విడాకులు తీసుకున్న మగవాడిని ఈ సమాజం పట్టించుకోదేమో కానీ ఆడవారిని మాత్రం చులకనగా చూస్తుంది. అందుకు నేనే ప్రత్యక్ష ఉదాహరణ అంటోంది బుల్లితెర నటి చారు అసోపా (Charu Asopa). హీరోయిన్‌ సుష్మితా సేన్‌ సోదరుడు రాజీవ్‌ సేన్‌ను 2019లో గోవాలో పెళ్లి చేసుకుంది. వీరి అన్యోన్య దాంపత్యానికి గుర్తుగా జియానా అనే పాప కూడా పుట్టింది. కానీ తర్వాత వీరి మధ్య మనస్పర్థలు మొదలయ్యాయి. అవి పెద్దవి కావడంతో విడిపోవడానికే నిర్ణయించుకున్నారు. అలా 2023లో వీరికి విడాకులు మంజూరయ్యాయి.నెలకు రూ.1 లక్ష పైనే..ఆ తర్వాత ఆమెకు ముంబైలో ఇ‍ల్లు దొరకడం కూడా కష్టమైంది. సింగిల్‌ పేరెంట్‌ అని కొందరు, సెలబ్రిటీ అని మరికొందరు ఇల్లు ఇవ్వడానికే ఇష్టపడలేదు. చివరకు ఎలాగోలా సిటీ అంతా జల్లెడపట్టి అద్దెల్లు సంపాదించింది. కానీ చేతిలో సంపాదన లేనప్పుడు నగరంలో జీవించడం అంత ఈజీ కాదు. నెలవారీ ఖర్చులు లక్ష రూపాయల పైనే అవుతుండటంతో సొంతూరుకు వెళ్లిపోయింది. రాజస్థాన్‌లోని బికనీర్‌లో తన పుట్టింట్లో ఉంటోంది. డబ్బెలా వస్తోంది?అక్కడే బట్టల వ్యాపారం ప్రారంభించింది. అలాగే తను కొన్న కొత్తింటిని కూడా వీడియో తీసి చూపించింది. ఆ ఇంటికి ఆమె నెలనెలా ఈఎమ్‌ఐ కడుతోంది. ఇది చూసిన జనాలు తనకు డబ్బులెలా వస్తున్నాయి? ఈ ఇల్లు ఎలా కొనగలిగింది? అంటూ రకరకాల కామెంట్లు చేశారు. వాటిపై చారు అసోపా తాజాగా తన యూట్యూబ్‌ ఛానల్‌ వేదికగా స్పందించింది. నేను రైల్లో వెళ్లకుండా విమానంలో ఎందుకు ప్రయాణిస్తున్నాను? అని కొందరడిగారు. సింపతీ అక్కర్లేదుఆ ఎయిర్‌లైన్స్‌ వాళ్లు నన్ను ఆహ్వానించడం వల్లే విమానయానాన్ని ఎంచుకున్నాను. నేను షాపింగ్‌ చేస్తుంటే కూడా విమర్శిస్తున్నారు. కొత్తింటి విషయానికి వస్తే.. నెలనెలా అద్దె కట్టే బదులు అదే ఈఎమ్‌ఐ కడుతున్నాను. నన్ను విమర్శించడం ఆపండి.. మీ అందరికీ నేను చెప్పదలుచుకుందేంటంటే.. నేను పేదదాన్ని కాదు. దేవుడి దయ వల్ల నా ఖర్చులు నేను భరించగలను. నాకు ఎవరి సింపతీ అక్కర్లేదు. టీవీ ఇండస్ట్రీ నుంచి బ్రేక్‌ తీసుకోవాలనుకున్నాను. అందుకే ముంబై వదిలి వచ్చేశాను తప్ప పని లేక కాదు అని నటి వివరణ ఇచ్చింది.సీరియల్స్‌.. సినిమాచారు అసోపా.. అగ్లే జనం మోహే బిటియా హీ కిజో, యే రిష్తా క్యా కెహ్లాతా హై, బాల్‌వీర్‌, దేవోంక్‌ కె దేవ్‌.. మహాదేవ్‌, లవ్‌ బై ఛాన్స్‌, ఫిర్‌ జీనే కీ తమన్నా హై, లాడూ 2, జిజీ మా, కర్ణ్‌ సంగిని, విక్రమ్‌ బేతాల్‌ కీ రహస్య గాథ, కైసా హై యే రిష్తా అజంనా వంటి సీరియల్స్‌ చేసింది. ఇంపేషెంట్‌ వివేక్‌, కాల్‌ ఫర్‌ ఫన్‌, యోక్‌, జోహ్రి అనే సినిమాల్లోనూ నటించింది.చదవండి: సడన్ గా ఓటీటీలోకి వచ్చేసిన తెలుగు సినిమాలు

