‘ఎక్స్‌’యూజర్‌ పృథ్వీ తన చిన్నారి మేనకోడలు వర్క్‌బుక్‌ నుంచి పోస్ట్‌ చేసిన స్నాప్‌చాట్‌ నెట్‌లోకంలో నవ్వులు పూయిస్తోంది. ఈ వర్క్‌బుక్‌లో‘మ్యాచ్‌ ది ఫాలోయింగ్‌’ శీర్షిక కింద ఎడమవైపు ప్రముఖుల పేరు, కుడివైపు ఆయా రంగాలకు సంబంధించిన బొమ్మలు ఇచ్చారు. ఏ వ్యక్తి ఏ రంగానికి చెందిన వారో జత చేయాలి. విరాట్‌ కోహ్లీ–క్రికెటర్, లతా మంగేష్కర్‌–సింగర్‌... ఇలా అన్నిటికీ కరెక్ట్‌గానే జత చేసింది ఆరు సంవత్సరాల చిన్నారి. అయితే లియాండర్‌ పేస్‌ దగ్గరే వచ్చింది పేచీ. ప్రభుదేవాతో పాటు లియాండర్‌ పేస్‌ను కూడా డ్యాన్సర్‌ని చేసింది. ఇది చూసి సరదాకారులు ఊరుకుంటారా ఏమిటి? మీమ్సే మీమ్స్‌!

న్యూఢిల్లీ: భారత వెటరన్‌ టెన్నిస్‌ స్టార్‌ లియాండర్‌ పేస్‌కు మళ్లీ డేవిస్‌ కప్‌ ఆడే అవకాశం ఇస్తారో లేదో నేడు తేలనుంది. వచ్చే నెల చైనాతో జరిగే పోరు కోసం భారత డేవిస్‌ జట్టును ఆదివారం ఎంపిక చేయనున్నారు. ఈ సెలక్షన్స్‌లో పేస్‌ పేరును పరిశీలిస్తామని అఖిల భారత టెన్నిస్‌ సంఘం (ఏఐటీఏ) వర్గాలు పేర్కొన్నాయి. ‘కెనడాతో జరిగిన డేవిస్‌ పోరులో డబుల్స్‌లో భారత జోడీ  గెలిచి ఉంటే వరల్డ్‌ గ్రూప్‌కు అర్హత సాధించే అవకాశముండేది. అదే లియాండర్‌ పేస్‌ ఉండి ఉంటే ఫలితం మరోలా ఉండేది’ అని ఏఐటీఏ ఉన్నతాధికారి ఒకరు అన్నారు. అయితే నాన్‌ ప్లేయింగ్‌ కెప్టెన్‌ మహేశ్‌ భూపతి, డబుల్స్‌ ఆటగాడు రోహన్‌ బోపన్నలతో పేస్‌కు సఖ్యత లేనపుడు ఇదేలా సాధ్యమని విలేకర్లు ప్రశ్నించగా... ముందు వ్యక్తిగత విబేధాలు పక్కనబెట్టాలని, దేశ ప్రయోజనాలనే చూడాలని సమాధానమిచ్చారు. గత ఏప్రిల్‌లో ఉజ్బెకిస్తాన్‌తో జరిగిన  డేవిస్‌ కప్‌ ఆసియా ఓసియానియా గ్రూప్‌–1 పోరుకు కూడా పేస్‌ను దూరంగా ఉంచారు. దుబాయ్‌లో జరిగిన ఏటీపీ టోర్నీలో రన్నరప్‌గా నిలవడంతో లియాండర్‌ పేస్‌ డబుల్స్‌ ర్యాంకుల్లో మళ్లీ టాప్‌–50లోకి వచ్చాడు.  


 న్యూఢిల్లీ: షెన్‌జెన్ ఓపెన్ ఏటీపీ టెన్నిస్ టోర్నమెంట్‌లో లియాండర్ పేస్ (భారత్)-ఆండ్రీ బెగెమన్ (జర్మనీ) జంటకు తొలి రౌండ్‌లోనే ఓటమి ఎదురైంది. చైనాలో బుధవారం జరిగిన పురుషుల డబుల్స్ తొలి రౌండ్ మ్యాచ్‌లో పేస్-బెగెమన్ ద్వయం 6-4, 1-6, 9-11తో గిలెర్మో గార్సియా లోపెజ్ (స్పెరుున్)-మాలిక్ జజిరి (టర్కీ) జోడీ చేతిలో ఓడిపోరుుంది. గంటా 20 నిమిషాలపాటు జరిగిన ఈ మ్యాచ్‌లో పేస్ జంట తొలి సెట్‌ను నెగ్గినా, రెండో సెట్‌లో పూర్తిగా తడబడి కేవలం ఒక గేమ్ మాత్రమే గెలిచింది. నిర్ణాయక సూపర్ టైబ్రేక్‌లో పేస్ జోడీ కీలకదశలో తప్పిదాలు చేసి మూల్యం చెల్లించుకుంది. మరోవైపు చైనాలోనే జరుగుతున్న చెంగ్డూ ఓపెన్ టోర్నీలో దివిజ్ శరణ్-పురవ్ రాజా (భారత్) జంట క్వార్టర్ ఫైనల్లోకి ప్రవేశించింది. తొలి రౌండ్‌లో దివిజ్-పురవ్ జోడీ 6-2, 6-4తో మూడో సీడ్ డొమినిక్ ఇంగ్లోట్ (బ్రిటన్)-నెనాద్ జిమోనిచ్ (సెర్బియా) ద్వయంపై సంచలన విజయం సాధించింది.