కోవిడ్‌ పుణ్యమాని ఆన్‌లైన్‌ క్లాసుల పేరిట పిల్లలందరికీ స్మార్ట్‌ఫోన్లు అలవాటైపోయాయి. కానీ చాలా మంది వాటిని టైమ్‌పాస్‌గానే వాడేవారు. నెట్టింట తెగ హడావిడి చేసేవారు. స్మార్ట్‌ ఆలోచనతో ఆన్‌లైన్‌లో రికార్డ్‌ల వేట ప్రారంభించింది కామారెడ్డి జిల్లా పంచాక్షరి నాగిని. ఇంటర్మీడియెట్‌ చదువుతున్న నాగిని ఇటీవల 118 రసాయన మూలకాల పేర్లు 22 సెకన్లలో చెప్పి కలాం బుక్‌ ఆఫ్‌ వరల్డ్‌ రికార్డులో చోటు సంపాదించింది. యూట్యూబ్‌ ఛానల్‌ ద్వారా మోటివేటర్‌గా మారింది. ఆట, పాట, క్విజ్, హ్యాండ్‌ రైటింగ్‌.. అన్నింటా తానే ఫస్ట్‌ అని నిరూపించుకుంటున్న నాగిని కృషి తోటివారికి స్ఫూర్తిగా నిలుస్తోంది. కృషి, పట్టుదల ఉంటే సాధ్యంకానిది ఏదీ లేదని నిరూపిస్తోంది ఇంటర్‌ విద్యార్థిని పంచాక్షరి నాగిని. రసాయన శాస్త్రంలో మూలకాల గురించి అడిగితే చాలు నోటి వెంట పదాలు పరుగులు తీస్తూనే ఉంటాయి. ఒకటికాదు రెండు కాదు ఏకంగా 118 మూలకాల పేర్లు 22 సెకన్లలో చెప్పి కలాం వరల్డ్‌ రికార్డు సాధించింది. కామారెడ్డి జిల్లా బీబీపేట మండలం జనగామ గ్రామానికి చెందిన పంచాక్షరి శ్రీనివాస్, లక్ష్మీ సంధ్యల కూతురు నాగిని ఇంటర్‌ సెకండియర్‌ చదువుతోంది. హైడ్రోజన్, హీలియం, లిథియం, బెరీలియం, బోరాన్, కార్బన్‌.. ఇలా 118 మూలకాల గురించి అతి తక్కువ సమయంలో చెప్పి, రికార్డులను సృష్టించింది. ఇంజినీరింగ్‌ చదివి ఆపై సివిల్స్‌లో సత్తా చాటాలన్న లక్ష్యంతో ముందుకు సాగుతున్న నాగిని జ్ఞాపకశక్తిలోనే కాదు మాటల్లోనూ దిట్టే అని పేరు సాధించింది. మంచి వక్తగా రాణిస్తోంది. తాను చదువుకునే కాలేజీలోనే మోటివేషన్‌ క్లాసులు ఇస్తోంది. అంతేకాదు, స్కూళ్లకు వెళ్లి విద్యార్థులకు మోటివేటర్‌గా క్లాసులు చెబుతుంటుంది. స్కూల్‌ నుంచి ఇస్రోకు మొదటి నుంచి చదువులో చురుకుగా ఉంటున్న నాగిని తొమ్మిదో తరగతిలో ఇస్రో నిర్వహించిన యువికా–2020 యంగ్‌ సైంటిస్ట్‌ ప్రోగ్రాంలో పాల్గొనడం ద్వారా గుర్తింపు పొందింది. రాష్ట్ర స్థాయిలో మ్యాథ్స్‌ టాలెంట్‌ పోటీల్లో మొదటి స్థానంలో నిలిచింది. పదో తరగతిలో స్టేట్‌ లెవల్‌ సైన్స్‌ ఫేయిర్‌లో పాల్గొని మొదటి బహుమతి సంపాదించింది. కరోనాను వెళ్లిపొమ్మంటూ ‘గోబ్యాక్‌ కరోనా’ అన్న పాట స్వయంగా రాసి, పాడింది. అలాగే స్పీచ్‌ కాంపిటీషన్‌లో రాష్ట్ర స్థాయిలో మొదటి స్థానంలో నిలిచింది. హ్యాండ్‌ రైటింగ్‌లోనూ గోల్డ్‌మెడల్‌ సాధించింది. ఖోకో, వాలీబాల్, కబడ్డీ పోటీల్లో రాష్ట్ర స్థాయిలో క్రీడల్లో పాల్గొని, బహుమతులు గెల్చుకుంది. టాలెంట్‌ టెస్ట్‌ కరోనా సమయంలో ఇంటి వద్ద ఆన్‌లైన్‌ పాఠాలు వింటున్న నాగిని దృష్టి మూలకాల మీద పడింది. మొదట్లో కొంత ఇబ్బందిపడ్డా మెల్లమెల్లగా టార్గెట్‌ పెట్టుకుని ముందుకు సాగింది. 