సాక్షి, హైదరాబాద్‌: ప్రైవేట్‌ రైళ్లకు రైల్వేబోర్డు పచ్చజెండా ఊపింది. ప్రస్తుతం పలు మార్గాల్లో ఐఆర్‌సీటీసీ నడుపుతున్న తేజాస్‌ రైళ్ల తరహాలోనే ప్రైవేట్‌ సంస్థలకు చెందిన రైళ్లు త్వరలో పట్టాలెక్కనున్నాయి. ప్రయాణికులకు మరింత వేగవంతమైన, పారదర్శక రైల్వే సదుపాయాన్ని అందజేసేందుకే ప్రైవేట్‌ రైళ్లకు అనుమతినిస్తున్నట్లు రైల్వే బోర్డు ఉత్తర్వుల్లో స్పష్టం చేసింది. ఈ క్రమంలో దేశవ్యాప్తంగా 12 క్లస్టర్లను ఏర్పాటుచేసి, 109 మార్గాలను ఖరారు చేశారు. అందులో దక్షిణ మధ్య రైల్వే పరిధిలోని సికింద్రాబాద్‌ క్లస్టర్‌లో 10 మార్గాల్లో ప్రైవేటు రైళ్లు పరుగులు తీయనున్నాయి. వీటిలో ముంబై– ఔరంగాబాద్, విశాఖ–విజయవాడ రైళ్లు మినహా మిగతావి సికింద్రాబాద్‌ కేంద్రంగానే రాకపోకలు సాగించనున్నాయి. త్వరలో సాంకేతిక టెండర్ల ప్రక్రియను పూర్తిచేసి, వచ్చే ఆరు నెలల్లో ఆర్థిక టెండర్లను కూడా పూర్తి చేసేందుకు సన్నాహాలు చేస్తున్నట్టు దక్షిణమధ్య రైల్వే ఉన్నతాధికారి ఒకరు తెలిపారు. ఈ మేరకు బడా ప్రైవేట్‌ వ్యాపార సంస్థలు, కన్సార్షియంల నుంచి టెండర్లను ఆహ్వానిస్తున్నట్లు చెప్పారు. అన్నీ సవ్యంగా జరిగితే మూడేళ్లలో ప్రైవేటు రైళ్లు పట్టాలెక్కుతాయని అంచనా. డ్రైవర్, గార్డు మాత్రమే రైల్వే ఉద్యోగులు ప్రస్తుతం జాతీయ, అంతర్జాతీయ విమానాలు నడిపే ప్రైవేట్‌ ఎయిర్‌లైన్స్‌ సంస్థల తరహాలోనే ఈ ప్రైవేట్‌ రైళ్లూ నడవనున్నాయి. ఈ సంస్థలు  అంతర్జాతీయ ప్రమాణాలకు అనుగుణమైన ప్రయాణ సదుపాయాలను అందజేస్తాయని రైల్వే అధికారులు చెబుతున్నారు. కచ్చితమైన సమయపాలన పాటిస్తారు. ప్రస్తుతం రైళ్లలో ఐఆర్‌సీటీసీ కేటరింగ్‌ నిర్వహిస్తుండగా, ప్రైవేట్‌ రైళ్లలో ఆ సంస్థలే ఈ సదుపాయాన్ని కల్పిస్తా యి. ముంబై–లఖ్నవూ మధ్య నడు స్తున్న తేజా స్‌ ట్రైన్‌ తరహాలోనే ఈ ప్రైవేట్‌ రైళ్లు ఉంటాయి. ఈ రైళ్లలో డ్రైవర్, గార్డు మాత్రమే రైల్వే ఉద్యో గులై ఉంటారు. మిగతా సిబ్బంది మొత్తం ప్రైవే ట్‌ సంస్థలకు చెందిన వాళ్లే ఉంటారు. రైళ్ల రాక పోకలు, సిగ్నలింగ్‌ మాత్రం రైల్వేశాఖే పర్య వేక్షి స్తుంది. రైల్వే పట్టాలపై తమ రైళ్లను నడుపు కొన్నందుకు ప్రైవేట్‌ సంస్థలు నిర్ధారిత మొత్తా న్ని రైల్వేలకు చెల్లించాల్సి ఉంటుంది. అలాగే ప్రైవేట్‌ సంస్థలతో ఏర్పాటు చేసుకొనే ఒప్పం దంలో భాగంగా ఆయా సంస్థలకు చెందిన రైళ్ల నిర్వహణకు 35 ఏళ్ల అనుమతులు లభిస్తాయి. రైల్వేల నిర్వీర్యానికే.. ప్రైవేట్‌ రైళ్లకు అనుమతినివ్వడాన్ని కార్మిక సంఘాలు గట్టిగా వ్యతిరేకిస్తున్నాయి. దీనివల్ల లక్షలాది మంది ఉద్యోగాలు కోల్పోయి రోడ్డునపడతారని, భవిష్యత్తులో యువతకు ఉద్యోగ, ఉపాధి అవకాశాలు లభించవని దక్షిణమధ్య రైల్వే మజ్దూర్‌ యూనియన్‌ ప్రధాన కార్యదర్శి శంకర్‌రావు ఆందోళన వ్యక్తం చేశారు. ప్రస్తుతం ఉన్న రైల్వేలను పూర్తిగా నిర్వీర్యం చేసేందుకే ప్రభుత్వం ప్రైవేట్‌ సంస్థలకు కట్టబెడుతుందన్నారు. ప్రయాణికులకు ప్రస్తుతం అతి తక్కువ చార్జీల్లో రైల్వే ప్రయాణం లభిస్తుండగా, ప్రైవేట్‌ రైళ్ల వల్ల చార్జీలు భారీగా పెరుగుతాయని చెప్పారు.  సికింద్రాబాద్‌ క్లస్టర్‌లో నడవనున్న ప్రైవేటు రైళ్లివే.. సికింద్రాబాద్‌ – శ్రీకాకుళం సికింద్రాబాద్‌ – గుంటూరు సికింద్రాబాద్‌ – తిరుపతి సికింద్రాబాద్‌ – ముంబై సికింద్రాబాద్‌ – హౌరా సికింద్రాబాద్‌– తిరుపతి – వారణాసి విశాఖ – బెంగళూరు తిరుపతి – సికింద్రాబాద్‌ ముంబై – ఔరంగాబాద్‌ విశాఖ – విజయవాడ

