అభ్యుదయ దర్శకుడు 'బాబ్జీ'- తూలికా తనిష్క్ క్రియేషన్స్ పతాకంపై బెల్లి జనార్ధన్ తన తొలి ప్రయత్నంగా నిర్మిస్తున్న చిత్రం 'పోలీస్ వారి హెచ్చరిక'. ఈ  చిత్రం షూటింగ్‌ శరవేగంగా జరుగుతుంది. దసరా పండగ రోజున ఈ సినిమా ప్రారంభోత్సవం ఘనంగా జరిగింది. ఈ చిత్రం తాలుకు షూటింగ్ కార్యక్రమాలు హైదరాబాద్‌ పరిసర ప్రాంతాల్లో జరుగుతుంది. ఇప్పటికే సుమారు 50 శాతం షూటింగ్‌ పూర్తి అయింది. ఇప్పటి వరకు జరిగిన షూటింగ్‌లో సినిమాలోని కీలక ఘట్టాలతో పాటు మూడు పాటలు, రెండు ఫైట్‌లను చిత్రీకరించారు.  డిసెంబర్ మొదటివారంలో ఈ చిత్రం తాలూకు షూటింగ్ మొత్తం పూర్తవుతుందని  దర్శకుడు బాబ్జీ తెలిపారు. ఈ సినిమ కథ గురించి ఆయన ఇలా చెప్పాడు. 'మన పిల్లలకు, మన కుటుంబానికి పంచే ప్రేమలో కొంతయినా మన చుట్టూ వుండే అనాథ బాలలకు కూడా పంచాలి. మన పిల్లల భవిష్యత్ గురించి చేసే ఆలోచనలో, తీసుకునే జాగ్రత్తలో కొంతయినా మన కళ్ల ముందు తిరుగుతున్న అనాథల విషయంలో ప్రదర్శించకపోతే వారు సంఘ వ్యతిరేక శక్తుల చేతుల్లో చిక్కుకొని సమాజాన్ని నాశనం చేసే నేరస్థులుగా మారే ప్రమాదం ఉందని చెప్పడమే ఈ 'పోలీస్‌ వారి హెచ్చరిక'. అని ఆయన చెప్పారు. ఈ సినిమా గురించి నిర్మాత బెల్లి జనార్ధన్ ఇలా చెప్పారు. ' భారత సైన్యంలో దేశరక్షణ కోసం పనిచేసిన నేను మొట్టమొదటి సారిగా సినిమా నిర్మాణంలోకి అడుగుపెట్టాను , దర్శకులు బాబ్జీ చెప్పిన కథలో ఉన్న సమాజానికి, దేశానికి ఉపయోగపడే గొప్ప సందేశం నచ్చి ఈ చిత్రాన్ని నిర్మిస్తున్నాను. నటీనటులు, సాంకేతిక వర్గం మనస్ఫూర్తిగా అందిస్తున్న సహకారంతో ఈ చిత్రాన్ని సింగిల్ షెడ్యూల్లో పూర్తి చేయబోతున్నాం.' అని నిర్మాత పేర్కొన్నారు. పాన్ ఇండియా నటుడిగా ఎదుగుతున్న అజయ్ ఘోష్ గతంలో ఏ చిత్రంలోనూ చేయని గొప్ప పాత్రను ఈ చిత్రంలో చేస్తున్నారని, ఆ పాత్ర ఈ చిత్రానికే ఆయువు పట్టు లాంటిదని నిర్మాత బెల్లి జనార్దన్ తెలిపారు.

కెప్టెన్ కుక్ ఫిలిమ్స్ పతాకంపై 7:11PM  చిత్రం ఫేమ్ సాహస్ పగడాల హీరోగా నటించిన సినిమా 'ధీమహి'. విరాట్ కపూర్, సాహస్ పగడాల సంయుక్తంగా నిర్మిస్తున్నారు. ఈ చిత్రానికి సాహస్ పగడాల, నవీన్ కంటె దర్శకులు. ఇందులో నిఖిత చోప్రా హీరోయిన్. షారోన్ రవి సంగీతం అందించారు. షూటింగ్, నిర్మాణానంతర కార్యక్రమాలు పూర్తి చేసుకుని  విడుదలకు సిద్ధంగా ఉంది. ఈ సందర్భంగా ఈ చిత్రానికి సంబంధించిన మొదటి పోస్టర్‌ను మేకర్స్‌ విడుదల చేశారు.  (ఇదీ చదవండి: కుమారుడి కోసం ఏడ్చేవాడు.. రఘువరన్‌ మృతిపై తొలిసారి మాట్లాడిన సోదరుడు) అనంతరం చిత్ర యూనిట్ మాట్లాడుతూ 'ధీమహి చిత్రం చాలా కొత్తగా ఉంటుంది. 7:11 చిత్రంలో నటించిన సాహస్ పగడాల ఈ చిత్రంలో నటిస్తూ, స్వీయ దర్శకత్వం వహించారు. ఇది ఒక థ్రిల్లర్ చిత్రం. షూటింగ్,  నిర్మాణానంతర కార్యక్రమాలు పూర్తి అయ్యాయి. మా చిత్రంలోని పాటలను త్వరలో జీ మ్యూజిక్ కంపెనీ ద్వారా విడుదల చేస్తాము.  ప్రస్తుతం సెన్సార్ పనుల్లో ఉన్నాము. సినిమా చాలా కొత్తగా ఉంటుంది, త్వరలోనే ట్రైలర్‌తో మీముందుకు వస్తాం. ఆపై రిలీజ్ డేట్‌ను కూడా ప్రకటిస్తాం.' అని తెలిపారు. 

‘‘తరుణ్‌ తేజతో కలిసి మా అబ్బాయి బాపినీడు హారర్‌ జోనర్‌లో ‘అశ్విన్స్‌’ సినిమా నిర్మించాడు. ఈ చిత్రం విజువల్స్, సౌండింగ్‌ అద్భుతంగా ఉన్నాయి. ఈ సినిమా ప్రేక్షకులకు సరికొత్త అనుభూతినిస్తుంది’’ అని నిర్మాత బీవీఎస్‌ఎన్‌ ప్రసాద్‌ అన్నారు. వసంత్‌ రవి హీరోగా, విమలా రామన్‌ కీ రోల్‌లో నటించిన చిత్రం ‘అశ్విన్స్‌’.  తరుణ్‌ తేజ దర్శకత్వంలో బాపినీడు బి. సమర్పణలో బీవీఎస్‌ఎన్‌ ప్రసాద్‌ నిర్మించిన ఈ సినిమా నేడు రిలీజవుతోంది. ఈ సందర్భంగా తరుణ్‌ తేజ మాట్లాడుతూ– ‘‘అశ్విన్స్‌’ కాన్సెప్ట్‌తో ఓ షార్ట్‌ ఫిల్మ్‌ తీశాను. అది చూసిన బాపినీడుగారు అదే కాన్సెప్ట్‌ను ఫీచర్‌ ఫిల్మ్‌లా చేద్దామన్నారు. ప్రసాద్‌గారు, బాపినీడుగారి సహకారంతో ఈ సినిమా చేశాను’’ అన్నారు. ‘‘అశ్విన్స్‌’ తరుణ్‌ కల.. దాన్ని నెరవేర్చిన నిర్మాతలకు థ్యాంక్స్‌’’ అన్నారు విమలా రామన్‌. ‘‘తెలుగు ప్రేక్షకుల ముందుకు ‘అశ్విన్స్‌’ వంటి మంచి చిత్రంతో రావటం హ్యాపీగా ఉంది’’ అన్నారు వసంత్‌ రవి.   