సెలబ్రిటీలు అనగానే వాళ్లకేంటి లక్షలు, కోట్లు సంపాదిస్తుంటారు. మంచిగా ఎంజాయ్ చేస్తుంటారు అని అనుకుంటాం. కానీ ఇది అందరి విషయంలో నిజం కాదు. ఎందుకంటే సీరియల్ నటిగా గుర్తింపు తెచ్చుకున్న ఒకామె ఇప్పుడు ఆన్ లైన్ లో బట్టలు అమ్ముకుంటోంది. ఒకప్పటి హీరోయిన్ కి ఈమె మరదలు కావడం కావడం విశేషం.నటి చారు అసోప(Charu Asopa).. గతంలో పలు హిందీ సీరియల్స్ లో నటించింది. బాలీవుడ్ నటి సుస్మితా సేన్ (Sushmita Sen) సోదరుడు రాజీవ్ సేన్ ని 2019లో పెళ్లి చేసుకుంది. 2021లో వీళ్లకు ఓ కూతురు కూడా పుట్టింది. ఏమైందో ఏమో గానీ వీళ్లు 2023లో విడాకులు తీసుకున్నారు. మరోవైపు చారుకి కూడా నటిగా అవకాశాలు తగ్గాయి. దీంతో షాకింగ్ నిర్ణయం తీసుకుంది.(ఇదీ చదవండి: పవన్ సినిమా.. చెప్పిన టైంకి రిలీజ్ అవుతుందా?)పూర్తిగా నటన పక్కనబెట్టేసిన చారు.. కూతురితో కలిసి తన సొంతూరు రాజస్థాన్ లోని బికనీర్ వెళ్లిపోయింది. మరోవైపు ఈమె ఆన్ లైన్ లో బట్టలమ్ముతున్న వీడియోలు కూడా వైరల్ అవుతున్నాయి. బట్టలు విక్రయించడంపై స్పందించిన చారు.. ముంబైలో నెలవారీ ఖర్చులు రూ.లక్ష-లక్షన్నర వరకు అవుతున్నాయి, దీన్ని భరించలేకపోతున్నానని అందుకే పుట్టింటికి వెళ్లిపోతున్నానని చెప్పుకొచ్చింది.(ఇదీ చదవండి: ఒక్కరోజే ఓటీటీల్లోకి వచ్చేసిన 21 సినిమాలు)

భార్యాభర్తలుగా విడిపోయినా తల్లిదండ్రులుగా కలిసే ఉన్నామంటోందో బాలీవుడ్‌ మాజీ జంట. కూతురి కంటే ఏదీ ఎక్కువ కాదంటున్నారు. వారే బుల్లితెర నటి చారు అసోపా.. హీరోయిన్‌ సుష్మితా సేన్‌ సోదరుడు రాజీవ్‌ సేన్‌. చారు-రాజీవ్‌ 2019లో పెళ్లి చేసుకున్నారు. వీరికి 2021లో జియానా అనే కూతురు పుట్టింది. ఆ మరుసటి ఏడాది ఇద్దరూ విడిపోయినట్లు ప్రకటించారు. గతేడాది విడాకులు తీసుకున్నారు.దూరంగా ఎందుకు పెడతాను?విడిపోయారన్న మాటే కానీ తరచూ కలుసుకుంటూనే ఉన్నారు. కూతురితో కలిసి హాలీడే ట్రిప్పులకు కూడా వెళ్తున్నారు. ఈ మధ్యే దుబాయ్‌కు వెళ్లొచ్చారు. దాని గురించి చారు మాట్లాడుతూ.. 