యాక్షన్ సినిమా అంటే పూర్తిగా యాక్షనే కాదు కామెడీతో కూడిన యాక్షన్ చిత్రాలు ఇదివరలో మనం చాలానే చూశాం. అదే కోవలో విడుదలైన చిత్రం ఫ్రీలాన్స్ ప్రైమ్ వీడియో ఓటిటి వేదికగా స్ట్రీమ్ అవుతోంది. జాన్ సేనా వంటి సీరియస్ యాక్షన్ కథానాయకుడు నటించిన చిత్రం ఈ ఫ్రీలాన్స్. కథాపరంగా కథానాయకుడు ఒకప్పుడు ఆర్మీలో పని చేసి ఓ వ్యక్తి చేసిన తప్పిదానికి ఆర్మీ నుండి అనుకోకుండా తను సస్పెండ్ అవుతాడు.కొంతకాలం తరువాత తన స్నేహితుడి ద్వారా ప్రైవేట్ ఆర్మీలో పని చేసే అవకాశం లభిస్తుంది కథానాయకుడికి. ఆ ప్రైవేట్ ఆర్మీ మొదటి ఆపరేషన్ ఓ జర్నలిస్టుకి బాడీగార్డ్ గా వ్యవహరించడం. ఆ జర్నలిస్ట్ ఓ దేశాధిపతిని ఇంటర్వ్యూ చేయడానికి వెళ్ళే తరుణంలో కథానాయకుడిని బాడీగార్డ్ గా తీసుకువెళుతుంది. అక్కడ ఆదేశాధిపతి మీద దాడి జరుగుతుంది. తరువాత ఆ దాడిని కథానాయకుడు ఎలా ఎదుర్కున్నాడు, జర్నలిస్ట్ ను ఎలా రక్షించాడు అన్నది ఓటిటి తెర మీద చూడాల్సిందే. ఈ కథ కాన్సెప్ట్ సీరియస్ అయినా స్క్రీన్ ప్లే మాత్రం హాస్యభరితంగా ఉంటుంది. వీకెండ్ మూవీ వ్యూవర్స్ కు మస్ట్ వాచ్ మూవీ అని చెప్పవచ్చు.- ఇంటూరు హరికృష్ణ

స్టార్ రెజ్ల‌ర్‌, WWE వరల్డ్ లెజెండ్ జాన్ సినా త‌న కెరీర్‌కు విడ్కోలు ప‌లికేందుకు సిద్ద‌మ‌య్యాడు. 2025లో జరిగే రెసల్ మేనియా అనంత‌రం త‌న కెరీరీను ముగించనున్న‌ట్లు జాన్ సినా ప్ర‌క‌టించాడు. కెనడాలో జరుగుతున్న డబ్ల్యూడబ్ల్యూఈ (WWE) మనీ ఈవెంట్‌కు హాజరైన సినా.. అంద‌ర‌ని షాక్‌కు గురిచేశాలా త‌న రిటైర్మెంట్ నిర్ణ‌యాన్ని వెల్ల‌డించాడు."ఈ రోజు నా డ‌బ్ల్యూడ‌బ్ల్యూఈ(WWE) రిటైర్మెంట్‌ను అధికారికంగా ప్రకటిస్తున్నాను. వ‌చ్చే ఏడాది రెసల్ మేనియా అనంత‌రం నా కెరీర్‌కు విడ్కోలు ప‌ల‌క‌నున్నాను. మీ అభిమానానికి ధ‌న్య‌వాదాలు" అని జాన్ సినా పేర్కొన్నాడు. ఇందుకు సంబంధించిన వీడియోను డ‌బ్ల్యూడ‌బ్ల్యూఈ సోష‌ల్ మీడియాలో షేర్ చేసింది.2001లో రెజ్లింగ్‌లోకి అరంగేట్రం చేసిన జాన్‌ సినా.. ఈ రెండు దశాబ్దాల కాలంలో కోట్ల మంది అభిమానుల‌ను త‌న సొంం చేసుకున్నాడు. ఇప్పటివరకు 16 సార్లు డ‌బ్ల్యూడ‌బ్ల్యూఈ ఛాంపియ‌న్‌గా జాన్ సినా నిలిచాడు. జాన్‌ సినా కొన్ని హాలీవుడ్‌ సినిమాల్లో నటించి ఆకట్టుకున్నారు. టీవీ షోల్లోనూ సందడి చేశారు.

సాక్షి, హైదరాబాద్‌: భాగ్యనగరం అంతర్జాతీయ స్థాయిలో మరోసారి తన ప్రతిష్టను చాటుకుంది. డబ్ల్యూడబ్ల్యూఈ చాంపియన్‌షిప్‌నకు వేదికగా నిలిచింది. సమరాన్ని తలపించేలా శుక్రవారం గచ్చిబౌలి ఇండోర్‌ స్టేడియంలో ‘డబ్ల్యూడబ్ల్యూఈ సూపర్‌స్టార్‌ స్పెక్టాకిల్‌’ పోరు జరిగింది. దేశంలో రెండోసారి, నగరంలో తొలిసారిగా పోటీలు జరగడంతో సందడి నెలకొంది. ‘డబ్ల్యూడబ్ల్యూఈ సూపర్‌స్టార్‌ స్పెక్టాకిల్‌’లో పదమూడు సార్లు ప్రపంచ చాంపియన్‌గా నిలిచిన ‘జాన్‌ సినా’ రావడంతో అభిమానుల ఆనందం అంబరాన్నంటింది. జాన్‌ సినాతో పాటు సేథ్‌ ‘ఫ్రీకిన్‌’ రోలిన్స్‌, జిందర్‌ మహల్‌, నటల్య, ‘ది రింగ్‌ జనరల్‌’ గుంథర్‌, డ్రూ మెక్‌ఇంటైర్‌, కెవిన్‌ ఓవెన్స్‌, సమీ జైన్‌ వంటి డబ్ల్యూడబ్ల్యూఈ సూపర్‌స్టార్లు తలపడేందుకు విచ్చేశారు. ఈ సందర్భంగా ప్రత్యేక విమానంలో వచ్చిన వీరికి ఎయిర్‌పోర్టులో అభిమానులు ఘనస్వాగతం పలికారు. డబ్ల్యూడబ్ల్యూఈ సూపర్‌స్టార్‌ స్పెక్టాకిల్‌కు హాజరైన జాన్‌ సినాను సోనీ పిక్చర్స్‌ నెట్‌వర్క్స్‌ ఇండియా చీఫ్‌ రెవెన్యూ ఆఫీసర్‌, ఇంటర్నేషనల్‌ బిజినెస్‌ హెడ్‌ రాజేష్‌ కౌల్‌ ఆహ్వానించి అభినందనలు తెలిపారు. ఇటీవల డబ్ల్యూడబ్ల్యూఈ ట్యాగ్‌ టీమ్‌ కెవిన్‌ ఓవెన్స్‌, సామి జైన్‌లతో సీక్రెట్‌గా ఓ ప్రాజెక్ట్‌ చిత్రీకరణలో కనిపించి అలరించిన దక్షిణాది హీరో కార్తీ శుక్రవారం జాన్‌ సినాను ప్రత్యేకంగా కలిసి ఫొటోలు దిగారు. గొప్ప అనుభూతి.. ► ఈ సందర్భంగా జాన్‌ సినా మాట్లాడుతూ.. భారత్‌లో తనకు ప్రత్యేక అభిమానులున్నారని, ఇన్నేళ్ల తర్వాత భారత్‌ వేదికగా డబ్ల్యూడబ్ల్యూఈ సూపర్‌స్టార్‌ స్పెక్టాకిల్‌లో పాల్గొనడం గొప్ప అనుభూతిగా నిలిచిపోతుందన్నారు. ► పోటీల్లో పాల్గొంటున్న భారతీయ ఫైటర్లు వీర్‌ మహాన్‌, సంగా, జిందర్‌ మహల్‌లు హైదరాబాద్‌ నగరాన్ని మరోసారి ఆస్వాదించామన్నారు. ప్రత్యేకంగా చార్మినార్‌ను సందర్శించామని, ఇక్కడి ఫేమస్‌ బిర్యానీ తిన్నామని ఆనందాన్ని వ్యక్తం చేశారు. ► స్పెక్టాకిల్‌లో పాల్గొన్న లేడీ ఫైటర్‌ నటల్య ‘భారతీయ అభిమానుల ప్రేమలో తడవటం గొప్ప అనుభూతి అని’ అభివర్ణించింది. ఇక్కడి మూలాల్లోనే పోటీతత్వం ఇమిడి ఉందని కితాబిచ్చింది.

