రౌడీ బేబీ సాంగ్‌ రిలీజై రెండేళ్లు దాటినా యూట్యూబ్‌లో రికార్డుల సునామీ సృష్టిస్తూనే ఉంది. తాజాగా ఈ సాంగ్‌  మరో మైలు రాయిని చేరుకుంది.  ఈ సారి ఏకంగా దక్షిణాదిలోనే ఓ అరుదైన ఘనత సాధించిన తొలి సాంగ్‌గా తన పేరు నమోదు చేసుకుంది.  ‘రౌడీ బేబీ’ యూట్యూబ్‌ రికార్డుల మోత ఆగేలా లేదు తన డ్యాన్సులతో, యాక్టింగ్‌తో సాయి పల్లవి అందర్నీ కట్టిపడేస్తూ ఉంటుంది. సాయి పల్లవి వీడియో సాంగ్‌లు సోషల్‌ మీడియాలో హల్‌ చల్‌ చేస్తుంటాయన్న సంగతి తెలిసిందే. మొన్న ఫిదాలోని ‘వచ్చిండే’ సాంగ్‌ ఒకప్పుడు రికార్డులు సృష్టిస్తే.. నిన్న ‘రౌడీ బేబీ’ సాంగ్‌ యూట్యూబ్‌కు కంటి మీద కునుకు లేకుండా చేస్తోంది. నేడు ‘ సారంగదరియా’  దూసుకుపోతోంది. ఈ క్రమంలో సాయిపల్లవి పాటల రికార్డులు కొత్త పాత అనే తేడా లేకుండా నెట్టింట రచ్చ చేస్తున్నాయి. దక్షిణాదిలోనే టాప్‌ తాజాగా యూట్యూబ్‌లో 5 మిలియన్‌ లైక్స్‌ పొందిన తొలి సౌత్‌ ఇండియా సాంగ్‌గా ‘రౌడీ బేబీ’ నిలిచింది. అత్యంత వేగంగా ఈ ఫీట్‌ను అందుకున్న సాంగ్‌ కూడా కావాడం విశేషం. అదే క్రమంలో 1.1 బిలియన్ల వ్యూస్‌తో ఎక్కువ మంది వీక్షించిన పాట కూడా ఇదే గమనార్హం.  విడుదలైన రెండున్నర సంవత్సరాల తరువాత కూడా యూట్యూబ్‌లో రౌడీ బేబీ రికార్డుల మోత మోగుతూనే ఉంది. ఈ పాట ఇప్పటికీ ప్రజల హృదయాలను శాసిస్తూ, వీడియో స్ట్రీమింగ్ ప్లాట్‌ఫామ్‌లో తిరుగులేని బ్లాక్‌బస్టర్‌గా మిగిలిపోయింది. ఇప్పటికే, రౌడీ బేబీ సోషల్ మీడియాలో చాలా రికార్డులను బద్దలు కొట్టిన సంగతి తెలిసిందే. చిత్రం విడుదలైన కొద్ది రోజుల్లోనే  ఈ సాంగ్‌ నెట్టింట విపరీతంగా రచ్చ చేయడంతో  సినిమా విడుదలైన కొద్ది రోజులకే చిత్రయూనిట్‌ రౌడీబేబీ వీడియో సాంగ్‌ను యూట్యూబ్‌లో విడుదల చేసింది. ఇక అప్పడు మొదలైన రికార్డుల వేట కోనసాగుతూనే ఉంది. ఇన్ని రికార్డులను క్రియేట్‌ చేసిన ఈ పాటకు యువన్‌ శంకర్‌ రాజా సంగీతం అందించగా, ప్రముఖ డ్యాన్స్‌ మాస్టర్‌, దర్శకుడు ప్రభుదేవా కొరియోగ్రఫి చేశారు. 

ధనుష్, సాయిపల్లవి జంటగా బాలాజీ మోహన్‌ దర్శకత్వంలో తెరకెక్కిన చిత్రం ‘మారి 2’. యువన్‌ శంకర్‌ రాజా సంగీతం అందించారు. 2018లో విడుదలైన ఈ సినిమా విజయం సాధించింది. ఈ సినిమాలోని రౌడీ బేబి పాట ఎంత పాపులర్‌ అయిందో ప్రత్యేకించి చెప్పక్కర్లేదు. ఈ పాట యూట్యూబ్‌లో రికార్డులు సృష్టిస్తోంది. లక్షల నుంచి కోట్లలో వ్యూస్‌ సాధిస్తూ దూసుకెళుతోంది. దక్షిణాదిలో అత్యధికంగా ఒక బిలియన్‌ (వంద కోట్లు) వ్యూస్‌ సాధించిన పాటగా రౌడీ బేబి రికార్డు సృష్టించింది. ఈ సంతోషాన్ని అభిమానులతో పంచుకున్నారు ధనుష్‌. ‘నా సినిమా కెరీర్‌లో అనుకోకుండా ఓ మధురమైన సంఘటన చోటుచేసుకుంది. ‘కొలవెరి డీ..’ పాట విడుదలై తొమ్మిది సంవత్సరాలు పూర్తి అయిన రోజునే ‘రౌడీ బేబి’ పాట బిలియన్‌ వ్యూస్‌ సాధించడం సంతోషంగా ఉంది. పైగా దక్షిణాదిలో బిలియన్‌ వ్యూస్‌ సాధించిన పాటగా నిలవడం మాకు గర్వంగా ఉంది’’ అన్నారు.

