కొత్త మెరుపుతో సమీరా రెడ్డి మెరిసిపోయారు. ఆ మెరుపు చూసి సమీరా భర్త అక్షయ్‌ వార్దే మనసు మురిసింది. ఇద్దరి ఆనందానికి సాక్షిగా కుమారుడు హన్స్‌ మెరిశాడు. ఇప్పుడు సమీరా రెండో బిడ్డకు జన్మనివ్వనున్నారు. గురువారం ఆమె  శీమంతం జరిగింది. ‘‘మనం నవ్వితే మనతో పాటు ఈ సమస్తం కూడా నవ్వుతుంది. ఆరోగ్యకరమైన నవ్వు, మానసికంగా ఆనందంగా ఉంటే అదే జీవితకాలపు సంతోషం. కాంచిపురం చీర కట్టుకోగానే నాకే నేను స్పెషల్‌గా కనిపిస్తున్నాను’’ అంటూ ఇక్కడున్న ఫొటోలను షేర్‌ చేశారు. ‘జై చిరంజీవ, నరసింహుడు, అశోక్‌’ సినిమాలతో అలరించిన సమీరా రెడ్డి 2014లో అక్షయ్‌ను వివాహం చేసుకొని సినిమాలకు దూరంగా ఉన్నారు. 2015లో వీరికి కుమారుడు పుట్టారు. ఇప్పుడు రెండో బేబీ రాక కోసం ఆనందంగా ఎదురు చూస్తున్నారు.

‘‘సినిమా స్టార్స్‌ చాలా స్పెషల్‌. వారి లైఫ్‌స్టైల్‌ చాలా డిఫరెంట్‌గా ఉంటుందని ప్రేక్షకులు అనుకుంటుంటారు. అలా ఉండటానికి మాకు (యాక్టర్స్‌కు) చాలా ప్రెషర్‌ ఉంటుంది. యాక్టర్‌గా నేను కూడా స్పెషల్‌గా ఉండటానికే ప్రయత్నించాను. కానీ ప్రెగ్నెన్సీ నా ఆలోచనా ధోరణిని మార్చేసింది’’ అంటున్నారు సమీరా రెడ్డి. 2014లో బిజినెస్‌మేన్‌ అక్షయ్‌ వార్దేను వివాహం చేసుకుని సినిమాలకు ఫుల్‌స్టాప్‌ పెట్టారామె. 2015లో ఓ బాబుకు జన్మనిచ్చారు. ప్రస్తుతం రెండోసారి ప్రెగ్నెంట్‌గా ఉన్నారు. యాక్టర్‌ నుంచి మదర్‌గా మారడం, ప్రెగ్నెన్సీ గురించి సమీర మాట్లాడుతూ – ‘‘పెళ్లి అయిన కొన్ని నెలలకే ప్రెగ్నెంట్‌ అయ్యాను. డెలివరీ అయ్యాక సినిమాల్లోకి వెళ్లాలనుకున్నాను.  కానీ  వ్యతిరేకంగా జరిగింది. గర్భవతిగా కొన్ని నెలలు మంచం మీదే ఉండాల్సి వచ్చింది. అవార్డ్‌ ఫంక్షన్స్, గ్లామర్‌ లైఫ్‌ స్టైల్‌ని సునాయాసంగా హ్యాండిల్‌ చేసిన మనం ఈ ప్రెగ్నెన్సీ హ్యాండిల్‌ చేయలేకపోతున్నామా? అనే ఆలోచనలతో మానసికంగా కుంగిపోయాను. డెలివరీ అయ్యాక 102 కిలోల బరువున్నాను. నన్ను నేనే గుర్తుపట్టలేనంతగా మారిపోయాను. ఆ టైమ్‌లో బయటకు వస్తే ‘సమీరా అలా మారిపోయిందేంటి?’ అనే మాటలకు బాగా డిస్ట్రబ్‌ అయిపోయాను. థెరపీ ద్వారా నార్మల్‌ అవ్వగలిగాను. ప్రతీసారి గ్లామరస్‌గా ఉండలేమని తెలుసుకున్నా’’ అన్నారు.

