TV
Combined medical services examination
-
ఎంబీబీఎస్తో.. కేంద్ర ప్రభుత్వ కొలువు
ఎంబీబీఎస్ అర్హతతో.. కేంద్ర ప్రభుత్వ కొలువుకు మార్గం.. యూనియన్ పబ్లిక్ సర్వీస్ కమిషన్ నిర్వహించే.. కంబైన్డ్ మెడికల్ సర్వీసెస్ ఎగ్జామినేషన్ (సీఎంఎస్‌ఈ)! ఈ పరీక్షలో విజయం సాధించి.. ఆ తర్వాత ఇంటర్వ్యూలోనూ ప్రతిభ చూపితే.. కేంద్ర ప్రభుత్వ ఆధ్వర్యంలోని పలు శాఖల్లో కొలువు సొంతమవుతుంది. అంతేకాకుండా రూ.56,100–1,77,500 వేతన శ్రేణి అందుకోవచ్చు. ఇటీవల యూపీఎస్సీ సీఎంఎస్‌ఈ–2021 నోటిఫికేషన్ విడుదల చేసింది. ఈ నేపథ్యంలో.. సీఎంఎస్‌ఈ పరీక్ష వివరాలు, అర్హతలు, ఎంపిక విధానం, పరీక్షలో విజయానికి ప్రిపరేషన్ గైడెన్స్‌.. ఎంబీబీఎస్‌లో చేరిన విద్యార్థులు.. వైద్య రంగంలో ఉన్నత కెరీర్ సొంతం చేసుకోవాలని లక్ష్యంగా పెట్టుకుంటారు. అందుకోసం ప్రస్తుత పరిస్థితుల్లో ఎంబీబీఎస్ తర్వాత స్పెషలైజేషన్లు చదవాల్సిన ఆవశ్యకత నెలకొంది. కాని యూపీఎస్సీ నిర్వహించే సీఎంఎస్‌ఈ ద్వారా ఎంబీబీఎస్ చివరి సంవత్సరంలో ఉన్నప్పుడే కేంద్ర కొలువుల సాధన దిశగా అడుగులు వేయొచ్చు. మొత్తం పోస్టుల సంఖ్య 838 యూపీఎస్సీ తాజాగా విడుదల చేసిన నోటిఫికేషన్ ప్రకారం–కేంద్ర ప్రభుత్వ ఆధ్వర్యంలోని నాలుగు విభాగాల్లో రెండు కేటగిరీలుగా మొత్తం 838 వైద్యుల పోస్ట్‌లు భర్తీ చేయనున్నారు. కేటగిరీ–1: సెంట్రల్ హెల్త్ సర్వీస్‌లో జూనియర్ స్కేల్ పోస్ట్‌లు – 349. కేటగిరీ–2: రైల్వేస్‌లో అసిస్టెంట్ డివిజనల్ మెడికల్ ఆఫీసర్ పోస్ట్‌లు–300. ► న్యూఢిల్లీ మున్సిపల్ కౌన్సిల్‌లో జనరల్ డ్యూటీ మెడికల్ ఆఫీసర్ పోస్ట్‌లు–5. ► ఈస్ట్, నార్త్, సౌత్ ఢిల్లీ మున్సిపల్ కార్పొరేషన్లలో జనరల్ డ్యూటీ మెడికల్ ఆఫీసర్(గ్రేడ్–2) పోస్ట్‌లు –184. అర్హత ► ఎంబీబీఎస్ ఫైనల్‌ రాత పరీక్షలు, ప్రాక్టికల్స్‌ ఉత్తీర్ణులై ఉండాలి. ► చివరి సంవత్సరం చదువుతున్న విద్యార్థులు కూడా దరఖాస్తు చేసుకోవచ్చు. వీరు ఇంటర్వ్యూ సమయానికి సర్టిఫికెట్లు చూపించాల్సి ఉంటుంది. ► కంపల్సరీ రొటేటింగ్ ఇంటర్న్‌షిప్‌లో ఉన్న విద్యార్థులు కూడా దరఖాస్తు చేసుకోవచ్చు. వీరికి ఇంటర్న్షిప్ పూర్తయ్యాకే అపాయింట్మెంట్ ఖరారు చేస్తారు. వయో పరిమితి ► ఆగస్ట్‌ 1, 2021 నాటికి 32ఏళ్లు మించకూడదు. ► సెంట్రల్ హెల్త్ సర్వీసెస్‌లో జూనియర్ టైమ్‌ స్కేల్ పోస్ట్‌ల అభ్యర్థులకు ఆగస్ట్‌ 1,2021 నాటికి 