కోలీవుడ్‌ హీరో ధనుష్‌, సాయి పల్లవిల కాంబినేషన్‌లో వచ్చిన ‘మారి 2’ చిత్రం తమిళ్‌లో కమర్షియల్‌ సక్సెస్‌ సాధించిన సంగతి తెలిసిందే. ముఖ్యంగా ఆ సినిమాలోని ‘రౌడీ బేబీ’ సాంగ్‌ ప్రేక్షకులను విపరీతంగా ఆకట్టుకుంది. అందుకే సినిమా విడుదలైన కొద్ది రోజులకే చిత్రయూనిట్‌ రౌడీబేబీ వీడియో సాంగ్‌ను యూట్యూబ్‌లో విడుదల చేసింది. అప్పటి నుంచి రికార్డులు సృష్టిస్తున్న ‘రౌడిబేబీ’ ట్రెండింగ్‌ సాంగ్స్‌ జాబితాలో అగ్రస్థానంలో నిలిచినట్లు తాజాగా యూట్యూబ్‌ ప్రకటించింది. అలాగే ప్రపంచవ్యాప్తంగా కూడా ఈ రౌడిబేబీ 725 మిలియన్ల వ్యూస్‌తో 7వ స్థానంలో నిలిచింది. హీరో ధనుష్‌ రచించి పాడిన ఈ పాటకు యువన్‌ శంకర్‌ రాజా సంగీతం అందించగా, ప్రముఖ డ్యాన్స్‌ మాస్టర్‌, దర్శకుడు ప్రభుదేవా కొరియోగ్రఫి చేశారు.  కాగా బాలాజీ మోహన్‌ దర్శకత్వం వహించిన మారి-2లో టోవినో, వరలక్ష్మీ శరత్‌ కుమార్‌, కృష్ణలు కీలక పాత్రలో నటించిన సంగతి తెలిసిందే.  ఇక మారి మొదటి పార్ట్‌ బాక్సాఫీస్‌ వద్ద అంతగా రాణించకపోయినా సీక్వెల్‌ మాత్రం తమిళంలో భారీగానే కలెక్షన్లు రాబట్టింది. అయితే యూట్యూబ్‌ ట్రెండింగ్‌ అయిన భారతీయ పాటలలో రౌడిబేబీతో పాటు ధన్వీ భనుషాలి పాడిన వస్తే, టోని కక్కర​ పాడిన ‘కో కో లా’, ‘ధీమే ధీమే’ పాటలు, అజిత్‌ సింగర్‌ పాడిన ‘వే మాహి’ కూడ ఈ ట్రెండింగ్‌ జాబితాలో ఉన్నట్లు యూట్యూబ్‌ వెల్లడించింది.

ధనుష్‌, సాయి పల్లవి కాంబినేషన్‌లో వచ్చిన ‘మారి 2’ చిత్రం తమిళ్‌లో కమర్షియల్‌ సక్సెస్‌ సాధించిన సంగతి తెలిసిందే. ముఖ్యంగా ఆ చిత్రంలోని ‘రౌడీ బేబీ’ సాంగ్‌ మాత్రం ప్రేక్షకులను విపరీతంగా ఆకట్టుకుంది. అందుకే చిత్ర యూనిట్‌ కూడా సినిమా విడుదలైన కొద్ది రోజులకే రౌడీ బేబీ వీడియో సాంగ్‌ను యూట్యూబ్‌లో విడుదల చేసింది. అప్పటి నుంచి ఈ సాంగ్‌ యూట్యూబ్‌లో రికార్డులు సృష్టిస్తుంది. సౌత్‌ ఇండియన్‌ సాంగ్స్‌కు యూట్యూబ్‌లో ఎక్కువగా వ్యూస్‌ రావని చెప్పేవారికి ఇది గట్టి కౌంటర్‌ ఇచ్చింది. పలు బాలీవుడ్‌ సాంగ్స్‌తో పోటీ పడుతూ.. యూట్యూబ్‌లో దుమ్ము రేపుతోంది. తాజాగా ఈ సాంగ్‌ యూట్యూబ్‌లో 600 మిలియన్‌(60 కోట్ల) వ్యూస్‌ను దాటింది. కేవలం సౌత్‌ ఇండియన్‌ ప్రేక్షకులే కాకుండా విదేశాల్లో ఉంటున్నవారు కూడా ఈ సాంగ్‌ను విపరీతంగా వీక్షిస్తున్నారు.  కాగా, బాలాజీ మోహన్‌ దర్శకత్వంలో తెరకెక్కిన ఈ చిత్రానికి యువన్‌ శంకర్‌ రాజా సంగీతం అందించారు. రౌడీ బేబీ సాంగ్‌కు ప్రముఖ డ్యాన్స్‌ మాస్టర్‌ ప్రభుదేవా కొరియోగ్రఫీ చేశారు. మరోవైపు సోషల్‌ మీడియాలో సాయిపల్లవి వీడియో సాంగ్‌లు హల్‌చల్‌ చేస్తుంటాయనే సంగతి తెలిసిందే. ఫిదా చిత్రంలోని వచ్చిండే సాంగ్‌ను కూడా యూట్యూబ్‌లో కోట్లాది మంది ప్రేక్షకులు వీక్షించారు. అయితే ఆ వ్యూస్‌ను రౌడీ బేబీ సాంగ్‌ కేవలం 40 రోజుల వ్యవధిలోనే అధిగమించిడం విశేషం.

