నెగెటివ్‌ పాత్రలు ఒకప్పుడు విలన్లు మాత్రమే చేసేవారు. కానీ ఇప్పుడు హీరోలు కూడా తమలో నెగెటివ్‌ షేడ్స్‌ చూపిస్తున్నారు. హింస, రక్తపాతంతో చెలరేగుతున్నారు. ఇలాంటి పాత్రలను ప్రేక్షకులు సైతం ఇష్టపడుతున్నారు. యానిమల్‌లో రణ్‌బీర్‌ కపూర్‌ చేసే విధ్వంసం అంతా ఇంతా కాదు. తన కుటుంబం కోసం ఎంతదూరమైనా వెళ్తాడు. అదే సమయంలో ప్రేమించిన భార్యకు నరకం చూపిస్తాడు. ఈ కథను జనాలు ఆదరించారు. బ్లాక్‌బస్టర్‌ చేశారు.ఈ ధోరణిపై బాలీవుడ్‌ నటుడు రాజ్‌కుమార్‌ రావు ఆసక్తికర వ్యాఖ్యలు చేశాడు. సినిమాల్లో కథ, పాత్రలను చూపిస్తారు. అంతేకానీ ఆ పాత్రలను ఆదర్శంగా తీసుకుని అలాగే మెసులుకోవాలని ఎవరూ చెప్పట్లేదు. రణ్‌బీర్‌ నటించిన యానిమల్‌ మూవీ నాకెంతో నచ్చింది. తన పర్ఫామెన్స్‌ చూస్తే దిమ్మ తిరిగిపోయింది. ఈ చిత్రాన్ని ఎందుకంతలా విమర్శిస్తున్నారో అర్థం కావడం లేదు. ఈ సినిమా పేరేమీ ఆదర్శ పురుష్‌ కాదు యానిమల్‌. టైటిల్‌ను బట్టి మీరే అర్థం చేసుకోవాలి. డైరెక్టర్‌ ఇక్కడ ఒక మృగం లాంటి వ్యక్తి గురించి చెప్తున్నాడని గ్రహించాలి' అని చెప్పుకొచ్చాడు.

స్త్రీ .. ఆరేళ్ల క్రితం వచ్చిన ఈ మూవీ బాక్సాఫీస్‌ వద్ద సూపర్‌ హిట్‌గా నిలిచింది. రాజ్‌కుమార్‌ రావు- శ్రద్దాకపూర్‌ల నటనకు జనాలు ఫిదా అయ్యారు. భయపెడుతూనే నవ్వించే ఈ సినిమాను చూసి ఎంజాయ్‌ చేశారు. తాజాగా దీనికి సీక్వెల్‌గా స్త్రీ 2 తెరకెక్కింది. ఆగస్టు 15న విడుదలైన ఈ సినిమా బాక్సాఫీస్‌ వద్ద మరోసారి కలెక్షన్ల వర్షం కురిపిస్తోంది. కేవలం రెండు రోజుల్లోనే రూ.100 కోట్ల పైచిలుకు సాధించింది. ఈ క్రమంలో ఇందులో నటించిన తారల రెమ్యునరేషన్‌ ఎంతో చూసేద్దాం..హీరో రాజ్‌కుమార్‌ రావు రూ.6 కోట్ల పారితోషికం తీసుకోగా హీరోయిన్‌ శ్రద్ధా కపూర్‌ రూ.5 కోట్లు అందుకున్నట్లు తెలుస్తోంది. కీలకపాత్రలో మెప్పించిన పంకజ్‌ త్రిపాఠి రూ.3 కోట్ల మేర రెమ్యునరేషన్‌ తీసుకున్నారట. అపరశక్తి ఖురానా.. రూ.70 లక్షలు, అభిషేక్‌ బెనర్జీ రూ.55 లక్షలు అందుకున్నారు. అతిథి పాత్రలో కనిపించిన వరుణ్‌ ధావన్‌.. ఏకంగా రూ.2 కోట్లు అందుకున్నాడు. అమర్‌ కౌశిక్‌ దర్శకత్వం వహించిన ఈ మూవీ మూడు రోజుల్లోనే రూ.135 కోట్లు వసూలు చేసింది.చదవండి: బాలీవుడ్‌ బాక్సాఫీస్‌ని షేక్‌ చేస్తున్న ‘స్త్రీ 2’.. ఇంతకీ ఈ మూవీలో ఏముంది?

