‘‘పవర్‌ ప్లే’ ట్రైలర్‌ చూశాక కొండా విజయ్‌కుమార్‌ ఆలోచనలు మారిపోయాయనిపించింది. రాజ్‌ తరుణ్‌తో ఇలాంటి ఓ సస్పెన్స్‌ థ్రిల్లర్‌ చేయడం గొప్ప విషయం. ఈ సినిమా విజయం సాధించాలి’’ అన్నారు నిర్మాత కేఎస్‌ రామారావు. రాజ్‌ తరుణ్‌ హీరోగా కొండా విజయ్‌ కుమార్‌ దర్శకత్వంలో మహిధర్, దేవేష్‌ నిర్మించిన ‘పవర్‌ ప్లే’ ఈ నెల 5న విడుదల కానుంది. ఈ చిత్రం ప్రీ రిలీజ్‌ ఈవెంట్‌లో తెలంగాణ టూరిజం చైర్మన్‌  ఉప్పల శ్రీనివాస్‌ గుప్తా, నిర్మాతలు కేస్‌ రామారావు, కేకే రాధామోహన్‌  ‘పవర్‌ ప్లే’ బిగ్‌ టికెట్‌ను ఆవిష్కరించారు. ఉప్పల శ్రీనివాస్‌ గుప్తా మాట్లాడుతూ– ‘‘రాజ్‌తరుణ్‌ నటించిన ‘ఉయ్యాల జంపాల’ చూసి అతనికి మంచి భవిష్యత్‌ ఉందనుకున్నాను. ఈ సినిమా విజయం సాధించాలని కోరుకుంటున్నాను’’ అన్నారు. ‘‘ఈ సినిమా ప్రోమోస్, ట్రైలర్స్‌ చూస్తుంటే రాజ్‌తరుణ్‌ రఫ్‌ అయ్యాడనిపిస్తోంది. సినిమా హిట్‌ అయి, మరిన్ని సినిమాలు తీయాలి’’ అన్నారు నిర్మాత రాధామోహన్‌ . ‘‘పవర్‌ ప్లే’ సినిమా ఆడియన్స్‌ అందరికీ నచ్చుతుంది’’ అన్నారు రాజ్‌తరుణ్‌. ‘‘నేను, రాజ్‌ ఇప్పటివరకు చేయని కొత్త జానర్‌ సినిమా ఇది.  ఫస్ట్‌ టైమ్‌ తనలో మరో యాంగిల్‌ చూస్తారు’’ అన్నారు విజయ్‌కుమార్‌. ‘‘ట్రైలర్‌ బాగుంది. సినిమా బంపర్‌ హిట్‌ అవుతుంది’’ అన్నారు తాండూరి ఎమ్‌ఎల్‌ఏ రోహిత్‌ రెడ్డి. హీరోయిన్‌  పూర్ణ, సినిమాటోగ్రఫర్‌ ఐ. ఆండ్రూ, ఎగ్జిక్యూటివ్‌ ప్రొడ్యూసర్‌ పాలపర్తి ఆనంత్‌ సాయి తదితరులు పాల్గొన్నారు.