లక్నో: దేశంలోనే మొదటి ప్రైవేటు రైలు తేజస్‌ ఎక్స్‌ప్రెస్‌ ప్రారంభించినప్పుడు ఒక వేళ ఏదైనా కారణంతో రైలు ఆలస్యమైతే అందుకు పరిహారం చెల్లిస్తామని ఐఆర్‌సీటీసీ ప్రకటించిన సంగతి తెలిసిందే. ఇచ్చిన మాటకు కట్టుబడిన ఐఆర్‌సీటీసీ శనివారం తేజస్‌ ఎక్స్‌ప్రెస్‌ రెండు గంటలు ఆలస్యం నడవడంతో అందులో ప్రయాణించిన ప్రయాణికులకు ఒక్కొక్కరికి రూ.250 చొప్పున చెల్లిస్తామని ప్రకటించింది. శనివారం రైలులో ప్రయాణించిన ప్రయాణికులందరి ఫోన్లకు ఒక వెబ్‌ లింక్‌ను సందేశం ద్వారా పంపించామని, ఆ లింక్‌ ద్వారా ప్రయాణికులు పరిహారాన్ని క్లెయిమ్‌ చేసుకోవచ్చని ఐఆర్‌సీటీసీ చీఫ్‌ రీజనల్‌ మేనేజర్‌ అశ్విని శ్రీవాస్తవ తెలిపారు. శనివారం లక్నో నుంచి ఢిల్లీకి రెండు గంటలు ఆలస్యంగా బయల్దేరిన తేజస్‌ ఎక్స్‌ప్రెస్, తిరుగు ప్రయాణంలోనూ రెండు గంటలు ఆలస్యంగా నడిచింది. లక్నో నుంచి ఢిల్లీకి వెళ్లేటప్పుడు 451 మంది, తిరుగు ప్రయాణంలో 500 మంది ప్రయాణికులు ప్రయాణించారు. రైలు ఆలస్యమైనందుకు అందులోని ప్రయాణికులకు పరిహారం అందించడం దేశంలో ఇదే మొదటిసారి.  


 న్యూఢిల్లీ: భారత రైల్వేలో తేజస్ రైళ్లు అత్యాధునిక సదుపాయాలతో సిద్ధంకానున్నాయి. శతాబ్ది రైళ్ల కంటే 20 నుంచి 30 శాతం చార్జీలు అధికంగా వసూలు చేయాలని భావిస్తున్న ఈ ట్రైన్లలో ప్రయాణం ఓ దివ్యానుభూతిని పంచుతుందని రైల్వే శాఖ అధికారులు చెబుతున్నారు. ప్రస్తుతం కపుర్తలా రైల్ కోచ్ ఫ్యాక్టరీలో రూపుదిద్దుకుంటున్న ఈ రైళ్లలో వాణిజ్య విమానాల తరహాలో అటెండెంట్లతో సహా సకల సదుపాయాలు ఉంటాయి. వైఫై సదుపాయం, మనకు నచ్చే వంటకాలు, డ్రింక్ వెండింగ్ మెషీన్లు, సీసీటీవీలు ఉంటాయి.
 
 కోచ్‌లలో అద్భుతమైన ఇంటీరియర్ డెకరేషన్ ఉంటుంది. ఢిల్లీ-లక్నో మార్గంలో పగటిపూట ప్రయాణం కోసం ప్రవేశపెట్టాలని భావిస్తున్న ఈ తేజస్ రైళ్లలో ఎగ్జిక్యూటివ్ క్లాస్, చైర్‌కార్లు ఉంటాయి. రైల్వేల్లో రెండు భారీ సంస్కర ణలు తీసుకొచ్చేందుకు రంగం సిద్ధమైంది. రైలు చార్జీల నియంత్రణ సంస్థను ఏర్పాటు చేయడంతోపాటు రైల్వేల్లో మౌలిక వసతుల అభివృద్ధి నిధిని త్వరలో ప్రారంభించనున్నారు.