'మా ట్రిప్‌ అద్భుతంగా జరిగింది. జియానా చాలా సంతోషపడిపోయింది. కుటుంబమంతా కలిసి ట్రిప్‌కు వెళ్లడం ఇదే మొదటిసారి! రాజీవ్‌.. జియానా తండ్రి. అలాంటప్పుడు నా కూతురికి అతడి కుటుంబాన్ని ఎందుకు దూరంగా ఉంచుతాను? అందుకే అందరం కలిసే వెళ్లాం. అన్నీ మర్చిపోయిరాజీవ్‌ అమ్మ సుష్మిత అంటే కూడా నాకిష్టం. రాజీవ్‌తోనూ హ్యాపీగా ఉన్నాను. విడిపోయినంతమాత్రాన మా బంధాలన్నీ తెగిపోయినట్లు కాదు. జియానాను తన కుటుంబానికి దూరంగా ఉంచాలనుకోవడం లేదు. రాజీవ్‌, నేను మంచి ఫ్రెండ్స్‌గా కొనసాగుతున్నాం. జియానా ముందు పాత విషయాలన్నీ మర్చిపోయి స్నేహితులుగా కొనసాగితే అంతకన్నా గొప్ప విషయం ఇంకేముంటుంది?' అని చెప్పుకొచ్చింది.చదవండి: లవ్యూ బేబి అంటూ పందిట్లో కన్నీళ్లు.. రెండునెలలకే అడ్డంగా దొరికిన హీరో

బాలీవుడ్ బుల్లితెర భామ చారు అసోఫా బీటౌన్‌లో అందరికీ సుపరిచితమే. 'మేరే ఆంగ్నే మే' సీరియల్‌తో ప్రేక్షకుల ఆదరణ తెచ్చుకుంది. ఆ తర్వాత దేవోన్ కే దేవ్...మహాదేవ్‌, బల్వీర్‌, జిజి మా, కైసా హై యే రిష్టా అంజనా లాంటి సీరియల్స్‌లో నటించింది. అంతే కాకుండా ఇంపేషంట్ వివేక్, కాల్‌ ఫర్‌ ఫన్‌, యోల్క్, జోహరి లాంటి హిందీ చిత్రాల్లో కనిపించింది. (ఇది చదవండి: ఈ హీరోయిన్‌ని గుర్తుపట్టారా? జూ.ఎన్టీఆర్‌తో ఆ సినిమాలో ) ఈ ఏడాదిలోనే తన భర్త రాజీవ్ సేన్ నుంచి విడాకులు తీసుకున్న ఆమె తాజాగా ఓ ఇంటర్వ్యూకు హాజరైంది. ఈ సందర్భంగా కెరీర్ ప్రారంభంలో ఎదురైన అనుభవాలను పంచుకుంది. తన జీవితంపై తీవ్ర ప్రభావం చూపిన సంఘటనను వివరించింది. తనకు 20 ఏళ్ల వయసులో క్యాస్టింగ్ కౌచ్ ఎదుర్కొన్నట్లు వెల్లడించింది. అయితే ఆ తర్వాత జరిగిన పరిణామాలు తన అంచనాలను తారుమారు చేశాయని పేర్కొంది. చారు అసోఫా మాట్లాడుతూ..' నేను సినిమా అవకాశంపై మాట్లాడానికి వెళ్లా. అది చాలా పేరున్న ప్రొడక్షన్ హౌస్‌. అక్కడు ఓ డైరెక్టర్‌ను కలిశాను. ఆ సమయంలో డైరెక్టర్ నా ముందు ఓ ప్రాజెక్ట్ ఉంచాడు. అది పెద్ద ప్రాజెక్ట్ కావడంతో నేను వెంటనే సంతకం చేశా. ఆ తర్వాత నాకు ఊహించని సంఘటన ఎదురైంది. అతను అడిగిన మాటలకు నాకు మూడు రోజులు జ్వరం తగ్గలేదు. అతని మాటలకు రెండు చేతులు జోడించి.. మీరు అడుగుతున్నది నేను చేయలేనని చెప్పా. దానికి అతను బదులిస్తూ.. నువ్వు చేయకపోతే బయట చాలామంది అమ్మాయిలు వెయిట్‌ చేస్తున్నారు అంటూ చెప్పాడు. అలా అయితే మీరు వారినే సెలెక్ట్ చేసుకోండి.' అంటూ అక్కడి నుంచి వచ్చేశా అని తెలిపింది. ఆ సమయంలో తాను ధైర్యంగా అతన్ని ఎదిరించినట్లు వెల్లడించింది. అంతే కాకుండా తనకు తెలిసిన కొంతమంది డైరెక్టర్లతో కాంప్రమైజ్ కావాలని కోరినట్లు ఆమె వెల్లడించింది. కాగా.. ప్రస్తుతం చారు అసోపా  తన 18 నెలల కూతురు జియానా బాధ్యతలు చూసుకుంటోంది. (ఇది చదవండి: సినిమాని 'దేశభక్తి' కాపాడిందా? లేదంటే..!) 

