నందమూరి నటసింహం బాలకృష్ణ హీరోగా మలినేని గోపిచంద్‌ డైరెక్షన్‌లో ఓ యాక్షన్‌ థ్రిల్లర్‌ మూవీ తెరకెక్కుతోన్న సంగతి తెలిసిందే. మైత్రీ మూవీ మేకర్స్‌ నిర్మిస్తున్న ఈ సినిమా 'ఎన్బీకే 107' వర్కింగ్​ టైటిల్​తో రెగ్యులర్‌ షూటింగ్‌ ఫిబ్రవరి 18న మొదలైంది. అయితే 'అఖండ' చిత్రంతో విశేషంగా ఆకట్టుకున్న బాలయ్య బాబు మరో కొత్త పవర్​ఫుల్​ అవతారంలో ఆకట్టుకోనున్నాడు. దీనికి సంబంధించిన పోస్టర్​ను మేకర్స్​ సోషల్​ మీడియా వేదికగా సోమవారం ఫిబ్రవరి 21న విడుదల చేసింది.  ఈ ఫొటోలో నందమూరి బాలకృష్ణ లుంగీ ధరించి, బ్లాక్​ షేడ్స్​ పెట్టుకుని స్టైలిష్​ లుక్​లో అదిరిపోయాడు. ఈ మాస్​ లుక్​ బాలయ్య అభిమానుల్లో పూనకాలు తెప్పించేలా ఉంది. ఈ సినిమాలో బాలకృష్ణకు జంటగా శ్రుతిహాసన్​ నటిస్తోంది. వరలక్ష్మీ శరత్​ కుమార్​ కీలక పాత్రలో కనిపించనుండగా తమన్​ సంగీతం అందిస్తున్నారు. అయితే ఈ చిత్రం వేటపాలెంలో జరిగిన ఒక సంఘటన ఆధారంగా తెరకెక్కుతున్నట్లు వార్తలు వినిపిస్తున్నాయి. అలాగే ఈ మూవీ కన్నడ హీరో శివరాజ్​ కుమార్​ నటించిన మఫ్టీ చిత్రానికి రీమెక్​ అని కూడా పుకార్లు వినిపిస్తున్నాయి. 

Ntr And Ram Charan New Look Posters Out From RRR: దర్శకధీరుడు రాజమౌళి చిత్రం అంటేనే అంచనాలు ఓ రేంజ్‌లో ఉంటాయని ప్రత్యేకంగా చెప్పాల్సిన అవసరం లేదు. అలాంటిది యంగ్‌ టైగర్‌ జూ. ఎన్టీఆర్‌, మెగా పవర్‌ స్టార్‌ రామ్‌ చరణ్‌లతో రాజమౌళి ఓ సినిమా తెరకెక్కిస్తున్నారంటే. ఆ సినిమాకు అంచనాలు అంతకుమించి అన్నట్లుగా ఉంటాయి. వీరి ముగ్గురి కాంబినేషన్‌లో వస్తున్న 'ఆర్‌ఆర్‌ఆర్‌'పై సినిమాకు బడ్జెట్‌కు మించిన ఎక్స్‌పెక్టేషన్స్‌ ఉన్నాయి. జనవరి 7, 2022న వస్తున్న ఈ సినిమా సంక్రాంతి సీజన్‌కు అదిరిపోయే ఆరంభాన్ని ఇవ్వబోతోందని టాలీవుడ్‌ గట్టిగా నమ్ముతోంది. ఈ నెల 9న ట్రైలర్‌ రాబోతుంది. ఈ ట్రైలర్‌ను తెలుగు రాష్ట్రాల్లోని ప్రధానమైన థియేటర్లలో ప్రదర్శించబోతోంది చిత్రబృందం.  ఈ సినిమా విడుదల కూడా కనీ వినీ ఎరుగని రీతిలో ప్లాన్‌ చేస్తున్నారు మేకర్స్‌. ఒక్క అమెరికాలోనే వెయ్యికిపైగా మల్టీ ప‍్లెక్సులు బ్లాక్‌ చేశారని సమాచారం. అగ్రరాజ్యంలో ఓ భారతీయ సినిమా ఈ స్థాయిలో ఎప్పుడూ విడుదల కాలేదని, ఆ రకంగా 'ఆర్‌ఆర్‌ఆర్‌' చిత్రం రికార్డు క్రియేట్‌ చేయబోతోందని ఫిల్మ్‌ నగర్‌ వర్గాలు చెబుతున్నాయి. ఇదిలా ఉంటే అభిమానుల్లో జోష్ నిపండానికి సోమవారం (డిసెంబర్‌ 6) రెండు సర్‌ప్రైజ్‌లు ఉందించింది చిత్రబృందం. ఎన్టీఆర్‌, రామ్‌ చరణ్‌ పాత్రలకు సంబంధించిన కొత్త పోస్టర్లను విడుదల చేసింది. ఇద్దరు హీరోలు చాలా పవర్‌ఫుల్‌ లుక్‌లో కనిపించి అభిమానులు, సినీ ప్రేక్షకులను ఆకట్టుకునేలా ఉన్నారు. ఈ సినిమా సుమారు రూ. 450 కోట్ల భారీ బడ్జెట్‌తో తెరకెక్కింది.  That’s BHEEM for you… #RRRTrailerin3Days #RRRMovie #RRRTrailer pic.twitter.com/bs9DI5gR5F — Jr NTR (@tarak9999) December 6, 2021 That’s RAM for you… #RRRTrailer #RRRMovie #RRRTrailerin3Days pic.twitter.com/qlf1OsG8wc — Ram Charan (@AlwaysRamCharan) December 6, 2021 ఇదీ చదవండి: చెల్లెలితో కలిసి స్విట్జర్లాండ్‌ వెళ్లిన రామ్‌చరణ్‌