ఈ ఏడాది చివరి మాసంలో సినీ ప్రియులకు కావాల్సినంత వినోదం పంచనుంది. ఈ వారంలోనే ఏకంగా 15కు పైగా చిత్రాలు డిసెంబరు 9న విడుదల చేయనున్నట్లు చిత్ర బృందాలు ప్రకటించాయి. మరి విడుదలకు సిద్ధమైన ఆ సినిమాల జాబితాపై ఓ లుక్కేద్దాం పదండి.  పంచతంత్రం:  బ్ర‌హ్మానందం, కలర్స్ స్వాతి, స‌ముద్ర‌ఖ‌ని, శివాత్మిక రాజ‌శేఖ‌ర్, రాహుల్ విజ‌య్, నరేష్‌ అగస్త్య, దివ్య శ్రీపాద  ప్ర‌ధాన పాత్ర‌ల‌లో న‌టిస్తున్న చిత్రం ‘పంచతంత్రం’. హర్ష పులిపాక దర్శకత్వం వహిస్తున్న ఈ చిత్రాన్ని  టికెట్‌ ఫ్యాక్టరీ, ఎస్‌ ఒరిజినల్స్‌ బ్యానర్స్‌పై అఖిలేష్‌ వర్ధన్‌, సృజన్‌ ఎరబోలు సంయుక్తంగా నిర్మిస్తున్నారు. డిసెంబర్‌ 9న ప్రపంచ వ్యాప్తంగా ఈ చిత్రాన్ని విడుదల చేయబోతున్నట్లు వెల్లడించారు.  (ఇది చదవండి: వీఆర్‌ఎల్‌ వ్యవస్థాపకుడు విజయ్‌ శంకేశ్వర్‌ బయోపిక్‌గా ‘ ‘విజయానంద్‌’) గుర్తుందా శీతాకాలం: యంగ్ హీరో సత్యదేవ్, మిల్కీ బ్యూటీ తమన్నా,  కావ్య శెట్టి, మేఘా ఆకాష్, ప్రియద‌ర్శి, సుహ‌సిని త‌దిత‌రులు న‌టించిన  సినిమా 'గుర్తుందా శీతాకాలం'.  క‌న్నడలో విడుద‌లై సూప‌ర్ హిట్ అయిన ‘ల‌వ్ మాక్‌టైల్’ చిత్రం ఆధారంగా తెరకెక్కించిన ఈ సినిమాకు నాగశేఖర్‌ దర్శకత్వం వహించారు. వేదాక్ష‌ర ఫిల్మ్స్ , నాగ‌శేఖ‌ర్ మూవీస్,  మ‌ణికంఠ ఎంట‌ర్‌టైన్‌మెంట్స్ బ్యానర్స్‌పై నిర్మాత‌లు చింత‌పల్లి రామారావు, భావ‌న ర‌వి, నాగ‌శేఖ‌ర్ లు సంయుక్తంగా  నిర్మించారు. అన్ని కార్యక్రమాలు పూర్తి చేసుకున్న ఈ చిత్రం డిసెంబ‌ర్ 9న ప్రేక్షకుల ముందుకు రాబోతుంది. ముఖచిత్రం: విశ్వక్‌సేన్‌, ఆయేష్‌ఖాన్‌, ప్రియ వడ్లమాని, చైతన్యరావు, వికాస్‌ వశిష్ట, రవిశంకర్‌ ప్రధానపాత్రల్లో తెరకెక్కిన చిత్రం 'ముఖచిత్రం'. ఈ చిత్రానికి గంగాధర్‌ దర్శకత్వం వహించగా.. కాలభైరవ సంగీతమందించారు. ఈనెల 9న ఈ మూవీ థియేటర్లలో సందడి చేయనుంది.  ప్రేమదేశం:  త్రిగుణ్, మేఘా ఆకాష్‌ జంటగా నటించిన చిత్రం ‘ప్రేమదేశం’. శ్రీకాంత్‌ సిద్ధమ్‌ దర్శకత్వం వహించిన ఈ చిత్రంలో మధుబాల ప్రత్యేక పాత్రలో నటించారు. శిరీష సిద్ధమ్‌ నిర్మించిన ఈ సినిమా ఈనెల 9న రిలీజ్‌ కానుంది. ఈ   చిత్రానికి మణిశర్మ సంగీతమందించారు. ఈనెల 9న థియేటర్లలో సందడి  చేయనుంది ఈ చిత్రం.    చెప్పాలని ఉంది: సూపర్‌ గుడ్‌ ఫిల్మ్స్‌ బ్యానర్‌పై ఆర్‌బీ చౌదరి సమర్పణలో రూపొందిన 94వ చిత్రం ‘చెప్పాలని ఉంది’. ‘ఒక మాతృభాష కథ’ అనేది ఉపశీర్షిక. యష్‌ పూరి, స్టెఫీ పటేల్‌ జంటగా అరుణ్‌ భారతి దర్శకత్వంలో తెరకెక్కింది. వాకాడ అంజన్‌ కుమార్, యాగేష్‌ కువర్‌ నిర్మింన ఈ సినిమా డిసెంబర్‌ 9న విడుదలవుతోంది. (ఇది చదవండి: అభిమాని కాళ్లు పట్టుకున్న స్టార్‌ హీరో.. ఫోటో వైరల్‌) లెహరాయి: రంజిత్, సౌమ్య మీనన్ హీరో హీరోయిన్లుగా నటిస్తున్న చిత్రం ‘లెహరాయి’. బెక్కం వేణుగోపాల్ సమర్పణలో ఎస్‌ఎల్‌ఎస్‌ మూవీస్ ప్రొడక్షన్ నిర్మిస్తున్న ఈ చిత్రంలో ధర్మపురి ఫేమ్ గగన్ విహారి, రావు రమేష్, సీనియర్ నరేష్, అలీ ఇతర కీలక పాత్రల్లో నటించారు. రామకృష్ణ పరమహంస ఈ ప్రాజెక్ట్‌తో దర్శకుడిగా పరిచయం అవుతున్నాడు. ఇప్పటికే ఈ సినిమా నుంచి  విడుదలైన పాటలు ప్రేక్షకులను ఆకట్టుకున్నాయి. ఈ చిత్రం ఈనెల 9న విడుదలయ్యేందుకు సిద్ధమైంది.  ‘నమస్తే సేట్‌ జీ’:  తల్లాడ సాయి కృష్ణ దర్శకత్వం వహిస్తూ,హీరోగా నటించిన చిత్రం ‘నమస్తే సేట్‌ జీ’. శ్రీ అన్నపూర్ణ క్రియేషన్స్ బ్యానర్‌పై తల్లాడ శ్రీనివాస్ నిర్మిస్తున్న ఈ చిత్రంలో స్వప్న చౌదరి, మోన, రేఖ హీరోయిన్లుగా నటించారు. ఇటీవల సెన్సార్ పూర్తి చేసుకొని క్లీన్ "యూ" సర్టిఫికెట్‌ని అందుకున్న ఈ సినిమా డిసెంబర్‌ 9న ప్రేక్షకులను పలకరించనుంది. రాజయోగం: సాయి రోనక్, అంకిత సాహా, బిస్మి నాస్ హీరో హీరోయిన్లుగా నటిస్తున్న చిత్రం 'రాజయోగం'. నవబాలా క్రియేషన్స్, వైష్ణవి నటరాజ్ ప్రొడక్షన్స్ పతాకాలపై మణి లక్ష్మణ్ రావు నిర్మిస్తున్నారు. రామ్ గణపతి దర్శకత్వం వహిస్తున్నారు. షూటింగ్ పూర్తి చేసుకున్న ఈ సినిమా డిసెంబర్ 9న విడుదలకు సిద్ధమవుతోంది.  డేంజరస్‌: అప్సరా రాణి, నైనా గంగూలీ ప్రధాన పాత్రల్లో కంపెనీ పతాకంపై రామ్‌గోపాల్‌ వర్మ స్వీయ దర్శకత్వంలో రూపొందిన చిత్రం ‘డేంజరస్‌’. ‘మా ఇష్టం’ అనేది క్యాప్షన్‌. ఈ సినిమా డిసెంబరు 9న విడుదల కానుంది.  విజయానంద్‌: దేశంలోనే అతి పెద్ద లాజిస్టిక్‌ కంపెనీల్లో ఒకటైన వీఆర్‌ఎల్‌ వ్యవస్థాపకుడు విజయ్‌ శంకేశ్వర్‌ బయోపిక్‌ చిత్రం ‘విజయానంద్‌’. విజయ్‌ శంకేశ్వర్‌ పాత్రలో నిహాల్‌ నటించిన ఈ చిత్రానికి రిషికా శర్మ దర్శకత్వం వహించారు. ఆనంద్‌ శంకేశ్వర్‌ నిర్మించిన ఈ పాన్‌ ఇండియా మూవీని డిసెంబర్‌ 9న విడుదల చేయనున్నట్లు చిత్రబృందం ప్రకటించింది. ఓటీటీలో సందడి చేయనున్న సినిమాలు అమెజాన్‌ ప్రైమ్‌  బ్లాక్‌ ఆడమ్‌ (హాలీవుడ్‌ మూవీ) డిసెంబరు 10 జీ5  మాచర్ల నియోజకవర్గం (తెలుగు) డిసెంబరు 9  బ్లర్‌ (హిందీ) డిసెంబరు 9  మాన్‌సూన్‌ రాగా (కన్నడ) డిసెంబరు 9 సోనీలివ్‌ లైక్‌ షేర్‌ అండ్‌ సబ్‌స్క్రైబ్‌ (తెలుగు) డిసెంబరు 9  రాయ్‌ (మలయాళం) డిసెంబరు 9 ఫాదూ (హిందీ సిరీస్‌) డిసెంబరు 9 విట్నెస్‌ (తమిళ్‌ చిత్రం) డిసెంబరు 09 నెట్‌ఫ్లిక్స్‌  నజర్‌ అందాజ్‌ (హిందీ) డిసెంబరు 4 సెబాస్టియన్‌ మానిస్కాల్కో: ఈజ్‌ ఇట్‌మి (హాలీవుడ్‌) డిసెంబరు 06  ది ఎలిఫెంట్‌ విస్పరర్స్‌ (తమిళ్‌) డిసెంబరు 08 క్యాట్‌ (హిందీ సిరీస్‌)డిసెంబరు 09  మనీ హైస్ట్‌: కొరియా జాయింట్‌ ఎకనామిక్‌ ఏరియా (వెబ్‌సిరీస్‌2)డిసెంబరు 09  ఊర్వశివో రాక్షసివో (తెలుగు) డిసెంబరు 09 ఆహా ఊర్వశివో రాక్షసివో (తెలుగు) డిసెంబరు 09 డిస్నీ+హాట్‌స్టార్‌  మూవింగ్‌ విత్‌ మలైకా (వెబ్‌సిరీస్‌) డిసెంబరు 05 కనెక్ట్‌(కొరియన్‌ సిరీస్‌) డిసెంబరు 07  ఫాల్‌ (తమిళ్‌) డిసెంబరు 09

టాలీవుడ్‌లో ప్రస్తుతం చిన్న చిత్రాల హవా కొనసాగుతోంది. చిన్న సినిమా అయినా కంటెంట్ బాగుంటే ప్రేక్షకులు ఆదరిస్తున్నారు. ఈ నేపథ్యంలో ఈ వారం కూడా అభిమానులకు వినోదం పంచేందుకు పలు చిత్రాలు సిద్ధమవుతున్నాయి. కాగా దసరాకు పెద్ద సినిమాల తాకిడి, థియేటర్ల సమస్య తలెత్తే అవకాశం ఉంది. దీంతో కాస్త ముందుగానే పలువురు యంగ్‌ హీరోలు ఆడియన్స్‌లో పలకరించబోతున్నారు. మరి ఆ చిత్రాలేవి, ఈ వారం థియేటర్లు, ఓటీటీలో విడుదలయ్యే సినిమాలపై ఓ లుక్కేద్దామా! కృష్ణ వ్రింద విహారి: గశౌర్య, షెర్లీ జంటగా నటించిన చిత్రం 'కృష్ణ వ్రింద విహారి'. ఈ సినిమాలో వెన్నెల కిషోర్ ప్రధాన పాత్రలో నటిస్తున్నారు. ఈ చిత్రానికి అనీశ్ ఆర్ కృష్ణ దర్శకత్వం వహించగా.. మహతి స్వర సాగర్‌ సంగీతమందిస్తున్నారు. కాగా ఈ చిత్రం ఈనెల 23న థియేటర్లలో ఎంట్రీ ఇవ్వనుంది.  అల్లూరి: శ్రీ విష్ణు, కయాదు లోహర్ కాంబినేషన్‌లో వస్తున్న చిత్రం 'అల్లూరి'. ఈ సినిమాలో తనికెళ్ల భరణి, సుమన్ ప్రధాన పాత్రల్లో నటిస్తున్నారు.  ఈ చిత్రానికి ప్రదీప్ వర్మ దర్శకత్వం వహించగా.. హర్షవర్ధన్ రామేశ్వర్ సంగీతం సమకూర్చారు. ఇటీవల నిర్వహించిన ఈ సినిమా ప్రీ రిలీజ్ ఈవెంట్‌ స్టార్‌ హీరో అల్లు అర్జున్ హాజరై చిత్రబృందాన్ని అభినందించారు. ఈ చిత్రం సెప్టెంబర్ 23న థియేటర్లలో ప్రేక్షకులను పలకరించనుంది.    దొంగలున్నారు జాగ్రత్త:  సింహా కోడూరి, సముద్రఖని, ప్రీతి అస్రాని ప్రధాన పాత్రల్లో తెరకెక్కిన చిత్రం 'దొంగలున్నారు జాగ్రత్త'. ఈ చిత్రానికి సతీశ్ త్రిపుర దర్శకత్వం వహించగా.. కాలభైరవి సంగీత స్వరాలు అందించారు. ఈ వారంలోనే 23వ తేదీన ప్రేక్షకులకు థియేటర్లలో కనువిందు చేయనుంది.  మాతృదేవోభవ: పంచానికి అమ్మ విలువను చాటిచెప్పేలా రూపొందించిన చిత్రం మాతృదేవోభవ. ఈ సినిమాలో సుధ, చమ్మక్‌ చంద్ర, రఘుబాబు ప్రధాన పాత్రలు పోషించారు. ఈ చిత్రానికి కె.హరనాథ్ రెడ్డి దర్శకత్వం వహించగా.. జయసూర్య సంగీత బాణీలు సమకూర్చారు. అయితే ఈ చిత్రాన్ని ప్రపంచవ్యాప్తంగా దాదాపు 500 థియేటర్లలో ఈనెల 24 విడుదల చేయనున్నారు. పగ పగ పగ:  ప్రముఖ దర్శకుడు కోటి మొదటిసారి ఓ విలక్షణ పాత్రలో కనిపిస్తున్న చిత్రం పగ పగ పగ. సుంకర బ్రదర్స్ వారి సమర్పణలో అభిలాశ్ సుంకర, దీపిక ఆరాధ్య హీరో, హీరోయిన్లుగా ఈ చిత్రం రాబోతోంది. వినోదాత్మకంగా సాగే క్రైమ్ యాక్షన్ థ్రిల్లర్‌గా ఈ చిత్రాన్ని తెరకెక్కించారు డైరెక్టర్ శ్రీ రవి దుర్గా ప్రసాద్. అయితే ఈ చిత్రాన్ని ఈనెల 22న విడుదల చేయనుండగా ఫస్ట్‌ డే ఫస్ట్‌ షోను ప్రేక్షకులకు ఉచితంగా చూపించనున్నట్లు చిత్ర యూనిట్ ప్రకటించింది.  ఈ వారం ఓటీటీలో వచ్చే చిత్రాలు/వెబ్‌సిరీస్‌లు ఇవే! నెట్‌ఫ్లిక్స్‌ * ద పెర్‌ఫ్యూమర్‌ (హాలీవుడ్‌) సెప్టెంబరు 21 * జంతరా (హిందీ సిరీస్‌) సెప్టెంబరు 23 * ఎల్‌వోయూ (హాలీవుడ్‌) సెప్టెంబరు 23 డిస్నీ+హాట్‌స్టార్‌ * అందోర్‌  (వెబ్‌సిరీస్‌)  సెప్టెంబరు 21 * ద కర్దాషియన్స్‌ (వెబ్‌సిరీస్‌2) సెప్టెంబరు 22  * బబ్లీ బౌన్సర్‌ (తెలుగు) సెప్టెంబరు 23 ఆహా * ఫస్ట్‌ డే ఫస్ట్‌ షో (తెలుగు) సెప్టెంబరు 23 * డైరీ (తమిళ చిత్రం) సెప్టెంబరు 23 అమెజాన్‌ ప్రైమ్‌ * డ్యూడ్‌ (హిందీ సిరీస్‌) సెప్టెంబరు 20 * హుష్‌ హుష్‌ (హిందీ సిరీస్‌) సెప్టెంబరు 22 జీ5 * అతిథి భూతో భవ (హిందీ) సెప్టెంబరు 22  

