సాక్షి, హైదరాబాద్‌: శాసనమండలిలో ఖాళీ అయిన రెండు ఎమ్మెల్యే కోటా స్థానాల్లో ఒకటి అధికార కాంగ్రెస్‌ పార్టీకి, మరో స్థానం బీఆర్‌ఎస్‌కు దక్కనుంది. రెండు స్థానాలకు రెండు పార్టీల తరఫున ఇద్దరు అభ్యర్థులే నామినేషన్‌ వేసే పక్షంలో ఎన్నిక ఏకగ్రీవం అయ్యే అవకాశం ఉంది. ఎమ్మెల్సీలుగా ఉన్న కడియం శ్రీహరి, పాడి కౌశిక్‌రెడ్డిలు.. ఇటీవల జరిగిన రాష్ట్ర అసెంబ్లీ ఎన్నికల్లో బీఆర్‌ఎస్‌ తరఫున ఎమ్మెల్యేలుగా ఎన్నికయ్యారు. వాస్తవానికి వారి పదవీకాలం 2027 నవంబర్‌ 30 వరకు ఉంది. అయితే వారి రాజీనామా అనివార్యం కావడంతో మండలిలో రెండు స్థానాలు ఖాళీ అయ్యాయి.   కాంగ్రెస్‌ టికెట్‌ మైనారిటీ వర్గానికేనా?  ఈ రెండు స్థానాల కోసం అధికార, ప్రతిపక్ష పార్టీల నుంచి చాలామంది నేతలు పోటీ పడుతున్నారు. ఎన్నికల సమయంలో ఆయా పార్టీల అగ్ర నాయకులు పలువురికి ఎమ్మెల్సీ హామీలిచ్చారు. ఇప్పుడు అదే వారికి తలనొప్పిగా మారనుంది. కాంగ్రెస్‌ పార్టీలో ఆశావహుల సంఖ్య ఎక్కువగా ఉంది. అయితే ఇటీవల జరిగిన అసెంబ్లీ ఎన్నికల్లో కాంగ్రెస్‌ నుంచి ఒక్క మైనారిటీ కూడా ఎమ్మెల్యేగా ఎన్నిక కాకపోవడంతో ఆ వర్గానికి టికెట్‌ ఇచ్చే అవకాశం ఉందన్న అభిప్రాయం వ్యక్తం అవుతోంది. సామాజిక సమతుల్యతను దృష్టిలో పెట్టుకుని అధిష్టానం కూడా మైనారిటీల వైపు మొగ్గు చూపే అవకాశం ఉందని అంటున్నారు. అయితే రాష్ట్రంలో పార్టీ ఎలాగైనా గెలవాలన్న ఉద్దేశంతో తమ అసెంబ్లీ స్థానాలను త్యాగం చేసిన పలువురు నేతలు కూడా ఎమ్మెల్సీ స్థానాన్ని ఆశిస్తున్నారు. కాగా ప్రస్తుతం ఢిల్లీలో ఉన్న ముఖ్యమంత్రి రేవంత్‌రెడ్డి దీనిపై అధిష్టానంతో చర్చించే అవకాశం ఉన్నట్లు చెబుతున్నారు. కాంగ్రెస్‌ నుంచి ఎమ్మెల్సీ స్థానం ఆశిస్తున్న వారిలో ఇటీవల ఎన్నికల్లో ఓటమి చెందిన షబ్బీర్‌ అలీ, ఫిరోజ్‌ఖాన్, అజారుద్దీన్, అలీ మస్కతి, అద్దంకి దయాకర్, అందెశ్రీ, సంపత్, మధుయాష్కీ గౌడ్‌లు ఉన్నట్లు పార్టీ వర్గాల్లో ప్రచారం జరుగుతోంది. మరోవైపు ఎన్నికల పొత్తులో భాగంగా సీపీఐకి రెండు ఎమ్మెల్సీ స్థానాలు ఇస్తామని కాంగ్రెస్‌ పార్టీ హామీ ఇచ్చింది. అయితే ఇప్పుడు ఒకే స్థానం లభించే అవకాశమున్నందున సీపీఐకి కేటాయించే అవకాశాలు తక్కువేనని అంటున్నారు.   