బిగ్‌బాస్ షో, తెలుగు సీరియల్ ప్రేక్షకులకు మానస్‌ని కొత్తగా పరిచయం చేయాల్సిన అవసరం లేదు. సినిమా హీరోగా కెరీర్ ప్రారంభించినప్పటికీ.. ఇప్పుడు సీరియల్స్‪‌లో నటిస్తూ ఫేమ్ తెచ్చుకున్నాడు. ఈ మధ్య పెళ్లి చేసుకున్నాడు. ఇప్పుడేమో ఏకంగా ఖరీదైన బెంజ్ కారు కొనేశాడు. ఇంతకీ ఆ కారు రేటు ఎంతంటే?  (ఇదీ చదవండి: ఓటీటీలోకి వచ్చేసిన 'మంగళవారం' సినిమా.. స్ట్రీమింగ్ అందులోనే) 'కాయ్ రాజా కాయ్', 'ప్రేమికుడు' తదితర సినిమాల్లో మానస్ హీరోగా నటించాడు. కానీ బిగ్ స్క్రీన్ పెద్దగా కలిసి రాలేదు. ఆ తర్వాత బిగ్‌బాస్ 5వ సీజన్‌లో పాల్గొని ఫినాలే వరకు వచ్చాడు కానీ విజేతగా నిలవలేకపోయాడు. అయితేనేం ఫేమ్ తెచ్చుకుని 'బ్రహ్మముడి' అనే సీరియల్‌తో బుల్లితెర హీరోగా మారిపోయాడు. నవంబరు 23న చెన్నెకి చెందిన శ్రీజ అనే అమ్మాయిని మానస్ పెళ్లి చేసుకున్నాడు. ఇప్పుడు నెల తిరిగేలోపు ఖరీదైన బెంజ్ ఎఫ్220డీ కారుని కొనుగోలు చేశాడు. ఇదే విషయాన్ని తన ఇన్ స్టాలో షేర్ చేసుకున్నాడు. అయితే ఈ కారు ఖరీదు.. దాదాపు రూ.85-90 లక్షల వరకు ఉంటుందని తెలుస్తోంది. ఏదేమైనా సరే మొన్నే పెళ్లి చేసుకుని, ఇప్పుడు కారు కూడా కొనేశాడు. అదిరిందయ్యా చంద్రం! (ఇదీ చదవండి: మెగా క్రిస్మస్ సెలబ్రేషన్స్.. ఒక్కటిగా కనిపించిన ఆ ఇద్దరు!)

యూట్యూబ్ స్టార్‌ షణ్ముఖ్‌ జస్వంత్‌ గురించి ప్రత్యేకంగా పరిచయం చేయాల్సిన పనిలేదు. డ్యాన్స్‌ వీడియోలు, వెబ్‌సిరీస్‌లతో గుర్తింపు పొందిన షణ్ముఖ్‌.. బిగ్‌బాస్‌ సీజన్‌-5లో పాల్గొని మరింత పాపులర్‌ అయ్యాడు. తనదైన ఆట తీరుతో రన్నరఫ్‌గా నిలిచి మంచి క్రేజ్‌ సొంతం చేసుకున్నాడు. అనేకమంది అభిమానులకు కూడా సంపాదించుకున్నాడు. బిగ్‌బాస్‌ ముగిశాక దీప్తి సునయనతో బ్రేకప్‌ తర్వాత కొంతకాలం సోషల్‌ మీడియాకు దూరంగా షణ్నూ ఈమధ్య తిరిగి యాక్టివ్‌ అయ్యాడు. రీసెంట్‌గా 'ఏజెంట్‌ ఆనంద్‌ సంతోష్‌' సిరీస్‌తో ఫ్యాన్స్‌ని పలకిరించాడు. తాజాగా షణ్నూ తన అభిమానులకు గుడ్‌న్యూస్‌ చెప్పాడు. దసరా పండుగ వేళ లగ్జరీ బ్రాండ్‌ బీఎండబ్ల్యూ కారును కొన్నాడు. దీనికి సంబంధించిన ఫోటోలను షణ్నూ తన ఇన్‌స్టాగ్రామ్‌లో పోస్ట్‌ చేస్తూ.. ఇదంతా డ్రీమ్‌లా ఉంది. నా ఫ్యామిలీ తర్వాత నన్ను ఈ పొజీషన్‌లో చూడాలనుకున్నది మీరే.. నాట్‌ ఫ్రెండ్స్‌ ఓన్లీ మీరే. ఐలవ్‌యూ 3000. ఇది మన కార్‌. బయట ఎప్పుడు కనిపించినా చెప్పండి. లిఫ్ట్‌ పక్కా ఇస్తా అంటూ షణ్నూ పోస్ట్‌ చేయడంతో అభిమానులు ఫుల్‌ ఖుష్‌ అవుతున్నారు. ఇక ఈ కారు ధర సుమారు రూ. 45 లక్షలట. ఇక షణ్నూ పోస్ట్‌ చూసి అభిమానులు కంగ్రాంట్స్‌ అంటూ కామెంట్స్‌ చేస్తున్నారు.  View this post on Instagram A post shared by Shanmukh Jaswanth Kandregula (@shannu_7)

