సాక్షి, హైదరాబాద్‌: ప్రముఖ కొరియోగ్రాఫర్‌ జానీ మాస్టర్‌పై నమోదైన లైంగిక వేధింపుల కేసులో కొత్త అంశాలు వెలుగులోకి వస్తున్నాయి. జానీ మాస్టర్, అతని భార్య ఇద్దరూ కలిసి ఒకరోజు తన ఇంటికి వచ్చి బలవంతంగా తలుపులు తెరవడంతో పాటు లోపలికి వచ్చి తనతో మతం ప్రస్తావన తీసుకొచ్చారని, నానా రకాలుగా ప్రశ్నించారని, ఈ క్రమంలో జానీ మాస్టర్‌ భార్య పలుమార్లు తనపై శారీరక దాడికి పాల్పడిందని బాధితురాలు ఎఫ్‌ఐఆర్‌లో వెల్లడించింది. జానీ మాస్టర్‌ అలియాస్‌ షేక్‌ జానీ బాషా తనపై లైంగిక వేధింపులకు పాల్పడ్డారని అతని సహాయకురాలు (21) చేసిన ఫిర్యాదు మేరకు ఈనెల 15న నార్సింగి పీఎస్‌లో ఐపీసీ 376 (2)(ఎన్‌), 506, 323 సెక్షన్ల కింద కేసులు నమోదైన సంగతి తెలిసిందే. ముంబైలోని ఓ హోటల్లో మొదలుపెట్టి.. ఎఫ్‌ఐఆర్‌లోని వివరాల ప్రకారం..బాధితురాలు 2017లో తన స్వస్థలం నుంచి హైదరాబాద్‌కు వచ్చింది. ఢీ–12 డ్యాన్స్‌ షో చేస్తున్న క్రమంలో ఆమెకు జానీ మాస్టర్‌తో పరిచయం ఏర్పడింది. సహాయ కొరియోగ్రాఫర్‌గా పనిచేయడానికి జానీ మాస్టర్‌ బృందం నుంచి ఫోన్‌ కాల్‌ రావడంతో 2019లో ఆ బృందంలో అసిస్టెంట్‌ కొరియోగ్రాఫర్‌గా చేరింది. ఈ క్రమంలో ముంబైలో ఒక ప్రాజెక్టు కోసం జానీ మాస్టర్, ఇద్దరు అసిస్టెంట్లతో కలిసి ముంబైకు వెళ్లింది. అప్పుడు ఓ హోటల్‌లో జానీ మాస్టర్‌ ఆమెపై బలవంతంగా లైంగిక వేధింపులకు పాల్పడ్డాడు. ఈ విషయం బయట ఎవరికైనా చెబితే పని నుంచి తొలగిస్తానని బెదిరించాడు.దీంతో బాధితురాలు మౌనంగా ఉండిపోయింది. ఆపై ప్రతి షూట్‌ సమయంలోనూ జానీ మాస్టర్‌ ఆమెను వేధించేవాడు. ఆమె వ్యానిటీ వ్యాన్‌లోకి ప్రవేశించి లైంగిక వాంఛను తీర్చాలని బలవంతం చేసేవాడు. షూటింగ్‌ సెట్లలో ప్రైవేట్‌ పార్ట్స్‌ తాకుతూ అసభ్యకరంగా ప్రవర్తించేవాడు. ఒకసారి తన కోరిక తీర్చనన్నందుకు జుట్టు పట్టుకొని ఆమె తలను వ్యానిటీ వ్యాన్‌లోని అద్దానికి గుద్దాడు. ఒకసారి షూటింగ్‌ ముగిశాక అర్ధరాత్రి ఆమె ఇంటికి వెళ్లి స్కూటీని ధ్వంసం చేశాడు. మతం మారాలని, పెళ్లి చేసుకోవాలని ఒత్తిడి తీసుకొచ్చాడు. ఆగంతకుడి బెదిరింపులు.. అనుమానాస్పద పార్శిల్‌ వేధింపులు భరించలేక బాధితురాలు సొంతంగా ప నిచేసుకోవడం ప్రారంభించింది. కానీ చిత్ర పరిశ్ర మలో తనకున్న పరిచయాలను ఆధారంగా చేసు కుని జానీ మాస్టర్‌ ఆమెకు ఎలాంటి అవకాశాలు రాకుండా చేసేవాడు. ఈ క్రమంలోనే కొన్ని ప్రాజెక్టుల కోసం ఆమెను ఎంపిక చేసుకుని, షూటింగ్‌ కొంత పూర్తయ్యాక మధ్యలో వదిలేసి వేరొకర్ని నియమించుకున్నాడు. గత నెల 17న గుడి నుంచి ఇంటికి వెళుతుండగా గుర్తు తెలియని వ్యక్తి ఆమెను చుట్టుముట్టి బెదిరింపులకు పాల్పడ్డాడు. 28న ఆమె ఇంటి తలుపులకు అనుమానాస్పద పార్శిల్‌ వేలాడదీసి ఉంది. అందులో ‘కంగ్రాచ్యులేషన్స్‌ ఫర్‌ సన్‌ .. బట్‌ బీ కేర్‌ ఫుల్‌..’అని రాసి ఉందని బాధితురాలు ఎఫ్‌ఐఆర్‌లో పేర్కొంది.

‘‘ప్రభుదేవాగారు చేసిన ‘వెన్నెలవే.. వెన్నెలవే’ (‘మెరుపు కలలు’ సినిమాలోనిది) పాట నాకు చాలా ఇష్టం. ఈ పాటకు జాతీయ అవార్డు కూడా వచ్చింది. ఈ తరహా పాటను నేనూ చేయాలని కల కనేవాడిని. ఆ అవకాశం ధనుష్‌గారి ‘తిరుచిత్రాంబలమ్‌’తో దక్కింది. అక్కడ (తమిళం) ఎంతోమంది కొరియోగ్రాఫర్స్‌ ఉన్నా ఈ పాటకు కొరియోగ్రఫీ చేసేందుకు ధనుష్‌గారు నన్నే పిలిపించారు’’ అని జానీ మాస్టర్‌ అన్నారు. ఇటీవల 70వ జాతీయ సినీ అవార్డ్స్‌ను ప్రకటించిన సంగతి తెలిసిందే.ఈ అవార్డ్స్‌లో కొరియోగ్రఫీ విభాగంలో ‘తిరుచిత్రాంబలమ్‌’ సినిమాలోని ‘మేఘం కరుక్కుద’ పాటకు గాను జాతీయ అవార్డు గెల్చుకున్నారు జానీ మాస్టర్‌. ఈ సందర్భంగా ఆయనకు తెలుగు చిత్ర ప్రముఖుల సమక్షంలో సన్మానం జరిగింది. జానీ మాస్టర్‌ మాట్లాడుతూ– ‘‘మేము ఇలాంటి విజయాలు సాధిస్తున్నామంటే అందుకు ముక్కురాజు మాస్టర్, డ్యానర్స్‌ అసోసియేషన్‌ నాయకుల కృషే కారణం.ఎన్నో అవమానాలు ఎదుర్కొని మద్రాస్‌ నుంచి తెలుగు డ్యాన్సర్స్‌ను ఇక్కడికి తీసుకొచ్చి, అసోసియేషన్‌ స్థాపించి నిలబెట్టారు ముక్కురాజు మాస్టర్‌. ఆ పెద్దలు వేసిన బాటలో మేమంతా ముందుకెళ్తున్నాం’’ అని తెలిపారు. ‘‘నేను, గణేశ్, జానీ... ఒకేసారి కెరీర్‌ స్టార్ట్‌ చేశాం. ఇప్పుడు జానీ మాస్టర్‌కు జాతీయ అవార్డు రావడం చాలా సంతోషాన్నిచ్చింది’’ అన్నారు శేఖర్‌ మాస్టర్‌.

