రాయదుర్గం మండలం మల్లాపురం సమీపంలో బుధవారం కుంటు మారెమ్మ సిడిమానోత్సవం ఆశేష జనవాహిని మధ్య వైభవంగా జరిగింది. తిప్పేస్వామి అనే భక్తుడిని సిడిమానుకు కట్టి చుట్టూ కలియతిప్పారు. ఈ ఉత్సవాన్ని తిలకించేందుకు మల్లాపురం, పల్లేపల్లి, చదం, చదం గొల్లలదొడ్డి, రాయదుర్గం పట్టణ ప్రజలతో పాటు కర్ణాటక ప్రజలు భారీగా తరలివచ్చారు. అమ్మ వారి దర్శనానికి వచ్చిన భక్తులకు ఆలయ కమిటీ  సభ్యులు తీర్థప్రసాదాలు అందచేశారు. పోలీసులు గట్టి బందోబస్తు చర్యలు చేపట్టారు.