లాస్‌ ఏంజెలెస్‌: ప్రకృతి రమణీయతకు పట్టుగొమ్మలైన లాస్‌ ఏంజెలెస్‌ అటవీప్రాంతాలు ఇప్పుడు అగ్నికీలల్లో మాడి మసైపోతున్నాయి. వర్షాలు పడక ఎండిపోయిన అటవీప్రాంతంలో అంటుకున్న అగ్గిరవ్వ దావానంలా వ్యాపించి ఇప్పుడు వేల ఎకరాల్లో అడవిని కాల్చిబూడిద చేస్తోంది. పసిఫిక్‌ తీరప్రాంతం మొదలు పాసడేనా వరకు మొత్తం ఐదు వేర్వేరు ప్రాంతాల్లో అగ్ని రాజుకుని వేల ఎకరాలకు వేగంగా వ్యాపించి వందల ఇళ్లు, ఆఫీస్‌ కార్యాలయాలు, దుకాణాలు, పాఠశాలలను భస్మీపటం చేసింది. ఈ ఘటనల్లో ఐదుగురు ప్రాణాలు కోల్పోయారు. పసిఫిక్‌ పాలిసాడ్స్, అల్టాడేనా ప్రాంతాల్లో దావాగ్ని భీకరంగా ఎగసిపడుతూ 17,234 ఎకరాల అటవీప్రాంతాన్ని ఇప్పటికే కాల్చేసింది. ఈటన్‌ ప్రాంతంలో 10,600 ఎకరాలకుపైగా అటవీభూములు దగ్ధమయ్యాయి. హర్స్‌ట్‌ ప్రాంతంలో 855 ఎకరాలు, లిడియా ప్రాంతంలో 348 ఎకరాల మేర అడవి ఇప్పటికే అగ్నికి ఆహుతైంది. పసిఫిక్‌ పాలిసాడ్స్‌ ప్రాంతంలోని మలీబూ తీరం వెంటే హాలీవుడ్‌ సినీ దిగ్గజాల విలాసవంత నివాసాలున్నాయి. ఇందులో ఇప్పటికే చాలామటుకు కాలిబూడిదయ్యాయి. అమెరికా అధ్యక్షుడు జో బైడెన్‌ కుమారుడు హంటర్‌కు చెందిన ఇంటినీ కార్చిచ్చు దహించివేసింది. దావాగ్నిలో దహనమైన నివాసాల్లో చాలా మంది హాలీవుడ్‌ ప్రముఖుల ఇళ్లు ఉన్నాయి. లాస్‌ ఏంజెలెస్‌ చరిత్రలో ఎన్నడూలేనంతటి భీకర అగ్నిజ్వాలల ధాటికి 1,79,700 మంది స్థానికులను సురక్షిత ప్రాంతాలకు తరలివెళ్లాలని అధికార యంత్రాంగం సూచించింది. విద్యుత్‌ సరఫరా నిలిచిపోయి రాత్రిళ్లు లక్షలాది కుటుంబాలు అంధకారంలో గడిపాయి. దాదాపు 3,10,000 మంది కరెంట్‌ కష్టాలను ఎదుర్కొంటున్నారు. పెనుగాలులతో వినాశకర స్థాయిలో విజృంభిస్తున్న మంటలను అదుపులోకి తేవడం అగ్నిమాపక సిబ్బందికి చాలా కష్టంగా మారింది. మంటలను అదుపుచేయడం మా వల్ల కాదని కొందరు అగ్నిమాపక సిబ్బంది ఇప్పటికే చేతులెత్తేశారని స్థానిక మీడియాలో వార్తలొచ్చాయి. ఉన్న మంటలకు తోడు కొత్తగా బుధవారం సాయంత్రం హాలీవుడ్‌ హిల్స్‌లో కొత్తగా అగ్గిరాజుకుని స్థానికులను భయభ్రాంతులకు గురిచేసింది. సన్‌సెట్‌ ఫైర్‌గా పిలుస్తున్న ఈ దావాగ్ని మాత్రమే అత్యల్పంగా 43 ఎకరాలను దహించింది. టీసీఎల్‌ చైనీస్‌ థియేటర్‌ మొదలు ప్రఖ్యాత మేడమ్‌ టుస్సాడ్స్‌ మ్యూజియం ఉన్న వీధులనూ అగ్నికీలలు ఆక్రమించాయి. ఎన్నో సినిమాల్లో కనిపించిన ఫేమస్‌ పాలిసాడ్స్‌ చార్టర్‌ హైస్కూల్‌ భవనం కాలిపోయింది. సన్‌సెట్‌ బోల్‌వార్డ్‌సహా ఎన్నో కొండ అంచు కాలనీల్లో ఖరీదైన ఇళ్లను మంటలు నేలమట్టంచేశాయి. ప్రముఖుల ఇళ్లు నేలమట్టం హాలీవుడ్‌ సినీరంగ ప్రముఖుల ఇళ్లు మంటల్లో చిక్కుకున్నాయి. మ్యాండీ మూర్, క్యారీ ఎల్విస్, ప్యారిస్‌ హిల్టన్, స్టీవెన్‌ స్పీల్‌బర్గ్, టామ్‌ హ్యాంక్స్, బెన్‌ ఎఫ్లేక్, ఆడమ్‌ శాండ్లర్, యూజిన్‌ లేవీ, బిల్లి క్రిస్టల్, జాన్‌ గుడ్‌మాన్, విల్‌ రోజరెస్, జేమ్స్‌ లీ కర్టిస్, జేమ్స్‌ ఉడ్స్‌ సహా చాలా మంది ప్రముఖుల ఇళ్లు తగలబడ్డాయి. ‘‘వీధుల్లో ఎక్కడ చూసినా కాలిన చెక్క ఇళ్ల చెత్తతో నిండిన స్విమ్మింగ్‌ ఫూల్స్‌ కనిపిస్తున్నాయి. యుద్ధంలో బాంబు దాడుల్లో దగ్దమైన జనావాసాల్లా ఉన్నాయి’’అని స్థానికులు ఆవేదన వ్యక్తంచేశాయి. దక్షిణ కాలిఫోర్నియా ప్రాంతంలో మే నెల నుంచి చూస్తే కేవలం 0.1 అంగుళాల వర్షపాతమే నమోదైంది. ఎండిపోయిన పర్వత సానువుల అడవీ ప్రాంతం గుండా గంటకు 80 మైళ్ల వేగంతో వీస్తున్న గాలులు ఈ మంటలను మరింత ఎగదోస్తున్నాయి. ఇప్పట్లో వర్షాలు పడకపోతే శీతాకాలమంతా దావానలం దారుణ పరిస్థితులను ఎదుర్కోక తప్పదని వెస్టర్న్‌ ఫైర్‌ చీఫ్‌ అసోసియేషన్‌ హెచ్చరించింది. పాసడీనా, పసిఫిక్‌ పాలిసాడ్స్‌లో భీకర మంటల భయంతో పలు హాలీవుడ్‌ స్టూడియోలు మూతపడ్డాయి. యూనివర్సల్‌ స్టూడియోస్‌ తమ థీమ్‌ పార్క్‌ను మూసేసింది. ‘‘ వింతవింత కుందేలు బొమ్మలతో బన్నీ హౌజ్‌గా ప్రపంచవ్యాప్తంగా పేరుతెచ్చుకున్న మా మ్యూజియం బుగ్గిపాలైంది. గిన్నిస్‌ ప్రపంచరికార్డు సృష్టిస్తూ ప్రపంచంలోనే అతిపెద్ద బన్నీ భవనం నెలకొల్పడానికి మాకు 40 ఏళ్లు పట్టింది. అది ఇప్పుడు నిమిషాల్లో కాలిపోయింది’’ అని ఆల్టాడేనాలోని సీŠట్‌వ్‌ లుబాన్‌స్కీ, కాండేస్‌ దంపతులు కన్నీటిపర్యంతమయ్యారు. తమ కార్లు, వస్తువులకు ఏమాత్రం ఇన్సూరెన్స్‌ వస్తుందోనని చాలా మంది దిగాలుగా కనిపించారు.ఆస్కార్‌కూ సెగ కార్చిచ్చు సెగ ప్రతిష్టాత్మక ఆస్కార్‌ అవార్డులనూ తాకింది. దీంతో అకాడమీలో నామినేషన్ల ప్రక్రియ ఆలస్యమైంది. వాస్తవానికి బుధవారం నుంచి 14వ తేదీదాకా నామినేషన్‌ ప్రక్రియ కొనసాగాలి. అగ్నికీలలు వ్యాపించడంతో ఓటింగ్‌ ఆలస్యమైంది. షెడ్యూల్‌ ప్రకారం జనవరి 17వ తేదీన ప్రకటించాల్సిన ఆస్కార్‌ నామినేషన్లను జనవరి 19కు వాయిదా వేశారు.చేతివాటం చూపిన దొంగలు ఒక్కసారిగా మంటలు వ్యాపించడంతో స్థానికులు ఇళ్లు వదిలిపోతుండటంతో దొంగలు తమ చేతివాటం ప్రదర్శిస్తున్నారు. దగ్ధ్దమవుతున్న ఇళ్లలో దొంగతనాలు చేస్తున్నారు. ఇలా లూటీ చేస్తున్న 20 మందిని అరెస్ట్‌చేసినట్లు పోలీసులు తెలిపారు. కార్చిచ్చు ఘటనల్లో ఇప్పటిదాకా 4 లక్షల కోట్ల రూపాయల సంపద అగ్నికి ఆహుతైందని బైడెన్‌ సర్కార్‌ ప్రాథమిక అంచనావేసింది. తన చిట్టచివరి అధికారిక పర్యటనలో భాగంగా ఇటలీకి వెళ్దామనుకున్న బైడెన్‌ ఈ అనూహ్య ఘటనతో పర్యటనను అర్ధంతరంగా రద్దుచేసుకున్నారు. పరిస్థితిని స్వయంగా సమీక్షిస్తున్నారు. మరోవైపు కార్చిచ్చు ఉదంతంలో సరిగా స్పందించని కాలిఫోర్నియా గవర్నర్‌ గవిన్‌ న్యూసమ్‌ వెంటనే తన పదవికి రాజీనామా చేయాలని కాబోయే అమెరికా అధ్యక్షుడు డొనాల్డ్‌ ట్రంప్‌ డిమాండ్‌ చేశారు. అంతరిక్షం నుంచి చూసినా కనిపిస్తున్న అగ్నికీలలు ప్రైవేట్‌ శాటిలైట్‌ ఛాయాచిత్రాల సేవలందించే మ్యాక్సర్‌ టెక్నాలజీస్‌ తదితర ఉపగ్రహ సేవా సంస్థలు తీసిన ఫొటోలు ఇప్పుడు విశ్వవ్యాప్తంగా సోషల్‌ మీడియాలో షేర్‌ అవుతున్నాయి. ఫొటోల్లో.. కాలిఫోర్నియాలోని మాలిబు తీరపట్టణ ప్రాంత శాటిలైట్‌ ఫొటోల్లో ఇప్పుడంతా కాలిబూడిదైన ఇళ్లే కనిపిస్తున్నాయి. ఆకాశమంతా దట్టంగా కమ్ముకున్న పొగలతో నిండిపోయింది. ఈస్ట్‌ ఆల్టాడీనా డ్రైవ్‌ ప్రాంతమంతా బూడిదతో నిండిపోయింది. శక్తివంతమైన శాంటా ఆనా వేడి పవనాలు తూర్పులోని ఎడారి గాలిని తీరప్రాంత పర్వతాలపైకి ఎగదోస్తూ మంటలను మరింత ప్రజ్వరిల్లేలా చేస్తున్నాయి. ఉచితాలు.. సాయాలు సర్వం కోల్పోయిన స్థానికులను ఆదుకునేందుకు కొన్ని కంపెనీలు ముందుకొచ్చాయి. సురక్షిత ప్రాంతాలకు తరలించేందుకు తక్కువ ధరకే వాహనాల్లో రైడ్‌ అందిస్తామని ఉబర్, లిఫ్ట్‌ సంస్థలు తెలిపాయి. ఉచితంగా స్నానాల గదులు, లాకర్‌ రూమ్, వై–ఫై సౌకర్యాలు అందిస్తామని ప్లానెట్‌ ఫిట్‌నెస్‌ తెలిపింది. తమ గదుల్లో ఉచితంగా ఉండొచ్చని ఎయిర్‌బీఎన్‌బీ పేర్కొంది. హోటళ్లలో డిస్కౌంట్‌కే గదులిస్తామని విసిట్‌ అనహీమ్‌ వెల్లడించింది. అపరిమిత డేటా, కాల్, టెక్సŠస్ట్‌ ఆఫర్‌ ఉచితంగా ఇస్తామని ఏటీ అండ్‌ టీ, వెరిజాన్‌ సంస్థలు ప్రకటించాయి.