118 మూలకాల పేర్లను తొలుత 27 సెకన్లలో చదివి భారత్‌ బుక్‌ ఆఫ్‌ రికార్డ్స్‌లో తన పేరును నమోదు చేసుకుంది. ఆ తర్వాత తన టాలెంట్‌ను మెరుగు పరుచుకునే ప్రయత్నం చేసింది. కొంతకాలానికే  22 సెకన్లలో 118 మూలకాల పేర్లు  చదివి కలాం వరల్డ్‌ రికార్డ్‌ సాధించింది. ఇంటర్‌ ఫస్ట్‌ ఇయర్‌లో 470 మార్కులకు గాను 463 మార్కులు సాధించింది నాగిని. ఆన్‌లైన్‌లో జరిగిన నేషనల్‌ మ్యాథమెటిక్స్‌ టాలెంట్‌ టెస్ట్‌లో ఫస్ట్‌ ర్యాంక్‌ సాధించింది. ‘లర్న్‌ సంథింగ్‌ విత్‌ నాగిని’ అనే పేరుతో యూట్యూబ్‌లో చానల్‌ నిర్వహిస్తోంది. మోటివేటర్‌గా పనిచేస్తోంది. తన జూనియర్లకు క్లాసులు చెబుతోంది. ఆన్‌లైన్‌ రికార్డులు నా లక్ష్యం సివిల్స్‌ వైపే. ఆ దిశగా ఇప్పుడే ప్రణాళికలు వేసుకుంటున్నాను. ఇలాంటి ఆలోచనలు నాలో కలగడానికి కరోనా నాకు టర్నింగ్‌పాయింట్‌లా ఉపయోగపడింది. కరోనా సమయంలో ఆన్‌లైన్‌ క్లాసుల కోసం స్మార్ట్‌ఫోన్‌ చేతిలో పట్టుకోవడం, దాన్ని సద్వినియోగం చేసుకునేలా ప్రయత్నాలు చేశాను. దాని ద్వారానే రికార్డుల సాధనకు మరింత సులువు అయ్యింది.   – పంచాక్షరి నాగిని – ఎస్‌.వేణుగోపాలాచారి, సాక్షి, కామారెడ్డి

Namratha Inked Puneeth Rajkumar Name: కన్నడ పవర్‌ స్టార్‌, దివంగత నటుడు పునీత్‌ రాజ్‌కుమార్‌ మరణించి దాదాపు 6 నెలల కావోస్తోంది. అయినా ఇప్పటికీ ఆయన మరణాన్ని తలుచుకుని కన్నడిగులు కుమిలిపోతున్నారు. గతేడాది అక్టోబర్‌ 29న పునీశాండల్‌ వుడ్‌ సీని ప్రముఖులే కాదు టాలీవుడ్‌, బాలీవుడ్‌, కోలీవుడ్‌, మాలీవుడ్‌ పరిశ్రమలకు చెందిన సినీ సెలబ్రెటీలు నివాళులు అర్పించారు. ఇక కన్నడ ప్రజలు, ఫ్యాన్స్‌ అయితే పునీత్‌ లేడనే వార్త విని గుండెలు విలపించేలా రోధించారు. ఈ చేదు నిజాన్ని జీర్ణించుకోలేక మరికొందరి గుండెలు ఆగిపోయాయి. చదవండి: నేరుగా ఓటీటీలో విడుదల కానున్న నాని సినిమా!, ఎక్కడంటే.. అంతలా ప్రతి ఒక్కరిని శోక సంద్రంలో ముంచిన పునీత్‌ రాజ్‌కుమార్‌ హీరోగానే కాదు ఓ మనిషిగా ప్రతి ఒక్కరి గుండెల్లో నిలిచిపోయారు. 45 స్కూళ్లు కట్టించి, 26 అనాథశ్రమాలు, 16 ఓల్డ్​ ఏజ్​ హోమ్స్ నడిపించి, 19 గోశాలలకు సాయం చేస్తూ..   చనిపోయినా రెండు కళ్లూ దానం చేశారు. ఇవన్ని చేసిన ఏనాడు పబ్లిసిటి చేసుకోలేదు. ఆయన చేస్తున్న సాయం ఏంటో ఆయన మరణం తర్వాతే ప్రపంచానికి తెలిసింది. దీంతో యావత్‌ దేశం ఆయనకు సెల్యూట్‌ కొట్టింది. ఆయనకు సాధారణ ప్రజలే కాదు సెలబ్రెటీల్లో కూడా వీరాభిమానులు ఉన్నారు. ఆయనంటే పడిచచ్చే ఫ్యాన్స్‌ ఇండస్ట్రీలో సైతం ఉన్నారడానికి ఈ తాజ సంఘటనే ఉదాహరణ. చదవండి: రానాను పక్కన పెట్టిన శేఖర్‌ కమ్ముల? ఆ హీరోతో లీడర్‌-2 పునీత్‌ మీద ఉన్న అభిమానాన్ని చాటుకుంటూ ఓ నటి ఏకంగా ఆయన పేరునుఏ టాటూగా వేసుకుంది.  కన్నడ టీవీ నటి, నాగిని 2 ఫేం నమ్రత గౌడ పునీత్‌ రాజ్‌కుమార్‌ను వీరాభిమాని. దీంతో ఆయన పేరును చేతిపై పచ్చబొట్టుగా వేయించుకుంది. ఆయన జయంతి సందర్భంగా వేయించుకున్న ఈ పోస్ట్‌ను రీసెంట్‌గా నమ్రత షేర్‌ చేస్తూ ‘ఆయన ఎప్పటికీ గుర్తుండిపోతారు’ అంటూ క్యాప్షన్‌ ఇచ్చింది. దీంతో ఆమె పోస్ట్‌ సోషల్‌ మీడియాలో వైరల్‌గా మారింది. కాగా నమ్రత పునీత్‌ మిలనా సినిమాలో చైల్డ్‌ ఆర్టిస్ట్‌గా కనిపించింది. 