చిరంజీవి అభిమానులకు శుభవార్త. ఆయన హీరోగా నటిస్తున్న తాజా చిత్రాల్లో ఓ చిత్రం వచ్చే ఏడాది సంక్రాంతికి విడుదల కానుంది. బాబీ (కేఎస్‌ రవీంద్ర) దర్శకత్వం వహిస్తున్న ఈ చిత్రంలో శ్రుతీహాసన్‌ హీరోయిన్‌. మైత్రీ మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మిస్తున్న ఈ సినిమా షూటింగ్‌ 40 శాతం పూర్తయింది. ఈ సందర్భంగా ‘కలుద్దాం సంక్రాంతికి.. జనవరి 2023’ అంటూ శుక్రవారం పోస్టర్‌ ద్వారా సినిమా విడుదల తేదీని ప్రకటించింది చిత్రయూనిట్‌. ‘‘మాస్‌ యాక్షన్‌ ఎంటర్‌టైనర్‌గా తెరకెక్కుతున్న చిత్రమిది. చిరంజీవిని గతంలో చూడని మాస్‌ అప్పీలింగ్, పవర్‌ ప్యాక్‌ పాత్రలో చూపించబోతున్నారు బాబీ. ఈ సినిమా తర్వాతి షెడ్యూల్‌ను జూలైలో ప్రారంభిస్తాం’’ అన్నారు నిర్మాతలు. ఈ చిత్రానికి సంగీతం: దేవిశ్రీ ప్రసాద్, కెమెరా: ఆర్థర్‌ ఎ విల్సన్, సహనిర్మాతలు: జీకే మోహన్, ప్రవీణ్‌ ఎం, సీఈవో: చెర్రీ, లైన్‌ ప్రొడ్యూసర్‌: బాలసుబ్రహ్మణ్యం కేవీవీ.    

‘‘ఇన్నేళ్ల నా కెరీర్‌లో ‘ఆ నలుగురు’, ‘మీ శ్రేయోభిలాషి’ కథలను విన్నప్పుడు షాకయ్యాను. కానీ దర్శకుడు వెంకటేశ్‌ ‘అనుకోని ప్రయాణం’ కథ చెప్పినప్పుడు ఫ్రీజ్‌ అయ్యాను’’ అని ప్రముఖ నటుడు రాజేంద్రప్రసాద్‌ అన్నారు. పెదిరెడ్ల వెంకటేశ్‌ దర్శకత్వంలో రాజేంద్రప్రసాద్, నరసింహరాజు ప్రధాన పాత్రధారులుగా డా. జగన్‌మోహన్‌ నిర్మించిన చిత్రం ‘అనుకోని ప్రయాణం’. ఈ సినిమా రిలీజ్‌కు సిద్ధమైంది. నిర్మాత బెక్కం వేణుగోపాల్‌ సమర్పణలో ఈ చిత్రం ప్రేక్షకుల ముందుకు రానుంది. ఈ సందర్భంగా సోమవారం జరిగిన విలేకర్ల సమావేశంలో రాజేంద్రప్రసాద్‌ మాట్లాడుతూ– ‘‘కరోనా సమయంలో వలస కూలీల ప్రయాణం నుంచి పుట్టిన కథ ఇది. ఇద్దరి స్నేహితుల కథ. నరసింహరాజుగారిలాంటి గొప్ప నటుడితో కలిసి యాక్ట్‌ చేయడం చాలా ఆనందంగా ఉంది’’ అని అన్నారు. ‘‘రాజేంద్రప్రసాద్‌గారిలాంటి వారు ఈ కథను ఒప్పుకున్నారంటేనే విజయం కింద లెక్క. డాక్టర్‌ అయిన జగన్‌మోహన్‌ నిర్మాణంలోకి రావడం చాలా సంతోషంగా ఉంది’’ అన్నారు నరసింహరాజు. ‘‘రాజేంద్రప్రసాద్, నరసింహరాజు వంటి నటులు నా సినిమాలో నటించడం ఆనందంగా ఉంది’’ అన్నారు దర్శకుడు వెంకటేశ్‌.     

A Women Cried After Watching The Kashmir Files Movie: సామాజిక అంశాలను తన సినిమాలతో వేలెత్తి చూపే బాలీవుడ్‌ దర్శకులలో వివేక్ అగ్నిహోత్రి ఒకరు. ఆయన డైరెక్షన్‌లో తెరకెక్కిన తాజా చిత్రం 'ది కశ్మీర్‌ ఫైల్స్‌'. బాలీవుడ్‌ దిగ్గజ నటులు అనుపమ్‌ ఖేర్‌, మిథున్ చక్రవర్తి, దర్శన్‌ కుమార్‌, పల్లవి జోషి కీలక పాత్రల్లో నటించారు. 1990లో కశ్మీర్‌ పండిట్‌లపై సాగిన సాముహిక హత్యాకాండ నేపథ్యంలో రూపొందింది ఈ సినిమా. ఈ సినిమా మార్చి 11న విడుదలై ప్రేక్షకుల నుంచే కాకుండా విమర్శకుల నుంచి ప్రశంసలు అందుకుంటోంది. ఇటీవల ఈ సినిమాకు పన్ను మినహాయింపును ఇచ్చింది హర్యానా ప్రభుత్వం. హర్యానా ప్రభుత్వపు అధికారిక ట్విటర్‌ హ్యాండిల్‌లో ట్యాక్స్‌ రద్దు చేస్తున్నట్లు ప్రకటించింది. 'ది కశ్మీర్‌ ఫైల్స్‌ అనే సినిమాకు హర్యానా ప్రభుత్వం పన్ను మినహాయింపు ఇస్తుంది' అని ట్వీట్‌ చేసింది.    हरियाणा सरकार ने फिल्म #TheKashmirFiles को राज्य में टैक्स फ्री कर दिया है। #Haryana #DIPRHaryana pic.twitter.com/Zg8XWC8OoV — DPR Haryana (@DiprHaryana) March 11, 2022 बहुत आभार माननीय @mlkhattar जी। corona काल की आर्थिक समस्याओं के बाद सामान्य परिवारों को यह फ़िल्म देखने में आपका यह निर्णय काफ़ी मदद करेगा। साथ ही सिनेमा हॉल का व्यवसाय भी मज़बूती पकड़ेगा। 🙏🙏🙏 https://t.co/VNZNqcai9U — Vivek Ranjan Agnihotri (@vivekagnihotri) March 11, 2022 ఈ విషయంపై మూవీ డైరెక్టర్‌ వివేక్‌ అగ్ని హోత్రి స్పందించారు. తన సినిమాకు పన్ను మినహాయింపు చేసినందుకు హర్యానా ప్రభుత్వానికి, ఆ రాష్ట్ర ముఖ్యమంత్రి మనోహర్‌ లాల్‌ ఖట్టర్‌కు కృతజ్ఞతలు తెలుపుతూ రీట్వీట్ చేశారు. ఇదిలా ఉంటే ఈ సినిమాకు ప్రేక్షకులు బ్రహ్మరథం పడుతున్నారు. ఈ సినిమా చూసిన అనేక మంది ప్రేక్షకులు భావోద్వేగానికి లోనయి కంటతడి పెట్టుకున్నారు. దీనికి సంబంధించిన వీడియోను క్రికెటర్‌ సురేష్‌ రైనా తన ట్విటర్‌ హ్యాండిల్‌లో షేర్‌ చేశారు. ఈ వీడియోలో ఒక మహిళ వివేక్‌ పాదాలు తాకడం, సినిమా గురించి తన భావాన్ని వ్యక్తపరుస్తూ బిగ్గరగా ఏడవడం మనం చూడొచ్చు. అనంతరం డైరెక్టర్‌ వివేక్‌, నటుడు దర్శన్‌ కుమార్‌ ఆ మహిళను ఓదార్చారు. ఆమె కన్నీళ్లు పెట్టుకోవడం చూసి డైరెక్టర్‌, దర్శన్ కుమార్‌ సైతం కంటతడి పెట్టుకున్నారు.  Presenting #TheKashmirFiles It’s your film now. If the film touches your heart, I’d request you to raise your voice for the #RightToJustice and heal the victims of Kashmir Genocide.@vivekagnihotri @AnupamPKher @AdityaRajKaul pic.twitter.com/Gnwg0wlPKU — Suresh Raina🇮🇳 (@ImRaina) March 11, 2022

