విశాల్‌ హీరోగా  తమిళంలో రూపొందిన చిత్రం 'అయోగ్య'. తెలుగులో అదే టైటిల్‌తో విడుదల కానుంది. ఏ.ఆర్‌.మురుగదాస్‌ శిష్యుడు వెంకట్‌ మోహన్‌ ఈ చిత్రానికి దర్శకత్వం వహించారు. విశాల్‌ సరసన రాశీఖన్నా కథానాయికగా నటించింది. 'ఠాగూర్‌' మధు తొలిసారి తమిళంలో నిర్మించిన ఈ చిత్రం తెలుగు హక్కుల్ని  సార్థక్‌ మూవీస్‌ అధినేత ప్రశాంత్‌ గౌడ్‌ సొంతం చేసుకున్నారు. ప్రస్తుతం అనువాద కార్యక్రమాలు పూర్తయ్యాయి. ఈనెల 27న సినిమాని తెలుగు రాష్ట్రాల్లో అత్యంత క్రేజీగా రిలీజ్‌ చేయనున్నారు. ఈ సందర్భంగా నిర్మాత ప్రశాంత్‌ గౌడ్‌ మాట్లాడుతూ.. 'అయోగ్య' తమిళంలో ఘనవిజయం సాధించింది. అక్కడా బాక్సాఫీస్‌ వద్ద చక్కని వసూళ్లను రాబట్టింది. తమిళ క్రిటిక్స్‌ సైతం ఈ చిత్రానికి 3.5 రేటింగులు ఇచ్చి ప్రశంసలు కురిపించారు. విశాల్‌ ఎనర్జీ లెవల్‌ని పదింతలు చూపించిన సినిమా ఇది. అలాగే ఈ సినిమాలో క్లైమాక్స్‌ సినిమాకే హైలైట్‌. తమిళనాడులో జరిగిన ఓ యథార్థ ఘటన ఆధారంగా పతాక సన్నివేశాల్ని దర్శకుడు తీర్చిదిద్దారు. తమిళంలో హిట్టయిన ఈ చిత్రాన్ని తెలుగులో  మా సార్థక్‌ మూవీస్‌ ద్వారా రిలీజ్‌ చేస్తుండడం ఆనందాన్నిస్తోంది. తెలుగులో విశాల్‌ నటించిన సినిమాలన్నీ వరుసగా విజయాలు అందుకుంటున్నాయి. ఆ కోవలోనే 'అయోగ్య' ఘనవిజయం సాధిస్తుందన్న నమ్మకం ఉంది. ఈనెల 27న ఏపీ, నైజాంలో రిలీజ్‌ చేస్తున్నామని తెలిపారు. పార్థిబన్, సంతాన భారతి, ఎం.ఎస్‌. భాస్కర్, యోగిబాబు, ఆనంద్‌ రాజ్, సోనియా అగర్వాల్‌ కీలక పాత్రలు చేసిన ఈ సినిమాకు సామ్‌ సి.ఎస్‌ సంగీతం అందించారు.

తమిళంలో విశాల్‌ హీరోగా నటించిన చిత్రం ‘అయోగ్య’. వెంకట్‌ మోహన్‌ దర్శకత్వం వహించిన ఈ సినిమాలో రాశీ ఖన్నా కథానాయికగా నటించారు. ‘ఠాగూర్‌’ మధు నిర్మించారు. తెలుగు హిట్‌ ‘టెంపర్‌’కు ‘అయోగ్య’ తమిళ రీమేక్‌. కోలీవుడ్‌లో విడుదలైన ఈ సినిమాకు మంచి స్పందన లభించిందని చిత్రబృందం పేర్కొంది. దీంతో ‘సినిమాను అదే టైటిల్‌తో నిర్మాత మల్కాపురం శివకుమార్‌ తెలుగులో విడుదల చేస్తున్నారు. ‘‘ప్రస్తుతం అనువాద కార్యక్రమాలు జరుగుతున్నాయి. జూన్‌లో సినిమాను విడుదల చేయడానికి సన్నాహాలు చేస్తున్నాం. విశాల్‌ నటన హైలైట్‌గా ఉంటుంది. తమిళ ప్రేక్షకులకు నచ్చిన ‘అయోగ్య’ చిత్రం తెలుగు ప్రేక్షకులకు కూడా నచ్చుతుందనే నమ్మకం ఉంది’’ అన్నారు నిర్మాత. పార్థిబన్, సంతాన భారతి, ఎం.ఎస్‌. భాస్కర్, యోగిబాబు, ఆనంద్‌ రాజ్, సోనియా అగర్వాల్‌ కీలక పాత్రలు చేసిన ఈ సినిమాకు సామ్‌ సి.ఎస్‌ సంగీతం అందించారు.