2007లో వచ్చిన ఈ సినిమాలో నమ్రత ప్రముఖ నటుడు సిహి కహీ చంద్రుని కుమార్తెగా ఓ చిన్న రోల్‌ పోషించింది.  నాగిని(కన్నడ) సీరియల్‌తో గుర్తింపు పొందిన ఆమె ప్రస్తుతం పలు సీరియల్స్‌తో పాటు సినిమాల్లో సహానటి పాత్రలు చేస్తోంది. View this post on Instagram A post shared by namratha (@namratha__gowdaofficial)     var request = 'https://www.sakshi.com/knowwidget/kwstr_1611343008.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Karan Kundrra Fires On Paparazzi For Trying to Enter Girlfriends House: హిందీ బిగ్‌బాస్‌ ఫేం, బాలీవుడ్‌ టీవీ నటుడు కరణ్‌ కుంద్రా మీడియాపై ఫైర్‌ అయ్యాడు. తన గర్ల్‌ఫ్రెండ్‌, బిగ్‌బాస్‌ విన్నర్‌ తేజస్వి ప్రకాశ్‌ ఇంట్లోకి చొరబడేందుకు ప్రయత్నించిన మీడియాపై అతడు నిప్పుడు చెరిగాడు. ఈ క్రమంలో మీడియా వ్యక్తులు ఆమె ఇంట్లోకి వెళ్లేందుకు యత్నించారు. దీంతో కరణ్‌ కుంద్రా వారికి క్లాస్‌ పీకుతూ ప్రియురాలు తేజస్వికి మీడియాతో క్షమాపణ చెప్పించాడు. ప్రస్తుతం ఇందుకు సంబంధించిన వీడియోలు నెట్టింట వైరల్‌గా మారాయి. కాగా తేజస్వి ప్రకాశ్‌.. బిగ్‌బాస్‌ 15 విజేతగా టైటిల్‌ గెలుచుకుని ఒక్కసారిగా లైమ్‌లైట్‌లోకి వచ్చింది. ఈ క్రమంలో ఆమెకు ప్రముఖ నిర్మాత ఎక్తా కపూర్‌ నాగిన్‌ 6లో లీడ్‌ రోల్‌ అవకాశం ఇచ్చింది. చదవండి: ఆర్‌ఆర్‌ఆర్‌: జక్కన్నపై కంగనా ఆసక్తికర వ్యాఖ్యలు, పోస్ట్‌ వైరల్‌ అలా బిగ్‌బాస్‌, నాగిని సీరియల్‌తో తేజస్వి రాత్రికి రాత్రే స్టార్‌డమ్‌ తెచ్చుకుంది. ఈ నేపథ్యమలో ఆమె ఎక్కడ కనిపించిన మీడియా తమ కెమెరాలకు పని చేబుతూ ఆమెను ఫొటోలు తీస్తున్నారు. ఈ క్రమంలో ఇటీవల ఆమె ఇంటి ముందు ఫొటోలు తీస్తుండగా తొందర తొందరగా ఇంట్లోకి వెళ్లిపోయింది. ఈ క్రమంలో ఆమెను వెంబడిస్తూ తనతో పాటు ఇంట్లోకి వెళ్లేందుకు ప్రయత్నించారు. అంతేకాదు తమ ఫొటోలకు ఫోజులు ఇవ్వాలంటూ తేజస్విని ఇబ్బంది పెట్టడంతో ప్రియుడు కరణ్‌ కుంద్రా వారిపై విరుచుకుపడ్డాడు. ఇలా ఇంట్లోకి దూరి తమ పర్సనల్ ఫోటోలు తియ్యడం పద్దతి కాదని, అనుమతి లేకండా ఓ అమ్మాయి ఇంట్లోకి ఎలా చొరబడతారంటూ ఆగ్రహం వ్యక్తం చేశాడు. చదవండి: తెలుగు సినిమాల్లో అసలు నటించను: బాలీవుడ్‌ హీరో షాకింగ్‌ కామెంట్స్‌ సెలబ్రెటీలకంటూ వ్యక్తిగత జీవితం ఉంటుందని, వారి ప్రైవసికి ఇబ్బంది కలిగించడం సరికాదన్నాడు.ఊరుకుంటున్నాం కదా అని ఇంటి వరకు వచ్చి ఫొటోలు తీయడం ఏంటని ప్రశ్నించాడు. ఇది మరోసారి రిపీట్‌ అయితే పోలీసులకు ఫిర్యాదు చేస్తామని హెచ్చరిస్తూ మీడియాతో ప్రియురాలికి క్షమాపణలు చెప్పించాడు. కాగా తేజస్వి, కరణ్‌లు తొలిసారి బిగ్‌బాస్‌ హౌజ్‌లో కలుసుకున్నారు. అలా వీరిద్దరి మధ్య ఏర్పడిన పరిచయం మెల్లిగా ప్రేమగా మారింది. ఇదే విషయాన్ని ఇరు కుటుంబాలకు చెప్పగా వారు ఈ జంట పెళ్లికి గ్రీన్‌ సిగ్నల్‌ కూడా ఇచ్చారు. ఈనేపథ్యంలో ప్రస్తుతం కరణ్‌, తేజస్విలు ముంబైలో ఒకే అపార్టుమెంట్‌లో కలిసి ఉంటున్నారు. 

