సూపర్‌ స్టార్ మహేశ్‌ బాబు, మాటల మాంత్రికుడు త్రివిక్రమ్‌ కాంబినేషన్‌కు ఉ‍న్న క్రేజ్‌ అంతా ఇంతా కాదు. వీరి కాంబినేషన్‌ కోసం అభిమానులే కాదు ప్రేక్షకులు కూడా ఎదురుచూస్తుంటారు. వీరిద్దరి కాంబోలో వచ్చిన మొదటి చిత్రం 'అతడు' ఎంతటి విజయాన్ని సొంతం చేసుకుందో ప్రత్యేకంగా చెప్పనవసరం లేదు. ఆ సినిమా తర్వాత ఐదేళ్లకు వీరి ఇద్దరి కలయికలో వచ్చిన చిత్రం 'ఖలేజా'. బాక్సాఫీస్‌ వద్ద అంతగా విజయం సాధించకపోయినా మహేశ్‌ బాబు నటనకు మాత్రం విమర్శకుల నుంచి ప్రశంసలు దక్కాయి. ఇప్పుడు ముచ్చటగా మూడోసారి మహేశ్‌ బాబు, త్రివిక్రమ్‌ కలయికలో సినిమా రాబోతుంది. దీనిపై అధికార ప్రకటన ఇదివరకు వచ్చిన సంగతి తెలిసిందే.  ప్రస్తుతం మహేశ్‌ బాబు 'సర్కారు వారి పాట' సినిమా షూటింగ్‌లో, పవర్‌ స్టార్‌ పవన్‌ కల్యాణ్‌ 'భీమ్లా నాయక్‌' చిత్రానికి డైలాగ్‌లు రాసే పనిలో బిజీగా ఉ‍న్నారు. అయితే అతి త్వరలో వీరి  కాంబోలో సినిమా ప్రారంభం కాబోతుందని టాక్. 'అల వైకుంఠపురం' తర్వాత త్రివిక్రమ్‌ నేరుగా దర్శకత్వం వహించడంతోపాటు అతడు, ఖలేజా తర్వాత మహేశ్‌తో చేయనున్న మూడో సినిమా కావడంతో భారీ అంచనాలు నెలకొన్నాయి. అయితే ఈ సినిమాలో చెల్లెలి పాత్రకు అధిక ప్రాధాన్యత ఉన్నట్లు తెలుస్తోంది. సిస్టర్‌ సెంటిమెంట్ ప్రధానంగా తెరకెక్కుతున్న ఈ సినిమాలో మహేశ్‌ బాబుకు చెల్లెలిగా స్టార్‌ హీరోయిన్‌ సాయి పల్లవిని ఎంపిక చేయనున్నట్లు సమాచారం.  అయితే ఇదివరకు మెగాస్టార్‌ చిరంజీవి 'భోళాశంకర్‌' చిత్రంలో చిరుకు సిస్టర్‌గా నటించే అవకాశాన్ని సాయి పల్లవి వద్దనుకున్న సంగతి తెలిసిందే. ఈ విషయాన్ని స్వయంగా సాయి  పల్లవే తెలిపింది. అందుకే ఆ ఆఫర్‌ తర్వాత మహానటి కీర్తి సురేష్‌కు దక్కింది. మరీ మహేశ్‌ బాబు పక్కన చెల్లెలిగా చేయడానికి సాయి పల్లవి ఒప్పుకుంటుందో వేచి చూడాలి. అయితే సాయి పల్లవి అభిమానులు మాత్రం ఇలా జరగకూడదని కోరుకుంటున్నారు. స్టార్‌ హీరో పక్కన చెల్లెలి పాత్ర పోషిస్తే తమ ఫేవరెట్‌ హీరోయిన్ కెరీర్‌ ప్రమాదంలో పడుతుందని వారి అభిప్రాయం. కానీ మహేశ్‌  బాబు పక్కన సాయి పల్లవి హీరోయిన్‌గా చేస్తే మాత్రం హాపీ అంటున్నారు ఫ్యాన్స్‌. ఇక ఈ సినిమాలో హీరోయిన్‌గా పూజా హెగ్డే నటించనుంది. పూజాతో పాటు మరో కథానాయికని కూడా సెలెక్ట్ చేయనున్నట్లు తెలుస్తోంది. ఏప్రిల్‌ నుంచి రెగ్యులర్‌ షూటింగ్‌ ప్రారంభం కానుంది.  ఇదీ చదవండి: మహేశ్‌ బాబు 'సర్కారు వారి పాట' మళ్లీ వాయిదా !.. కారణం ?