35ఏళ్లు మించకూడదు. ► ఎస్సీ, ఎస్టీ అభ్యర్థులకు అయిదేళ్లు, ఓబీసీలకు మూడేళ్లు చొప్పున గరిష్ట వయోపరిమితిలో సడలింపు లభిస్తుంది. వేతనాలు ► ఇండియన్ రైల్వేలో అసిస్టెంట్ డివిజనల్ మెడికల్ ఆఫీసర్‌గా గ్రూప్‌–ఎ జూనియర్ స్కేల్‌తో.. రూ.56,100–రూ.1,77,500 వేతన శ్రేణితో ప్రారంభ వేతనం లభిస్తుంది. ► సెంట్రల్ హెల్త్ సర్వీస్,ఇతర విభాగాల్లోనూ ఇదే వేతన శ్రేణితో ప్రారంభ వేతనం అందుతుంది. ► ఆయా విభాగాల్లో సర్వీస్‌లో చేరిన అభ్యర్థులు నిర్దిష్ట కాలంపాటు ప్రొబేషన్‌గా విధులు నిర్వర్తించాల్సి ఉంటుంది. ప్రొబేషన్ పిరియడ్‌లో సంతృప్తికరమైన పనితీరు కనబర్చిన వారికే శాశ్వత కొలువు ఖరారవుతుంది. రెండంచెల ఎంపిక ప్రక్రియ ► కంబైన్డ్ మెడికల్ సర్వీసెస్ పోస్ట్‌ల భర్తీకి రెండంచెల ఎంపిక ప్రక్రియ నిర్వహిస్తారు. ► తొలి దశలో సీఎంఎస్‌ఈ రాత పరీక్ష నిర్వహిస్తారు. ఈ పరీక్షలో నిర్దిష్ట కటాఫ్‌లు సొంతం చేసుకున్న వారితో మెరిట్ జాబితా రూపొందించి..ఒక్కో పోస్ట్‌కు ఇద్దరు చొప్పున పర్సనాలిటీ టెస్ట్‌కు ఎంపిక చేస్తారు. పర్సనాలిటీ టెస్ట్‌లోనూ విజయం సాధిస్తే.. తుది విజేతల జాబితాలో నిలిచి కొలువు ఖాయం చేసుకున్నట్లే! రాత పరీక్ష.. 500 మార్కులు ► సీఎంఎస్‌ఈ ఎంపిక ప్రక్రియలో తొలిదశ రాత పరీక్షలో రెండు పేపర్లు ఉంటాయి. రెండు పేపర్లు ఆబ్జెక్టివ్ విధానంలో నిర్వహిస్తారు. ఒక్కో పేపర్‌కు 250 మార్కులు చొప్పున 500 మార్కులకు పరీక్ష నిర్వహిస్తారు. ► పేపర్–1: జనరల్ మెడిసిన్ అండ్ పిడియాట్రిక్స్. ఈ పేపర్‌లో జనరల్ మెడిసిన్ నుంచి 96 ప్రశ్నలు, పిడియాట్రిక్స్ నుంచి 24 ప్రశ్నలు చొప్పున మొత్తం 120 ప్రశ్నలు అడుగుతారు. ► పేపర్–2ను మూడు భాగాలుగా వర్గీకరించారు. అవి..ఎ)సర్జరీ; బి)గైనకాలజీ అండ్ ఆబ్స్టెట్రిక్స్; సి)ప్రివెంటివ్ అండ్ సోషల్ మెడిసిన్. ► ఒక్కో విభాగం నుంచి 40 ప్రశ్నలు అడుగుతారు. మొత్తం మార్కులు 120. ► నెగెటివ్‌ మార్కుల విధానం అమల్లో ఉంది. ప్రతి తప్పు సమాధానానికి సదరు ప్రశ్నకు కేటాయించిన మార్కుల నుంచి 1/3ను తగ్గిస్తారు. చివరి దశ.. పర్సనాలిటీ టెస్ట్ ► అయిదు వందల మార్కులకు నిర్వహించే రాత పరీక్షలో చూపిన ప్రతిభ ఆధారంగా.. చివరి దశలో అభ్యర్థులకు పర్సనాలిటీ టెస్ట్ నిర్వహిస్తారు. ఆయా శాఖల్లోని పోస్ట్‌ల సంఖ్యను అనుసరించి.. 