బిగ్‌బాస్‌ ఫేమ్‌ పూజా మిశ్ర నటుడు, టీఎమ్‌సీ నాయకుడు శత్రుఘ్న సిన్హ, అతడి కుటుంబంపై సంచలన ఆరోపణలు చేసింది. తనపై చేతబడి చేసి స్పృహ లేని సమయంలో తన కన్యత్వాన్ని వ్యాపారం చేశారని పేర్కొంది. తాజాగా ఓ ఇంటర్వ్యూలో ఆమె మాట్లాడుతూ.. '17 ఏళ్లుగా శత్రుఘ్న సిన్హ, అతడి కుటుంబం నన్ను వేధిస్తూనే ఉంది. మా నాన్న అతడికి కోట్లాది రూపాయలు ఇచ్చి సహాయం చేస్తే తను మాత్రం నా కెరీర్‌ను నాశనం చేశాడు. నేనెక్కడ పాపులర్‌ అవుతానో అని భయపడ్డాడు. ఓసారి నేను శత్రుఘ్న సిన్హాకు బర్త్‌డే విషెస్‌ చెప్దామని వెళ్లాను. అప్పుడు అతడి భార్య పూనమ్‌ నాకు చేతబడి చేసిన పదార్థాన్ని తినిపించింది. అలా నా శరీరం నా కంట్రోల్‌లో లేని సమయంలో సెక్స్‌ స్కామ్‌లో పాల్గొనేలా చేశారు. నా కన్యత్వాన్ని అమ్మి  ఫ్యాషన్‌ డిజైనర్‌ కావాల్సిన తన కూతురు సోనాక్షి సిన్హను స్టార్‌ను చేశాడు. 2007 నుంచి 2014 వరకు నేను లోఖండ్‌వాలాలోని ఫ్యామిలీ అపార్ట్‌మెంట్‌లోనే నివసించాను. సిన్హ కుటుంబం పై పోర్షన్‌లో ఉండేవారు. నేను సింగపూర్‌కు షాపింగ్‌కు వెళ్లి తిరిగొచ్చే సమయానికి గదిలో నా వస్తువులు కనిపించకుండా పోయేవి. వాటిని ఫొటోషూట్లలో వాడుకోమని సోనాక్షి సిన్హాకు అప్పగించేవారు. కేవలం అతడి వల్లే నేనింకా పెళ్లి చేసుకోలేదు. నాకు డ్రగ్స్‌ ఇచ్చి దాన్ని అడ్వాంటేజ్‌గా తీసుకునేవాడు. నా కెరీర్‌ నాశనమైందంటే అది కేవలం శత్రుఘ్న సిన్హా వల్లే!' అని ఆరోపించింది పూజా. చదవండి: లగ్జరీ కారు కొన్న అదితి రావు హైదరీ.. ధర ఎంతంటే ? ఈ ఆరోపణలపై శత్రుఘ్న సిన్హా కుమారుడు లవ్‌ సిన్హ స్పందించాడు. ఆమెకు వృత్తిపరంగా సహాయం కావాలనుకుంటా. నా కుటుంబంపై లేనిపోని ఆరోపణలు చేస్తున్నప్పుడే ఆమె మానసిక స్థితి సరిగా లేదని అర్థమవుతోంది. సాధారణంగా ఇలాంటి చెత్త కథనాలపై స్పందించి సమయం వృథా చేసుకోను. కానీ నిజానిజాలు తెలుసుకోకుండా మా కుటుంబ గౌరవానికి భంగం కలిగించే ఇలాంటి కథనాలు రాసేవాళ్ల మీద చట్టపరంగా చర్యలు తీసుకుంటాను ట్వీట్‌ చేశాడు. ఏదేమైనా పూజా మిశ్ర ఆరోపణలు మాత్రం సోషల్‌ మీడియాలో తీవ్ర దుమారాన్ని రేపుతున్నాయి. ఎవరీ పూజా మిశ్ర పూజా మిశ్ర వీడియో జాకీ, నటి, మోడల్‌. హిందీ బిగ్‌బాస్‌ ఐదో సీజన్‌లోనూ పూజా పాల్గొంది. అమ్మ, డ్రీమ్స్‌: ద మూవీ వంటి పలు చిత్రాల్లోనూ నటించింది. That woman needs professional help. To make such accusations against my family proves that she is unstable. I normally don’t waste my time responding to such trash published on the internet but I think the irresponsible editor — Luv S Sinha (@LuvSinha) May 4, 2022 చదవండి: సమంతతో పోల్చుకున్న ఉర్ఫీ, ఇదెక్కడి న్యాయం అంటూ ఆగ్రహం

