వేరుశనగపప్పులు బూజు పట్టి, చర్మం ముడుచుకుని పోయి ఉన్నాయంటే అవి తెగుళ్ల కారణంగా విషపూరితమయ్యాయని అర్థం. ఫంగస్‌ సోకిన, ముడుచుకుని పోయిన వేరుశనగ పప్పులను తినడం ఆరోగ్యానికి హానికరం. ఈ విషాల బారిన పడకుండా దేహాన్ని సంరక్షించే ప్రక్రియలో మొదటగా దెబ్బతినేది కాలేయం, వ్యాధినిరోధక వ్యవస్థ.బూజు పట్టిన పప్పులు లివర్‌ డ్యామేజ్‌కి కారణమవుతాయి. కాలేయం వాపు, మచ్చలతోపాటు పనితీరు లోపించడం, లివర్‌ క్యాన్సర్‌ వంటి అనారోగ్యాలు సంభవిస్తాయి. వీటితోపాటు తక్షణం బయటపడే అనేక ఇతర అనారోగ్యాలు, అలర్జీలు, కడుపు నొప్పి, డయేరియా, తల తిరగడం, వాంతులవడం వంటి సమస్యలు ఇబ్బంది పెడతాయి. దీర్ఘకాలంలో ఎదురయ్యే సమస్యల్లో బ్రాంకైటిస్, ఆస్త్మాతోపాటు ఇతర శ్వాసకోశ సంబంధ సమస్యలు, కిడ్నీ ఫెయిల్యూర్, పెద్ద పేగు క్యాన్సర్‌లకు దారితీస్తుంది. సంవత్సరాలపాటు ఆహారంలో ఇవి కొనసాగినట్లయితే నర్వస్‌ సిస్టమ్‌ కూడా బలహీనపడుతుంది. తరచూ తలనొప్పి, దేహంలో ప్రకంపనలు, జ్ఞాపకశక్తి లోపించడం జరుగుతుంది. మనం ఊహించని మరో సమస్య పునరుత్పత్తి వ్యవస్థ అపసవ్యతలకు లోనుకావడం కూడా.అందుకే వేరుశనగపప్పులనాణ్యతను పరిశీలించుకున్న తర్వాత మాత్రమే వంటల్లో వాడాలి. పప్పులను కొన్న వెంటనే పేపర్‌ మీద పోసి బూజుపట్టిన, ముడుచుకు పోయిన పప్పులను తొలగించి మంచి పప్పులను డబ్బాల్లో నిల్వ చేసుకోవాలి. పప్పులు సేకరించి నూనె పట్టించుకునే వాళ్లు కూడా బూజు పట్టిన పప్పులను, డొల్లగా ఉన్న పప్పులను జాగ్రత్తగా ఏరి పారేసి మంచి పప్పులతో నూనె పట్టించుకోవాలి.– సుజాత స్టీఫెన్‌ ఆర్‌.డి, న్యూట్రిషనిస్ట్‌ఇవి చదవండి: వంధ్యత్వం కాదు.. అంధత్వం!

యాదగిరికొండ: యాదగిరిగుట్ట శ్రీలక్ష్మీనరసింహస్వామి సన్నిధికి వచ్చే భక్తులు ఎంతో పవిత్రంగా భావించే లడ్డూ ప్రసాదానికి బూజు పట్టింది. భక్తులకు పంపిణీ చేసేందుకు కౌంటర్‌లో ఉంచిన సుమారు 3 వేల లడ్డూలకు ఫంగస్‌ రావడంతో దేవస్థానం అధికారులు శనివారం వాటిని పారబోయించారు. ప్రసాద విక్రయశాలకు చెందిన అధికారులు తయారైన లడ్డూలను ఎప్పటికప్పుడు తనిఖీ చేసి కౌంటర్‌లకు పంపుతున్నా కౌంటర్‌లలో గాలి ఆడక, వేడి వాతావరణంతో పాడవుతున్నాయి. ఒకే సారి పెద్ద మొత్తంలో తయారు చేయించడం, స్టాక్‌ ఉంచడంతో అవి బూజు పట్టి వృథా అవుతున్నాయని అంటున్నారు.   ఎందుకు పాడవుతున్నాయంటే..: తయారు చేసిన లడ్డూలను గాలికి ఆరబెట్టడం, లేదా చల్లని ప్రదేశాల్లో ఉంచితే ఎక్కువ రోజులు నిల్వ ఉంటాయి. కానీ, దేవస్థానం అధికారులు ఇష్టానుసారం లడ్డూలను పంపడం, కౌంటర్లలో వేడివాతావరణం మధ్య అలాగే వదిలేస్తుండటంతో తొందరగా బూజు వచ్చి పాడవుతున్నాయి.   ఇనుప రేకుల కౌంటర్ల వల్లే.. యాదాద్రి దేవస్థానంలో జరుగుతున్న అభివృద్ధి పనుల్లో భాగంగా ఇటీవల బాలాలయం పక్కన ఉన్న ప్రసాద విక్రయశాలను కూల్చివేశారు. కొత్తగా ఇనుప రేకులతో తయారు చేసిన కౌంటర్లు ఏర్పాటు చేశారు. ఈ కౌంటర్లలో సరైన గాలి ఆడక, మధ్యాహ్నం సమయానికి ఎండ తీవ్రతకు వేడి అధికంగా ఉంటోంది. దీంతో లడ్డూలకు బూజు వచ్చినట్లు కౌంటర్‌ సిబ్బంది అంటున్నారు. కాగా, కౌంటర్లలోని లడ్డూలకు బూజు పట్టినమాట వాస్తవమేని ప్రసాద విక్రయశాల సూపరింటెండెంట్‌ విజయకుమార్‌ అన్నారు. లడ్డూలు పాడుకాకుండా  కౌంటర్లలో ఏసీలు అమర్చుతామని వెల్లడించారు.