రియల్‌ హీరో సోనూసూద్‌ బర్త్‌డే సందర్భంగా సోషల్‌ మీడియా వ్యాప్తంగా శుభాకాంక్షలు వెల్లువెత్తుతున్నాయి. సినీ ప్రముఖులు సహా సామాన్యులు ఆయనకు బర్త్‌డే విషెస్‌ తెలియజేస్తున్నారు. కరోనా కష్ట కాలంలో అన్ని వర్గాల ప్రజలకు చేతనైనంత సాయం చేసి ఎంతోమందికి ప్రత్యక్ష దైవంగా మారాడు సోనూసూద్‌ బర్త్‌డే సందర్భంగా ఆచార్య టీం ఆయనకు శుభాకాంక్షలు తెలిపింది. కొరటాల శివ దర్శకత్వంలో రూపొందుతున్న ఆచార్య సినిమాలో సోనూసూద్‌ కీలక పాత్రలో నటించనున్న సంగతి తెలిసిందే. సోనూసూద్‌ బర్త్‌డే సందర్భంగా ఆచార్యలో ఆయన లుక్‌ని రిలీజ్‌ చేసింది చిత్ర బృందం. నుదుట బొట్టు పెట్టుకుని పిల‌క‌తో సోనూసూద్ డిఫరెంట్‌ లుక్‌లో కనిపించారు. తెలుగు నాట  ఎక్కువగా విలన్‌ పాత్రలతో పాపులర్‌ అయిన సోనూసూద్‌ ఆచార్య లుక్‌ ఆకట్టుకుంటుంది. ఇక చిరంజీవి ప్రధానపాత్రలో రూపొందుతున్న ఈ సినిమాలో రామ్‌చరణ్‌ కీలకపాత్రలో కనిపించనున్నారు.  Team #Acharya wishes the versatile actor & man with a golden heart @SonuSood a very Happy Birthday. Megastar @KChiruTweets @AlwaysRamCharan @sivakoratala @MsKajalAggarwal @hegdepooja #ManiSharma @DOP_Tirru @NavinNooli @sureshsrajan #NiranjanReddy @MatineeEnt @KonidelaPro pic.twitter.com/sVTeANJKh0 — Konidela Pro Company (@KonidelaPro) July 30, 2021