Tamilanadu Government Serious On Kamal Haasan: మొన్నటిదాకా కరోనా సృష్టించిన కల్లోలం అంతా ఇంతా కాదు. తాజాగా ఒమిక్రాన్‌ తన సత్తా  చాటేందుకు రెడీగా ఉంది. మళ్లీ కరోనా కేసులు పెరగడం మొదలైంది. పదుల సంఖ్యలో కేసులు బయటపడుతున్నాయి. ప్రతి ఒక్కరూ నిబంధనలు పాటించాలని కేంద్ర, రాష్ట్ర ప్రభుత్వాలు నెత్తి నోరు కొట్టుకుంటున్నాయి. అయినా రూల్స్‌ బ్రేక్‌ చేస్తూ ఇష్టారీతిన వ్యవహరిస్తున్నారు కొందరు. ఈ విధంగా ప్రవర్తించే వారిపై ప్రభుత్వాలు కఠినంగానే స్పందిస్తున్నాయి. వారు ప్రముఖులైన విడిచిపెట్టట్లేదని తాజా సంఘటనతో తెలుస్తోంది. తాజాగా యూనివర్సల్‌ స్టార్‌ కమల్‌ హాసన్‌పై తమిళనాడు ప్రభుత్వం సీరియస్‌ అయింది.  ఇటీవలే కరోనా నుంచి కోలుకున్న లోకనాయకుడు బిగ్‌బాస్‌ (తమిళం) షూటింగ్‌లో పాల్గొన్నారు. దీంతో కమల్‌పై తీవ్ర ఆగ్రహం వ్యక్తం చేసింది తమిళనాడు సర్కార్‌. కరోనా నుంచి కోలుకుని డిశ్చార్జ్‌ అయిన వెంటనే బిగ్‌బాస్‌ షో షూటింగ్‌లో పాల్గొనడం ఏంటీ అని నిలదీసింది. కరోనా నిబంధనలు ఉల్లంఘింటి షూటింగ్‌ చేయడం కరెక్ట్‌ కాదని, దీనివల్ల మిగతా వారికీ ప్రమాదం ఏర్పడుతుందని తెలిపింది. సమాజంలో ఉన్నత స్థాయిలో ఉన్న ప్రముఖులే ఇలా బాధ్యతారాహిత్యంగా ప్రవర్తిస‍్తారా ? అంటూ ప్రశ్నించింది. ఈ చర్యపై తక్షణమే వివరణ ఇవ్వాలని ఆ రాష్ట్ర ఆరోగ్య శాఖ నుంచి తమిళనాడు ప‍్రభుత్వం నోటీసులు జారీ చేసింది. ఇటీవల అమెరికాకు వెళ్లి వచ్చిన తర్వాత కమల్‌ హాసన్‌ స్వల్ప లక్షణాలతో ఇబ్బంది పడ్డారు. దీంతో కరోనా పరీక్షలు నిర్వహించగా పాజిటివ్‌ అని తేలింది. వైద్యుల సూచనలతో ఆసుపత్రిలో చికిత్స తీసుకున్నారు. అనంతరం కోలుకున్నాక డిశ్చార్జ్‌ అయ్యారు. అలాగే శంకర్‌ దర్శకత్వంలో కమల్‌ నటిస్తున్న 'ఇండియన్‌ 2' చిత్రం కూడా వివాదాల్లో చిక్కుకున్న సంగతి తెలిసిందే.  ఇదీ చదవండి: కమల్‌హాసన్‌ హెల్త్‌ బులెటిన్‌ విడుదల.. వైద్యులు ఏం చెప్పారంటే ?

Janvi Kapoor Recreates Bigg Boss Viral Video: సినీ సెలబ్రిటీలు ఎప్పుడూ సినిమాలు చేస్తూ బిజీగా ఉండరు. సోషల్‌ మీడియాలో కూడా షూటింగ్‌లకు మించి యాక్టివ్‌గా ఉంటారు. తమదైనా రీతిలో పోస్ట్‌లు పెడుతూ అటెన్షన్ డ్రా చేస్తుంటారు. కొన్ని సార‍్లు అవి ప్రశంసలకు నోచుకుంటే మరికొన్ని సార్లు బెడిసికొట్టి ట్రోలింగ్‌కు గురవుతాయి. ఆ పోస్టులు, వీడియోలను నెటిజన్లు ఎలా తీసుకున్న సెలబ్రిటీలు పట్టించుకోరు. ప్రశంసలు, ట్రోలింగ్‌, నెటిజన్లను పక్కన పెడితే బాలీవుడ్‌ హీరోయిన్‌, అతిలోక సుందరీ శ్రీదేవి కుమార్తె జాన్వీ కపూర్‌ తాజాగా ఒక ఫన్‌ వీడియోను సామాజిక మాధ్యమంలో పంచుకుంది.  