హలీవుడ్‌ ఇండస్ట్రీలో విషాదం నెలకొంది. ప్రముఖ యాక్టర్ జానీ వాక్టర్‌(37)ను కొందరు దండగులు కాల్చిచంపారు. లాస్ ఏంజిల్స్‌లోని పికో బౌలేవార్డ్, హోప్ స్ట్రీట్ ప్రాంతంలో తెల్లవారుజామున 3 గంటలకు ఈ ఘటన జరిగినట్లు పోలీసులు వెల్లడించారు. దుండగుల కాల్పుల్లో గాయపడిన వాక్టర్‌ను స్థానిక ఆసుపత్రికి తరలించేలోపే మృతి చెందినట్లు నిర్ధారించారు. కారులో వెళ్తున్న ఆయనను దోపిడీ చేసే ప్రయత్నంలో జరిగిన కాల్పుల్లో మరణించాడు. ఈ విషయం తెలుసుకున్న పలువురు హాలీవుడ్ ప్రముఖులు సంతాపం ప్రకటించారు.కాగా.. వాక్టర్‌ 'జనరల్ హాస్పిటల్' షోలో బ్రాండో కార్బిన్ పాత్రకు గుర్తింపు తెచ్చుకున్నారు. మొదట లైఫ్‌టైమ్ డ్రామా సిరీస్ 'ఆర్మీ వైవ్స్'లో అతను ఇండస్ట్రీలో అడుగుపెట్టాడు. ఆ తర్వాత 'వెస్ట్‌వరల్డ్', 'స్టేషన్ 19', 'సైబీరియా', 'ఏజెంట్ ఎక్స్', 'ఫెంటాస్టిక్', 'యానిమల్ కింగ్‌డమ్', 'హాలీవుడ్ గర్ల్', 'ట్రైనింగ్ డే', క్రిమినల్ మైండ్స్', 'స్ట్రగ్లింగ్ సర్వర్లు', 'ది ప్యాసింజర్' 'బార్బీ రిహాబ్' లాంటి సిరీస్‌లలో అతిథి పాత్రలో కనిపించారు. అంతే కాకుండా పలు షార్ట్ ఫిల్మ్‌లలో కూడా పనిచేశాడు. 2016లో వచ్చిన చిత్రం 'యూఎస్‌ఎస్‌ ఇండియానాపోలిస్: మెన్ ఆఫ్ కరేజ్' అనే చిత్రంలో నటించారు. ఈ సినిమాకు మారియో వాన్ పీబుల్స్ దర్శకత్వం వహించాడు.