కోలీవుడ్, బాలీవుడ్‌లను దాటి హాలీవుడ్‌ స్థాయికి ఎదిగిన అతికొద్ది మంది కోలీవుడ్‌ నటుల్లో ధనుష్‌ ఒకరు. ఈయన నటించిన హాలీవుడ్‌ చిత్రం ది ఎక్స్‌ట్రార్డనరీ జర్నీ ఆఫ్‌ పకిరి.  కెన్‌స్కాట్‌ దర్శకత్వం వహించిన ఈ చిత్రం పకీర్‌ అనే యువకుడి ఎక్స్‌ట్రార్డనరీ జర్నీ ఇతివృత్తంగా తెరకెక్కింది. తన తండ్రిని వెతుక్కుంటూ ముంబై నుంచి ప్యారిస్‌ దేశానికి వెళ్లే పకీర్‌ ఎలాంటి సంఘటనలను ఎదుర్కొన్నారన్న పలు ఆసక్తికరమైన అంశాలతో కూడిన చిత్రం పకిరి. ధనుష్‌ కథానాయకుడిగా ఈ సినిమాలో స్ట్రీట్‌ మెజీషియన్‌గా నటించారు. ఈ చిత్రం పలు ఇతర భాషల్లోనూ అనువాదం అయ్యి విడుదలైంది. తమిళంలో పకిరి అనే టైటిల్‌తో ఈ నెల 21న తెరపైకి రావడానికి రెడీ అవుతోంది. ఈ నేపథ్యంలో మంగళవారం చిత్ర ట్రైలర్‌ను యూనిట్‌ వర్గాలు విడుదల చేశారు. కాగా ఆంగ్లం, ఫ్రెంచ్‌ భాషల్లో గత ఏడాది విడుదలైన ఈ చిత్రం అక్కడ మంచి విజయాన్ని అందుకుంది. అంతేకాదు పలు అంతర్జాతీయ చిత్రోత్సవాల్లోనూ ప్రదర్శింపబడింది. కాగా తమిళ ప్రేక్షకులను అలరిస్తుందనే నమ్మకాన్ని చిత్ర వర్గాలు వ్యక్తం చేస్తున్నారు. కాగా ఇక్కడ ధనుష్‌ నటించిన చిత్రం విడుదలై చాలా కాలమైంది. మారి–2 చిత్రం తరువాత ఆయన చిత్రమేదీ తెరపైకి రాలేదు. ఆ పకిరి చిత్రం ఆ లోటును భర్తీ చేస్తుందన్నమాట. ప్రస్తుతం ధనుష్‌ వెట్రిమారన్‌ దర్శకత్వంలో అసురన్‌ చిత్రంలో నటిస్తున్నారు. ఇందులో ఆయన మరోసారి ద్విపాత్రాభినయం చేస్తున్నారు. వి.క్రియేషన్స్‌ పతాకంపై కలైపులి ఎస్‌.థాను నిర్మిస్తున్న ఈ చిత్రం షూటింగ్‌ చివరి దశకు చేరుకుంది. దీని తరువాత సత్యజ్యోతి ఫిలింస్‌ సంస్థలో ధనుష్‌ వరుసగా రెండు చిత్రాల్లో నటించనున్నారు. ఇందులో ఒక చిత్రానికి దురై సెంథిల్‌కుమార్, మరో చిత్రానికి రామ్‌కుమార్‌ దర్శకత్వం వహిస్తున్నారు. ఇందులో దురై సెంథిల్‌ తెరకెక్కిస్తున్న చిత్రం ఈ ఏడాది చివరిలో విడుదలయ్యే అవకాశం ఉంది. ఇక రామ్‌కుమార్‌ దర్శకత్వంలో ధనుష్‌ నటిస్తున్న చిత్రం 2020లో తెరపైకి రానుంది.

ప్రేమమ్‌ సినిమా సౌత్ ఇండస్ట్రీ ని ఊపేసిన మల్లార్‌ బ్యూటీ సాయి పల్లవి. తొలి సినిమాతోనే అందరి దృష్టిని ఆకర్షించిన ఈ బ్యూటీ మలయాళంతో పాటు తెలుగు, తమిళ భాషల్లోనూ వరుస అవకాశాలతో దూసుకుపోతున్నారు. తాజాగా ఈ అమ్మడు తన వ్యక్తిగత విషయాలపై స్పందించిన తీరు అభిమానులకు షాక్‌ ఇచ్చారు. పెళ్లి విషయంలో ఎదురురైన ప్రశ్నకు సాయి పల్లవి షాకింగ్ ఆన్సర్‌ ఇచ్చారు. తాను ఎప్పటికీ పెళ్లి చేసుకోనని చెప్పింది ఈ భామ. జీవితాంతం ఇలాగే ఉంటూ తన తల్లి దండ్రుల బాగోగులను చూసుకోవాలని భావిస్తున్నట్టుగా తెలిపారు. సాయి పల్లవి నిర్ణయంతో అభిమానులు షాక్‌ అయ్యారు. ఇటీవల మారి 2 తో ఆకట్టుకున్న ఈ భామ త్వరలో సూర్య హీరోగా తెరకెక్కుతున్న ఎన్జీకే సినిమాతో అలరించేందుకు రెడీ అవుతున్నారు. తెలుగులో రానా దగ్గుబాటి సరసన ఓ సినిమా చేసేందుకు రెడీ అవుతున్నారు.