ఎవరి త్యాగానికి ఫలితం దక్కుతుందో?  బీఆర్‌ఎస్‌ విషయానికొస్తే..అసెంబ్లీ ఎన్నికల సమయంలో పోటీ నుంచి తప్పించిన పలువురు నేతలకు ఎమ్మెల్సీలుగా అవకాశం కల్పిస్తామని అధినేత కేసీఆర్‌ స్వయంగా హామీ ఇచ్చారు. స్టేషన్‌ఘనపూర్‌ స్థానాన్ని కడియం శ్రీహరి కోసం త్యాగం చేసిన మాజీ ఉప ముఖ్యమంత్రి తాటికొండ రాజయ్య, జనగాం స్థానాన్ని పల్లా రాజేశ్వర్‌రెడ్డి కోసం వదులుకున్న ముత్తిరెడ్డి యాదగిరి, నర్సాపూర్‌ స్థానాన్ని సునీతా లక్ష్మారెడ్డి కోసం త్యాగం చేసిన మదన్‌రెడ్డి, కామారెడ్డిలో పార్టీ అధినేత కేసీఆర్‌ కోసం త్యాగం చేసిన గంపా గోవర్దన్‌ ఎమ్మెల్సీ స్థానం ఆశిస్తున్నట్లు పార్టీలో ప్రచారం జరుగుతోంది. అయితే అధినేత ఎవరివైపు మొగ్గు చూపుతారనేది ఆసక్తికరంగా మారింది. 119 మంది సభ్యులున్న రాష్ట్ర శాసనసభలో కాంగ్రెస్‌ 65 (సీపీఐ 1 కలిపి), బీఆర్‌ఎస్‌ 39, బీజేపీ 8, ఎంఐఎం ఏడుగురు ఎమ్మెల్యేల బలం కలిగి ఉన్నాయి.  రెండు ఎమ్మెల్సీ స్థానాలకు 29న పోలింగ్‌  – షెడ్యూల్‌ విడుదల చేసిన ఎలక్షన్‌ కమిషన్‌  – ఈ నెల 11న వెలువడనున్న నోటిఫికేషన్‌   సాక్షి, న్యూఢిల్లీ: తెలంగాణలో ఎమ్మెల్సీ ఎన్నికల నగారా మోగింది. కడియం శ్రీహరి, పాడి కౌశిక్‌రెడ్డిల రాజీనామాతో శాసనమండలిలో ఎమ్మెల్యేల కోటాలో ఖాళీ అయిన రెండు స్థానాలకు ఎన్నికలు నిర్వహించడానికి కేంద్ర ఎన్నికల సంఘం గురువారం షెడ్యూల్‌ విడుదల చేసింది. ఈ నెల 11వ తేదీన నోటిఫికేషన్‌ జారీ చేయనుంది. 18న నామినేషన్ల దాఖలుకు చివరి తేదీ కాగా, 19న నామినేషన్లను పరిశీలిస్తారు. 22న నామినేషన్ల ఉపసంహరణ ఉంటుంది. 29వ తేదీన ఉదయం 9 గంటల నుంచి సాయంత్రం 4 గంటల వరకు పోలింగ్‌ నిర్వహిస్తారు. అదే రోజు సాయంత్రం 5 గంటల నుంచి ఓట్లు లెక్కిస్తారు. ఫిబ్రవరి 1వ తేదీలోపు ఎన్నికల ప్రక్రియ పూర్తి అవుతుందని కేంద్ర ఎన్నికల సంఘం తెలిపింది.   

