సాక్షి,  విజయవాడ:  స్పెషలిస్ట్ వైద్యులకి  ప్రత్యేక అలవెన్స్  విషయంలో గుడ్‌న్యూస్‌. ఏపీ వైద్య విధాన పరిషత్ ప్రతిపాదనలకి అంగీకారం తెలిపింది ప్రభుత్వం. ఏపీ వైద్య విధాన పరిషత్ ఆసుపత్రులలో నియమించే స్పెషలిస్ట్ వైద్యులకి 15,000 రూపాయిల ప్రత్యేక అలవెన్స్ ఇస్తూ స్పెషల్ సీఎస్‌ కృష్ణబాబు ఉత్తర్వులు జారీ చేశారు. 


 ఆంధ్రప్రదేశ్ శాసన సభ కొత్త భవనం ప్రారంభించిన సందర్భంగా రాష్ట్ర ఎమ్మెల్యేలకు ముఖ్యమంత్రి చంద్రబాబు నాయుడు బంపర్ ఆఫర్ ఇచ్చారు. కొత్త అసెంబ్లీని గురువారం ఉదయం ప్రారంభించిన చంద్రబాబు, తన ఛాంబర్‌లో ప్రవేశించి, ఆపై మొట్టమొదటి పైలు మీద సంతకం చేశారు. 
  
 తొలిసారిగా సొంత అసెంబ్లీ భవనంలో నిర్వహించే బడ్జెట్ సమావేశాల సందర్భంగా ఎమ్మెల్యేలకు అదనంగా ఇస్తామన్న 50 వేల రూపాయల భత్యం ఫైలు మీద ఆయన సంతకం చేశారు. దాంతో మొత్తం ఎమ్మెల్యేలందరికీ ఈ కొత్త భవనం తాలూకు భత్యం అందనుంది. కాగా అసెంబ్లీ సమావేశాలకు మొత్తం 12 జిల్లాల నుంచి 1200 మంది పొలీసులు, 50 మంది డీఎస్పీలు అందుబాటులో ఉండనున్నారు.


 హైదరాబాద్: పీఆర్‌సీ అమలులో భాగంగా మహిళా ఉద్యోగులకు ప్రత్యేక అలవెన్సు ఇవ్వాలని తెలంగాణ మహిళ ఉద్యోగుల సంఘం అధ్యక్ష, ప్రధాన కార్యదర్శులు జూపాక సుభద్ర, సత్యలక్ష్మిలు శుక్రవారం సచివాలయంలో కమిటీ చైర్మన్ ప్రదీప్‌చంద్రను కలసి వినతి పత్రం అందజేశారు.  ఏజెన్సీ ప్రాంతాల్లో పనిచేసే పురుషుల కంటే మహిళా ఉద్యోగులకు 5 శాతం ఎక్కువ వేతనం ఇవ్వాలని కోరారు.