డ్రగ్స్​ కేసులో జాతీయ దర్యాప్తు సంస్థ(ఎన్​ఐఏ) నుంచి తనకు నోటీసులు వచ్చాయనే వార్తలను కోలీవుడ్‌ నటి వరలక్ష్మీ శరత్‌కుమార్​ ఖండించారు. తనపై వస్తున్న వార్తల్లో ఎలాంటి నిజంలేదని తెలిపారు. ఈమేరకు సోషల్‌ మీడియా ద్వారా ఆమె ఓ ప్రకటనలో ఇలా తెలిపారు. .ఆదిలింగం అనే వ్యక్తి నా దగ్గర ఫ్రీలాన్స్‌ మేనేజరుగా పనిచేసిన మాట వాస్తవమే.. సుమారు మూడు ఏళ్ల క్రితం అతను నా వద్ద పనిచేశాడు. తర్వాత అతను ఎక్కడ పనిచేస్తున్నాడో నాకు తెలియదు. ప్రస్తుతం అతడితో ఎలాంటి కమ్యూనికేషన్‌ కూడా లేదు. మీడియాలో ప్రచారం అవుతున్న వార్త  నాకు ఆశ్చర్యాన్ని కలిగించింది. నాకు ఎన్‌ఐఏ ఎలాంటి సమన్లు ఇవ్వలేదు. ఈ కేసుకు సంబంధించి అవసరమైతే అధికారులకు తప్పకుండా సహకరిస్తాను.' అని వరలక్ష్మీ తెలిపారు.  2020 మార్చిలో కేసుకు మూలం మార్చి 2020లో, కేరళలోని విల్లించాం తీర ప్రాంతంలో కేరళ తీర రక్షక దళం ఒక చిన్న పడవను అడ్డగించింది. అనంతరం పోలీసులు సోదాలు చేసి 300 కిలోల డ్రగ్స్, ఏకే 47 రైఫిళ్లు, బుల్లెట్లు స్వాధీనం చేసుకున్నారు. దీనికి సంబంధించి ఇప్పటికే 13 మందిని అరెస్టు చేయగా, 14వ వ్యక్తిగా చెన్నైలోని సెలైయూర్ ప్రాంతానికి చెందిన ఆదిలింగంను ఎన్ఐఏ అధికారులు తాజాగ అదుపులోకి తీసుకుని విచారిస్తున్నారు. అప్పుడు నటి వరలక్ష్మి దగ్గర గతంలో  సహాయకుడిగా ఆదిలింగం పనిచేసే వాడని విచారణలో తేలింది. ఈ దశలో వరలక్ష్మికి ఈ విషయంలో ఏమైనా సంబంధం ఉందా? అనే సందేహాలు అధికారులకు వచ్చాయి. దీంతో ఆమెను విచారణకు పిలువాలనే యోచనలో ఉన్నట్లు సమాచారం. ఇక భారత ప్రభుత్వం నిషేధించిన ఎల్టీటీఈకి నిధుల సేకరణ కోసమే ఆదిలింగం బ్యాచ్‌ ఈ పని చేస్తున్నట్లు  ఎన్ఐఏ అధికారులు కేసు నమోదు చేశారు. ఇదే కేసులో, ఆగస్టు 2021లో, చెన్నైలోని వలసరవక్‌లో LTTE ఉద్యమానికి సహాయం చేస్తున్న సబేసన్ అనే వ్యక్తిని అరెస్టు చేశారు. మాదక ద్రవ్యాల అక్రమ రవాణా చేస్తున్న ఇద్దరు శ్రీలంక తమిళులను విల్లించం బీచ్ ప్రాంతంలో అరెస్టు చేశారు. వారిలో అరెస్టు అయిన డ్రగ్స్ ట్రాఫికింగ్ ముఠా నాయకుడు గుణశేఖరన్‌తో ఆదిలింగం టచ్‌లో ఉన్నాడని తేలింది. దీంతో అతన్ని తాజాగ అరెస్ట్‌ చేశారు. (ఇదీ చదవండి: విజయనిర్మల ఆస్తి ఎవరి సొంతం.. వీలునామాలో ఎవరి పేరు రాశారంటే: నవీన్‌) ఆదిలింగం మదురైకి చెందినవాడని, ఆర్మీలో పనిచేసి స్వచ్ఛంద పదవీ విరమణ చేశాడని వెల్లడించారు. డ్రగ్స్ ట్రాఫికింగ్ ముఠా నాయకుడైన గుణశేఖరన్‌కు ఆదిలింగం సర్రోగేట్‌గా వ్యవహరించాడని, డ్రగ్స్, ఆయుధాల రవాణా ద్వారా వచ్చిన మొత్తాన్ని క్రిప్టో కరెన్సీలో, ఆది లింగం రాజకీయ పార్టీ, సినిమాల్లో పెట్టుబడిగా పెట్టాడని తేలింది. ప్రస్తుతం జైల్లో ఉన్న ఆదిలింగంను మరో వారంరోజుల్లో ఎన్‌ఐఏ అధికారులు అదుపులోకి తీసుకుని విచారించబోతున్నారని, ఆ తర్వాత మరింత సమాచారం వెల్లడిస్తామని అధికారులు తెలిపారు.