సాక్షి ప్రతినిధి, నెల్లూరు: జిల్లాలో టీడీపీ, జనసేన పొత్తులో టికెట్‌ అంశం కుంపటి రాజేస్తోంది. పొత్తులో భాగంగా నెల్లూరు నగర సీటును జనసేన ఆశిస్తోంది. ఆ పార్టీ జిల్లా అధ్యక్షుడు మనుక్రాంత్‌రెడ్డికి టికెట్‌ ఇస్తారని గతంలో ప్రచారం జరిగింది. నాదెండ్ల మనోహర్‌తో ఆయనకు అత్యంత సన్నిహిత సంబంధాలతో పాటు ఆర్థికపరమైన లావాదేవీలు ఉండడంతో తప్పకుండా సీటు జనసేనకేనన్న ధీమా ఉంది. దీంతో ఆయన నగర నియోజకవర్గంలో సొంతంగానే ప్రచారం చేసుకుంటున్నారు. అయితే టీడీపీ మాత్రం నగర సీటు మాజీ మంత్రి నారాయణకేనని చెబుతుండడంతో ఇరు పార్టీల్లోనూ సందిగ్ధం నెలకొంది. మరోవైపు జనసేన తరపు నుంచి జానీమాస్టర్‌ పేరు తెరపైకి రావడంతో మరింత అయోమయం నెలకొంది. దీని వెనుక రాజకీయం నెరుపుతున్నది టీడీపీయేనన్నది బహిరంగ రహస్యమని జనసేన నేతలు మండి పడుతున్నారు.   అనూహ్యంగా తెరపైకి జానీ మాస్టర్‌  నెల్లూరుకు చెందిన సినిమా కొరియోగ్రాఫర్‌ జానీ మాస్టర్‌ అనూహ్యంగా జనసేన తరుపున తెరపైకి వచ్చాడు. పవన్‌ కళ్యాణ్‌కు అత్యంత సన్నిహితుడైన జానీ మాస్టర్‌ నెల్లూరులోనే మకాం వేసి పలు కార్యక్రమాలకు హాజరవుతున్నారు. ఇటీవల అంగన్‌వాడీ కార్యకర్తల దీక్షలోకి ఎంట్రీ ఇచ్చి మీడియా ముందుకు వచ్చారు. రెండ్రోజుల క్రితం నెల్లూరులో జనసేన కార్యకర్తలతో సమావేశమయ్యారు.  జనసేనలో అగ్గి రాజేసిన టీడీపీ  నగర సీటుపై జనసేన కన్నేసిన క్రమంలో ఆ పార్టీ నేతల మధ్య టీడీపీ అగ్గి రాజేసింది. పార్టీ ఆవిర్భావం నుంచి నమ్ముకుని ఉన్న మనుక్రాంత్‌రెడ్డి నగర సీటు ఆశిస్తున్న క్రమంలో అతన్ని తప్పించేందుకు నారాయణ అనుకూల టీం ఎత్తుగడ వేసింది. మనుక్రాంత్‌ను నెల్లూరు నగరం నుంచి రూరల్‌ వైపు మళ్లించేలా ప్రయత్నాలు చేసింది. ఇది పసిగట్టిన నెల్లూరు రూరల్‌ ఎమ్మెల్యే కోటంరెడ్డి శ్రీధర్‌రెడ్డి రంగంలోకి దిగి మనుక్రాంత్‌తో రహస్య చర్చలు జరిపారు. రూరల్‌ సీటు వైపు కన్నెత్తి చూడొద్దని, నారాయణ కంటే  తానే ఎక్కువగా ఉపయోగపడతానని మనుక్రాంత్‌కు హితోపదేశం చేశారని తెలిసింది. మరోవైపు నారాయణ టీం స్వయంగా రంగంలోకి దిగి తన సామాజిక వర్గ కీలక నేతల ద్వారా పవన్‌ కుటుంబ సభ్యులతో చర్చలు జరిపింది. నగరం కాకుండా రూరల్‌ సీటుపై దృష్టిపెడితే అందుకు ప్రత్యేక ప్యాకేజీతో పాటు అభ్యర్థికి కావాల్సిన ఎన్నికల ఖర్చు తనదేనంటూ సందేశం పంపారు. దాంతో పాటు మనుక్రాంత్‌కు నాదెండ్ల వర్గం ముద్రవేసి ఎప్పుడైనా పార్టీ ఫిరాయించే అవకాశం ఉందని చాడీలు చెప్పి అతన్ని తప్పించే ప్రయత్నం చేసినట్లు తెలుస్తోంది. ఈ పరిణామాలను పసిగట్టిన నారాయణ వ్యతిరేకవర్గం పవన్‌కు సన్నిహితుడిగా ఉన్న జానీమాస్టర్‌ను ఉసిగొల్పింది.  జానీతో మైండ్‌ గేమ్‌  నెల్లూరుకు చెందిన జానీమాస్టర్‌తో ప్రస్తుతం నారాయణ టీం మైండ్‌గేమ్‌ ప్రారంభించింది. జానీతో అంటకాగే జనసేనకు చెందిన ఓ చోటా నేత నారాయణ కాంపౌండ్‌కు చెందిన వ్యక్తి. ఒకే సామాజిక వర్గానికి చెందిన ఆ చోటా నేతకు ఇప్పటికే రూ.30 లక్షల విలువైన వాహనాన్ని ఉచితంగా ఇచ్చారు. జనసేనలోనే ఉంటూ ఆ పార్టీలో జరిగే అన్ని విషయాలు, రహస్యాలను నారాయణకు చేరవేయడం ఆ చోటా నేత పని. జానీ మాస్టర్‌తో అంటకాగుతూ ఎలాగైనా ఆయన్ని నెల్లూరు రూరల్‌ సీటు వైపు మళ్లించేలా చేసేందుకు ప్రత్యేక ప్యాకేజీ కూడా కేటాయించారన్న ప్రచారం ఉంది.  ఎల్లో మీడియాలో ప్రచారం  ఓ వైపు జనసేనలో వర్గ రాజకీయాలకు ఆజ్యం పోసిన  టీడీపీ టీం తాజాగా నెల్లూరు నగర సీటు మాజీ మంత్రి నారాయణకే ఖరారు చేసినట్లుగా టీడీపీ అనుకూల పత్రికలో కథనం రాయించారు.  సోషల్‌ మీడియాల్లోనూ నారాయణకే నెల్లూరు సీటు అంటూ పోస్ట్‌లు పెట్టిస్తున్నారు. నెల్లూరు సీటుపై జనసేన ఒత్తిడి తెస్తున్న క్రమంలో ఇలా లీకులతో  మైండ్‌ గేమ్‌ ప్రారంభించారు. టీడీపీ మైండ్‌ గేమ్‌లో చిక్కుకుని జనసేననేతలు విలవిల్లాడిపోతున్నారు.

‘‘ఈ రోజు మాకు (డ్యాన్స్‌ మాస్టర్స్‌) ఇంత పేరు, హోదా వచ్చి కార్లలో తిరుగుతున్నామంటే ముక్కురాజు మాస్టర్‌ దయే. ‘తెలుగు ఫిలిం అండ్‌ టీవీ డ్యాన్సర్స్‌– డ్యాన్స్ డైరెక్టర్స్‌ అసోసియేషన్‌’ ఈ రోజు ఈ స్థాయిలో ఉందంటే కారణం కూడా ఆయనే. యూనియన్‌ తరఫున ఆయన వారసురాలికి చిరు కానుకగా రెండు లక్షల రూపాయలు ఇవ్వడం సంతోషంగా ఉంది’’ అని ‘తెలుగు ఫిలిం అండ్‌ టీవీ డ్యాన్సర్స్‌– డ్యాన్స్ డైరెక్టర్స్‌ అసోసియేషన్‌’ నూతన అధ్యక్షుడు జానీ మాస్టర్‌ అన్నారు. ‘తెలుగు ఫిలిం అండ్‌ టీవీ డ్యాన్సర్స్‌– డ్యాన్స్‌ డైరెక్టర్స్‌ అసోసియేషన్‌’ అధ్యక్షుడిగా జానీ మాస్టర్‌ ఎన్నికయ్యారు. గురువారం హైదరాబాద్‌లో జరిగిన ఆయన ప్రమాణ స్వీకారానికి నిర్మాతల మండలి అధ్యక్షుడు, ఫిల్మ్‌ ఛాంబర్‌ సెక్రటరీ కేఎల్‌ దామోదర ప్రసాద్‌ విశిష్ఠ అతిథిగా హాజరై, మాట్లాడుతూ– ‘‘నూతన కార్యవర్గం యూనియన్‌ సభ్యుల మంచి కోసం పని చేయాలి. జానీ ప్రమాణ స్వీకారానికి తమిళనాడు, కేరళ, కర్ణాటక రాష్ట్రాల నుంచి డ్యాన్స్ మాస్టర్లు రావడం సంతోషంగా ఉంది’’ అన్నారు. ‘‘మా యూనియన్‌ సొంత స్థలం, భవనం కోసం కృషి చేస్తా’’ అన్నారు జానీ మాస్టర్‌. ఈ కార్యక్రమంలో మద్రాస్‌ డ్యాన్స్ యూనియన్‌ ప్రెసిడెంట్‌ దినేష్‌ మాస్టర్, పలువురు డ్యాన్స్‌ మాస్టర్స్‌ పాల్గొన్నారు.