హైదరాబాద్‌: నగరంలో ప్రతిష్టాత్మక వరల్డ్‌ రెజ్లింగ్‌ ఎంటర్‌టైన్‌మెంట్‌ (డబ్ల్యూడబ్ల్యూఈ) పోరుకు రంగం సిద్ధమైంది. గచ్చిబౌలి ఇండోర్‌ స్టేడియంలో శుక్రవారం జరిగే ఈ ఈవెంట్‌ కోసం అభిమానులు పెద్ద సంఖ్యలో ఎదురు చూస్తున్నారు. 16 సార్లు ప్రపంచ చాంపియన్‌, రెజ్లింగ్‌ ఆల్‌టైమ్‌ గ్రేట్‌ జాన్‌ సినా ఇక్కడ బరిలోకి దిగనుండటమే అందుకు కారణం. అతని ఫైట్‌ చూసేందుకు పెద్ద సంఖ్యలో ఫ్యాన్స్‌ ఎగబడటంతో చాలా ముందుగానే ‘బుక్‌ మై షో’లో టికెట్లన్నీ అమ్ముడుపోయాయి. జాన్‌ సినా భారత్‌లో బరిలోకి దిగడం ఇదే మొదటిసారి. 2017లో భారత్‌లో చివరిసారిగా డబ్ల్యూడబ్ల్యూఈ ఈవెంట్‌ జరగ్గా.. ఆరేళ్ల తర్వాత మన దేశంలో నిర్వహిస్తున్నారు. హైదరాబాద్‌తో పాటు దేశంలోని ఇతర నగరాల నుంచి కూడా రెజ్లింగ్‌ ఫ్యాన్స్‌ ఈ ఫైట్‌ను తిలకించేందుకు వస్తున్నారు. ‘సూపర్‌ స్టార్‌ స్పెక్టకిల్‌’ పేరుతో నిర్వహిస్తున్న ఈ ఫైట్‌లో జాన్‌ సినాతో పాటు పలువురు ప్రముఖ రెజ్లర్లు పాల్గొంటున్నారు. ఫిన్‌ బాలర్‌, రియా రిప్లీ, సేట్‌ రోలిన్స్‌ ఈ జాబితాలో ఉన్నారు. టీమ్‌ ఈవెంట్‌లో ప్రపంచ హెవీవెయిట్‌ చాంపియన్‌ రోలిన్స్‌తో కలిసి జాన్‌ సినా.. గియోవానీ విన్సీ, లుడ్విగ్‌ కై సర్ద్‌ జోడీతో తలపడతారు. మహిళల విభాగంలో డిఫెండింగ్‌ వరల్డ్‌ చాంపియన్‌ రియా రిప్లీ ప్రధాన ఆకర్షణ కానుంది. రాత్రి 7.30నుంచి ప్రారంభమయ్యే ఈ ఫైట్‌ను ‘సోనీ స్పోర్ట్స్‌ నెట్‌వర్క్‌’లో ప్రత్యక్ష ప్రసారం చేస్తారు.

డబ్ల్యూడబ్ల్యూఈ స్టార్ జాన్ సేనా అంటే గుర్తుపట్టని వారు ఉండరు. తాజాగా ప్రధాని నరేంద్ర మోదీ అమెరికా పర్యటనలో బైడెన్ దంపతులతో ముచ్చటిస్తున్న క్రమంలో దిగిన ఓ పిక్ తెగ వైరల్ అవుతోంది. అదీ జాన్ సేనా సిగ్నేచర్‌లా ఉండటమే అందుకు కారణం.  View this post on Instagram A post shared by John Cena (@johncena) అయితే.. బైడెన్ దంపతుల ఆహ్వానం మేరకు ప్రధాని నరేంద్ర మోదీ అమెరికాకు వెళ్లారు. ఈ క్రమంలో అమెరికా అధ్యక్షుడు బైడెన్‌తో ముచ్చటిస్తున్న క్రమంలో ప్రధాని మోదీ చేతిని పైకెత్తారు. అచ్చం అలాగే డబ్ల్యూడబ్ల్యూఈ స్టార్ జాన్ సేనా కూడా చేతిని పైకెత్తుతారట. ఆ ఫొటోను స్వయంగా జాన్ సేనా తన అన్‌స్టాలో షేర్ చేశారు. దీంతో ఆ పిక్‌ సామాజిక మాధ్యమాల్లో వైరల్ అయింది. తమ అభిమాన స్టార్ జాన్ సేనా కూడా అలాగే చేతిని పైకెత్తుతారని గుర్తుచేశారు అభిమానులు. మోదీ.. జానా సేనా సిగ్నేచర్ పెట్టడంపై హర్షం వ్యక్తం చేశారు.  డబ్ల్యూడబ్ల్యూఈ ఇండియా కూడా జాన్ సేనా పోస్ట్‌పై స్పందించింది. హ్యాండ్‌షేక్ చేస్తున్న ఎమోజీ పెట్టింది. ఈ పర్యటన అమెరికా భారత్ మధ్య సరికొత్త అధ్యయాన్ని సృష్టిస్తుందని మోదీ అన్నారు. 21వ శతాబ్దపు గతిని నిర్ణయిస్తుందని పేర్కొన్నారు. ప్రపంచంలో అగ్రగామిగా ఉన్న కార్పొరేట్ సంస్థల సీఈఓలు కూడా మోదీని కలిశారు. గూగుల్ సీఈఓ సుందర్ పిచాయ్, మైక్రోసాఫ్ట్ సత్య నాదేళ్ల, ముఖేష్ అంబానీ దంపతులు, మహేంద్ర గ్రూప్ ఛైర్మన్ ఆనంద్ మహేంద్ర తదితరులు పాల్గొన్నారు. ఈ పర్యటనలో ప్రధాని మోదీకి డిన్నర్‌లో ప్రత్యేకమైన వంటకాలు వడ్డించారు. ఇరుదేశాల మధ్య సంబంధాలపై ఈ పర్యటన ఎంతో ముఖ్యపాత్ర పోషిస్తుందని ప్రధాని మోదీ అన్నారు. ఇదీ చదవండి: పాట పాడి.. మోదీ కాళ్లు మొక్కిన అమెరికన్‌ గాయని