హిందీ బిగ్‌బాస్‌ సీజన్‌ 5లో జరిగిన 'పూజా, ఈ ప్రవర్తన ఏంటీ ?' అనే సంఘటనను రీక్రియేట్‌ చేసింది జాన్వీ. ఆ హౌజ్‌లో షొనాలీ నాగరాణి, పూజా మిశ్రాల మధ్య జరిగిన గొడవను జాన్వీ, తన మేకప్ ఆర్టిస్ట్‌ రివేరా లిన్‌తో కలిసి వీడియో చిత్రీకరించింది. పూజా మిశ్రా పాత్రను జాన‍్వీ చేయగా, షొనాలీ పాత్రలో రివేరా లిన్‌ నటించింది. వీడియోలో జాన్వీ తెల్లటి షార్ట్స్‌తో నీలిరంగు టాప్‌ ధరించి వస్తువును తన్నగా, అది లిన్‌కు తాకింది. అప్పుడు 'పూజా, ఈ ప్రవర్తన ఏంటీ?' అని లిన్‌ అనగా 'పొరపాటున తన్నాను' అని పూజా పాత్రలో ఉన్న జాన్వీ సమాధానం ఇచ్చింది. ఈ వీడియో షేర్‌ చేస్తూ 'నాకు సహాయం కావాలని మీరు అనుకుంటున్నారా ?' అని క్యాప్షన్‌ ఇచ్చింది దఢక్‌ హీరోయిన్‌. View this post on Instagram A post shared by Janhvi Kapoor (@janhvikapoor) జాన్వీ పోస్ట్‌ చేసిన కొద్దిసేపటికే, హీరో-సోదరుడు అర్జున్‌ కపూర్‌ 'అవును' అని బదులిచ్చాడు. తర‍్వాత జాన్వీ కజిన్‌ షానాయ కపూర్‌ 'నేను నీకోసం పార్థిస్తున్నాను' అని కామెంట్‌ చేసింది. అలాగే సన్నీ కౌశల్‌, ఫాతిమా సనా షేక్‌ తదితరులతో సహా బీటౌన్‌ ప్రముఖులు ఈ వీడియోపై స్పందించారు. జాన్వీ కపూర్‌ ప్రస‍్తుతం కరణ్‌ జోహార్‌ నిర్మిస్తున్న 'దోస్తానా 2', ఆనంద్‌ ఎల్‌ రాయ్‌ 'గుడ్‌ లక్‌ జెర్రీ' సినిమాల్లో నటిస్తుంది.  ఇదీ చదవండి: న్యూడ్‌గా కనిపించి షాకిచ్చిన జాన్వీ కపూర్‌.. ఫోటో వైరల్‌

కమల్‌హాసన్‌ కరోనాతో క్వారంటైన్‌లో ఉంటున్నందున ఆయన హోస్ట్‌గా చేస్తున్న ‘బిగ్‌ బాస్‌ 5’ పరిస్థితి ఏంటి? అనే చర్చ కోలీవుడ్‌లో జరుగుతోంది. ఈ నేపథ్యంలో తాత్కాలిక హోస్ట్‌ లిస్ట్‌లో కమల్‌ కుమార్తె శ్రుతీహాసన్, రమ్యకృష్ణల పేర్లు వినిపించాయి. అయితే శ్రుతి తన సినిమా షూటింగ్స్‌తో బిజీగా ఉండటంవల్ల ‘బిగ్‌ బాస్‌’కి డేట్స్‌ సర్దుబాటు చేయలేని పరిస్థితి అట. అందుకే నిర్వాహకులు రమ్యకృష్ణను ఖరారు చేశారు. గతంలో తెలుగు ‘బిగ్‌ బాస్‌ 3’ అప్పుడు హోస్ట్‌ నాగార్జున కొన్ని రోజులు బ్రేక్‌ తీసుకుంటే, ఆ స్థానంలో రమ్యకృష్ణ కొన్నాళ్ల పాటు షోను నడిపారు. ఇప్పుడు ఆమె తమిళ ‘బిగ్‌ బాస్‌’కి హోస్ట్‌గా ఎంట్రీ ఇచ్చారు. రమ్యకృష్ణను స్వాగతిస్తూ.. కమల్‌ సోషల్‌ మీడియా ద్వారా ఓ వీడియోను షేర్‌ చేశారు. 

బుల్లితెర బిగ్‌ రియాల్టీ షో బిగ్‌బాస్‌.. తెలుగుతో పాటు అన్ని భాషల్లోనూ విజయవంతంగా కొనసాగుతుంది. తెలుగు, తమిళంలో ప్రస్తుతం ఐదో సీజన్‌ నడుస్తోంది. తెలుగు షోకి కింగ్‌ నాగార్జున హోస్ట్‌గా వ్యవహరించగా, తమిళంలో లోకనాయకుడు కమల్‌ హాసన్‌ వ్యాఖ్యాతగా ఉన్నారు. అయితే ఇటీవల కరోనా బారిన ఆయన.. ప్రస్తుతం ఆస్పత్రిలో చికిత్స పొందుతున్నారు. దీంతో బిగ్‌బాస్‌ సీజన్‌ 5కి కొత్త హోస్ట్‌ని ఎంచుకోవాల్సిన పరిస్థితి ఏర్పడింది. అయితే కమల్‌ ప్లేస్‌లో తాత్కాలికంగా శ్రుతి హాసన్‌ని హోస్ట్‌గా