Vidya Balan Jalsa Movie Released In OTT: కరోనా ప్రభావంతో థియేటర్లు మూతపడ్డాయి. దీంతో సినిమాలకు ప్రత్యామ్నాయంగా కనిపించినవి ఓటీటీ ప్లాట్‌ఫామ్స్‌. తర్వాత కొద్ది రోజులకు చిన్న సినిమాలే కాకుండా పెద్ద సినిమాలు ఓటీటీ బాట పట్టాయి. ఇవే కాకుండా బడా హీరోలు, అగ్ర నటులు సైతం ఓటీటీకే మొగ్గు చూపారు. బాలీవుడ్‌లో అత్యుత్తమ ప్రతిభగల నటీమణుల్లో విద్యా బాలన్‌ ఒకరు. ఒటీటీలో సినిమాను విడుదల చేసి హిట్‌ కొట్టిన మొదటి బాలీవుడ్‌ నటి విద్యా బాలన్‌. ఆమె 2020లో నటించిన 'శకుంతల దేవి' చిత్రం విడుదలై సంచలన విజయం సాధించింది.  తర్వాత 2021లో 'షేర్ని' మూవీతో ఆ విజయ పరంపరను కొనసాగించింది. తాజాగా 'జల్సా' సినిమాతో తాను హ్యాట్రిక్‌ హిట్‌ కొట్టేందుకు సిద్ధంగా ఉంది. జల్సా సినిమాను ఈ నెల 18న అమెజాన్ ప్రైమ్‌ వీడియో వేదికగా ప్రేక్షకుల ముందుకు తీసుకువస్తున్నారు. ఈ సినిమాకు విద్యా బాలన్‌ నటించిన 'తుమ్హారీ సులు' డైరెక్టర్‌ సురేష్‌ త్రివేణి దర్శకత్వం వహించారు. ఇందులో విద్యా ఒక జర్నలిస్టుగా నటించింది. ఇటీవల విడుదలైన ఈ టీజర్‌కు మంచి రెస్పాన్స్‌ వస్తోంది. ఇప్పటివరకు విద్యా బాలన్‌ రెండు చిత్రాలు అమెజాన్‌ ప్రైమ్ వీడియో ఓటీటీలోనే విడుదలై విజయం సాధించాయి. మరీ ఈ సినిమా ఓటీటీలో హిట్‌ కొట్టి హ్యాట్రిక్‌ సాధిస్తుందో చూడాలి. 

Kangana Ranaut Dhaakad Movie Release In Four Languages: బాలీవుడ్ ఫైర్​బ్రాండ్, డేరింగ్​ హీరోయిన్​ కంగనా రనౌత్ గురించి ప్రత్యేకంగా చెప్పనవసరం లేదు. సోషల్​ మీడియాలో కామెంట్స్​ చేస్తూ కాంట్రవర్సీ క్వీన్​గా రికార్డుకెక్కింది. ఏ విషయం గురించి అయినా ఎలాంటి భయం లేకుండా బయటకు చెప్తూ అందర్నీ ఆశ్చర్యపరుస్తుంది. సామాజిక అంశాలపై మాట్లాడటమే కాకుండా సినిమాలతో కూడా ఫుల్​ బిజీగా ఉంటుంది. కంగనా నటించే సినిమాలు ఎక్కువగానే ప్రేక్షదారణ పొందుతాయి. గతకొంతకాలంగా దక్షిణాది భాషల్లోనూ కంగనా చిత్రాలు అనువాదమవుతున్నాయి. తాజాగా కంగనా నటించిన మూవీ 'ధాకడ్'​. ఈ సినిమా హిందీతోపాటు తెలుగు, తమిళం, మలయాళం భాషల్లో డబ్​ కానుంది. మనుషుల అక్రమ రవాణా నేపథ్యంలో యాక్షన్​ థ్రిల్లర్​ మూవీగా తెరకెక్కుతున్న ఈ చిత్రంలో కంగనా ఏజెంట్​ అగ్ని పాత్రలో అలరించనుంది. నిజానికి ఈ సినిమా గతేడాది అక్టోబర్​ 1న విడుదల కావాల్సింది. కానీ కరోనా కారణంగా షూటింగ్​ ఆలస్యమైంది. ప్రస్తుతం ఈ చిత్రాన్ని మే 27న ప్రపంచవ్యాప్తంగా నాలుగు భాషల్లో రిలీజ్​ చేస్తున్నారు. ఈ విషయాన్ని సోషల్​ మీడియా వేదికగా తెలుపుతూ కంగనా ఈ సినిమాలోని ఫొటోను షేర్ చేసింది. ఈ ఫొటోలో శత్రువులపై ఫైరింగ్​ చేయడానికి సిద్ధంగా ఉన్నట్లు ఇంటెన్సివ్​ లుక్​లో కంగనా స్టిల్​ ఉంది. ఈ సినిమాలో నెగెటివ్​ రోల్​లో అర్జున్​ రాంపాల్​ నటిస్తుండగా దివ్యా దత్తా కీలక పాత్ర పోషిస్తున్నట్లు సమాచారం. ​   View this post on Instagram A post shared by Kangana Ranaut (@kanganaranaut)

సంక్రాంతి వస్తోందే తుమ్మెద కొన్ని సినిమాలు తేనుందే తుమ్మెద సినీ కాంతి పంచనుందే తుమ్మెద సినీ ప్రేమికులను ఖుషీ చేయనుందే తుమ్మెద కలెక్షన్లతో బాక్సాఫీస్‌ కళకళలాడనుందే తుమ్మెద మొత్తం ఎన్ని సినిమాలు వస్తాయంటే తుమ్మెద... పది వరకూ రావొచ్చు తుమ్మెద. ఆ సినిమాలపై ఓ లుక్కేద్దాం తుమ్మెద. సంక్రాంతి బరిలో నిలిచిన ప్యాన్‌ ఇండియన్‌ మూవీ ‘రాధేశ్యామ్‌’. ఈ సినిమాలో ప్రభాస్, పూజా హెగ్డే హీరో హీరోయిన్లుగా నటించారు. 1970 యూరప్‌ బ్యాక్‌ డ్రాప్‌లో సాగే ఈ పీరియాడికల్‌ లవ్‌స్టోరీ చిత్రానికి కె. రాధాకృష్ణ కుమార్‌ దర్శకుడు. ఈ చిత్రంలో జ్యోతిష్కుడిగా ప్రభాస్, డాక్టర్‌ ప్రేరణగా పూజా, పరమహంస పాత్రలో కృష్ణంరాజు కనిపిస్తారు. వంశీ, ప్రమోద్, ప్రసీద నిర్మించిన  ఈ చిత్రం జనవరి 14న విడుదల కానుంది. ఇక ఇదే రోజున చిరంజీవి చిన్న అల్లుడు కల్యాణ్‌ దేవ్‌ హీరోగా నటించిన ‘సూపర్‌ మచ్చీ’, సిద్ధు జొన్నలగడ్డ హీరోగా చేసిన ‘డిజె టిల్లు’ చిత్రాలు కూడా రిలీజ్‌కు రెడీ అయ్యాయి. పులి వాసు దర్శకత్వంలో ‘సూపర్‌ మచ్చీ’ చిత్రాన్ని రిజ్వాన్‌ నిర్మించగా, కన్నడ బ్యూటీ రచితా రామ్‌ హీరోయిన్‌గా నటించారు. ఇటు సిద్ధు జొన్నలగడ్డ, నేహా శెట్టి జంటగా విమల్‌ కృష్ణ తెరకెక్కించిన చిత్రం ‘డిజె టిల్లు’. పీడీవీ ప్రసాద్‌ సమర్పణలో సూర్యదేవర నాగవంశీ నిర్మించిన చిత్రం ఇది. ఇక పండగ రోజున అంటే జనవరి 15న తొలిసారి ‘హీరో’గా వస్తున్నాడు మహేశ్‌బాబు మేనల్లుడు గల్లా అశోక్‌. శ్రీరామ్‌ ఆదిత్య దర్శకత్వంలో ఈ చిత్రాన్ని గల్లా పద్మావతి నిర్మించారు. నిధీ అగర్వాల్‌ హీరోయిన్‌గా నటించిన ఈ చిత్రంలో జగపతిబాబు, అర్చన కీలక పాత్రల్లో నటించారు. ఆర్‌ఆర్‌ఆర్‌ వాయిదా వల్ల... ఎన్టీఆర్, రామ్‌చరణ్‌ హీరోలుగా రాజమౌళి దర్శకత్వంలో రూపొందిన భారీ బడ్జెట్‌ ప్యాన్‌ ఇండియన్‌ మూవీ ‘రౌద్రం.. రణం.. రుధిరం’ (ఆర్‌ఆర్‌ఆర్‌) ఈ నెల 7న విడుదల కావాల్సింది. అయితే దేశ వ్యాప్తంగా ఉన్న థియేటర్స్‌లో సీటింగ్‌ సామర్థ్యం, కొన్ని రాష్ట్రాల్లో సినిమాల ప్రదర్శనల నిలిపివేత వంటి కారణాల చేత జనవరి 7న సినిమాను రిలీజ్‌ చేయలేకపోతున్నామని చిత్రబృందం వెల్లడించింది. ఇలా ‘ఆర్‌ఆర్‌ఆర్‌’ వాయిదా పడిన వల్ల సంక్రాంతికి రిలీజయ్యేందుకు సినిమాలు క్యూ కట్టాయి. ఇక జనవరి 7న ‘ఆర్‌ఆర్‌ఆర్‌’ రిలీజ్‌ కన్ఫార్మ్‌ కాకముందు సంక్రాంతికి వస్తామంటూ ముందు ప్రకటించిన చిత్రాల్లో మహేశ్‌బాబు ‘సర్కారువారి పాట’, పవన్‌ కల్యాణ్‌ – రానాల ‘భీమ్లా నాయక్‌’ వెంకటేశ్‌–వరుణ్‌తేజ్‌ల ‘ఎఫ్‌ 3’  చిత్రాలు ఉన్నాయి. కానీ ‘ఆర్‌ఆర్‌ఆర్‌’ చిత్రబృందం జనవరి 7న వస్తామని చెప్పిన తర్వాత ‘సర్కారువారి పాట’ చిత్రం ఏప్రిల్‌ 1కి, ‘భీమ్లా నాయక్‌’  ఫిబ్రవరి 25కి ,  వెంకటేశ్‌–వరుణ్‌తేజ్‌ల ‘ఎఫ్‌ 3’ ఏప్రిల్‌ 29కి వాయిదా పడ్డ విషయం తెలిసిందే. పండగకు ముందే అతిథి దేవో భవ సంక్రాంతి పండగకి వారం ముందే రానున్న చిత్రం ‘అతిథి దేవో భవ’. ఆది సాయికుమార్‌ హీరోగా నటించిన ఈ చిత్రం ఈ నెల 7న విడుదల కానుంది. పొలిమేర నాగేశ్వర్‌ దర్శకత్వంలో రాజాబాబు మిర్యాల, అశోక్‌ రెడ్డి మిర్యాల నిర్మించారు. ఈ చిత్రంలో సువేక్ష హీరోయిన్‌. ఆదివారం నిర్వహించిన పాత్రికేయుల సమావేశంలో ఈ చిత్రం రిలీజ్‌ డేట్‌ను ప్రకటించారు. ‘‘ఇది మంచి స్పాన్‌ ఉన్న సినిమా. కథ కొత్తగా ఉంటుంది. క్యారెక్టర్స్‌ అన్నీ చాలా భిన్నంగా ఉంటాయి. పండగ సీజన్‌లో వస్తున్నందుకు చాలా ఎగ్జయిటింగ్‌గా ఉంది’’ అని ఆది సాయికుమార్‌ అన్నారు. ‘‘ఆది సాయికుమార్‌లోని నటుడిని కొత్త కోణంలో ఆవిష్కరించే చిత్రం ఇది’’ అన్నారు నిర్మాతలు. ‘‘ఇప్పటికే విడుదలైన పాటలకు, ట్రైలర్‌కి మంచి స్పందన లభించింది’’ అన్నారు దర్శకుడు. ఇప్పటివరకు సంక్రాంతి రేసులో నిలిచిన చిత్రాల్లో విడుదల తేదీలను ఖరారు చేసుకున్న చిత్రాల గురించి చెప్పుకున్నాం. ఇక పండగ రేసులో ఉన్నామంటూ ఇంకా రిలీజ్‌ డేట్‌ను ప్రకటించని చిత్రాల్లో ‘బంగార్రాజు’ ముందు వరుసలో ఉన్నాడు. నాగార్జున, నాగచైతన్య, రమ్యకృష్ణ, కృతీ శెట్టి హీరో హీరోయిన్లుగా కల్యాణ్‌ కృష్ణ దర్శకత్వంలో రూపొందుతున్న సినిమా ‘బంగార్రాజు: సోగ్గాడు మళ్లీ వచ్చాడు’. ఈ చిత్రాన్ని నాగార్జున నిర్మించారు. ఈ చిత్రాన్ని సంక్రాంతికి విడుదల చేయనున్నట్లు ప్రకటించారు. విడుదల తేదీ చెప్పలేదు. జనవరి 13 లేదా 15 తేదీల్లో ‘బంగార్రాజు’  థియేటర్స్‌కు వస్తాడట. అలాగే ‘7 డేస్‌ 6 నైట్స్‌’, ‘రౌడీ బాయ్స్‌’ చిత్రబృందాలు సంక్రాంతి రిలీజ్‌లను కన్ఫార్మ్‌ చేశాయి కానీ విడుదల తేదీ విషయంలో మాత్రం స్పష్టత ఇవ్వలేదు. ప్రముఖ నిర్మాత ఎమ్మెస్‌ రాజు దర్శకత్వంలో ఆయన తనయుడు సుమంత్‌ అశ్విన్‌ హీరోగా నటించి, నిర్మించిన చిత్రం ‘7 డేస్‌ 6 నైట్స్‌’. బ్యాచ్‌లర్‌ ట్రిప్‌ కోసం గోవా వెళ్లిన ఇద్దరు యువకులు, మరో ఇద్దరు యువతుల నేపథ్యంలో ఈ చిత్రం సాగుతుంది. ఇక ప్రముఖ నిర్మాత ‘దిల్‌’ రాజు సోదరుడు, నిర్మాత శిరీష్‌ తనయుడు ఆశిష్‌ రెడ్డి హీరోగా పరిచయం అవుతున్న చిత్రం ‘రౌడీ బాయ్స్‌’. ‘హుషారు’ వంటి హిట్‌ మూవీ తీసిన హర్ష కొనుగంటి దర్శకత్వం వహించిన ఈ చిత్రంలో అనుపమా పరమేశ్వరన్‌ హీరోయిన్‌. ‘దిల్‌’ రాజు, శిరీష్‌లు ఈ చిత్రాన్ని నిర్మించారు. ఈ సినిమాలే కాదు... సంక్రాంతి బరిలో నిలిచేందుకు మరో రెండు సినిమాలు కూడా సిద్ధమవుతున్నాయని ఫిల్మ్‌నగర్‌ సమాచారం.  