ఆస్కార్ 2024 సంరంభం అంగరంగ వైభవంగా జరిగింది. ప్రపంచ సినిమా రంగంలో నోబెల్ అవార్డులుగాభావించే ఆస్కార్ అవార్డుల కార్యక్రమంలో హాలీవుడ్‌ తారలు రెడ్‌ కార్పెట్‌పై  ప్రత్యేకంగా కనిపించారు. 96వ అకాడమీ అవార్డుల కార్యక్రమంలో  పలువురు సెలబ్రిటీలు స్టార్లు అంతా రెడ్‌ పిన్‌లు ధరించడం  విశేషంగా నిలిచింది.  వీరి ఫోటోలు  వైరల్‌ గా మారాయి. భీకర బాంబుల దాడులతో దద్దరిల్లిన గాజాలో తక్షణ, శాశ్వత కాల్పుల విరమణ కోసం పిలుపునిస్తూ వారంతా రెడ్‌  పిన్‌లను ధరించారు.  అలాగే కాల్పుల విరమణకు పిలుపు నివ్వమని  అమెరికా అధ్యక్షుడు బిడెన్‌ను కోరుతూ ఒక బహిరంగ లేఖపై సంతకం చేశారు. ఇజ్రాయెల్,  గాజాలో హింసను అరికట్టడానికి తక్షణ చర్యలు తీసుకోవాలని కోరారు. ఈ యుద్ధంలో  వేలాదిమంది, ముఖ్యంగా చిన్నారులు ప్రాణాలు కోల్పోవడంపై ఆందోళన వ్యక్తం చేశారు.  గాజాలో శాంతిని కోరుతూ ఈ నిర్ణయం తీసుకున్నామని 'పూర్ థింగ్స్' నటుడు రమీ యూసఫ్ తెలిపారు. ప్రతి ఒక్కరి భద్రతకో పిలుపునిస్తున్నామనీ, పాలస్తీనా ప్రజలకు శాశ్వత న్యాయం , శాంతి కలిగేలా చర్యలు చేపట్టాలని  కోరుకుంటున్నామన్నారు. అర‌చేతిలో  ఒక న‌ల్ల రంగు గుండెతో డిజైన్‌ చేసిన ఈ రెడ్ పిన్నుల‌ను  ఆర్టిస్ట్‌4సీజ్‌ఫైర్ అనే సంస్థ తయారు చేసింది. 