HBD Sanjay Dutt: కన్నడ స్టార్‌ యశ్‌ హీరోగా, ప్రశాంత్‌ నీల్‌ దర్శకత్వంలో తెరకెక్కుతున్న పాన్‌ ఇండియా చిత్రం ‘కేజీఎఫ్‌ చాప్టర్‌ 2’. కేజీఎఫ్‌ ఘన విజయంతో ఈ మూవీకి సీక్వెల్‌గా కేజీఎఫ్‌ చాప్టర్‌ 2ను తెరకెక్కిస్తున్నారు. దీంతో ఈ పాన్‌ ఇండియా మూవీపై భారీ అంచనాలు నెలకొన్నాయి. ఇక ఈ సినిమాలో బాలీవుడ్‌ స్టార్‌ సంజయ్‌ దత్‌ కీలక పాత్రలో నటిస్తున్న సంగతి తెలిసిందే. గురువారం(జులై29)న సంజయ్‌ దత్‌ బర్త్‌డే సందర్భంగా 'కేజీఎఫ్ 2'లో అధీరాగా విలన్ పాత్ర చేస్తున్న సంజయ్‌ లుక్‌ను చిత్ర బృందం రిలీజ్‌ చేసింది. చేతిలో ఖడ్గం పట్టుకొని ఎంతో పవర్‌ఫుల్‌గా కనిపిస్తున్న సంజయ్‌ లుక్‌ విపరీతంగా ఆకట్టుకుంది. ప్రస్తుతం ఈ ఫోటో నెట్టింట వైరల్‌ అవుతుంది. యష్, సంజయ్ దత్ భారీ యాక్షన్ సన్నివేశం ఉందని, ఇది ప్రేక్షకులను ఎంతో థ్రిల్‌కు గురి చేస్తుందని ఇప్పటికే మేకర్స్‌ వెల్లడించారు. దీంతో కేజీఎఫ్‌ చాప్టర్‌ 2పై పాన్‌ఇండియా లెవల్‌లో భారీ అంచనాలు ఉన్నాయి. తెలుగు, హిందీ, తమిళం, మలయాళం, కన్నడ భాషలలో విడుదల కానున్న ఈ చిత్రం విడుదల తేదీని త్వరలోనే వెల్లడి కానుంది.  "War is meant for progress, even the vultures will agree with me" - #Adheera, Happy Birthday @duttsanjay sir.#KGFChapter2 @TheNameIsYash @VKiragandur @hombalefilms @TandonRaveena @SrinidhiShetty7 @excelmovies @VaaraahiCC @PrithvirajProd @DreamWarriorpic @LahariMusic pic.twitter.com/VqsuMXe6rT — Prashanth Neel (@prashanth_neel) July 29, 2021

పక్కా మాస్‌ లుక్‌లోకి మారిపోయారు నాగచైతన్య. గళ్ల లుంగీ, బనియన్‌తో ‘నేను మీ పక్కింటి అబ్బాయినే’ అనేట్లుగా కనిపించారు. సోమవారం చైతన్య బర్త్‌డే. ఈ సందర్భంగా తన తాజా చిత్రం ‘లవ్‌స్టోరి’లోని కొత్త లుక్‌ని విడుదల చేశారు. నాగచైతన్య, సాయిపల్లవి జంటగా శేఖర్‌ కమ్ముల దర్శకత్వంలో కె. నారాయణ్‌దాస్‌ నారంగ్, పి. రామ్మోహన్‌ రావు ఈ చిత్రాన్ని నిర్మించారు. ‘‘కొన్ని స్నేహాలు ఎంతో సంతోషాన్నిస్తాయి. చైతన్యతో కలిసి పని చేయడం అలాంటి ఆనందాన్నే ఇస్తుంది. హ్యాపీ బర్త్‌డే చైతన్య’’ అంటూ బర్త్‌డే శుభాకాంక్షలు చెప్పారు శేఖర్‌ కమ్ముల. నిర్మాతలు నారాయణ్‌దాస్‌ నారంగ్, పి. రామ్మోహన్‌ రావులతో పాటు సాయిపల్లవి కూడా చైతన్యకు పుట్టినరోజు శుభాకాంక్షలు తెలిపారు. ‘‘ఆహ్లాదకర ప్రేమకథగా తెరకెక్కించిన చిత్రమిది. ఇటీవలే చిత్రీకరణ పూర్తి చేసుకుని, నిర్మాణానంతర కార్యక్రమాలు జరుపుకుంటోంది. థియేటర్లు ప్రారంభించాక సినిమాను విడుదల చేయనున్నాం’’ అని చిత్రవర్గాలు పేర్కొన్నాయి. ఈ చిత్రానికి కెమెరా: విజయ్‌ సి. కుమార్, సంగీతం: పవన్‌ సి.హెచ్, సహనిర్మాత: భాస్కర్‌ కటకంశెట్టి, ఎగ్జిక్యూటివ్‌ ప్రొడ్యూసర్‌: ఐర్ల నాగేశ్వరరావు.