డబ్ల్యూడబ్ల్యూఈ స్టార్‌ జాన్‌ సీనా ధోని క్రేజ్‌కు ఫిదా అయ్యాడు. తన సిగ్నేచర్‌ గెస్టర్‌ 'You Cant See me'ని ఇటీవలే లక్నో సూపర్‌జెయింట్స్‌తో మ్యాచ్‌లో సీఎస్‌కే కెప్టెన్‌ ధోని అనుకరించిన సంగతి తెలిసిందే. మ్యాచ్‌ సందర్భంగా మహీష్‌ తీక్షణ అప్పీల్‌ను అంపైర్‌ అనిల్‌చౌదరీ తిరస్కరించారు.  దీంతో వికెట్ల వెనకాల ఉన్న ధోని తీక్షణవైపు చూస్తూ తాను యాక్షన్‌ను సరిగ్గా చూడలేకపోయానని అర్థమయ్యేలా చెప్పడానికి తన చేతును ముఖానికి అడ్డంగా ఉపాడు. ఇది అచ్చం జాన్‌సీనా 'You Cant See me' సిగ్నేచర్‌ను పోలి ఉండడంతో వెంటనే వైరల్‌ అయింది. ధోని 'You Cant See me' ఫోటోను సోషల్‌ మీడియాలో షేర్‌ చేసిన అభిమానులు తమ సంతోషాన్ని పంచుకున్నారు. తాజాగా శనివారం ముంబై ఇండియన్స్‌తో మ్యాచ్‌ ప్రారంభానికి ముందు జాన్‌సీనా ధోని 'You Cant See me' సిగ్నేచర్‌ ఫోటోను స్వయంగా ఇన్‌స్టాగ్రామ్‌లో షేర్‌ చేయడం ఆసక్తి కలిగించింది. అయితే కేవలం ఫోటో మాత్రమే పెట్టిన జాన్‌సీనా ఎలాంటి క్యాప్షన్‌ జత చేయకపోయవడం అభిమానులను ఆశ్చర్యపరిచింది. View this post on Instagram A post shared by John Cena (@johncena) చదవండి: ఐపీఎల్‌ చరిత్రలోనే అత్యంత చెత్త రికార్డు మూటగట్టుకున్న రోహిత్‌ శర్మ

‘మేక్‌ ఎ విష్‌’ ఫౌండేషన్‌ మనకు చిరపరిచితమైందే. దాని ద్వారా పిల్లల విషెస్‌ తెలుసుకుని మన హీరోలు సైతం ఒకటి అరా నిజం చేశారు. కానీ... యూఎస్‌ ప్రో రెజ్లర్‌ జాన్‌ సేనా... 650 మంది విషెస్‌ను నిజం చేసి గిన్నిస్‌ రికార్డు సృష్టించాడు. 45 ఏళ్ల జాన్‌... జూలై 19నాటికే ఈ రికార్డును పూర్తి చేసినట్టు గిన్నిస్‌ ప్రకటించింది. జాన్‌ను ‘హెర్‌క్యులీన్‌’(అత్యంత బలశాలి)అని ప్రశంసించింది గిన్నిస్‌. 42 ఏళ్ల మేక్‌ ఎ విష్‌ ఫౌండేషన్‌ చరిత్రలో... 200 మించిన విషెస్‌ను పూర్తి చేసినవారే లేరట. అలాంటిది 650 మంది పిల్లల కోరికలను నిజం చేయడం అంటే మామూలు విషయం కాదు కదా! అయితే... పిల్లలు ఎక్కువగా కోరుకునే సెలబ్రిటీ కూడా అతనేనట. 1999లో రెజ్లింగ్‌ కెరీర్‌ను మొదలుపెట్టిన 2002 నుంచే మేక్‌ ఎ విష్‌ ఫౌండేషన్‌తో కలిసి పనిచేయడం ప్రారంభించాడు.    (చదవండి: వీడియో: కానిస్టేబుల్‌ కక్కుర్తి.. అటు ఇటు చూసి మామిడి పండ్ల దొంగతనం.. అడ్డంగా బుక్కయ్యాడు)

ఆ అమ్మ కథ.. ఓ స్టార్‌నటుడిని కరిగించింది. ఆ కథ తెలుసుకుని డబ్ల్యూడబ్ల్యూఈ సూపర్‌ స్టార్‌, హాలీవుడ్‌ నటుడు జాన్‌ సీనా తీవ్ర భావోద్వేగానికి లోనయ్యాడు. డౌన్‌ సిండ్రోమ్‌తో బాధపడుతున్న తన వీరాభిమానిని ఎట్టకేలకు కలుసుకున్నాడు. పైగా ఆ అభిమాని ఉక్రెయిన్‌ శరణార్థి కావడంతో మరింత ప్రాముఖ్యత సంతరించుకుంది.  19 ఏళ్ల మిషా రోహోజైన్‌, డౌన్‌ సిండ్రోమ్‌తో బాధపడుతున్న టీనేజర్‌. కొడుకు పరిస్థితి చూసి.. తండ్రి చిన్నప్పుడే వదిలేశాడు. అప్పటి నుంచి ఆ ఒంటరి తల్లే కొడుకు ఆలనాపాలనా చూసుకుంటోంది. ఉక్రెయిన్‌ మరియాపోల్‌ వాళ్ల స్వస్థలం. ఒకప్పుడు అతని ఇంటి నిండా జాన్‌ సీనా పోస్టర్లే. కానీ, యుద్ధంతో వాళ్ల ఇళ్లు నాశనం అయ్యింది. ప్రాణాలు అరచేతపట్టుకుని ఆ తల్లీకొడుకులు దేశం విడిచారు. అయితే.. ఇంటిని, ఇంట్లో ఉన్న జాన్‌ సీనా పోస్టర్లను వదిలి వెళ్లేందుకు మిషా ఇష్టపడలేదు. దీంతో జాన్‌ సీనాను కలిపిస్తాం అంటూ ఆ తల్లి ఆ కొడుకుని బతిమాలి దేశం దాటింది.  అమ్‌స్టర్‌డ్యామ్‌ దగ్గర ఓ శరణార్థ క్యాంపులో తలదాచుకున్నారు వాళ్లు. అప్పటి నుంచి మిషా, జాన్‌ సీనాను కలవాలని గోల చేయడం మొదలుపెట్టాడు. ఈ తరుణంలో..  మే నెలలో నెదర్లాండ్స్‌కు జాన్‌ సీనా వస్తున్నాడని తెలిసి.. అక్కడికి వెళ్లారు. కానీ, ఆ సూపర్‌ స్టార్‌ రాలేదు. నిరాశగా వెనుదిరిగారు వాళ్లు. ఈ ఉక్రెయిన్‌ శరణార్థి కథ.. ఈ మధ్యే వాల్‌ స్ట్రీట్‌ జర్నల్‌లో పబ్లిష్‌ అయ్యింది. ఆ కథనం ద్వారా విషయం తెలుసుకున్న సీనా.. ఆ తల్లి సాహసానికి ఫిదా అయ్యాడు. అంతేకాదు తన వీరాభిమాని మిషాను కలుసుకోవాలని డిసైడ్‌ అయ్యాడు. అమ్‌స్టర్‌డ్యామ్‌ దగ్గర ఓ శరణార్థ క్యాంపులో తలదాచుకున్న ఆ కుటుంబాన్ని కలుసుకున్నాడు జాన్‌ సీనా. శరణార్థి శిబిరం కావడంతో అనుమతులు దొరకడం ఇబ్బంది అయ్యింది. ఇబ్బందులు తలెత్తుతాయాన్న ఉద్దేశంతో డబ్ల్యూడబ్ల్యూఈ సైతం స్పానర్‌షిప్‌ చేయలేదు. దీంతో తన సొంత ఖర్చులతో రిస్క్‌ అయినా సరే జాన్‌ సీనా, ఆ తల్లీకొడుకులను కలుసుకున్నాడు. మిషాకు తన గుర్తుగా కొన్ని గిఫ్ట్‌లు ఇచ్చాడు.  What a wonderful way to spend a Saturday. Misha and his mother, Liana define #NeverGiveUp. Thank you to the @WSJ and @WWE who helped make this special visit possible. https://t.co/RpriCvjN3K — John Cena (@JohnCena) June 7, 2022