హీరోయిన్‌ జాన్వీ కపూర్‌ ప్రధాన పాత్రలో నటించిన చిత్రాల్లో రూహి ఒకటి. హారర్‌ కామెడీగా తెరకెక్కిన ఈ సినిమాలో రాజ్‌ కుమార్‌ రావు హీరోగా నటించాడు. అయితే ఆ సినిమా రిలీజ్‌ సమయంలో 'రాజ్‌కుమార్‌తో పని చేయాలంటే చిరాకుగా ఉంది. ప్రతిసారి ఆయనతో కలిసి ఎలా నటించగలను? కాకపోతే ఆయన చాలా టాలెంట్‌.. నటిగా తన నుంచి ఎంతో నేర్చుకోవచ్చు. తనతో కలిసి పని చేయడం ఛాలెంజింగ్‌గా అనిపిస్తుంది. నేను నేర్చుకోవాల్సింది చాలా ఉందన్న ఫీలింగ్‌ వస్తుంది' అని చెప్పింది.మరోసారి జోడీఅతడితో పని చేయడమే చిరాకు అన్న జాన్వీ కపూర్‌.. మిస్టర్‌ అండ్‌ మిసెస్‌ మహి చిత్రంలో మరోసారి రాజ్‌కుమార్‌ రావుతో జోడీ కట్టింది. ఈ సినిమాకు పాజిటివ్‌ రివ్యూలు వస్తున్నాయి. తాజాగా ఆమె ద గ్రేట్‌ ఇండియన్‌ కపిల్‌ షోకు హాజరైంది. ఈ సందర్భంగా కపిల్‌ శర్మ.. జాన్వీని ఊహించని ప్రశ్న అడిగాడు. రాజ్‌కుమార్‌తో మళ్లీ పని చేయనన్నావ్‌? అని ఇరకాటంలో పడేశాడు.అందుకే అలా చెప్పాఅందుకు జాన్వీ తెలివిగా సమాధానమిచ్చింది. మీడియా ఎప్పుడూ సెన్సేషనల్‌ హెడ్‌లైన్స్‌ కోసమే ఎదురుచూస్తుంది. నేను అలాంటి స్టేట్‌మెంట్‌ ఇస్తే సినిమా ప్రమోషన్‌కు ఉపయోగపడుతుందనుకున్నాను. అలాగే తనతో పని చేయడం ఎందుకు కష్టమో కూడా చెప్పాను. తనకు చాలా అనుభవం ఉంది, టాలెంటెడ్‌.. అలాంటి వ్యక్తి పక్కన నటించడం కష్టమే కదా..! అని బదులిచ్చింది.చదవండి: ప్రముఖ నటుడి బ్యాగ్‌లో 40 బుల్లెట్లు

రాజ్‌కుమార్‌ రావు, జాన్వీకపూర్‌ జంటగా నటించిన హిందీ చిత్రం ‘మిస్టర్‌ అండ్‌ మిసెస్‌ మహి’. క్రికెట్‌ నేపథ్యంలో రూపొందిన ఈ మూవీకి శరణ్‌ శర్మ దర్శకుడు. ఈ సినిమాలో మహేంద్ర పాత్రలో రాజ్‌కుమార్‌ రావు, మహిమ పాత్రలో జాన్వీ కపూర్‌ నటించారని బాలీవుడ్‌ సమాచారం. జీ స్టూడియోస్, కరణ్‌ జోహార్, యశ్‌ జోహార్, అపూర్వ మెహతా నిర్మించిన ఈ చిత్రం ఈ నెల 31న విడుదల కానుంది. ఈ సినిమా ట్రైలర్‌ను విడుదల చేశారు మేకర్స్‌. ‘నాకు ఇంకో ఏడాది అవకాశం కల్పించండి నాన్న.. నేను కచ్చితంగా సెలక్ట్‌ అవుతాను.. నా కలను బ్రేక్‌ చేయవద్దు నాన్న.. ప్లీజ్‌’, ‘మీ నాన్న కోసం నువ్వు (జాన్వీని ఉద్దేశిస్తూ..) డాక్టర్‌ అయ్యావు మహి.. కానీ నువ్వు ఏం కావాలనుకుంటున్నావు’ (రాజ్‌కుమార్‌ రావు), ‘నేనేం క్రికెట్‌ కోసం పుట్టలేదు’ (జాన్వీ కపూర్‌) వంటి డైలాగ్స్‌ ట్రైలర్‌లో ఉన్నాయి. క్రికెటర్‌ కావాలనుకున్న ఓ యువకుడు తన లక్ష్యాన్ని సాధించలేకపోతాడు. ఆ తర్వాత అతను పెళ్లి చేసుకుంటాడు.వృత్తి రీత్యా డాక్టర్‌ అయిన తన భార్యలో క్రికెట్‌ ప్రతిభ ఉందని గ్రహించి, తన భార్యకు తానే క్రికెట్‌ కోచింగ్‌ ఇచ్చి, ఆమెను ్రపోత్సహించి క్రికెటర్‌ను చేయాలనుకుంటాడు. ఈ నేపథ్యంలో ఆ భార్యాభర్తల జీవితాల్లో ఎలాంటి పరిణామాలు చోటు చేసుకున్నాయి? అనే నేపథ్యంలో ‘మిస్టర్‌ అండ్‌ మిసెస్‌ మహి’ సినిమా కథనం ఉంటుందని బాలీవుడ్‌ టాక్‌.