హీరో సూర్య, దర్శకుడు గౌతమ్‌ మీనన్‌ కాంబినేషన్‌ మంచి హిట్‌. గతంలో వీరి కాంబినేషన్‌లో ‘కాక్క కాక్క’ (తెలు గులో వెంకటేశ్‌ చేసిన ‘ఘ ర్షణ), ‘వారనమ్‌ ఆయిరమ్‌’ (‘సూర్య సన్నాఫ్‌ కృష్ణన్‌’) సినిమాలు వచ్చాయి. సూర్యను స్టార్‌ లీగ్‌లో నిలబెట్టిన చిత్రాల్లో ఈ రెంటికి కూడా ప్రధాన స్థానం ఉంది. ఇప్పుడు మూడో సినిమా కోసం ఈ కాంబినేషన్‌ కలవబోతోందని చెన్నై టాక్‌. ఈ చిత్రాన్ని లైకా ప్రొడక్షన్‌ నిర్మించనుందట. ఈ నెల 20న విడుదల కానున్న సూర్య చేసిన ‘కాప్పాన్‌’ (‘బందోబస్త్‌’)ను లైకా సంస్థే నిర్మించింది. తాజా చిత్రం త్వరలోనే సెట్స్‌ మీదకు వెళ్లనుంది.

ఇటీవల ‘సర్కార్‌’ సినిమాతో మరో సక్సెస్‌ను ఖాతాలో వేసుకున్నారు తమిళ నటుడు విజయ్‌. ఆయన నెక్ట్స్‌ అట్లీ దర్శకత్వంలో హీరోగా నటించనున్నారు. ఈ సినిమా గురించిన అధికారిక ప్రకటన వెల్లడైంది. ఎజీఎస్‌ ఎంటర్‌టైన్‌మెంట్‌ సంస్థ ఈ సినిమాను నిర్మించనుంది. ఏఆర్‌. రెహమాన్‌ సంగీతం అందించనున్నారు. అట్లీ–విజయ్‌ కాంబినేషన్‌లో ఇది వరకు వచ్చిన ‘తేరి (తెలుగులో ‘పోలీసోడు’), ‘మెర్సెల్‌’ (తెలుగులో ‘అదిరింది’) సినిమాలు బాక్సాఫీస్‌ వద్ద హిట్‌ సాధించాయి. ఇప్పుడు ఈ ఇద్దరు హ్యాట్రిక్‌ హిట్‌పై కన్నేశారు. వచ్చే ఏడాది దీపావళికే ఈ సినిమాను రిలీజ్‌ చేయాలనుకుంటున్నారు. ఈ సినిమాలో కథానాయిక చాన్స్‌ కోసం సమంత, కాజల్, సాయేషా, కీర్తీ సురేశ్‌ పేర్లు తెరపైకి వచ్చాయి. ఇందులో విజయ్‌ బాక్సింగ్‌ కోచ్‌ పాత్రలో నటించబోతున్నారన్న ప్రచారం కోలీవుడ్‌లో జరుగుతోంది.