బుల్లితెర నటి చారు అసోపా, మాజీ విశ్వ సుందరి సుష్మితా సేన్‌ సోదరుడు రాజీవ్‌ సేన్‌ విడిపోయిన సంగతి తెలిసిందే! 2022లోనే వీరు విడిపోతున్నట్లు ప్రకటించారు. అప్పటి నుంచి విడిగానే జీవిస్తున్నారు. ఇటీవల జూన్‌ 8న అధికారికంగా విడాకులు మంజూరైనట్లు తెలిపారు. ఈ క్రమంలో తాను చేసింది సరైన పనే అని చారు అభిప్రాయపడుతుండగా రాజీవ్‌ మాత్రం బాధలో కూరుకుపోయినట్లు కనిపిస్తున్నాడు. విడాకులు వచ్చి వారం రోజులు కాకముందే మళ్లీ కలిస్తే బాగుండని ఆశపడుతున్నాడు. తాజాగా అతడు ఓ ఇంటర్వ్యూలో మాట్లాడుతూ.. 'మేమిద్దరం కలిసి ఉండనంత మాత్రాన నా కూతురి మీదున్న ప్రేమ తగ్గదు. నా బిడ్డ విషయంలో మేమిద్దరం ఒకరికి ఒకరం మద్దతుగా ఉంటాం. ఒక తండ్రిగా నా కూతురికి నేను ఎక్కువ సమయాన్ని కేటాయించాలనుకుంటున్నాను. నేనెప్పుడూ చారు క్షేమాన్ని కోరుకుంటాను. తనకు ఎప్పుడూ అండగా ఉంటాను. తనపై నా ప్రేమ అలాగే ఉంటుంది. ఏదో ఒక రోజు మేము మళ్లీ కలుస్తామని ఆశిస్తున్నాను' అని చెప్పుకొచ్చాడు రాజీవ్‌. కాగా చారు అసోపా, రాజీవ్‌ సేన్‌ 2019 జూన్‌ 9న పెళ్లి చేసుకున్నారు. వీరి దాంపత్యానికి గుర్తుగా 2021లో పాప పుట్టింది. ఆమెకు జియానా అని నామకరణం చేశారు. భార్యాభర్తలుగా విడిపోయినప్పటికీ పాపకు తల్లిదండ్రులుగా మాత్రం ఉంటామని చెప్తున్నారు. ఇకపోతే రాజీవ్‌ ఇటీవలే 'హజ్రత్‌' అనే షార్ట్‌ ఫిలింలో నటించడమే కాక దాన్ని నిర్మించాడు కూడా! చారు విషయానికి వస్తే దేవాన్‌ కీ దేవ్‌.. మహదేవ్‌, మేరే అంగ్నే మే, జీ మా, బాల్‌ వీర్‌ వంటి పలు సీరియల్స్‌లో నటించింది. చదవండి: ఆ స్థానంలో ప్రభాస్‌ను తప్ప ఎవరినీ ఊహించుకోలేను: కృతీ సనన్‌

బాలీవుడ్‌లో బుల్లితెర నటి, యూట్యూబ్‌ వ్లాగర్‌గా చారు అసోపా మంచి గుర్తింపు తెచ్చుకుంది. బాలీవుడ్‌ టాప్‌ హీరోయిన్‌ సుష్మితా సేన్ బ్రదర్‌ అయిన రాజీవ్ సేన్‌ను ప్రేమించి పెళ్లి చేసుకుంది. జూన్ 9, 2019న గోవాలో వీరి వివాహం ఘనంగా జరిగింది. 2021లో వారికి పాప జన్మించడంతో జియానా అని పేరుపెట్టుకున్నారు. వారి ఇద్దరి మధ్య విభేదాలు రావడంతో జూన్‌ 8న విడాకులు తీసుకున్నారు. తాజాగా తన మాజీ భర్త రాజీవ్ సేన్ గురించి తను మొదటి వీడియో షేర్‌ చేసింది. ఆమె యూట్యూబ్‌లోని తన వ్లాగ్‌లో విడాకుల కోసం కోర్టుకు వెళ్లే ముందు తన ఆలోచనలు ఎలా ఉన్నాయో పంచుకుంది. (ఇదీ చదవండి: వైరల్‌ అవుతున్న రకుల్‌ డ్రెస్‌.. అతను పట్టుకోవడంతో..!) ఆ వీడియోలో విడాకుల కోసం కోర్టుకు వెళ్తున్న ప్పుడు తీసిన సన్నివేశాలను ఇలా పంచుకుంది. 'నేను కొంచెం ఆందోళనగా ఉన్నాను, నేను సరైన పని చేస్తున్నానని నాకు తెలుసు, కానీ ఇలాంటి సమయంలో ప్రతి ఒక్కరూ అదే ఆందోళనను అనుభవిస్తారని  భావిస్తున్నాను. విడాకుల ద్వారా...రాజీవ్ ఎల్లప్పుడూ జియానా తండ్రిగా ఉంటాడు. అతను ఎప్పుడు కావాలంటే అప్పుడు జియానాను కలుసుకోవచ్చు'. అని తెలిపింది. ఆమె వ్లాగ్‌పై పలువురు నెటిజన్లు మద్దతుగా నిలిచారు. జీవితంలో ఎలాంటి పరిస్థితులు వచ్చినా ఎదర్కొనేందుకు సిద్దంగా ఉండాలని వారు కామెంట్స్‌ చేశారు. View this post on Instagram A post shared by Charu Asopa (@asopacharu) (ఇదీ చదవండి: ఆ సినిమాతోనే మా ఇద్దరి మధ్య ప్రేమ మొదలైంది: తమన్నా)

