న్యూయార్క్‌: సముద్రాల నీటి మట్టం పెరగడానికి ముఖ్యకారణమైన అంటార్కిటిక్‌ ఖండంలోని త్వైట్స్‌ అనే మంచు కొండకు సంబంధించిన చిత్రాలను శాస్త్రవేత్తలు తొలిసారి బంధించారు. అమెరికాలోని జార్జియా ఇన్‌స్టిట్యూట్‌ ఆఫ్‌ టెక్నాలజీ పరిశోధకులు రోబోటిక్‌ సబ్‌మెరైన్‌ సాయంతో చిత్రాలను తీశారు. వీటి సాయంతో త్వైట్స్‌ కదలికలను క్షుణ్నంగా పరిశీలించే అవకాశం లభించనుంది. త్వైట్స్‌ కారణంగా భూమిపై సముద్రాల నీటి మట్టం 4 శాతం మేర పెరుగుతుంది. దీని కదలికల్లో చోటుచేసుకునే చిన్న పరిణామాల వల్ల కూడా సముద్ర నీటి మట్టాలు 25 అంగుళాల మేర పెరిగే అవకాశం ఉంది. గత 30 ఏళ్లలో త్వైట్స్‌ నుంచి సముద్రాల్లోకి ప్రవహించే మంచు శాతం రెట్టింపైనట్టు పరిశోధకులు వెల్లడించారు. ఇప్పటికే సముద్రాల్లోకి చేరుతున్న గ్రీన్‌ల్యాండ్‌లోని మంచు అత్యంత ప్రమాదకర స్థాయిల్లోకి వెళ్లిందని, తాజాగా అంటార్కిటికాలోని మంచు కూడా ఇప్పుడిప్పుడే సముద్రాల్లోకి చేరుతోందని తెలిపారు. భూమిపై అతిపెద్ద మంచు పలకం అయిన దీని వల్ల రానున్న వందేళ్లలో సముద్రాల నీటి మట్టాలు పెరగడానికి ప్రధాన కారణమయ్యే అవకాశం ఉందని హెచ్చరించారు.


 వాషింగ్టన్‌: గ్లోబల్‌ వార్మింగ్‌ ప్రభావమో ఏమోకానీ ఇరు ధ్రువాల వద్ద మంచు రికార్డు స్థాయిలో మంచు కరుగుతోంది. అర్కిటిక్‌ వద్ద ఈ ఏడాది చలికాలంలో మంచు రికార్డుస్థాయిలో తక్కువస్థాయిలో ఉండగా, ఇక అంటార్కిటిక్‌ ధ్రువం వద్ద కూడా అదే పరిస్థితి నెలకొంది. ఈ విషయాన్ని శాస్త్రవేత్తలు వెల్లడించారు. 1979 నుంచి ఉపగ్రహాలు ఈ రెండు ధ్రువాల వద్ద సముద్రహిమస్థాయిని నిరంతరాయంగా అంచనా వేస్తుండగా ఈ ఏడాది అత్యంత తక్కువగా ఉన్నట్టు తేలింది.
 ప్రస్తుతం 16.21 కి.మీ విస్తీర్ణంలో ధ్రువాల వద్ద సముద్రహిమం వ్యాపించి ఉంది. 1981–2010 మధ్యకాలం నాటితో పోలిస్తే ఇది రెండు మిలియన్‌ చదరపు కి.మీ కంటే ఇది తక్కువ. సముద్రహిమం మెక్సికో కంటే పెద్దదైన సముద్రహిమభాగం కరిగిపోయినట్టు తేలిందని శాస్త్రవేత్తలు చెబుతున్నారు. గ్లోబల్‌ వార్మింగ్‌... అంటార్కిటికా ధ్రువాన్ని సైతం కబళించివేస్తోందని నాసాకు చెందిన వాల్ట్‌ మీయర్‌ పేర్కొన్నారు. మార్చి రెండో వారం నుంచి సెప్టెంబర్‌ రెండోవా రం మధ్యకాలంలో ఆర్కిటిక్‌ సముద్రంతోపాటు దానికి సమీపంలోని సముద్రాలపై ప్రవహించే హిమం మరింత కిందికిదిగిపోతూ ఉంటుంది.