హిందీ బుల్లితెర ప్రేక్షకులను అలరించే మోస్ట్ పాపులర్​ సీరియల్​లో 'నాగిని' ఒకటి. 2015లో ప్రారంభమైన ఈ సీరియల్​ ఇప్పటివరకు ప్రేక్షకులను అలరిస్తూనే ఉంది. తెలుగులో కూడా 'నాగిని' మొదటి రెండు సీజన్​లను ప్రసారం చేశారు. ఆ సీజన్స్​కు తెలుగు ప్రేక్షకుల నుంచి మంచి ఆదరణే లభించింది. ఇప్పుడు తాజాగా ఈ సీరియల్​ ఆరో సీజన్ రాబోతున్న విషయం తెలిసిందే. ఇందులో హిందీ బిగ్​బాస్​ సీజన్​ 15 విన్నర్ తేజస్వీ ప్రకాష్​ ప్రధాన పాత్రలో అలరించనుంది.  అయితే తాజాగా ఈ సీరియల్​ గురించి ఒక ఆసక్తికర విషయం చక్కర్లు కొడుతోంది. బాలీవుడ్​ లైఫ్​లోని ఒక నివేదిక ప్రకారం ఈ సీజన్​ను రూ. 130 కోట్ల భారీ బడ్జెట్​తో రూపొందించినట్లు సమాచారం. ​ఒకవేళ ఈ సీజన్​ అంతగా హిట్​ కాకపోతే వచ్చే సంవత్సరం నుంచి ఈ ఫ్రాంచైజీని ఆపేయాలని భావిస్తుందట నిర్మాత ఎక్తా కపూర్​. ఈ భారీ బడ్జెట్​తో ఒక సినిమానే తీయొచ్చని ఎక్తాకు పలువురు చెప్పినా ఎక్తా కపూర్​ వినలేదని తెలుస్తోంది. నాగిని 6లో విజువల్ ఎఫెక్ట్స్​ భారీగా ఉంటాయని సమాచారం. ఈ సీజన్ ఫిబ్రవరి 12 నుంచి కలర్స్​ ఛానెల్​లో ప్రతీ శనివారం, ఆదివారం ప్రసారం కానుంది.     Apne bhavya roop aur teeno kaal ki shaktiyon se duniya ko bachane aa rahi hai Naagin. Zaroor dekhiye #Naagin6, 12th February se Sat-Sun, raat 8 baje only on #colors.@itsmetejasswi pic.twitter.com/lEs29HCahX — ColorsTV (@ColorsTV) January 31, 2022

'నాగిని' సీరియ‌ల్ ఫేం, బుల్లితెర న‌టి మౌనీరాయ్ ప్రియుడు, వ్యాపార‌వేత్త‌ సూర‌జ్ నంబియార్‌ను పెళ్లాడింది. గురువారం(జ‌న‌వ‌రి 27న‌) ఉద‌యం మ‌ల‌యాళీ సాంప్ర‌దాయ ప‌ద్ధ‌తిలో వీరి వివాహం జ‌రిగింది. ఈ వేడుక‌కు ఇరు కుటుంబాల‌తో పాటు ప‌లువురు సెల‌బ్రిటీలు సైతం హాజ‌రై వ‌ధూవ‌రుల‌ను ఆశీర్వ‌దించారు. ప్ర‌స్తుతం వీరి పెళ్లి ఫొటోలు, వీడియోలు సోష‌ల్ మీడియాలో వైర‌ల్‌గా మారాయి. ఇందులో మౌనీరాయ్ తెలుపు రంగు ప‌ట్టుచీర‌లో మెరిసిపోతుండ‌గా సూర‌జ్ గోధుమ‌రంగు షేర్వాణీలో పెళ్లికొడుకుగా ముస్తాబ‌య్యాడు.  (ఫొటో గ్యాలరీ కోసం ఇక్కడ క్లిక్ చేయండి) నిజానికి మౌనీరాయ్ త‌న పెళ్లిని దుబాయ్‌లో జ‌రుపుకోవాల‌ని అనుకున్న‌ట్లు స‌మాచారం. కానీ క‌రోనా వ్యాప్తి నేప‌థ్యంలో త‌న పెళ్లి వేడుక‌కు గోవా స‌రైన వేదిక‌గా భావించింది. గ‌త రెండు రోజులుగా వీరి పెళ్లి ప‌నుల‌కు సంబంధించిన వీడియోలు నెట్టింట హ‌ల్‌చ‌ల్ చేయ‌గా తాజాగా పెళ్లి ఫొటోలు బ‌య‌ట‌కు వ‌చ్చాయి. ఇక వీరు పెళ్లికి వ‌చ్చే అతిథులంద‌రూ క‌రోనా టెస్ట్ చేయించుకోవాల‌నే నిబంధ‌న పెట్టిన‌ట్లు స‌మాచారం. View this post on Instagram A post shared by Viral Bhayani (@viralbhayani)