భారతీయ సినిమా నుంచి హాలీవుడ్‌ వరకూ వెళ్లాలనే కల చాలామందికి ఉంటుంది. అయితే కొందరికి అది కలగా మిగిలిపోతుంది. కానీ తన ప్రతిభతో భారతీయ సినీ దర్శక, రచయిత జగదీష్‌ దానేటి హాలీవుడ్‌ వరకూ వెళ్లారు. హాలీవుడ్‌లో ‘జె.డి.’ పేరుతో ఎంట్రీ ఇచ్చిన జగదీష్‌ పలు అంతర్జాతీయ చిత్రాలకు ‘క్రియేటివ్‌ కన్సల్టింగ్‌’ చేయటంలో విశేష నైపుణ్యం సాధించారు. హాలీవుడ్‌ ప్రఖ్యాత ప్రొడక్షన్‌ కంపెనీ మార్టిన్‌ ఫిలిమ్స్‌తో ఒప్పందం కుదుర్చుకున్నారు జగదీష్‌. లాస్‌ ఏంజిల్స్‌లో ఇటీవల జరిగిన ఒక వేడుకలో ప్రముఖ హాలీవుడ్‌ దర్శకుడు–నిర్మాత జాని మార్టిన్‌.. జేడీతో ఒప్పందం కుదుర్చుకోవడం పట్ల తన ఆనందం వ్యక్తం చేశారు. ‘‘జె.డి. రాసిన కథలు, స్క్రీన్‌ప్లే అద్భుతం. అందుకే ఆయన దర్శకత్వం వహించబోతున్న హాలీవుడ్‌ చిత్రాలకు నేను నిర్మాణ భాగస్వామిగా వ్యవహరించబోతున్నా’’ అన్నారు జాని మార్టిన్‌. ఈ ఇండో–అమెరికన్‌ చిత్రాల్లో హాలీవుడ్‌ నటులతో పాటు భారతీయ సినిమాకి సంబంధించిన నటీనటులను కూడా నటింపజేయనున్నారు.

అతడి ప్రతిభ.. నిరంతర సాధన ఇప్పుడు ఎనలేని గుర్తింపును తీసుకురాబోతున్నాయి. ముస్లిం కుటుంబంలో పుట్టినా.. ఎంతో ఆసక్తితో భరతనాట్యం నేర్చుకొని..ఇంతింతై అన్నట్లు ప్రపంచ స్థాయి సదస్సులో ప్రదర్శనకు సిద్ధమవుతున్నాడు. ఏకంగా అమెరికా అధ్యక్షుడి కూతురు ఇవాంక ట్రంప్‌ హైదరాబాద్‌లో హాజరయ్యే వేడుకలో సంప్రదాయ సిద్ధంగా ఓలలాడించబోతున్నాడు. చారిత్రక గోల్కొండ కోట వద్ద భద్రాచల పుణ్యక్షేత్రం, రామదాసు విశిష్టతను చాటే కళారూప ప్రదర్శనతో జిల్లా ఖ్యాతిని చాటబోతున్నాడు. గోల్కొండలో జానిమియా నృత్యం.. తల్లాడ: తల్లాడకు చెందిన డ్యాన్స్‌ మాస్టర్‌ షేక్‌ జానిమియాకు అరుదైన అవకాశం దక్కింది. హైదరాబాద్‌లో ఈ నెల 28 నుంచి మూడురోజులపాటు ప్రపంచ పారిశ్రామికవేత్తల సదస్సు జరగనుంది. సదస్సుకు హాజరయ్యే అతిరథమహారథుల ఎదుట నాట్యం చేసే గౌరవం జానిమియాకు లభించింది. ఈ నెల 29న అమెరికా అధ్యక్షుడి కూతురు ఇవాంక ట్రంప్‌ ముందు గోల్కొండలో రామదాసు కీర్తనపై న్యతం ప్రదర్శించనున్నారు. తన శిష్య బృందంతో గురు పర్యవేక్షణలో డాక్టర్‌ పద్మశ్రీ ఆనందశంకర్‌ జయంతి నృత్య దర్శకత్వంతో ప్రదర్శించబోతున్నారు. భద్రాచల పుణ్య క్షేత్రం, రామదాసు విశిష్టతను కళారూపంలో ఆవిష్కరించనున్నారు. దీంతో ఉమ్మడి జిల్లాలో హర్షాతిరేకాలు వ్యక్తమవుతున్నాయి.   తల్లాడకు చెందిన షేక్‌ సైదా, షాహిదాబీబేగం దంపతుల కుమారుడు జానిమియా. విజయవాడ ఆంధ్రా లయోల కళాదర్శినిలో నృత్యంపై తర్ఫీదు పొందాడు. నర్తకి రామకృష్ణ వద్ద భరతనాట్యం నేర్చుకున్నాడు. హైదరాబాద్‌ సెంట్రల్‌ యూనివర్శిటీలో ఎంపీఏ పూర్తి చేశాడు. ప్రస్తుతం హైదరాబాద్‌ చిరక్‌ ఇంటర్‌ నేషనల్‌ స్కూల్‌లో నృత్య గురువుగా పని చేస్తున్నాడు. ఐదేళ్ల ప్రాయంలోనే తల్లే తొలిగురువుగా జానిమియా నాట్యం ప్రారంభించాడు. ముస్లిం కటుంబానికి చెందిన జానిమియా తన సంప్రదాయాలకు భిన్నమైన హిందూ కళలు, నాట్యం పట్ల ఆసక్తి పెంచుకోగా.. తల్లి షాహిదా బేగం కూడా ప్రోత్సహించింది. బాల్యం నుంచే నాట్యంపై అమితమైన అభిరుచి ఉండటంతో ఉపాధ్యాయులు కూడా తగిన ప్రోత్సాహం అందించారు. హైదరాబాద్‌లో  కోటి దీపోత్సవంలో జానిమియా నాట్యం.. ,విజయవాడ శారద కళాపీఠం యువపురస్కారం అందుకుంటున్న జానిమియా బిరుదులు, సత్కారాలు విజయవాడ ఆకాశవాణి యువవాణి విభాగం యువ సౌరభం బిరుదుతో సత్కరించింది. విజయవాడ శారద కళా పీఠం యువ పురస్కారం అందించింది. సిద్ధార్థ కళాశాలలో గ్రాడ్యుయేషన్‌లో బెస్ట్‌ అవుట్‌ గోయింగ్‌ స్టూడెంట్‌ అవార్డు పొందాడు.   ముఖ్యమైన ప్రదర్శనలు   ♦ ప్రపంచ తెలుగు మహాసభలు ♦ రాంచి యూనివర్సిటీలో జాతీయస్థాయి నృత్య పోటీల్లో ప్రథమ స్థానం   ♦ హైదరాబాద్‌ గుడి సంబురాల కార్యక్రమం   ♦ ఖుజరహు డాక్ర ఫెస్టివల్‌లో ♦ సిలికానాంధ్ర అంతర్జాతీయ సమ్మేళనంలో కూచిపూడి నృత్య ప్రదర్శన   ♦ సెంట్రల్‌ యూనివర్సిటీ సంస్కృత దినోత్సవంలో..