దిలీప్‌ కుమార్‌ను చూసి సినిమా హీరో అవుదామనుకుని హీరోలు అయినవారు ధర్మేంద్ర, మనోజ్‌ కుమార్‌. తెలుగులో చిరంజీవిని చూసి హీరో అవుదామనుకుని అయిన శ్రీకాంత్‌ తదితరులు ఉన్నారు. ఇప్పుడు బాలీవుడ్‌ నటుడు రాజ్‌కుమార్‌ రావ్‌ షారూక్‌ ఖాన్‌ను చూసి తాను హీరోనయ్యానని చెప్పుకున్నాడు. రాజ్‌ కుమార్‌ రావు ఇటీవల ఓటిటి ప్లాట్‌ఫామ్స్‌పై డ్రిల్‌ టీచర్‌ పాత్రలో ‘ఛలాంగ్‌’ సినిమాతో ముందుకు వచ్చాడు. కాని ఆ సినిమా అనుకున్నంత రెస్పాన్స్‌ పొందలేదు. దీని తర్వాత అతను నటించిన ‘వైట్‌ టైగర్‌’ విడుదలైంది. అరవింద్‌ అడిగ నవల ‘వైట్‌ టైగర్‌’ ఆధారంగా అమెరికా ప్రేక్షకుల కోసం ఇంగ్లిష్‌లో తీసిన ఈ సినిమాను  హిందీలో డబ్‌ చేసి జనవరి 13న థియేటర్లలో విడుదల చేశారు. గతంలో వచ్చిన స్లమ్‌డాగ్‌ మిలియనీర్‌ సినిమాలో ఉండే కొన్ని నెగెటివ్‌ అంశాలకు ‘వైట్‌ టైగర్‌’ సరైన సమాధానం చెప్పిందన్న ప్రశంసలు వచ్చాయి. ఇప్పుడు జనవరి 22న నెట్‌ఫ్లిక్స్‌లో విడుదల కానుంది. రాజ్‌కుమార్‌ రావు గుర్‌గావ్‌ నుంచి వచ్చిన నటుడు. ‘నేను షారూక్‌ ఖాన్‌ సినిమాలను చూసే నటుడవుదామనుకున్నాను. ఆయన సినిమా రంగంలో పని చేస్తుండగా ఆయనతో పాటు నేను కూడా పని చేయాలని గట్టిగా నిర్ణయించుకున్నాను. నీ దగ్గర కష్టపడే స్వభావం ఉంటే సక్సెస్‌ కావచ్చన్న దానికి షారూక్‌ జీవితమే ఉదాహరణ. నేను కూడా ఆయనలాగే కష్టపడ్డాను’ అని చెప్పాడు రాజ్‌కుమార్‌ రావ్‌. ‘స్త్రీ’ తర్వాత రాజ్‌కుమార్‌ రావ్‌కు గట్టి హిట్‌ తగల్లేదు. ప్రస్తుతం అతను ‘బధాయీ దో’ సినిమాలో నటిస్తున్నాడు. 

రాజ్‌కుమార్‌ రావ్, శ్రద్ధా కపూర్‌ ముఖ్య పాత్రల్లో అమర్‌ కౌశిక్‌ తెరకెక్కించిన హారర్‌ కామెడీ చిత్రం ‘స్త్రీ’. రాజ్, డీకే ఈ చిత్రకథను అందించారు. 2018లో బాలీవుడ్‌లో వచ్చిన పెద్ద హిట్స్‌లో ఈ సినిమా కూడా ఉంది. 100 కోట్ల పైగా కలెక్షన్లను సాధించింది. తాజాగా ‘స్త్రీ’ జపాన్‌ వరకూ వెళ్లింది. ఈ సినిమా సోమవారం జపాన్‌లో విడుదలయింది. ‘జపాన్‌లోనూ స్త్రీ అందరి మనసుల్ని దోచేస్తుంది’ అని పేర్కొన్నారు శ్రద్ధా కపూర్‌. ఈ సినిమాకు సీక్వెల్‌ కూడా ఉంటుందని సమాచారం.