శరత్‌కుమార్‌ కుమార్తెగా సినీ పరిశ్రమకు పరిచయమైంది వరలక్ష్మీ శరత్‌కుమార్. ఇండస్ట్రీకి వచ్చిన కొద్దిరోజుల్లోనే మంచి గుర్తింపు తెచ్చుకుంది. తెలుగు, తమిళం, మలయాళం అన్ని భాషల్లో నటిస్తూ బిజీ అర్టిస్టుగా మారిపోయింది. ఇలా సౌత్‌ ఇండియాలో గుర్తింపు తెచ్చుకున్న సినీ నటి వరలక్ష్మి శరత్‌కుమార్‌కు డ్రగ్స్‌ కేసుకు సంబంధించి కొచ్చి ఎన్ఐఏ అధికారుల నోటీసులు జారీ చేశారు. (ఇదీ చదవండి: ‘ఖుషి’ రెమ్యునరేషన్‌.. మా అమ్మే ఆశ్చర్యపోయింది: డైరెక్టర్‌) చాలు ఏళ్లుగా వరలక్ష్మి దగ్గర పీఏగా పనిచేస్తున్న ఆదిలింగం అనే వ్యక్తి  డ్రగ్స్ కేసులో కీలక నిందితులలో ఒకరిగా చెలామణి అవుతున్నట్లు కొచ్చి పోలీసులు గుర్తించారు. ఆయనకు అంతర్జాతీయ డ్రగ్స్ స్మగ్లర్లతో సంబంధాలు కలిగి ఉన్నట్లు పక్కా ఆధారాలు పోలీసులకు లభించాయి. దీంతో ఆదిలింగంను ఎన్ఐఏ అధికారులు అదుపులోకి తీసుకున్నారు. ఆయన్ను కస్టడీలోకి తీసుకుని విచారిస్తున్నారు.  డ్రగ్స్ సరఫరా ద్వారా వచ్చిన డబ్బు మొత్తాన్ని సినీ పరిశ్రమలో పెట్టుబడులు పెట్టినట్టుగా ఎన్ఐఏ అధికారులు గుర్తించారు. దీంతో  అదిలింగంనకు  సంబంధించిన పూర్తి వివరాల కోసం సినీ నటి వరలక్ష్మిని విచారించడానికి ఎన్ఐఏ అధికారులు సమన్లు జారీచేశారు. వరలక్ష్మికి పీఏగా పనిచేసిన అదిలింగం గతంలో అనేకసార్లు ఆమెకి డ్రగ్స్ ఇచ్చినట్టుగా ఎన్ఐఏ అనుమానిస్తుంది. అంతేకాకుండా డ్రగ్స్ అమ్మిన ద్వారా వచ్చిన డబ్బును సినీ పరిశ్రమలో పెట్టుబడులు పెట్టేందుకు ఆమె సహకరించారనే కోణంలో అధికారులు అనుమానిస్తున్నారు. ఇంకా కోలీవుడ్‌లో ఎవరెవరితో ఆదిలింగం టచ్‌లో ఉన్నారో తెలుసుకునే పనిలో పోలీసులు ఉన్నారు. ఇలా ఆయనకు సంబంధించిన అనేక విషయాలపై పూర్తిస్థాయిలో సమాచారం రాబట్టడం కోసమే వరలక్ష్మి శరత్ కుమార్‌కు అధికారులు నోటీసులు జారీ చేశారు. దీంతో కోలీవుడ్‌ చిత్రపరిశ్రమ ఒక్కసారిగా ఉలిక్కిపడింది. టాలీవుడ్‌కు సంబంధించి ఎవరైనా ఈ డ్రగ్స్‌ గ్యాంగ్‌తో టచ్‌లో ఉన్నారేమోననే కోణంలో కూడా ఎన్ఐఏ అధికారులు విచారిస్తున్నారు.