తమిళసినిమా: అందుకు సిద్ధమైతే కండిషన్స్‌ అప్లై అంటోంది నటి సాయిపల్లవి. ప్రేమమ్‌ చిత్రంతో మలయాళంలో కథానాయకిగా పరిచయమైన ఈ తమిళ అమ్మాయి కోలీవుడ్‌కు మాత్రం కొంచెం ఆలస్యంగానే ఎంట్రీ ఇచ్చింది. డాక్టరు కాబోయి యాక్టర్‌ అయిన ఈ సహజ నటి మలయాళం తరువాత తెలుగులో పరిచయమై అక్కడి ప్రేక్షకులను ‘ఫిదా’ చేసి సక్సెస్‌ఫుల్‌ కథానాయకిగా పేరు తెచ్చుకుంది. ఆ సమయంలోనే కోలీవుడ్‌లో పలు అవకాశాలు వచ్చినా నిరాకరిస్తూ వచ్చిన సాయిపల్లవి ఎట్టకేలకు విజయ్‌ దర్శకత్వంలో దయా చిత్రంతో పరిచయమైంది. అయితే ఆ చిత్రం ఆశించిన ఫలితాన్నివ్వలేదు. ఆ తరువాత ధనుష్‌తో మారి–2 చిత్రంలో జత కట్టింది. ఆ చిత్రం కూడా సోసో అనిపించుకున్నా, అందులో రౌడీ బేడీ పాట వీర లెవల్‌లో హిట్‌ అయిపోయ్యింది. ప్రభుదేవా నృత్యరీతులను సమకూర్చిన ఈ పాటకు ధనుష్‌తో పాటు సాయిపల్లవి డాన్స్‌లో ఇరగదీసింది. ఈ పాట ఇప్పుడు యూట్యూబ్‌లో అత్యధిక లైక్‌లు పొందుతూ ప్రపంచస్థాయితో దుమ్మురేపుతోంది. ఆలా పాపులర్‌ అయిన సాయిపల్లవి కొత్త చిత్రాలను అంగీకరించడంలో మాత్రం ఆచితూచి అడుగులేస్తోంది. ప్రస్తుతం తమిళంలో సూర్యతో జత కట్టిన ఎన్‌జీకే చిత్రం ఒక్కటే చేతిలో ఉంది. అదీ చిత్రీకరణను పూర్తి చేసుకుని నిర్మాణాంతర కార్యక్రమాలను జరుపుకుంటోంది. ఇక మలయాళంలో పాహద్‌ పాజిత్‌ సరసన ఒక చిత్రం, తెలుగులో రానాతో ఒక చిత్రం చేస్తోంది. అయితే పారితోషికం విషయంలో ఈ అమ్మడు చాలా లిబరల్‌గా వ్యవహరిస్తోంది. ఆ మధ్య తెలుగు చిత్రం పడిపడి లేచే మనసు విజయానికి దూరం అయితే ఈ అమ్మడు ఆ చిత్ర నిర్మాత ఇవ్వాల్సిన రూ.40 లక్షలు వదిలేసిందట. ఇకపోతే తాజాగా ఒక నిర్ణయం తీసుకుందట. తనకు పారితోషికం ముఖ్యం కాదని, దాన్ని ఇంకా తగ్గించడానికి సిద్ధమేనని అంటోందట. అయితే ఒక కండిషన్‌ అని కథ చాలా బలంగా ఉండాలని అప్పుడే పారితోషికం తగ్గించి నటించడానికి సిద్ధమని సాయిపల్లవి అంటోందట. ఇది మంచి కథా చిత్రాల దర్శక నిర్మాతలకు ఆమె ఇచ్చే మంచి ఆఫర్‌నే అవుతుంది.

తన డ్యాన్సులతో, యాక్టింగ్‌తో సాయి పల్లవి అందర్నీ కట్టిపడేస్తూ ఉంటుంది. సాయి పల్లవి వీడియో సాంగ్‌లు సోషల్‌ మీడియాలో హల్‌ చల్‌ చేస్తుంటాయన్న సంగతి తెలిసిందే. ఫిదాలోని ‘వచ్చిండే’ సాంగ్‌ ఒకప్పుడు రికార్డులు సృష్టిస్తే.. ప్రస్తుతం ‘రౌడీ బేబీ’ సాంగ్‌ యూట్యూబ్‌కు కంటి మీద కునుకు లేకుండా చేస్తోంది. మొన్నటి వరకు సౌత్‌ ఇండియాలో అత్యధిక మంది వీక్షించిన వీడియో సాంగ్‌గా టాప్‌లో నిలిచిన వచ్చిండే సాంగ్‌ను చాలా తక్కువ టైమ్‌లో రౌడీ బేబీ వెనక్కి నెట్టేసింది. రెండింట్లోనూ సాయి పల్లవి తన మార్క్‌తో అలరించింది. వచ్చిండే సాంగ్‌తో ట్రెండ్‌సెట్‌ చేసిన సాయి పల్లవి.. రౌడీ బేబీతో తన రికార్డును తానే బద్దలుకొట్టింది. ఇప్పటికీ రౌడీ బేబీ వీడియోసాంగ్‌ను 183మిలియన్ల (దాదాపు 18కోట్లు) మంది వీక్షించారు. 

కత్రినా కైఫ్‌ కాలా చష్మా సాంగ్‌ అందరికీ గుర్తుండే ఉంటుంది. అప్పట్లో అది సంచలనం సృష్టించింది. ఇప్పటివరకు ఈ పాటను యూట్యూబ్‌లో 545మిలియన్ల మంది వీక్షించారు. దేశం మొత్తాన్ని ఈ పాట ఒక ఊపు ఊపేసింది. సౌత్‌ నుంచి కొలవెరీ సాంగ్‌ అందరి నోట ఎలా వినపడిందో మళ్లీ ఇప్పుడు అలాంటి ఓ పాటే రికార్డులు సృష్టిస్తోంది. అయితే ఈ వీడియో సాంగ్‌లో ధనుష్‌, సాయి పల్లవి చేసిన మ్యాజిక్‌కు నెటిజన్లు ఫిదా అవుతున్నారు.  ఇటీవలె రిలీజైన మారి2 సినిమాలోని రౌడీ బేబీ సాంగ్‌ సోషల్‌ మీడియాలో రికార్డులు సృష్టిస్తోంది. ఈ పాటలో సాయి పల్లవి డ్యాన్సులు, హావభావాలు ఫ్యాన్స్‌కు మతిపోగొడుతున్నాయి. వీడియో సాంగ్‌ను విడుదల చేసి 48గంటలు గడవకముందే ఈ పాటను కోటికి పైగా వీక్షించారు. నవంబర్‌లో విడుదల చేసిన లిరికల్‌ సాంగ్‌ను ఇప్పటివరకు 5కోట్లకుపైగానే చూశారు. ధనుష్‌ ఈ పాటను రాయగా.. ధీ, ధనుష్‌ కలిసి ఈ పాటను ఆలపించారు. యువన్‌ శంకర్‌ రాజా అందించిన బాణీ కూడా క్యాచీగా ఉంది. ఇక ఈ పాటకు ఇండియన్‌ మైకేల్‌ జాక్సన్‌ ప్రభుదేవా కొరియోగ్రఫీ చేశారు. మీరు కూడా ఓసారి ఈ వీడియో సాంగ్‌ను చూసి ఎంజాయ్‌ చేయండి.