ముంబై : ఒకానొక సమయంలో కనీసం ఒక పూట భోజనానికి కూడా తన దగ్గర డబ్బులేని రోజులు ఉన్నాయని బాలీవుడ్‌ హీరో రాజ్‌కుమార్‌ రావ్‌ అన్నాడు. బ్యాంకు అకౌంట్లో కేవలం 18 రూపాయలు మాత్రమే కలిగి ఉన్న తాను.. ప్రేక్షకుల అభిమానం వల్ల ఈరోజు బీ-టౌన్‌ ఇండస్ట్రీలో ప్రత్యేక గుర్తింపు దక్కించుకున్నానన్నాడు. 2010లో లవ్ సెక్స్‌ దోఖా సినిమాతో బాలీవుడ్‌లో ఎంట్రీ ఇచ్చిన రాజ్‌కుమార్‌ విలక్షణ పాత్రలు ఎంచుకుంటున్న సంగతి తెలిసిందే. కంగనా రనౌత్‌, ప్రియాంక చోప్రా వంటి టాప్‌ హీరోయిన్లకు జోడీగా నటించి కీలక నటుడిగా ఎదిగాడు. ఈ క్రమంలో పింక్‌విల్లా వెబ్‌సైట్‌తో మాట్లాడిన రాజ్‌కుమార్‌ చిన్నతనంలో తాను అనుభవించిన పేదరికం గురించి చెప్పుకొచ్చాడు. ‘ నేను దిగువ మధ్యతరగతి కుటుంబానికి చెందినవాడిని. మా కుటుంబం చాలా క్లిష్ట పరిస్థితులను ఎదుర్కొంది. స్కూలు ఫీజు కట్టేందుకు కూడా మా దగ్గర డబ్బులు లేవు. రెండేళ్లపాటు నా టీచర్లే నా ఫీజు చెల్లించారు. సిటీకి వచ్చిన కొత్తలో నేను ఓ చిన్న ఇంట్లో ఉండేవాడిని. నా వంతుగా రూ. 7వేలు కట్టాలి. నెలరోజుల పాటు సిటీలో గడపాలంటే కనీసం రూ. 15 నుంచి 20 వేల రూపాయలు అవసరమయ్యేవి. అలాంటి సమయంలో ఒకానొక రోజు నా బ్యాంకు అకౌంట్లో 18 రూపాయలు మాత్రమే ఉన్నాయని నోటిఫికేషన్‌ వచ్చింది. అప్పుడేం చేయాలో అర్థం కాలేదు. నటన మీద ఉన్న ఆసక్తితో ఫిల్మ్‌ అండ్‌ టెలివిజన్‌ ఇన్‌స్టిట్యూట్‌ ఆఫ్‌ ఇండియాలో జాయిన్‌ అయ్యాను. అప్పుడు కనీసం సరైన బట్టలు కొనుక్కునేందుకు కూడా నా దగ్గర డబ్బులేదు. నా స్నేహితుడి ఇంట్లో ఉంటూ అడిషన్స్‌ కోసం తిరిగీ తిరిగీ ముఖాలు వాడిపోయేవి. రాగానే రోజ్‌ వాటర్‌తో ముఖం కడుక్కుని.. పర్లేదు మనం కూడా బాగానే ఉన్నాం అని సంబరపడిపోయేవాళ్లం. ఇలా నా ప్రయత్నాలు కొనసాగుతుండగా 2010లో సినిమా అవకాశం వచ్చింది అని రాజ్‌కుమార్‌ పేర్కొన్నాడు.

ముంబై: కంగనా రనౌత్, రాజ్‌కుమార్‌ రావు మరోసారి తెరపైన మ్యాజిక్‌ చేయడానికి సిద్ధమవుతున్నారు. ఐదేళ్ల కిందట క్వీన్‌ సినిమాతో అలరించిన ఈ జోడీ.. తాజాగా ‘జడ్జిమెంటల్ హై క్యా’ సినిమాతో ప్రేక్షకులను పలుకరించబోతోంది. ‘సైజ్‌ జీరో’ వంటి తెలుగు చిత్రాలను తెరకెక్కించిన ప్రకాశ్‌ కోవెలమూడి దర్శకత్వంలో వచ్చిన ఈ సినిమా ట్రైలర్ విడుదలైంది. ఒక మర్డర్‌ మిస్టరీలో నిందితులుగా ఈ సినిమాలో కంగనా, రాజ్‌కుమార్‌ బాబీ, కేశవ్‌ పాత్రల్లో కనిపించనున్నారు. సంక్లిష్టమైన, ఒకింత మతిస్థిమితంలేని బాబీ పాత్రను కంగనా అద్భుతంగా పోషించినట్టు సినిమా ట్రైలర్‌ను బట్టి అర్థమవుతోంది. మర్డర్‌ మిస్టరీ చుట్టూ తిరుగుతూ ఆద్యంతం ఉత్కంఠ రేపేలా ‘జడ్జిమెంటల్‌ హై క్యా’ సినిమా ఉండనుందని తెలుస్తోంది. ఈ సినిమాకు మొదట ‘మెంటల్‌ హై క్యా’ టైటిల్‌ పెట్టినప్పటికీ.. ఇండియన్‌ మెంటల్‌ హెల్త్‌ అసోసియేషన్‌ అభ్యంతరం వ్యక్తం చేయడంతో సినిమా టైటిల్‌ను మార్చిన సంగతి తెలిసిందే.