ఎవరూ ఫైట్స్‌ చేయకండి అంటున్నారు నటి వరలక్ష్మీ శరత్‌కుమార్‌. ఈ సంచలన నటి చేతిలో ఇప్పుడు 8 చిత్రాలు ఉన్నాయి. వాటిలో ఒకటి చేజింగ్‌. ఇందులో వరలక్ష్మీ విలన్లను, రౌడీలను తరిమి తరిమి కొడుతుందట. వీరకుమార్‌ తెరకెక్కిస్తున్న ఈ చిత్రం కోసం ఇటీవల మలేషియాలో కొన్ని యాక్షన్, థ్రిల్లర్‌ సన్నివేశాలను చిత్రీకరించారు. ఈ సన్నివేశాల్లో నటి వరలక్ష్మి ఎలాంటి డూప్, తాడు సాయం లేకుండా, గ్రాఫిక్స్‌ వాడకుండా చాలా రిస్క్‌ తీసుకుని పోరాట సన్నివేశాల్లో నటించినట్లు స్వయంగా చేశారు. వాటిలో కొన్ని ఫైట్‌ సన్నివేశాలను తన ట్విట్టర్‌లో పోస్ట్‌ చేసిన వరలక్ష్మీ అలా చేయడానికి ప్రయత్నించొద్దన్నారు. ఎందుకంటే అవి చాలా రిస్క్‌తో కూడుకున్నవని, అందులో నటించడానికి తాను ముందుగా రిహార్సల్స్‌ చేశానని, స్టంట్‌మాస్టర్‌ శిక్షణలో పలు జాగ్రత్తలు తీసుకుని నటించినట్లు చెప్పారు.

త్వరగా పెళ్లి చేసుకో... కాలం గడిచిపోతే ఆ తరువాత ఎవరూ పిల్లనివ్వరు. ఈ మాట ఎవరు అన్నారో తెలుసా? కోలీవుడ్‌లో ప్రేమ వదంతులను ఎదుర్కొంటున్న వారు చాలా మందే ఉన్నారు. అలాంటి వారిలో నటుడు విశాల్, నటి వరలక్ష్మీశరత్‌కుమార్‌ల జంట ఒకరు. వీరిద్దరి గురించి ఇంతకు ముందు చాలా వదంతులు హల్‌చల్‌ చేశాయి. ఇద్దరూ ప్రేమించుకుంటున్నారని, ఆ తరువాత మనస్పర్థల కారణంగా విడిపోయారని లాంటి చాలా వదంతులు వైరల్‌ అయ్యాయి. అయితే అవి నిజంగా వదంతులేనని విశాల్, వరలక్ష్మి నిరూపిస్తున్నారు. వాస్తవానికి విశాల్, వరలక్ష్మి మంచి ఫ్రెండ్స్‌. ఈ విషయాన్ని నటి వరలక్ష్మి మరోసారి స్పష్టం చేసింది. విశాల్‌ కథానాయకుడిగా నటించి సొంతంగా నిర్మించిన తాజా చిత్రం సండైకోళి–2(తెలుగులో పందెం కోడి 2). ఇందులో ఆయనకు జంటగా కీర్తీసురేశ్‌ నటించగా ప్రతినాయకిగా నటి వరలక్ష్మి నటించారు. ఈ చిత్రం గురువారం తెరపైకి వచ్చింది. కాగా వరలక్ష్మి ఒక టీవీచానల్‌కు ఇచ్చిన ఇంటర్వ్యూలో నటుడు  విశాల్‌ పెళ్లి ఎప్పుడు చేసుకుంటారు అన్న ప్రశ్నకు బదులిస్తూ ఈ ప్రశ్నను తానూ ఆయన్ను పలుమార్లు అడిగినట్లు చెప్పింది. ఇలాకాలం గడిచిపోతే ఆ తరువాత పెళ్లి చేసుకుందామన్నా ఎవరూ పిల్లను ఇవ్వరు అని కూడా చెప్పానని అంది. విశాల్‌ మాత్రం తాను నడిగర్‌సంఘం భవన నిర్మాణం తరువాతనే పెళ్లి చేసుకుంటాననే విషయంలో దృఢంగా ఉన్నారని చెప్పింది. తన విషయానికి వస్తే తాను విశాల్‌కు సినిమాలో ఎప్పుడూ ప్రతినాయకినేనని, నిజజీవితంలో మంచి స్నేహితురాలినని చెప్పుకొచ్చింది. మరి ఇకపై కూడా ఈ జంట స్నేహితులుగానే కొనసాగుతారా, సడన్‌గా పెళ్లికి సిద్ధం అయ్యామనే షాకింగ్‌ ప్రకటన చేస్తారా? అన్నది చూద్దాం. ప్రస్తుతానికి మాత్రం నటి వరలక్ష్మి చేతి నిండా చిత్రాలతో ఎడాపెడా నటించేస్తోంది. ఈ అమ్మడు మరోసారి నటుడు విజయ్‌తో విలనీయం ప్రదర్శిస్తున్న సర్కార్‌ చిత్రం దీపావళికి సందడి చేయడానికి ముస్తాబవుతోంది.