‘నరసింహుడు, జై చిరంజీవ, అశోక్‌’ సినిమాలతో తెలుగులో పాపులర్‌ అయ్యారు బాలీవుడ్‌ భామ సమీరా రెడ్డి. చివరిగా 2012లో ‘కృష్ణం వందే జగద్గురమ్‌’ చిత్రంలో స్పెషల్‌ సాంగ్‌లో కనిపించారామె. 2014లో బిజినెస్‌మ్యాన్‌ అక్షయ్‌ వార్దేను వివాహం చేసుకొని సినిమాలకు దూరంగా ఉంటున్నారు. 2015లో ఓ బాబుకి జన్మనిచ్చారు సమీరా రెడ్డి. పేరు హన్స్‌ వార్దే జన్మించారు. ప్రస్తుతం రెండో బిడ్డకు జన్మనివ్వబోతున్నారు. తన సోషల్‌ మీడియాలో ఎప్పటికప్పుడు ఫొటోలను షేర్‌ చేస్తూ, సరదా క్యాప్షన్స్‌ ఇస్తుంటారు సమీరా. ‘‘దయగల హృదయం, ధైర్యం కలిగించే స్ఫూర్తి, వ్యూహాత్మక మెదడు ఉండాలంటూ నా బేబీకి మేసేజ్‌ పంపుతున్నాను’’ అని ఈ ఫొటోకు క్యాప్షన్‌ చేశారు. మరో ఫొటోకు ‘సగం దూరం వచ్చేశాం. కొన్ని రోజుల్లో మనం కలుసుకోబోతున్నాం’ అని పుట్టబోయే బిడ్డను ఉద్దేశిస్తూ పేర్కొన్నారు.


 పసిపిల్లల కువా.. కువా.. శబ్దం వింటే ఎవరికైనా సరే ఒళ్లంతా పులకరించిపోతుంది. ఇక, కడుపున పుట్టిన బిడ్డ కువకువలైతే ఇంకా పసందుగా ఉంటాయి. ప్రస్తుతం సమీరారెడ్డి అలాంటి అనుభూతినే ఆస్వాదిస్తున్నారు.
  
  ఈ సోమవారం పండంటి మగబిడ్డకు జన్మనిచ్చారామె. తల్లీ, బిడ్డా క్షేమంగా ఉన్నారు. వ్యాపారవేత్త అక్షయ్ వార్దేను గత ఏడాది ఆమె పెళ్లాడిన విషయం తెలిసిందే.
  
  పెళ్లి చేసుకున్నాక సినిమాలకు సమీర దూరంగా ఉంటూ వచ్చారు. ఇప్పుడు తల్లి కూడా అయ్యారు కాబట్టి, ఇక సినిమాల గురించి ఇప్పట్లో ఆలోచించరనే చెప్పాలి.
  


 దక్షిణ, ఉత్తరాది భాషల్లో కథానాయికగా పలు చిత్రాల్లో నటించిన సమీరారెడ్డి ఈ ఏడాది జనవరిలో అక్షయ్ వార్దేను వివాహం చేసుకున్న విషయం తెలిసిందే. అక్షయ్ పెద్ద వ్యాపారవేత్త. ఈ ఇద్దరిదీ ప్రేమ వివాహం. పెళ్లి తర్వాత సినిమాలకు దూరంగా ఉంటున్న సమీర వైవాహిక జీవితాన్ని సంపూర్ణంగా ఆస్వాదిస్తున్నారు. ప్రస్తుతం ఆమె గర్భవతి అనే వార్త ప్రచారంలో ఉంది. ఈ వార్తలకు స్పందిస్తూ.. ‘‘అవును.. నేను తల్లిని కాబోతున్న మాట నిజమే.
 