కరోనా సెకండ్‌ వేవ్‌ తర్వాత గతవారం గోపిచంద్‌ ‘సీటీమార్‌’ వంటి సినిమాలు థియేటర్‌లో విడుదలవగా, నాని ‘టక్‌ జగదీష్‌’ వంటి కొన్నిసినిమాలు ఓటీటీలో విడుదలయ్యాయి. ఇలా  కొన్ని వెండితెరపై, మరికొన్ని బుల్లితెరపై సినీ ప్రేక్షకులను అలరించాయి. అదే సంప్రదాయాన్ని కొనసాగిస్తూ ఈ వారం విడుదలయ్యే మూవీస్‌ ఏంటో చూద్దాం! థియేటర్లో విడుదలయ్యే చిత్రాలు: గల్లీలో రౌడీయిజం చేస్తానంటున్న సందీప్‌ జి.నాగేశ్వర్‌రెడ్డి దర్శకత్వంలో సందీప్‌కిషన్‌ కథానాయకుడిగా నటించిన తాజా చిత్రం ‘గల్లీ రౌడీ’. ఫుల్‌టైమ్‌ కామెడీ ఎంటర్‌టైనర్‌ రానున్న ఈ చిత్రంలో నేహాశెట్టి కథానాయిక. సెన్సార్‌ పనులు పూర్తి చేసుకున్న ఈ సినిమా సెప్టెంబరు 17న థియేటర్‌ల్లో విడుదల కానుంది. ఇటీవల అగ్ర కథానాయకుడు చిరంజీవి ఈ మూవీ ట్రైలర్‌ను విడుదల చేసిన సంగతి తెలిసిందే.  రామ్‌ మిరియాల, సాయికార్తిక్‌ సంగీతం అందిస్తున్న ఈ చిత్రాన్ని కోన ఫిల్మ్‌ కార్పొరేషన్‌, ఎంవీవీ సినిమాస్‌ సంయుక్తంగా నిర్మించాయి. ట్యూషన్‌ చెప్పబోతున్న విజయ్‌ ఆంటోని బిచ్చగాడు ‘ఫేం’ విజయ్‌ ఆంటోని తాజాగా నటించిన చిత్రం ‘విజయ రాఘవన్‌’. ఆయన ట్యూషన్‌ మాస్టర్‌గా చేస్తున్న ఈ  సినిమాకి ఆనంద్‌ కృష్ణన్‌ దర్శకత్వం వహించాడు. ఆత్మిక, రామచంద్రరాజు, ప్రభాకర్‌ తదితరులు కీలక పాత్రలు పోషిస్తున్నారు. ఏప్రిల్‌లో విడుదల కావాల్సిన ఈ చిత్రం కరోనా కారణంగా వాయిదా పడి, ఈ నెల 17న థియేటర్లలో ప్రేక్షకులను పలకరించనుంది. టి.డి. రాజా, డి.ఆర్‌. సంజయ్‌ కుమార్‌ ఈ చిత్రాన్ని నిర్మంచగా, నివాస్‌ కె. ప్రసన్న సంగీతం అందించారు. తెరపైకి  క్రికెటర్‌ హర్భజన్‌ సింగ్‌ క్రికెటర్‌ హర్భజన్‌ సింగ్‌, నటుడు అర్జున్‌ కథానాయకులు నటించిన చిత్రం ‘ఫ్రెండ్‌షిప్’. జాన్‌పాల్‌ రాజ్‌, శ్యామ్‌ సూర్య దర్శకత్వం వహించిన ఈ చిత్రాన్ని కూడా సెప్టెంబరు 17న థియేటర్ల ద్వారా ప్రేక్షకుల ముందుకు తీసుకొస్తున్నారు. మహిళల్ని ఎలా గౌరవించాలనే అంశం ఆధారంగా రూపొందిన ఈ  చిత్రాన్ని ఎ.ఎన్‌.బాలాజీ నిర్మించారు. తెలుగుతోపాటు తమిళం, హిందీ, కన్నడ, మలయాళం భాషల్లో ఒకేసారి విడుదల చేస్తున్నారు. యాక్షన్‌ ఎంటర్‌టైనర్‌గా రానున్న ‘జెమ్‌’ సుశీల సుబ్రహ్మణ్యం దర్శకత్వంలో విజయ్‌రాజా, రాశీసింగ్‌, నక్షత్ర నాయకానాయికలుగా నటించిన చిత్రం ‘జెమ్‌’. పత్తికొండ కుమార స్వామి నిర్మించారు. ‘రాయలసీమ నేపథ్యంగా సాగే ఈ యాక్షన్‌ ఎంటర్‌టైనర్‌ సాగే ఈనెల 17న థియేటర్లలో విడుదల విడుదల అవుతోంది. ‘ప్లాన్‌ బి’తో ఉందంటున్న శ్రీనివాసరెడ్డి  కమెడియన్‌ శ్రీనివాస్‌రెడ్డి ప్రధాన పాత్రలో నటిస్తున్నచిత్రం ‘ప్లాన్‌ బి’.  కె.వి.రాజమహి దర్శకత్వంలో తెరకెక్కిన ఈ చ్రితానికి ఏవీఆర్‌ నిర్మాత.  మురళీశర్మ, రవిప్రకాష్‌, సూర్య వశిష్ఠ, ముఖ్యపాత్రల్లో నటించారు. నేర నేపథ్యంలో ఓ సస్పెన్స్‌ థ్రిల్లర్‌గా రూపొందిన ఈ సినిమాని ఈ నెల 17న థియేటర్లలో విడుదల చేయనున్నారు మేకర్స్‌. ‘హనీట్రాప్‌’ చేసేదెవరు? పడేదెవరు? దర్శకుడు పి.సునీల్‌ కుమార్‌ రెడ్డి ‘సొంతవూరు’, ‘గల్ఫ్‌’వంటి  చిత్రాలతో తనకంటూ ప్రేక్షకుల మదిలో స్థానం సంపాదించుకున్నారు. ఆయన కొత్త చిత్రం ‘హనీ ట్రాప్‌’ ప్రేక్షకుల ముందుకు తీసుకురానున్నారు. వివి వామనరావు నిర్మించిన ఈ చిత్రంలో ఆయనే ఓ కీలక పాత్రలో సైతం నటించారు. రిషి, శిల్ప నాయక్‌, తేజు  అనుపోజు, శివ కార్తీక్‌ ముఖ్య పాత్రలు పోషించారు. ప్రవీణ్‌ ఇమ్మడి స్వరాలందించిన ఈ సినిమాని ఈనెల 17న థియేటర్లలో విడుదల చేయనున్నారు. ఓటీటీ వేదికగా అలరించనున్న చిత్రాలు, సిరీస్‌లు: ‘మ్యాస్ట్రో’గా వస్తున్న నితిన్‌ నితిన్‌, నభా నటేశ్‌ హీరో, హీరోయిన్స్‌గా నటించిన చిత్రం ‘మ్యాస్ట్రో’. మేర్లపాక గాంధీ దర్శకత్వం వహించిన ఈ సినిమాలో తమన్నా కీలక పాత్ర పోషించారు. బాలీవుడ్‌ సూపర్‌ హిట్‌ మూవీ ‘అందాధున్‌’కి రిమేక్‌ వస్తున్న ఈ చిత్రం  ప్రముఖ ఓటీటీ డిస్నీ+ హాట్‌స్టార్‌లో సెప్టెంబరు 17 నుంచి స్ట్రీమింగ్‌ కానుంది.. ఇటీవల విడుదల చేసిన ట్రైలర్‌కి మంచి రెస్పాన్స్‌ వచ్చింది. అంధుడిగా నితిన్‌ నటన ప్రేక్షకులను ఆకట్టకునేలా ఉంది. శ్రేష్ఠ్‌ మూవీస్‌ పతాకంపై సుధాకర్‌రెడ్డి, నిఖితా రెడ్డి ఈ సినిమాని నిర్మించారు. మహతి స్వర సాగర్‌ సంగీతం అదించాడు.  మరో చిత్రంతో విజయ్‌సేతుపతి! తమిళ నటుడు, మక్కల్‌ సెల్వన్‌ విజయ్‌ సేతుపతి నటించిన రెండో సినిమాలు ఇప్పటికే విడుదలైన విషయం తెలిసిందే. తాజాగా ఆయన మూడో చిత్రం ‘అనబెల్‌.. సేతుపతి’ ఈ నెల 17న విడుదల కానుంది. డిస్నీ+హాట్‌స్టార్‌ వేదికగా స్ట్రీమింగ్‌ కానున్న ఈ చిత్రానికి దీపక్‌ సుందర్‌రాజన్‌ దర్శకుడు. సేతుపతికి జోడిగా తాప్సీ పన్ను నటించింది. ఓటీటీలోకి రానున్న సుశాంత్‌ సుశాంత్‌, మీనాక్షి చౌదరి జంటగా నటించిన చిత్రం ‘ఇచ్చట వాహనములు నిలుపరాదు’. ఈ రొమాంటిక్‌ డ్రామా థ్రిల్లర్‌కి దర్శకుడు ఎస్‌.దర్శన్‌. వెన్నెల కిషోర్‌, ప్రియదర్శి తదితరులు కీలక పాత్రల్లో నటించారు. ఇటీవల థియేటర్లలో విడుదలైన ఈ చిత్రం ప్రేక్షకుల మన్ననలు పొందింది.  కాగా, ఈ సినిమా త్వరలోనే ఓటీటీలో ప్రేక్షకులను పలకరించనుంది. సెప్టెంబరు 17 ప్రముఖ తెలుగు ఓటీటీ ‘ఆహా’లో ‘ఇచ్చట వాహనములు నిలుపరాదు’ స్ట్రీమింగ్‌ కానుంది. అమెజాన్‌ ప్రైమ్‌ వీడియో ♦ డోర్‌ ఏ అండ్‌ మీ -సెప్టెంబరు 17 ♦ వీడ్స్‌ - సెప్టెంబరు 15 ♦ సెర్చింగ్‌ -సెప్టెంబరు 14 ♦ ఆజ్‌ ఎబౌ సో బిలో -సెప్టెంబరు 16 డిస్నీ ప్లస్‌ హాట్‌స్టార్‌ ♦ అన్‌ హియర్డ్‌- సెప్టెంబరు 17 ♦ కన్ఫెషన్స్‌ ఆఫ్‌ ఎ షోఫాహోలిక్‌- సెప్టెంబరు 17 నెట్‌ఫ్లిక్స్‌ ♦ అన్‌కహీ కహానియా- సెప్టెంబరు 17 ♦ నైట్‌ బుక్స్‌ -సెప్టెంబరు 15 జీ5 ♦ సర్వైవర్‌- సెప్టెంబరు 12(రియాల్టీ షో) ♦ బుక్‌ మై షో - ది సూసైడ్‌ స్క్వాడ్‌ -సెప్టెంబరు 16 సోనీ లైవ్‌ ♦ ప్రియురాలు - సెప్టెంబరు 17 హెచ్‌బీవో మ్యాక్స్‌ ♦ హథీ మేరీ సాథీ (సెప్టెంబరు 18)

