తూ ఇలా  తెలిపింది,  " మూడేళ్ల క్రితం ఇదే రోజు ఉదయం 11.25 గంటలకు... నా శరీరానికి ఆవల నా గుండె కొట్టుకోవడం ప్రారంభించింది. నా బంగారు తల్లీ నీకు పుట్టిన రోజు శుభాకాంక్షలు. ప్రేమ అంటే ఏమిటో నువ్వేగా  మాకు నేర్పించావు.  నువ్వొక అద్భుతానికి.. ఎప్పుడూ లేనిది, మాటలు రావడం లేదు అమ్మకు’’ . కాగా నేహా ధూపియా, అంగద్ బేడీ దంపతులకు 2018లో నవంబర్ 18న  మెహర్‌ పుట్టింది. అలాగే ఈ ఏడాది అక్టోబర్ 3న తమ రెండవ బిడ్డకు జన్మనిచ్చిన సంగతి  తెలిసిందే. నేహూ భర్త అంగద్ బేడి , పిల్లల  చిత్రాలను సోషల్ మీడియాలో తరచుగా పోస్ట్ చేస్తూనే ఉంటుంది. తన కంటే 2 సంవత్సరాలు చిన్నవాడు, నటుడు అంగద్ బేడిని నేహా 2018లో వివాహం చేసుకున్న సంగతి తెలిసిందే. View this post on Instagram A post shared by Neha Dhupia (@nehadhupia)

సిద్దిపేట: రుతుపవనాలు వచ్చేస్తున్నాయి. నల్లని మేఘాలు ఆకాశాన్ని కమ్మేస్తున్నాయి. నేలంతా పచ్చదనం పరుచుకునేందుకు సిద్ధమవుతోంది. ఇదే సమయంలో అటు నలుపు, ఇటు పచ్చదనం మధ్యన ఎర్రెర్రాని పువ్వులతో సరికొత్తగా సింగారించుకుంది సిద్దిపేట పట్టణం.  వేములవాడ కమాన్‌రోడ్‌, రామగుండం హైవేలో ఈ ప్రకృతి అందాలు కనువిందు చేస్తున్నాయి.   ఫోటోలు : కే సతీష్‌, స్టాఫ్‌ ఫోటోగ్రాఫర్‌, సిద్దిపేట

అ‍ల్లు అర్జున్‌ ఏమాత్రం సమయం దొరికినా కుటుంబంతో గడపడానికి ఎక్కువ ఇష్టపడుతుంటారన్న విషయం తెలిసిందే. పుట్టినరోజు, పెళ్లిరోజు ఇలా ఏ అకేషన్‌ వచ్చినా షూటింగ్‌కు బ్రేక్‌ ఇచ్చి మరీ కుటుంబంతోనే సరదాగా గడుపుతుంటారు. ఇక ప్రస్తుతం కరోనా సెకండ్‌ వేవ్‌ నేపథ్యంలో తెలంగాణలో లాక్‌డౌన్‌ అమలు చేస్తున్న సంగతి తెలిసిందే. దీంతో షూటింగులకు కూడా బ్రేక్‌ పడినట్లయ్యింది. ఈ సమయాన్ని అల్లు అర్జున్‌ పూర్తిగా కుటుంబానికే కేటాయించారు. బుధవారం పిల్లలు అయాన్‌, అర్హలతో అ‍ల్లు అర్జున్‌​ సరదాగా ముచ్చటిస్తున్న వీడియోను స్నేహ రెడ్డి తన ఫోన్‌లో బంధించింది. ఆకాశంలోకి చూస్తూ బన్నీ పిల్లలకు ఏదో వివరిస్తున్నట్లు ఇందులో కనిపిస్తోంది. ఇక ఈ వీడియోకు స్నేహ సోషల్‌ మీడియాలో పోస్ట్‌ చేసిన కొద్ది గంటల్లోనే వైరల్‌గా మారింది. ఇదిలా వుంటే ఐకాన్‌ స్టార్‌ బన్నీ ప్రస్తుతం సుకుమార్‌ దర్వకత్వంలో పుష్ప అనే పాన్‌ ఇండియా సినిమా చేస్తోన్న సంగతి తెలిసిందే.  సినిమాలో అల్లుఅర్జున్ లారీ డ్రైవ‌ర్‌గా క‌నిపించ‌నుండ‌గా, ఆయ‌న‌కు జోడీగా ర‌ష్మిక మంద‌న్నా న‌టిస్తోంది. మైత్రి మూవీ మేకర్స్ భారీ బడ్జెట్‌తో ప్రతిష్టాత్మకంగా ఈ చిత్రాన్ని నిర్మిస్తుండగా,దేవీ శ్రీ ప్రసాద్‌ సంగీతం అందిస్తున్నాడు.  View this post on Instagram A post shared by Allu Sneha Reddy (@allusnehareddy) చదవండి : బాలీవుడ్‌ ఎంట్రీకి రెడీ అవుతున్న అల్లు అర్జున్‌ బన్నీకి నెగెటివ్‌.. పిల్లలతో కలిసి ఎమోషనల్‌ వీడియో

