బిగ్ బాస్ రియాలిటీ షో అభిమానులను ఓ రేంజ్‌లో అలరిస్తోంది. దక్షిణాదితో పాటు బాలీవుడ్‌లోనూ ఈ షో విజయవంతంగా కొనసాగుతోంది. హిందీలో ప్రస్తుతం బిగ్ బాస్ సీజన్ -17 నడుస్తోంది. ఈ రియాలిటీ షోకు స్టార్ హీరో సల్మాన్ ఖాన్ హోస్ట్‌గా వ్యవహరిస్తున్నారు. అయితే ఈ వారంలో బిగ్ బాస్ ఊహించని షాకిచ్చారు. గత వారంలోనే వైల్డ్ కార్డ్ ఎంట్రీ ఇచ్చిన కంటెస్టెంట్‌ ఎలిమినేట్ అయినట్లు సల్మాన్ ఖాన్ ప్రకటించారు.  బిగ్ బాస్ సీజన్- 17లో వైల్డ్ కార్డ్ కంటెస్టెంట్ మనస్వి మామ్‌గాయ్ గత వారంలోనే ఎంట్రీ ఇచ్చారు. ఈ సీజన్‌లో సోనియా బన్సాల్ తర్వాత ఎలిమినేట్ అయిన రెండో కంటెస్టెంట్‌గా మానస్వి నిలిచింది. 'బిగ్ బాస్ హౌస్‌లో మానస్వి చాలా బాగా ఆడారు.. కానీ ఎలిమినేట్ కాక తప్పడం లేదు' అంటూ సల్మాన్ ఖాన్ ప్రకటించారు. ఈ వారం నామినేట్ అయినవారిలో సమర్థ్ జురెల్, ఇషా మాల్వియా, అరుణ్ మాశెట్టి, సనా రయీస్ ఖాన్ సేఫ్ ‍అయ్యారు.   #ManasviMamgai jaayengi Bigg boss ke ghar se wapas apne ghar. Let’s say goodbye. 😟#BB17 #BiggBoss17 #BiggBoss @BeingSalmanKhan #WeekendKaVaar pic.twitter.com/0a0omnWgVc — ColorsTV (@ColorsTV) November 4, 2023