యంగ్‌ హీరో రాజ్‌ తరుణ్, హీరోయిన్‌ మాళవిక నాయర్ జంటగా నటిస్తున్న చిత్రం ‘ఒరేయ్‌ బుజ్జిగా..’ ఈ చిత్రానికి కొండా విజయ్‌కుమార్‌ దర్శకుడు. లక్ష్మీ రాధామోహన్‌ సమర్పణలో సత్యసాయి ఆర్ట్స్‌ పతాకంపై కె.కె.రాధామోహన్‌ నిర్మిస్తున్నారు. ఈ చిత్రం ఉగాది కానుకగా మార్చి 25న ప్ర‌పంచ వ్యాప్తంగా విడుద‌ల‌వుతుంది. ఇప్పటికే విడుదలైన టీజర్, పాటలకు మంచి రెస్పాన్స్ వస్తోంది. ఈ సందర్భంగా విలేకరుల సమావేశం ఏర్పాటు చేసి ముచ్చటించారు. యంగ్ హీరో రాజ్ తరుణ్ మాట్లాడుతూ.. "ఒరేయ్ బుజ్జిగా’ పూర్తి స్థాయి వినోదాత్మక చిత్రం. టీమ్ అందరూ ఎంతో ఫ్యాషన్‌తో సినిమాను ముందుకు తీసుకెళ్లారు.  థియేటర్‌లో సినిమా చూసి రెండున్నర గంటలు నవ్వుతూనే ఉంటారు. మార్చి 25న సినిమా విడుదలవుతుంది. ఆ సమయానికి విద్యార్థులకు పరీక్షలు ముగిసి సెలవులు వస్తాయి. ఫ్యామిలీ అంతా వచ్చి హ్యాపీ గా నవ్వుకుని వెళ్లే సినిమా. ప్రతి ఒక్కరూ థియేటర్ లోనే సినిమా చూడండి. ఈ అవకాశం ఇచ్చిన నిర్మాత రాధా మోహన్, దర్శకుడు విజయ్ కుమార్‌కు ధ‌న్యవాదాలు" తెలిపారు. ప్రమోషన్స్‌ వినూత్నంగా చేస్తున్నారు హీరోయిన్ మాళవిక నాయర్ మాట్లాడుతూ.. ‘సినిమా ఒక టీమ్ క్రాఫ్ట్ అని అంటారు. నాకు తెలుగు రాకపోయినా ప్రతి ఒక్కరు సపోర్ట్ చేసి సినిమా ఇంకా బాగా రావడానికి సహాయం చేశారు. విజయ్ కుమార్ సినిమా ఆరంభం నుంచి నాకు గైడింగ్ స్పిరిట్‌గా ఉన్నారు. ఆయన సెల్ఫ్ కాన్ఫిడెన్స్ అంద‌రికీ ఒక హ్యూగ్‌ ఇన్‌స్పిరేషన్. ఆయన వల్లే టీమ్ అందరం ఇంత బాగా పెర్ఫామ్ చేయగలిగాం. నిర్మాత రాధామోహన్ మేకింగ్ లో ఎక్కడా కాంప్రమైజ్ కాలేదు. అలాగే ప్రమోషన్స్ కూడా వినూత్నంగా చేస్తున్నారు. నన్ను నమ్మి ఈ ప్రాజెక్ట్ ఇచ్చినందుకు వారికి ధన్యవాదాలు. రాజ్ తరుణ్ మంచి ఈజ్‌తో నటించారు.  ఆండ్రూతో  వర్క్ చేయడం అమేజింగ్ ఎక్స్‌పీరియన్స్. సినిమాలో మంచి హ్యూమర్ ఉంటుంది’ అన్నారు. (ఒరేయ్‌ బుజ్జిగా టీజర్‌ కోసం ఇక్కడ క్లిక్‌ చేయండి) ఈ సినిమా ఉగాది షడ్రుచిలా ఉంటుంది దర్శకుడు కొండా విజయ్ కుమార్ మాట్లాడుతూ.."