తీసుకొస్తారనే వార్తలు వినిపించాయి. కానీ కోలీవుడ్ విశ్వ‌స‌నీయ వ‌ర్గాల స‌మాచారం మేర‌కు త‌మిళ బిగ్‌బాస్‌ను శ్రుతిహాస‌న్ హోస్ట్ చేయ‌డం లేద‌ట‌. కమల్‌ ప్లేస్‌లో సీనియ‌ర్ హీరోయిన్ ర‌మ్య‌కృష్ణ త‌మిళంలో హోస్ట్ చేసే అవ‌కాశం ఉంద‌ని అంటున్నారు. తెలుగులో ర‌మ్య‌కృష్ణ‌కు బిగ్ బాస్ కార్య‌క్ర‌మం హోస్ట్ చేసిన అనుభ‌వం ఉంది. నాగార్జున తన 60వ బర్త్ డే సందర్భంగా విహార యాత్ర కోసం ఫ్యామిలీతో విదేశాలకు వెళ్లిన క్రమంలో బిగ్‌బాస్‌ నాల్గో సీజన్‌లో హోస్ట్‌గా రమ్యకృష్ణ రంగ ప్రవేశం చేశారు. రెండు రోజులపాటు రమ్యకృష్ణ హోస్ట్‌గా వ్యవహరించి ప్రేక్షకుల నుంచి ప్రశంసలు అందుకున్నారు. అందుకే తమిళ బిగ్‌బాస్‌కి కూడా రమృకృష్ణనే తీసుకురావాలని నిర్వాహకులు భావిస్తున్నారట. ఈ విషయంపై రమ్యకృష్ణను సంప్రదించగా, ఆమె కూడా గ్రీన్‌ సిగ్నల్‌ ఇచ్చిందట. ఈ వీకెండ్‌లో ఆమెనే షోకు హోస్ట్‌గా వస్తుందని తమిళ జనాలు చెప్పుకుంటున్నారు. మరి ఈ వార్తల్లో నిజమెంతో మరికొన్ని గంటల్లో తేలుతుంది. 

బిగ్‌బాస్ షోకు య‌మ క్రేజ్ ఉంది కాబ‌ట్టే ఈ షో అనేక భాష‌ల్లో ప్ర‌సార‌మ‌వుతోంది. తెలుగులో నాలుగు సీజ‌న్లు విజ‌య‌వంతంగా పూర్తి చేసుకున్న బిగ్‌బాస్ ప్ర‌స్తుతం ఐదో సీజ‌న్ న‌డుస్తోంది. ఈ మ‌ధ్యే త‌మిళంలోనూ ఐదో సీజ‌న్ ప్రారంభ‌మైంది. ఈ నేప‌థ్యంలో 'గృహలక్ష్మీ' సీరియ‌ల్‌ ఫేమ్, మాజీ బిగ్‌బాస్ కంటెస్టెంట్‌, న‌టి కస్తూరి శంక‌ర్‌.. త‌మిళ బిగ్‌బాస్ ఐదో సీజ‌న్‌లో ఇప్ప‌టివ‌ర‌కు తాను ఒక్క ఎపిసోడ్ కూడా చూడ‌లేద‌ని, త‌న‌లాంటి వాళ్లు ఎవ‌రైనా ఉన్నారా? అని ట్వీట్ చేసింది. దీంతో కొంద‌రు నెటిజ‌న్లు చూశామ‌ని, మ‌రికొంద‌రు చూడ‌లేదంటూ కామెంట్లు చేస్తున్నారు. 'గ‌తంలో మీరు బిగ్‌బాస్‌కు వెళ్లిన‌ప్పుడు ఎన్నో ఆశ‌లు పెట్టుకున్నాం. కానీ చివ‌రికి మీక‌న్నా మిగ‌తావాళ్లే ఎంతో న‌యం అనిపించింది' అని ఓ వ్య‌క్తి కామెంట్ చేశాడు. దీనిపై క‌స్తూరి స్పందిస్తూ.. 'మీరు చూసిన‌దాన్ని బ‌ట్టి ఎవ్వ‌రినీ జ‌డ్జ్ చేయ‌కండి.. వారు చూపించేది క‌చ్చితంగా నిజాలే కాన‌క్క‌ర్లేవు' అని చెప్పుకొచ్చింది. హౌస్‌లో అంత‌మందికి ఒక్క కుక్క‌ర్‌లోనే వంట చేశారా? అని ఓ వ్య‌క్తి అనుమానం వ్య‌క్తం చేయ‌గా.. మాకు కొంత ఫుడ్ పంపిస్తార‌ని, కాక‌పోతే కంటెస్టెంట్లు త‌గ్గేకొద్దీ వంట‌స‌రుకుల మోతాదు కూడా త‌గ్గిపోతూ ఉంటుంద‌ని తెలిపింది. అలాగే ఎంతో త్వ‌ర‌గా హౌస్ నుంచి బ‌య‌ట‌కు వ‌చ్చేసినందుకు ప్ర‌తిరోజు ఆ దేవుడికి ధ‌న్య‌వాదాలు చెప్పుకుంటానంది కస్తూరి. Raise your hand if you are like me and haven't watched a single episode of #BiggBossTamil5 till date. Hugs ! Consolation hugs to those who never managed to watch a single full episode. #StarVijayTV #companyArtists #100naal_velaivaipputhittam — Kasturi Shankar (@KasthuriShankar) October 16, 2021 Don't judge based on what you get to see- The narrative they show is not necessarily the truth — Kasturi Shankar (@KasthuriShankar) October 16, 2021 I know !!! I thank god everyday that i escaped early and have done genuine work since then ! — Kasturi Shankar (@KasthuriShankar) October 16, 2021

బుల్లితెరపై బిగ్‌బాస్‌ షో క్రేజ్‌ గురించి ప్రత్యేకంగా చెప్పనక్కర్లేదు. ఏ భాషలోనైనా సరే బిగ్‌బాస్‌ మొదలైందంటే చాలు అభిమానులకు రోజు పండగే. ఇక తెలుగులో ఈ షో సీజన్‌ సీజన్‌కు ప్రేక్షక ఆదరణ పెరుగుతోంది. గతేడాది ప్రసారమైన తెలుగు బిగ్‌బాస్‌ నాల్గో సీజన్‌ ఎంతగా పాపులర్‌ అయ్యిందో తెలిసిన  విషయమే. లాక్‌డౌన్‌లో సమయంలో ఇళ్లకే పరిమితం అయిన వారికి 105 రోజుల పాటు ఈ షో ఫుల్ ఎంటర్‌టైన్‌మెంట్‌ అందించింది. ఆ సీజన్‌లో ఎక్కువగా కొత్త ముఖాలే ఉన్నప్పటికీ నాగార్జున తన అనుభవంతో షో ఆసక్తిగా మలచడంతో సీజన్‌ 4 విజయవంతంగా ముగిసింది.   దీంతో బిగ్‌బాస్‌ నిర్వాహకులు ఐదో సీజన్‌పై దృష్టి పెట్టారు. నాల్గో సీజన్‌ ముగిసి నెల రోజులకే స్టార్ మా ఐదో సీజన్‌ కోసం పనులు ప్రారంభించింది. దీనిపై వారి అధికారిక యూట్యూబ్ చానెల్‌లో ‘మీరు బిగ్‌బాస్ షో’ను మిస్ అవుతున్నారా..? అని ఓ పోల్ సర్వే నిర్వహించారు. ఈ సర్వేపై వీక్షకుల నుంచి అనుహ్య స్పందన రావడంతో త్వరలోనే బిగ్‌బాస్ 5 సీజన్‌ను ప్రారంభించాలని స్టార్ మా భావిస్తున్నట్లు సమాచారం. దీంతో ఇప్పటికే ఈ షోకు పలువురు నటీనటులను సంప్రదించిన విషయం తెలిసిందే. అయితే ఈ సీజన్‌పై ప్రారంభంపై కొద్ది రోజులు పలు రకాల వార్తలు చక్కర్లు కొడుతున్న సంగతి తెలిసిందే. కరోనా సెకండ్‌ వేవ్‌ తీవ్రత దృష్ట్యా ఇప్పట్లో ఈ షో ప్రారంభమయ్యే అవకాశమే లేనట్లు వార్తలు వినిపించాయి. తాజా సమాచారం ప్రకారం అగష్టులో బిగ్‌బాస్‌ 5ని ప్రారంభించాలని నిర్వహకులు సన్నాహాలు చేస్తున్నారట. గతేడాది మాదిరిగానే కంటెస్టెంట్స్‌ను ముందుగా క్వారంటైన్‌ ఉంచనున్నారని సమాచారం. అంతేగాక కంటెస్టెంట్స్‌ ఎంపిక దాదాపు పూరైందనట్లు కూడా సమాచారం. ఆగష్టు నాటికి కరోనా కేసులు తగ్గి సాధారణ పరిస్థితులు ఏర్పడతాయని బిగ్ బాస్ నిర్వాహకులు భావించి షోను ప్రారంభించాలని  నిర్ణయించినట్లు వినికిడి. ఇక సీజన్ 5లో పాల్గొనే కంటెస్టెంట్ల జాబితాకు సంబంధించి కొంతమంది సెలబ్రిటీల పేర్లు వినిపిస్తుండగా తుది జాబితాలో ఆ కంటెస్టెంట్లే ఉంటారో లేదో తెలియాల్సి ఉంది. గత రెండు సీజన్లు కింగ్‌ నాగార్జున వల్లే హిట్టైన సంగతి తెలిసిందే. దీంతో ఈ సారి కూడా ఆయనే హోస్ట్‌గా వ్యవహరించనున్నారు.

