నందనా సేన్
  
 నమ్మకం
 మన మీద మనకు నమ్మకం లేనప్పుడు ఎవరికి మాత్రం ఉంటుంది? అందుకే  ఏ పని చేయాలన్నా  ఆత్మవిశ్వాసం ఉండాలి. చెప్పొచ్చేదేమిటంటే నమ్మకం అనేది పదం కాదు...విజయానికి అవసరమైన పెట్టుబడి.
 కాలం
 ‘నా కెరీర్‌లో నిండా కూరుకుపోయాను’ అంటుంటారు. ఇది మంచిదా కాదా అనే విషయం పక్కనపెడితే ఎప్పుడూ ఒకే దిక్కు కాకుండా ఇతర దిక్కులపై కూడా దృష్టి సారించాలి. అప్పుడే సమాజానికి ఉపయోగపడే స్వచ్ఛందసేవా కార్యక్రమాలు చేయగలము.
 ఎజెండా
 అమలుపరిచే విధానం, సాధనం కంటే ‘ఎజెండా’ ముఖ్యమైనది. నాన్నగారు (అమర్త్యసేన్) తన భావాలను పంచుకోవడానికి ఆర్థికశాస్త్రం ఉకరణంగా ఉన్నట్లే, నా భావాలను పంచుకోవడానికి ‘కళ’ అనేది ఉపకరణం.
 పరిమితి
 మనకు మనమే పరిమితులు విధించుకుంటాం. బాంబేలో ‘బ్లాక్’ సినిమాలో నటిస్తున్నప్పుడు ‘మీరు హార్వర్డ్ టాపర్ కదా! సినిమాల్లో నటించడమేమిటి?’ అని ఆశ్చర్యంగా అడిగేవారు. నేను రచయితను, యాక్టివిస్ట్‌ను కూడా. ‘మీరు నటి కదా రాయడం ఎందుకు?’ అని అడిగిన వాళ్లు కూడా ఉన్నారు. అందుకే... ఒక ప్రతిభ మరో ప్రతిభను  నియంత్రించకూడదు అనుకుంటాను.
 సహజం
 ‘నా ప్రతిభను గట్టిగా చాటుకోవాలి’ అని ఒకటికి రెండుసార్లు గట్టిగా అనుకుంటే ప్రతిభ మాట ఎలా ఉన్నా ఒత్తిడి అనేది రెక్కలు విరుచుకుంటుంది. ఏదైనా సహజంగానే జరగాలి. మనసు ఎంత ప్రశాంతంగా ఉంటే అంతగా ప్రతిభ చూపగలుగుతాము.
 సంతృప్తి
  పిల్లల హక్కుల కోసం పనిచేయడం, పిల్లల్ని వినోదపరచడం కోసం రచనలు చేయడం నాకు ఎంతో సంతృప్తిని ఇచ్చే పని. ‘లవ్ బుక్’ అనే పిల్లల పుస్తకం ఒకటి రాశాను.
 వ్యూహం
 ‘నా కెరీర్ ఇలా ఉండాలి అలా ఉండాలి’ అని ఎప్పుడూ ఒక నిర్దిష్టమైన స్ట్రాటజీ ఏర్పర్చుకోలేదు. మూసదారిలో వెళ్లిపోకుండా కొత్తదనం కోసం ప్రయత్నించడమే నా నిజమైన స్ట్రాటజీ.
 హ్యాపీలైఫ్
 నా దృష్టిలో ఆనందకరమైన, ఆరోగ్యకరమైన జీవితం అంటే... నమ్ముకున్న విలువల కోసం నచ్చినట్లు బతకడం, సమాజం కోసం మనవంతుగా ఏదో ఒకటి చేయడం.


 రాజా రవివర్మ జీవితగాథ ఆధారంగా రూపొందించిన ‘రంగ్ రసియూ’లోని పాత్ర తనకు రాసిపెట్టి ఉందని నందనా సేన్ చెబుతోంది. చిన్నప్పటి నుంచి తనకు రవివర్మ చిత్రాలంటే చాలా ఇష్టవుని, హార్వర్డ్‌లో చదువుకునేటప్పుడు తన గది గోడకు రవివర్మ దవుయుంతి పెరుుంటింగ్ ఉండేదని, తన ఇంట్లోనూ భారీ సైజు రవివర్మ పెరుుంటింగ్స్ రెండు ఉన్నాయుని అంటోంది. రవివర్మ కుంచెకు స్ఫూర్తినిచ్చిన సుగంధ పాత్ర తనకు దక్కడంపై నందనా సేన్ తబ్బిబ్బవుతోంది.


  లైఫ్‌బుక్
  
 సినిమాలకు ముందు ప్రకటనల్లో నటించాను. ఆర్థిక స్వాతంత్య్రమంటే ఏమిటో అప్పుడే తొలిసారిగా  తెలిసింది.
  