హాలీవుడ్‌లో అవార్డ్స్‌ సీజన్‌ మొదలైంది. ఈ సీజన్‌కు శ్రీకారం చుట్టేది గోల్డెన్‌ గ్లోబ్‌ అవార్డ్స్‌. ప్రతి ఏడాది జనవరిలో ఈ వేడుక జరుగుతుంది. 76వ గోల్డెన్‌ గ్లోబ్‌ అవార్డ్స్‌ ఫంక్షన్‌ సోమవారం ఉదయం (భారతకాలమాన ప్రకారం) జరిగింది. ఎన్నో విశేషాలతో పాటు పలు ఆశ్చర్యాలు కూడా ఈ వేడుకలో చోటు చేసుకున్నాయి. అన్ని అవార్డ్స్‌ చేజిక్కించుకుంటాయనుకున్న సినిమాలు ఉత్త చేతులతో వెళ్లడం, అంచనాలు లేకుండా వచ్చినవి  ఉత్తమ చిత్రాలుగా మిగలడం, నటుడిగా క్రిస్టిన్‌ బేల్‌ తొలి అవార్డు దక్కించుకోవడం, ఎన్నో అవార్డులు కైవసం చేసుకుంటుందనుకున్న ‘స్టార్‌ ఈజ్‌ బోర్న్‌’ చిత్రం కేవలం ఒక్క అవార్డ్‌తో సరిపెట్టుకోవడం, అంచనాలు లేని ‘గ్రీన్‌ బుక్‌’ సినిమా అనూహ్యంగా ఎక్కువ అవార్డ్స్‌ సంపాదించడం, సూపర్‌ హీరో (బ్లాక్‌ పాంథర్‌) సినిమా గ్లోబ్‌ అవార్డ్స్‌కు నామినేట్‌ అవ్వడం ఇదే తొలిసారి. పొడుగు గౌన్లతో రెడ్‌ కార్పెట్‌ మీద వయ్యారంగా కొందరు తారలు వాక్‌ చేస్తే, ఎర్ర తివాచీపై చీరగాలి కూడా తగలడం మరో విశేషం. ఆస్కార్‌కు ముందుగా జరిగే ఈ అవార్డ్‌ ఫంక్షన్‌ కేవలం సినిమాలకే కాదు టెలివిజన్‌కు కూడా అవార్డ్స్‌ అందిస్తుంది. మొత్తం  25 విభాగాల్లో అవార్డ్స్‌ అందించే ఈ షోలో 14 విభాగాలు సినిమాకు, 11 విభాగాలు టెలివిజన్‌కు అందిస్తారు..  ‘గోల్డెన్‌ గ్లోబ్‌ విన్నర్‌’ అనే ట్యాగ్‌ ఆస్కార్‌ అవార్డ్‌ ఓటింగ్‌లో ఎంతో కొంత ఉపయోగపడుతుందనడంలో సందేహం లేదు. మొదటి గ్లోబ్‌ అవార్డ్‌ పాత్రలా మారడానికి శరీరాన్ని ఎలా కావాలంటే అలా మార్చుకుంటుంటారు నటుడు క్రిస్టిన్‌ బేల్‌. ఇప్పటికే మూడుసార్లు గోల్డెన్‌ గ్లోబ్‌ అవార్డ్స్‌లో నామినేషన్‌ సంపాదించినప్పటికీ నిరాశతోనే వెనుదిరిగారు. కానీ ‘వైస్‌’లో చేసిన అమెరికన్‌ వైజ్‌ ప్రెసిడెంట్‌ ఆడమ్‌ మెక్కే పాత్రకు ఆయన తొలి గ్లోబ్‌ అవార్డుని అందుకున్నారు. ఈ పాత్ర కోసం సుమారు నలభై పౌండ్ల (20 కిలోల) బరువు పెరగడంతోపాటు కనుబొమలను బ్లీచ్‌ చేయించుకున్నారు. 2011లో సహాయ నటుడి (ది ఫైటర్‌)గా ఈ అవార్డ్‌ అందుకున్నప్పటికీ బెస్ట్‌ యాక్టర్‌గా తొలి అవార్డ్‌ ఇది. కార్పెట్‌పై చీరగాలి రెడ్‌ కార్పెట్‌పై ఎక్కువగా పొడుగు గౌన్లు మాత్రమే కనిపిస్తాయి. కానీ తొలిసారి ఈ కార్పెట్‌కు చీరగాలిని తగిలించారు బాలీవుడ్‌ భామ మనస్వీ మంగై. ఈ అవార్డ్స్‌ ఫంక్షన్స్‌కు ప్రియాంకా చోప్రా హైలైట్‌గా నిలుస్తారని ఊహించారంతా కానీ ఆమె హాజరు కాలేదు. అప్పటివరకూ వస్తున్న గౌన్ల ట్రెండ్‌ని పక్కన పెట్టి, మనస్వీ మంగై చీరలో ప్రత్యక్షం కావడం వీక్షకులను ఆశ్చర్యపరిచింది. ‘టాక్‌ ఆఫ్‌ ది ఈవినింగ్‌’ అయ్యారామె. ‘‘హాలీవుడ్‌కు ఇది ఫస్ట్‌ అవార్డ్‌ సీజన్, అలాగే నాకు కూడా. అందుకే ఈ ఫంక్షన్‌కు కొత్తగా మన భారతీయ స్టైల్‌లో డ్రెస్‌ చేసుకుందాం అనుకున్నాను. అందుకే చీర కట్టుకుని హాజరయ్యాను. ఇక్కడి ప్రెస్, హాలీవుడ్‌ నటీనటులు చాలా మంది నేనెవర్ని, ఆ డ్రెస్సింగ్‌  స్టైల్‌ ఏంటి? అని కనుక్కున్నారు’’ అంటూ తన ఫస్ట్‌ అవార్డ్‌ ఫంక్షన్‌ ఆనందాన్ని పంచుకున్నారు మనస్వి. అవార్డ్స్‌ లిస్ట్‌ : బెస్ట్‌ డైరెక్టర్‌: అల్ఫోన్సో కువారన్‌ (రోమా) ఉత్తమ చిత్రం: గ్రీన్‌ బుక్‌ ఉత్తమ నటుడు (డ్రామా): రామి మలెక్‌ (బోమియన్‌ రాప్సొడీ) ఉత్తమ నటుడు (కామెడీ, మ్యూజికల్‌): క్రిస్టిన్‌ బేల్‌ (వైస్‌) విదేశీ చిత్రం: రోమా ఒరిజినల్‌ సాంగ్‌: షాలో (స్టార్‌ ఈజ్‌ బోర్న్‌) ఒరిజినల్‌ స్కోర్‌: జస్టిన్‌ హర్విట్జ్‌ (ఫస్ట్‌ మ్యాన్‌) యానిమేషన్‌ మూవీ: స్పైడర్‌ మేన్‌–ఇన్‌ టు ది స్పైడర్‌ వెర్స్‌ స్క్రీన్‌ ప్లే: నిక్‌ వెల్లెలోంగ, బ్రియన్‌ క్యూరీ, పీటర్‌ ఫరేల్లీ  (గ్రీన్‌బుక్‌) సహాయ నటుడు: మహేర్షలా అలీ (గ్రీన్‌ బుక్‌) సహాయ నటి: రెగీనా కింగ్‌ (ఈఫ్‌ బీల్‌ స్ట్రీట్‌ కుడ్‌ టాక్‌) మనస్వీ మంగై, దీపికా పదుకోన్‌


 న్యూయార్క్‌: ఎన్నికల ప్రచార బాధ్యతలు ముగిసిన తర్వాత మరోసారి బాలీవుడ్ నటి, మోడల్‌ మనస్వీ మాంగాయి అమెరికా కొత్త అధ్యక్షుడు డోనాల్డ్‌ ట్రంప్‌ కూర్చొనున్న వేదికపై కనిపించనుంది. ఆయనకు స్వాగతం చెబుతూ నిర్వహించే ఉత్సవానికి బాధ్యత వహించడమే కాకుండా అదే వేదికపై ఆడిపాడనుంది.
 