‘‘జీవితంలో అనుకున్నవన్నీ అనుకున్నట్లుగా జరగకపోతే ఏం టెన్షన్‌ పడకండి. చేసిన పనిలో మన బెస్ట్‌ ఇచ్చామా? లేదా అన్నదే ముఖ్యం. ఏమో? ఎవరికి తెలుసు.. దొరకలేదనుకున్నది మరో రూపంలో సర్‌ప్రైజ్‌ గిఫ్ట్‌లా మనకే తారసపడొచ్చు’’ అని సాయి పల్లవి అంటున్నారు. దానికి ఆమె ప్రయాణమే ఎగ్జాంపుల్‌. అది 2008.. చెన్నైలోని ఏవీయమ్‌ స్టూడియోస్‌. ‘ఉంగళిల్‌ యార్‌ ఆడుత్త ప్రభుదేవా’ (మీలో ఎవరు తర్వాతి ప్రభుదేవా?) అనే డ్యాన్స్‌ షో సెమీ ఫైనల్స్‌ నడుస్తున్నాయి. సాయి పల్లవి టీమ్‌ కూడా ఆ ప్రోగ్రామ్‌లో పాల్గొంది. కానీ సెమీ ఫైనల్స్‌లోనే వెనక్కి తిరిగారు... నిరాశతో. కట్‌ చేస్తే.. 2018, ఏవీయమ్‌ స్టూడియోస్‌. ధనుష్‌తో సాయి పల్లవి చేస్తున్న ‘మారీ 2’లోని ‘రౌడీ బేబీ.. ’ సాంగ్‌ షూట్‌. షూటింగ్‌ స్పాట్‌కు వెళ్తుంటే తెలిసిన ప్రదేశంలానే తోచింది సాయి పల్లవికి. యస్‌.. పదేళ్ల క్రితం డ్యాన్స్‌ షో చేయడానికి వచ్చింది. ఆ షో గెలిచి ఉంటే ప్రభుదేవాతో ఓ మొమెంటో అందుకునేదేమో పల్లవి. కానీ ఏకంగా ప్రభుదేవా మాస్టరే ఇప్పుడు ఆమెకు మూమెంట్స్‌ కంపోజ్‌ చేయడం విశేషం. అక్కడ చేజారిందనుకున్న అవకాశాన్ని కాలం రెట్టించి తిరిగిచ్చేసింది. అప్పుడు ఫెయిలైన సాయి పల్లవి ఈసారి సక్సెస్‌ అయింది. ‘బాగా డ్యాన్స్‌ చేశావ్‌’ అంటూ ప్రభుదేవా నుంచి అభినందనలు కూడా అందుకుంది. ఈ ఆనందాన్నే తాజాగా పంచుకున్నారు సాయి పల్లవి. ‘ఎప్పుడూ నీ బెస్ట్‌ ఇవ్వు. జీవితం ఏదో ఓ రూపంలో ఎప్పటికైనా ఆశీర్వదిస్తుంది’ అంటూ ప్రభుదేవాతో దిగిన ఫొటోను షేర్‌ చేశారు సాయి పల్లవి.

పెళ్లి కాకుండా స్త్రీ పురుషులు సహజీవనం చేయడానికి తాను వ్యతిరేకిని కాదని నటి సాయిపల్లవి పేర్కొంది. ఈ అమ్మడు నటించిన తమిళ చిత్రం మారి–2, తెలుగు చిత్రం పడి పడిలేచే మనసు ఇటీవల ఒకే రోజు తెరపైకి వచ్చాయి. ప్రస్తుతం సూర్యతో జత కట్టిన ఎన్‌జీకే చిత్రం కోసం ఆసక్తిగా ఎదురుచూస్తున్న సాయిపల్లవి మలయాళంలోనూ ఫాహత్‌ ఫాజిల్‌కు జంటగా ఒక చిత్రంలో నటిస్తోంది. అయితే చిత్రాలను ఆచితూచి అంగీకరిస్తున్న ఈ బ్యూటీ తెలుగులో రానాతో మరో చిత్రంలో నటిస్తోంది. ఇటీవల మారి–2 చిత్ర ప్రమోషన్‌ కోసం చెన్నైకి వచ్చిన సాయిపల్లవి ఒక ఇంటర్వ్యూలో మాట్లాడుతూ ఎవరినైనా ప్రేమిస్తున్నారా? లీవింగ్‌ టుగెదర్‌ సంబంధం సాగిస్తున్నారా? లాంటి ప్రశ్నలు చాలా మంది వేస్తున్నారని అంది. అయితే నేను కాలేజీలో చదువుతున్నప్పుడు పుస్తకాలను, సినీరంగంలోకి వచ్చిన తరువాత నటనను ప్రేమిస్తున్నానని చెప్పింది. వ్యక్తిగతంగా తనకు లీవింగ్‌ టుగెదర్‌ సంబంధాలు అవసరం లేదని పేర్కొంది. అయితే ఇలా చెబుతున్నందున అలాంటి సంబంధానికి తాను వ్యతిరేకినని చెప్పడం కాదని అంది. లీవింగ్‌ టుగెదర్‌ సంబంధం అనేది వారివారి వ్యక్తిగతానికి సంబంధించిన విషయం అని పేర్కొంది. తాను మాత్రం వివాహ జీవితాన్నే కోరుకుంటున్నానని సాయిపల్లవి స్పష్టం చేసింది. 