సాక్షి, తిరుపతి/ఒంగోలు/సాక్షి ప్రతినిధి నెల్లూరు: ప్రశాంతంగా జరుగుతున్న ఎమ్మెల్సీ ఎన్నికల పోలింగ్‌ని అడ్డుకునేందుకు టీడీపీ శ్రేణులు అడ్డదారులు తొక్కారు. ఓటర్లను అడ్డుకుంటూ పోలింగ్‌ను తీవ్ర ఆలస్యం చేసేందుకు యత్నించారు. దొంగ ఓట్లంటూ రచ్చరచ్చ చేశారు. కొందరు టీడీపీ కార్యకర్తలు మద్యం సేవించి వైఎస్సార్‌సీపీ శ్రేణులపై దాడులకు తెగబడ్డారు. మహిళలను దుర్భాషలాడుతూ నానా హంగామా చేయడంతో ఇరువర్గాల మధ్య ఘర్షణ వాతావరణం నెలకొంది. నెల్లూరులో టీడీపీ నేతలు బీదా రవిచంద్ర, అబ్దుల్‌ అజీజ్‌.. ఒంగోలులో మాజీ ఎమ్మెల్యే దామచర్ల జనార్దన్, తిరుపతిలో టీడీపీ మూకలు దౌర్జన్యాలకు తెగబడ్డారు. వివరాలివీ.. తిరుపతి సత్యనారాయణపురంలోని 233, 234 పోలింగ్‌ కేంద్రాల్లో ఎమ్మెల్యే భూమన కరుణాకరరెడ్డి, డిప్యుటీ మేయర్‌ భూమన అభినయ్‌రెడ్డి తమ ఓటును వినియోగించుకునేందుకు వెళ్లారు. వీరినెలా అనుమతిస్తారంటూ టీడీపీ నేతలు పోలీసులు, ఎన్నికల నిర్వాహకులపై దౌర్జన్యానికి దిగారు. వారిద్దరు ఓటు వేయడానికి వెళ్లారని ఎంత చెబుతున్నా వినకుండా రచ్చచేయడంతో అరెస్టు చేయక తప్పలేదు. మద్యం సేవించి రాళ్లు రువ్వి.. తిరుపతి బాలాజీ కాలనీ పరిధిలోని పోలింగ్‌ కేంద్రం వద్ద కూడా టీడీపీ శ్రేణులు రెచి్చపోయారు. మద్యం సేవించి పోలింగ్‌ కేంద్రాలకు చేరుకున్నారు.  రచ్చచేసేందుకు సిద్ధమయ్యారు. పోలింగ్‌ ముగియడానికి గంట ముందు టీడీపీకి చెందిన గోవిందాచారి అనే కార్యకర్త మహిళలను దొంగ ఓట­ర్లంటూ దుర్భాషలాడటం ప్రారంభించారు. రాళ్లు రువ్వారు. టీడీపీకి వామపక్ష పార్టీ శ్రేణులు మద్దతు పలికాయి. దీంతో ఇరువర్గాలు ఘర్షణకు దిగారు. పోలీసులు వైఎస్సార్‌సీపీ, టీడీపీ నేతలను అరెస్టుచేశారు. టీటీడీ పరిపాలన భవనం  సమీపంలోని గోవిందరాజస్వామి ఉన్నత పాఠశాలలోనూ దాదాపు ఇదే పరిస్థితి సృష్టించారు. గొడవకు కారణం అయిన టీడీపీ కార్యకర్తను పోలీస్‌ స్టేషన్‌ నుంచి బయటకు తీసుకొస్తున్న దామచర్ల    శ్రీకాళహస్తిలో..  ఇక శ్రీకాళహస్తి నియోజకవర్గ పరిధిలోని ఏర్పేడులో పోలింగ్‌ ఏజెంట్‌గా వ్యవహరిస్తున్న వైఎస్సార్‌సీపీ కార్యకర్త దామోదర్‌రెడ్డిపై టీడీపీ నియోజకవర్గ ఇన్‌చార్జ్‌ బొజ్జల సు«దీర్‌రెడ్డి, అతని అనుచరులు దాడిచేశారు. నియోజకవర్గంలో బీసీలంతా వైఎస్సార్‌సీపీ బలపరచిన అభ్యర్థులకే ఓట్లు వేస్తున్నారనే ఉద్దేశ్యంతోనే దామోదర్‌పై దాడిచేశారని ఎమ్మెల్సీ అభ్యర్థి డాక్టర్‌ సిపాయి