 వచ్చిన ప్రతి అవకాశాన్ని వినియోగించుకోవాలనుకునే వారు కొందరు. ఆచితూచి పాత్రలు ఎంపిక చేసుకునేవారు కొందరు. మొదటి దాని వల్ల డబ్బు వస్తుంది. రెండో దాని వల్ల తృప్తి మిగులుతుంది. నేను రెండో కోవలో ఉండాలను కుంటున్నాను. డబ్బు కంటే తృప్తికే ప్రాధాన్యత ఇవ్వాలను కుంటున్నాను. ‘బ్లాక్’ సినిమాలో చేసినప్పుడు ‘‘సహాయక పాత్ర చేయడం ఏమిటి? అలా చేసి ఉండాల్సింది కాదు!’’ అన్నవాళ్లు ఉన్నారు. నేను మాత్రం అదేమీ పట్టించుకో కుండా నటించాను. అదొక గొప్ప భావోద్వేగ ప్రయాణం.
  
  కొన్ని రంగాలలోకి అడుగుపెట్టినప్పుడు...కొన్ని అలవా ట్లను మార్చుకోవాల్సి ఉంటుంది. నాకు కొత్త వారితో మాట్లాడాలంటే సిగ్గు. సినిమా రంగంలో ఇది కుదరదు కదా... అందుకే  ఈ అలవాటు నుంచి బయటపడడానికి కష్టపడాల్సి వస్తుంది.
  
  ‘బ్లాక్’లాంటి హృదయం కదిలించే సినిమాలు చేసినా, ‘టాంగో చార్లీ’లాంటి మాసాల సినిమా చేసినా, ‘ఓవర్ ది మౌంటెన్’లాంటి అంతర్జాతీయ చిత్రాలు చేసినా  నేను చేసే పాత్ర గురించి హోంవర్క్ చేయడం మరవను.
  
  శాంతినికేతన్‌లో  చిన్నప్పుడు  రవీంద్రుడి గీతాలు పాడేదాన్ని. మణిపురి నృత్యం అక్కడే నేర్చుకున్నాను.
  
  సినిమా అనేది కేవలం వినోదం కోసం అనే మాటను నమ్మను. సినిమాతో సామాజిక సందేశాన్ని ప్రజలకు చేరువ చేయవచ్చు. ‘యాక్టర్’లో ‘యాక్టివిస్ట్ట్’ కూడా ఉన్నా రు. కాబట్టి నటులు సామాజిక స్పృహకు సంబంధించిన పనుల్లో పాల్గొంటే ఆ ప్రభావం ఇతరులపై గాఢంగా ఉంటుంది. సినిమాల్లో నటిస్తున్నప్పటికీ సామా జిక కార్యక్రమాలకు మాత్రం ఎప్పుడూ దూరంగా ఉండలేదు.
  
  - నందనా సేన్, హీరోయిన్
  


 ముంబై: ‘రంగ్ రసియా’ సినిమాకు సంబంధించిన స్టిల్స్‌ను తన అనుమతి లేకుండా వాడుకోవద్దని పరిమితులు విధించినట్టు వచ్చిన వదంతులను బాలీవుడ్ నటి నందనాసేన్ కొట్టిపారేసింది. ‘అది అవాస్తవం. ఎవరి సృజనాత్మక స్వేచ్ఛను నేను అడ్డుకోలేదు’ అని వందన పేర్కొంది. వివాహం అనంతరం తన జీవితం, కెరీర్ తదితర అంశాల విషయంలో తనను చుట్టుముడుతున్న వదంతులపై ఆర్థిక శాస్త్రంలో నోబుల్ పురస్కార గ్రహీత కుమార్తె అయిన నందన పైవిధంగా వివరణ ఇచ్చింది.
 
 మీకు అత్యంత ఇష్టమైన ‘రంగ్ రసియా’ ఎన్నో ఏళ్ల తర్వాత సినిమా విడుదల అవుతున్న నేపథ్యంలో మీరు ఎటువంటి అనుభూతికి లోనవుతున్నారని మీడియా ప్రశ్నించగా చలికాలం తర్వాత వానాకాలం వచ్చినట్టు ఉంది అని నందన ఆనందంగా చెప్పింది. ఈ సినిమాకు సంబంధించి కేతన్ మెహతా మీ వద్ద నుంచి నిరభ్యంతర పత్రం (ఎన్‌ఓసీ) తీసుకోవాల్సి ఉంటుందా అని అడగ్గా అదంతా అభూత కల్పనే అని అంది. కేతన్‌కు ఏది ఇష్టమో అది తనకు కూడా ఇష్టమేనని తెలిపింది.
 
  సెన్సిటివ్ సీన్లకు సంబంధించినంతవరకూ ఆలోచించడానికి కొంత సమయం తీసుకున్నానని, కుటుంబసభ్యులతో కూడా చర్చించానని చెప్పింది. అయితే పబ్లిసిటీ మెటీరియల్‌కు సంబంధించి నిర్మాతలు, దర్శకులు, పంపిణీదారులెవరూ తనను సంప్రదించలేదంది. అందువల్ల సృజనాత్మక స్వేచ్ఛను హరించాననే మాట సరైంది కాదంది. వృత్తికి అంకితమవుతానంది. ‘రంగ్ రసియా’ అసాధారణమైన సినిమా అని చెప్పింది. తన జీవితానికి సంబంధించిన సరిహద్దులన్నింటినీ తానే విధించుకున్నానని తెలిపింది.