సినీ పరిశ్రమకున్న క్రేజ్‌ చాలా ప్రత్యేకమైనది. ఆ తళుకుబెళుకులకు అలవాటు పడిన వారు సాధరణ జీవితం గడపలేరు. అవకాశాలు తగ్గిపోతే డిప్రెషన్‌లోకి వెళ్లడం.. నేరాలకు పాల్పడటం.. ఆఖరుకి ప్రాణాలు తీసుకోవడం వంటి సంఘటనలను చూస్తూనే ఉంటాం. కానీ పరిశ్రమలో తనకంటూ ఓ గుర్తింపు తెచ్చుకున్న ఓ వ్యక్తి నేడు.. సెక్యూరిటీ గార్డుగా అనామక జీవితం గడుపుతూ.. పలువురికి ఆదర్శంగా నిలుస్తున్నారు. ప్రస్తుతం సోషల్‌ మీడియాలో తెగ వైరలవుతోన్న ఈ స్టోరి పలువురు ప్రముఖుల దృష్టిని ఆకర్షించడమే కాక అభినందనలు కూడా అందుకుంటుంది. వివరాలు.. ‘బ్లాక్‌ ఫ్రైడే’, ‘గులాల్‌’, ‘పాటియాల హౌస్‌’ వంటి పలు చిత్రాల్లో నటించిన సావి సిద్ధు ప్రస్తుతం అవకాశాలు లేక సెక్యూరిటీ గార్డుగా పని చేస్తున్నారు. ఈ క్రమంలో ఆయన ఎదుర్కొంటున్న ఇబ్బందులు గురించి.. సెక్యూరిటీ గార్డుగా చేరాల్సి వచ్చిన పరిస్థితుల గురించి ఓ వీడియో తీసి యూట్యూబ్‌లో పోస్ట్‌ చేశారు. ​‘12 గంటల ఈ ఉద్యోగం చాలా కష్టమైనది.  చాలా మెకానికల్‌ జాబ్‌. బస్సు టికెట్‌ కొనడానికి కూడా నా దగ్గర డబ్బుల్లేవు. ఇక సినిమా టికెట్‌ కొనడం అనేది నా జీవితంలో ఓ కలగా మారింది. ప్రస్తుతం నా ఆర్థిక పరిస్థితి ఏం బాగాలేదు’ అంటూ సావి వీడియోలో తన కష్టాల గురించి తెలిపారు. ఆన్‌లైన్‌లో ట్రెండ్‌ అవుతోన్న ఈ వీడియో రాజ్‌కుమార్‌ రావ్‌, అనురాగ్‌ కశ్యప్‌ వంటి ప్రముఖుల దృష్టికి వచ్చింది. దాంతో ఈ విషయాన్ని ప్రపంచానికి తెలియజేసినందుకు సదరు యూ ట్యూబ్‌ చానెల్‌కి కృతజ్ఞతలు తెలపడమే కాక సావి ఎంచుకున్న మార్గం ఎందరికో ఆదర్శంగా నిలిచిందంటూ రాజ్‌ కుమార్‌ ట్వీట్‌ చేశారు. అంతేకాక తన పరిచయస్తులకు సావి గురించి చెప్పి అవకాశాలు ఇప్పిస్తానని తెలిపాడు. ఇక ఈ వీడియో గురించి అనురాగ్‌ కశ్యప్‌ ‘నేను సావి సిద్ధును గౌరవిస్తాను. అవకాశాలు రాని వారు చాలా మంది తాగుతూ.. ఇతర మార్గాల్లో తమ జీవితాన్ని నాశనం చేసుకుంటారు. కానీ సావి మాత్రం గౌరవప్రదమైన జీవితాన్ని గడుపుతున్నారు. బతకడం కోసం ఆయన ఎన్నుకున్న మార్గం చాలా ఉత్తమైనది. డబ్బులిచ్చి ఆయన స్వాభిమానాన్ని దెబ్బ తీయకూడదు.  వారికి సాయం చేయాలనుకుంటే డబ్బు చెల్లించి వారి కళను ఆస్వాదించండి’ అంటూ ట్వీట్‌ చేశారు. There are so many actors out there who don’t have work. I respect Savi Siddhu as an actor and have cast him thrice when he earned the role. I respect him that he chose to live his life with dignity and picked a job unlike so many entitled out of work actors who have either — Anurag Kashyap (@anuragkashyap72) March 19, 2019

