దాదర్‌: మ‌హారాష్ట్రవ్యాప్తంగా పప్పు దినుసులు, కూరగాయలు ఇతర నిత్యవసర సరుకుల ధరలకు రెక్కలు వచ్చాయి. మొన్నటి వరకు స్ధిరంగా ఉన్న పప్పు దినుసులు, ఉల్లి, వెల్లుల్లి, టమాటా, ఆకుకూరలు, ఇతర కూరగాయల ధరలు చుక్కలను తాకుతున్నాయి. ఒకపక్క మహాయుతి ప్రభుత్వం లాడ్కి బహిన్‌ పథకం ప్రవేశపెట్టి అక్కచెల్లెళ్లను సంతోషపెడుతూనే మరోపక్క నిత్యవసర సరుకుల ధరలు అందుబాటులో లేకుండా పోయినా ఎలాంటి చర్యలు తీసుకోకుండా వారిని ఇబ్బంది పెడుతోందనే ఆరోపణలు వెల్లువెత్తుతున్నాయి. మొన్నటి వరకు నియంత్రణలో ఉన్న ధరలు ఇప్పుడు భారీగా పెరిగిపోవడంతో వీటిని కొనుగోలు చేసేందుకు సాధారణ, మధ్యతరగతి ప్రజలు వెనుకాడుతున్నారు. కోస్తే కాదు..కొనాలన్నా కన్నీళ్లే... ముంబైసహా ఇతర ప్రధాన నగరాలన్నిటిలోనూ ప్రస్తుతం ఇదే పరిస్ధితి కొనసాగుతోంది. న్యూ ముంబైలోని వ్యవసాయ ఉత్పత్తుల మార్కెటింగ్‌ కమిటీ (ఏపీఎంసీ) హోల్‌సేల్‌ మార్కెట్‌లో కేజీ ఉల్లి ధర రూ.40–60 ఉండగా ఇప్పుడది ఏకంగా రూ.80–100 ధర పలుకుతోంది. నాణ్యతను బట్టి కేజీ రూ.110–120 ధర కూడా పలుకుతోంది. అదేవిధంగా రూ.10–15 ధర పలికిన వివిధ ఆకు కూరలు ఇప్పుడు రూ.30–40 ధర పలుకుతున్నాయి. రాష్ట్రంలోని హోల్‌సేల్‌ మార్కెట్లోకి ఉల్లి దిగుమతి తగ్గిపోవడంతో సరుకు కొరత ఏర్పడింది. దీనికితోడు ఇటీవల కురిసిన అకాల వర్షాలకు ఉల్లి, వెల్లుల్లితోపాటు కూరగాయల పంటలు దెబ్బతిన్నాయి. ఫలితంగా ధరలు అందుబాటులో లేకుండా పోయాయాని వ్యాపారులు చెబుతున్నారు. కూడా అపార నష్టం వాటిల్లింది. దీని ప్రభావం ధరలపై పడుతోందని వ్యాపారులు అంటున్నారు.వంటనూనెలదీ ఇదే దారి... కూరగాయలు, పప్పుదినుసులతోపాటు వంటనూనెధరలు కూడా విపరీతంగా పెరిగాయి. మొన్నటి వరకు రూ.100–120 ధర పలికిన లీటరు వంటనూనె ప్యాకెట్‌ ఇప్పుడు ఏకంగా రూ.165 ధర పలుకుతోంది. అలాగే రూ.90 ధర పలికిన పామాయిల్‌ ఇప్పుడు రూ.130 పలుకుతోంది. సామాన్యులు తినే సాధారణ బియ్యం, గోధుమలు, పప్పుదినుసులు, ఆఖరుకు కొబ్బరికాయల ధరలు కూడా విపరీతంగా పెరిగిపోయాయి. దీంతో ఏం తిని బతకాలంటూ పేద, మధ్యతరగతి ప్రజలు వాపోతున్నారు.