మోహన్‌లాల్‌ నటించిన తాజా చిత్రం ‘మరక్కర్‌: లయన్‌ ఆఫ్‌ ది అరేబియన్‌ సీ’ విడుదల మరోసారి వాయిదా పడింది. 2020 మార్చి 26న విడుదలకు షెడ్యూల్‌ అయిన ఈ చిత్రం కరోనా కారణంగా ఈ ఏడాది వేసవికి వాయిదా పడింది. తాజాగా కరోనా సెకండ్‌ వేవ్‌ కారణంగా ‘మరక్కర్‌’ సినిమాను ఓనమ్‌ పండగ సందర్భంగా ఈ ఏడాది ఆగస్టు 12న విడుదల చేయనున్నట్లు మంగళవారం మోహన్‌లాల్‌ అధికారికంగా ప్రకటించారు. ప్రియదర్శన్‌ దర్శకత్వం వహించిన ఈ చిత్రంలో కీర్తీ సురేష్, మంజు వారియర్, అర్జున్, కల్యాణీ ప్రియదర్శన్, ప్రణవ్‌ మోహన్‌లాల్‌ (మోహన్‌లాల్‌ తనయుడు) కీలక పాత్రలు పోషించారు. 16వ శతాబ్దానికి చెందిన నేవల్‌ కమాండర్‌ కుంజాలి మరక్కర్‌ జీవితం ఆధారంగా ఈ సినిమా తెరకెక్కింది. ఈ సంగతి ఇలా ఉంచితే... తాజా జాతీయ అవార్డుల్లో ‘మరక్కర్‌’ సినిమా మూడు విభాగాల్లో (ఉత్తమ చిత్రం, స్పెషల్‌ ఎఫెక్ట్స్, కాస్ట్యూమ్‌ డిజైనింగ్‌) అవార్డులు సాధించిన సంగతి తెలిసిందే.

దేశ వ్యాప్తంగా కరోనా సెకండ్‌ వేవ్‌ విజృంభిస్తోంది. ఎక్కడికి వెళ్లాలన్నా భయం భయంగానే ఉంటోంది. ఇలాంటి సమయంలో ప్రశాంతంగా ఇంట్లోనే కూర్చొని కొత్త సినిమాలకు చూస్తూ ఎంటర్‌టైన్‌ అవ్వొచ్చు. ఈ వారం ఓటీటీలో పలు కొత్త సినిమాలు విడుదల కానున్నాయి. ఆ సినిమాలేంటి? ఏ ప్లాట్‌ఫాంలో ఎప్పుడు రిలీజ్‌ కానున్నాయి వంటి వివరాలు చూసేద్దాం.  అక్కినేని నాగార్జున హీరోగా అహిషోర్‌ సాల్మన్‌ దర్శకత్వంలో తెరకెక్కిన చిత్రం ‘వైల్డ్‌డాగ్‌’. ఈ చిత్రంలో కింగ్‌ నాగ్‌  ఏసీపీ విజయ్‌ వర్మగా నటించారు. ఎటువంటి కమర్షియల్‌ హంగులు లేకపోయినప్పటికీ, సినిమాకు మంచి స్పందన వచ్చింది. దియా మిర్జా, సయామీ ఖేర్, అతుల్‌ కులకర్ణి, అలీ రెజా తదితరులు కీలక పాత్రలో నటించారు. ఈ సినిమా నెట్‌ఫ్లిక్స్‌లో ఏప్రిల్‌22న విడుదలయ్యింది.  కార్తీ, రష్మిక జంటగా నటించిన చిత్రం 'సుల్తాన్‌. ‘ఖైదీ’, ‘దొంగ’ వంటి సూపర్‌ హిట్స్‌ తర్వాత కార్తీ ఈ మూవీలో నటించారు.తమిళంలో రష్మికకు ఇదే తొలి చిత్రం.బ‌క్కియ‌రాజ్ క‌ణ్ణన్ దర్శకత్వం వహించిన ఈ సినిమాను య‌స్‌.ఆర్‌. ప్రకాష్ బాబు, య‌స్‌.ఆర్‌. ప్రభు నిర్మించారు.యాక్షన్ ఎంట‌ర్‌టైన‌ర్‌గా రూపొందిన‌ ఈ సినిమా మే 2 ఆహాలో విడుదల కానుంది. బాలీవుడ్‌ నటి పరిణీతీ చోప్రా కథానాయికగా నటించిన చిత్రం ‘సైనా’. ఈ మూవీ బ్యాడ్మింటన్‌ క్రీడాకారిణి సైనా నెహ్వాల్‌ జీవితం ఆధారంగా తెరకెక్కింది. పాత్ర కోసం పరిణీతి చోప్రా బ్యాడ్మింటన్‌లో మెళకువలన్నీ నేర్చకోవడంతోపాటు సైనా, ఆమె కుటుంబంతో సమయం గడిపిన విషయం తెలిసిందే. అంచనాల మధ్య రిలీజైన ఈ మూవీ బాక్సీఫీస్‌ వద్ద బోల్తా కొట్టింది. ఈ సినిమా అమెజాన్‌ ప్రైమ్‌లో ఏప్రిల్‌23న ఈ చిత్రం రిలీజ్‌ కానుంది.  కన్నడ స్టార్‌ దర్శన్‌ హీరోగా నటించిన భారీ బడ్జెట్‌ చిత్రం "రాబర్ట్"‌. తెలుగులోనూ ఇదే పేరుతో రిలీజ్‌ అయ్యింది. అనుకోని పరిస్థితుల్లో కొడుకు ఓ గ్యాంగ్‌స్టర్‌తో పడిన ఇబ్బందుల నుంచే ఎలా భయపడ్డాడు అన్నదే ఈ సినిమా కథ. ఈ ఏడాది రిలీజ్‌ అయిన భారీ సినిమాల్లో ఇది కూడా ఒకటి. కన్నడలో ఈ సినిమా సూపర్‌ సక్సెస్‌ సాధించింది. జగపతి బాబు రవి కిషన్‌,  వినోద్ ప్రభాకర్ ప్రధాన పాత్రలు పోషించిన ఈ సినిమా ఏప్రిల్‌ 25న అమెజాన్‌ ప్రైమ్‌లో విడుదల కానుంది.  ‘ఆర్ ఎక్స్ 100’ ఫేమ్‌ కార్తికేయ, లావణ్య త్రిపాఠి హీరో హీరోయిన్లుగా నటించిన చిత్రం ‘చావు కబురు చల్లగా’. కౌశిక్‌ పెగళ్లపాటి దర్శకత్వం వహించిన ఈ సినిమాను జీఏ2 పిక్చర్స్ బ్యానర్‌పై బన్నీవాస్ నిర్మించాడు. ‘ఆహా’లో ఏప్రిల్‌ 23న రిలీజ్‌ అయ్యింది.  మెగా ఫ్యామిలీ నుంచి వచ్చిన మరో యంగ్‌ హీరో పవన్‌తేజ్‌. ఈయన నటించిన డెబ్యూ మూవీ ఈ కథలో పాత్రలు కల్పితం. మేఘనా, లక్కీ, రఘు బాబు, అభయ్ బేతిగంటి ప్రధాన పాత్రలు పోషించారు. తొలి సినిమాతోనే పవన్‌ తేజ్‌ ఆకట్టుకునే ప్రయత్నం చేశారు. ఈ సినిమా ఏప్రిల్‌ 24న అమెజాన్‌ ప్రైమ్‌లో విడుదల కానుంది.   