సాక్షి,హైదరాబాద్‌:  టాలీవుడ్‌ టాప్‌ హీరోయిన్‌ సమంత  ఆనందంతో ఉక్కిరి బిక్కిరి అవుతున్నారు.  ఇటు తెలుగులో వరస హిట్స్‌, అటు తమిళంలో తాజా హిట్‌ను ఎంజాయ్‌ చేస్తున్నారు. రంగస్థలం హిట్‌, మహానటి సూపర్‌  హిట్‌,  ఇరుంబు తిరై   సక్సెస్ టాక్  ఇంతకంటే ఏ హీరోయిన్‌కైనా ఏం కావాలి. ఇదే  ఆనందాన్ని ట్విటర్‌ ద్వారా ఆమె వ్యక్తం చేశారు. టాలీవుడ్‌, కోటీవుడ్‌లో హ్యాట్రిక్ హిట్ తో చాలా హ్యాపీగా ఉన్నానంటూ ట్వీట్‌ చేశారు. ఈ  సమ్మర్‌లో తనకు ఇంతకంటే ఏం కావాలి... ఈ ప్రపంచంలో  హ్యాపియస్ట్‌ అమ్మాయిని నేనే అంటూ  సమంత ట్వీట్ చేశారు. ఈ మూడు సినిమాలకి సంబంధించిన స్టిల్స్ ను పోస్ట్ చేశారు. కాగా   చాలా తక్కువ గ్యాప్ లోనే అక్కినేనివారి కోడలు  సమంత వరుసగా మూడు సక్స్‌స్‌లను తన ఖాతాలో జోడించుకున్నారు. ముఖ్యంగా రాం చరణ్‌ హీరోగా ,  ఆమె నటించిన 'రంగస్థలం' సంచలన విజయాన్ని నమోదు చేసింది. ఇక  లేటెస్ట్‌ రిలీజ్‌'మహానటి'   గురించి ప్రత్యేకంగా  చెప్పాల్సిన పనిలేదు. దీంతోపాటు తమిళంలో విశాల్ సరసన ఆమె చేసిన 'ఇరుంబు తిరై'  నేడు (శుక్రవారం) విడుదలై పాజిటివ్ టాక్‌ను సొంతం చేసుకుంది. Thankyou with all my heart for giving me the best summer I could ever ask for 🙏🙏 #Rangasthalam #Mahanati #IrumbuThirai HATRICK!! Officially the happiest girl in the world 🙏❤️ pic.twitter.com/PGNsEWlpwb — Samantha Akkineni (@Samanthaprabhu2) May 11, 2018


 తెలుగు సినిమా 'శౌర్యం'తో దర్శకుడిగా పరిచయం అయి, తర్వాత కోలీవుడ్ స్టార్ స్టేటస్ అందుకున్న దర్శకుడు శివ. సినిమాటోగ్రఫీ నుంచి దర్శకత్వం శాఖలోకి వచ్చిన ఈ డైరెక్టర్ తమిళనాట వరుస హిట్స్‌తో దూసుకుపోతున్నాడు. ఇటీవలే ఓ కోలీవుడ్‌లో అజిత్ హీరోగా ఓ సూపర్ హిట్ సినిమాను అందించిన శివ అదే హీరోతో మరో సినిమాకు కమిట్ అయ్యాడు.
 
 శివ, అజిత్‌ల కాంభినేషన్ లో రూపొందిన తొలి సినిమా వీరం. తమిళంతో పాటు తెలుగులో కూడా ఈ సినిమాకు మంచి రెస్పాన్స్ వచ్చింది. దీంతో అదే దర్శకుడితో వేదలం సినిమాను చేశాడు అజిత్. ఈ సినిమా కూడా మంచి సక్సెస్ సాధించటంతో ఇప్పుడు అదే కాంబినేషన్ లో హ్యాట్రిక్ సినిమాకు రెడీ అవుతున్నారు.
 
 ప్రస్తుతం మోకాలికి శస్త్రచికిత్స చేయించుకొని రెస్ట్ తీసుకుంటున్న అజిత్ రెండు నెలల పాటు షూటింగులకు దూరంగా ఉంటున్నాడు. దీంతో అజిత్, శివల కాంబినేషన్‌లో తెరకెక్కనున్న మూడో సినిమాను సంక్రాంతికి లాంఛనంగా ప్రారంభించనున్నారు. ఇప్పటికే వీరం, ఎన్నై అరిందాల్, వేదలం సినిమాలతో హ్యాట్రిక్ సక్సెస్ లు సాధించిన అజిత్ మరోసారి అదే మ్యాజిక్ రిపీట్ చేస్తాడేమో చూడాలి.