సుబ్రమణ్యం ఆగ్రహం వ్యక్తంచేశారు. శ్రీకాళహస్తి పట్టణంలో 39, 39ఏ, 39బీ పోలింగ్‌ బూత్‌లలోకి టీడీపీ నేతలు చొరబడ్డారు. దొంగ ఓట్లు వేయిస్తున్నారంటూ వైఎస్సార్‌సీపీ ఏజెంట్లపై దాడికి తెగబడ్డారు. పోలీసులపై దామచర్ల దౌర్జన్యం ఒంగోలులో పోలీసులు అదుపులోకి తీసుకున్న టీడీపీ కార్యకర్త కాకర్ల ఈశ్వర్‌ అనే వ్యక్తిని టీడీపీ మాజీ ఎమ్మెల్యే దామచర్ల జనార్దన్‌ పోలీస్‌స్టేషన్‌ నుంచి బలవంతంగా తీసుకువెళ్లారు. స్థానిక సెయింట్‌ థెరిస్సా ఉన్నత పాఠశాల పోలింగ్‌బూత్‌కు సమీపంలో సోమవారం ఈశ్వర్‌ రెచ్చగొట్టే చర్యలకు దిగుతున్నాడంటూ ఆగ్రహావేశాలు వ్యక్తమయ్యాయి. చివరకు ఇరువర్గాలు భౌతికదాడులకు దిగుతుండడంతో పోలీసులు చెల్లాచెదురు చేశారు. ముందస్తు చర్యగా పోలీసులు ఈశ్వర్‌ను టూటౌన్‌ పోలీసుస్టేషన్‌కు తరలించారు. ఇది తెలుసుకున్న జనార్దన్‌ తన అనుచరులతో అక్కడకు వెళ్లి పోలీసులు ఎంతగా వారిస్తున్నా లెక్కచేయకుండా దౌర్జన్యంగా ఈశ్వర్‌ను బయటకు తీసుకెళ్లారు. ఈ ఘటనపై ఉన్నతాధికారులు మండిపడడంతో దామచర్లతోపాటు మరికొందరిపై కేసు నమోదుచేసి   విచారణ చేపట్టారు.  నెల్లూరులో సీఐపై టీడీపీ నేతల రుబాబు  తూర్పు రాయలసీమ పట్టభద్రులు, టీచర్స్‌ ఎమ్మెల్సీ ఎన్నికల్లో భాగంగా సోమవారం నెల్లూరు నగర నియోజకవర్గ పరిధిలోని రామ్మూర్తినగర్‌ ప్రైమరీ స్కూల్‌లోని పోలింగ్‌ కేంద్రానికి టీడీపీ మాజీ ఎమ్మెల్సీ బీదా రవిచంద్ర, ఆ పార్టీ నెల్లూరు పార్లమెంట్‌ అధ్యక్షులు అబ్దుల్‌ అజీజ్‌ కలిసి వచ్చారు. పోలింగ్‌ కేంద్రంలో ఓటేసిన రవిచంద్ర అక్కడే నిలబడి ఉన్నారు. ఇంతలో బాలాజీనగర్‌ సీఐ రాములు నాయక్‌ అక్కడకు చేరుకుని ఓటేశారు కదా వెళ్లిపోవాలని బీదాకు సూచించారు. దీంతో ఆయన కొద్దిసేపు ఉండి వెళ్తా­మని చెప్పారు. పోలింగ్‌ కేంద్రం వద్ద ఉండకూడదని సీఐ మరోసారి చెప్పడంతో బీదా ఆయనతో వాగ్వాదానికి దిగారు. అక్కడే ఉన్న అబ్దుల్‌ అజీజ్‌ మరింతగా రెచ్చిపోయి.. ‘సార్‌ ఏమనుకుంటున్నావ్‌.. టచ్‌చేసి చూడు’.. అంటూ సీఐను తోశారు. అంతేకాక.. పోలింగ్‌ కేంద్రంలోనే సీఐపై చిందులు తొక్కుతూ నానా యాగీ చేశారు. మరోవైపు.. పోలింగ్‌ కేంద్రం వద్ద మొబైల్‌ కౌంటర్‌ ఏర్పాటుచేయలేదంటూ వారిరువు­రూ సీఐపై మండిపడ్డారు. నిజానికి.. గత పదిరోజులు­గా కలెక్టర్‌ ఈ విషయంలో విస్తత ప్రచారం కల్పించారు. కానీ, టీడీపీ నేతలు మాత్రం అవేవీ పట్టించుకో­కుండా పోలీస్‌ అధికారిపై దురుసుగా ప్రవర్తించారు.  