తెలుగు నటుడు వెంకట్‌ సాయి గుండ హీరోగా నటిస్తూ, నిర్మిస్తున్న చిత్రం హాలీవుడ్‌ సైకలాజికల్‌ థ్రిల్లర్‌ మూవీ ‘ది డిజర్వింగ్‌’. ఎస్‌ఎస్‌ అరోరా దర్శకత్వంలో రూపొందుతున్న ఈ చిత్రంలో పలువురు హాలీవుడ్‌ స్టార్స్‌తో పాటు ఇండియన్‌ స్టార్స్‌ నటిస్తున్నారని యూనిట్‌ పేర్కొంది. విస్మయ్‌ కుమార్, తిరుమలేష్‌ గుండ్రాత్‌ ఇతర నిర్మాతలు. ‘‘హాలీవుడ్‌లో ప్రధాన పాత్రధారుడిగా ఒక తెలుగు కుర్రాడు నటించడం ఇదే మొదటిసారి కావొచ్చు. ప్రపంచవ్యాప్త ప్రేక్షకులకు నచ్చేలా ఈ చిత్రం ఉంటుంది’’ అని చిత్ర యూనిట్‌ పేర్కొంది. విదేశీ యాక్టర్లు సిమోన్‌ స్టాడ్లర్, కెల్సీ స్టార్ట్లర్‌ కీలక పాత్రలు ΄ోషిస్తున్న ఈ చిత్రానికి సంగీతం: ఎన్‌జీఏ వెంగ్‌ చియా, సినిమాటోగ్రఫీ: కోషి కియోకావా. 