బుల్లితెర సీరియల్‌ నటి చారు అసోపా చారు- నటి సుష్మితా సేన్‌ సోదరుడు రాజీవ్‌ సేన్‌ గతంలో విడాకుల కోసం కోర్టును ఆశ్రయించిన సంగతి తెలిసిందే. ఒకరిపై ఒకరు విమర్శలు చేసుకుంటూ చివరికీ విడిపోయేందుకే మొగ్గుచూపారు. ఇద్దరి మధ్య విభేదాలు రావడంతో తప్పు చేసింది నువ్వంటే నువ్వని ఒకరిపై మరొకరు ఆరోపణలు చేసుకున్నారు. ఈ జంట మనస్పర్థలతో గతేడాది డిసెంబరులో విడాకుల కోసం కోర్టును ఆశ్రయించారు.  (ఇది చదవండి: జీవితం చాలా చిన్నది.. తలుపులు ఇంకా తెరిచే ఉన్నాయి: రాజీవ్ సేన్) తాజాగా ఈ జంటకు కోర్టు విడాకులు మంజూరు చేసింది. దీంతో రాజీవ్ సేన్, చారు అసోపా అధికారికంగా విడాకులు తీసుకున్నారు. అయితే గతంలో తమ కుమార్తె కోసం స్నేహపూర్వకంగా ఉన్నామని వెల్లడించారు. ఈ విషయాన్ని రాజీవ్ సోషల్ మీడియా ద్వారా తన అభిమానులతో పంచుకున్నారు. ఈ మేరకు తన ఇన్‌స్టాలో స్టోరీస్‌లో ఎమోషనల్ నోట్ రాసుకొచ్చారు రాజీవ్ సేన్. 'మేము ఒకరికొకరు వీడిపోయినా కుడా మా ప్రేమ అలాగే ఉంటుంది. మేము ఎల్లప్పుడూ మా కుమార్తెకు అమ్మ, నాన్నాలాగే ఉంటాం.' అంటూ పోస్ట్ చేశారు. దీనిపై ఇంకా చారు అసోపా ఎలాంటి ప్రకటన చేయలేదు. కాగా.. ఈ జంట జూన్ 9, 2019న గోవాలో పెళ్లి చేసుకున్నారు. 2021లో వీరు మొదటి బిడ్డను స్వాగతించారు. తమ కుమార్తెకు జియానా అని పేరు పెట్టారు. (ఇది చదవండి: అతనిపై విపరీతమైన క్రష్.. కానీ నన్ను మోసం చేశాడు: హీరోయిన్)

సుష్మితా సేన్‌ సోదరుడు రాజీవ్‌ సేన్‌- నటి చారు అసోపాలు విడిపోయిన సంగతి తెలిసిందే! రాజీవ్‌ చిత్రహింసలు పెట్టాడని, గర్భవతిగా ఉన్న సమయంలోనూ హింసించాడని భర్తపై ఆరోపణలు చేసింది చారు. అంతా అబద్ధం, తనే మరో నటుడితో సన్నిహితంగా మెదిలి నన్ను మోసం చేసిందని ఎదురుదాడి చేశాడు రాజీవ్‌. ఇలా వీరిద్దరి మధ్య గొడవ ముదిరి పాకాన పడటంతో తన కూతురిని తీసుకుని ఆ ఇంటి నుంచి బయటకు వచ్చేసింది నటి. కానీ తనకు ఉండటానికి ఇల్లు దొరకడమే కష్టమైపోయిందట. ప్రస్తుతం ఉంటున్న 1బీహెచ్‌కే నుంచి 2బీహెచ్‌కేకు మారాలనుకుంటోంది చారు. ఇందుకోసం ఎప్పటినుంచో అద్దె ఇల్లు వెతకడం ప్రారంభించింది. ఈ క్రమంలో ఆమె పడ్డ కష్టాలు, ఎదుర్కొన్న సమస్యలను చెప్తూ బాధపడింది చారు. ఆమె మాట్లాడుతూ.. 