John Cena Pays Tribute To Sidharth Shukla : నటుడు, బిగ్‌బాస్‌ 13 విన్నర్‌ సిద్ధార్థ్‌ శుక్లా హఠాన్మరణంతో బీటౌన్‌ ఇండస్ట్రీ ఒక్కసారిగా షాక్‌కి గురయింది. ఎంతో భవిష్యత్తు ఉన్న సిద్ధార్థ్‌ 40 ఏళ్ల వయసులోనే గుండెపోటుతో ప్రాణాలు కోల్పోవడంపై నెటిజన్లు సహా బాలీవుడ్‌ ప్రముఖులు విచారం వ్యక్తం చేస్తున్నారు. సిద్దార్థ్‌ మరణం ఇండస్ట్రీకి తీరని లోటని సంతాపం ప్రకటిస్తున్నారు. తాజాగా హాలీవుడ్‌ నటుడు, డబ్ల్యూడబ్ల్యూఈ  వ్రిస్ట్‌లర్‌ జాన్ సెనా సిద్ధార్థ్‌ మరణంపై సంతాపం వ్యక్తం చేశారు. చదవండి : Sidharth Shukla : సిద్ధార్థ్ శుక్లా ఆకస్మిక మరణం.. అదే కారణమా? డబ్ల్యూడబ్ల్యూఈ ఫాలో అయ్యేవారికి జాన్‌సేనా ఎవరో తెలిసే ఉంటుంది. అంతేకాకుండా  16 సార్లు డబ్ల్యూడబ్ల్యూఈ ఛాంపియన్‌ నిలవడ​మే కాకుండా ఎన్నో హాలీవుడ్‌ సినిమాల్లో నటించి జాన్సెనా ప్రపంచ వ్యాప్తంగా పాపులర్‌ అయ్యాడు. ఇటీవలె తన అఫీషియల్‌ ఇన్‌స్టాగ్రామ్‌ అకౌంట్‌ ద్వారా  సిద్ధార్థ్‌ శుక్లా ఫోటో షేర్‌చేసి సంతాపం తెలిపాడు. అర్జున్‌ కపూర్‌, వరుణ్‌ ధావన్‌, శ్రద్ధా ఆర్య వంటి పలువురు బాలీవుడ్‌ ప్రముఖులు ఆ ఫోటోని లైక్‌ చేశారు. ప్రస్తుతం జాన్సెనా చేసిన ఈ పోస్ట్‌ సోషల్‌ మీడియాలో వైరల్‌గా మారింది. హాలీవుడ్‌ నటుడు  సిద్ధార్థ్‌కు సంతాపం వ్యక్తం చేయడంపై అతని అభిమానులు జాన్సెనాపై ప్రశంసలు కురిపించారు. ఈ పోస్ట్‌కు సిద్ధార్థ్‌ ఫ్యాన్స్‌ నుంచి కామెంట్ల వర్షం కురుస్తుంది. తమ అభిమాన నటుడికి శాశ్వతంగా గుడ్‌ బై చెబుతూ పలువురు నెటిజన్లు సంతాపం తెలిపారు.  చదవండి : సిద్ధార్థ్‌ శుక్లా అంత్యక్రియలు: కన్నీరు మున్నీరుగా విలపిస్తున్న షెహనాజ్‌ View this post on Instagram A post shared by John Cena (@johncena)

