Akkineni Sushanth First Look Out From Ravanasura Movie: మాస్‌ మహారాజ రవితేజ వరుస సినిమాలతో ఫుల్‌ బిజీగా ఉన్నాడు. ఖిలాడీ, రామారావు ఆన్‌ డ్యూటీతోపాటు డైరెక్టర్‌ సుధీర్‌ వర్మతో 'రావణాసుర' చేస్తున్నాడు. ఇటీవల ఈ సినిమా ఫస్ట్‌ లుక్‌ను విడుదల చేయగా జనవరి 14న లాంఛనంగా ప్రారంభం కానుంది. ఈ సినిమా టైటిల్, ఫస్ట్‌ లుక్‌ పోస్టర్‌లకు సూపర్‌ రెస్పాన్స్ వచ్చింది. అభిషేక్‌ పిక్చర్స్‌, ఆర్‌టీ టీమ్‌ వర్క్స్‌ సంస్థలు సంయుక్తంగా నిర్మించగా, శ్రీకాంత్‌ విస్సా కథ అందించారు. ఈ సినిమాలో రవితేజ లాయర్‌ పాత్రతో పాటు పది గెటప్‌లలో అలరించనున్నాడని టాక్‌ వినిపిస్తోంది. పలు ఆసక్తికర అంశాలతో మూవీ అప్‌డేట్స్‌ ఇస్తున్నారు మేకర్స్‌. తాజాగా ఈ సినిమాలోని మరో పాత్రను పరిచయం చేసింది చిత్రబృందం. ఇందులో యంగ్‌ హీరో అక్కినేని సుశాంత్‌ కీలక పాత్ర చేస్తున్నట్లు తెలుస్తోంది. సుశాంత్‌.. రామ్‌ పాత్రలో అలరించనున్నట్లు ఫస్ట్‌ లుక్‌ను విడుదల చేశారు. ఆ ఫస్ట్‌ లుక్‌ చూస్తుంటే సుశాంత్‌ నెగెటివ్‌ షేడ్స్‌ ఉన్న రోల్‌లో కనిపించనున్నట్లు తెలుస్తోంది. రెడ్‌ అండ్‌ బ్లాక్‌ బ్యాక్‌గ్రౌండ్‌లో లాంగ్‌ హెయిర్‌తో ఇంటెన్సివ్‌ లుక్‌లో కనిపించాడు సుశాంత్‌. ఈ లుక్‌ చూస్తుంటే సినిమాపై భారీ అంచనాలు పెరిగే అవకాశాలు కనిపిస్తున్నాయి. అలాగే ఈ మూవీలో అందాల తార దక్షా నాగర్కర్‌ విలన్‌గా చేయనున్నట్లు కూడా టాక్ వినిపించింది. ఈ సినిమా గురించి ఇంకెన్ని ఆసక్తికర విషయాలు రివీల్‌ చేస్తారో చూడాలి.    Into the World of DEMONS! 👺 Thank you for this sizzling welcome as #RAM in #RAVANASURA 🔥 Mass Maharaja @RaviTeja_offl Sir,@sudheerkvarma @AbhishekPicture @SrikanthVissa @RTTeamWorks 🎉🤗 Hope you guys like #RAMFirstLook ! pic.twitter.com/jDu6IAoOLw — Sushanth A (@iamSushanthA) January 11, 2022 Such a cool edit! 🙌 https://t.co/PJjakwAaqA — Sushanth A (@iamSushanthA) January 11, 2022 ఇదీ చదవండి: లాయర్‌గా రవితేజ సందడి.. విలన్‌గా అందాల తార ఢీ

గీత... పేరు చాలా సన్నితంగా ఉంది. కానీ అనుకున్నంత సాఫ్ట్‌ కాదు ఈ అమ్మాయి. తేడా వస్తే రప్ఫాడిస్తుంది. గన్‌తో పేల్చి పడేస్తుంది. ఇంతకీ ఈ గీత క్యారెక్టర్‌ చేసినది ఎవరో కాదు ‘హలో’ ఫేమ్‌ కల్యాణి ప్రియదర్శన్‌. సుధీర్‌ వర్మ దర్శకత్వంలో శర్వానంద్‌ హీరోగా ఓ సినిమా రూపొందుతున్న సంగతి తెలిసిందే. ఇందులో కాజల్‌ అగర్వాల్, కల్యాణి ప్రియదర్శన్‌ కథానాయికలుగా నటిస్తున్నారు. ఈ సినిమాలో తన వంతు షూట్‌ను కంప్లీట్‌ చేశారు కల్యాణి. ‘‘శర్వానంద్‌ హీరోగా నటిస్తున్న సినిమాలో హీరోయిన్‌గా నా వంతు షూటింగ్‌ను కంప్లీట్‌ చేశాను. టీమ్‌తో కలిసి సెట్‌లో బాగా ఎంజాయ్‌ చేశాను. అలాగే గన్‌తో షూట్‌ చేయడం నేర్పించిన సుధీర్‌ వర్మకు స్పెషల్‌ థ్యాంక్స్‌’’ అన్నారు కల్యాణి ప్రియదర్శన్‌. ప్రస్తుతం మోహన్‌లాల్‌ మలయాళ చిత్రం ‘మరాక్కర్‌’లో ఓ కీలక పాత్ర చేయనున్న కల్యాణి తెలుగులో సాయిధరమ్‌ తేజ్‌ ‘చిత్రలహరి’లో కథానాయికగా ఎంపికైన సంగతి తెలిసిందే. 