బుల్లితెర రియాలిటీ షో బిగ్‌బాస్‌కు ఉన్న పాపులారిటీ గురించి ప్రత్యేకంగా చెప్పనవసరం లేదు. బిగ్‌బాస్‌ వస్తుందంటే చాలు ఎంతో మంది టీవీల ముందు అతుక్కుపోతారు. తెలుగు, హిందీ తమిళ, కన్నడ భాషల్లో ప్రసారమవుతున్న బిగ్‌బాస్‌ కొట్లాది ప్రేక్షకులను అలరిస్తుంది. కాగా తమిళంలో బిగ్‌బాస్‌ ఇప్పటి వరకు నాలుగు సీజన్‌లు పూర్తి చేసుకుంది. ఈ నాలుగు సీజన్‌లకు విలక్షణ నటుడు కమల్‌ హాసన్‌ వ్యాఖ్యాతగా వ్యవహరించిన విషయం తెలిసిందే. తన హోస్టింగ్‌తో నాలుగు సీజన్‌లను విజయవంతంగా పూర్తిచేశారు. బిగ్‌బాస్‌కు ఎంత ఫాలోయింగ్‌ ఉందో కమల్‌ హాసన్‌ హోస్టింగ్‌కు కూడా అంతే ఉంది.  తాజాగా తమిళ బిగ్‌బాస్‌కు సంబంధించిన ఓ వార్త నెట్టింట్లో హాట్‌ టాపిక్‌గా మారింది. త్వరలో బిగ్‌బాస్‌ కొత్త సీజన్‌ ప్రారంభం కానున్న విషయం తెలిసిందే. అయితే నటుడు కమల్‌ హాసన్‌ ఇకపై బిగ్‌బాస్‌ హోస్ట్‌ చేయడని ఈ వార్తల సారంశం. మొదటి మూడు సీజన్ల మాదిరిగానే ఈ సంవత్సరం జూన్ లేదా జూలైలో  ‘బిగ్ బాస్ 5’ ప్రారంభ కానున్నట్లు తెలుస్తోంది. బిగ్‌బాస్‌ అయిదో సీజన్‌కు కమల్‌ రావడం లేదని సమాచారం. కమల్ హాసన్ మక్కల్ నీది మయ్యుమ్ పార్టీ స్థాపించి తమిళనాడు ఎన్నికల్లో బిజీగా మారారు. అంతేకాకుండా ఏప్రిల్ 6న తమిళనాడు అసెంబ్లీకి జరిగే తన మొదటి ఎన్నికలను ఎదుర్కోబోతున్నారు. ఈ నేపథ్యంలో ఆయన బిగ్‌బాస్ 5కి హోస్ట్‌గా వ్యవహరించడం అనుమానంగానే మారింది. దీంతో కమల్‌ అభిమానులు తీవ్ర నిరాశకు గురవుతున్నారు.  అయితే తెరపైకి మరో యువ నటుడి పేరు వినిపిస్తోంది. కమల్‌ స్థానంలో మాస్‌ హీరో శింబు వ్యాఖ్యాతగా వ్యవహరించున్నట్లు తెలుస్తోంది.ఇ ప్పటికే ‘బిగ్ బాస్ 5’ నిర్మాతలు శింబూతో చర్చలు ప్రారంభించారని, ఆయనకు కూడా చాలా ఆసక్తి ఉన్నారని టాక్‌ వినిపిస్తోంది. కాగా తమిళంలో శింబుకు కూడా ప్రత్యేక పాపులారిటీ ఉంది. అంతేగాక ఉన్నది ఉన్నట్లు తన అభిప్రాయాన్ని చెప్పడంలో శింబు వెనకాడడు. ఒకవేళ ఇదే వార్త నిజమైతే బిగ్‌బాస్‌ ఈ సారి ప్రేక్షకులకు సరికొత్త వినోదాన్ని అందిస్తుందనడంలో ఎలాంటి అనుమానం లేదు. చదవండి: నా కొడుకుతో సహా బిగ్‌బాస్‌కు వెళ్తా!: నటి 'అవ్వ బంగారం' అంటూ అఖిల్‌ సర్‌ప్రైజ్‌ గిఫ్ట్‌

దుర్గారావు.. సోషల్‌ మీడియాలో ఈ పేరు ఒక సంచలనం. టిక్ టాక్‌ను ఈయన వాడుకున్నంత బాగా ఎవరూ వాడుకోలేదంటే అతిశయోక్తి కాదు. ఎక్కడో పల్లెటూరిలో పుట్టిన పెరిగిన దుర్గారావు.. టిక్‌టాక్‌ ద్వారా ఫేమస్‌ అయ్యాడు. తన భార్యతో కలిసి వేసిన స్టెప్పుల్లో సోషల్‌ మీడియాలో ఎంత ఫేమస్‌ అయ్యాయో అందరికి తెలిసిందే. రఘు కుంచె సంగీత సారధ్యంలో వచ్చిన ‘నాదీ నక్కిలీసు గొలుసు’ పాటతో దుర్గారావు మరింత ఫేమస్ అయ్యాడు. దుర్గారావు స్టెప్పులను సినీ హీరోలు కూడా వేశారంటే.. మనోడికి ఎంత క్రేజ్‌ ఉందో అర్థమవుతుంది. టిక్‌టాక్‌ బ్యాన్‌ అయినప్పటికీ.. దుర్గారావు ఫ్యాన్‌ ఫాలోయింగ్‌ మాత్రం తగ్గలేదు. టిక్‌టాక్‌ ఇచ్చిన గుర్తింపుతో ఆయన సినిమాల్లోకి కూడా ఎంట్రీ ఇచ్చాడు.