1:2 లేదా 1:2.5 నిష్పత్తిలో పర్సనాలిటీ టెస్ట్‌కు ఎంపిక చేస్తారు. ఈ పర్సనాలిటీ టెస్ట్‌లో అభ్యర్థుల్లోని జనరల్ నాలెడ్జ్‌ను, వైద్యరంగం పట్ల వారికున్న ఆసక్తిని, సేవాదృక్పథాన్ని, వ్యక్తిత్వాన్ని, నాయకత్వ లక్షణాలను పరిశీలిస్తారు. ఇందులోనూ ప్రతిభ చూపితే తుది ఎంపిక ఖరారవుతుంది. సర్వీసు ప్రాధాన్యత అవకాశం ► సీఎంఎస్‌ఈ రాత పరీక్షలో విజయం సాధించిన అభ్యర్థులు.. ఇంటర్వ్యూకు హాజరయ్యేందుకు దరఖాస్తు చేసుకునే డిటెయిల్డ్‌ అప్లికేషన్‌ ఫామ్‌లో తమకు ఆసక్తి ఉన్న సర్వీసుల ప్రాధాన్యతను వరుస క్రమంలో పేర్కొనొచ్చు. తుది విజేతల జాబితాను రూపొందించేటప్పుడు ఈ ప్రాధాన్యతలను, అభ్యర్థులు పొందిన మార్కు లను బేరీజు వేస్తూ ఆయా విభాగాల కేటాయింపులో తుది నిర్ణయం తీసుకుంటారు. సీఎంఎస్‌ఈ–2021 ముఖ్య సమాచారం ► మొత్తం పోస్టుల సంఖ్య: 838 ► దరఖాస్తు విధానం: ఆన్‌లైన్‌లో దరఖాస్తు చేసుకోవాలి. ► ఆన్‌లైన్‌ దరఖాస్తు చివరి తేదీ:జూలై 27,2021 ► ఆన్‌లైన్‌ దరఖాస్తు ఉపసంహరణకు అవకాశం: ఆగస్ట్‌ 3–ఆగస్ట్‌ 9 ► సీఎంఎస్‌ఈ పరీక్ష తేదీ: నవంబర్‌ 21, 2021 ► తెలుగు రాష్ట్రాల్లో రాత పరీక్ష కేంద్రాలు: హైదరాబాద్, తిరుపతి, విశాఖపట్నం. ► వివరాలకు వెబ్సైట్: www.upsc.gov.in ► ఆన్‌లైన్‌ దరఖాస్తు వెబ్సైట్: https://upsconline.nic.in రాత పరీక్షలో విజయానికి ► పేపర్–1(జనరల్ మెడిసిన్, పిడియాట్రిక్స్) లో..కార్డియాలజీ, రెస్పిరేటరీ డిసీజెస్, గ్యాస్ట్రో ఇంటెస్టినల్, జెనిటో యూరినరీ, న్యూరాలజీ, హెమటాలజీ, ఎండోక్రైనాలజీ, మెటాబాలిక్‌ డిసీజెస్, ఇన్ఫెక్షన్స్–కమ్యూనికబుల్‌ డిసీజెస్, న్యూట్రిషన్/గ్రోత్, డెర్మటాలజీ, మస్కులోస్కెలిటిల్‌ సిస్టమ్,సైకియాట్రీ, జనరల్ అంశాలపై పట్టు సాధించాలి. దీంతోపాటు పిడియాట్రిక్స్‌కు సంబంధించి.. కామన్‌ చైల్డ్‌హుడ్‌ ఎమర్జెన్సీస్, బేసిక్∙న్యూబార్న్‌కేర్, నార్మల్‌ డెవలప్‌మెంటల్‌ మైల్‌స్టోన్స్, ఇమ్యునైజేషన్‌ ఇన్ చిల్డ్రన్, ప్రత్యేక అవసరాలున్న చిన్నారులను గుర్తించడం, వారికి చికిత్స మార్గాలు తదితర అంశాలపై అభ్యర్థులు దృష్టిపెట్టాలి. పేపర్–2కు ఇలా ► పేపర్–2లోని మూడు విభాగాలకు సంబంధించి దృష్టి పెట్టాల్సిన అంశాలు.. ► సర్జరీ: జనరల్ సర్జరీకి సంబంధించి గాయా లు, కాలేయం, రక్త నాళాలు, పేగులు, కణితులు, ఉదర సంబంధ సమస్యలు తదితరాలకు సంబంధించిన శస్త్రచికిత్స అంశాల నుంచి ప్రశ్నలు వస్తాయి. వీటితోపాటు యూరాలజికల్‌ సర్జరీ, న్యూరో