చేసిన పాపం ఊరికే పోదంటారు. ఎప్పటికైనా ఉసురు తీస్తుందని చెబుతారు. పాపమే కాదు.. ఆపద సమయాల్లో సాయం చేసినా కూడా ఎప్పటికైనా ఆ సాయం మనల్ని ఆదుకుంటుందని మరోమారు రుజువైంది. ఎలాగో తెలియాలంటే ఇది చదవండి... సాక్షి, స్కూల్‌ ఎడిషన్‌: జేబు నిండా డబ్బున్నా అందులో నుంచి ఒక్కరూపాయి దానం చేయడం కోసం ఎంతగానో ఆలోచించేవారు మనలో చాలామందే ఉంటారు. అసలు దానం ఎందుకు చేయాలని ప్రశ్నించేవారు కూడా ఉన్నారు. కానీ ఇటువంటివారికి పూర్తిగా విరుద్ధమైన స్వభావం కలిగిన వ్యక్తి జానీ బాబ్బిట్‌. ఓ యువతి సమస్యలో ఉందని తెలియగానే ఆమె సాయం అడగకపోయినా తన వద్ద ఉన్నదంతా ఆమెకు ఇచ్చేశాడు. అలాగని జానీ గొప్ప ధనవంతుడేమీ కాదు. ఇంకా చెప్పాలంటే నిలువ నీడలేని బికారి. అలాంటి వ్యక్తి తన దగ్గర ఉన్న 20 డాలర్లనూ ఓ యువతికి సాయం చేసేందుకు ఖర్చుచేసేశాడు. ఆ సాయమే ఇప్పుడు అతణ్ని ఆదుకుంది. ఓ ‘ఇంటి’వాడిని చేసింది. అసలేం జరిగిందంటే... కేట్‌ మెక్‌క్లురే అనే ఓ యువతి ఫిలడెల్ఫియాకు తన కారులో వేళ్తోంది. ఆమె చేతిలో చిల్లి గవ్వ కూడా లేదు. సరిగ్గా అప్పుడే కారులో ఇంధనం అయిపోయింది. దీంతో ఏంచేయాలో తోచక అటూఇటూ చూస్తోంది. ఆమె పరిస్థితిని గమనించిన జానీ తన జేబులో ఉన్న 20 డాలర్లతో గ్యాస్‌ సిలిండర్‌ను నింపుకొని తెచ్చిచ్చాడు. అడగకుండానే సాయం చేసిన జానీకి ఏదైనా మేలు చేయాలని భావించింది కేట్‌. ఇంటికెళ్లగానే జానీకి సాయంగా గోఫండ్‌మి పేరుతో ఆన్‌లైన్‌ క్యాంపెయిన్‌ మొదలుపెట్టింది. అతని దయనీయ స్థితిని వివరించింది. దీంతో స్పందించిన దాతలు ఏకంగా 2,52,000 డాలర్లను విరాళంగా ఇచ్చారు. ఈ సొమ్ముతో జానీకి ఇల్లు కొనిస్తానని, సుఖంగా బతికేందుకు మరిన్ని సదుపాయాలు సమకూరుస్తానని చెబుతోంది కేట్‌. నిజంగా గ్రేట్‌ కదూ..!

చేసిన పాపం ఊరికే పోదంటారు. ఎప్పటికైనా ఉసురు తీస్తుందని చెబుతారు. పాపమే కాదు.. ఆపద సమయాల్లో సాయం చేసినా కూడా ఎప్పటికైనా ఆ సాయం మనల్ని ఆదుకుంటుందని మరోమారు రుజువైంది. ఎలాగో తెలియాలంటే ఇది చదవండి... సాక్షి, స్కూల్‌ ఎడిషన్‌: జేబు నిండా డబ్బున్నా అందులో నుంచి ఒక్కరూపాయి దానం చేయడం కోసం ఎంతగానో ఆలోచించేవారు మనలో చాలామందే ఉంటారు. అసలు దానం ఎందుకు చేయాలని ప్రశ్నించేవారు కూడా ఉన్నారు. కానీ ఇటువంటివారికి పూర్తిగా విరుద్ధమైన స్వభావం కలిగిన వ్యక్తి జానీ బాబ్బిట్‌. ఓ యువతి సమస్యలో ఉందని తెలియగానే ఆమె సాయం అడగకపోయినా తన వద్ద ఉన్నదంతా ఆమెకు ఇచ్చేశాడు. అలాగని జానీ గొప్ప ధనవంతుడేమీ కాదు. ఇంకా చెప్పాలంటే నిలువ నీడలేని బికారి. అలాంటి వ్యక్తి తన దగ్గర ఉన్న 20 డాలర్లనూ ఓ యువతికి సాయం చేసేందుకు ఖర్చుచేసేశాడు. ఆ సాయమే ఇప్పుడు అతణ్ని ఆదుకుంది. ఓ ‘ఇంటి’వాడిని చేసింది. అసలేం జరిగిందంటే... కేట్‌ మెక్‌క్లురే అనే ఓ యువతి ఫిలడెల్ఫియాకు తన కారులో వేళ్తోంది. ఆమె చేతిలో చిల్లి గవ్వ కూడా లేదు. సరిగ్గా అప్పుడే కారులో ఇంధనం అయిపోయింది. దీంతో ఏంచేయాలో తోచక అటూఇటూ చూస్తోంది. ఆమె పరిస్థితిని గమనించిన జానీ తన జేబులో ఉన్న 20 డాలర్లతో గ్యాస్‌ సిలిండర్‌ను నింపుకొని తెచ్చిచ్చాడు. అడగకుండానే సాయం చేసిన జానీకి ఏదైనా మేలు చేయాలని భావించింది కేట్‌. ఇంటికెళ్లగానే జానీకి సాయంగా గోఫండ్‌మి పేరుతో ఆన్‌లైన్‌ క్యాంపెయిన్‌ మొదలుపెట్టింది. అతని దయనీయ స్థితిని వివరించింది. దీంతో స్పందించిన దాతలు ఏకంగా 2,52,000 డాలర్లను విరాళంగా ఇచ్చారు. ఈ సొమ్ముతో జానీకి ఇల్లు కొనిస్తానని, సుఖంగా బతికేందుకు మరిన్ని సదుపాయాలు సమకూరుస్తానని చెబుతోంది కేట్‌. నిజంగా గ్రేట్‌ కదూ..!