అమెరికాకు హాయ్‌ చెప్పడానికి రెడీ అవుతున్నారు తమిళ హీరో విజయ్‌ అండ్‌ టీమ్‌. మురుగదాస్‌ దర్శకత్వంలో విజయ్‌ హీరోగా ఓ చిత్రం రూపొందుతున్న సంగతి తెలిసిందే. ఇందులో కీర్తీ సురేశ్‌ కథానాయికగా నటిస్తున్నారు. వరలక్ష్మీ శరత్‌కుమార్‌ కీలక పాత్రలో కనిపించనున్నారు. రీసెంట్‌గా ఈ సినిమా షూటింగ్‌ను తమిళనాడులోని ఓ టీవీ చానల్‌ ఆఫీస్‌లో జరిపారు. నెక్ట్స్‌ షెడ్యూల్‌ను అమెరికాలో జరపాలని చిత్రబృందం ప్లాన్‌ చేస్తోందని కోలీవుడ్‌ సమాచారమ్‌. ప్రస్తుతం చెన్నైలో జరుగుతున్న ఈ సినిమా నైట్‌ షూటింగ్‌లో వరలక్ష్మీపై కీలక సన్నివేశాలను చిత్రీకరిస్తున్నారు. ‘కత్తి, తుపాకీ’ చిత్రాల తర్వాత విజయ్‌ అండ్‌ మురుగదాస్‌ కాంబినేషన్‌లో రూపొందుతోన్న ఈ సినిమాపై అంచనాలు ఉన్నాయి. ఈ సినిమాను ఈ ఏడాది దీపావళికి రిలీజ్‌ చేయాలనుకుంటున్నారు. అలాగే ఈ నెల 22న విజయ్‌ బర్త్‌డే సందర్భంగా ఈ సినిమా ఫస్ట్‌ లుక్‌ను రిలీజ్‌ చేస్తారన్న ప్రచారం జరుగుతోంది.  

తమిళసినిమా: యువ నటుడు విమల్‌తో కలిసి వైగైపులి వడివేలు నవ్వించడానికి సిద్ధమవుతున్నారు. ఇంసై అరసన్‌ 24ఆమ్‌ పులికేసి చిత్ర వ్యవహారంలో విమర్శలు ఎదుర్కొంటున్న హాస్యనటుడు వడివేలుపై రెడ్‌ కార్డు పడుతుందనే ప్రచారం జోరుగా సాగుతున్న తరుణంలో ఆయన మాత్రం అలాంటి వాటిని అస్సలు పట్టించుకోకుండా కొత్త చిత్రాల్లో నటించడానికి సిద్ధం అవుతున్నారు. తాజాగా నటుడు విమల్‌తో కలిసి నటించనున్నారు. నటుడు విమల్‌ కథానాయకుడిగా నటించి నిర్మించిన మన్నర్‌ వగైయరా చిత్రం మంచి సక్సెస్‌ను అందించడంతో ఈయన కూడా ఇప్పుడు జోరు పెంచారు. మన్నర్‌ వగైయరా చిత్ర సక్సెస్‌తో పలువురు ప్రముఖ, యువ దర్శకులు విమల్‌తో చిత్రాలు చేయడానికి రెడీ అవుతున్నారు. అయితే చిత్రాల ఎంపిక విషయంలో తగు జాగ్రత్తలు తీసుకుంటున్న విమల్‌ ఈ ఏడాది అరడజను చిత్రాల్లో నటించడానికి రెడీ అవుతున్నారు. దర్శకుడు ఎళిల్‌తో కలిసి ఒక చిత్రం, సురాజ్‌ దర్శకత్వంలో ఒక చిత్రం చేయడానికి రెడీ అయ్యారు. సురాజ్‌ దర్శకత్వంలో పోలీస్‌అధికారి పాత్రలో నటించనున్నారు. ఇందులో వడివేలు ప్రధాన పాత్రలో నవ్వించడానికి రెడీ అవుతున్నారు. వెట్ట్రివేల్‌ చిత్రం ఫేమ్‌ వసంతమణి, తమిళన్‌ చిత్రం ఫేమ్‌ మజిత్‌ దర్శకత్వంలోనూ విమల్‌ నటించడానికి అంగీకరించారు. అదేవిధంగా