మంచి నటుడిగా బాలీవుడ్‌లో తనకంటూ ఓ సెపరేట్‌ ఇమేజ్‌ని క్రియేట్‌ చేసుకున్నారు రాజ్‌కుమార్‌ రావు. హీరోగా ఈ ఏడాది ‘స్త్రీ’ చిత్రంతో బంపర్‌ హిట్‌ అందుకున్నారాయన. ఇప్పుడు దీపికా పదుకోన్‌ కోసం క్యారెక్టర్‌ ఆర్టిస్టుగా మారబోతున్నారట. ‘తల్వార్, రాజీ’ చిత్రాల ఫేమ్‌ మేఘనా గుల్జార్‌ దర్శకత్వంలో దీపికా పదుకోన్‌ ప్రధాన పాత్రలో ఓ సినిమా వచ్చే ఏడాది ప్రారంభం కానున్న సంగతి తెలిసిందే. ఈ సినిమాలో రాజ్‌కుమార్‌ రావు ఓ కీలక పాత్ర చేయడానికి అంగీకరించారని బాలీవుడ్‌ తాజా సమాచారం. ఒకవైపు హీరోగా చేస్తున్నప్పటికీ క్యారెక్టర్‌ బాగుంటే చాలు.. నిడివి తక్కువ అయినా వేరే సినిమాలకు గ్రీన్‌ సిగ్నల్‌ ఇవ్వాలనుకుంటారట రాజ్‌కుమార్‌. ఢిల్లీ యాసిడ్‌ బాధితురాలు లక్ష్మీ అగర్వాల్‌ జీవితం ఆధారంగా రూపొందనున్న ఈ సినిమాతో దీపికా నిర్మాతగా మారనున్న సంగతి తెలిసిందే. ఇదిలా ఉంటే రాజ్‌కుమార్‌ నటించిన ‘మెంటల్‌ హై క్యా, మేడ్‌ ఇన్‌ చైనా, ఏక్‌ లడ్కీ కో దేఖాతో ఏసా లగా’ చిత్రాలు వచ్చే ఏడాది థియేటర్స్‌లోకి రానున్నాయి. 

బ్యూటీ క్వీన్‌ శ్రద్ధాకపూర్‌ ప్రస్తుతం వరుస ప్రాజెక్టులతో బిజీగా ఉన్నారు. విలక్షణ నటుడు రాజ్‌కుమార్‌ రావుతో కలిసి ‘స్త్రీ’ అనే చిత్రంలో నటిస్తుండగా.. ఆ మధ్య టీజర్‌ను కూడా రిలీజ్‌ చేశారు. 90వ దశకంలో దక్షిణ భారతదేశంలో ‘ఓ స్త్రీ రేపు రా’ నేపథ్యంలో బోలెడన్నీ కథలు ప్రచారమైన విషయం తెలిసిందే. ఈ కాన్సెప్ట్‌తోనే ‘స్త్రీ’ హర్రర్‌ కామెడీగా తెరకెక్కుతోంది. ఇక ఈ చిత్రంలో శ్రద్ధా లుక్‌ను రాజ్‌కుమార్‌ తన ఇన్‌స్టాగ్రామ్‌ స్టోరీలో రివీల్‌ చేశాడు. ముసుగులో దెయ్యం మాదిరి భయానకంగా శ్రద్ధా లుక్‌ ఉంది. అయితే హాలీవుడ్‌లో నన్‌.. కంజూరింగ్‌-2 లాంటి చిత్రాల్లో ఇలాంటి లుక్‌ను అల్రెడీ చాలా మంది చూసి ఉన్నారు. దీంతో శ్రద్ధా లుక్కును పోలుస్తూ పలువురు విపరీతంగా ట్రోల్‌ చేస్తున్నారు. పలు చిత్రాల్లోనే పోస్టర్లను.. శ్రద్ధా లుక్‌కు అన్వయించి ఫన్‌ పోస్టులు పెడుతున్నారు. కర్ణాటకలో కలకలం రేపిన నలె బా(ఓ స్త్రీ రేపు రా..) ప్రధానాంశంగా అమర్‌ కౌశిక్‌ ఈ చిత్రాన్ని డైరెక్ట్‌ చేస్తున్నారు. ఇదిలా ఉంటే ప్రభాస్‌ సరసన శ్రద్ధా సాహోలో సైతం నటిస్తున్నారు.

...అని అప్పటి దాకా దెబ్బలాడుకున్న కంగనా రనౌత్‌ అండ్‌ రాజ్‌కుమార్‌ రావు సడన్‌గా ప్లేట్‌ ఫిరాయించి నీకంటే నాకే పిచ్చి ఎక్కువ అని వాదించుకుంటున్నారు. కానీ ఇదంతా సరదాగానే. మరి.. వీరిద్దరి మెంటల్‌ లెవల్‌ చూడాలంటే మాత్రం ‘మెంటల్‌ హై క్యా’ సినిమా చూడాల్సిందే. ప్రకాశ్‌ కోవెలమూడి దర్శకత్వంలో కంగనా రనౌత్, రాజ్‌కుమార్‌ రావు, అమైరా దస్తూర్‌ ముఖ్య తారలుగా నటిస్తున్న ‘మెంటల్‌ హై క్యా’. ఈ సినిమాలో డబ్బింగ్‌ ఆర్టిస్ట్‌గా కంగనా రనౌత్‌ నటిస్తున్నారు. ఈ సినిమా మేజర్‌ షూటింగ్‌ లండన్‌లో జరుగుతోంది. వచ్చే ఏడాది ఫిబ్రవరి 22న చిత్రాన్ని రిలీజ్‌ చేయనున్నట్లు చిత్రబృందం ప్రకటించింది. మరోవైపు తన నెక్ట్స్‌ సినిమాలో కంగనా రనౌత్‌ కబడ్డీ ప్లేయర్‌గా నటించబోతున్నారని బీటౌన్‌ టాక్‌. జాతీయ స్థాయి కబడ్డీ చాంపియన్‌షిప్‌ నేపథ్యంలో ఈ సినిమా సాగుతుందట.  