 సాక్షి, ప్రత్యేకం: 'సంపాదించడం పురుష లక్షణం' అనేది సామెత. 11 ఏళ్ల వయసులోనే భారీగా సంపాదిస్తున్న ఇద్దరు పిల్లలు తాము 'మగాళ్ల' అయ్యామని అంటున్నారు. పదకొండేళ్ల ప్రాయంలో సాధారణ పిల్లలు ఏం చేస్తారు?. స్కూల్‌కు వెళ్తారు. ఆడి పాడతారు. కానీ, ఇంగ్లండ్‌లోని ఎసెక్స్‌ కౌంటీకి చెందిన అబ్రహం, జానీ మాత్రం అందుకు భిన్నం. ఇరువురికీ ఓ లక్ష్యం ఉంది. 'కేజ్‌ ఫైటర్స్‌' అవ్వాలనేది వారి ఆశ. అందుకోసం ఇప్పటినుంచే ప్రాక్టీస్‌ ఆరంభించేశారు.
 
 వారి తండ్రి చేసే పనిలో సాయపడుతూ, గుర్రాలు, కార్ల అమ్మక వ్యాపారం చేస్తూ డబ్బు సంపాదిస్తున్నారు. వచ్చిన డబ్బును సొంతగా జిమ్‌ నిర్మించేందుకు ఉపయోగిస్తున్నారు. ఈ కిడ్స్‌ గురించి అమెరికాలోని ఓ టీవీ చానెల్‌ Gypsy Kids అనే ప్రోగ్రామ్‌ను కూడా చేసింది. ఆ చానెల్‌తో మాట్లాడిన అబ్రహం.. తాము 'మగాళ్లు'గా మారామని అనిపిస్తుందని చెప్పాడు.
 
 ప్రస్తుతం తాము స్కూల్‌కు వెళ్తూనే సంపాదిస్తున్నామని తెలిపాడు. వాళ్ల తాతయ్య నుంచి గుర్రాలు, కార్ల అమ్మకం ఎలా చేయాలో నేర్చుకున్నామని వెల్లడించాడు. తమకు ఐదేళ్ల వయసున్నప్పుడు ఓ కేజ్‌ ఫైటర్‌ను చూసి స్ఫూర్తి పొందామని, తాము కూడా కేజ్‌ ఫైటర్స్‌గా మారాలని నిర్ణయించుకున్నట్లు తెలిపాడు అబ్రహం.
 


 
 ► యువకుడి అనుమానాస్పద మృతి 
 
 ► కుమారుడిని చంపేశారంటూ పోలీస్‌ స్టేషన్‌ ఎదుట తల్లిదండ్రుల ఆందోళన 
 
  
 
 విశాఖపట్నం : స్నేహితులతో కలిసి పండుగకు వెళ్లిన ఓ యువకుడు అనుమానాస్పద స్థితిలో మృతి చెందాడు. తమ కుమారుడి మృతికి కొంత మంది యువకులే కారమణమని తల్లిదండ్రులు ఆరోపిస్తూ పోలీసులకు ఫిర్యాదు చేశారు. జిల్లా కేంద్రంలోని పెందుర్తిలో గురువారం రాత్రి జరిగిన ఈ ఘటన వివరాలిలా ఉన్నాయి.
 
  
 
 మృతుని కుటుంబ సభ్యులు, స్నేహితులు, పోలీసుల కథనం ప్రకారం... స్థానిక ద్రోణంరాజునగర్‌ కాలనీలో నివాసముంటున్న మీసాల అప్పారావు, అప్పలకొండ దంపతులకు నలుగురు కుమారులు. వీరిలో రెండో కుమారుడు దామోదర్‌ అలియాస్‌ దమ్ముఅలియాస్‌ జానీ(27) స్థానికంగా బాక్సింగ్‌ నేర్చుకున్నాడు. ఈ క్రమంలో పెందుర్తి, చినముషిడివాడ, కృష్ణరాయపురం ప్రాంతాల్లో బాక్సింగ్‌ వచ్చిన యువకులతో సన్నిహితంగా ఉండేవాడు. కొన్నాళ్ల కిందట దామోదర్‌ స్నేహితులకు, మరికొంత మంది బాక్సర్లకు కొట్లాట జరిగింది. అనంతరం ఆ గొడవలు సద్దుమణిగాయి. ఇదిలా ఉండగా గురువారం రాత్రి వేపగుంటలో జరిగిన పండుగకు దామోదర్‌ తన స్నేహితులతో ఆటోలో వెళ్లాడు. ఇంతలో రాత్రి పది గంటల సమయంలో కృష్ణరాయపురంలో జరిగిన ప్రమాదంలో దామోదర్‌ మృతి చెందినట్లు కుటుంబ సభ్యులకు సమాచారం వచ్చింది. దీంతో ఆందోళనకు గురైన వారు ఘటానాస్థలికి చేరుకోగా అక్కడ ప్రమాదం ఆనవాళ్లు అంతగా లేవు. దామోదర్‌ ఒంటిపై గాయాలు, నోట్లో నురగ వచ్చినట్లు గుర్తించారు. దీంతో దామోదర్‌ మృతిపై తల్లిదండ్రులు అనుమానం వ్యక్తం చేశారు.
 
  
 
 ఇది వరకే పాతకక్షలు ఉండడంతో ఏడుగురు యువకులపై పోలీసులకు ఫిర్యాదు చేశారు. తమ కుమారుడి కోసం కొందరు యువకులు గురువారం ఉదయం నుంచి సాయంత్రం వరకు వరుసగా ఫోన్లు చేశారని చెబుతున్నారు. దామోదర్‌ కూడా ఉదయం నుంచి ఆందోళనగా ఇంట్లోనే ఉన్నట్లు చెప్పారు. ఈ నేపథ్యంలో ఫోన్లు చేసిన యువకులను విచారిస్తే నిజాలు బయటకు వస్తాయని వారు కోరుతున్నారు. 
 