సర్జరీ, ఈఎన్‌టీ సర్జరీ, థొరాసిక్‌ సర్జరీ, ఆర్థోపెడిక్‌ సర్జరీ, ఆప్తమాలజీ, అనస్థీషియాలజీ, ట్రామటాలజీ అంశాలను అవపోసన పట్టాలి. ► గైనకాలజీ అండ్ ఆబ్స్టెట్రిక్స్: గైనకాలజీలో అప్లయిడ్‌ అనాటమీ, అప్లయిడ్‌ ఫిజియాలజీ, జెనిటల్ ట్రాక్ట్‌లో ఇన్ఫెక్షన్లు, నియోప్లాస్మా, గర్భాశయం స్థానంలో మార్పులు, కన్వెన్షనల్‌ కాంట్రాసెప్టివ్స్, యూడీ, ఓరల్‌ పిల్స్, ఆపరేటివ్‌ ప్రొసీజర్, మెడికల్ టెర్మినేషన్‌ ఆఫ్ ప్రెగ్నెన్సీ అంశాలపై దృష్టి సారించాలి. ► ప్రివెంటివ్ అండ్ సోషల్ మెడిసిన్: సోషల్ అండ్ కమ్యూనిటీ మెడిసిన్, కాన్సెప్ట్‌ ఆఫ్ హెల్త్, డిసీజ్, ప్రివెంటివ్ మెడిసిన్, హెల్త్ అడ్మినిస్ట్రేషన్ అండ్ ప్లానింగ్, డెమోగ్రఫీ అండ్ హెల్త్ స్టాటిస్టిక్స్, ఎన్విరాన్‌మెంటల్‌ హెల్త్, న్యూట్రిషన్ అండ్ హెల్త్, ఆక్యుపేషనల్‌ హెల్త్, జెనిటిక్స్‌ అండ్ హెల్త్, ఇంటర్నేషనల్‌ హెల్త్, మెడికల్ సోషియాలజీ అండ్ హెల్త్ ఎడ్యుకేషన్, మెటర్నల్‌ అండ్ చైల్డ్‌ హెల్త్, నేషనల్‌ ప్రోగ్రామ్స్‌ అంశాలపై ప్రత్యేక శ్రద్ధతో చదవాలి. అకడమిక్ పుస్తకాలు ఆలంబనగా రాత పరీక్షలో మెరుగ్గా రాణించడానికి అభ్యర్థులు తమ అకడమిక్ పుస్తకాలనే ఆలంబనగా చేసుకుని ముందడుగు వేయాలని నిపుణులు సూచిస్తున్నారు. సిలబస్‌ను పరిశీలించి.. అకడమిక్స్‌లోని అంశాలతో బేరీజు వేసుకుంటూ.. అప్లికేషన్‌ దృక్పథంతో చదవాలి. పాత ప్రశ్న పత్రాల సాధన కూడా ఎంతో ఉపకరిస్తుంది. -
యూపీఎస్సీ–కంబైన్డ్ మెడికల్ సర్వీసెస్ ఎగ్జామ్ 2021
యూనియన్ పబ్లిక్ సర్వీస్ కమిషన్(యూపీఎస్సీ).. 838 పోస్టుల భర్తీకి కంబైన్డ్ మెడికల్ సర్వీసెస్ ఎగ్జామినేషన్–2021 నోటిఫికేషన్ విడుదల చేసింది. ► కంబైన్డ్ మెడికల్ సర్వీసెస్ ఎగ్జామినేషన్ 2021 ► మొత్తం పోస్టుల సంఖ్య: 838 పోస్టుల వివరాలు ► కేటగిరీ–1: సెంట్రల్ హెల్త్ సర్వీస్‌లో జూనియర్ స్కేల్ పోస్టులు– 349. ► కేటగిరీ–2: రైల్వేలో అసిస్టెంట్ డివిజనల్ మెడికల్ ఆఫీసర్–300. –న్యూఢిల్లీ మున్సిపల్ కౌన్సిల్‌లో జనరల్ డ్యూటీ మెడికల్ ఆఫీసర్–05. –జనరల్ డ్యూటీ మెడికల్ ఆఫీసర్ గ్రేడ్2 (ఈడీఎంసీ, ఎన్‌డీఎంసీ,ఎస్‌డీఎంసీ)–184. ► అర్హతలు: ఎంబీబీఎస్ ఉత్తీర్ణతతోపాటు ఇంటర్న్షిప్ పూర్తిచేసి ఉండాలి. ఎంబీబీఎస్ ఫైనల్‌ పరీక్షలకు హాజరవుతున్న విద్యార్థులు కూడా దరఖాస్తు చేసుకోవచ్చు. ► వయసు: 01.08.2021 నాటికి 32ఏళ్ల లోపు