 ట్రంప్‌ ఎన్నికల ప్రచారంలో బాలీవుడ్ నుంచి మనస్వీ పాల్గొంది. ఆ తర్వాత శుక్రవారం అధ్యక్షుడిగా బాధ్యతలు చేపట్టనున్న ట్రంప్‌ కోసం స్వాగత కార్యక్రమంలో పాలుపంచుకోనుంది. ఈ కార్యక్రమాన్ని లింకన్‌ మెమోరియల్‌ వద్ద నిర్వహించనున్నారు. మిస్‌ ఇండియా, మిస్‌ వరల్డ్‌ 2010 కూడా బాలీవుడ్‌లో హిట్ సాంగ్స్‌గా పేరొందిన కాలా చష్మా, జుమ్మేకిరాత్‌, ధూమ్‌ మాచాలే, జయహో వంటి గీతాలను ప్రదర్శించనున్నారు.


 న్యూయార్క్: తనపై ఎన్ని ఆరోపణలు, విమర్శలు వస్తున్నా రిపబ్లికన్ పార్టీ డొనాల్డ్ ట్రంప్ లెక్క చేయడం లేదు. తనదైన శైలిలోనే ఎన్నికల ప్రచారం సాగిస్తున్నాడు. ఓటర్లను ఆకట్టుకునేందుకు అందాల భామలతో ప్రచారం చేయిస్తున్నాడు. బాలీవుడ్ హీరోయిన్, మాజీ మిస్ ఇండియా మనస్వి మామగై.. ట్రంప్ కు మద్దతుగా ప్రచారం సాగిస్తున్నారు. న్యూయార్క్ లో భారత సంతతికి చెందిన పారిశ్రామికవేత్త శలభ్ కుమార్ తో కలిసి ఆమె ఎన్నికల ప్రచారంలో పాల్గొన్నారు.
 
 భారత దేశంతో సన్నిహితంగా మెలిగే విషయంలో హిల్లరీ క్లింటన్ కంటే ట్రంప్ మేలని మనస్వి అభిప్రాయపడింది. వ్యాపారవేత్త అయిన ట్రంప్ అమెరికా అధ్యక్షుడు కావాలని ఆమె ఆకాంక్షించారు. అమెరికా అధ్యక్ష ఎన్నికల్లో భారతీయులు, హిందువులకు తొలిసారిగా అత్యధిక ప్రాధాన్యం దక్కడం గొప్ప విషయమని ఆమె వ్యాఖ్యానించారు. అమెరికా అధ్యక్ష ఎన్నికలు మంగళవారం జరగనున్నాయి. ప్రభుదేవా దర్శకత్వంలో అజయ్ దేవ్‌గణ్ హీరోగా నటించిన ‘యాక్షన్ జాక్సన్’ సినిమాతో మనస్వి బాలీవుడ్ కు పరిచయమైంది. 


 అదేదో సినిమాలో హీరో చేసే ప్రతి పనిలో ‘కిక్’ ఉండాలంటాడు. అది లేకపోతే అతగాడికి పిచ్చెక్కుతుందట. అదే బాపతులా ఉంది బాలీవుడ్ లేటెస్ట్ ఎంట్రీ మనస్వి మామగై! సినిమాలో క్యారెక్టర్ ఆర్ట్‌ఫిషియలే అయినా... అందులోనూ ‘ఫీల్’ కోరుకుంటున్నట్టుంది ఈ సెక్సీ సుందరి.
 
 ఇంతకీ విషయమేమంటే... ‘యాక్షన్ జాక్సన్’లో స్టార్ హీరో అజయ్ దేవ్‌గణ్ సరసన నటించిన ఈ చిన్నది... శృంగార సన్నివేశాల్లో అజయ్‌లో ఎలాంటి ఎమోషన్సూ లేవని బాంబు పేల్చింది. ‘అజయ్ ఎప్పుడూ మెయిన్ క్యారెక్టర్‌పైనే దృష్టి పెట్టేవాడు. రొమాంటిక్ సీన్లు చేస్తున్నప్పుడు అతడిలో ఆ ఫీల్ కనిపించలేదు. అయితే ప్రాజెక్టు పూర్తయ్యే సరికి నా స్కిల్స్‌కు బాగా ఇంప్రస్ అయ్యాడు’ అంటూ చెప్పుకొచ్చేసిందీ యువతార.