 వచ్చే ఏడాది మే ప్రథమార్ధంలో డెలివరీ డేట్ ఇచ్చారు. మా కుటుంబంలోకి రాబోతున్న బేబీ కోసం నేను, అక్షయ్ ఆశగా ఎదురు చూస్తున్నాం. తల్లి కాబోయే అమ్మాయి ఎన్ని జాగ్రత్తలు తీసుకోవాలో అన్నీ తీసుకుంటున్నా’’ అని సమీర పేర్కొన్నారు. అక్షయ్‌తో తన ప్రేమాయణం మొదలైన సంఘటనను గుర్తు చేసుకుంటూ ‘‘నాకు మోటార్ బైక్స్ అంటే ఇష్టం. అక్షయ్ చేస్తున్నది మోటార్ బైక్స్ వ్యాపారమే. ఒకసారి నేను మోటార్ బైక్ నడపడం చూసి, ఇంప్రెస్ అయ్యాడు. అప్పుడే మా పరిచయం ఏర్పడింది. అది ప్రేమగా మారింది. సినీ రంగానికి సంబంధం లేని వ్యక్తిని పెళ్లి చేసుకోవాలనే నా కల నేరవేరింది’’ అని సమీర చెప్పారు.


 అంత హడావుడిగా పెళ్లెందుకు చేసుకోవలసి వచ్చిం దంటే అన్న ప్రశ్నకు నటి సమీరారెడ్డి బదులిచ్చారు. తమిళంలో వారణం ఆయిరం, నడునిశి నాయగన వెడి, వేట్టై చిత్రాల్లో నటించిన ఈ బెంగళూరు బ్యూటీ ఇంతకుముందు టాలీవుడ్‌లో నరసింహ, అశోక్ తదితర చిత్రాల్లో నటించారు. ఈ ముద్దుగుమ్మ ఇటీవల మోటార్‌బైక్ వ్యాపారవేత్త అక్షయ్ వర్దేవ్‌ను వివాహమాడారు. వీరి వివాహం ఎలాంటి హంగు ఆర్భాటాలు లేకుండా సింపుల్‌గా జరిగింది. సినీ ప్రముఖులెవరూ హాజరు కాలేదు. దీనిపై సమీరారెడ్డి వివరణ ఇచ్చారు. నిజానికి తాము ఏప్రిల్‌లో పెళ్లి చేసుకోవాలనుకున్నామన్నారు. 
  
  అయితే తన చెల్లెలు మేగ్నా అక్షయ్ విదేశాల నుంచి వచ్చారు. వారిప్పుడు వెళ్లిపోతే ఏప్రిల్‌లో మళ్లీ రాలేమని చెప్పారు. దీంతో వాళ్లు ఉండగానే మేము వివాహం చేసుకోవాలని నిర్ణయించుకున్నట్లు తెలిపారు.  వారి కోసమే ఇంత హడావుడిగా ఈ నెల 21నే వివాహం చేసుకున్నట్లు చెప్పారు. తాను సినిమా రంగంలో 11 ఏళ్లు కొనసాగానన్నారు. చాలా రకాల మేకప్‌లు వేసుకున్నానని అందువలనే తన పెళ్లిలో నిరాడంబరంగా ఉండాలని ఎలాంటి మెరుగులు దిద్దుకోకుండా చీర ధరించి పెళ్లి పీట లెక్కానన్నారు. తమ హనీమూన్ మార్చిలో ఉంటుందని తెలిపారు. అదే విధంగా హనీమూన్ స్పాట్‌కు మోటార్ బైక్‌పైనే వెళ్లాలని నిర్ణయించుకున్నట్లు సమీరారెడ్డి చెప్పారు. 
  


 కథానాయిక సమీరారెడ్డి వివాహం మంగళవారం సాయంత్రం ముంబైలోని బాంద్రాలో అతి గోప్యంగా జరిగింది. మోటార్ బైక్స్ తయారుచేసే వ్యాపారాన్ని నిర్వహిస్తున్న అక్షయ్ వర్ధేతో సమీరారెడ్డికి గత రెండేళ్లుగా ప్రేమ వ్యవహారం సాగుతోంది. ఈ నేపథ్యంలో ఈ ప్రేమ జంట పెళ్లితో ఒక్కటయ్యారు. చాలా తక్కువమంది బంధుమిత్రుల సమక్షంలో వీరి వివాహం నిరాడంబరంగా జరిగింది. నిజానికి ఫిబ్రవరిలో ఈ వేడుక జరగాలి. కానీ ఒక నెల ముందే ఈ పెళ్లి తంతును ముగించడం గమనార్హం! 
  