సౌతాంప్టన్‌: వరల్డ్‌ టెస్టు చాంపియన్‌షిప్‌ ఫైనల్‌ ఎప్పుడెప్పుడు ఆరంభమవుతుందా అని టీమిండియా అభిమానులు ఎదురుచూస్తున్నారు. జూన్‌ 18న ప్రారంభమయ్యే ఈ మెగా టోర్నీ గురించి ఇప్పటికే సోషల్‌ మీడియా వేదికగా తమ అభిప్రాయాలు పంచుకుంటూ సందడి చేస్తున్నారు. అన్ని విధాలుగా పటిష్టంగా ఉన్న విరాట్‌ కోహ్లి నేతృత్వంలోని భారత జట్టే విజయకేతనం ఎగురవేస్తుందంటూ జోస్యం చెబుతున్నారు. రకరకాల మీమ్స్‌, ఫొటోలతో హల్‌చల్‌ చేస్తున్నారు. ఈ క్రమంలో డబ్ల్యూడబ్ల్యూఈ వరల్డ్‌ స్టార్‌ జాన్‌ సీన ఇన్‌స్టాలో షేర్‌ చేసిన ఓ పోస్టు ఫ్యాన్స్‌ను ఆకర్షిస్తోంది. బ్యాట్‌ చేతబట్టి సీరియస్‌ లుక్‌తో ఉన్న కోహ్లి ఫొటోను పంచుకున్న జాన్‌ సీన.. క్యాప్షన్‌ మాత్రం జతచేయలేదు.  ఇక ఈ పోస్టుకు స్పందనగా.. ‘‘ ‘‘కింగ్‌ కోహ్లి క్రేజ్‌ అలాంటిది మరి. తను ఎక్కడైనా ఉంటాడు. డబ్ల్యూటీసీ ఫైనల్‌కు ముందు జాన్‌ సీన టీమిండియాకు ఇలా మద్దతు తెలిపాడు’’ అంటూ భారత అభిమానులు కామెంట్లు చేస్తున్నారు. ప్రస్తుతం ఈ ఫొటో సోషల్‌ మీడియాలో వైరల్‌ అవుతోంది. కాగా  ఈ నెల 18 నుంచి భారత్‌, న్యూజిలాండ్‌ల మధ్య డబ్యూటీసీ ఫైన‌ల్ ప్రారంభం కానుంది. ఈ నేపథ్యంలో జూన్‌ 3న సౌతాంప్టన్‌కి చేరుకున్న టీమిండియా.. ప్రాక్టీస్ సెషన్స్‌లో బిజీగా గడుపుతోంది. ఆదివారం రెండు జట్లుగా విడిపోయిన భారత ఆటగాళ్లు ప్రాక్టీసు మ్యాచ్‌ ఆడారు.  ఈ సందర్భంగా రిషబ్ పంత్ అద్భుత శతకంతో (94 బంతుల్లోనే 121 పరుగులు) అజేయంగా నిలువగా, ఓపెనర్ శుభమన్ గిల్ హాఫ్‌ సెంచరీతో (135 బంతుల్లో 85 పరుగులు) ఆకట్టుకున్నాడు. ఇక బౌలర్లలో ఇషాంత్ శర్మ(3/36) ఒక్కడే మెరుగ్గా రాణించాడు. కాగా కోహ్లి సేన వరుస విజయాలతో జోరు మీద ఉండటం.. మరోవైపు ఇంగ్లండ్‌పై టెస్టు సిరీస్‌ విజయంతో విలియమ్సన్‌ బృందం ఆత్మవిశ్వాసంతో ముందుకు సాగనుండటంతో డబ్ల్యూటీసీ పోరు మరింత రసవత్తరంగా మారడం ఖాయంగా కనిపిస్తోంది. View this post on Instagram A post shared by John Cena (@johncena) చదవండి: శతక్కొట్టిన పంత్‌.. ఫిఫ్టీతో ఆకట్టుకున్న గిల్‌

ఫ్లోరిడా: న‌టుడిగా మారిన‌ రెజ్లింగ్ స్టార్ జాన్‌సేన‌ మ‌రోసారి పెళ్లి చేసుకుని వార్త‌ల్లోకి ఎక్కారు. ఏడాది కాలంగా డేటింగ్ చేస్తోన్న‌ ప్రియురాలు షే ష‌రియాత్‌జాదేను ర‌హ‌స్యంగా పెళ్లాడారు. ఫ్లోరిడాలోని తంపాలో సోమ‌వారం ఈ కార్య‌క్ర‌మం జ‌రిగింది. అయితే ఈ వివాహ విష‌యాన్ని ఆయ‌న అధికారికంగా ధ్రువీక‌రించ‌క‌పోయిన‌ప్ప‌టికీ‌ అక్క‌డి మీడియాకు మాత్రం స‌మాచారం లీకైంది. దీంతో అత‌ని పెళ్లి స‌ర్టిఫికెట్ ఫొటోలు ప్ర‌స్తుతం సోష‌ల్ మీడియాలో వైర‌ల్‌గా మారాయి. (చ‌ద‌వండి: లక్ష్మీ దేవిని ఆరాధిస్తాను: హాలీవుడ్‌ నటి) కాగా గ‌తేడాది మార్చిలో జాన్‌సేన‌ "ప్లేయింగ్ విత్ ఫైర్" సినిమా చిత్రీక‌ర‌ణ జ‌రుపుతున్న స‌మ‌యంలో ఈ ఇద్ద‌రికీ చూపులు క‌లిశాయి. ఈ ఏడాది ఫిబ్ర‌వ‌రిలో షే ష‌రియాత్‌జాదే ఎడ‌మ‌ చేతికి వ‌జ్ర‌పుటుంగ‌రం క‌నిపించ‌డంతో నిశ్చితార్థం కూడా జ‌రిగిపోయిన‌ట్లు వార్త‌లు వినిపించాయి. ఎట్ట‌కేల‌కు తాజాగా డేటింగ్‌కు ముగింపు ప‌లుకుతూ పెళ్లి బంధంతో ఒక్క‌ట‌య్యారు. కాగా జాన్‌సేన 2009లో మొద‌ట ఎలిజ‌బెత్ హుబెర్డీయును పెళ్లాడారు. త‌ర్వాత ఆమెతో తెగ‌తెంపులు చేసుకుని నిక్కీ బెల్లాతో తొమ్మిదేళ్లపాటు ప్రేమాయ‌ణం జ‌రిపారు, కానీ అనుకోని కార‌ణాల వ‌ల్ల 2018లో బ్రేకప్ చెప్పుకున్నారు. (చ‌ద‌వండి: రణ్‌వీర్‌ డ్రెడ్‌లుక్‌ ఫొటో షేర్‌ చేసిన జాన్‌సెనా) View this post on Instagram John is married. He didn't blame a pandemic for not getting married. Y'all love to see it. #nikkibella #johncena#shayshariatzadeh #shena #married #getsome #youcantseeme #Nartem A post shared by @ johncenaismarried on Oct 14, 2020 at 7:18pm PDT

రెజ్లింగ్ స్టార్‌‌ జాన్‌సెనా ఇన్‌స్టాగ్రామ్‌లో షేర్‌ చేసిన బాలీవుడ్‌ హీరో రణ్‌వీర్‌ సింగ్‌ ఫొటో ప్రస్తుతం నెట్టింట చక్కర్లు కోడుతోంది. రణ్‌వీర్‌ డ్రిడ్‌లుక్‌(చెట్టు వేళ్లలా తలపై జుట్టు ఇరుపైపులా వేలాడుతూ ఉండటం)తో ఉన్న ఫొటోను జాన్‌ శుక్రవారం ఇన్‌స్టాగ్రామ్‌లో పోస్టు చేశాడు. దీనికి ప్రముఖ మాజీ రెజ్లర్‌ స్టార్‌ స్టోన్‌ కోల్డ్‌ స్టీవ్‌ ఆస్టీన్‌ పేరును క్వారంటైన్‌లో ‘కోల్డ్‌ స్టోన్‌ సింగ్‌’ అంటూ ఫొటోపై రాసి పోస్టు చేశాడు. ఇది చూసిన రణ్‌వీర్‌ హహ్హాహ్హా... అంటూ స్మైలీ ఎమోజీకి చేతులు కట్టుకుని ఉన్న ఎమోజీని జత చేసి కామెంట్‌ చేశాడు.  View this post on Instagram A post shared by John Cena (@johncena) on May 29, 2020 at 5:28am PDT కాగా కరోనా వైరస్ వ్యాప్తిని అరికట్టడానికి ప్రభుత్వం దేశవ్యాప్తంగా లాక్‌డౌన మరోసారి పోడగించిన విషయం తెలిసిందే. ఈ సందర్భంగా రణ్‌వీర్‌ తన ఇన్‌స్టాగ్రామ్‌లో ఈ లాక్‌డౌన్‌ నా రూపం చూడండి అంటూ డ్రిడ్‌లుక్‌తో ఉన్న ఫొటోను ఇటీవల షేర్‌ చేసిన విషయ తెలిసిందే. కాగా వరల్డ్‌ రెజ్లింగ్‌ ఎంటర్‌టైన్మెంట్‌ టైటిల్‌ను జాన్‌సెనా 16 సార్లు గెలుచుకున్న అతడు రెజ్లింగ్‌మానియా 36 ఇంతవరకు రింగ్‌లో పోరాడలేదు. ఫైర్‌ప్లె ఫన్‌ హౌజ్‌ మ్యాచ్‌లో ది ఫైండ్‌ గా ప్రసిద్దీ చెందిన బ్రే వ్యాట్‌తో రింగ్‌లో తలపడి గెలిచాడు. 