రాధా మోహన్ గారితో చాలా కాలంగా మంచి అనుబంధం ఉంది. కథకు ఏమి కావాలో అన్నీ ఇచ్చి నాకు సపోర్ట్ చేశారు. సినిమాలో అందరు చక్కగా నటించారు. ముఖ్యంగా రాజ్ తరుణ్ మన పక్కింటి కుర్రాడిలా ఉంటాడు. హండ్రెడ్ పర్సెంట్ ఆయనకి తగిన సినిమా. మాళవిక నాయర్ నేచురల్ ఆర్టిస్ట్. ప్రతి ఒక్కరు ఇది నా సినిమా అని ఓన్ చేసుకొని అద్భుతంగా నటించారు. సినిమాలో అన్ని క్యారెక్టర్స్‌కు జస్టిఫికేషన్ ఉంటుంది. అలాగే ఆండ్రూ, అనూప్ ఇలా అందరు మంచి టెక్నీషియ‌న్స్‌ కుదిరారు. ఏ జోనర్‌లో సినిమా చేయాలని మూడు సంవత్సరాలుగా నాలో నేను మధన పడి, ప్రేక్షకులందరూ పడిపడి నవ్వుకునే సినిమా చేయాలని ‘ఒరేయ్ బుజ్జిగా..’ చేశాం. ఉగాది పచ్చడిలో ఎలాగైతే షడ్రుచులు ఉంటాయో ఈ సినిమాలో కూడా అన్ని అంశాలు ఉంటాయి' అన్నారు. టైటిల్‌ బాగా పాపులర్‌ అయింది చిత్ర నిర్మాత కె.కె. రాధామోహన్ మాట్లాడుతూ - "నేను, విజయ్ కుమార్ స్టార్ బక్స్‌లో కాఫీ తాగుతున్నప్పుడు ఈ కథ వినిపించారు. అక్కడ మొదలైన చిత్రం ఈ ఉగాదికి పచ్చడిలా వస్తుంది. మా ‘ఒరేయ్ బుజ్జిగా..’ టైటిల్ బాగా పాపులర్ అయింది. ఇప్పటికే విడుదలైన ‘కురిసెన, కురిసెన’ పాటకి మంచి రెస్పాన్స్ వచ్చింది. యూత్, ఫ్యామిలీస్‌కు నచ్చే అన్ని రకాల కమ‌ర్షియ‌ల్ ఎలిమెంట్స్ ఉన్న సినిమా ఇది. ఇప్పటివరకు సినిమా చూసిన వారుకూడా చాలా ఎంటర్‌టైనింగ్‌గా ఉందని చెప్పారు. నంద్యాల రవి గారు మంచి డైలాగ్స్ రాశారు. అలాగే ఎడిటర్ ప్రవీణ్ చక్కగా ఎడిట్ చేశారు. విజయ్ కుమార్ గారు పక్కగా ప్రీ ప్రొడక్షన్ చేసుకోవడం వల్ల సినిమాకి అవసరమైన సన్నివేశాలే తీశారు. ఒరేయ్‌ బుజ్జిగా ప్రీ రిలీజ్‌ ఈవెంట్స్‌ దాని వల్ల వర్కింగ్ డేస్ తగ్గి నిర్మాతలకి మంచి జరుగుతుంది. ఈ సినిమాకి యంగ్ టీమ్ వర్క్ చేయడం వల్ల అవుట్‌ పుట్‌ చాలా బాగా వచ్చింది. మ్యూజిక్ డైరెక్టర్ అనూప్ నాకు మంచి మిత్రుడు. ఈ సినిమాకి బ్రహ్మాండమైన ట్యూన్స్ ఇచ్చారు. వాణి విశ్వనాధ్ హీరోయిన్ తల్లిగా ఒక ముఖ్యమైన పాత్ర చేశారు. ఆమెకు కూడా తెలుగులో మంచి రీఎంట్రీ అవుతుంది. ఈ సినిమాకు మార్చి 14న కరీంనగర్‌లో, 19న తిరుపతిలో, 21 హైదరాబాద్‌లో మూడు ప్రీ రిలీజ్ ఈవెంట్స్ చేస్తున్నాం. అలాగే 16 నుంచి