కోలీవుడ్‌ స్టార్‌ ధనుశ్‌ సింగర్‌గా ఎంత పేరు సంపాదించుకున్నారో ప్రత్యేకించి చెప్పక్కర్లేదు. తాను హీరోగా నటించిన ‘3’ సినిమాలో ధనుశ్‌ పాడిన ‘వై దిస్‌ కొలవెరి..’ సాంగ్‌ బాగా పాపులర్‌ అయ్యింది. ఆ తర్వాత కూడా కొన్నిసార్లు ధనుశ్‌ గొంతు సవరించుకున్నారు. తాజాగా డైరెక్టర్‌ వసంతబాలన్‌ దర్శకత్వంలో రూపొందిన ‘జైలు’ సినిమా కోసం సాంగ్‌ పాడారు. ‘జైలు’ సినిమాలో హీరోగా నటించిన సంగీతదర్శకుడు జీవీ ప్రకాశ్‌కుమార్‌ ఈ విషయం తెలిపారు. అలాగే ధనుశ్‌ లే టెస్ట్‌ చిత్రం ‘మారీ 2’ ఈ నెల 21న తెలుగు, తమిళంలో ఒకేసారి రిలీజ్‌ కానుంది. బాలాజీ మోహన్‌ తెరకెక్కించిన ఈ చిత్రం ‘మారీ’ చిత్రానికి సీక్వెల్‌. ఈ చిత్రాన్ని తెలుగులో సాయి కృష్ణ పెండ్యాల రిలీజ్‌ చేస్తున్నారు. ఇందులో ‘రౌడీ బేబీ..’ అనే సాంగ్‌ను తెలుగులో ధనుశ్‌ పాడారు.

ఒక సినిమా హిట్‌ అయితే వెంటనే అభిమానులు, ప్రేక్షకులు మళ్లీ అలాంటి చిత్రం కావాలంటారు. సీక్వెల్స్‌ తీయడానికి హీరోలు, దర్శకులు సైతం మొగ్గుచూపుతూ ఉంటారు. ఇలా గతంలో సీక్వెల్‌ తీసిన సినిమాలెన్నో హిట్స్‌గా నిలిచాయి. అయితే అన్ని వేళలా సీక్వెల్స్‌ మంచి ఫలితాలనే ఇస్తుందని చెప్పలేం. ఒక్కోసారి మిశ్రమ ఫలితాన్ని చవిచూడాల్సి వస్తుంది. అయితే ప్రస్తుతం పలు సీక్వెల్స్‌ చిత్రాలు ప్రేక్షకుల ముందుకు వచ్చేందుకు రెడీ అవుతున్నాయి.  సీక్వెల్ అనగానే ప్రస్తుతం అందరికీ గుర్తుకు వచ్చే సినిమా ‘2.ఓ’. శంకర్‌-రజనీ కాంబినేషన్‌లో 2010లో వచ్చిన రోబో సినిమా ఘన విజయం సాధించిన విషయం తెలిసిందే. మళ్లీ ఇన్నేళ్లకు వీరి కాంబినేషన్‌లో ‘2.ఓ’ విడుదలకు సిద్దమైంది. ప్రపంచవ్యాప్తంగా భారీ ఎత్తున విడుదలకానుండగా.. రికార్డులను క్రియేట్‌ చేస్తుందని సినీ విశ్లేషకులు భావిస్తున్నారు. ఇక శంకర్‌ దీని తర్వాత ‘ఇండియన్‌2’ సినిమాను తెరకెక్కించే పనిలో బిజీకానున్నాడు. కమల్‌హాసన్‌-శంకర్‌ దర్శకత్వంలో వచ్చిన ఇండియన్‌( తెలుగులో భారతీయుడు) అప్పటివరకు ఉన్న రికార్డులన్నింటిని బద్దలు కొట్టింది. ఈ చిత్రంలో కమల్‌హాసన్‌ నటన ప్రత్యేక ఆకర్షణగా నిలిచింది. మళ్లీ ఇన్నేళ్లకు ఈ మూవీ సీక్వెల్‌కు ముహుర్తం కుదిరింది.  కమల్‌హాసన్‌ సినీకెరీర్‌లో ‘క్షత్రియపుత్రుడు’ది ప్రత్యేకస్థానం. ఈ సినిమాకు సీక్వెల్‌ చేయాలనే ఆలోచనలో ఉన్నట్లు కమల్‌ ఈమధ్యే తన మనసులో మాటను చెప్పుకొచ్చాడు. రీసెంట్‌గా దర్శకుడు సెల్వ రాఘవన్ ‘యుగానికొక్కడు’ సీక్వెల్‌ చేయబోతున్నట్లు ప్రకటించాడు. కార్తీ కెరీర్‌కు మంచి బూస్ట్‌ ఇచ్చిన ఈ చిత్రానికి సీక్వెల్‌ చేస్తే విజయం సాధిస్తుందని భావిస్తున్నారట. ఇక మాస్‌ ఫాలోయింగ్‌ భారీగా ఉన్న ధనుష్‌ సీక్వెల్స్‌ చిత్రాలతో బిజీగా ఉన్నాడు. ధనుష్‌-కాజల్‌ జంటగా నటించిన ‘మారి’ ఘన విజయం సాధించిన సంగతి తెలిసిందే. ప్రస్తుతం ఈ చిత్రానికి సీక్వెల్‌గా ‘మారి-2’ని విడుదలచేసేందుకు రెడీ అయ్యారు. రీసెంట్‌గా రిలీజ్‌ అయి విమర్శకుల ప్రశంసలు పొందిన ‘వడచెన్నై’ చిత్రానికి కూడా సీక్వెల్స్‌ రెడీ అవుతున్నాయి. మొత్తం మూడు భాగాలుగా తెరకెక్కించనుండగా.. ఈ చిత్రం రెండో భాగం కూడా రెడీ అవుతోంది. ఇంకా కొన్ని చిత్రాలు సీక్వెల్స్‌కు ప్లాన్‌ చేస్తున్నాయి. మరి వీటన్నంటిలో ఏవి నిలబడి విజయాన్ని సాధిస్తాయో చూడలి. 