తెల్లటిగడ్డం, మెలితిరిగిన మీసాలు, ముఖంపై పచ్చబొట్టు, చేతిలో కత్తితో సంజయ్‌ దత్‌ కొత్త లుక్‌లో అభిమానులను ఆనందపరిచారు. సూపర్‌ హిట్‌ మూవీ ‘కె.జి.ఎఫ్‌’కి కొనసాగింపుగా రూపొందుతున్న ‘కె.జి.ఎఫ్‌ చాప్టర్‌–2’లో ఆయన విలన్‌ అధీరా పాత్రను పోషిస్తున్నారు. బుధవారం సంజయ్‌ దత్‌ పుట్టినరోజు (జూలై 29) సందర్భంగా అధీరా పోస్టర్‌ని విడుదల చేసింది చిత్రబృందం. ‘లుక్‌ అదిరే’ అనే ప్రశంసలు లభించాయి. యష్‌ హీరోగా ప్రశాంత్‌ నీల్‌ దర్శకత్వంలో ఈ చిత్రం రూపొందుతోంది. ‘‘హ్యాపీ బర్త్‌డే టు సంజూ బాబా. మా చిత్రంలో భాగమైనందుకు ఆయనకు ధన్యవాదాలు’’ అని ట్వీట్‌ చేశారు ప్రశాంత్‌. కైకాల సత్యనారాయణ సమర్పణలో హోంబలే ఫిలింస్‌ నిర్మిస్తోన్న ఈ చిత్రాన్ని తెలుగులో వారాహి చలనచిత్రం ద్వారా నిర్మాత సాయి కొర్రపాటి విడుదల చేస్తారు. ఈ చిత్రానికి సంగీతం: రవి బస్రూర్, కెమెరా: భువన్‌ గౌడ.

నటి, తమిళనాడు మాజీ ముఖ్యమంత్రి జయలలిత జీవితం ఆధారంగా ‘తలైవి’ అనే చిత్రం తెరకెక్కుతోన్న సంగతి తెలిసిందే. ఏఎల్‌ విజయ్‌ దర్శకత్వం వహిస్తున్న ఈ సినిమాలో జయలలిత పాత్రలో నటిస్తున్నారు బాలీవుడ్‌ ‘క్వీన్‌’ కంగనా రనౌత్‌. విష్ణువర్ధన్‌ ఇందూరి, శైలేష్‌ ఆర్‌.సింగ్‌ నిర్మిస్తున్నారు. సోమవారం (ఫిబ్రవరి 24) జయలలిత 72వ జయంతి. ఈ సందర్భంగా ఈ సినిమాలోని కంగన కొత్త లుక్‌ను విడుదల చేశారు. ‘‘జయ లలితగారు ఎందరికో స్ఫూర్తి. వెండితెరపై ఆమె పాత్రను ఎంతో అంకితభావంతో పోషిస్తూ, ఆ పాత్రకు జీవాన్నిస్తున్నారు కంగనా. ఈ ప్రాజెక్ట్‌లో ఆమె భాగం కావడం ఈ సినిమా క్వాలీటిని ఎన్నో రెట్లు పెంచింది’’ అన్నారు విజయ్‌. ‘‘ఎన్నో అడ్డంకులతో పోరాడి, వాటిని అధిగమించి, ఓ రాష్ట్రానికి ముఖ్యమంత్రి అయిన ఓ స్త్రీ గాథ ఈ చిత్రం’’ అన్నారు విష్ణువర్ధన్‌. తెలుగు, తమిళం, హిందీ భాషల్లో ఏకకాలంలో తెరకెక్కుతోంది ఈ చిత్రం.