'ముంబైలో ఇల్లు దొరకడం అంత ఆషామాషీ కాదు. ఇప్పటికీ మండుటెండలో ఇంటి కోసం వెతుకుతూనే ఉన్నాను. ప్రతిరోజూ ఇల్లు వెతకడమే నా పనైపోయింది. చాలా కష్టంగా అనిపిస్తోంది. ఇక్కడ నాకు ఎదురవుతున్న సమస్యేంటంటే.. మొదట నేను నటిని, తర్వాత సింగిల్‌ పేరెంట్‌ను. ఈ రెండు కారణాల వల్ల నాకు ఇల్లు ఇవ్వడం లేదంటే మీరు నమ్ముతారా? ఇలాగైతే ముంబైలో నటీనటులకు ఇల్లెక్కడ దొరుకుతుంది? ఇలా రోజూ తిరిగే క్రమంలో ఒక ఫ్లాట్‌ నాకు చూడగానే నచ్చింది. అన్నింటికీ అనుకూలంగా ఉన్నట్లు అనిపించింది. కానీ వాళ్లు నేను నా కూతురితో ఒంటరిగా ఉంటానని తెలిసి తిరస్కరించారు' అని చెప్పుకొచ్చింది చారు అసోపా. కాగా చారు అసోపా- రాజీవ్‌ సేన్‌ 2019 గోవాలో పెళ్లి చేసుకున్నారు. ఎంతో అన్యోన్యంగా ఉండే వీరి మధ్య విభేదాలు రావడంతో 2022లో విడిపోతున్నట్లు ప్రకటించారు. అప్పటి నుంచి చారు అసోపా ఏడాదిన్నర కూతురితో కలిసి విడిగా జీవిస్తోంది. చదవండి: నీలాంటి వాళ్లు గుడికి ఎందుకు వస్తారో? నటుడిపై ట్రోలింగ్‌

బుల్లితెర సీరియల్‌ నటి చారు అసోపా చారు- నటి సుష్మితా సేన్‌ సోదరుడు రాజీవ్‌ సేన్‌ రాజీవ్‌ సేన్‌ల విడాకుల వ్యవహారం కొద్ది రోజులుగా చర్చనీయాంశంగా మారింది. తప్పు చేసింది నువ్వంటే నువ్వని ఒకరిపై మరొకరు ఆరోపణలు చేసుకున్నారు. సహ నటుడితో రొమాంటిక్‌ రీల్‌ చేయలేదా అని భార్యను నిలదీసే వచ్చాక వీరిద్దరి వ్యవహారం. ఆ వివాదం కాస్తా నెట్టింట తీవ్రమైన చర్చకు దారి తీసింది. భర్త ఆరోపణలపై చారు ఆవేదన వ్యక్తం చేసింది. అంత ఈజీగా నిందలు ఎలా వేస్తారని భర్త రాజీవ్ సేన్‌ను ఉద్దేశించి మాట్లాడింది.  (చదవండి: అంత ఈజీగా నిందలు ఎలా వేస్తారు? భర్త ఆరోపణలపై నటి ఆవేదన) అయితే ఈ వ్యవహారంలో తన భార్య చారు అసోపా ఆరోపణలపై రాజీవ్ సేన్ ప్రతిస్పందించారు. ఆమె నా కుమార్తెతో  సహా బయటకు వెళ్లడం ద్వారా తనకు తానే ప్రతీది కోల్పోయేలా చేసుకుందన్నారు. ఆమె కోసం ఇంకా తలుపులు తెరిచే ఉన్నాయని రాజీవ్ వ్యాఖ్యానించారు. చారు-కరణ్ మెహ్రాల ‘వ్యవహారం, చెప్పకుండా ఇల్లు వదిలి వెళ్లడం నుంచి.. ముద్దుల కూతురు జియానా పుట్టినరోజు వేడుకపై గురించి మాట్లాడారు. ఒక వ్యక్తిగా చారు మీడియాతో వ్యక్తిగత విషయాలు మాట్లాడటం తప్పు అని అన్నారు. ఈ విషయంలో ఆమె కూడా బాధపడి ఉంటారని భావిస్తున్నట్లు పేర్కొన్నారు. ఇదంతా ప్రజలకు ఒక జోక్‌లా అనిపిస్తుందని రాజీవ్ వెల్లడించారు.  విడాకులు కావాలంటే గౌరవప్రదంగా తీసుకోవాలి కానీ.. ఇలా  పరువు తీసుకునేలా చేయకూడదని  రాజీవ్ అన్నారు. నేను చారు, మా కుటుంబంతో కలిసి చాలా వ్లాగ్స్ చేశాం.. కానీ జరిగినదంతా చూసి చాలా బాధపడినట్లు తెలిపారు. నా గురించి ఇంత దారుణంగా ఎవరూ మాట్లాడలేదని రాజీవ్ సేన్ అన్నారు. చారుది చిన్న పిల్ల మనస్తత్వమని.. తాను ఎక్కువ ఎమోషనలవుతుందని ఆయన పేర్కొన్నారు.  రాజీవ్ సేన్ మాట్లాడుతూ.. 'ఈ వ్యవహరంలో నేనే స్పష్టంగా ఒక్కటే చెప్పాలనుకుంటున్నా. ఈ వివాదం వల్ల నా బిడ్డ ప్రభావితం కావడం నాకు ఇష్టం లేదు.. అందుకే చారు తిరిగి వచ్చేందుకు ఇంకా తలుపులు తెరిచే ఉన్నాయి. చారు మా కుటుంబానికి తిరిగి రావాలనుకుంటున్నాం. ఇది జియానా ఇల్లు. మన జీవితం చాలా చిన్నది.' అని అన్నారు. 