 
 తొలిసారిగా ఆదివారం విధులకు హాజరైన ప్రభుత్వ ఉద్యోగులు
 
   మూడేళ్లుగా పేరుకుపోయిన రెండు లక్షల ఫైళ్లు
 
   ఒక్క రోజులోనే 50 వేల ఫైళ్లు పరిష్కారం
 
 సాక్షి ప్రతినిధి, బెంగళూరు : వినడానికి ఆశ్యర్యమనిపించినా ఇది నిజం. ఆదివారం ప్రభుత్వ కార్యాలయాలకు సెలవైనప్పటికీ, రాష్ర్ట సచివాలయం...విధాన సౌధ, వికాస సౌధతో పాటు ఎంఎస్ బిల్డింగ్‌లోని కార్యాలయాన్నీ పని చేశాయి. ఏళ్ల తరబడి గుట్టలుగా పేరుకుపోయిన ఫైళ్లను త్వరితగతిన పరిష్కరించడానికి ఆదివారం కూడా పని చేయాలని గత మంత్రి వర్గ సమావేశంలో చేసిన తీర్మానం మేరకు వివిధ శాఖల అధికారులు ఆ ‘యజ్ఞం’లో నిమగ్నమయ్యారు.
 
 ప్రభుత్వ ప్రధాన కార్యదర్శి కౌశిక్ ముఖర్జీ ఫైళ్ల పరిష్కార పనులను పర్యవేక్షించారు. రెవెన్యూ, ఆరోగ్య, విద్య, గ్రామీణాభివృద్ధి, పంచాయతీ రాజ్, సహకార శాఖల అధికారులు ఫైళ్ల బూజు దులిపి, పరిష్కరించే పనిలో నిమగ్నమయ్యారు. పాలనా సంస్కరణలు, సిబ్బంది వ్యవహారాల శాఖ అధికారులు కూడా హాజరయ్యారు. గతంలో ఫైళ్ల సత్వర పరిష్కారానికి ఎన్నో కార్యక్రమాలను చేపట్టినా, ఆదివారం పని చేయడం ఇదే తొలిసారని చెబుతున్నారు.
 
 వివిధ శాఖల్లో అనేక ఫైళ్లు మూడేళ్ల నుంచి పెండింగ్‌లో పడి ఉన్నాయి. ఇలాంటి ఫైళ్లు సుమారు రెండు లక్షల వరకు ఉండవచ్చని అంచనా. పెండింగ్ ఫైళ్ల విషయంలో రెవెన్యూ, విద్యా శాఖలు ప్రథమ స్థానంలో ఉన్నాయి. దీని వల్ల ప్రజలు అనేక ఇబ్బందులు ఎదుర్కొంటున్నట్లు ప్రభుత్వానికి ఫిర్యాదులు అందడంతో ముఖ్యమంత్రి సిద్ధరామయ్య కన్నెర్ర చేశారు. ఆదివారం అని కూడా చూడకుండా ఫైళ్లను శీఘ్రగతిన పరిష్కరించాలని ఆయన అధికారులను ఇదివరకే ఆదేశించారు.
  
 50 వేల ఫైళ్ల పరిష్కారం
 
 ఆదివారం ఉదయం నుంచి సాయంత్రానికి సుమారు 50 వేల ఫైళ్లు పరిష్కారానికి నోచుకున్నాయని కౌశిక్ ముఖర్జీ తెలిపారు.  ప్రజలకు సంబంధించిన అత్యవసర ఫైళ్లను 48 గంటల్లోగా పరిష్కరించాలని అధికారులకు సూచించామని చెప్పారు. నిర్ణీత గడువులోగా ఫైళ్లను పరిష్కరించని అధికారులపై చర్యలు తప్పవని హెచ్చరించారు. న్యాయ స్థానాల్లో విచారణ దశలో ఉన్న వ్యవహారాలకు సంబంధించినవి మినహా, మిగిలిన అన్ని ఫైళ్లను పరిష్కరిస్తామని వివరించారు. వివిధ శాఖల మధ్య సమన్వయ లోపం వల్ల ఫైళ్లు పేరుకు పోతున్నాయని చెప్పారు. ఏదేమైనా మరో రెండు రోజుల్లో పెండింగ్ ఫైళ్లను పరిష్కరిస్తామని ఆయన వెల్లడించారు.