టాలీవుడ్‌లో ‘గ్లామరస్‌ మదర్‌’అనగానే అందరికి టకీమని గుర్తొచ్చే ఏకైక పేరు ప్రగతి. తనదైన సహజ నటనతో అమ్మ, తల్లి, భార్య పాత్రలకు వన్నెతెచ్చింది. ఇటీవల సినిమాల్లో ఎక్కువ కనిపించకున్నా.. సోషల్‌ మీడియా ద్వారా మాత్రం ఎప్పుడూ అభిమానులతో టచ్‌లోనే ఉంటుంది. ఫిట్నెస్‌కు ఎక్కువ ప్రాధాన్యత ఇచ్చే ప్రగతి.. వాటికి సంబంధించిన ఫోటోలను ఎప్పటికప్పుడు సోషల్‌ మీడియా ద్వారా అభిమానులతో పంచుకుంటుంది. ఆమె షేర్‌ చేసే వర్కౌట్‌ వీడియోలు వైరల్‌ అయిన సందర్భాలు చాలానే ఉన్నాయి.  (చదవండి: ‘రారా సామి’అంటూ రష్మిక స్టెప్పులు.. వీడియో వైరల్‌) తాజాగా ఆమె నాగిని సాంగ్‌కి స్టెప్పులేసింది. జిమ్‌ సెంటర్‌కి వెళ్లిన ప్రగతి.. అక్కడ ‘నాగిని’సాంగ్‌కి ఊరమాస్‌ స్టెప్పులేసి అందరిని అలరించింది. దానికి సంబంధించిన వీడియోని తన ఇన్‌స్టా ఖాతాలో షేర్‌ చేస్తూ.. ‘నేను చేసే ప్రతి పనిలో ఆనందాన్ని సృష్టిస్తాను’అని క్యాప్షన్‌ ఇచ్చింది. ప్రస్తుతం ఈ వీడియో సోషల్ మీడియాలో వైరల్ గా మారింది. View this post on Instagram A post shared by Pragathi Mahavadi (@pragstrong)

సోష‌ల్ మీడియాలో ఎప్పుడూ ఏదో ఒక ఫోటో, వీడియో వైరల్‌ అవుతూనే ఉంటాయి. మన కంటెంట్లు నెటిజన్లను ఆకట్టుకుంటే చాలు విపరీతంగా లైకులు, కామెంట్లు .. అంతెందుకు ఒక్కో సారి మిని సెలబ్రిటీ కూడా అయిపోవచ్చు. తాజాగా తన మ‌న‌వ‌డితో ఓ బామ్మ సరదాగా వేసిన స్టెప్పులు నెటిజన్లను విపరీతంగా ఆకట్టుకుంటోంది. సాధారణంగా పిల్లలకి వాళ్ల తాతయ్య, అమ్మమతో ఉండే చనువు, ప్రేమ గురించి ప్రత్యేకంగా చెప్పక్కర్లేదు. కంటెంట్ క్రియేటర్ అయిన అంకిత్ జాంగిద్ కొన్ని రోజుల క్రితం తన బామ్మతో కలిసి చేసిన డ్యాన్స్‌ వీడియోను ఇన్‌స్టాగ్రామ్‌లో షేర్ చేశాడు. అందులో ఓ వృద్ధురాలు తనదైన స్టైల్‌లో చిందులు వేసింది. మ‌న‌వ‌డు త‌న టైని ఫ్లూట్‌లా ప‌ట్టుకుని ఊదుతుంటే.. బామ్మ నేనెందుకు సైలెంట్‌గా ఉండాలనుకుందో ఏమో త‌న అర‌చేతిని నాగుపాము ప‌డ‌గలా పెట్టి నాగిని స్టెప్పులతో అదరగొట్టింది. ప్రస్తుతం సోషల్‌మీడియాలో ఈ వీడియో వైరల్‌గా మారి హల్‌చల్‌ చేస్తోంది. ఆ వీడియోకి.. ‘మా దాదీలో నా సోల్‌మేట్‌ కనపడుతోంది’ క్యాప్షన్ ఇచ్చాడు.పోస్ట్‌ చేసిన తక్కువ వ్యవధిలోనే ఈ వీడియో లైకులు, కామెంట్లతో నెట్టింట దూసుకుపోతోంది. దీన్ని చూసిన నెటిజన్లు ఫన్నీగా కామెంట్లు పెడుతున్నారు. కొందరు బామ్మ డాన్స్‌ భలే అంటూ కామెంట్‌ చేయగా, మరి కొందరు హార్ట్‌ ఈమోజీ పెడుతున్నారు.  View this post on Instagram A post shared by ◻️▪️Ankit Jangid▪️◻️ (@ankitjangidd)

కరోనా సెకండ్‌ వేవ్‌ యావత్‌ దేశాన్ని కలవరపెడుతుంది. రోజు వారి నమోదయ్యే కేసుల సంఖ్య మూడు లక్షలకు చేరువవుతుంది. ఆస్పత్రులన్ని కరోనా రోగులతో కిటకిటలాడుతున్నాయి. చాలా చోట్ల బెడ్స్‌ లేక బయటే పడిగాపులు గాస్తున్నారు. సామాన్యులే కాక సెలబ్రిటీలు కూడా కోవిడ్‌ బారిన పడుతున్నారు. వీరిలో నాగిని ఫేం నటి కాజల్‌ పైసల్‌ కూడా ఉన్నారు. కోవిడ్‌ వల్ల తాను ఎంతో బాధపడ్డానని.. మరణం అంచుల దాకా వెళ్లి వచ్చానని తెలిపారు. తాజాగా ఓ ఆంగ్ల మీడియాకు ఇచ్చిన ఇంటర్వ్యూలో తాను ఎదర్కొన్న ఇబ్బందుల గురించి వివరించారు కాజల్‌ పైసల్‌.  