ఇర్మా హరికేన్ విధ్వంసంతో అల్లాడిపోయిన అమెరికా వాసులను ఆదుకునేందుకు హాలీవుడ్ తారలు ముందుకు వచ్చారు.  సినీ కళాకారులతో పాటు పలువురు టీవీ, క్రీడా ప్రముఖులు కూడా వీరితో చేతులు కలిపారు. హ్యాండ్ ఇన్ హ్యాండ్ : ఏ బెనిఫిట్ ఫర్ హరికేన్ రిలీఫ్ పేరుతో ఏర్పాటు చేసిన కార్యక్రమంలో జార్జ్ క్లోని, జూలియా రాబర్ట్స్, జస్టిన్ బీబర్, ఓప్రా విన్ఫ్రేలు పాల్గొన్నారు. వీరితో పాటు మరికొంత మంది సెలబ్రిటీలు వీడియో మేసేజ్ ల ద్వారా హరికేన్ బాదితులను ఆదుకోవాలని అభిమానులకు పిలుపునిచ్చారు. కుల మతాలకు అతీతంగా సాయం చేసేందుకు ముందుకు రావాలని సహాయకార్యక్రమాల్లో ఎలాంటి పొలిటికల్ ఎజెండాలకు తావునివ్వకూడదని తెలిపారు. త్వరలో స్టేజ్ షోస్ ద్వారా డొనేషన్స్ కలెక్ట్ చేసేందుకు సిద్ధమవుతున్నారు స్టార్స్.


 ‘బోల్డ్’గా మాట్లాడటంలో హాలీవుడ్ తారలను ఎవరూ బీట్ చేయలేరేమో! ఎలాంటి ‘దాపరికాలూ’ లేకుండా ఎంచక్కా అన్నీ ‘షేర్’ చేసేసుకుంటారు. మెక్సికన్ బ్యూటీ సల్మా హయెక్... తనకు హాలీవుడ్‌లో అవకాశాలు రాకపోవడానికి కారణాలను రీసెంట్‌గా పరిశోధించినట్టుంది. మంచి కథలు దొరకలేదనో... మరేదో కారణమో చెప్పకుండా... తాను సక్సెస్ కాకపోవడానికి తన ఒంపుసొంపులే కారణమని తేల్చింది. ‘ముఖ్యంగా నేను పొట్టి. చూడగానే పక్కింటి అమ్మాయిలా అనిపించను.
 
 ఇతర తారల్లా స్టీరియోటైప్ బాడీ స్ట్రక్చర్ కాదు. నా కర్వ్స్ డిఫరెంట్. సో... ఇప్పుడున్న ట్రెండ్‌కు సరిపోను’ అంటూ మనసులో మాట చెప్పుకొచ్చిందీ నలభై ఎనిమిదేళ్ల అమ్మడు. ఉన్నదాన్ని ఏదో ఒకరకంగా ప్రజంట్ చేసి... సక్సెస్ అయితే తమ ఖాతాలో వేసుకుని, ఫెయిల్యూర్స్‌ను యూనిట్ పైకి నెట్టేసే పీపుల్‌ని ఇండస్ట్రీలో చాలా మందినే చూసుంటారు. కానీ... సల్మాలా ఫ్రాంక్‌గా ఎక్స్‌ప్రెషన్స్ షేర్ చేసుకొనేవారు చాలా అరుదే!


 ⇒ 2014లో యాపిల్ యాప్ స్టోర్ ఆదాయం 14.3 బిలియన్ డాలర్లు
 ⇒ హాలీవుడ్ అమెరికా బాక్సాఫీస్ కలెక్షన్స్ 10 బిలియన్ డాలర్లే...
 ⇒ హాలీవుడ్ స్టార్స్ కన్నా కొందరు యాప్ డెవలపర్ల ఆదాయమే ఎక్కువ
 హాలీవుడ్ సినిమాలు కలెక్షన్లలో రికార్డులు బద్దలుగొడుతుంటాయి. కానీ ఆ రికార్డుల్ని యాపిల్ మొబైల్ ఫోన్ షేక్ చేసేస్తోంది. విషయమేమిటంటే గతేడాది మొత్తం హాలీవుడ్ అమెరికా బాక్సాఫీస్ కలెక్షన్ల కంటే యాపిల్ యాప్ స్టోర్ ఆదాయమే ఎక్కువ. అదీ... స్మార్ట్ ఫోన్స్ పవర్.
  
 యాపిల్ గతేడాది విడుదల చేసిన ఐఫోన్ 6, 6 ప్లస్‌లు బంపర్ సక్సెస్ సాధించాయి. దీంతో యాప్‌ల (అప్లికేషన్ల) బిజినెస్ దూసుకెళ్లింది. 2014లో ఐఓఎస్ ప్లాట్‌ఫామ్‌పై పుట్టుకొచ్చిన యాప్‌లతో కంపెనీ అద్భుతాలు సృష్టించింది. గతేడాది చివరి క్వార్టర్లో (అక్టోబర్-డిసెంబర్) యాపిల్ నికర లాభం ఏకంగా లక్ష కోట్ల రూపాయల్ని (18 బిలియన్ డాలర్లు) దాటేసి... ఒక త్రైమాసికంలో ఒక కంపెనీ సాధించిన అత్యధిక లాభంగా నిలిచింది. వీటన్నిటినీ మించి... 2014లో యాపిల్ యాప్ స్టోర్ ద్వారా 14.3 బిలియన్ డాలర్ల ఆదాయాన్ని ఆర్జించింది. అంతేకాక ఐఫోన్, ఐప్యాడ్‌ల కోసం యాప్‌లు తయారు చేసిన డెవలపర్లకు 10 బిలియన్ డాలర్ల మొత్తాన్ని యాపిల్ చెల్లించింది.
 
 చిత్రమేంటంటే అమెరికాలో హాలీవుడ్ బాక్సాఫీస్ కలెక్షన్లు గతేడాది దాదాపు 10 బిలియన్ డాలర్లు. అంటే ఎలా చూసినా హాలీవుడ్ సిల్వర్ స్క్రీన్‌ను యాపిల్ మొబైల్ స్క్రీన్ దాటేసిందన్నమాట. 2008లో తొలిసారిగా యాపిల్ యాప్ స్టోర్ ప్రారంభించేటప్పటికి ఈ మొబైల్ యాప్స్ బిజినెస్ అంటే తెలిసినవాళ్లు చాలా తక్కువ. ఇప్పుడు దీనిపైనే ఆధారపడిన సంస్థలు, సాఫ్ట్‌వేర్ నిపుణులు లక్షల్లో ఉండటం యాప్ ‘విశ్వ’రూపానికి తార్కాణం. కొంత మంది హాలీవుడ్ స్టార్స్ వార్షికాదాయం కన్నా కొందరు యాప్ డెవలపర్ల ఆదాయమే ఎక్కువ మరి.
  