ఖమ్మం, విజయవాడ, భీమవరం, రాజమండ్రి, కాకినాడ, వైజాగ్‌లో కాలేజ్ విజిట్స్ చేస్తున్నాం. ఇటీవలే అరకు, గుంటూరులో జరిగిన ఈవెంట్స్‌కు మేము అందరం వెళ్లాం' అన్నారు. తప్పకుండా బ్లాక్‌బస్టర్‌ అవుతుంది నటుడు మధుసూధన్ మాట్లాడుతూ.. ‘నిర్మాతకు ఇది ఎనిమిదవ సినిమా. ఆయన లక్కీ నెంబర్ కూడా ఎనిమిది. సినిమా తప్పకుండా బ్లాక్ బస్టర్ అవుతుంది" అన్నారు. సినిమాటోగ్రాఫర్ ఐ ఆండ్రూ మాట్లాడుతూ.. ‘విజయ్ కుమార్‌తో ఇది నా మూడవ సినిమా. ఈ సినిమాకి చాలా ఫ్రీడమ్ ఇచ్చారు. ఫుల్ లెంగ్త్ కామెడీ ఉంటుంది’ అని తెలిపారు. ఈ చిత్రంలో కీలక పాత్రలో హెబా పటేల్‌, వాణీ విశ్వనాథ్‌, నరేష్‌, పోసాని కృష్ణమురళి, అనీష్‌ కురువిళ్ళ, సప్తగిరి, రాజా రవీంద్ర, అజయ్‌ ఘోష్‌, అన్నపూర్ణ, సిరి, జయక్ష్మి, సోనియా చౌదరి, సత్య, మధునందన్‌ ముఖ్యపాత్రలు పోషిస్తున్నారు.

ఏమైంది ఈవేళ, అధినేత, బెంగాల్‌ టైగర్‌, పంతం వంటి సూపర్ హిట్‌ చిత్రాలు నిర్మించిన ప్రముఖ నిర్మాత కె కె రాధామోహన్ మరో చిత్రాన్ని ప్రకటించారు.  శ్రీ సత్యసాయి ఆర్ట్స్‌ పతాకంపై యంగ్ హీరో రాజ్ తరుణ్ కథానాయకుడిగా ‘గుండె జారి గల్లంతయ్యిందే’ ఫేమ్ కొండా విజయ్‌కుమార్‌ దర్శకత్వంలో ఓ నిర్మిస్తున్నారు. ఈ సినిమాకు ‘ఒరేయ్.. బుజ్జిగా’ అనే ఆసక్తికర టైటిల్‌ను నిర్ణయించినట్టుగా తెలిపారు. ఈ సందర్భంగా నిర్మాత కె కె రాధామోహన్ మాట్లాడుతూ, ‘ రాజ్ తరుణ్, కొండా విజయ్‌కుమార్‌ కాంబినేషన్ లో మా శ్రీ సత్య సాయి ఆర్ట్స్ ప్రొడక్షన్ నెం 8 ప్రారంభించాం. ఈ చిత్రానికి  ‘ఒరేయ్.. బుజ్జిగా’ అనే టైటిల్ కన్ఫర్మ్ చేశాం. ఈ రోజు నుండి నాన్ స్టాప్‌గా షూటింగ్ జరుగుతుంది. మా బ్యానర్ లో ఒరేయ్.. బుజ్జిగా మరో మంచి హిట్ చిత్రం అవుతుంది’. అన్నారు. ఈ సినిమాలో హీరో రాజ్ తరుణ్ సరసన మాళవిక నాయర్ హీరోయిన్‌గా నటిస్తుండగా వాణి విశ్వనాధ్, నరేష్, పోసాని కృష్ణమురళి, సప్తగిరి, రాజా రవీంద్ర, అజయ్ ఘోష్, అన్నపూర్ణ, సిరి, జయలక్ష్మి, సోనియా చౌదరి, సత్య, మధునందన్ ముఖ్య పాత్రలు పోషిస్తున్నారు. సెప్టెంబర్ 10 నుండి నిరవధికంగా షూటింగ్ జరుపుకుంటున్న ఈ చిత్రానికి అనూప్‌ సం‍గీతమందిస్తున్నారు.