ఈ సందర్భంగా కాజల్‌ మాట్లాడుతూ.. ‘‘నా జీవితంలో అత్యంత దుర్భర క్షణాలు అంటే కోవిడ్‌తో బాధపడటమే. ప్రారంభంలో కొద్దిగా లక్షణాలు కనిపించడంతో ఆస్పత్రికి వెళ్లి టెస్ట్‌ చేయించుకున్నాను. పాజిటివ్‌ అని నిర్ధారణ అయ్యింది. అయితే అప్పుడు మరి అంత ఇబ్బంది ఏం అనిపించలేదు. నా డాక్టర్‌ కూడా నేను త్వరగానే కోలుకుంటానని తెలిపింది. ఓ నెల రోజులు విశ్రాంతి తీసుకోమని సూచించింది. నా స్నేహితులు, కుటుంబ సభ్యులంతా నాకు ధైర్యం చెప్పారు. వారం, రెండు వారాల్లో అంతా సెట్‌ అవుతుంది అన్నారు. నేను కూడా అదే ధైర్యంతో ఉన్నాను’’ అంటూ చెప్పుకొచ్చారు కాజల్‌. ‘‘కానీ నేను అనుకున్నట్లు జరగలేదు. రోజులు గడుస్తున్న కొద్ది నా ఆరోగ్యం మరింత క్షీణించసాగింది. కొద్ది రోజుల తర్వాత నాకు విపరీతంగా తల తిరిగేది. నా శరీరం మీద నేను అదుపు కోల్పోతున్నట్లు అనిపించేది. అది చాలా భయంకర అనుభవం. ఎంతో నిరాశకు గురయ్యేదాన్ని. ఒకానొక సమయంలో మరణం అంచుల వరకు వెళ్లి వచ్చాను’’ అంటూ కాజల్‌ తాను ఎదుర్కొన్న భయానక పరిస్థితిని వివరించారు. ‘‘అభిమానుల ప్రార్థనలు, దేవుడి దయ, వైద్యులు, కుటుంబ సభ్యుల మద్దతుతో కోలుకున్నాను. కోవిడ్‌ నెగిటివ్‌ అని తేలింది. కానీ ఇప్పడు కూడా చాలా నీరసంగా ఉంటుంది. డిప్రెషన్‌కు గురవుతున్నాను. ఈ సందర్భంగా నా అభిమానులకు ఓ విన్నపం. కోవిడ్‌ను తేలికగా తీసుకోకండి. క్వారంటైన్‌లో ఉంటే సరిపోతుంది కదా అనుకోకండి. అదేంత నరకమో అనుభవించిన వారికే తెలుస్తుంది. నిజంగా ఇది ఒక భయానక పీడకల. నా జీవితంలో ఇన్ని రోజుల మంచానికే అంకితం అవుతానని.. ఇంత నీరసీస్తానని ఎప్పుడు ఊహించుకోలేదు. దయచేసి అందరూ జాగ్రత్తగా ఉండండి. కోవిడ్‌ నియమాలు పాటించండి’’ అని కోరారు కాజల్‌. చదవండి: టీవీ బ్రేక్‌లో వచ్చే ఈ అమ్మాయిని గుర్తుపట్టారా?

సోషల్‌ మీడియా వాడకం పెరిగాక ఈ మధ్య సినీతారలకు ఇబ్బందులు ఎక్కువయ్యాయి. పబ్లిక్‌గా చెత్త కామెంట్లు చేయడానికి సైతం కొందరు నెటిజన్లు వెనకడుగు వేయడం లేదు. కొందరు స్టార్స్‌ వీటిని చూసీ, చూడనట్లు వదిలేస్తుంటే..మరికొందరు మాత్రం తగిన సమాధానం చెప్పి వాళ్ల  నోరు మూయిస్తారు. తాజాగా టీవీ నటి సయాంతనీ ఘోష్‌కు ఇలాంటి పరిస్థితే ఎదురైంది. బుధవారం(నిన్న)ప్రపంచ ఆరోగ్య దినోత్సవం రోజు ఇన్‌స్టాగ్రామ్‌ లైవ్‌లో ఫ్యాన్స్‌తో ముచ్చటించిన ఆమెకు చేదు అనుభవం ఎదురైంది. ఆరోగ్యం, పాజిటివ్‌ ఆటిట్యూడ్‌ వంటి విషయాలపై నెటిజన్లతో చర్చిస్తుండగా, అందులో ఓ నెటిజన్‌ తన వంకర బుద్దిని బయటపెట్టాడు. నీ లోదుస్తుల సైజ్‌ ఎంత అడిగిన నెటిజన్‌కు సయాంతనీ దిమ్మతిరిగే జవాబిచ్చింది. 