ఎన్నికల పోలింగ్‌ అప్‌డేట్స్‌: ► మహాబూబ్ నగర్ ,రంగారెడ్డి ,హైదరాబాద్ టీచర్ ఎమ్మెల్సీ ఎన్నికకు పోలింగ్ ముగిసింది. ఈ నెల 16వ తేదీన కౌంటింగ్‌ జరగనుంది. ► మహబూబ్ నగర్-రంగారెడ్డి-హైదరాబాద్  టీచర్ ఎమ్మెల్సీ  పొలింగ్ పర్సంటేజ్.. మధ్యాహ్నం  2:30 గంటల వరకు ( 77.11%), ఇబ్రహీంపట్నం మండలం పోలింగ్ 155 (76.32%), మంచాల మండలం పోలింగ్  53 (85.48%), యాచారం మండలం పోలింగ్  65 (77.64%) గా నమోదు అయ్యింది. ►మహబూబ్ నగర్-రంగారెడ్డి-హైదరాబాద్ టీచర్ ఎమ్మెల్సీ నియోజకవర్గం పొలింగ్ ఉదయం 10 గంటల వరకు 19.54 శాతం నమోదైంది. ఇ​క జిల్లాల వారిగా చూస్తే.. మహబూబ్ నగర్ జిల్లా 19.30 శాతం, నాగర్ కర్నూల్ జిల్లా 19.20 శాతం, వనపర్తి జిల్లా 25.69 శాతం, గద్వాల్ జిల్లా 21.78 శాతం, నారాయణపేట్ జిల్లా 20.33 శాతం, రంగారెడ్డి జిల్లా 15.20 శాతం, వికారాబాద్ జిల్లా 16.19 శాతం, మేడ్చల్ మల్కాజ్గిరి జిల్లా 17.21 శాతం, హైదరాబాద్ జిల్లా 21.00 శాతం నమోదైంది.  హైదరాబాద్‌–రంగారెడ్డి, మహ­­బూబ్‌నగర్‌ జిల్లాల ఉపాధ్యాయ ఎమ్మెల్సీ స్థానానికి సోమవారం ఉదయం 8 గంటలకు పోలింగ్‌ ప్రారంభమైంది. మొత్తం 29,720 ఓటర్లు ఉండగా అందులో పురుషులు 15,472, మహిళలు 14,246, ఇతరులు ఇద్దరు ఓటర్లు ఉన్నారు. 137 పోలింగ్‌ స్టేషన్లను ఏర్పాటు చేశారు. టీచర్లు వివిధ ప్రాంతాలకు బదిలీ అవ్వడంతో కొంతమందికి రెండుచోట్ల ఓట్లున్నట్టు అభ్యర్థులు అభ్యంతరాలు లేవనెత్తడంతో అధికారులు వాటిని తొలగించారు.  ► అన్ని పోలింగ్‌ కేంద్రాల్లో ప్రశాంతంగా ఓటింగ్‌ కొనసాగుతోందని ఎన్నికల ప్రధాన అధికారి తెలిపారు. ఉపాధ్యాయ సంఘాలకు ఇబ్బందికర పరిస్థితి ఉపాధ్యాయుల బదిలీలు, పదోన్నతుల అంశాలు ఓటర్లను ప్రభావితం చేసే అవకాశాలు కన్పిస్తున్నాయి. 317 జీవో వల్ల నష్టపోయిన టీచర్లు, బదిలీలు, పదోన్నతులపై ఆశలు సన్నగిల్లిన టీచర్లను సంతృప్తిపర్చడం ఉపాధ్యాయ సంఘాలకు ఇబ్బందికరంగా మారింది. టీచర్స్‌ ఎమ్మెల్సీ స్థానానికి 2017 ఎన్నికల్లో 12 మంది అభ్యర్థులు పోటీపడగా ఈసారి 21 మంది బరిలో ఉన్నారు. వరుసగా రెండుసార్లు విజయం సాధించిన కాటేపల్లి జనార్దన్‌రెడ్డి మరోసారి పోటీ చేస్తున్నారు. ఆయన గత ఎన్నికల్లో పీఆర్‌టీయూటీఎస్‌ మద్దతుతో గెలవగా, ఈసారి పీఆర్‌టీయూ తెలంగాణ మద్దతుతో పోటీ చేస్తున్నారు. పీఆర్‌టీయూటీఎస్‌ ఈసారి గుర్రం చెన్నకేశవరెడ్డిని బరిలోకి దించింది. వీరిద్దరి మధ్య ఓట్ల విభజన ఎలా ఉంటుందనేది కీలకం. తెలంగాణ యూటీఎఫ్‌ అభ్యర్థిగా మాణిక్‌రెడ్డి పోటీ చేస్తున్నారు. ఏవీఎన్‌ రెడ్డిని బీజేపీ అనుకూల సంఘాలు బలపరుస్తున్నా యి. సీపీఐ అనుబంధ సంఘం ఎస్‌టీయూటీఎస్‌ అభ్యర్థిగా బి.