యంగ్ హీరో శర్వానంద్‌ హీరోగా నటించిన ‘శ్రీ‌కారం’ రిలీజ్‌ డేట్‌ వచ్చేసింది. కిశోర్ రెడ్డి దర్శకత్వంలో ఫ్యామిలీ ఎంట‌ర్‌టైన‌ర్‌గా తెరకెక్కిన ఈ సినిమా మహా శివరాత్రి సందర్భంగా మార్చి 11న విడుదల కానుంది. ఇప్పటికే ఈ చిత్రం నుంచి విడుదలైన ‘సందల్లే.. సందల్లే సంక్రాంతి సందల్లే’, ‘బ‌లేగుంది బాలా’ పాటలు  ప్రేక్షకులను ఎంతగానో ఆకట్టుకున్నాయి. ఈ సినిమాలో రైతుగా కనిపించినున్నశర్వానంద్‌కు జోడీగా ‘గ్యాంగ్ లీడర్’ ఫేమ్ ప్రియాంక అరుళ్ మోహన్ నటించారు. (అదిరిపోయిన శర్వానంద్‌ ‘సంక్రాంతి సందళ్లే’ పాట) 14 రీల్స్‌ ప్లస్‌బ్యానర్‌పై రామ్‌ ఆచంట, గోపి ఆచంటలు నిర్మిస్తున్న ఈ చిత్రానికి మిక్కీ జే మేయర్‌ సంగీతం సమకూర్చుతున్నారు. సాయి మాధవ్‌ బుర్రా సంభాషణలు అందించగా జే యువరాజ్‌ సినిమాటో గ్రఫి అందించారు. ఈ సినిమాలో రావు ర‌మేష్‌, ఆమ‌ని, సీనియ‌ర్ న‌రేష్‌, సాయికుమార్‌, ముర‌ళీ శ‌ర్మ, స‌త్య, స‌ప్తగిరి ముఖ్య పాత్రలు పోషిస్తున్నారు. (‘బంగారు బుల్లోడు’ మూవీ రివ్యూ)

‘‘సినిమాలను థియేటర్స్‌లోనే చూడటం ఉత్తమం’’ అంటున్నారు రచయిత, నిర్మాత కోన వెంకట్‌. ‘‘మేం (సినిమా పరిశ్రమకు చెందిన అందరూ) ఎన్నో కష్టాలకు ఓర్చి, ఎంతో ఇష్టంతో ఫిల్మ్‌ ఇండస్ట్రీకి వచ్చాం. సినిమా చూస్తున్నప్పుడు థియేటర్స్‌లో ప్రేక్షకుల నుంచి వచ్చే స్పందనే మేం చేసే పనికి స్ఫూర్తి, మాకు ఆక్సిజన్‌. థియేటర్స్‌లో సినిమాను చూసే అనుభూతిని ఏదీ (డిజిటల్‌ స్ట్రీమింగ్‌ ప్లాట్‌ఫామ్స్‌ను ఉద్దేశించి కావొచ్చు) భర్తీ చేయలేదు. సినిమా అంటే సినిమా హాల్లోనే చూడాలి’’ అని ఆదివారం ట్వీట్‌ చేశారు కోన వెంకట్‌. ఈ సంగతి ఇలా ఉంచితే అనుష్క, మాధవన్, అంజలి, షాలినీ పాండే, మైఖేల్‌ మ్యాడసన్‌ ప్రధాన తారాగణంగా హేమంత్‌ మధుకర్‌ దర్శకత్వంలో తెరకెక్కిన చిత్రం ‘నిశ్శబ్దం’. కోన వెంకట్, టీజీ విశ్వప్రసాద్‌ ఈ సినిమాను నిర్మించారు. ఈ సినిమా ఓటీటీ ప్లాట్‌ఫామ్స్‌లో విడుదలవుతుందనే వార్తలు వస్తున్న సంగతి తెలిసిందే. తాజాగా కోన వెంకట్‌ ఇలా స్పందించడంతో ‘నిశ్శబ్దం’ చిత్రం థియేటర్స్‌లోనే విడుదలవుతుందని ఊహించవచ్చు.

‘‘నచ్చిన పాత్ర వస్తేనే చేయాలనే ఆలోచనలో ఉన్నాను. ఫస్ట్‌ హీరోయినా లేక సెకండ్‌ హీరోయినా అనేది పెద్దగా పట్టించుకోను. నా పాత్ర సినిమాకు ఎంత కీలకం అనేది నాకు ముఖ్యం. అన్ని రకాల పాత్రలు చేస్తూ, చేసే ప్రతీ పాత్రలో ప్రేక్షకులను అలరించాలన్నదే నా లక్ష్యం’’ అని హీరోయిన్‌ కేథరిన్‌ అన్నారు. సిద్ధార్థ్, కేథరిన్‌ జంటగా సాయి శేఖర్‌ దర్శకత్వంలో తెరకెక్కిన చిత్రం ‘వదలడు’. దెయ్యమైనా సరే అనేది క్యాప్షన్‌. అంజయ్య సమర్పణలో టి. నరేశ్‌ కుమార్, టి శ్రీధర్‌ నిర్మించారు. ఈ సినిమా అక్టోబర్‌ 11న విడుదల కానుంది. ఈ సందర్భంగా కేథరిన్‌ చెప్పిన విశేషాలు. ► ‘వదలడు’ సినిమాలో జ్యోతి అనే టీచర్‌ పాత్ర చేశాను. తను వాసనలను పసిగట్టలేదు. దాంతో స్నేహితులు జోక్‌ చేసి, తన కాన్ఫిడెన్స్‌ను తగ్గించేస్తుంటారు. ఈ పాత్ర చేయడం చాలెంజింగ్‌గా అనిపించింది. ఎందుకంటే కళ్లు కనిపించని పాత్ర, చెవులు వినిపించని పాత్ర అంటే ఒక స్టయిల్లో చేయొచ్చు. ఈ పాత్ర చేయడం డిఫరెంట్‌గా అనిపించింది. ఈ చిత్రకథ ఆహార పదార్థాల కల్తీ చుట్టూ తిరుగుతుంది. ► మన దేశం కంటే విదేశాల్లో ఆహార కల్తీ మీద చాలా స్ట్రిక్ట్‌గా ఉంటారు. ఈ చిత్రంలో సిద్ధార్థ్‌ ఫుడ్‌ ఇన్‌స్పెక్షన్‌ ఆఫీసర్‌లా కనిపిస్తారు. తనతో నటించడం మంచి ఎక్స్‌పీరియన్స్‌. సిద్ధార్థ్‌కు సామాజిక బాధ్యత చాలా ఎక్కువ. తన ట్వీటర్‌లో ఎప్పుడూ ఏదో ఒక మంచి టాపిక్‌ను ముందుకు తీసుకెళ్తూనే ఉంటారు.   ► ఇది హార్రర్‌ సినిమా అయినా పూర్తిస్థాయి హార్రర్‌ కాదు. సూపర్‌ న్యాచురల్‌ అంశాలు కొన్ని ఉంటాయి. రెగ్యులర్‌ హారర్‌ సినిమా కాదు. చిన్నపిల్లల నుంచి పెద్దల వరకూ అందరూ ఎంజాయ్‌ చేస్తారు. కథకు అడ్డుపడకూడదని కేవలం రెండు పాటలే ప్లాన్‌ చేశాం. తమన్‌ రీ–రికార్డింగ్‌ను అద్భుతంగా అందించారు. సాయిశేఖర్‌ నూతన దర్శకుడు అయినా సినిమాను బాగా హ్యాండిల్‌ చే శారు. ► నేను చేసే ప్రతీ సినిమాకు డబ్బింగ్‌ చెబుతాను అని డైరెక్టర్స్‌ని అడుగుతుంటాను. ‘చమ్మక్‌ చల్లో, గౌతమ్‌ నంద’ సినిమాలకు చెప్పాను. ‘సరైనోడు’ సినిమాలో ఎంఎల్‌ఏ పాత్ర బాగా పాపులారిటీ తెచ్చిపెట్టింది. తెలుగులో చిన్న గ్యాప్‌ వచ్చింది. అయితే కావాలని తీసుకోలేదు. ప్రస్తుతం విజయ్‌ దేవరకొండతో ‘వరల్డ్‌ ఫేమస్‌ లవర్‌’ సినిమా చేస్తున్నాను. ఇందులో నాది మంచి పాత్ర.

17వ శతాబ్దంలోని కేరళ రాష్ట్ర కథతో మలయాళ సూపర్‌ స్టార్‌ మమ్ముట్టి నటించిన చిత్రం ‘మామాంగం’. కావ్య ఫిల్మ్స్‌ పతాకంపై వేణు కున్నపిల్లి నిర్మించగా,  ఎం.పద్మకుమార్‌ దర్శకత్వం వహించిన ఈ చిత్రం నవంబర్‌ 21న మలయాళంతో పాటు తెలుగు, తమిళ, హిందీ భాషల్లో ప్రపంచవ్యాప్తంగా విడుదల కానుంది. ఈ సందర్భంగా మమ్ముట్టి మాట్లాడుతూ– ‘‘మన దేశ సంస్కృతి విశిష్టమైనది. భాషలు మనల్ని విడదీస్తాయి. అయితే భాష వల్ల మన చరిత్ర వేరే వాళ్లకి తెలియకుండా పోకూడదు. కేరళ రాష్ట్ర చరిత్రతో సినిమా అంటే అది భారతదేశ చరిత్ర కూడా. సినీ మాద్యమం అన్ని భాషల ప్రేక్షకులను ఏకం చేస్తుంది’’ అన్నారు. పద్మకుమార్‌ మాట్లాడుతూ– ‘‘నిజమైన కథతో ఇంతకు ముందెన్నడూ చూడని విజువల్స్‌తో తెరకెక్కించిన చిత్రమిది’’ అన్నారు. ‘‘ ఈ సినిమా మేకింగ్‌ నెక్ట్స్‌ లెవెల్‌లో ఉంటుంది. భారీ బడ్జెట్‌తో రూపొందించాం’’ అన్నారు వేణు.