డబ్ల్యూడబ్ల్యూఈ వరల్డ్‌ స్టార్‌ జాన్‌ సెనా క్రియేట్‌ చేసిన మీమ్‌ బాలీవుడ్‌ భామ శిల్పాశెట్టి అభిమానులను ఆకర్షిస్తోంది. డబ్ల్యూడబ్ల్యూఈ అమెరికన్‌ స్టార్‌ స్టీవ్‌ ఆండర్సన్‌ ఫొటోను మార్ఫ్‌ చేసిన జాన్‌ సెనా.. అతడి శరీరానికి శిల్పా ముఖాన్ని అంటించాడు. ‘స్టోన్‌ కోల్డ్‌(స్టీవ్‌ ఆండర్సన్‌ స్టేజ్‌ నేమ్‌) శిల్పా శెట్టి కుంద్రా’ అంటూ ఆ ఫొటోను ఇన్‌స్టాగ్రామ్‌లో పోస్ట్‌ చేశాడు. కొన్ని గంటల్లోనే మిలియన్ల కొద్దీ లైకులు సాధించిన ఈ ఫొటోపై స్పందించిన నెటిజన్లు.. ‘బాలీవుడ్‌.. డబ్ల్యూడబ్ల్యూఈ కలిస్తే ఇలాగే ఉంటుంది. కానీ శిల్పా నిన్నలా చూడలేకపోతున్నాం. నిజంగా జుట్టు ఊడిపోతే ఏంటీ సంగతి. భయంగా ఉంది. రెజ్లర్‌ కావాలని పొరపాటున ఆ పని చేయకు. ప్లీజ్‌’ అంటూ ఫన్నీ కామెంట్స్‌ చేస్తున్నారు. ఇక వైరల్‌గా మారిన తన ఫొటోపై స్పందించిన శిల్పా శెట్టి ‘ హిలేరియస్‌గా ఉంది.  అమ్మో ఇది మాత్రం రాకూడదు’ అనే క్యాప్షన్‌తో తన ఇన్‌స్టా అకౌంట్‌లో జాన్‌ సెనా క్రియేట్‌ చేసిన ఫొటోను షేర్‌ చేశారు. కాగా వరల్డ్‌ చాంపియన్‌ అయిన జాన్‌ సెనా ప్రపంచకప్‌లో టీమిండియా విజయాన్ని కాంక్షిస్తూ కెప్టెన్‌ విరాట్‌ కోహ్లి ఫొటోను షేర్‌ చేసిన సంగతి తెలిసిందే. అదే విధంగా తన ఫ్యాన్‌ అయిన విహాన్‌ కుంద్రా(శిల్పాశెట్టి కొడుకు)ను విష్‌ చేస్తూ వీడియో రూపొందించాడు. ఈ క్రమంలో.. ‘జాన్‌ సెనా అకౌంట్‌ను బహుశా భారతీయులు ఆపరేట్‌ చేస్తున్నారేమో. అందుకే ఈ మధ్య ఎక్కువగా ఇలాంటి పోస్టులే కనిపిస్తున్నాయి’ అంటూ అతడి ఫ్యాన్స్‌ కామెంట్లు చేస్తున్నారు. View this post on Instagram A post shared by John Cena (@johncena) on Jul 12, 2019 at 2:17am PDT

మాంచెస్టర్‌: ఐసీసీ వన్డే ప్రపంచకప్‌లో భాగంగా భారత్‌, న్యూజిలాండ్‌ జట్ల మధ్య సెమీఫైనల్‌ మ్యాచ్‌ నేడు జరగనున్న నేపథ్యంలో సోషల్‌ మీడియాలో క్రికెట్‌ ఫీవర్‌ తారాస్థాయికి చేరింది. ఇరు జట్లకు సంబంధించిన ఫొటోలు, వీడియోలు, కామెంట్లతో సామాజిక మాధ్యమాలు హోరెత్తుతున్నాయి. సెలబ్రిటీలు కూడా సెమీస్‌ మానియాతో ఊగిపోతున్నారు. 16 సార్లు డబ్ల్యూ డబ్ల్యూఈ వరల్డ్‌ చాంపియన్‌గా నిలిచిన అమెరికాకు చెందిన ప్రముఖ మల్లయోధుడు జాన్‌ సెనా మొదటిసారి తన ఇన్‌స్టాగ్రామ్‌లో క్రికెట్‌ ఫొటో షేర్‌ చేశాడంటే క్రికెట్‌ మానియా ఏ రేంజ్‌లో ఉందో అర్థమవుతోంది. టీమిండియా కెప్టెన్‌ విరాట్‌ కోహ్లి షేక్‌ ఇవ్వడానికి సిద్ధంగా ఉన్నట్టు కనబడుతున్న ఈ ఫొటోలో రోహిత్‌ శర్మ, రవిశాస్త్రి, కుల్దీప్‌ యాదవ్‌ కూడా ఉన్నారు. కోహ్లి సేనకు జాన్‌ సెనా మద్దతు తెలుపుతున్నాడని ఈ ఫొటో ద్వారా వెల్లడైందని భారత్‌ అభిమానులు టీమిండియా అభిమానులు మురిసిపోతున్నారు. ఒక దిగ్గజ ఆటగాడు మరో లెజెండరీ ఆటగాడికి శుభాకాంక్షలు చెబుతున్నట్టుగా ఉందని వ్యాఖ్యానించారు. ‘అవును.. జాన్‌ సెనా ఇండియా కచ్చితంగా గెలుస్తుంద’ని మరొకరు కామెంట్‌ చేశారు. జాన్‌ సెనాను చూసి రోహిత్‌ శర్మ చిరునవ్వు చిందించగా, ఆయనకు షేక్‌ హ్యాండ్‌ ఇచ్చేందుకు కోహ్లి తన చేతిని ముందుకు పెట్టాడని ఇంకొరు ఈ ఫొటోకు భా​ష్యం చెప్పారు. టీమిండియా విజయం​ సాధించి ఫైనల్‌కు చేరాలని భారత క్రికెట్‌ అభిమానులు ఎంత బలంగా కోరుకుంటున్నారో ఈ వ్యాఖ్యలను బట్టి అర్థమవుతోంది.