  
 
 పీఎస్‌ వద్ద ఆందోళన
 
 దామోదర్‌ మృతదేహాన్ని గురువారం రాత్రి కేజీహెచ్‌కు తరలించి పోస్టుమార్టం అనంతరం శుక్రవారం సాయంత్రం పెందుర్తి తీసుకువచ్చిన క్రమంలో తీవ్ర ఉద్రిక్తత చోటుచేసుకుంది. దామోదర్‌ మృతదేహంతో కుటుంబ సభ్యులు, స్నేహితులు భారీ ఎత్తున నినాదాలు చేస్తూ పెందుర్తి పోలీస్‌స్టేషన్, నాలుగు రోడ్ల కూడలి వద్ద ఆందోళనకు దిగారు. రోడ్డును దిగ్బంధించి దామోదర్‌ మృతికి కారణమైన వాళ్లను తక్షణమే అరెస్ట్‌ చేయాలని డిమాండ్‌ చేశారు. ఈ క్రమంలో సీఐ మురళి రంగప్రవేశం చేసి ఆందోళనకారులకు సర్ది చెప్పారు. కేసు అన్ని కోణాల్లో దర్యాప్తు చేస్తామని వారికి హామీ ఇవ్వడంతో ఆందోళన విరమించారు. అనుమానాస్పద మృతి కోణంలో దర్యాప్తు చేస్తున్నట్లు సీఐ వెల్లడించారు. 
 
  


 సినీ గీత రచయితగా ‘జానీ’ చిత్రంతో ప్రవేశించే అవకాశం కలిగించారు పవన్‌కల్యాణ్‌. నేనప్పటికే చాలా సామాజిక ఉద్యమ గీతాలు రాశాను. హైదరాబాద్‌ స్లాంగ్‌తో మంచి పాటలు రాసే వారెవరైనా వుంటే చెప్పమని ప్రముఖ చిత్రకారులు ఏలే లక్ష్మణ్‌ గారిని అడిగారు పవన్‌కల్యాణ్‌. ఆయన నా పేరు సూచించారు. అలా మొట్టమొదటి సారిగా ‘జానీ’ సినిమాలో సన్నివేశానికి అనుగుణంగా రాసిన పాటే ‘నారాజుగాకుర మా అన్నయ్య’ పాట.  
 హిందువుల దీపావళి పండుగకు వచ్చిన ముస్లిం యువకుల్ని అవమానపరచి వెళ్లగొట్టినప్పుడు హీరో ఆయనను ఓదార్చే పాట ఇది.
 
 ఈ పాటను నేను మూడు రోజులలో పూర్తి చేసి పవన్‌కల్యాణ్‌కు, సంగీత దర్శకులు రమణ గోగులకు వినిపించాను. పాటలోని ఒక్క అక్షరం కూడా మార్చకుండా, అలాగే అంగీకరించారు. అంతకుముందు అనుకున్న ముస్లిం యువకుడి పాత్ర పేరు వేరుగా ఉంది. ఆ పేరును నేను యతిప్రాసలకనుగుణంగా ‘నారాజు గాకురా మా అన్నయ్య – నజీరు అన్నయ్య’ అంటూ ‘నారాజు’ ‘నజీరు’ పద బంధాలతో పాట అల్లాను.
 
 మనిషి పుట్టినాక పుట్టింది మతము
 పుట్టి ఆ మనిషినే వెనక్కి నెట్టింది మతము
 తల్లి కడుపులో నుండి ఎళ్లినట్టి మనిషీ
 తలచకురా ఈ చెడ్డ గతము ఈ చెడ్డ గతము / నారాజు గాకురా మా అన్నయ్యా/ నజీర్‌ అన్నయ్యా ముద్దుల కన్నయ్యా / అరేయ్‌ మన రోజు మనకుంది మా అన్నయా
 మనిషి పుట్టినప్పుడు లేని కులమతాలు మధ్యలో వచ్చి, మనుషుల్ని వేరు చేస్తున్నాయి. అంతమాత్రం చేత నువ్వు బాధపడవద్దు, చిన్నపుచ్చుకోవద్దు... అని వస్తుంది.
 
 అనువుగాని చోట నువ్వు అధికుడన్నమాట అనవద్దునంట అన్న
 వేమన్నగారి మాట వినలేదా నువ్వు బేటా
 బంగారు పలుకు మాట హోయ్‌
 నారాజు గాకురా మా అన్నయ్యా
 నజీర్‌ అన్నయ్యా ముద్దుల కన్నయ్యా
 అరే మన రోజు మనకుంది మన్నయో
 అక్కన్నలను మాదన్నలు తానీషా మంత్రులుగా
 ఉన్ననాడే రామదాసు రాముడి గుడి కట్టెనుగా
 కులీ కుతుబ్‌షా ప్రేమ ప్రేయసికి చిహ్నంగా
 భాగమతి పేర భాగ్యనగరము నిర్మించెనురా
 నవాబులు నిర్మించిన నగరములుంటూ
 కులమతాల గొడవలు మనకెందుకురన్నా
 ఇంకెందుకురన్నా
 నారాజు గాకురా మా అన్నయ్యా
 
 మనకు అనువు కాని చోట, అధికులమంటూ మాట్లాడద్దని వేమన చెప్పిన మాటలు బంగారు పలుకులు అని ఈ చరణంలో పొందుపరిచాను. అలాగే ముస్లిం పరిపాలకుడు అయిన తానీషా దగ్గర పనిచేసిన అక్కన్న మాదన్న అనే హిందూ మంత్రుల సమయంలో రామదాసు గుడి కట్టిన విషయాన్ని వివరించాను. ఓ హిందూ స్త్రీ పేరున ముస్లిం రాజు నిర్మించిన  భాగ్యనగరంలో కులమతాల గొడవెందుకని కులమతాలకు అతీతంగా ఉండాలంటూ ఈ చరణంలో సమైక్యత గురించి చెప్పాను.
 
 విన్నావా సోదరుడా మొన్న నిమ్స్‌ దవాఖానలో
 జరిగినట్టి సంఘటన మానవతకు మచ్చుతునక
 తన చావుతో ముస్లిం మన హిందు సోదరులకి
 ప్రాణదానం ఇచ్చిండు తన కిడ్నీలను తీసి
 మనుషులంతా ఒక్కటని శాస్త్రమన్న
 మనుషుల్లో సైతానులకు పట్టదన్నా ఇది పట్టదన్నా/ నారాజు గాకురా మా అన్నయ్యా
 రోడ్డు ప్రమాదంలో చనిపోయిన యువకుడి కిడ్నీలను ఇద్దరు హిందూ పేషెంట్లకు అమర్చగా వారు బతికిన ఉదంతాన్ని తీసుకుని, ముస్లిం యువకుడి కిడ్నీలతో హిందువులు బతికాక, ఇంకా కులం మతం అంటూ మూర్ఖంగా ప్రవర్తించడంలో ఔచిత్యం లేదు అని చెప్పాను.
 పీర్ల పండగొచ్చిందా ఊళ్లల్లో మనవాళ్లు
 డప్పుల దరువేసుకుంటూ కోలాటాలు ఆడతారు
 సదరు పండగొచ్చిందా పట్నంలో ప్రతివారు
 దున్నపోతునాడిస్తూ దిల్‌ ఖుషీలు చేస్తుంటరు
 ఎవడేమి అనుకుంటే మనకేమిటన్నా
 జాషువా విశ్వనరుడు నువ్వేరన్నా ఎప్పుడూ నువ్వేరన్నా / నారాజుగాకురా మా అన్నయ్యా
 నజీరు అన్నయ్యా ముద్దుల కన్నయ్యా
 మన రోజు మనకుంది మన్నయ్యా
 హైదరాబాద్‌ నగరంలో పీర్ల పండగొస్తే హిందువులు, దీపావళి అనంతర రోజు యాదవులు నిర్వహించే సదర్‌ పండుగలో ముస్లింలు పొల్గొనే సంస్కృతి మనది... అంటూ హైదరాబాద్‌ సాంస్కృతిక చారిత్రక సత్యాలను ఈ పాటలో చెప్పాను.
 