భుజంగరావు, టీపీటీఎఫ్, బీఎస్పీ మద్దతుతో ఆచార్య వినయ్‌బాబు, బీసీటీఏ నుంచి విజయకుమార్‌ పోటీచేస్తున్నారు. టీయూటీఎఫ్‌ మద్దతులో మల్లారెడ్డి, జీటీఏ సహకారంతో ప్రభాకర్, లోకల్‌ కేడర్‌ జీటీఏ మద్దతుతో రవీందర్‌ పోటీలో ఉన్నారు. కాటేపల్లి జనార్దన్‌ రెడ్డికి అప్పట్లో టీఆర్‌ఎస్‌ మద్దతు తోడైంది. ఈసారి అధికార పార్టీ తో సంబంధం లేకుండా ప్రచారం నిర్వహించారు.   ఆఖరి వరకూ ప్రచారం: ప్రచారంలో అన్ని పక్షాలూ ఉపాధ్యాయ సంఘాలు ఓట్లున్న ప్రతీ స్కూల్, కాలేజీకి వెళ్లాయి. ఓటర్లను ప్రసన్నం చేసుకునేందుకు చివరి నిమిషం వరకూ ప్రయత్నించాయి. మూడు నెలలుగా అభ్యర్థులు వారి వ్యూహాల్లో మునిగి తేలుతున్నా, ఆఖరి మూడురోజుల్లో మాత్రం పెద్దఎత్తున ప్రచారం నిర్వహించారు. ఓటర్లకు డబ్బులు కూడా పంచినట్టు కొందరు ఉపాధ్యాయులు ఆరోపిస్తున్నారు.  


  సాక్షి ప్రతినిధి,నల్లగొండ: వరంగల్, ఖమ్మం, నల్లగొండ జిల్లాల పట్టభద్రుల ఎమ్మెల్సీ నియోజకవర్గానికి ఆదివారం పోలింగ్ ముగిసిన నేపథ్యంలో అభ్యర్థులు వారి వారి అంచనాల్లో నిమగ్నమయ్యారు. అధికార టీఆర్‌ఎస్‌తోపాటు బీజేపీ, వామపక్షాలు, కాంగ్రెస్ బలపరిచిన అభ్యర్థులు ఎవరికివారే ధీమా వ్యక్తం చేస్తున్నారు. నల్లగొండ జిల్లాలో 60 శాతం పోలింగ్ జరగడంపై పార్టీల్లో చర్చ జరుగుతోంది. వరంగల్, ఖమ్మం జిల్లాల్లో 50శాతానికి అటూ ఇటుగా పోలింగ్ నమోదు అయింది. ప్రాథమిక అంచనాల ప్రకారం టీఆర్‌ఎస్, బీజేపీల మధ్య ప్రధాన పోటీ ఉంటుందని, కాంగ్రెస్, లెఫ్ట్ అభ్యర్థులు తమవంతు ఓట్లను సాధించుకుంటారనే చర్చ జరుగుతోంది.
  
  శ్రీహరికి.. ఓటే లేదట!
  హన్మకొండ: ఉప ముఖ్యమంత్రి కడియం శ్రీహరికి ఎమ్మెల్సీ ఎన్నికల ఓటింగ్ విషయంలో  చేదు అనుభవం ఎదురైంది. పోలింగ్ సమయానికి తన ఓటు ఏ బూత్‌లో ఉందో చూసుకునే సరికి ఎక్కడా కనిపించలేదు. గత పట్టభద్రుల పోలింగ్‌లో కడియం ఓటేశారని,  ఇప్పు డు ఎందుకులేదని కొందరు అధికారులను అడగడంతో వారు ముందు ఆందోళన పడ్డారు. ఎందుకైనా మంచి దని.. పాత ఓటర్ల జాబితా, ప్రస్తుత ఓటర్ల ముసాయిదా జాబితా అన్నింటిని పూర్తిగా పరిశీలించారు. వాటిలో కడియం ఓటు లేదు.