 ఆండ్రాయిడ్‌కు చెక్..!
 గూగుల్ ఆండ్రాయిడ్ దూకుడుతో కొంత తడబాటుకు గురైన యాపిల్.. మళ్లీ తన సత్తా చాటింది. ప్రధానంగా ఆండ్రాయిడ్ ఓఎస్ స్మార్ట్‌ఫోన్ల విభాగంలో అగ్రస్థానంలో ఉన్న శామ్‌సంగ్ అమ్మకాల జోరు తగ్గుతున్నట్లు తాజా గణాంకాలు చెబుతున్నాయి. ఆండ్రాయిడ్ యాప్స్ శరవేగంగా దూసుకొచ్చి యాపిల్‌కు సవాలు విసిరినప్పటికీ.. ఐఓఎస్ యాప్స్ డెవలపర్లకే రాబడులు అధికంగా ఉండటంతో రేసులో యాపిల్ మళ్లీ పైచేయి సాధిస్తోంది. యాపిల్ యాప్ స్టోర్ ప్రారంభం నుంచి(2008) ఇప్పటివరకూ డెవలపర్లకు 25 బిలియన్ డాలర్లను యాపిల్ చెల్లించినట్లు అంచనా. అంటే ఒక్క 2014లోనే 40 శాతం మొత్తాన్ని డెవలపర్లు దక్కించుకున్నారు.
  
 14 లక్షలు: యాపిల్ స్టోర్‌లో అందుబాటులో ఉన్న యాప్స్ సంఖ్య.
 (ఇప్పుడున్న గూగుల్ ఆండ్రాయిడ్ యాప్స్ దాదాపు 13 లక్షలు)
  
 50%: యాపిల్ స్టోర్‌లో ఒక్క 2014 ఏడాది యాప్స్ అమ్మకాల్లో వృద్ధి.
 50 కోట్ల డాలర్లు: ఈ జనవరి తొలివారంలో యాప్స్‌పై యాపిల్  ఖర్చు.
 
 6,27,000: యాపిల్ యాప్స్ బిజినెస్ ద్వారా అమెరికాలో కొత్తగా పుట్టుకొచ్చిన జాబ్స్.(హాలీవుడ్ సృష్టించిన జాబ్స్ 3,74,000గా అంచనా)
 
 7.5 కోట్లు: గతేడాది చివరి మూడు నెలల్లో(క్యూ4) ప్రపంచవ్యాప్తంగా అమ్ముడైన యాపిల్ ఐఫోన్స్ సంఖ్య.


 మీకు ‘దిల్’ రాజు తెలియకపోవచ్చు...
 సురేష్‌బాబు తెలియకపోవచ్చు...
 అల్లు అరవింద్ తెలియకపోవచ్చు...
 అంత పెద్దవాళ్లను వదిలిపెడితే
 అసలు మీకు ఇండస్ట్రీలో
 స్పాట్‌బాయ్ కూడా తెలియకపోవచ్చు.
 
 మీరు ఖమ్మంలో ఉండొచ్చు...
 తాడేపల్లిగూడెంలో ఉండొచ్చు...
 అనంతపురంలో ఉండొచ్చు...
 అసలు మీరు హైదరాబాద్ రావడానికి ట్రైన్ టికెట్     కొనడానికి మనీ లేకపోవచ్చు...
 
 అయినా సరే... మీరున్న చోటే
 ఏ ఖర్చు లేకుండా
 థియేటర్‌లో రిలీజ్ చెయ్యగలిగే
 ఒక పూర్తి నిడివి గల సినిమా ఎలా తీయొచ్చో
 నేను చెబుతాను అంటున్నారు... రామ్‌గోపాల్ వర్మ.
 
 అవునా... ఇదంతా నిజమా?
 అసలు వర్మ మాటలను విశ్వసించవచ్చా?
 లేక ఇదేమన్నా ఆయన చేసే రొటీన్ పబ్లిసిటీ జిమ్మిక్కా?
 అసలిది వర్మలాంటి వారికే పరిమితమా?
 లేక అందరికీ సాధ్యమా?
 
 ఈ ప్రశ్నలన్నింటికీ వర్మ దగ్గర సమాధానాలు సిద్ధంగా ఉన్నాయి.
 అసలు ‘ఐస్‌క్రీమ్’ సినిమాను అతి తక్కువ బడ్జెట్‌లో ఎలా తీయగలిగారు?
 అసలు ఇలా తీయాలని ఎందుకనిపించింది?
 ఈ విశేషాలన్నింటినీ రామ్‌గోపాల్‌వర్మ
 ‘సాక్షి’కి ఎక్స్‌క్లూజివ్‌గా వివరించారు.
 
 1.  ఇది 1999 నాటి మాట. న్యూయార్క్ ఫిల్మ్ అకాడమీలో కోర్సు చేసిన ఇద్దరు ఔత్సాహిక దర్శకులు 15 వేల డాలర్ల ఖర్చుతో ఓ సినిమా తీశారు. దాన్ని విడుదల చేయడం కోసం ఓ స్టూడియో వాళ్లకు చూపిస్తే ఓ అరగంట సినిమా చూసి పారిపోయారు. కానీ నానా తిప్పలుపడి మొత్తానికి ఆ సినిమా రిలీజ్ చేయగలిగారు వాళ్లిద్దరూ. సరిగ్గా అదే రోజు మరో పెద్ద సినిమా ‘ఐస్ వైడ్ షట్’ కూడా రిలీజ్. టాప్ హాలీవుడ్ స్టార్స్ టామ్ క్రూజ్, నికోల్ కిడ్మన్ నటించిన సినిమా అది. అయితే దానికన్నా ఈ కొత్త సినిమాకే బాగా ఓపెనింగ్స్ వచ్చాయి. దానికి కారణం ఇంటర్‌నెట్‌లో వాళ్లు చేసుకున్న ప్రచారం. ఒక సినిమాని అలా ప్రచారం చేసి, హిట్ చేయొచ్చని హాలీవుడ్‌కి అప్పుడే తెలిసొచ్చింది. 250 మిలియన్ డాలర్లు వసూలు చేసిన ఆ సినిమా పేరు ‘ద బ్లెయిర్ విచ్ ప్రాజెక్ట్’.
 