ఉండాలి. రిజర్వేషన్‌ వర్గాలకు గరిష్ట వయోపరిమితిలో సడలింపు లభిస్తుంది. ► ఎంపిక విధానం: రాత పరీక్ష, పర్సనాలిటీ టెస్ట్ ఆధారంగా ఎంపిక చేస్తారు. ► దరఖాస్తు విధానం: ఆన్‌లైన్‌లో దరఖాస్తు చేసుకోవాలి. ► ఆన్‌లైన్‌ దరఖాస్తులకు చివరి తేది: 27.07.2021 ► రాత పరీక్ష తేది: 21.11.2021 వెబ్సైట్: https://www.upsc.gov.in -
మెడికల్ గ్రాడ్యుయేట్లకు మంచి అవకాశం.. సీఎంఎస్‌ఈ
కేంద్ర ప్రభుత్వంలో వివిధ విభాగాల్లో వైద్యుల నియామకానికి యూనియన్ పబ్లిక్ సర్వీస్ కమిషన్ (యూపీఎస్సీ), ప్రతి ఏటా కంబైన్‌‌డ మెడికల్ సర్వీసెస్ ఎగ్జామినేషన్ (సీఎంఎస్‌ఈ)ను నిర్వహిస్తుంది. కాస్త భిన్నంగా ఆలోచించే వారికి.. అంకిత భావం, సేవా తత్పరత, ప్రభుత్వ సర్వీసుల్లో పని చేయాలనుకునే ఉత్సాహంతో ఉన్న మెడికల్ గ్రాడ్యుయేట్లకు చక్కని అవకాశం సీఎంఎస్‌ఈ.. 2014 సంవత్సరానికి కంబైన్డ్ మెడికల్ సర్వీసెస్ ఎగ్జామినేషన్ వెలువడిన నేపథ్యంలో సంబంధిత వివరాలు.. ఎంబీబీఎస్ చివరి సంవత్సరంలో ఉండగానే కేంద్ర ప్రభుత్వ కొలువును దక్కించుకునే మార్గాన్ని సుగమం చేస్తోంది..సీఎంఎస్‌ఈ తాజాగా భర్తీ చేస్తున్న పోస్టులు.. విభాగం పోస్టుల సంఖ్య అసిస్టెంట్ డివిజనల్ మెడికల్ ఆఫీసర్-రైల్వేస్ 650 సెంట్రల్ హెల్త్ సర్వీసెస్ జూనియర్ స్కేల్ కేటగిరీ పోస్టులు 150 జనరల్ డ్యూటీ మెడికల్ ఆఫీసర్ (గ్రేడ్-2) ఇన్ ఈస్ట్-సౌత్-నార్త్ ఢిల్లీ మున్సిపల్ కార్పొరేషన్ 53 జనరల్ డ్యూటీ మెడికల్ ఆఫీసర్ ఇన్ న్యూఢిల్లీ మున్సిపల్ కౌన్సిల్ 22 అసిస్టెంట్ మెడికల్ ఆఫీసర్ ఇన్ ఇండియన్ ఆర్డినెన్స్ ఫ్యాక్టరీస్ అండ్ హెల్త్ సర్వీసెస్ (పోస్టుల సంఖ్యను ప్రకటించలేదు). బేసిక్ పే: రూ.15,600-రూ.39,100+గ్రేడ్‌పే రూ. 5400 ఎంపిక ఇలా: ఎంపిక ప్రక్రియలో రెండు దశలు ఉంటాయి. అవి.. రాత పరీక్ష, ఇంటర్వ్యూ (పర్సనాలిటీ టెస్ట్). ఈ రెండు దశలకు కలిపి మొత్తం 600 మార్కులు కేటాయించారు. ఇందులో రాత పరీక్షకు 500మార్కులు, ఇంటర్వ్యూకు 100 మార్కు లు. నోటిఫికేషన్లో పేర్కొన్న ఖాళీలకు 1:2 చొప్పున రాత పరీక్ష నుంచి అభ్యర్థులను ఇంటర్వ్యూకు ఎంపిక చేస్తారు. రాత పరీక్ష: రాత పరీక్షను ఆబ్జెక్టివ్ విధానంలో నిర్వహిస్తారు. ఇందులో పేపర్-1, 2.. రెండు పేపర్లు ఉంటాయి. ఇందులో ఒక్కో పేపర్‌కు 250 మార్కుల చొప్పున కేటాయించారు. ప్రతి తప్పు సమాధానానికి సరైన సమాధానానికి ఇచ్చే మార్కుల్లోంచి 