నవ్వుతూ నీళ్లు తాగడం కష్టం. నవ్వుతూ భయపడటం కూడా అంతే. అయితే ‘మేం భయపెడతాం.. మీరు నవ్వుకోండి’ అంటున్నారు శ్రద్ధా కపూర్‌. రాజ్‌కుమార్‌ రావు హీరోగా ఓ హారర్‌ కామెడీ సినిమా రూపొందనుంది. అంటే.. భయంలోంచి నవ్వు పుట్టుకొస్తుందన్న మాట. ఇందులో కథానాయికగా నటించబోతున్నారు శ్రద్ధా.  నాలుగేళ్ల క్రితం వరుణ్‌ సందేశ్, సందీప్‌ కిషన్‌ కలిసి తెలుగులో నటించిన ‘డీ ఫర్‌ దోపిడి’ సినిమాకు సహ నిర్మాతలుగా వ్యవహరించిన నిడిమోరు రాజ్, కృష్ణ డీకే ఈ సినిమాకు దర్శకులు. కథ కూడా వాళ్లదే. స్మాల్‌ టౌన్‌ గాళ్‌గా నటించబోయే శ్రద్ధా కపూర్‌ క్యారెక్టర్‌ చుట్టూ ఈ సినిమా సాగుతుందని బీ టౌన్‌ టాక్‌. అయితే ప్రభాస్‌ హీరోగా చేస్తున్న ‘సాహో’  సినిమాలో తన వంతు సీన్స్‌ను కంప్లీట్‌ చేసిన తర్వాతే శ్రద్ధ ఈ సినిమా షూటింగ్‌లో జాయిన్‌ అవుతారట. ‘‘ఇప్పటి వరకు నేను చేయని హారర్‌ జోనర్‌లో నటించబోతున్నందుకు థ్రిల్లింగ్‌గా ఉంది. సూపర్‌ అమేజింగ్‌ యాక్ట్రస్‌ శ్రద్ధా కపూర్‌తో కలిసి స్క్రీన్‌ షేర్‌ చేసుకోబోతున్నందుకు ఆనందంగా ఉంది’’ అన్నారు రాజ్‌కుమార్‌ రావు. ‘‘నా అభిమాన నటుల్లో ఒకరైన రాజ్‌కుమార్‌ రావుతో నటించబోతున్నాను. దర్శక ద్వయం రాజ్‌ అండ్‌ డీకేలతో సినిమా చేయబోతున్నందుకు ఆనందంగా ఉంది’’ అన్నారు శ్రద్ధా.

గోవా: తనపై జోక్ వేసిన నటుడికి కేంద్ర సమాచార, ప్రసారాల శాఖల మంత్రి స్మృతీ ఇరానీ తగిన రీతిలో కౌంటర్ ఇవ్వడం హాట్ టాపిక్‌ అయింది. ఆ వివరాలిలా ఉన్నాయి..  గోవాలో సోమవారం 48వ ఇంటర్నేషనల్ ఫిలిం ఫెస్టివల్‌ ఆఫ్‌ ఇండియా ఈవెంట్ నిర్వహించారు. ఈ కార్యక్రమానికి హాజరైన బాలీవుడ్‌ నటుడు రాజ్‌కుమార్‌ రావ్‌ వ్యాఖ్యాతగానూ వ్యవహరించాడు. స్మృతీ ఇరానీ ముఖ్యఅతిథిగా విచ్చేశారు. డైరెక్టర్ మజిద్‌ మజీది తీసిన ఓ సినిమాను ప్రదర్శించారు. ఆ మూవీ గురించి యాంకర్‌గా చేసిన రాజ్‌కుమార్‌ చెబుతూ అత్యుత్సాహానికి పోయి.. ‘ఈ డైరెక్టర్ మజిద్ మజీది కూడా మన కేంద్రమంత్రి స్మృతి ఇరానీ లాగే ఆయనా ఇరానీనే’  అంటూ జోక్ చేశాడు. ఆపై కేంద్ర మంత్రి ఆ నటుడికి ఊహించని షాకిచ్చారు. కేంద్ర ప్రభుత్వం ఎంత సంయమనంతో, సహనంతో పాలిస్తుందనడానికి ఓ నటుడు కేంద్ర మంత్రిపై జోక్ చేయడమే నిదర్శనమని స్మృతీ ఇరానీ బదులిచ్చారు. రాజ్‌కుమార్‌కు ధన్యవాదాలు తెలపాలి. నువ్వు చేసిన వ్యాఖ్యలతోనైనా కేంద్ర ప్రభుత్వం చాలా ఫ్రెండ్లీగా ఉంటుందని అందరికీ తెలిసింది. ’నాపై జోక్‌తో నైనా నీకాలు విరగొట్టింది మా బీజేపీ కార్యకర్తలు, మద్ధతుదారులంటూ ఏ ఒక్కరూ నిందలు వేసే అవకాశమే లేదంటూ’నటుడు రాజ్‌కుమార్‌తో మంత్రి స్మృతీ ఇరానీ కౌంటర్ ఇవ్వడంతో అక్కడున్న వారు షాకయ్యారు. ఇటీవల ఓ మూవీ షూటింగ్‌లో రాజ్‌కుమార్ కాలికి గాయమైన విషయం తెలిసిందే. ఈవెంట్ కు వ్యాఖ్యాతలుగా వ్యహరించిన రాజ్‌కుమార్‌ రావ్, నటి రాధికా ఆప్తేలను ప్రశంసిస్తూ ఆమె ట్వీట్ చేయడం గమనార్హం. Compliments to @RajkummarRao & @radhika_apte for being such wonderful hosts at #IFFI2017 Opening Ceremony. pic.twitter.com/4bbO8mh2pG — Smriti Z Irani (@smritiirani) 20 November 2017