యంగ్ టైగర్ ఎన్టీఆర్ హీరోగా డాషింగ్ డైరెక్టర్ పూరి జగన్నాథ్‌ దర్శకత్వంలో తెరకెక్కిన సూపర్‌ హిట్ సినిమా టెంపర్‌. తరువాత ఈ సినిమాను తమిళ, హిందీ భాషల్లో రీమేక్‌ చేశారు. తమిళ్‌లో విశాల్‌ హీరోగా అయోగ్య పేరుతో ఈ సినిమాను తెరకెక్కించారు. దాదాపుగా తెలుగు సినిమాను మక్కీ కి మక్కీ దించేసినా క్లైమాక్స్‌ను మాత్రం పూర్తిగా మార్చేశారు. ఇటీవల ప్రేక్షకుల ముందుకు వచ్చిన అయోగ్య అక్కడ కూడా ఘనవిజయం సాధించింది. దీంతో ఇప్పుడు అయోగ్యను తెలుగులో డబ్‌ చేసి రిలీజ్ చేసేందుకు ప్లాన్ చేస్తున్నారు. తెలుగు సినిమాకు రీమేక్‌గా తెరకెక్కిన సినిమాను తిరిగి తెలుగులో డబ్‌ చేస్తే ప్రేక్షకులు ఏ మేరకు ఆదరిస్తారో చూడాలి. నిర్మాత మాల్కాపురం శివ కుమార్‌ అయోగ్య డబ్బింగ్‌ రైట్స్‌ తీసుకున్నారు. జూన్‌లో సినిమాను రిలీజ్ చేసేందుకు ప్లాన్ చేస్తున్నట్టుగా తెలుస్తోంది.

తెలుగు‘టెంపర్‌’ రీమేక్‌ ‘అయోగ్య’ లో విశాల్‌కు జోడీగా రాశి ఖన్నా నటించగా, ఈ చిత్రం ఇటీవలే ప్రేక్షకుల ముందుకొచ్చి మంచి టాక్‌తో దూసుకుపోతోంది. అయితే ఈ చిత్రంలో రాశీకి రవీనా అనే యువతి డబ్బింగ్‌ చెప్పారు. సినిమా క్రెడిట్స్‌లో తన పేరును చేర్చకపోవడంతో ట్విటర్‌ వేదికగా రవీనా తన బాధను వ్యక్తపరిచారు. 'అయోగ్య చిత్రం ముగిసాక వచ్చే టైటిల్స్‌లో డబ్బింగ్‌ ఆర్టిస్ట్‌లకు క్రెడిట్స్‌ ఇవ్వలేదు. అయినా షూటింగ్‌లో ఉన్న డ్రైవర్లు, పెయింటర్లు, కార్పెంటర్లు, సౌండ్‌ ఇంజినీర్లు, స్టూడియో కో-ఆర్డినేటర్‌ల పేర్లు క్రెడిట్స్‌లో పేర్కొన్నందుకు సంతోషంగా ఉంది. మా డబ్బింగ్‌ విభాగాన్ని మాత్రం చాలా సందర్భాల్లో పట్టించుకోనందుకు బాధగా ఉంది'అని రవీనా ట్వీట్‌లో పేర్కొన్నారు. I am sorry @raveena116 .. but I want to thank you for lending your beautiful voice to me and enhancing my act on screen. Lots of love to you and way to go 🤗🤗 https://t.co/SLcdMGWZeF — Raashi Khanna (@RaashiKhanna) May 16, 2019 నన్ను క్షమించు రవీనా.. కానీ, నీ మధురమైన స్వరాన్ని అందించి నా పాత్రకు మరింత అందంగా మలచినందుకు ధన్యవాదాలు. అంటూ రవీనా ట్వీట్‌కు రాశీ బదులిచ్చారు. దీనికి రవీనా ప్రతిస్పందిస్తూ.. ‘ధన్యవాదాలు రాశీ. సారీ చెప్పాల్సిన అవసరం లేదు. ఇది మీ తప్పు కాదు. మీకు డబ్బింగ్‌ చెప్పినందుకు సంతోషంగా ఉంది’ అని ట్వీట్‌ చేశారు. Thankyou so much love 🤗🙏🏻 and pls, do not apologize.. Not ur mistake at all.. thanks again n I’m glad I could work for u ❤️ https://t.co/6gsfdqlAIw — Raveena.S.R (@raveena116) May 16, 2019