ఈ మధ్యే జగపతిబాబుతో కలిసి స్టేజీపై డాన్సులు కుమ్మేసాడు దుర్గా రావు. ఇటీవల విడుదలైన రవితేజ ‘క్రాక్‌’లో మెరిశాడు. ఇలా పలు సినిమాల్లో చాన్స్‌ కొట్టేసిన దుర్గారావుకు.. తాజాగా మరో బంపరాఫర్‌ తగిలిందని ప్రచారం సాగుతోంది. బుల్లితెర బిగ్‌ రియాల్టీ షో బిగ్‌బాస్‌ ఐదో సీజన్‌కి దుర్గారావు ఎంపికైనట్లు వార్తలు వినిపిస్తున్నాయి.  దుర్గా రావుకు ఫ్యాన్‌ ఫాలోయింగ్‌ చాలా ఉంది. పైగా మంచి ఎంటర్‌టైనర్ కూడా. అందుకే దుర్గా రావును బిగ్ బాస్ 5 తెలుగులో కంటెస్టెంట్‌గా తీసుకుంటున్నారని వార్తలు వినిపిస్తున్నాయి. ఇదే కానీ నిజమైతే దుర్గారావు నక్కతోకను తొక్కినట్లే. ఇదిలా ఉంటే బిగ్‌బాస్‌ ఐదో సీజన్‌కి యూట్యూబ్‌ స్టార్‌  షణ్ముఖ్‌ జశ్వంత్‌ యాంక‌ర్ ర‌వి, క‌మెడియ‌న్ హైప‌ర్ ఆది పేర్లను నిర్వాహ‌కులు ప‌రిశీలిస్తున్న‌ట్లు స‌మాచారం. మ‌రి ఇందులో నిజ‌మెంత‌? ఐదో సీజన్‌లో ఇంకా ఎవరెవరు ఉండబోతున్నారో తెలియాలంటే కొద్ది రోజులు ఆగాల్సిందే. మరోవైపు బిగ్‌బాస్‌ నాల్గో సీజన్‌ విజయవంతం కావడంతో ఐదో సీజన్‌కు నిర్వాహకులు అప్పుడే పనులు మొదలు పెట్టారు. దీని కోసం వారి అధికారిక యూట్యూబ్ చానెల్ లో ‘మీరు బిగ్‌బాస్ షో’ను మిస్ అవుతున్నారా..? అని ఓ పోల్ సర్వే నిర్వహించారు. ఈ సర్వేపై వీక్షకుల నుంచి అనుహ్య స్పందన వచ్చింది. దీంతో అతి త్వరలో బిగ్‌బాస్ 5 సీజన్ ను ప్రారంభించాలని స్టార్ మా భావిస్తున్నట్లు సమాచారం. చదవండి :  బిగ్‌బాస్‌ 5 : మొదటి కంటెస్టెంట్‌ పేరు ఖరారు!


 ముంబై: బాలీవుడ్ శృంగార తార సన్నీ లియోన్‌పై మోడల్‌, బిగ్ బాస్ మాజీ పోటీదారు పూజా మిస్రా రూ. 100 కోట్ల పరువు నష్టం దావా వేసింది. తన పరువు ప్రతిష్టలను దెబ్బతీసి.. తనకు ఆర్థికంగా నష్టం కలిగించినందుకు రూ. 100 కోట్లు తనకు కట్టాలని ఆమెను డిమాండ్ చేసింది. జస్టిస్ నరేశ్ పాటిల్ నేతృత్వంలోని బొంబాయి హైకోర్టు డివిజన్ బెంచ్‌ ఈ పిటిషన్‌పై విచారణను వేసవి సెలవుల తదుపరికి వాయిదా వేసింది. ధర్మాసనం వాదనలు వినే సమయంలో పిటిషనర్‌ కోర్టుకు హాజరుకాలేదు.
 
 బిగ్‌ బాస్-5 టీవీ షోలో మొదట తానే పాపులర్‌ పోటీదారునని, షో ప్రారంభమైన చాలారోజులకు సన్నీ లియోన్‌ ఈ కార్యక్రమంలోకి ప్రవేశించిందని పూజా మిస్రా తన పిటిషన్‌లో పేర్కొంది. అయితే, తన గురించి కొన్ని మీడియా సంస్థల్లో సన్నీ పరువు నష్టం కలిగించే ఇంటర్వ్యూలు ఇచ్చిందని, తనపై ఈర్ష్య, దుర్భుద్ధితోనే ఆమె ఇలా చేసిందని ఆరోపించింది. ఓ దినపత్రికలో రాసిన ఆర్టికల్‌లో తనకు దురుద్దేశాలు ఆపాదిస్తూ ఆరోపణలు చేసిందని, దీనివల్ల ప్రజల దృష్టిలో తన గౌరవప్రతిష్టలకు భంగం వాటిల్లిందని పేర్కొంది. ఈ పరిణామాల కారణంగా తన ఫిక్స్‌డ్ డిపాజిట్స్‌, బ్యాంకు పొదుపులను ఉపసంహరించుకోవాల్సి వచ్చిందని, దీనివల్ల రూ. 70 లక్షల నష్టం తనకు వాటిల్లిందని ఆమె తన పిటిషన్‌లో పేర్కొంది. సన్నీ లియోన్‌పై ఐపీసీ సెక్షన్లు 500 (పరువు నష్టం), 120 బీ (కుట్ర) అభియోగాలతో చర్యలు చేపట్టాలని ఆమె కోర్టును కోరింది.