అమ్మ చేతి వంట కాదనేవారు సృష్టిలోనే ఎవరూ ఉండరు. కానీ అమ్మను మించిన ప్రేమను పోపేసి మమకారాన్ని మిక్స్‌ చేసి గారాబంగా గోరుముద్దలు పెట్టాడో చిన్నోడు. ప్రస్తుతం వైరల్‌ అవుతున్న ఈ వీడియో నెటిజన్ల మనసు దోచుకుంది. ఓ బుడతడి చెల్లి ఆకలి అవుతోందంటూ అన్నయ్యకు చెప్పింది. ఇది విన్న పిల్లవాడు తినడానికి ఏదైనా షాపులో నుంచి కొనుక్కొద్దామనుకోలేదు. అలా అని తన తల్లి దగ్గరకో ఇంటి సభ్యుల దగ్గరకో పరిగెత్తలేదు. ఎవరికోసమో ఎందుకు ఎదురుచూడటం అని భావించి తన గారాల చిట్టి చెల్లి ఆకలితో అలమటించడం ఇష్టం లేక నలభీముడి అవతారం ఎత్తాడు. అమ్మ కొంగు పట్టుకుని ఎన్నిసార్లు వంటగదిలో తిరగలేదు అనుకున్నాడో ఏమో చెల్లి ఆకలి తీర్చడానికి గరిట పట్టుకుని వంట చేయడానికి రెడీ అయ్యాడు. అనుకున్నదే తడవుగా సామాను ముందేసుకున్నాడు. చిన్ని చిన్ని చేతులతోనే ఇండోనేషియన్‌ ఫ్రైడ్‌ రైస్‌ వంటకాన్ని సిద్ధం చేశాడు. ఎంతో కష్టపడి అంతకు మించి ఇష్టపడి చేసిన వంటకాన్ని ఆకలితో దీనంగా చూస్తున్న చెల్లికి గోరుముద్దలు పెట్టి మరీ తినిపించాడు. ఇక ఈ అన్నాచెల్లెలి అనుబంధాన్ని చూసిన ఎవరైనా సంతోషంతో చిరునవ్వులు చిందించకుండా ఉండలేరు.


 భారత క్రికెట్ వీరుడు మహేంద్రసింగ్ ధోనీ క్రికెట్ లో బిజిబిజీగా ఉన్నా.. ఆయన భార్య సాక్షి సింగ్ మాత్రం.. తమ ముద్దుల కూతురు, చిట్టి పొట్టి అందాల చిన్నారి జివాతో పూర్తి సమయాన్ని గడుపుతూ మాతృత్వాన్ని ఆస్వాదిస్తుందన్న విషయం తెలిసిందే. . అదే నేపథ్యంలో  అభిమానులకోసం సాక్షీ... జివా ఫోటోలను ఎన్నోసార్లు షేర్ చేశారు. ఇప్పుడు తాజాగా థోనీ... తన ముద్దుల కూతురు జివాతో ఆటపాటల్లో మునిగిపోయిన అద్భుత క్షణాల వీడియోను సాక్షీ సోషల్ మీడియాలో పోస్ట్ చేశారు. జివా మాటల మూటలతో కూడిన వీడియో ఇప్పుడు అందర్నీ కట్టి పడేస్తోంది.
 
 అమ్మలాలన, నాన్నపానలో అత్యంత గారాలను ఒలకబోస్తూ... చిలకపలుకులు పలుకుతున్న జివా వీడియో సోషల్ మీడియాలో ఆకర్షణగా మారింది. భారత క్రికెట్ ఆటగాడు మహేంద్రసింగ్ థోనీ..అభిమానులకోసం తమ చిట్టితల్లి చిత్రాలను ఎప్పటికప్పుడు పోస్ట్ చేసే సాక్షీ థోనీ.. ఇటీవల చిన్నారి జివా తండ్రితో ఆడుతున్న ఓ వీడియోను పోస్ట్ చేసింది.  ఇప్పుడు ఆ వీడియో  అభిమానులను అమితంగా ఆకట్టుకుంటోంది. లిటిల్ గాల్.. జివా.. వచ్చీ రాని మాటలతో నాన్న.. అమ్మలను.. తనదైన రీతిలో పేరుపెట్టి పిలుస్తుంటే... ఆ దంపతులు మురిసిపోవడం వీడియోలో అభిమానులను అత్యంత ఆకర్షిస్తోంది.
 
 పిల్లలు పక్కన ఉంటే ప్రపంచాన్ని మర్చిపోవచ్చన్న విషయం జివా వీడియోను చూస్తే అర్థమౌతుంది. చిన్నారుల కళ్ళలో చూస్తూ, వారికి వచ్చీరాని మాటలను వింటూ ఎంతకాలమైనా గడిపేయచ్చనిపిస్తుంది. దేశానికి రాజైనా తల్లికి కొడుకే అన్నట్లుగా .. ఎంత సెలబ్రిటీలయినా చిన్నారుల విషయానికి వస్తే అంతేమరి...