యంగ్ టైగర్‌ ఎన్టీఆర్‌, డాషింగ్‌ డైరెక్టర్ పూరి జగన్నాథ్‌ దర్శకత్వంలో తెరకెక్కిన సూపర్‌ హిట్ సినిమా టెంపర్‌. ఎన్టీఆర్‌ను సరికొత్తగా ప్రజెంట్ చేసిన ఈ సినిమా ఘనవిజయం సాధించటమే కాదు తమిళ, హిందీ భాషల్లోనూ రీమేక్‌ అయ్యింది. అయితే తాజాగా ఈ సినిమాపై కాపీ ఆరోపణలు వచ్చాయి. టెంపర్‌ తమిళ రీమేక్‌లో విలన్‌గా నటించిన పార్తీబన్‌, టెంపర్‌ తన సినిమాకు కాపీ అంటూ సంచలన ఆరోపణలు చేశారు. 1993లో తాను తెరకెక్కించిన ఉల్లే వెలియే సినిమా ఆధారంగానే టెంపర్‌ కథను తయారు చేసుకున్నారని ఆరోపించారు. అయితే ప్రస్తుతం తాను కాపీ విషయంలో ఎలాంటి చర్యలు తీసుకోవటం లేదన్నారు పార్తీబన్‌. పూరి దర్శకత్వంలో రూపొందించిన టెంపర్‌ సినిమాకు వక్కంతం వంశీ కథ అందించాడు. మరి ఈ కాపీ ఆరోపణలపై వంశీ ఎలా స్పందిస్తాడో చూడాలి. తమిళ నటుడు, దర్శకుడు, నిర్మాత పార్తీబన్‌

కోలీవుడ్ స్టార్ హీరో విశాల్‌ను సమస్యలు వెంటాడుతున్నాయి. ఇప్పటికే నడిగర్‌ సంఘం వివాదాలతో ఇబ్బందుల్లో ఉన్న విశాల్‌ కు అయోగ్య సినిమా మరింత తలనొప్పులు తీసుకువచ్చింది. టాలీవుడ్ సూపర్‌ హిట్‌ మూవీ టెంపర్‌ను అయోగ్య పేరుతో కోలీవుడ్‌లో రీమేక్‌ చేశాడు. విశాల్‌ ఎంతో ఇష్టంగా చేసిన ఈ సినిమా రిలీజ్ చివరి నిమిషంలో వాయిదా పడింది. వాయిదాకు కారణాలు చిత్రయూనిట్ ప్రకటించకపోయినా ఆర్థిక సమస్యల కారణంగానే సినిమా వాయిదా పడిందన్న టాక్‌ వినిపిస్తోంది. ఈ విషయంపై సోషల్ మీడియాలో స్పందించిన విశాల్‌, ‘సినిమా రిలీజ్ కోసం తాను చేయాల్సినదంతా చేశాను. ఓ నటుడిగా చేయాల్సిన దానికంటే ఎక్కువే చేశాను. అయినా సరిపోలేదు’ అంటూ ట్వీట్ చేశారు. ఈ వివాదంపై చిత్ర నిర్మాతలు స్పందించాల్సి ఉంది. As I wait. For my hardwork called #ayogya to release. I did my best.more than an https://t.co/nThd9d438M always. I groomed my child since it came on my lap.BUT.not enuf??? #gajjnimohamed. My time will come. I continue my journey Gb pic.twitter.com/yjKHQitJ7O — Vishal (@VishalKOfficial) 9 May 2019

అటు ప్రమోషన్స్‌ ఇటు షూటింగ్స్‌తో బిజీ బిజీగా ఉంటున్నారు రాశీఖన్నా. విజయ్‌సేతుపతి, రాశీ  జంటగా ‘స్కెచ్‌’ ఫేమ్‌ విజయ్‌చందర్‌ దర్శకత్వంలో ఓ సినిమా తెరకెక్కుతున్న సంగతి తెలిసిందే. ఈ సినిమా తొలి షెడ్యూల్‌ హైదరాబాద్‌లో ముగిసింది. దీంతో విశాల్‌ ‘అయోగ్య’ (తెలుగు ‘టెంపర్‌’ తమిళ రీమేక్‌) సినిమా ప్రమోషన్స్‌ కోసం చెన్నై వెళ్లారు రాశీ. విజయ్‌ సేతుపతి సినిమా నెక్ట్స్‌ షెడ్యూల్‌ కూడా చెన్నైలో స్టార్ట్‌ కానుంది. అంటే.. కొన్ని రోజులు రాశీ అక్కడే ఉంటారా? అంటే కాదనే చెప్పాలి. ఎందుకంటే వెంకటేశ్, నాగచైతన్య హీరోలుగా కేఎస్‌. రవీంద్ర దర్శకత్వంలో ‘వెంకీమామ’ అనే సినిమా తెరకెక్కుతున్న సంగతి తెలిసిందే. ఈ సినిమా షూటింగ్‌ కోసం చెన్నై నుంచి రాశీ సూట్‌ కేస్‌ సర్దుకుని వేరే లొకేషన్‌లోకి వాలిపోవాల్సిందే. ఈ చిత్రంలో నాగచైతన్యకు జోడీగా నటిస్తున్నారు రాశీ. ఇలా గ్యాప్‌ లేకుండా వరుసగా సినిమాలు చేస్తున్నారీ బ్యూటీ.