 
 దక్షిణాదితోపాటు బాలీవుడ్ సినీ ప్రేక్షకులను తన అభినయంతో ఆలరించిన సమీరా రెడ్డి వైవాహిక జీవితంలోకి అడుగుపెట్టనుంది. తన వివాహారాన్ని మీడియాకు తెలియకుండా చాలా సీక్రెట్ జాగ్రత్త పడింది. ముంబైలోని బాంద్రాలో ఈ సాయంత్రం (జనవరి 21) వ్యాపారవేత్త అక్షయ్ వర్దేను వివాహమాడనున్నారు. మోటార్ బైక్స్ తయారు చేసే వ్యాపారాన్ని నిర్వహించే అక్షయ్ వర్దే తో సమీరా డేటింగ్ చేస్తోంది. సమీరా, అక్షయ్ ల నిశ్చితార్ధం డిసెంబర్ లో జరిగింది. 
 
  
 
 వర్దేంచి పేరుతో అక్షయ్ తయారు చేసే మోటార్ బైక్స్ ను సమీరా ఇష్టంగా వినియోగించేది.   ఈ వీరిద్దరరి మధ్య ప్రేమ పుట్టడానికి మోటార్ బైక్ కారణమని సమీరా స్నేహితురాలు తెలిపింది. 
 
  
 
 ప్రైవేట్ వ్యవహారంగా జరిగే ఈ వివాహ కార్యక్రమానికి కేవలం సన్నిహితులు, బంధువులు హాజరుకానున్నారు. ఈవివాహం కార్యక్రమాన్ని అధికారిక ప్రకటించకపోవడంతో వివరాలను సేకరించడానికి సమీరా అందుబాటులోకి రాలేదు. అయితే సమీరా వివాహ వార్తను తల్లి నక్షత్రరెడ్డి ధృవీకరించారు. కాని పూర్తి వివరాలను వెల్లడించడానికి నిరాకరించారు.  సమీరా, అక్షయ్ పెళ్లి దుస్తులను ప్రముఖ ఫ్యాషన్ డిజైనర్ నీతా లూలా డిజైన్ చేశారు. 
 
  


 కథానాయికలకు పెళ్లయితే... అమితంగా బాధపడేది అభిమానులే. కానీ తప్పదు... ఒక్కొక్కప్పుడు గుండె దిటవు చేసుకోవాలి. ‘పక్కనే సమీరారెడ్డి ఫొటో పెట్టి ఏంటీ వేళాకోళం?’ అనుకుంటున్నారా! వేళాకోళం కాదు. నిజమే... ‘సై అంద్రి నానూ... సై అంటిరా..’ అంటూ కన్నడ భాషతో కన్నుగీటిన సమీరారెడ్డి... పెళ్లిపీటలుఎక్కనున్నారు. ప్రముఖ వ్యాపారవేత్త అక్షయ్ వార్దేతో ఆమె నిశ్చితార్థం ఈ నెల 14న రహస్యంగా జరిగింది. అదేరోజు సమీరా పుట్టినరోజు కూడా కావడం విశేషం. గత కొంతకాలంగా సమీరా, అక్షయ్ ప్రేమలో ఉన్నారు.  వచ్చే ఏడాది వీరి వివాహం ఘనంగా జరగనుందని సమాచారం. సమీరారెడ్డి తెలుగుమ్మాయి, పక్కా హైదరాబాదీ అని తెలిసిందే. నరసింహుడు, అశోక్, జై చిరంజీవ, కృష్ణంవందేజగద్గురుమ్ చిత్రాలతో ఇక్కడి ప్రేక్షకులకు మరింత చేరువయ్యారు. తమిళంలో కూడా చెప్పుకోదగ్గ చిత్రాల్లో నటించారామె.