డాన్‌ అంటే..కత్తి, తుపాకీలను పట్టుకుని రౌడీయిజం చేసి సెటిల్‌మెంట్స్‌ చేస్తుంటారు. కానీ డాన్‌ మారి డిఫరెంట్‌. అల్లరిగా రౌడీయిజం చేసి సమస్యలను పరిష్కరిస్తుంటారు. అదెలా అనేది కొంతవరకు మూడేళ్ల క్రితం వచ్చిన ‘మారి’ సినిమాలో చూశారు. ఇప్పుడు ఫుల్‌గా చూపించడానికి ‘మారి 2’గా వస్తున్నాడు. దర్శక,నిర్మాత, నటుడు ధనుష్‌ హీరోగా బాలాజీ మోహన్‌ దర్శకత్వంలో రూపొందిన సినిమా ‘మారి 2’. ఇందులో సాయిపల్లవి కథానాయికగా నటించారు. వరలక్ష్మీ శరత్‌కుమార్‌ ఓ కీలక పాత్ర చేసిన ఈ సినిమాకు యువన్‌ శంకర్‌రాజా సంగీతం అందించారు. 2015లో ధనుష్‌–బా లాజీ మోహన్‌ కాంబినేషన్‌లోనే వచ్చిన ‘మారి’ కి ‘మారి 2’ సీక్వెల్‌. శుక్రవారం ఈ సినిమా ఫస్ట్‌ లుక్‌ను రిలీజ్‌ చేశారు. ‘‘అల్లరి డాన్‌ తిరిగొచ్చాడు’’ అన్నా రు ధనుష్‌.   డిసెంబర్‌లో ఈ చిత్రం విడుదల కానుంది.

తమిళ నాట మాస్‌ హీరోగా మంచి క్రేజ్‌ ఉన్న హీరో ధనుష్‌. తీసే ప్రతి సినిమాలో మాస్‌ ఎలిమెంట్స్‌ పుష్కలంగా ఉండేలా చూసుకునే ధనుష్‌కు భారీగానే ఫాలోయింగ్‌ ఉంది. రఘువరన్‌ బీటెక్‌ సినిమాతో ధనుష్ తెలుగులో కూడా పాపులర్‌ అయ్యాడు‌. కాజల్‌ అగర్వాల్‌, ధనుష్‌ కాంబినేషన్‌లో గతంలో వచ్చిన మారి సినిమా మంచి విజయాన్ని సొంతం చేసుకుంది.  అయితే ప్రస్తుతం మారికి సీక్వెల్‌ రాబోతోంది. మరోసారి మాస్‌ ఎలిమెంట్స్‌తో ఆడియెన్స్‌ను అలరించేందుకు ధనుష్‌ సిద్దమయ్యాడు. తాజాగా ఈ సినిమా నుంచి ధనుష్‌ ఫస్ట్‌లుక్‌ను విడుదల చేసింది చిత్రయూనిట్‌. ‘మారి’ని తెరకెక్కించిన బాలాజీ మోహన్ దర్శకత్వంలోనే ఈ సీక్వెల్‌ కూడా రాబోతోంది. సాయి పల్లవి, వరలక్ష్మీ శరత్‌కుమార్‌ ప్రధాన పాత్రల్లో నటిస్తున్నారు.  The naughtiest don is back. #Maari2FirstLook#Maari2 #tharalocal #senjuruven pic.twitter.com/i4NdjhiX54 — Dhanush (@dhanushkraja) November 2, 2018

గుమ్మడికాయ కొట్టి మీసం మెలేశారు మారి అండ్‌ గ్యాంగ్‌. ‘మారి 2’ సినిమా షూటింగ్‌ కంప్లీట్‌ కావడమే వాళ్ల సంతోషానికి కారణం. ధనుష్‌ హీరోగా బాలాజీ మోహన్‌ దర్శకత్వంలో రూపొందిన సినిమా ‘మారి 2’. ధనుష్, బాలాజీ మోహన్‌ కాంబినేషన్‌లోనే 2015లో వచ్చిన ‘మారి’ చిత్రానికి సీక్వెల్‌ ఇది. ఇందులో సాయిపల్లవి కథానాయికగా నటించారు. వరలక్ష్మీ శరత్‌కుమార్, విద్యా ప్రదీప్‌ కీలక పాత్రలు చేశారు. ‘‘మళ్లీ మారిగా నటించడం ఆనందంగా ఉంది. సెట్‌లో బాగా ఎంజాయ్‌ చేశా. షూటింగ్‌ కంప్లీట్‌ చేశాం’’ అని పేర్కొన్నారు ధనుష్‌. ‘‘సిల్వర్‌ స్క్రీన్‌పైకి మారి మళ్లీ వస్తున్నాడు. ఫన్నీగా షూటింగ్‌ గడిచిపోయింది. మారిని మిస్‌ అవుతున్నాం’’ అన్నారు దర్శకుడు బాలాజీ మోహన్‌. ఈ సినిమాను డిసెంబర్‌లో విడుదల చేయాలని చిత్రబృందం ప్లాన్‌ చేస్తోంది.