0.33 మార్కుల కోత విధిస్తారు. పేపర్-1: ఇందులో మూడు విభాగాలు ఉంటాయి. అవి.. విభాగం ప్రశ్నలు జనరల్ ఎబిలిటీ 30 జనరల్ మెడిసిన్ 70 పిడియాట్రిక్స్ 20 మొత్తం: 120 సమయం: రెండు గంటలు పేపర్-2: ఇందులో కూడా మూడు విభాగాలు ఉంటాయి. అవి.. విభాగం {పశ్నలు సర్జరీ 40 గైనకాలజీ అండ్ ఆబ్స్టెట్రిక్స్ 40 ప్రివెంటివ్ అండ్ సోషల్ మెడిసిన్ 40 మొత్తం: 120 సమయం: రెండు గంటలు పేపర్-1 జనరల్ ఎబిలిటీ: ఇందులో సిలబస్‌ను పరిశీలిస్తే..దాదాపు అన్ని రంగాలపై అభ్యర్థికి ఉన్న అవగాహనను పరీక్షించేలా ఉంది. కాబట్టి ఆయా అంశాలకు సంబంధించి విస్తృత స్థాయి ప్రిపరేషన్ తప్పనిసరి. ఈ విభాగంలో భారతీయ సమాజం, సంస్కృతి, వారసత్వం, పాలిటీ, ఎకనామీ, మానవాభివృద్ధి సూచీ, అభివృద్ధి కార్యక్రమాలు, సహజ వనరులు-పంపిణీ, లభ్యత, పరిరక్షణ, జీవావరణ శాస్త్రం-ప్రాథమిక భావనలు, ఆరోగ్య-ఆర్థిక రంగాలపై పర్యావరణ ప్రభావం, సామాజిక, ఆరోగ్య, పర్యావరణ రంగాల్లో కాలక్రమేణా చోటు చేసుకుంటున్న మార్పులు, భారత వ్యవసాయ రంగం, పరిశ్రమలు-వాణిజ్యం, రవాణ రంగం, సేవా రంగం, ప్రకృతి వైపరీత్యాలు-నిర్వహణ, ఆహారం-పంపిణీ-నిల్వ, ప్రజారోగ్య సంరక్షణలో ఆహారం పాత్ర వంటి అంశాల నుంచి ప్రశ్నలు వస్తాయి. జనరల్ మెడిసిన్‌లో కార్డియాలజీ, న్యూరాలజీ, డెర్మటాలజీ, సైకియాట్రీ అంశాల నుంచి ప్రశ్నలు వస్తాయి. ఇం దులో భాగంగా కార్డియాలజీ, రెస్పిరేటరీ డిసీజెస్, న్యూరాలజీ, హెమటాలజీ, ఎండోక్రైనాలజీ, మెటబాలిక్ డిజా ర్డర్స్, ఇన్ఫెక్షన్ కమ్యూనికేబుల్ డిసీజెస్, న్యూట్రిషన్ గ్రోత్, డిసీజెస్ ఆఫ్ స్కిన్ (డెర్మటాలజీ), మస్‌స్కోలోస్కెల్‌టల్ సిస్టమ్, సైకియాట్రీ, జనరల్ అంశాల నుంచి ప్రశ్నలు అడుగుతారు. పిడియాట్రిక్స్‌లో చిన్న పిల్లల ఆరోగ్య సమస్యలు, నివారణ, వైద్య విధానానికి చెందిన ప్రశ్నలుంటాయి. పేపర్-2: సర్జరీ విభాగంలో.. జనరల్ సర్జరీ (గాయాలు, ట్యూమర్లు, ఇన్ఫెక్షన్స్, ఎలిమెంటరీ ట్రాక్, అబ్డామినల్ ఇన్‌జ్యూరీస్, న్యూరో సర్జరీ తదితర)పై ప్రశ్నలుంటాయి. గైనకాలజీ అండ్ ఆబ్స్టెట్రిక్స్ నుంచి ఇంట్రా -నాటల్, పోస్ట్-నాటల్; అప్లైడ్ అనాటమీ, అప్లైడ్ సైకాలజీ, జెనిటల్ ట్రాక్; నియోప్లాస్మా; గర్భ నిరోధక విధానాలు తదితర అంశాలపై ప్రశ్నలుంటాయి. చివరి విభాగ మైన ప్రివెంటివ్ సోషల్ అండ్ కమ్యూనిటీ మెడిసిన్‌లో.. సోషల్ అండ్ కమ్యూనిటీ మెడిసిన్ ఉద్దేశం- విధానం; హెల్త్ అడ్మినిస్ట్రేషన్; భారతదేశంలోని విభిన్న జాతులు-వాటికి సంబంధించిన ఆరోగ్య గణాంకాలు, న్యూట్రిషన్ అండ్ హెల్త్, హెల్త్ ఎడ్యుకేషన్ అండ్ మెడికల్ సోషియాలజీ సంబంధ ప్రశ్నలడుగుతారు. ఇంటర్వ్యూ ఇలా: రాత పరీక్షలో సాధించిన మెరిట్ ఆధారంగా ఇంటర్వ్యూ (పర్సనాలిటీ టెస్ట్)కు అభ్యర్థులను పిలుస్తారు. ఇంటర్వ్యూ ప్రధానంగా అభ్యర్థికి వివిధ అంశాల పట్ల ఉన్న అవగాహనను పరీక్షించేందుకు ఉద్దేశించింది. చేపట్టే వృత్తికి ఎంత వరకు న్యాయం చేయగలడు అనే కోణంలో అభ్యర్థి వ్యక్తిత్వాన్ని పరిశీలిస్తారు. ఇందులో భాగంగా అకడమిక్ అంశాలు, మేథో సామర్థ్యం, నిర్ణాయక శక్తి, సామాజిక దృక్ఫథం, నాయకత్వ లక్షణాలు, సేవాతత్పరత, కమ్యూనికేషన్ స్కిల్స్, చురుగ్గా స్పందించే గుణం వంటి అంశాలను అంచనా వేస్తారు. అదేవిధంగా వ్యక్తిగత ఆసక్తులాధారంగా కూడా ప్రశ్నలు సంధించవచ్చు. కెరీర్: పరీక్ష, ఇంటర్వ్యూలో విజయం సాధించినవారిని ప్రతిభ, ఖాళీల ఆధారంగా వివిధ విభాగాల్లో నియమిస్తారు. సెంట్రల్ హెల్త్ సర్వీసెస్‌లో జూనియర్ స్కేల్ పోస్ట్ నియామకం ద్వారా.. సెంట్రల్ గవర్నమెంట్ హెల్త్ స్కీం, ఇతర కేంద్ర ప్రభుత్వ వైద్య పథకాల పరిధిలోని వైద్య కేంద్రాల్లో మెడికల్ ఆఫీసర్ హోదాలో అడుగు పెట్టవచ్చు. రైల్వే విభాగానికి ఎంపికైన వారు రైల్వే హాస్పిటల్స్‌లో సేవ లందించాలి. ఇలా నోటిఫికేషన్లో పేర్కొన్న శాఖల పరిధిలో జూనియర్ స్కేల్ హోదాతో ఉద్యోగం సొంతమవుతుంది. ఎంపికైన విభాగాన్ని బట్టి ఏడాది నుంచి రెండేళ్లవరకు ప్రొబేషన్ శిక్షణ ఉంటుంది. అవసరమనుకుంటే ప్రొబేషన్‌ను పొడిగిస్తారు. దీన్ని విజయవంతంగా పూర్తిచేసుకున్న వారిని విభాగాన్ని బట్టి జూనియర్ స్కేల్ హోదాలో అసిస్టెంట్ డివిజనల్ మెడికల్ ఆఫీసర్, అసిస్టెంట్ మెడికల్ ఆఫీసర్, జనరల్ డ్యూటీ మెడికల్ ఆఫీసర్‌గా నియమిస్తారు. చేరిన అభ్యర్థులు పనితీరు, అనుభవం ఆధారంగా అత్యున్నత హోదాలకు చేరుకుంటారు. రైల్వేల్లో వైద్యాధికారిగా చేరినవారికి ఉచిత రైల్వే పాస్‌లతోపాటు ఇతర సదుపాయాలుంటాయి. ఎంపికైనవారికి విభాగమేదైనా నాన్ ప్రాక్టీసింగ్ అలవెన్స్ కింద బేసిక్ పేకు సమానంగా 25 శాతం నగదు చెల్లిస్తారు. ప్రాక్టికల్‌గా అన్వయించి ఎంబీబీఎస్ కోర్సుపై ఆమూలాగ్రం అవగాహన ఉంటే సీఎంఎస్‌ఈలోని మెడికల్ పేపర్లను సులభంగానే ఆన్సర్ చేయొచ్చు. ఆయా సబ్జెక్టుల ఫండమెంటల్స్‌పై దృష్టిపెట్టి