 నమ్మొద్దు నమ్మొద్దురన్నో నాయకుణ్ని
 గుమ్మానికి ఉరి తీస్తాడోయ్‌ నమ్మినోణ్ని
 తన బతుకులో వెలుగు కొరకు నాయకుడు
 మన దీపాలార్పేస్తాడమ్మో నాయకుడు
 మా దేవుడు గొప్పంటాడమ్మో నాయకుడు
 మా ధర్మం భేష్‌ అంటాడమ్మో నాయకుడు
 మా గుడిలో మొక్కంటాడమ్మో నాయకుడు
 మా ప్రార్థన చేయంటాడమ్మో నాయకుడు
 దేవుళ్లనడ్డంగా పెట్టి నాయకుడు
 దేవుళ్లను దోచేస్తాడమ్మో నాయకుడు
 అధికారం తన పదవి కొరకు నాయకుడు
 మతకలహం అంటేస్తాడమ్మో నాయకుడు
 నాయకులు ఏ విధంగా ప్రజలను మోసగిస్తారో, నమ్మినవారిని సైతం ఏ విధంగా ఉరి తీస్తారో ఈ చరణంలో వివరించాను. లబ్ధప్రతిష్టులైన వేమన, జాషువా అనే ఇద్దరు ప్రజా కవుల పేర్లను సందర్భోచితంగా ఈ పాటలో చేర్చాను. ఇది నాకు బాగా నచ్చిన పాట. సమైక్యతను, సమసమాజాన్ని చాటే పాట.
 – సంభాషణ: వైజయంతి


 కోల్ కతా: ఫుల్లుగా తాగి నిర్లక్ష్యంగా కారు నడిపి యువ మిలటరీ అధికారిని ఢీకొట్టిన కేసులో నిందితులకు బెయిలిచ్చేందుకు కోర్టు నిరాకరించింది. వారిని ఈ నెల(జనవరి) 30 వరకు పోలీసుల కస్టడీకి అనుమతినిచ్చింది. రిపబ్లిక్ డేను పురస్కరించుకొని ఈ నెల 13న రెడ్ రోడ్డు ఏరియాలో వైమానిక దళ సైనికులు రిహార్సల్స్ చేస్తుండగా సాంబియా సోహ్రాబ్, సోనూ అలియాస్ షానవాజ్ ఖాన్ వేగంగా ఆడి కారులో వెళుతూ అభిమన్యు గౌడ్ అనే సైనికుడిని ఢీకొట్టారు.
 
 అనంతరం అక్కడి నుంచి పారిపోయారు. దీంతో కోల్ కతా పోలీసులు ఢిల్లీ పోలీసుల సహాయంతో వారిని ఒక్కొక్కరిగా అదుపులోకి తీసుకొని కోర్టులో హాజరుపరిచారు. ఈ సందర్భంగా నిందితులు బెయిల్ పిటిషన్ పెట్టుకోగా కోర్టు బెయిలిచ్చేందుకు నిరాకరించింది. వీరిలో సాంబియా ఆర్జేడీ మాజీ ఎమ్మెల్యే మహ్మద్ సోహ్రాబ్ కుమారుడు. వీరిపై హత్య, నేరపూరిత కుట్ర, సాక్ష్యాలను మాయం చేయాలని ప్రయత్నించడం, హానీ కలిగించడంవంటి ఆరోపణల పేరిట కేసులు నమోదు చేశారు.
  


 నేలకొండపల్లి : బైక్‌ను లారీ ఢీకొని ఇద్దరు గాయపడిన సంఘటన మండల కేంద్రంలోని కట్టలమ్మ చెరువు సమీపంలో గురువారం చోటుచేసుకుంది. ఈ ప్రమాదంలో బైక్ నుజ్జునుజ్జు కాగా లారీ పల్టీ కొట్టింది. ప్రత్యక్ష సాక్షి కథనం... ఏపీ, గుంటూరు జిల్లాలోని గుడ్లవల్లేరు గ్రామానికి చెందిన షేక్ సుభాన్, కృష్ణ జిల్లాలోని పెనుగ్రంచిపోలుకు చెందిన షేక్ జానీపాషా బైక్ పై గురువార ం ఖమ్మం బయలుదేరారు. మండల కేంద్రంలోని కట్టలమ్మ చెరువు దాటుతుండుగా ఖమ్మం నుంచి కోదాడ వస్తున్న బొగ్గు లారీ ఎదురుగా వచ్చి ఢీ కొట్టింది. దీంతో బైక్ పై ఉన్న సుభాన్, జానీ పాషాలు కిందపడి పోయారు.ఈ క్రమంలో లారీ పల్టీ కొట్టి పొలాలలో పడి పోయింది. బైక్ మాత్రం నుజ్జునుజ్జరుుంది. దీంతో బైక్‌పై ఉన్న సుభాన్, జానీ పాషా తీవ్రంగా గాయపడ్డారు. క్షతగాత్రులను 108 ఖమ్మం ఆస్పత్రికి తరలించారు. ఫోన్ ద్వారా సమాచారం ఇచ్చినా అరగంట వరకు 108 సంఘటన స్థలానికి రాలేదు. దీంతో స్థానికులు ఆగ్రహం వ్యక్తం చేశారు.  హెడ్ కానిస్టేబుల్ శంకర్‌రావు సంఘటన స్థలానిన సందర్శించి వివరాలు సేకరించారు. కేసు నమోదు చేసి దర్యాప్తు చేస్తున్నట్లు ఎస్సై పి.దేవేందర్‌రావు తెలిపారు.