 2.  ఏడు వేల డాలర్లతో తీసిన ‘పారానార్మల్ యాక్టివిటీ’ సెన్సేషన్ సృష్టించింది. ఇలా తక్కువ బడ్జెట్‌లో ఓ సహకార సంఘంలాగా సినిమా తీయడమనేది హాలీవుడ్‌లో ఓ ట్రెండ్ అయ్యింది. వాటి ఇన్‌స్పిరేషన్‌తోనే ‘ఐస్‌క్రీమ్’ మొదలుపెట్టా!
 
 3.  మామూలుగా ఓ సినిమా తీయాలంటే కథ కావాలి. ఆర్టిస్టులు కావాలి. టెక్నీషియన్లు కావాలి. వాళ్లకు డబ్బులిచ్చి సినిమా తీయాలి. ఇది రెగ్యులర్ ఫార్మాట్. నేను దీనికి పూర్తి భిన్నంగా వెళ్లదలిచా!
 
 4.  మొదట ఆర్టిస్టుల విషయానికొద్దాం. ఇందులో రెండే రెండు ప్రధాన పాత్రలు. నవదీప్, తేజస్వి. వీళ్లిద్దరికీ పారితోషికాలు కాకుండా, సినిమాలో ఇంత వాటా ఇస్తామని చెప్పాం. అంటే విడుదల తర్వాత లాభాలను బట్టి వాళ్ల డబ్బులు వాళ్లకు పర్‌ఫెక్ట్‌గా అందుతాయి. ఈ సినిమాకి నో కాస్ట్యూమ్ డిజైనర్స్. సీన్‌కి తగ్గట్టు వాళ్ల కాస్ట్యూమ్స్ వాళ్లే వేసుకొచ్చేశారు. నో మేకప్. ఏవైనా టచప్‌లు ఉంటే వాళ్లే చేసుకున్నారు. షూటింగ్‌కి వాళ్ల కారులోనే వచ్చారు. బ్రేక్ ఫాస్ట్ ఎవరింట్లో వాళ్లు చేసి రావడమే. లంచ్ ఎవరికి నచ్చింది వాళ్లు ఆర్డర్ చేసి తెప్పించుకోవడమే. సెట్‌లో కాఫీ, టీలు మాత్రమే ఇచ్చాం.
 
 5.  సినిమా షూటింగ్ అంతా ఒక్క బిల్డింగ్‌లో చేశాం. ఆ బిల్డింగ్ రెంట్ రోజుకి 30 వేలు. 7 రోజుల షూటింగ్‌కి 2 లక్షల 10 వేల రూపాయలు ఇచ్చాం. కాఫీ, టీలకు 1, 832 రూపాయలు ఖర్చు అయ్యింది. అంటే మొత్తం 2 లక్షల 11 వేల 832 రూపాయలు ఖర్చయినట్టు. ఇది ఒక రకంగా మా మేకింగ్ కాస్ట్!
 
 6. మా యూనిట్ మొత్తం 8 మంది మాత్రమే. నలుగురు కెమేరా ఆపరేటర్లు, నేను, ఒక అసిస్టెంట్ డెరైక్టర్, ఒక ప్రొడక్షన్ అసిస్టెంట్, ఒక టెక్నికల్ అసిస్టెంట్. కై్లమాక్స్‌కి మాత్రం ఇంకొంతమంది పెరిగారు.
 
 7. ‘సత్య’ చిత్రానికి బ్యాక్‌గ్రౌండ్ స్కోర్‌కి 20 లక్షలైంది. ఆ తర్వాత సినిమాకి అమర్ మొహిలే 10 లక్షలు తీసుకున్నాడు. ‘డి’ దగ్గరకొచ్చేసరికి 3 లక్షలే అయ్యింది. టెక్నాలజీ పెరిగేకొద్దీ బ్యాగ్రౌండ్ స్కోర్‌కయ్యే ఖర్చు తగ్గిపోయింది. ‘ఐస్‌క్రీమ్’కి మాత్రం నాకు రూపాయి ఖర్చు కాలేదు. దానికి కారణం... కొన్ని వెబ్ సైట్స్‌లో ఆర్‌ఆర్ ట్రాక్స్‌ని ఉచితంగా డౌన్‌లోడ్ చేసుకున్నాం. వాటిని స్టీరియో మిక్స్ చేయడానికి ఓ టెక్నికల్ పర్సన్ సపోర్ట్ తీసుకున్నామంతే!
 
 8. సౌండ్ ఎఫెక్ట్స్‌కి కూడా మాకు డబ్బు ఖర్చు కాలేదు. టీవీ సీరియల్‌క్కూడా పనిచేయని ఒకతను మాకు ఈ వర్క్ చేసిపెట్టాడు. సినిమా బాగోలేదన్నవాళ్లు కూడా సౌండ్ ఎఫెక్ట్స్ బాగున్నాయని చెప్పిన విషయం ఇక్కడ మీరు గుర్తుపెట్టుకోవాలి.
 
 9. ‘బ్లాక్‌మ్యాజిక్’ అనే పాకెట్ కెమేరాతో ఈ సినిమా తీశాం. దాని ఖరీదు కేవలం పాతిక వేలు. లైట్లు అస్సలు వాడలేదు మేం.
 