 ఐశ్వర్యారాయ్‌ వయసెంత? అని అడిగితే.. థర్టీ ప్లస్‌ ఉంటాయేమో అంటారు. కానీ, ఈ అందాల సుందరి ఫార్టీ ప్లస్‌లో ఉన్నారు. వయసు తెలియనివ్వకుండా ఫిజిక్‌ని మెయిన్‌టైన్‌ చేస్తున్నారామె. అందుకేనేమో ఆమెకన్నా దాదాపు పదేళ్లు తక్కువ వయసున్న హీరోకి జోడీగా ఐష్‌ను తీసుకున్నారు దర్శకుడు అతుల్‌ మంజ్రేకర్‌. నిజానికి ఈ సినిమాలో ఫిఫ్టీ ప్లస్‌ హీరో అనిల్‌కపూర్‌ సరసన ఐష్‌ నటిస్తారనే వార్త వినిపించింది. ఆ తర్వాత ఆమె వయసుకు దాదాపు సమాన వయస్కుడైన మాధవన్‌తో జతకడతారనే వార్త వచ్చింది.
 
  చివరికి ఆ అవకాశం థర్టీ ప్లస్‌ ఏజ్‌ హీరో రాజ్‌కుమార్‌ రావ్‌కి దక్కింది. ‘‘ఈ సినిమా షూట్‌కు సంబంధించిన వర్క్స్‌ ముంబైలో స్టార్టయ్యాయి. ముందు అనిల్‌ కపూర్‌పై కొన్ని సీన్స్‌ను తీసిన తర్వాత ఐశ్యర్య షూట్‌లో జాయిన్‌ అవుతారు. ఈ చిత్రంలో ఐశ్యర్య హైలీ స్టైలిష్‌ పాత్రలో కనిపించనున్నారు’’ అని నిర్మాతల్లో ఒకరైన ప్రేరణా అరోరా తెలిపారు. ఇంతకీ ఈ సినిమా పేరు చెప్పలేదు కదూ.. ‘ఫాన్నీ ఖాన్‌’.


 ‘భారతీయులందరూ నా సోదరసోదరీమణులు’ .. పాఠశాలలో పిల్లలు తరచూగా చేసే ప్రతిజ్ఞ ఇది. కానీ ఈ ప్రతిజ్ఞకు కాస్తా కామెడీ టచ్‌ ఇస్తూ యువతీయువకుల ప్రేమకథను సరికొత్తరీతిలో తెరకెక్కించాడు అజయ్‌ కే పన్నాలాల్‌. రాజ్‌కుమార్‌ రావు, శృతిహాసన్‌ జంటగా తెరకెక్కిన తాజా హిందీ సినిమా ‘బెహెన్‌ హోగీ తేరి’.. ఫుల్‌లెంత్‌ కామెడీతో తెరకెక్కిన ఈ సినిమా ట్రైలర్‌ తాజాగా ఆన్‌లైన్‌లో విడుదలైంది. ఈ సినిమాలో రాజకుమార్‌ గట్టుగా కనిపించనుండగా.. అతని బాల్యపు ప్రేమికురాలు, పక్కింటి అమ్మాయి బిన్నీ అరోరాగా శృతి హాసన్‌ నటించనుంది. పక్కింటి అమ్మాయిని సోదరిలాగా చూడాలని అంతా అంటే గట్టు మాత్రం అందుకు భిన్నంగా బిన్నీని ప్రేమిస్తాడు. ఈ నేపథ్యంలో  వారి ప్రేమకథ, ఫ్యామిలీ డ్రామా ఎలా సాగిందనేది ఈ సినిమా కథ. కడుపుబ్బా నవ్వించేలా ఉన్న ఈ ట్రైలర్‌ను నెటిజన్లను ఆకట్టుకుంటోంది.