అమలాపాల్‌ ప్రధాన పాత్రలో తెరకెక్కిన చిత్రం ‘ఆడై’ (తెలుగులో ‘ఆమె’). ‘మేయాద మాన్‌’ ఫేమ్‌ రత్నకుమార్‌ ఈ చిత్రానికి దర్శకత్వం వహించారు. ఆర్జే రమ్య, వివేక్‌ ప్రసన్న ముఖ్య పాత్రధారులు. విజ్జి సుబ్రమణియన్‌ నిర్మించారు. ఇటీవల విడుదలైన ఈ సినిమా టీజర్‌ సంచలనం సృష్టించిన సంగతి తెలిసిందే. ఈ సినిమాలో అమలాపాల్‌ బోల్డ్‌ క్యారెక్టర్‌ చేశారు. ఆమె పాత్ర పేరు కామిని అని తెలిసింది. తాజాగా ‘అడై’ సినిమాను జూలై 19న విడుదల చేయనున్నట్లు అమలాపాల్‌ వెల్లడించారు. ‘‘నేను పోరాడతాను. జీవిస్తాను. వచ్చిన అడ్డంకులు చిన్నవైనా, పెద్దవైనా ఎదుర్కొంటాను. నీ సంకల్ప బలం బలీయమైనది అయినప్పుడు నువ్వు విఫలమయ్యే అవకాశమే లేదు’’ అని సినిమాలోని తన క్యారెక్టర్‌ ఎలా ఉండబోతోందో హింట్‌ ఇచ్చారు  అమలాపాల్‌.

‘‘మూడు పువ్వులు ఆరు కాయలు’ సినిమా మూడు సార్లు ఆగిపోయింది. ఆరు మంది నిర్మాతలు మారారు. చివరకు మా ఫ్రెండ్‌ వబ్బిన వెంకట్రావు నిర్మాతగా ఈ సినిమా పూర్తి చేశాం’’ అని డైరెక్టర్‌ రామస్వామి అన్నారు. ‘‘అర్ధనారి’ ఫేమ్‌ అర్జున్‌ యజత్, సౌమ్య వేణుగోపాల్, భరత్‌ బండారు, పావని, రామస్వామి, సీమా చౌదరి కీలక పాత్రల్లో రూపొందిన చిత్రం ‘మూడు పువ్వులు ఆరు కాయలు’. డాక్టర్‌ మల్లె శ్రీనివాస్‌ సమర్పణలో వెంకట్రావు నిర్మించారు. ఈ సినిమా సక్సెస్‌ మీట్‌లో రామస్వామి మాట్లాడుతూ– ‘‘అరవింద సమేత వీర రాఘవ’ సినిమా గురువారం విడుదలైంది. మా సినిమా శుక్రవారం రిలీజ్‌ అయింది. ఆ చిత్రానికి మేం పోటీ కాదు. మాకు ఎన్టీఆర్‌ గారంటే గౌరవం, త్రివిక్రమ్‌గారంటే ఇష్టం. వాళ్ల సినిమా మధ్య మా చిత్రం విడుదల చేయడం మా అదృష్టం. ఆ సినిమాకు వచ్చిన ఓవర్‌ ఫ్లోతో మా హాల్‌ నిండినా చాలనుకున్నాం’’ అన్నారు. డా.మల్లె శ్రీనివాసరావు,  భరత్‌ బండారు, వబ్బిన వెంకట్రావు, సంగీత దర్శకుడు కృష్ణసాయి తదితరులు పాల్గొన్నారు. 

ఆశిష్‌ గాంధీ. ఆశిమా నెర్వల్‌ జంటగా నటించిన చిత్రం ‘నాటకం’. రిజ్వాన్‌ ఎంటర్‌టైన్‌మెంట్‌ బ్యానర్‌ సమర్పణలో వస్తున్న ఈ చిత్రాన్ని శ్రీ సాయిధీప్‌ చాట్ల, రాధికా శ్రీనివాస్, ప్రవీణ్‌ గాంధీ, ఉమా కూచిపూడి నిర్మించారు. కళ్యాణ్‌ జీ గోగన దర్శకత్వం వహించారు. గ్రామీణ నేపథ్యంలో సాగే చిత్రమిది. నిర్మాణానంతర కార్యక్రమాలు పూర్తయ్యాయి. ‘‘ఈ నెల 28న ‘నాటకం’ చిత్రాన్ని విడుదల చేస్తున్నాం. ఈ మధ్యే విడుదలైన ట్రైలర్‌కు మంచి రెస్పాన్స్‌ వచ్చింది. కథే ప్రధానంగా ఈ చిత్రం సాగుతుంది’’ అన్నారు దర్శక–నిర్మాతలు. ఈ చిత్రానికి కెమెరా: ‘గరుడవేగ’ ఫేమ్‌ అంజి, సంగీతం: సాయికార్తీక్‌.

‘‘ఒక యాడ్‌ ఫిల్మ్‌ షూటింగ్‌ సమయంలో దర్శకుడు విజయ్‌ని కలిసినప్పుడు అతను చెప్పిన కథ నచ్చింది. ఆ కథలో దీక్ష పాత్ర బాగా నచ్చడంతో ఈ సినిమా చేశా. విజయ్‌ వర్కింగ్‌ స్టైల్‌ వండర్‌ఫుల్‌. ఈ చిత్రం ప్రేక్షకులకు కొత్త అనుభూతి పంచుతుందనే నమ్మకం ఉంది’’ అని మంచు లక్ష్మీ అన్నారు. పీపుల్స్‌ మీడియా ఫ్యాక్టరీ, మంచు ఎంటర్‌టైన్‌మెంట్స్‌ పతాకాలపై టి.జి. విశ్వప్రసాద్, లక్ష్మీ మంచు నిర్మించిన చిత్రం ‘వైఫ్‌ ఆఫ్‌ రామ్‌’. విజయ్‌ యెలకంటి దర్శకుడు. నేడు ఈ చిత్రం విడుదలవుతోంది. ఈ సందర్భంగా దర్శకుడు విజయ్‌ మాట్లాడుతూ – ‘‘దీక్ష పాత్రకు లక్ష్మీ మంచు పూర్తి న్యాయం చేశారు. ఇందులో ఏ సీన్‌ కూడా సినిమేటిక్‌గా ఉండదు. సహజంగా జరుగుతున్నట్లే ఉంటుంది. రఘు దీక్షిత్‌ ఇచ్చిన బ్యాగ్రౌండ్‌ స్కోర్‌ ఓ హైలైట్‌. సామల భాస్కర్‌ కెమెరా, తమ్మిరాజు ఎడిటింగ్‌ అద్భుతం’’ అన్నారు. ‘‘బిగ్‌ బాస్‌ షో నుంచి బయటకు వచ్చాక వచ్చిన మొదటి అవకాశం ఇది. ఈ సినిమాలో చేసిన పాత్ర నా కెరీర్‌కి మంచి మలుపు అవుతుందనే నమ్మకం ఉంది’’ అని ఆదర్శ్‌ అన్నారు. ‘‘పర్ఫెక్ట్‌ ప్లానింగ్‌తో 27 రోజుల్లో షూటింగ్‌ పూర్త చేశాం. ఈ కథతో నేను చేసిన ప్రయాణాన్ని మరచిపోలేను’’ అని సామల భాస్కర్‌ అన్నారు.

‘‘యూత్‌ఫుల్‌ లవ్‌ ఎంటరై్టనర్స్‌కు ఆడియన్స్‌లో ఎప్పుడూ మంచి ఆదరణ ఉంటుంది. ప్రేక్షకులను అలరించే అంశాలు, కాస్త ఎమోషన్, మరికాస్త సెంటిమెంట్‌ కలపి దాన్ని  ప్రేమకథకు ముడేస్తే హిట్‌ మెటీరియల్‌. అలాంటి అంశాలతో వస్తోన్న సినిమానే ‘నా లవ్‌ స్టోరీ’ అని దర్శకుడు శివ గంగాధర్‌ అన్నారు. మహిధర్, సోనాక్షి సింగ్‌ జంటగా జి.లక్ష్మి నిర్మించిన ‘నా లవ్‌ స్టోరీ’ ఈరోజు రిలీజ్‌ అవుతోంది. ఈ సందర్భంగా చిత్ర దర్శకుడు గంగాధర్‌ మాట్లాడుతూ–‘‘దర్శకుడిగా ఇది నా మొదటి సినిమా. కథే హీరో. యూత్‌కి కనెక్ట్‌ అయ్యే యూనివర్సల్‌ లవ్‌స్టోరీ ఇది. మంచి స్క్రీన్‌ ప్లే ఉంటుంది. హీరోతో మొదలయ్యే లవ్‌ స్టోరీ హీరోయిన్‌తో ఎండ్‌ అవుతుంది. ఇది ఇప్పటి వరకూ రాని పాయింట్‌. మా సినిమా చూస్తే  పేరెంట్స్‌ మారతారనే నమ్మకం ఉంది’’ అన్నారు.


 
 దర్శక నిర్మాత మెహర్‌ప్రసాద్‌
 
 
 కాకినాడ కల్చరల్‌ : 
 
 వ్యాపార దృక్పథంతో కాక పూర్తి మానవతా విలువలతో ‘ఆడేపాడే తోల్బొమ్మ’ చిత్రాన్ని నిర్మించామని చిత్ర కథ, స్క్రీన్‌ ప్లే రచయిత, దర్శకనిర్మాత మల్లిపూడి బాబా మెహర్‌ప్రసాద్‌ చెప్పారు. చిత్రం విడుదలను పురస్కరించుకుని శుక్రవారం స్థానిక అంజలి థియేటర్‌ వద్ద చిత్ర బృందం సందడి చేసింది. ఈ సందర్భంగా మెహర్‌ప్రసాద్‌ విలేకరులతో మాట్లాడుతూ సినీ ప్రపంచంలో తొలిసారిగా మహిళలు మాత్రమే నటించిన ఈ సందేశాత్మక చిత్రాన్ని ప్రేక్షకులు విశేషంగా ఆదరించడం ఆనందంగా ఉందన్నారు. తల్లిదండ్రులు, యువతీ,యువకులకు స్ఫూర్తినిచ్చేలా ఉన్నందునే ప్రేక్షకులు ఆదరిస్తున్నారన్నారు. మంచి మనసుతో నిస్వార్థంగా పనిచేసే వారికి ప్రజల్లో ఆదరణ మహావృక్షంలా పెరుగుతుందనే విషయాన్ని చిత్రంలో చూపించామన్నారు. మెహర్‌ బాబా క్రియేషన్స్‌ బ్యానర్‌పై మరిన్ని సందేశాత్మక చిత్రాలు నిర్మించనున్నామన్నారు. సంగీత దర్శకుడు ఎం.వెంకటేష్, నటులు ప్రవల్లిక, లావణ్య, కవిత, జానకి తదితరులు పాల్గొన్నారు.