కర్నూలు (టౌన్‌): స్థానిక యునైటెడ్‌ క్లబ్‌లో ఈనెల 18 వ తేదీ జిల్లా జూనియర్‌ బాల, బాలికల జట్లను ఎంపిక చేస్తున్నట్లు జిల్లా టెన్నికాయిట్‌ అసోసియేషన్‌ కార్యదర్శి ఎం.ఏ. రవూఫ్‌ శనివారం ఒక ప్రకటనలో తెలిపారు.  క్రీడాకారులు రూ. 10 చెల్లించి నేరుగా యునైటెడ్‌ క్లబ్‌లో నిర్వహిస్తున్న ఎంపిక పోటీలలో పాల్గొన వచ్చని పేర్కొన్నారు. ఎంపికైన క్రీడాకారులు ఈ నెల 28 నుండి 1 వ తేదీ వరకు విజయనగరం జిల్లాలో జరుగుతున్న అంతర్‌ జిల్లాల చాంపియన్‌ షిప్‌లో పాల్గొంటారని తెలిపారు. మరిన్ని వివరాలకు 8555033182 నెంబర్‌ను సంప్రదించాలని సూచించారు.