‘బ్లాకు బస్టర్‌.. బ్లాకు బస్టరే.. నే చెయ్యేస్తే నీ లైఫు బ్లాకుబాస్టరే...’ అంటూ సాగే ఈ స్పెషల్‌ సాంగ్‌ ఎంత పాపులరో అందరికీ తెలిసిందే. ‘సరైనోడు’ సినిమాలో ఈ పాటకు అల్లు అర్జున్‌ వేసిన స్టెప్పులకు తెలుగులో ఫుల్‌ విజిల్స్‌ పడ్డాయి.  ఇప్పుడీ ట్యూన్‌ తమిళ్‌లో వినిపించనుంది. తమిళ వెర్షన్‌ ‘బ్లాక్‌బస్టర్‌..’ పాటకు విశాల్‌ డ్యాన్స్‌ చేయనున్నారు. ఎన్టీఆర్‌ సూపర్‌ హిట్‌ ‘టెంపర్‌’ చిత్రం తమిళంలో ‘అయోగ్య’ పేరుతో రీమేక్‌ అవుతోంది. ఇందులో విశాల్, రాశీఖన్నా జంటగా నటిస్తున్నారు. మురుగదాస్‌ శిష్యుడు వెంకట్‌ మోహన్‌ ఈ చిత్రానికి దర్శకుడు. ‘ఠాగూర్‌’ మధు నిర్మాత. ‘టెంపర్‌’ సినిమాలో వచ్చే ‘ఇట్టాగె రెచ్చిపోదాం పిల్లా’ పాట ప్లేస్‌లో ‘బ్లాక్‌ బస్టర్‌’ సాంగ్‌ ట్యూన్‌ను వాడుకుంటున్నారట. ఈ స్పెషల్‌ సాంగ్‌లో స్టెప్పులేయడానికి తొలుత సన్నీ లియోన్, శ్రుతీహాసన్‌ పేర్లు వినిపించాయి. లేటెస్ట్‌గా ఈ సాంగ్‌లో విశాల్‌తో శ్రద్ధాదాస్‌ కాలు కదుపుతున్నారట. ఈ స్పెషల్‌ సాంగ్‌తోనే శ్రద్ధ తమిళ ఎంట్రీ ఇవ్వనున్నారు. సమ్మర్‌లో రిలీజ్‌ కానున్న ఈ చిత్రానికి సంగీతం: శ్యామ్‌ సి యస్‌.

ఎన్టీఆర్, పూరి జగన్నాథ్‌ కాంబినేషన్‌లో తెరకెక్కిన సూపర్‌ హిట్ సినిమా టెంపర్‌. ఈ సినిమాలో విశాల్‌ హీరోగా అయోగ్య పేరుతో కోలీవుడ్‌లో రీమేక్‌ చేస్తున్నారు. ఇప్పటికే మేజర్‌ పార్ట్‌ షూటింగ్ పూర్తి చేసుకున్న ఈ సినిమాను ఏప్రిల్‌లో రిలీజ్ చేసేందుకు ప్లాన్‌ చేస్తున్నారు. ఇప్పటికే రిలీజ్ అయిన ఈ సినిమా స్టిల్స్‌ టీజర్‌కు మంచి రెస్పాన్స్‌ రావటంతో సినిమా మీద అంచనాలు భారీగా పెరిగిపోయాయి. దీంతో సినిమాకు మరింత గ్లామర్‌ యాడ్‌ చేసే పనిలో ఉన్నారు చిత్రయూనిట్‌. అల్లు అర్జున్‌ సరైనోడు సినిమాలో బ్లాక్‌ బస్టర్‌ సాంగ్‌ను అయోగ్యలో రీమిక్స్‌ చేసేందుకు ప్లాన్ చేస్తున్నారు. సరైనోడు సినిమా రీమేక్‌ రైట్స్‌ కూడా విశాల్ దగ్గరే ఉండటంతో బ్లాక్‌ బస్టర్ పాటను రీమిక్స్‌ చేయాలని నిర్ణయించుకున్నారు. ఈ పాటతో విశాల్‌ తో పాటు శ్రద్ధాదాస్ ఆడిపాడనుంది.