 జీవితంలో మోసం చేసి పైకి రావడం చాలా ఈజీ.   కొంత మంది స్వార్ధంతో మోసం చే స్తే మరి  కొంత మంది మోసంలో మంచి కూడా ఉంటుంది. మరి ఈ కథలో హీరో కూడా దొరికింది దోచేస్తాడు...కానీ  ఒక కారణం ఉంది.... మరి అదేంటో తెలియాలంటే ‘దోచేయ్’ చూడాల్సిందే.  నాగచైతన్య, కృతీసనన్ జంటగా సుధీర్ వర్మ దర్శకత్వంలో బీవీఎస్‌ఎన్ ప్రసాద్ నిర్మించిన ఈ చిత్రం ఈ నెల 24న విడుదల కానుంది. ‘‘అభిమానుల అంచనాలను అందుకునేలా సుధీర్ వర్మ ఈ చిత్రాన్ని చాలా బాగా తెరకెక్కించారు’’ అని నిర్మాత తెలిపారు. ఈ చిత్రానికి ఎగ్జిక్యూటివ్ నిర్మాత: సుధీర్ ఈదర.
  


  నాగచైతన్య ఈ వేసవికి ప్రేక్షకుల మనసులను దోచేయడానికి సిద్ధమవుతున్నారు. ఇప్పటివరకూ రొమాంటిక్, యాక్షన్ ఎంటర్‌టైనర్లు చేసిన చైతూ తొలిసారిగా ‘దోచేయ్’ పేరుతో క్రైమ్ థ్రిల్లర్ చేశారు. ‘స్వామి రారా’ ఫేమ్ సుధీర్ వర్మ చాలా స్టయిలిష్‌గా ఈ చిత్రాన్ని తీర్చిదిద్దుతున్నారు. మహేశ్‌తో ‘1’లో నటించిన కృతీ సనన్‌కిది రెండో తెలుగు సినిమా. ‘అత్తారింటికి దారేది’ తర్వాత బీవీయస్‌యన్ ప్రసాద్ ఈ సినిమా నిర్మిస్తున్నారు. ఇటీవలే పీటర్ హెయిన్స్ నేతృత్వలో ఓ థ్రిల్లింగ్ ఛేజ్ చిత్రీకరించారు. దాంతో చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుపుకుంటోన్న ఈ చిత్రాన్ని ఏప్రిల్ 17న విడుదల చేయనున్నామని నిర్మాత వెల్లడించారు. ఈ చిత్రానికి సంగీతం: సన్నీ ఎం ఆర్, కెమెరా: రిచర్డ్ ప్రసాద్, సహనిర్మాత: భోగవల్లి బాపినీడు.


  అభిమానులను, సినీ ప్రియుల మనసులను దోచేయడానికి  నాగచైతన్య రెడీ అవుతున్నారు. అదేంటీ అనుకుంటున్నారా? మరేం లేదు.. నాగచైతన్య కథానాయకునిగా సుధీర్‌వర్మ దర్శకత్వంలో రూపొందుతున్న చిత్రానికి ‘దోచేయ్’ అనే టైటిల్‌ను ఖరారు చేశారు. టైటిల్‌కి తగ్గట్టే ప్రేక్షకుల హృదయాలను ఈ చిత్రం దోచేయడం ఖాయమంటున్నారీ చిత్రబృందం. రిలయన్స్ సమర్పణలో శ్రీ వెంకటేశ్వర సినీ చిత్ర ఇండియా పతాకంపై బీవీయస్‌యన్ ప్రసాద్ ఈ చిత్రం నిర్మిస్తున్నారు. శివరాత్రి సందర్భంగా మంగళవారం ఈ చిత్రం టైటిల్‌ను ప్రకటించడంతో పాటు, టైటిల్ లోగోను, నాగచైతన్య లుక్‌ను విడుదల చేశారు.
  
   ఈ సందర్భంగా నిర్మాత మాట్లాడుతూ - ‘‘ఈ చిత్రకథకు ‘దోచేయ్’ టైటిల్ వంద శాతం నప్పుతుంది. రెండు పాటలు మినహా సినిమా పూర్తయ్యింది. ‘అత్తారింటికి దారేది’ తర్వాత మా సంస్థ నుంచి రాబోతున్న మరో సూపర్ హిట్ మూవీ ఇది. నాగచైతన్య కెరీర్‌లో బ్లాక్ బస్టర్ హిట్‌గా నిలిచే చిత్రం అవుతుంది. వచ్చే నెలాఖరున చిత్రాన్ని విడుదల చేయాలనుకుంటున్నాం’’ అని చెప్పారు. కృతి సనన్ కథానాయికగా నటిస్తున్న ఈ చిత్రంలో బ్రహ్మానందం, పోసాని కృష్ణమురళి, రవిబాబు, రావు రమేష్ తదితరులు ఇతర పాత్రలు పోషించారు. ఈ చిత్రానికి సంగీతం: సన్నీ ఎం.ఆర్, కెమెరా: రిచర్డ్ ప్రసాద్, సహనిర్మాత: భోగవల్లి బాపినీడు.