చదువుతూ.. సీఎంఎస్ సరళిని తెలుసుకోవడానికి గత ప్రశ్నపత్రాలను కూడా ప్రాక్టీస్ చేశాను. ఓ వైపు ప్రాక్టీస్ చేస్తూ ఉండటంతో ప్రాక్టికల్ అప్రోచ్ ఏర్పడింది. ప్రిపరేషన్ పరంగా ఈ అంశం బాగా కలిసొచ్చింది. సీఎంఎస్‌ఈ కోసం ఎంబీబీఎస్ పుస్తకాలు, ఆయా పీజీ ఎంట్రెన్‌‌స పుస్తకాలు చదవాలి. మొత్తం పరీక్షలో జనరల్ ఎబిలిటీ కొంత కష్టంగా ఉంటుంది. ఇందులో ముఖ్యంగా ఎకాలజీ, జాగ్రఫీ విభాగాల్లో ప్రోటోటైప్ ప్రశ్నలు ఎక్కువగా ఉంటాయి. వీటిని ఎదుర్కోవాలంటే.. గత ప్రశ్న పత్రాలు, జనరల్ నాలెడ్జ్ రివ్యూ బుక్స్ చదవడం అలవర్చుకోవాలి. సబ్జెక్టులను బట్టీపట్టకుండా.. ఐదేళ్లపాటు అకడెమిక్‌గా చదివిన అంశాలను ప్రాక్టికల్‌గా అన్వయించి సమాధానం ఇచ్చేలా సిద్ధం కావాలి. -జ్యోత్స్న కె. మీనన్ సీఎంఎస్‌ఈ-2012 ఆల్ ఇండియా టాపర్ గతేడాది కంబైన్‌‌డ మెడికల్ సర్వీసెస్ ఎగ్జామినేషన్-2013 ఫలితాలను పరిశీలిస్తే.. మొత్తం 1,492 పోస్టులకు గాను 1,310 మంది ఎంపికయ్యారు. కేటగిరీల వారీగా చూస్తే.. జనరల్: 558, ఓబీసీ-398, ఎస్సీ-210, ఎస్టీ-114. ఈ ఏడాది ప్రకటించిన ఫలితాల్లో మొదటి రెండు స్థానాల్లో నిలిచిన అభ్యర్థులకు సమాన మార్కులు రావడం విశేషం. అమర్ బహదూర్ సింగ్: 436 మార్కులు (పేపర్-1: 179.26, పేపర్-2: 189.08, పర్సనాలిటీ టెస్ట్: 68). లవ్ బన్సల్: 436 మార్కులు (పేపర్-1: 178.57, పేపర్-2: 182.77, పర్సనాలిటీ టెస్ట్: 75). సీఎంఎస్‌ఈ నోటిఫికేషన్ సమాచారం అర్హత: ఎంబీబీఎస్ ఉత్తీర్ణులు, చివరి సంవత్సరం చదువుతున్న వారు ఈ పరీక్షకు దరఖాస్తు చేసుకోవచ్చు. అయితే చివరి సంవత్సరం చదువుతున్న వారు ఇంటర్వ్యూ సమయానికి సర్టిఫికెట్ అందించడం తప్పనిసరి. ప్రస్తుతం చివరి సంవత్సరం చదువుతూ ‘కంపల్సరీ రొటేటింగ్ ఇంటర్న్షిప్’ లో ఉన్న విద్యార్థులు కూడా దరఖాస్తు చేసుకోవచ్చు. అయితే సీఎంఎస్‌ఈ తుది జాబితా ఎంపిక సమయానికి ఆ ఇంటర్న్ షిప్‌ను పూర్తి చేసుకుంటేనే అపాయింట్మెంట్ లభిస్తుంది. వయసు: 32 ఏళ్లు (జనవరి 1, 2014 నాటికి). ఎస్సీ, ఎస్టీ కేటగిరీ అభ్యర్థులకు ఐదేళ్లు; పీహెచ్‌సీ కేటగిరీ అభ్యర్థులకు పదేళ్లు; ఓబీసీ కేటగిరీ అభ్యర్థులకు మూడేళ్లు సడలింపు. దర ఖాస్తు: ఆన్‌లైన్‌లో దరఖాస్తు చేసుకోవాలి. దరఖాస్తుకు చివరి తేదీ: ఏప్రిల్ 21, 2014. పరీక్ష తేదీ: జూన్ 22, 2014 వెబ్సైట్: www.upsc.gov.in, www.upsconline.nic.in
Advertisement