 10.  ఓసారి స్టడీక్యామ్ కెమేరాను గుర్తు చేసుకుందాం. గ్యారెట్ బ్రౌన్ అనే వ్యక్తికి జాగింగ్ చేస్తున్నపుడు ఓ సందేహం వచ్చింది. మనిషి పరిగెడుతున్నా విజన్ షేక్ కావడం లేదు... మరి కెమేరాతో పరిగెడితే పిక్చర్ ఎందుకు షేక్ అవుతోందని? కెమేరా ఐ పీస్ చిన్నగా ఉండటం వల్లే ఈ సమస్య వస్తుందని గుర్తించిన అతను, ఐ పీస్ లేకుండా కెమేరాకు మానిటర్ పెడితే? ఎలా ఉంటుందని ఆలోచించాడు. దాన్నుంచి పుట్టిందీ స్టడీక్యామ్. ‘శివ’ టైమ్‌లో అన్నపూర్ణ స్టూడియోలో - ఎవరూ చదవకుండా పారేసిన ‘అమెరికన్ సినిమాటోగ్రాఫర్’ మేగజైన్‌లో ఈ విశేషాలు చదివాను. ఆనంద్ సినీ సర్వీస్ వాళ్ల దగ్గర ఈ స్టడీకామ్ నాలుగేళ్లుగా ఖాళీగా పడివుందని తెలిసి ఆశ్చర్యపోయా. మా కెమేరామేన్ ఎస్. గోపాల్‌రెడ్డికి స్టడీకామ్ వాడదామని చెబితే, ‘‘ఫోకస్ సరిగ్గా ఉండదు, బ్యాలెన్స్ ఉండదు’’ అని చెప్పారు. అయినా పర్లేదని చెప్పి వాడాం. ‘శివ’ హిట్టయ్యాక అందరూ స్టడీక్యామ్ వాడసాగారు. ఇప్పుడా స్టడీక్యామ్ మూల పడిపోయే రోజు వచ్చింది. అదెందుకనో వివరంగా చెబుతాను.
 
 11. ‘ఐస్‌క్రీమ్’కి ‘గింబల్’ అనే రిగ్ వాడాం. ఈ గింబల్ దెబ్బకు ఇకపై స్టడీక్యామ్, ట్రాక్ అండ్ ట్రాలీ కనబడవ్! కావలిస్తే ఒకటి, రెండు నెలలు ఆగి చూడండి. అవి చేసే పనులను పది రెట్లు ఇంకా బెటర్‌గా ‘గింబల్’ చేస్తుంది! స్టడీక్యామ్ ఎక్విప్‌మెంట్ మొత్తానికి రోజుకి వేలల్లో ఖర్చు అవుతుంది. ‘గింబల్’కి అంత అవసరం లేదు. స్కిల్డ్ ఆపరేటర్ కూడా అవసరం లేదు. ‘ఐస్‌క్రీమ్’కి ఓ ప్రొడక్షన్ బాయ్‌తో ఆపరేట్ చేయించాం. బకెట్ తీసుకెళ్లినంత సులువుగా, ‘గింబల్’ను వాడొచ్చు. కెమేరాను 360 డిగ్రీస్‌లో ఆపరేట్ చేయొచ్చు.
 
 12. ‘ఫ్లోకామ్’ విషయానికొద్దాం. ‘ఫ్లోక్యామ్’... కెమేరా కాదు, ఒక మెథడ్! ఆర్టిస్టులకి కెమేరా కనబడ కుండా ఆపరేట్ చేసే పద్ధతి. ఇది నేను కనిపెట్టిందే! ఫ్లోక్యామ్ పద్ధతిలో కెమేరా ఎక్కడుందో తెలీకుండా, అసలు షూటింగ్ జరుగుతున్నట్టే తెలియకుండా షాట్స్ తీసుకోవచ్చు. దీనివల్ల ఓ కొత్త రకమైన ఫిల్మ్ లాంగ్వేజ్ వస్తుంది. సినిమా గ్రామర్ మారుతుంది.
 
 13. మాకు ‘ఎడిటర్’ అనే కాన్సెప్టే లేదు. ఆరుగురు ట్రైనీలు ఎప్పటికప్పుడు ల్యాప్‌టాప్‌లో ఎడిట్ చేస్తుంటే, వాటిని ఫైనల్‌గా ఒకరు పర్యవేక్షించారు.
 
 14. లిమిటెడ్ బడ్జెట్‌లో, లిమిటెడ్ టీమ్‌తో ఎవరైనా సినిమా తీసేయొచ్చు. ఇది రామ్‌గోపాల్‌వర్మకో, పూరి జగన్నాథ్‌కో పరిమితం కాదు. టెక్నాలజీని మనం ఉపయోగించుకోవడాన్ని బట్టి ఉంటుంది.
 
 15. మునుపటిలోలాగా స్టూడియోల గేట్లు పట్టుకుని వేలాడనవసరం లేదు! ఎవరి దగ్గరా అసిస్టెంట్లుగా చేరనవసరం లేదు. నిర్మాతల కోసం వెతుక్కోవాల్సిన పని లేదు. మీకు నచ్చినట్టుగా సినిమా తీసేసి ఓ ట్రయిలర్ రెడీ చేసుకోండి. దాన్ని పేరున్న పంపిణీ సంస్థకో, నిర్మాణ సంస్థకో పంపండి. వాళ్లకు మీ కంటెంట్ నచ్చితే కచ్చితంగా మీకు ఆహ్వానం పలుకుతారు. ఇక ఇంటర్‌నెట్‌లో యూ ట్యూబ్ ఎలానో ఉంది. అక్కడ కూడా మీ ప్రయత్నాన్ని అందరూ వీక్షించేలా చేసుకోవచ్చు.
 