టాలీవుడ్‌ సూపర్‌ హిట్ సినిమా టెంపర్‌కు రీమేక్‌గా తెరకెక్కుతున్న తమిళ మూవీ అయోగ్య. విశాల్‌ హీరోగా తెరకెక్కుతున్న ఈ సినిమా టీజర్‌ రిలీజ్‌ అయ్యింది. టీజర్‌ సేమ్‌ టూ సేమ్‌ టెంపర్‌ లాగే ఉంది. లొకేషన్స్‌, విలన్‌, యాక్షన్‌ సీన్స్‌ ఇలా అన్ని టెంపర్‌నే ఫాలో అయిపోయారు. విశాల్ కథలో చాలా మార్పులు చేసినట్టుగా చెపుతున్న టీజర్‌ చూస్తే మాత్రం మార్పులు చేసినట్టుగా ఏం అనిపించటంల లేదు. యంగ్‌ టైగర్‌ ఎన్టీఆర్‌, డాషింగ్ డైరెక్టర్ పూరి జగన్నాథ్‌ కాంబినేషన్‌లో రూపొందిన సూపర్‌ హిట్ సినిమా టెంపర్‌. ఎన్టీఆర్‌లోని నటుడిని సరికొత్తగా ఆవిష్కరించిన ఈ సినిమా ఇతర భాషల్లోనూ రీమేక్‌ అయ్యింది. ఇప్పటికే సింబాగా బాలీవుడ్‌లో సత్తా చాటిన టెంపర్‌, త్వరలో  కోలీవుడ్‌లోనూ సందడి చేసేందుకు రెడీ అవుతోంది. వెంకట్‌ మోహన్‌ దర్శకత్వంలో తెరకెక్కుతున్న లైట్‌ హౌస్‌ మూవీ మేకర్స్‌ బ్యానర్‌పై తెరకెక్కుతుండగా ఈ సినిమాలో రాశీఖన్నా హీరోయిన్‌గా నటిస్తున్నారు.

యంగ్‌ టైగర్‌ ఎన్టీఆర్‌, డాషింగ్ డైరెక్టర్ పూరి జగన్నాథ్‌ కాంబినేషన్‌లో రూపొందిన సూపర్‌ హిట్ సినిమా టెంపర్‌. ఎన్టీఆర్‌లోని నటుడిని సరికొత్తగా ఆవిష్కరించిన ఈ సినిమా ఇతర భాషల్లోనూ రీమేక్‌ అయ్యింది. ఇప్పటికే సింబాగా బాలీవుడ్‌లో సత్తా చాటిన టెంపర్‌, త్వరలో  కోలీవుడ్‌లోనూ సందడి చేసేందుకు రెడీ అవుతోంది. కోలీవుడ్‌లో మంచి ఫాంలో ఉన్న విశాల్‌ ఈ రీమేక్‌లో హీరోగా నటిస్తున్నాడు. వెంకట్‌ మోహన్‌ దర్శకత్వంలో తెరకెక్కుతున్న ఈ సినిమాకు అయోగ్య అనే టైటిల్‌ను ఫిక్స్‌ చేశారు. ప్రస్తుతం నిర్మాణం జరుపుకుంటున్న ఈ సినిమా ప్రమోషన్‌ కార్యక్రమాలు ప్రారంభించారు చిత్రయూనిట్‌. ఇప్పటికే రిలీజ్‌ అయిన ఫస్ట్‌లుక్‌ పోస్టర్‌కు మంచి రెస్పాన్స్ వచ్చింది. తాజాగా సినిమా టీజర్‌ రిలీజ్‌ డేట్‌ను ప్రకటించారు చిత్రయూనిట్. ఫిబ్రవరి 6న టీజర్‌ రిలీజ్‌ అవుతుందని ప్రకటించారు. లైట్‌ హౌస్‌ మూవీ మేకర్స్‌ బ్యానర్‌పై తెరకెక్కుతున్న ఈ సినిమాలో రాశీఖన్నా హీరోయిన్‌గా నటిస్తున్నారు.