'ప్రపంచ ఆరోగ్య దినోత్సవం రోజున శారీరక ఆరోగ్యమే కాదు మానసిక ఆరోగ్యం ఎంత ముఖ్యమో నాకు అర్థమైంది. నువ్వు మానసికంగా ఇంకా ఎదగాలి. నువ్వు నా లో దుస్తుల సైజు అడిగావు.. నేను కూడా నీ అంగం సైజు ఎంత అని అడిగి ఉంటే అప్పుడు నీ ముఖం ఎక్కడ పెట్టుకుంటావు? సైజుల గురించి మాట్లాడుకోవడం ఇకనైనా ఆపేయాలి. గతంలో నాకు ఇలాంటి పరిస్థితే ఎదురైంది. మగవాళ్లు నా వక్షోజాలను తదేకంగా చూస్తున్నప్పుడు నేను చాలా అసౌకర్యానికి గురయ్యాను. View this post on Instagram A post shared by Sayantani (@sayantanighosh0609) ఇక చాలు..మనల్ని మనం ప్రేమించాల్సిన అవసరం చాలా ఉంది. మన శరీరం ఎలాంటి సైజ్‌లో ఉన్నా దాన్ని యాక్సెప్ట్‌ చేయండి. ఎవరైనా మిమ్మల్ని అగౌరవించాలని చూసినా, బాడీ షేమింగ్‌ చేసినా వారికి గట్టి బదులివ్వండి' అంటూ అదిరిపోయే ఆన్సర్‌ ఇచ్చింది. ఇక సయాంతనీ చేసిన ఈ పోస్ట్‌కు నెటిజన్లు ఫిదా అయ్యారు. మీరు ఇచ్చిన రిప్లై చాలా ఇంప్రెసివ్‌గా ఉందంటూ సయాంతనీని పొగడ్తలతో ముంచెత్తుతున్నారు. ఘర్ ఏక్ సప్నా, నాగిని వంటి సీరియల్స్‌తో సయాంతనీ పాపులర్‌ అయిన సంగతి తెలిసిందే.  చదవండి : న్యూడ్‌ ఫోటో అడిగిన నెటిజన్‌.. అలా చేస్తే ఓకే అన్న ప్రియమణి న్యూడ్‌ ఫోటో అడిగిన నెటిజన్‌..షేర్‌ చేసిన యాంకర్‌

ముంబై: మౌనీ రాయ్‌ ‘నాగిని’ సీరియల్‌తో ఈమె సంపాదించుకున్న క్రేజ్‌ అంతా ఇంతా కాదు. తన అందచందాలతో కుర్రకారు మతిపోగొ‍ట్టింది ఈ సుందరి. తనకంటూ ఒక ప్రత్యేకమైన ఫ్యాన్‌ను సంపాదించుకుంది. ప్రస్తుతం మౌనీ రాయ్‌ తన ఇన్‌స్టాగ్రామ్‌లో చేసిన ఒక పోస్ట్‌ పలు అనుమానాలు కలిగేలా చేస్తోంది. తన చేతికి ఎంగేజ్‌మెంట్‌ రింగ్‌ ఉన్న ఒక ఫోటోను ఆమె తన సోషల్‌మీడియా ఖాతాలో పోస్ట్‌ చేసింది. దీంతో ఆమె ఎవరికి తెలియకుండా ఎంగేజ్‌మెంట్‌ చేసుకుందా అంటూ ఆమె అభిమానులతో పాటు  పలువురు సెలబ్రెటీలు కూడా ఆశ్చర్యం వ్యక్తం చేస్తున్నారు. దీనిపై స్పందిస్తూ ప్రొడ్యూసర్‌ ప్రజ్ఞా కపూర్‌ మాట్లాడుతూ, ఏంటి ఇది నాకు ఒక్క క్షణం చాలా ఆశ్చర్యంగా అనిపించింది అని పేర్కొన్నారు. పలువురు సెలబ్రెటీలు నీ ఎంగేజ్‌మెంట్‌ అని మాకు చెబుతున్నావా అంటూ ప్రశ్నించారు. అయితే ఇది మౌని రాయ్‌ ఎంగేజ్‌మెంట్‌ రింగ్‌ కాదని, ఆమె రింగ్స్‌ విక్రయించే ఒక బ్రాండ్‌ ప్రకటన కోసం ఆ ఉంగరాలు ధరించినట్లు తెలిసింది.   చదవండి: వేడుకల వేళ... ఆనందాల హేల    

‘సాహో’ ఫేమ్‌ శ్రద్ధా కపూర్‌ ఓ క్రేజీ ప్రాజెక్ట్‌కు పచ్చజెండా ఊపారు. నాగకన్య అవతారంలో కనిపించేందుకు ఆమె సిద్ధమవుతున్నారు. ఈ విషయాన్ని శ్రద్ధాకపూర్‌ సోషల్‌ మీడియా వేదికగా స్వయంగా ప్రకటించారు. ‘‘శ్రీదేవిగారి ‘నగీనా, నిగాహే’ సినిమాలను చూస్తూ, ఆమెను ఆరాధిస్తూ పెరిగాను. ఆ సినిమాల్లో ఆమె చేసిన నాగకన్య పాత్ర చాలా బాగుంటుంది. ఇప్పుడు అంతటి గొప్ప పాత్ర చేసే అవకాశం నాకు రావడం సంతోషంగా ఉంది’’ అన్నారు శ్రద్ధాకపూర్‌. విశాల్‌ ఫ్యూరియా దర్శకత్వం వహించనున్న ఈ చిత్రాన్ని నిఖిల్‌ ద్వివేది నిర్మించనున్నారు. ఈ సినిమా మూడు భాగాలుగా తెరకెక్కనుంది. ఇంకా టైటిల్‌ ఖరారు చేయలేదు.