రాజ్‌ తరుణ్‌ హీరోగా కొండా విజయ్‌కుమార్‌ దర్శకత్వంలో తెరకెక్కనున్న చిత్రానికి బుధవారం కొబ్బరికాయ కొట్టారు. శ్రీ సత్యసాయి ఆర్ట్స్‌ పతాకంపై ప్రొడక్షన్‌ కె.కె. రాధామోహన్‌ నిర్మిస్తున్న ఈ సినిమా హైదరాబాద్‌లో ప్రారంభమైంది. రాధామోహన్‌ మాట్లాడుతూ– ‘‘అధినేత, ఏమైంది ఈ వేళ, బెంగాల్‌ టైగర్, పంతం’ వంటి మంచి హిట్‌ చిత్రాల తర్వాత మా బేనర్‌లో చేస్తున్న మరోమంచి కథా చిత్రమిది. ఆగస్ట్‌ నుంచి నాన్‌స్టాప్‌గా షూటింగ్‌ జరుపుతాం’’ అన్నారు. ‘‘మూడేళ్లు కష్టపడి తయారు చేసిన కథ ఇది. కథ విని రాధామోహన్‌గారు వెంటనే సినిమా స్టార్ట్‌ చేద్దాం అన్నారు. రాజ్‌ తరుణ్‌కి ఇది చాలా మంచి సినిమా అవుతుంది. నా దర్శకత్వంలో వచ్చిన ‘గుండెజారి గల్లంతయ్యిందే’ కంటే మంచి కథ ఇది’’ అని కొండా విజయ్‌కుమార్‌ అన్నారు. ఈ చిత్రానికి సంగీతం: అనూప్‌ రూబెన్స్, కెమెరా: ఆండ్రూస్‌.

యంగ్‌ హీరో రాజ్‌ తరుణ్‌ కథానాయకుడిగా గుండె జారి గల్లంతయ్యిందే ఫేం కొండా విజయ్‌ కుమార్ దర్శకత్వంలో కొత్త సినిమా ప్రారంభమైంది. ఈ సినిమాను శ్రీ సత్యసాయి ఆర్ట్స్‌ పతాకంపై  కేకే రాధామోహన్‌ నిర్మిస్తున్నారు. ఈ సినిమా పూజా కార్యక్రమాలు సంస్థ కార్యాలయంలో బుధవారం ఉదయం 8.30 గంటలకు జరిగాయి. ఈ సందర్భంగా నిర్మాత కె.కె. రాధామోహన్‌ మాట్లాడుతూ.. ‘అధినేత, ఏమైంది ఈవేళ, బెంగాల్‌ టైగర్‌, పంతం లాంటి సినిమాల తర్వాత మా శ్రీ సత్యసాయి ఆర్ట్స్‌ బేనర్‌లో చేస్తున్న మరో మంచి కథా చిత్రం ఇది. రాజ్‌ తరుణ్‌, కొండా విజయ్‌కుమార్‌ కాంబినేషన్‌లో ఇది మా బేనర్‌కి మరో సూపర్‌హిట్‌ సినిమా అవుతుంది’ అన్నారు. దర్శకుడు కొండా విజయ్‌కుమార్‌ మాట్లాడుతూ... ‘మూడు సంవత్సరాల పాటు వర్క్‌ చేసి రెడీ చేసిన అద్భుతమైన ఈ కథను రాధామోహన్‌గారు విన్న వెంటనే స్టార్ట్‌ చేద్దాం అన్నారు. రాజ్‌ తరుణ్‌కి ఇది చాలా మంచి సినిమా అవుతుంది. గుండెజారి గల్లంతయ్యిందే కంటే మంచి కథ ఇది. శ్రీ సత్యసాయి ఆర్ట్స్‌ రాధామోహన్‌గారి బేనర్‌లో చెయ్యడం చాలా ఆనందంగా ఉంది’ అన్నారు. రాజ్‌ తరుణ్‌ హీరోగా నటిస్తున్న ఈ చిత్రం ఆగస్టు నుండి నాన్‌స్టాప్‌గా షూటింగ్‌ జరుపుకుంటుంది. ప్రస్తుతం ఈ చిత్రంలో నటించే నటీనటుల ఎంపిక జరుగుతోంది.