చైనా యాక్షన్‌ సూపర్‌ స్టార్‌ జాకీ చాన్‌ అంటే యాక్షన్‌ సినిమా ప్రియులందరికీ ఇష్టమే. ఎందుకంటే ఎంతో రిస్కీ స్టంట్స్‌ని కూడా అవలీలగా స్క్రీన్‌ మీద చేసేస్తారు. కానీ స్క్రీన్‌ వెనక ఆ స్టంట్స్‌ కోసం ఎంత సాహసానికైనా రెడీ అంటారు. ఈ ప్రక్రియలో ఎన్నోసార్లు ఒళ్లు జల్లెడ అయిపోయేలా దెబ్బలు తగిలించుకొన్నారు. కొన్నిసార్లు ప్రాణం మీదకు కూడా తెచ్చుకున్నారు. ఆయన శరీరం మీదున్న ప్రాక్చర్స్‌ అయితే లెక్క లేనన్ని. తాజాగా ‘ప్రాజెక్ట్‌ ఎక్స్‌’ అనే సినిమాలో యాక్ట్‌ చేస్తున్నారు జాకీ. డబ్ల్యూడబ్ల్యూఎఫ్‌ ఫేమ్‌ జాన్‌ సేనా కీలక పాత్ర పోషిస్తున్నారు. ఈసారి కూడా ఓ పెను ప్రమాదం నుంచి తప్పించుకున్నారట జాకీ చాన్‌.జాకీ మాత్రమే కాదు మొత్తం చిత్రబృందం  ‘మడ్‌స్లైడ్‌’ (మట్టి దానంతట అదే కుదించుకుపోయే ప్రకృతి వైపరీత్యం) నుంచి తప్పించుకున్నారట. ఈ విషయాన్ని జాకీ పంచుకుంటూ – ‘‘లొకేషన్‌లో షూటింగ్‌ చేస్తుండగా వాతావరణంలో మార్పు వచ్చేసి మట్టి కుదించుకుపోవడం స్టార్ట్‌ అయింది. మా ప్రొడక్షన్‌ ట్రక్కులన్నీ అందులో చిక్కుకుపోయాయి. మా టీమ్‌ అంతా భయపడిపోయాం. ఇంతలో పెద్ద ట్రక్‌ వచ్చి మమ్మల్ని కాపాడింది. వాళ్లకు హృదయపూర్వక ధన్యవాదాలు తెలియజేస్తున్నాను. ఈ అనుభవం వల్ల మాకో పాఠం బోధపడింది. వాతావరణ పరిస్థితులకు సిద్ధంగా ఉండాలని తెలిసింది’’ అని పేర్కొన్నారు.

లాస్‌ ఏంజెల్స్‌: క్రేజీ కాంబినేషన్‌లో హాలీవుడ్‌లో ఓ యాక్షన్‌ థ్రిల్లర్‌ తెరకెక్కోబోతోంది. యాక్షన్‌ హీరో జాకీ చాన్‌, ప్రముఖ రెజ్లర్‌ జాన్‌ సీనా హీరోలుగా ఓ చిత్రం రాబోతుంది. అమెరికన్‌ డైరెక్టర్‌ స్కాట్‌ వా డైరెక్షన్‌లో ‘ప్రాజెక్ట్‌ ఎక్స్‌’ గా చిత్రం తెరకెక్కబోతుండగా.. చాన్‌-సీనాలను హీరోలుగా కన్ఫర్మ్‌ చేసినట్లు తెలుస్తోంది.  తొలుత ఈ సినిమాకు ఎక్స్‌-బాగ్దాద్‌ పేరును పరిశీలించగా.. హాలీవుడ్‌ దిగ్గజం సిల్వస్టర్‌ స్టాలోన్‌ పేరును హీరోగా పరిశీలించారు. అయితే అనూహ్యాంగా సిల్వస్టర్‌ను తప్పించి.. ఆప్లేస్‌లో జాన్‌ సీనాను తీసుకున్నారు. టైటిల్‌ను కూడా ప్రాజెక్టు ఎక్స్‌గా మార్చినట్లు స్కాట్‌ ఓ ప్రెస్‌ మీట్‌లో ప్రకటించారు. ఈ చిత్రానికి జాకీ చాన్‌ సహనిర్మాతగా వ్యవహరిస్తుండటం విశేషం. కాగా, హాంగ్‌ కాంగ్‌కు చెందిన జాకీ చాన్‌ యాక్షన్‌ చిత్రాలకు పెట్టింది పేరు. 150కి పైగా చిత్రాల్లో నటించిన ఆయన.. ఆ మధ్య ‘ది ఫారినర్‌’ చిత్రంతో అలరించారు. ప్రస్తుతం షాంగై నూన్‌, రష్‌ హవర్‌ సీక్వెన్స్‌ పనుల్లో ఆయన బిజీగా ఉన్నారు. మరోవైపు డబ్ల్యూడబ్ల్యూఈ రెజ్లర్‌గా పేరొందిన జాన్‌ సీనా.. 2006లో ది మెరైన్‌ ద్వారా హీరోగా మారారు. సుమారు అరడజనుపైగా చిత్రాల్లో నటించిన సీనా.. త్వరలో ‘ది రాక్‌’(డ్వెన్‌ జాన్సన్‌) నిర్మాతగా తెరకెక్కించనున్న ఓ చిత్రంలో కూడా నటించబోతున్నాడు.

సాక్షి, సినిమా : బాలీవుడ్‌ బాద్‌షా షారూఖ్‌ ఖాన్‌కు ఉన్న క్రేజ్‌ ప్రత్యేకంగా చెప్పాల్సిన అవసరం లేదు. వరుస ఫ్లాపుల నేపథ్యంలో కూడా ఆయన ఎప్పటికప్పుడు తన సినిమాలకు మంచి వసూళ్లు(ఓపెనింగ్‌) రాబట్టడమే అందుకు నిదర్శనం. అయితే ఈ మధ్య కొత్త అవతారం ఎత్తి ఆయన టాక్‌ షో నిర్వహిస్తున్న విషయం తెలిసిందే. టెడ్‌ టాక్స్‌ నయి సోచ్‌ పేరిట ఆయన ఈ మధ్యే దానిని మొదలుపెట్టారు.  భారత్‌లో ఈ షో ఎంతమేర ఆకట్టుకుంటుందో తెలీదుగానీ.. విదేశాల్లో మాత్రం దీనిని ప్రేక్షకులు వీక్షిస్తున్నారనే తెలుస్తోంది. దీనికి నిదర్శనంగా డబ్ల్యూడబ్ల్యూఈ స్టార్‌, నటుడు జాన్‌ సీనా తన తాజా ట్వీట్‌ నిదర్శనం. షారూఖ్‌ షోలో నిర్వహించిన థాట్స్‌ ఆన్‌ హ్యుమానిటీ, ఫేమ్‌ అండ్‌ లవ్‌ అనే అంశాన్ని సీనా తన ట్విట్టర్‌ లో పోస్ట్‌ చేశాడు. దీనికి షారూఖ్‌ కూడా బదులు ఇచ్చారు. సీనాకు థాంక్స్‌​చెబుతునే.. (‘యూ కాంట్‌ టూ సీ మీ’ నిఉద్దేశిస్తూ) ఏదో రోజు నిన్ను చూస్తా అంటూ వ్యంగ్యపు రిప్లై ఇచ్చాడు. దానికి మళ్లీ సీనా మరో ఫన్నీ ట్వీట్‌ చేశాడు. ప్రస్తుతం ఆ సంభాషణల ట్వీట్లు వైరల్‌ అవుతున్నాయి. ఈ మధ్య డబ్ల్యూడబ్ల్యూఈ సభ్యులు ఇండియా టూర్‌కి రాగా.. సీనా అది మిస్సయ్యాడు. తనకు ఇండియా అంటే ప్రత్యేకమైన అభిమానం అని గతంలో చాలా స్టార్లు అతను ప్రకటించిన విషయం తెలిసిందే. ఈ నేపథ్యంలో ఆ మధ్య ద్రావిడ్‌ పోస్ట్‌ ఒకదానిని ఇన్‌స్టాగ్రామ్‌లో షేర్‌ చేశాడు కూడా. thx for taking out time to ‘See’ it. Wish I can ‘See u’ someday. Love & health to u my man. https://t.co/P8GyVWjAzT — Shah Rukh Khan (@iamsrk) 22 December 2017 You as well sir. Your perspective on life is one I strive to attain, that, and being visible of course. #Cyberspaceghost https://t.co/uA5XJ5LJdv — John Cena (@JohnCena) 22 December 2017