దసరా పండగ వచ్చింది. సినీ ప్రియులకు కూడా పండగ తెచ్చింది. పలు సినిమాల అనౌన్స్‌మెంట్లు, ముహూర్తాలు, కొత్త లుక్స్‌ రిలీజ్‌తో సరదాలు తెచ్చింది. వెంకటేశ్, నాగచైతన్యల మల్టీస్టారర్‌ చిత్రం ‘వెంకీ మామ’ కొత్త పోస్టర్‌ రిలీజ్‌ చేశారు. ట్రాక్టర్‌ మీద జంటలతో మామాఅల్లుళ్ల సందడి చూడొచ్చు. మహేశ్‌ ‘సరిలేరు నీకెవ్వరు’, అల్లు అర్జున్‌ ‘అల వైకుంఠపురములో...’ దసరా స్పెషల్‌ లుక్స్‌ రిలీజ్‌ అయ్యాయి. ‘నిశ్శబ్ధం’లో మాధవన్‌ మ్యూజీషియన్‌ ఆంథనీలా కనిపించనున్నారు. ఇందులో అనుష్క ముఖ్య పాత్ర చేస్తున్న  సంగతి తెలిసిందే. సుబ్బు అనే కొత్త దర్శకుడిని పరిచయం చేస్తూ సాయితేజ్‌ ‘సోలో బతుకే సో బెటర్‌’ అనే సినిమా ముహూర్తం జరిగింది. బీవీఎస్‌ఎన్‌ ప్రసాద్‌ నిర్మాత. రాజ్‌ తరుణ్, షాలినీ పాండే జంటగా చేస్తున్న ‘ఇద్దరి లోకం ఒకటే’ లుక్‌ విడుదల అయింది. నందినీ రెడ్డి కొత్త చిత్రాన్ని స్వప్నాదత్, ప్రియాంకాదత్‌ నిర్మిస్తున్నట్టు ప్రకటించారు. దసరా సందర్భంగా నేడు మరికొన్ని చిత్రాల టీజర్‌లు, ట్రైలర్లు విడుదలకానున్నాయి.  ‘అల వైకుంఠపురములో’ అల్లు అర్జున్‌,  ‘నిశ్శబ్ధం’లో మాధవన్‌  ‘సరిలేరు నీకెవ్వరు’లో మహేశ్‌బాబు   బీవీఎస్‌ఎన్‌ ప్రసాద్, సాయి తేజ్‌   రాజ్‌ తరుణ్‌, షాలినీ పాండే

జనవరిలో ప్రేక్షకులను పలకరించడానికి రెడీ అవుతున్నారు ‘మిస్టర్‌ మజ్ను’. అఖిల్‌ హీరోగా ‘తొలిప్రేమ’ ఫేమ్‌ వెంకీ అట్లూరి దర్శకత్వంలో రూపొందుతున్న సినిమా ‘మిస్టర్‌ మజ్ను’. బీవీఎస్‌ఎన్‌ ప్రసాద్‌ నిర్మిస్తున్న ఈ సినిమాలో నిధి అగర్వాల్‌ కథానాయికగా నటిస్తున్నారు. ఇందులో అఖిల్‌ ప్లే బాయ్‌ క్యారెక్టర్‌లో కనిపిస్తారని తెలుస్తోంది. సినిమా చిత్రీకరణ తుది దశకు చేరుకుంది. దీపావళి సందర్భంగా అఖిల్‌ కొత్త లుక్‌ను విడుదల చేశారు. అలాగే ఈ సినిమాను వచ్చే ఏడాది జనవరిలో విడుదల చేయనున్నట్లు చిత్రబృందం అధికారికంగా ప్రకటించింది. అంటే కొత్త ఏడాదిలో అఖిల్‌ కొత్త కొత్తగా వస్తారన్నమాట. ఇంతకుముందే ఈ సినిమా ఫస్ట్‌ లుక్, టీజర్‌లను రిలీజ్‌ చేసిన సంగతి గుర్తుండే ఉంటుంది. ఈ సినిమా టాకీ పార్ట్‌ ఆల్మోస్ట్‌ పూర్తయిందట. ఫైట్స్, సాంగ్స్‌ మాత్రమే బ్యాలెన్స్‌ ఉన్నాయని సమాచారం. నాగబాబు, ప్రియదర్శి, జయప్రకాష్, హైపర్‌ ఆది ముఖ్య పాత్రలు పోషిస్తున్న ఈ సినిమాకు తమన్‌ సంగీతం అందిస్తున్నారు.