 నితిన్ హీరోగా తెరకెక్కిన గుండెజారి గల్లంతయ్యిందే సినిమాతో పరిచయం అయిన దర్శకుడు కొండా విజయ్ కుమార్. ఆ తరువాత నాగచైతన్య హీరోగా తెరకెక్కిన ఒక లైలా కోసం సినిమాతో యావరేజ్ హిట్ కొట్టిన ఈ యువ దర్శకుడు త్వరలో ఓ యంగ్ హీరో రాజ్ తరుణ్తో సినిమా ప్రారంభించేందుకు రెడీ అవుతున్నాడు. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు జరుగుతున్నాయి.
 
 ఇటీవల కిట్టు ఉన్నాడు జాగ్రత్త సినిమాతో మరో హిట్ అందుకున్న రాజ్ తరుణ్, అంధగాడు సినిమాతోపాటు అన్నపూర్ణ స్టూడియోస్ బ్యానర్లో నిర్మిస్తున్న మరో సినిమాను పూర్తి చేసే పనిలో ఉన్నాడు. ఈ రెండు సినిమాలు పూర్తయిన వెంటనే కొండా విజయ్ కుమార్ దర్శకత్వంలో సినిమాను ప్రారంభించేందుకు ప్లాన్ చేసుకుంటున్నాడు. ఈ సినిమాను పీవీపీ సంస్థ నిర్మించే అవకాశం ఉంది.


 యంగ్ హీరో నితిన్ సక్సెస్ కోసం సీక్వెల్ ఫార్ములాను నమ్ముతున్నాడు. చాలా కాలం పాటు సక్సెస్ కోసం ఎదురుచూసిన ఈ యంగ్ హీరోకు ఇష్క్ సినిమాతో కెరీర్ గాడిలో పడినట్టుగా కనిపించినా ఒకటి రెండు హిట్స్ తరువాత తిరిగి ఫ్లాప్స్ పలకరించాయి. దీంతో సక్సెస్ కోసం సీక్వెల్ ఫార్ములాను ఆశ్రయిస్తున్నాడు నితిన్. తన కెరీర్లో బిగెస్ట్ హిట్గా నిలిచిన సినిమాకు సీక్వెల్ను తెరకెక్కించే ప్లాన్లో ఉన్నాడు.
 
 ఇష్క్ సక్సెస్ తరువాత అదే జోరును కంటిన్యూ చేస్తూ గుండెజారి గల్లంతయ్యిందే సినిమాతో మరో విజయం సాధించాడు నితిన్. అయితే ఈ రెండు సక్సెస్ల తరువాత అదే స్థాయిలో విజయం సాధించటంలో నితిన్ తడబడుతున్నాడు. ఆ తరువాత చేసిన హార్ట్ ఎటాక్, కొరియర్ బాయ్ కళ్యాణ్ లాంటి సినిమాలు నితిన్కు ఆశించిన విజయాన్ని అందించలేకపోయాయి. దీంతో ప్రస్తుతం త్రివిక్రమ్ శ్రీనివాస్ డైరెక్షన్లో చేస్తున్న అ.. ఆ.. సినిమా మీదే ఆశలు పెట్టుకున్నాడు నితిన్.
 
 ఈ సినిమా తరువాత కూడా మరోసారి సేఫ్ గేమ్ కోసం ప్లాన్ చేస్తున్నాడు. అందుకే తనకు గుండెజారి గల్లంతయ్యిందే లాంటి సూపర్ హిట్ సినిమాను అందించిన కొండా విజయ్ కుమార్ దర్శకత్వంలో ఆ సినిమాకు సీక్వల్ చేసే ఆలోచనలో ఉన్నాడు. ఈ సినిమాను తన సొంత నిర్మాణ సంస్థ శ్రేష్ట్ మూవీస్ బ్యానర్పై తెరకెక్కించడానికి రెడీ అవుతున్నాడు.