మన్నర్‌ వగైయరా చిత్రం ఫేమ్‌ భూపతి పాండియన్‌ దర్శకత్వంలో మళ్లీ నటించనున్నారు. ఇలా ఈ ఏడాది ఆయన డైరీ ఫుల్‌ అయిపోయింది. ప్రస్తుతం నటిస్తున్న కన్నిరాశి చిత్రం నిర్మాణాంతర కార్యక్రమాలు జరుపుకుంటోంది. ఇందులో నటి వరలక్ష్మీశరత్‌కుమార్‌ నాయకిగా నటిస్తున్నారు. సర్గుణం దర్శకత్వంలో నటిస్తున్న కలవాణి 2 చిత్ర షూటింగ్‌ జరుగుతోంది. చిత్రపరిశ్రమ సమ్మె కారణంగా నిలిచిపోయిన కలవాణి 2 చిత్రం మే 3 నుంచి మళ్లీ మొదలుకానుంది.

సాక్షి, చెన్నై : ప్రస్తుతం కోలీవుడ్‌లో హాట్‌ నటి అంటే వరలక్ష్మీశరత్‌కుమార్‌నే. రకరకాల పాత్రలతో చేతినిండా అవకాశాలతో బిజీగా ఉన్నారు. మరో పక్క సేవ్‌ శక్తి ద్వారా మహిళా సంరక్షణ కోసం పోరాటం చేస్తున్నారు. ఇలా అరుదైన నటిగా పేరు తెచ్చుకున్న వరలక్ష్మీశరత్‌కుమార్‌ ఎలాంటి పాత్రనైనా చాలెంజ్‌గా తీసుకుని నటించడానికి సై అంటున్నారు. ప్రస్తుతం అలాంటి పాత్రతో ఇళయదళపతితో ఢీకొంటున్నారన్నది తాజా సమాచారం. విజయ్, దర్శకుడు ఏఆర్‌.మురుగదాస్‌ల కాంబినేషన్‌లో తెరకెక్కుతున్న మూడవ చిత్రం నిర్మాణంలో ఉన్న విషయం తెలిసిందే. ఇందులో నటి కీర్తీసురేశ్‌ కథానాయకిగా నటిస్తున్నారు. భైరవా చిత్రం తరువాత తను విజయ్‌తో రొమాన్స్‌ చేస్తున్న రెండవ చిత్రం ఇది. ఇందులో ఒక ముఖ్య పాత్రలో  వరలక్ష్మీశరత్‌కుమార్‌ నటిస్తున్నారు. విజయ్‌ 62వ చిత్రంలో తన పాత్ర కీలకంగా ఉంటుందని వరలక్ష్మీశరత్‌కుమార్‌ చెప్పారు. దీంతో ఆమె పాత్ర ఏమిటన్నది చిత్ర పరిశ్రమలో ఆసక్తిగా మారింది. ఇలాంటి పరిస్థితుల్లో ఒక ఇంట్రస్టింగ్‌ న్యూస్‌ సోషల్‌ మీడియాల్లో వైరల్‌ అవుతోంది. అదేమిటంటే విజయ్‌ 62వ చిత్రం రాజకీయ నేపథ్యంలో సాగుతుందని, ఇందులో నటి వరలక్ష్మీశరత్‌కుమార్‌ విజయ్‌తో ఢీకొనే రాజకీయ నాయకురాలిగా కొంచెం నెగిటివ్‌ చాయలున్న పాత్రలో నటిస్తున్నారని టాక్‌ స్ప్రెడ్‌ అవుతోంది. దీంతో ఈ చిత్రంలో ఆమె పాత్రపై మరింత ఆసక్తి నెలకొంది. చిత్రపరిశ్రమ సమ్మె కారణంగా బ్రేక్‌ పడ్డ ఈ చిత్ర షూటింగ్‌ త్వరలోనే మళ్లీ మొదలు కానుంది. అయితే చిత్రాన్ని దీపావళి సందర్భంగా విడుదల చేయనున్నట్లు చిత్ర వర్గాలు ఇప్పటికే వెల్లడించిన విషయం తెలిసిందే. మరి ఈ బ్రేక్‌ కారణంగా అనుకున్న తేదీకి చిత్ర నిర్మాణం పూర్తి అవుతుందా అన్నది ప్రశ్నార్థకంగా మారింది. 