బుల్లితెర సీరియల్‌ నటి చారు అసోపా- రాజీవ్‌ సేన్‌ల విడాకుల వ్యవహారం గత రెండురోజులుగా చర్చనీయాంశంగా మారింది. తప్పు చేసింది నువ్వంటే నువ్వని.. ఒకరిపై మరొకరు ఆరోపణలు గుప్పించుకుంటున్నారు. సహ నటుడు కరణ్‌ మెహ్రాతో రొమాంటిక్‌ రీల్‌ చేసింది నిజం కాదా? అని భార్యను మీడియా ముఖంగా నిలదీశాడు రాజీవ్‌. తాజాగా ఈ వ్యవహారంపై హిందీ బిగ్‌బాస్‌ 10వ సీజన్‌ కంటెస్టెంట్‌, నటుడు కరణ్‌ మెహ్రా స్పందించాడు. 'నీ భార్య చారుతో రొమాన్సా? అసలు ఏం మాట్లాడుతున్నావో అర్థమవుతోందా రాజీవ్‌ ? పదేళ్ల క్రితం ఓసారి చారును కలిశాను. తర్వాత ఢిల్లీకి షిఫ్ట్‌ అయ్యాను. అప్పుడెప్పుడో జూన్‌లో ప్రమోషనల్‌ ఈవెంట్‌ కోసం తనతో మాట్లాడాను. అదే చివరిసారి మేము మాట్లాడుకోవడం! ఇలా నాపై చెత్త ఆరోపణలు చేయడం దారుణం. అతడిపై పరువునష్టం దావా వేస్తాను' అని చెప్పుకొచ్చాడు. కాగా పలుమార్లు గొడవపడ్డ చారు అసోపా- రాజీవ్‌ ఈసారి మాత్రం విడాకులు తీసుకోవడానికే మొగ్గు చూపుతున్నారు. చదవండి: అంత ఈజీగా నిందలు ఎలా వేస్తారు? : నటి ఆవేదన నటుడికి ఇల్లమ్మేసి కొత్త డూప్లెక్స్‌ కొన్న జాన్వీ కపూర్‌

మాజీ విశ్వసుందరి, నటి సుష్మితా సేన్‌ సోదరుడు రాజీవ్‌ సేన్‌, నటి చారు అసోపాల విడాకులు వ్యవహరం రోజురోజుకు ముదురుతోంది. చీటింగ్‌ చేశాడని చారు, మోసం చేసిందని రాజీవ్‌ ఒకరిపై ఒకరు తీవ్ర ఆరోపణలు చేసుకుంటున్నారు. రాజీవ్‌ తనని చిత్రహింసలు పెట్టాడని, తాను గర్భవతిగా ఉన్న సమయంలోనూ హింసించాడంటూ ఆమె వాపోయింది.  భార్య ఆరోపణలను ఖండిస్తూ రాజీవ్‌ సేన్‌.. ఆమెపై సంచలన వ్యాఖ్యలు చేశాడు. తన భార్య ‘యే రిషిత క్యా కెహలాతా హై’ ఫేం, నటుడు  కరణ్‌ మెహ్రాతో రొమాంటిక్‌ వీడియో చేసిందని, తప్పు చేసింది ఆమె అంటూ సంచలన ఆరోపణలు చేశాడు.  చదవండి: చీటింగ్‌ చేసి ప్రియాంక మిస్‌ వరల్డ్‌ అయ్యిందా?.. కో-కంటెస్టెంట్‌ సంచలన ఆరోపణలు ఇక భర్త ఆరోపణలపై తాజాగా చారు అసోపా స్పందించింది. అంత తేలిగ్గా ఒక అమ్మాయి మీద లేనిపోని నిందలు ఎలా వేస్తారని? ప్రశ్నించింది. ‘రాజీవ్‌ మాటలు నన్ను తీవ్రంగా బాధించాయి. అంత తేలిగ్గా నాపై లేనిపోని నిందలు వేస్తున్నాడు. నా గురించి చెప్పేందుకు ఏం లేదు. అందుకే రాజీవ్‌ నా మీద ఇలాంటి తప్పుడు ఆరోపణలు చేస్తున్నాడు. ఓ అమ్మాయిపై ఇలాంటి నిందలు వేయడం అంత తేలికా?.. నన్ను, నా క్యారెక్టర్‌ను తగ్గించేందుకే రాజీవ్‌ ఇలాంటి అసత్య ప్రచారం చేస్తున్నాడు’ అని పేర్కొంది.  