ముందు ప్రభుదేవా వేసి చూపించిన స్టెప్‌కి ధనుష్‌ కాలు కదిపారు. టైమింగ్‌ కుదర్లేదట. నెక్ట్స్‌ ఆ డ్యాన్స్‌ మూమెంట్‌లోని ట్రిక్‌ను ధనుష్‌కు చెప్పారు ప్రభుదేవా. అంతే..సేమ్‌ టు సేమ్‌ స్టెప్‌ వచ్చేసింది. ‘మారి 2’ సినిమా సెట్‌లో ఇదంతా జరిగింది. బాలాజీ మోహన్‌ దర్శకత్వంలో ధనుష్‌ హీరోగా రూపొందుతోన్న సినిమా ‘మారి 2’. ఇందులో సాయి పల్లవి కథానాయికగా నటిస్తున్నారు. మూడేళ్ల క్రితం బాలాజీ మోహన్, ధనుష్‌ కాంబినేషన్‌లోనే వచ్చిన ‘మారి’ చిత్రానికి సీక్వెల్‌ ఇది. శుక్రవారంతో ఈ సినిమాలోని ఓ సాంగ్‌ను కంప్లీట్‌ చేశారు. ఈ సాంగ్‌కు ప్రభుదేవా కొరియోగ్రఫీ చేశారు. ‘‘ డ్యాన్సింగ్‌ లెజెండ్‌ ప్రభుదేవాగారి కొరియోగ్రఫీలో ‘మారి 2’ కోసం ఓ సాంగ్‌ను కంప్లీట్‌ చేశాం. ఆయన ప్రోత్సాహం మాలో కొత్త ఉత్తేజాన్ని నింపింది. థ్యాంక్స్‌ సర్‌’’ అని ప్రభుదేవా పేర్కొన్నారు. ఈ చిత్రాన్ని డిసెంబర్‌లో విడుదల చేయాలని చిత్రబృందం ప్లాన్‌ చేస్తున్నారట.

కోలీవుడ్‌లో ఒకటే హాట్‌ టాపిక్‌.. దర్శక, నిర్మాత–నటుడు ధనుష్‌ గాయపడ్డారని. దాంతో ఆయన ఫ్యాన్స్‌ హైరానా పడిపోయారు. కానీ కంగారు పడాల్సినంత దెబ్బ ఏమీ తగలలేదని ధనుష్‌ క్లారిటీ ఇవ్వడంతో ఫ్యాన్స్‌ అందరూ ఊపిరి పీల్చుకున్నారు. బాలాజీ మోహన్‌ దర్శకత్వంలో ధనుష్‌ హీరోగా రూపొందుతున్న చిత్రం ‘మారి 2’. సాయిపల్లవి, వరలక్ష్మీ శరత్‌కుమార్‌ కథానాయికలుగా నటిస్తున్నారు. మూడేళ్ల క్రితం వచ్చిన ‘మారి’ చిత్రానికి సీక్వెల్‌ ఇది. ప్రస్తుతం ఈ సినిమాలో యాక్షన్‌ సీక్వెన్స్‌ తీస్తున్నారు. ఈ షూట్‌లోనే ఓ స్టంట్‌ చేయబోయి ధనుష్‌ గాయపడ్డారట. ఈ విషయంపై ధనుష్‌ క్లారిటీ ఇస్తూ– ‘‘నేను బాగానే ఉన్నాను. పెద్దగా గాయాలేమీ తగల్లేదు. మీ అభిమానమే నా బలం. మీ ఆత్మీయతకు రుణపడి ఉంటా’’ అని ఫ్యాన్స్‌ను ఉద్దేశిస్తూ పేర్కొన్నారు. ‘మారి 2’ సినిమాను ఈ ఏడాదిలోనే రిలీజ్‌ చేయాలనుకుంటున్నారు.

కోలీవుడ్‌ స్టార్‌ హీరో ధనుష్‌కు గాయాలయ్యాయి. మారి-2 చిత్ర షూటింగ్‌లో భాగంగా శుక్రవారం క్లైమాక్స్‌ చిత్రీకరణ సమయంలో గాయపడినట్లు సమాచారం. ధనుష్‌ కుడి కాలికి, ఎడమ చేతికి గాయాలైనట్లు, చిత్రంలో విలన్‌ పాత్రధారి టోవినో థామస్‌ కూడా స్వల్ఫంగా గాయపడినట్లు చిత్ర యూనిట్‌ తెలిపింది. అయితే గాయాలతోనే ధనుష్‌ షాట్‌ పూర్తి చేసి వైద్యానికి వెళ్లినట్లు తెలుస్తోంది. ధనుష్‌ కోలుకునేదాకా షూటింగ్‌ను నిలిపేసినట్లు చిత్ర వర్గాలు ప్రకటించాయి. మరోవైపు కంగారుపడాల్సిన అవసరం లేదని ధనుష్‌ కాసేపటి క్రితం ఫ్యాన్స్‌ను ఉద్దేశించి ఓ ట్వీట్‌ చేశాడు. సాయి పల్లవి హీరోయిన్‌గా నటిస్తున్న ఈ చిత్రాన్ని బాలాజీ మోహన్‌ దర్శకత్వం వహిస్తుండగా, దీపావళికి మారి-2 రిలీజ్‌ అయ్యే ఛాన్స్‌ ఉంది. My beloved dear fans ... It’s not a major injury and I’m well. Thank you so much for your concern prayers and love. Im forever grateful. Love you all. My pillars of strength. — Dhanush (@dhanushkraja) 23 June 2018