 యువ నటుడు సిబిరాజ్‌తో నటించడానికి వరలక్ష్మి శరత్‌కుమార్ రెడీ అవుతున్నారు. ఈ సంచలన తార వృత్తి పరంగా స్పీడ్ పెంచారు.ఇప్పటి వరకూ స్లో అండ్ స్టడీ పాలసీని అవలంభిస్తూ వచ్చిన వరలక్ష్మి ఇప్పుడు నాలుగు చిత్రాల్లో నటిస్తూ బిజీగా ఉన్నారు. నటుడు విశాల్‌కు ఈ అమ్మడికి మధ్య ప్రేమాయణం లాంటిదేదో జరుగుతోందని ఆ మధ్య కథలు కథలుగా ప్రచారం అరుున విషయం తెలిసిందే. అరుుతే ఇటీవల మూడేళ్ల ప్రేమను మేనేజర్‌తో చెప్పించి తుంచేశారని తన ట్విట్టర్‌లో పేర్కొని కలకలం సృష్టించిన నటి వరలక్ష్మి శరత్‌కుమార్ ఇటీవల నటుడు శంబుతో కలిసి విందులో పాల్గొని మరోసారి వార్తల్లో కెక్కారు. కాగా శింబుతో కలిసి నటించిన పోడా పోడీ చిత్రం నిర్మాణం పూర్తి అరుున చాలా కాలానికి తెరపైకి వచ్చింది.
 
 అదే ఈ బ్యూటీ తొలి చిత్రం అన్నది గమనార్హం. ఆ తరువాత చాన్నాళ్లకు విశాల్‌కు జంటగా మదగజరాజా చిత్రంలో నటించారు. అరుుతే ఆ చిత్ర విడుదలకు ఇప్పటికీ మోక్షం కలగలేదు. ఆ తరువాత బాలా దర్శకత్వంలో నటించిన తారైతప్పటై్ట చిత్రం పెద్దగా ప్రేక్షకాదరణ పొందకపోరుునా వరలక్ష్మి నటనకు మాత్రం ప్రశంసలు లభించారుు. ఆ తరువాత తమిళ చిత్రం ఏదీ విడుదల కాకపోరుునా, కన్నడ, మలయాళం భాషల్లో ఒక్కో చిత్రంలో నటించి బహుభాషా నటి అనిపించుకున్నారు. ప్రస్తుతం తమిళంలో నిపుణన్, అమ్మారుు, విక్రమ్ వేదా చిత్రాల్లో నటిస్తున్నారు. తాజాగా సిబిరాజ్‌తో మరో చిత్రం చేసే అవకాశం వరించింది.
 
 నటుడు సత్యరాజ్ సమర్పణలో నాదాంబాళ్ ఫిలిం ఫ్యాక్టరీ పతాకంపై తెరకెక్కుతున్న చిత్రంలో సిబిరాజ్ హీరోగా నటిస్తున్నారు. ఆయనకు జంటగా ఇప్పటికే నటి రమ్యానంభీశన్‌ను ఎంపిక చేశారు. మరో ముఖ్య పాత్రలో నటి వరలక్ష్మి శరత్‌కుమార్ నటించనున్నారు. ఇందులో వరలక్ష్మి ఇంతకు ముందు పోషించనటువంటి బలమైన పాత్రలో నటిస్తున్నారని చిత్ర యూనిట్ పేర్కొన్నారు. దీనికి సైతాన్ చిత్రం ఫేమ్ ప్రదీప్ కృష్ణమూర్తి దర్శకత్వం వహిస్తున్నారు