చదవండి: ఓటీటీకి వచ్చేసిన బ్రహ్మాస్త్ర మూవీ, అక్కడ అర్థరాత్రి నుంచి స్ట్రీమింగ్‌ అలాగే తన ఇన్‌స్టాగ్రామ్‌ చూపిస్తూ ఈ వీడియో రొమాంటిక్‌ కాదని, షూటింగ్‌లో భాగంగా కరణ్‌, నేను ఓ ఈవెంట్‌లో తీసిందని తెలిపింది. ‘నా మొత్తం ఇన్‌స్టాగ్రామ్‌ చూస్తే పరాయి వ్యక్తితో ఉన్నది ఈ ఒక్క వీడియో మాత్రమే. అది కూడా రొమాంటిక్‌ వీడియో కాదు. వర్క్‌లో భాగంగా ఓ చానల్‌ వాళ్లు నన్ను, కరణ్‌ని ఇంటర్య్వూకి పిలిచారు. అప్పుడు కరణ్‌ నా పక్కనే ఉన్నాడు. ఆ చానల్‌ వాళ్లు అప్పుడు తీసిన వీడియో ఇది. పక్కనే మరికొందరు కూడా ఉన్నారు. ఇది రొమాంటిక్‌ వీడియో అయితే మేం ఇద్దరమే ఉండాలి కదా?’ అని చెప్పింది. గతంలో కూడా రాజీవ్‌ తనపై ఇలాంటి అరోపణలే చేశాడని, అప్పుడు డ్రైవర్‌తో ఇప్పుడు తన కో-స్టార్‌తో అంటూ ఆమె ఆవేదన వ్యక్తం చేసింది.  View this post on Instagram A post shared by Charu Asopa Sen (@asopacharu)

మాజీ విశ్వసుందరి సుష్మితా సేన్‌ సోదరుడు రాజీవ్‌ సేన్‌ తనను చిత్రహింసలు పెట్టాడని మీడియా ముందు కంటతడి పెట్టుకుంది అతడి భార్య, నటి చారు అసోపా. తాను గర్భవతిగా ఉన్న సమయంలోనూ హింసించాడని వాపోయింది. తాజాగా ఆమె ఆరోపణలను తోసిపుచ్చాడు రాజీవ్‌. 'చారు అసోపా ప్రతిసారి ఉమెన్‌ కార్డ్‌ వాడాలనుకుంటోంది. ఆమె మైండ్‌ పూర్తిగా పోయిందని అర్థమవుతోంది. అలాగే తనపై ఉన్న కాస్త గౌరవం కూడా తుడిచిపెట్టుకుపోయింది. నేను హింసించానన్నందుకు ఒక్క సాక్ష్యం కూడా లేదు, కానీ లేనిపోని అభాండాలు వేస్తోంది. నా కుటుంబం అంతా కూడా నాకంటే తననే ఎక్కువగా ప్రేమిస్తూ ఆమెకే సపోర్ట్‌ చేసినప్పటికీ ఇలాంటి అవమానకరమైన ఆరోపణలు చేస్తూనే ఉంది. ఇందుకు ఆమెను నేనెప్పటికీ క్షమించను. చారు అసోపా టీవీ నటుడు కరణ్‌ మెహ్రాతో రొమాంటిక్‌ రీల్‌ చేసింది. ఈ విషయం ఆమె తల్లే బయటపెట్టింది. మళ్లీ నేనే మోసం చేస్తున్నానని, అనుమానిస్తున్నానని నామీదే నిందలు వేసింది. ఎలాంటి సమాజంలో బతుకుతున్నాం అసలు! నమ్మకం లేనిది నాకు కాదు, తనకు! ఆమె తల్లి చెప్పినట్లుగా అంతకుముందు రిలేషన్‌షిప్‌లో కూడా చారు ఎవరినీ నమ్మేది కాదు. నేను మనిషిని, నాకూ కోపం వస్తుంది. కానీ ఇలా కోపం రావాలని రెచ్చగొట్టే వ్యక్తులు చాలా ప్రమాదకరం. ఆమె స్వార్థపూరితంగా తనను తాను రక్షించుకోవడానికి నా బిడ్డను ఓ కవచంలా వాడుకుంటోంది. నా కూతురు ఇలాంటి పరిస్థితుల్లో ఉండటం నచ్చట్లేదు. ప్రతిదానికీ ఆమె మీడియా ముందుకు రాకపోతే పరిస్థితులు మరోలా ఉండేవి. అయినా ఇంత జరిగాక ఊరుకునే ప్రసక్తే లేదు. ఆమెతో నేనిక వేగలేను. పదేపదే నామీద నిందలు వేసే మనిషితో నేను జీవితం కొనసాగించలేను' అని చెప్పుకొచ్చాడు రాజీవ్‌. చదవండి: ఇప్పుడసలైన మజా.. ఆదిరెడ్డి వర్సెస్‌ గీతూ కాంతార హీరో రిషబ్‌ శెట్టి నటించిన తెలుగు సినిమా?