ఇక్కడున్న శ్రియ ఫొటోని చూశారా? రఫ్‌గా కనిపిస్తున్నారు కదా. లుక్‌ చూస్తుంటే ఇప్పటివరకూ చేయనటువంటి డిఫరెంట్‌ క్యారెక్టర్‌ చేశారనిపిస్తోంది.  ‘వీర భోగ వసంత రాయలు’ చిత్రంలోనే శ్రియ ఇలా కనిపించనున్నారు. నారా రోహిత్, శ్రియా శరణ్, సుధీర్‌ బాబు, శ్రీ విష్ణు ముఖ్య తారలుగా ఇంద్రసేన ఆర్‌. దర్శకత్వంలో బాబా క్రియేషన్స్‌ పతాకంపై అప్పారావ్‌ బెళ్ళన  ఈ చిత్రాన్ని నిర్మిస్తున్నారు. శ్రియ లుక్‌ని నారా రోహిత్‌ శుక్రవారం విడుదల చేసారు. ఆమె లుక్‌ చూసి ‘వావ్‌ .. వాట్‌ ఎ లుక్‌’ అంటున్నారు సినీ ప్రేమికులు, శ్రియ అభిమానులు. క్రైమ్‌ నేపథ్యంలో ఈ సినిమా తెరకెక్కుతోంది. శ్రీనివాసరెడ్డి, మనోజ్‌ నందన్, శశాంక్, రవి ప్రకాష్, నవీన్‌ నేని, చరిత్‌ మానస్, స్నేహిత్‌ , ఏడిద శ్రీరామ్, గిరిధర్, అనంత ప్రభు, రాజేశ్వరి, అశ్వితి నటిస్తున్న ఈ చిత్రానికి సంగీతం: మార్క్‌ కె.రాబిన్, కెమెరా: ఎస్‌. వెంకట్‌.

ఎనర్జీకి ఎగ్జామ్‌పుల్‌గా ఉంటారు హీరో రామ్‌. ఆ ఎనర్జీతో సిల్వర్ర్‌ స్కీన్‌పై మరోసారి మ్యాజిక్‌ చేయడానికి రెడీ అవుతున్నారాయన. ‘నేను లోకల్‌’ ఫేమ్‌ నక్కిన త్రినాథరావు దర్శకత్వంలో రామ్‌ హీరోగా ఓ సినిమా రూపొందనున్న సంగతి తెలిసిందే. ఈ సినిమా షూటింగ్‌ మార్చి 8న స్టార్ట్‌ కానుంది. ‘‘నా నెక్ట్స్‌ సినిమా మార్చి 8న స్టార్ట్‌ కానుంది. సూపర్‌ చార్జ్‌డ్‌’’ అని పేర్కొన్నారు హీరో రామ్‌. బ్యూటీఫుల్‌ లవ్‌స్టోరీగా రూపొందనున్న ఈ సినిమాలో అనుపమా పరమేశ్వరన్‌ హీరోయిన్‌ అని సమాచారం. 


 ఎన్టీఆర్.. పూరీ జగన్నాథ్ కాంబినేషన్లో వస్తున్న టెంపర్ సినిమాలో హీరో కొత్త లుక్ విడుదలైంది. దర్శకుడు పూరీ జగన్నాథ్ తన ట్విట్టర్ అకౌంట్ ద్వారా ఎన్టీఆర్ మంచి స్టైలిష్గా.. టేబుల్ మీద కాలు పెట్టుకుని కుర్చీలో కూర్చున్న ఫొటోను బయటపెట్టారు. ఈ ఫొటోలో ఎన్టీఆర్ బాగా రఫ్గా కనిపిస్తున్నాడు. దీన్ని చూసి.. టెంపర్ చిత్రం మీద ప్రేక్షకుల్లో అంచనాలు మరింతగా పెరిగాయి.
 
 ఎన్టీఆర్ సరసన కాజల్ అగర్వాల్ నాయికగా నటిస్తున్న ‘టెంపర్’ సినిమాను వాస్తవానికి సంక్రాంతి కానుకగా ప్రేక్షకుల ముందుకు తీసుకురావాలని దర్శక, నిర్మాతలు భావించారు. అయితే, దాదాపు పదిరోజుల పాటు సాగిన తెలుగు సినీ కార్మికుల సమ్మె, ఆ వెంటనే ఎన్టీఆర్ సోదరుడు నందమూరి జానకీరామ్ రోడ్డు ప్రమాదంలో ఆకస్మిక మృతితో షూటింగ్‌కు బ్రేక్ పడింది. తర్వాత మళ్లీ హైదరాబాద్లో శరవేగంగా షూటింగ్ చేసుకుంటోంది.