న్యూఢిల్లీ: ఇవాళ నాగ పంచమి సందర్భంగా బాలీవుడ్‌ నిర్మాత ఏక్తా కపూర్ తన 'నాగిని'లకు ఇన్‌స్టాగ్రామ్‌ వేదికగా శుభాకాంక్షలు తెలిపారు. అంతేగాక రాబోయే ‘నాగిని’ సీజన్‌-5 ప్రోమోను ఈ సందర్భంగా ఏక్తా ఆవిష్కరించారు. కానీ ఈ సిజన్‌లో కనిపించే కొత్త నాగిని ఎవరనేది మాత్రం తెలియకుండా కొత్త పోస్టర్‌ను షేర్‌ చేసి అభిమానులను అయోమయంలో పెట్టారు. ఏక్తా ఈ పోస్టులో ‘నా నాగినీలకు.. హ్యాపీ నాగ పంచమి’ అంటూ గత సీజన్‌ల్లోని నాగినిలు మోనీ రాయ్‌, అనిత, కరిష్మా, సురభీ జ్యోతీ, నియా శర్మ తదితరులను ట్యాగ్‌ చేశారు. (చదవండి: నాగుల పంచమి రోజున అరుదైన దృశ్యం) అయితే ఈ సీజన్‌లో హినా ఖాన్‌ నటించనున్నట్లు వార్తలు వస్తున్నప్పటికీ తను లీడ్‌రోల్‌లో నటిస్తుందా లేదా సపోర్టింగ్‌ క్యారెక్టర్‌లో నటించనుందా అనే దానిపై స్పష్టత లేదు. ఏదేమైనప్పటికీ ‘నాగినీ-5’లో నటించే ప్రధాన పాత్రల పేర్లను నిర్మాత గోప్యంగా ఉంచారు. 'కుండలి భాగ్య' ఫేమ్ ధీరజ్ ధూపర్ మేల్‌ లీడ్‌రోల్‌లో ఈ సీజన్‌లో కనిపించనున్నాడు. తన కొత్త సీరియల్‌పై ధీరజ్‌ అనందం వ్య​క్తం చేస్తూ... ‘‘ఇది నాకు చాలా ఉత్తేజకరమైన సమయం. టెలివిజన్‌లో అగ్రశ్రేణి షో అయిన ‘నాగినీ’ వంటి కార్యక్రమంలో నటించాలన్నది ప్రతి నటుడి కల. ఇది నాకు సరికొత్త అనుభవంగా ఉంటుందని ఆశిస్తున్నాను. ఎందుకంటే నేను ఇంతకు ముందెన్నడు ఇలాంటి పాత్రలు చేయలేదు. ఏక్తా కపూర్‌తో కలిసి పనిచేయడం, కలర్స్‌తో మళ్లీ సంబంధం కలిగి ఉండటం చాలా ఆనందంగా ఉంది’ అంటూ చెప్పుకొచ్చాడు. View this post on Instagram HAPPY NAAG ‘PAANCHAMI’ ... to all my Naagins @imouniroy @anitahassanandani @adaakhann @karishmaktanna @surbhijyoti @imrashamidesai @niasharma90 A post shared by Erk❤️rek (@ektarkapoor) on Jul 24, 2020 at 11:57pm PDT

జైపూర్‌: పిల్లలకు విద్యా బుద్ధులు నేర్పించాల్సిన టీచర్లు కనీస మర్యాదను పాటించట్లేదు. ఖాళీ సమయం దొరికితే చాలా పని ప్రదేశంలోనే అసలు స్వరూపాన్ని ప్రదర్శిస్తున్నారు. రాజస్తాన్‌లోని జాలోరీ జిల్లాలో ఉపాధ్యాయురాలు చేసిన నిర్వాకం ఆమెను ఉద్యోగానికి దూరం చేసింది. ఉపాధ్యాయులుకు ట్రైనింగ్‌ నిమిత్తం అధికారులు బుధవారం ఓ కార్యక్రమాన్ని నిర్వహించారు. అయితే కొంత విరామం దొరకడంతో విధులను మర్చి.. రెచ్చిపోయారు. నాగిని డ్యాన్స్‌ చేస్తూ ఊగిపోయారు. ఓ మహిళా టీచర్‌కు తోడు ఓ​ ఉపాధ్యాయుడు సైతం నాగిని నృత్యం చేస్తూ.. ఎంజయ్‌ చేశారు. పక్కనున్న తోటి ఉద్యోగులంతా చప్పట్లతో వారి డ్యాన్స్‌ను ఆస్వాదించారు. ఈ వీడియో కాస్తా సోషల్‌ మీడియాలో వైరల్‌గా మారింది. దీంతో నాగిని నృత్యం చేసిన ఇద్దరిని ఉద్యోగంలో నుంచి సస్పెండ్‌ చేస్తున్నట్లు అధికారులు ప్రకటించారు. మరో ఇద్దరు ఉద్యోగులకు షోకాజు నోటీసులు జారీచేశారు.


 కేయస్ నివాస్, సందీప్తి, పద్మ హీరో హీరోయిన్లుగా శ్రీపాద రామచంద్రరావు దర్శకత్వంలో కె. సంధ్యారాణి నిర్మించిన చిత్రం ‘నాగిని’. త్వరలో ఈ చిత్రాన్ని విడుదల చేయాలనుకుంటున్నారు. సంధ్యారాణి మాట్లాడుతూ - ‘‘వైవిధ్యమైన కథ, కథనాలతో ఈ చిత్రం ఉంటుంది. నాగినీ ఎవరు? ఏం చేసింది? అనేది ఆసక్తికరంగా ఉంటుంది. దర్శకుడు అద్భుతంగా తెరకెక్కించారు. కేయస్ నివాస్ స్వరపరచిన పాటలు ఓ హైలైట్’’ అన్నారు. ఈ చిత్రానికి కథ-మాటలు: సంధ్యారాణి, ఎగ్జిక్యూటివ్ నిర్మాత: విజయ్‌కుమార్ గుర్రం,
  


 నాగినీ అనే యువతి చుట్టూ తిరిగే కథాంశంతో తెరకెక్కిన చిత్రం ‘నాగినీ’. కేఎస్. నివాస్, సందీప్తి, పద్మ ముఖ్యపాత్రల్లో  కె.సంధ్యారాణి నిర్మించిన ఈ చిత్రానికి శ్రీపాద రామచంద్రరావు దర్శకుడు. ఈ చిత్రం త్వరలో విడుదల కానుంది. ‘‘రచయిత్రి సంధ్యారాణి చక్కటి కథ అందించారు. అన్ని వర్గాల వారినీ ఆకట్టుకునే సినిమా అవుతుంది’’ అని దర్శకుడు  తెలిపారు.