వాషింగ్టన్‌: అగ్రరాజ్యం అమెరికా కరోనా కాటుకి తల్లడిల్లిపోతోంది. కంటికి కనిపించని సూక్ష్మ క్రిమి అతి పెద్ద దేశాన్ని పెనుభూతంలా భయపెడుతోంది. ఒకే రోజులో 16 వేలకు పైగా కేసులు నమోదు కావడంతో మొత్తం కేసుల సంఖ్య దాదాపుగా 86వేలకు చేరుకుంది. చైనా (81,782), ఇటలీ (80,589)ని మించిపోయేలా కేసులు నమోదు కావడంతో ప్రపంచ పెద్దన్న వెన్నులో వణుకు పుడుతోంది. ఒక వారంలో కేసుల సంఖ్య పది రెట్లు పెరిగి ఉప్పెనలా ముంచెత్తడం ప్రమాద ఘంటికలు మోగిస్తోంది. అయితే మరణాల సంఖ్యలో చైనా, ఇటలీ కంటే తక్కువగా ఉండడం కాస్త ఊరటనిచ్చే అంశం. ఇప్పటికి 1300 మందికిపైగా ఈ వైరస్‌తో మరణిస్తే చైనాలో 3,300 మంది, ఇటలీలో 8,250 మంది మరణించినట్టు అధికారిక లెక్కలు వెల్లడిస్తున్నాయి. చైనా గణాంకాలు తప్పుడు తడకలేనా కరోనా కేసుల్లో అమెరికా చైనాని మించి పోవడంతో ఆ దేశం వెల్లడిస్తున్న అధికారిక లెక్కలపై అధ్యక్షుడు డొనాల్డ్‌ ట్రంప్‌ అనుమానాలు వ్యక్తం చేశారు. వాస్తవంగా చైనాలో ఎంత మందికి సోకింది? ఎందరు మరణించారు? అన్న వివరాలు తెలీవన్నారు. తమ దేశంలో టెస్టింగ్‌ కిట్‌లు అన్ని రాష్ట్రాల్లో లభిస్తుండడం వల్ల కేసుల సంఖ్య సరిగ్గా తెలుస్తోందన్నారు. వైట్‌హౌస్‌ కరోనావైరస్‌ టాస్క్‌ ఫోర్స్‌ కోఆర్డినేటర్‌ డాక్టర్‌ డెబోరా బ్రిక్స్‌ మొత్తం కేసుల్లో 55శాతం న్యూయార్క్‌లో నమోదు కావడం ఆందోళన రేపే అంశమన్నారు. 19 రాష్ట్రాల్లో 200 కంటే తక్కువ కేసులు ఉన్నాయన్నారు. న్యూయార్క్‌ ఆస్పత్రులు కిటకిట దేశంలో నమోదైన మొత్తం కేసుల్లో సగం న్యూయార్క్‌ సిటీలో నమోదు కావడంతో అక్కడ వైద్యులు ఆందోళన వ్యక్తం చేస్తున్నారు. అదనపు పడకలతో కూడిన ఆసుపత్రులు ఏర్పాటు చేయాలని వైద్య సిబ్బంది డిమాండ్‌ చేస్తున్నారు. మొదట్లో వృద్ధులు, ఇతర జబ్బులు ఉన్న వారే ప్రాణాలు కోల్పోయారు. కానీ ఇప్పుడు 50, 40 ఏళ్ల వయసులో ఉన్న వారు మరణించడం అత్యంత ఆందోళన కలిగించే అంశమని స్థానిక ఆస్పత్రికి చెందిన వైద్యుడు ఒకరు చెప్పారు. ప్రజలు ఎవరూ రక్షణ చర్యలు చేపట్టడం లేదని, చేతులు శుభ్రంగా కడుక్కోవడం లేదని ఆయన ఆవేదన వ్యక్తం చేశారు.


 న్యూఢిల్లీ : పెద్ద నోట్లను రద్దు చేస్తున్నట్టు ప్రభుత్వం ప్రకటించిన అనంతరం డిజిటల్ లావాదేవీలు ఏకంగా 400-1000శాతం రేంజ్లో పెరిగాయని న్యాయ, ఐటీ శాఖా మంత్రి రవిశంకర్ ప్రసాద్ తెలిపారు. ఈ లావాదేవీల్లో మాస్టర్, వీసా కార్డుల లావాదేవీలను కలుపలేదని, కార్డుల వాడకం కలుపకుండానే డిజిటల్ లావాదేవీల్లో ఈ మేరకు నమోదుకావడం విశేషమని పేర్కొన్నారు. ఓ టీవీ చానల్, వెబ్సైట్ ప్రారంభోత్సవంలో పాల్గొన్న ఆయన ఈ విషయాలను తెలిపారు. ఫ్రీ-టూ-ఎయిర్ చానల్ డిగిశాలను మంత్రి ప్రారంభించారు. ఈ చానల్ దూరదర్శన్ డీటీహెచ్ ప్లాట్ఫామ్లో అందుబాటులోకి రానుంది. క్యాష్‌ లెస్ ఇండియా వెబ్సైట్ కూడా ఆయన లాంచ్ చేశారు. ఈ వెబ్ సైట్ ద్వారా ప్రజలకు డిజిటల్ లావాదేవీలపై అవగాహన కల్పించున్నారు. 
  
 దూరదర్శన్ ప్లాట్ఫామ్ ను మొత్తం 2 కోట్లకు పైగా ప్రజలు వాడుతున్నారు. వారిలో ముఖ్యంగా గ్రామీణ ప్రాంతాల ప్రజలే ఉన్నారు. ప్రజలు ఎడ్యుకేట్ అయితే ఈ లావాదేవీలు ఎంత వేగంగా పెరుగుతాయో మనం అర్థంచేసుకోగలమని ప్రసాద్ వారికి చెప్పారు. ఈ-వాలెట్ల లావాదేవీలు రోజుకు 17 లక్షల నుంచి 63 లక్షలకు పెరిగినట్టు పేర్కొన్నారు. వీటి విలువ కూడా రూ.52 కోట్ల నుంచి రూ.191 కోట్లకు ఎగిసినట్టు వెల్లడించారు.  రూపే కార్డు ద్వారా లావాదేవీలు రోజుకు రూ.16 లక్షలు, యూపీఏ లావాదేవీలు రోజుకు 48వేలకు పెరిగినట్టు తెలిపారు. డిజిటల్ లావాదేవీలు పెరగడం వల్ల, పన్నుఎగవేత తప్పి, దేశ ఆర్థికవ్యవస్థ మెరుగవుతుందన్నారు. బ్యాంకులోకి వచ్చిన నగదును ప్రజల సంక్షేమం కోసం వాడతామని హామీ ఇచ్చారు.