 16.  మీకో ఉదాహరణ చెబుతాను. ఓ నాగ్‌పూర్ అబ్బాయి ఓ చిన్న సినిమా తీశాడు. అచ్చం నేను అంతకు ముందు తీసిన ‘అడవి’ సినిమాలా అనిపిస్తుంది. అయితే నేను ‘అడవి’ సినిమాను ఏడున్నర కోట్లు ఖర్చుపెట్టి తీస్తే, అతనేమో 6 లక్షల్లో బ్రహ్మాండంగా తీశాడు. పక్కింటాయన దగ్గర కెమెరా తీసుకుని, తన ఫ్రెండ్స్‌ని పెట్టి తీశాడు. అవుట్‌పుట్ చూసి అదిరిపోయాను. వెంటనే ఆ డీవీడీని ముంబైలో కె. సెరాసెరా సంస్థ వాళ్లకు పంపించాం. వాళ్లు చూసి టెరిఫిక్‌గా ఉందన్నారు. అయితే 70 నిమిషాల నిడివే ఉంది. దాని నిడివి పెంచి విడుదల చేసే ఆలోచనలో ఉన్నారు.
 
 17.  అలా నాగ్‌పూర్ నుంచి ఓ దర్శకుడు వచ్చినట్టుగా, ఏ చీరాల నుంచో, రాజమండ్రి నుంచో కరీమ్‌నగర్ నుంచో డెరైక్టర్లు ఎందుకు రాకూడదనేది నా ప్రశ్న. 8 కోట్ల మందిలో ఒక రామ్‌గోపాల్ వర్మ, ఒక పూరి జగన్నాథేనా? మా మాదిరి టాలెంట్ ఉన్నవాళ్లు ఇంకా చాలామందే ఉండి ఉంటారు. ఈ టెక్నాలజీ వాళ్లకు పెద్ద ఊతాన్ని ఇవ్వాలి.
 
 18.  నాకు 2 లక్షల్లో సినిమా అయినట్టుగా మీకు అవ్వకపోవచ్చు. ఇంకాస్త ఎక్కువైతే అయ్యింది... ముందంటూ ప్రయత్నం మొదలుపెట్టండి. మీకు అందుబాటులో ఉన్న వనరులతోనే సినిమా తీసి, మిమ్మల్ని మీరు నిరూపించుకోండి.
 
 19.  టెక్నాలజీలో వచ్చే మార్పుల్ని మొదట ఎవ్వరూ జీర్ణించుకోలేరు. కమల్‌హాసన్ ‘ఆవిడ్’ వాడినప్పుడు, మిగతా ఎడిటర్లంతా నిరాకరించారు. నేను ‘దొంగల ముఠా’ను 5డిలో తీసినప్పుడు కూడా అంతే. టెక్నాలజీ వల్ల సినిమా మేకింగ్‌లో సరికొత్త విప్లవం వస్తుంది... ఇంకా రావాలి కూడా. ఇలా మీరు చెప్పడం వల్ల ప్రతివాడూ డెరైక్షన్ చేసేస్తాడు కదా? అని ఎవరో అడిగారు. ఏం... ఎందుకు చేయకూడదు? ప్రతివాడికీ ఓటు హక్కు ఉన్నట్టుగా... ప్రతివాడూ ఎందుకు సినిమా తీయకూడదు?
 
 ఈ టెక్నాలజీ కొంతమందికి మింగుడు పడకపోవచ్చు. కానీ భవిష్యత్తు ఇండస్ట్రీ ఇదే! 10-15 శాతం ఖర్చు తగ్గించుకోవడం కోసం రకరకాల ప్రయత్నాలు చేస్తున్న ఈ తరుణంలో 80 శాతం ఖర్చు కలిసొస్తుందంటే అందరూ దీని గురించి par ఆలోచించాల్సిందే!ఙ- సంభాషణ: పులగం చిన్నారాయణ
  


 ఇల్లు కట్టి చూడు.. పెళ్లి చేసి చూడు అంటారు. ఈ రెండూ ఒకేసారి చేస్తే, మధ్యతరగతి కుటుంబాలవారు కోరి కష్టాలు తెచ్చుకున్నట్లే. కానీ, హాలీవుడ్ తారలు బ్రాడ్ పిట్, ఏంజెలీనా జోలీ వంటి కోటీశ్వరులకు ఇది చాలా చిన్న విషయం. ఈ ఇద్దరూ ఒకవైపు ఇల్లు కట్టిస్తున్నారు... మరోవైపు తమ పెళ్లికి సంబంధించిన సన్నాహాలు చేసుకుంటున్నారు. తాము ప్రేమలో పడ్డ విషయాన్ని పదేళ్ల క్రితం ప్రకటించింది ఈ జంట. ఎట్టకేలకు ఇప్పుడు పెళ్లి చేసుకోవాలని నిర్ణయించుకున్నారు. ఈ ఏడాది చివర్లో లేక వచ్చే ఏడాది ప్రథమార్ధంలో ఉంగరాలు మార్చుకోవాలని వీరిద్దరూ నిశ్చయించుకున్నారు.
 
 పెళ్లయిన తర్వాత ఉండటం కోసం ఓ ఇల్లు కట్టిస్తున్నారు. ఇంటిపని ఇప్పుడు తుది మెరుగుల దశలో ఉంది. మరోవైపు పెళ్లిబట్టలు, నగలను ప్రత్యేకంగా డిజైన్ చేయించుకునే పని మీద ఉన్నారిద్దరూ. అదేం లెక్కో కానీ.. కేవలం 22 మంది అతిథులను మాత్రమే ఈ వేడుకకు ఆహ్వానించాలనుకున్నారట. అత్యంత నిరాడంబరంగా వివాహం చేసుకోనున్నామనీ, జీవితానికి తీపి గుర్తుగా నిలిచే ఆ తేదీ ఏమిటన్నది త్వరలోనే ప్రకటిస్తామనీ బ్రాడ్, జోలీ జంట పేర్కొంది.