సాక్షి, స్పోర్ట్స్‌ : టీమిండియా దిగ్గజం రాహుల్‌ ద్రావిడ్‌కు ఉన్న క్రేజ్‌ చెప్పనక్కర్లేదు. ఆపద సమయాల్లో జట్టుకు పెద్ద దిక్కుగా.. వికెట్లు అడ్డుగా నిలిచి.. బౌలర్లకు ముచ్చెమటలు పోయిస్తూ.. ప్రత్యర్థి జట్టు సహనాన్ని ఘోరంగా దెబ్బతీయటం.. అదే సమయంలో పరుగుల ద్వారా మ్యాచ్‌ గెలుపులో ముఖ్యభూమిక పోషించటం ది వాల్‌ ప్రత్యేకత. అలాంటి ఆటగాడు చెప్పిన ఓ మాట డబ్ల్యుడబ్ల్యుఈ సూపర్‌ స్టార్‌, హాలీవుడ్‌ హీరో జాన్‌ సీనాను బాగా ఆకర్షించింది.   ఆటగాడు ప్రతీకారం కోసం కాదు.. గౌరవ మర్యాదల కోసం ఆడాలి అన్న రాహుల్‌ ద్రావిడ్‌ కొటేషన్‌ను సీనా తాజాగా తన ఇన్‌స్టాగ్రామ్‌లో పోస్టు చేశాడు. పైగా తన ఫోటోలకు వివరణ కోరవద్దంటూ అతగాడు పైన పేర్కొనటం విశేషం. ఇదే కాదు కపిల్‌, అమితాబ్‌లు కలిసి ఉన్న ఓ ఫోటోను కూడా సీనా పోస్టు చేయటం విశేషం. ప్రస్తుతం ఈ పోస్టులు వైరల్‌గా మారుతున్నాయి. అన్నట్లు గతంలో ఓసారి డ్రాఫ్ట్‌లో సీనా స్మాక్‌డౌన్‌కు వెళ్లగా.. బ్లూ సింబల్ చూపే క్రమంలో తన ట్విట్టర్‌లో బ్లీడ్‌బ్లూ పేరిట విరాట్‌ కోహ్లి ఫోటోను కూడా పోస్టు చేసిన సంగతి తెలిసిందే. A post shared by John Cena (@johncena) on Dec 10, 2017 at 1:50am PST A post shared by John Cena (@johncena) on Dec 13, 2017 at 7:41am PST A post shared by John Cena (@johncena) on Jul 19, 2016 at 9:17pm PDT ప్రస్తుతం ద్రావిడ్‌ అండర్‌ -19 క్రికెట్‌ జట్టు కోచ్‌గా వ్యవహరిస్తున్న సంగతి తెలిసిందే. ఇక సీనా రెజ్లింగ్‌తోపాటు మరో రెండు హాలీవుడ్‌ చిత్రాలకు సిద్ధమవుతున్నాడు.


 ఓర్లాండో: ఓ ఆటలోగానీ, పోటీలోగానీ విజయం అనంతరం తమకు నచ్చిన ప్రేయసికి, ప్రియుడికి ప్రపోజ్‌ చేసే సన్నివేశాలు చాలా అరుదుగా కనిపిస్తుంటాయి. అప్పటి వరకు చెప్పాలనుకున్న మాటలు చెప్పలేకపోయినా తాను విజయం సాధించినచోట మనుసులో ఉన్న వ్యక్తి అక్కడే ఉండి ఉంటే మాత్రం ప్రేమ తన్నుకొని రావడం మాత్రం ఖాయం. సరిగ్గా రెజ్లింగ్‌ స్టార్‌ జాన్‌ సేనా విషయంలో అదే జరిగింది. ఎప్పటి నుంచో తనతోపాటు రెజ్లింగ్‌లో పాల్గొనే నిక్కి బెల్లాను ప్రేమిస్తున్నప్పటికీ ఇప్పటి వరకు ఆ మాటను బయటకు చెప్పని జాన్‌ సేనా అనూహ్యంగా ప్రపోజ్‌ చేసి అందరినీ అబ్బురపరిచాడు.
 
 ఆదివారం ఓర్లాండోలో రెజ్లింగ్‌ మానియా 33 జరిగింది. రింగ్‌లో జాన్‌ సేనా, నిక్కి బెల్లా కలిసి తమ ప్రత్యర్థులు మిజ్‌, మార్సిని మట్టికరిపించారు. ఈ విజయం సాధించిన వెంటనే ఎవరూ ఊహించని విధంగా వెంటనే ఆకాశంవైపు ఓసారి చూసి మోకాలిపై కూర్చుని తనతోపాటు రెజ్లింగ్ రింగ్‌లో ఉన్న నిక్కీవైపు చూస్తూ ఓ వజ్రపు ఉంగరాన్ని తనకిస్తూ ప్రపోజ్‌ చేశాడు. ఇక తాను ఆగలేనని, ఈ మాట ఎప్పటి నుంచో చెప్పాలనుకుంటున్నానని, తనను పెళ్లి చేసుకుంటావా అని అడిగేశాడు. దాంతో ఎగిరిగంతేసినంత పనిచేసిన నిక్కీ కూడా తనకు కూడా చాలా ఇష్టమే అని సంతోషాన్ని వ్యక్తం చేస్తూ రింగ్‌లోనే అందరూ చూస్తుండగా జాన్‌ సేనాను ఆలింగనం చేసుకొని లిప్‌లాక్‌తో మైమరిపించింది.