ఢిల్లీ: ఢిల్లీ లిక్కర్‌  స్కామ్‌లో మనీలాండరింగ్‌ కేసులో అరెస్టై.. జ్యుడిషియల్‌ కస్టడీలో ఉన్న సీఎం అరవింద్‌ కేజ్రీవాల్‌ ప్రైవేట్‌ పర్సనల్‌ సెక్రటరీ భిభవ్‌ కుమారుపై వేటు పడింది. ఢిల్లీ డైరెక్టరేట్‌ ఆప్‌ విజిలెన్స్‌  గురువారం ఆయన్ను విధుల నుంచి తొలగించింది. ఈ మేరకు విజిలెన్స్ స్పెషల్‌ సెక్రటరీ వైవీవీజే రాజశేఖర్ ఉత్తర్వులు జారీ చేశారు. భిభవ్‌ కుమార్‌పై నమోదైన కేసు, తాత్కాలిక నియామకానికి సంబంధించి సెంట్రల్ సివిల్ సర్వీస్ నిబంధనలను ఉల్లంఘించి నియమించినందకు ఆయన విధులను రద్దు చేసినట్లు ఉత్తర్వుల్లో పేర్కొన్నారు. 2007లో తన విధలు నిర్వమించకుండా అడ్డుకుని, బెదిరింపులకు పాల్పడటంతో భిభివ్‌ కుమార్‌తో పాటు మరో ముగ్గురిపై నోయిడా డెవలప్‌మెంట్‌ అథారిటీలో పని చేసే మహేష్‌ పాల్‌ అనే ప్రభుత్వ అధికారి కేసు నమోదు చేశాఉ. దీంతో పోలీసులు వారిపై ఎఫ్‌ఐఆర్‌బుక్‌ చేశారు. అయితే ఈ కేసుకు సంబంధించి విచారణ ఇంకా పెండింగ్‌లోనే ఉండటం గమనార్హం. ఈ నేపథ్యంలో పరిపాలనపరమైన చర్యలో భాగంగా భిభవ్‌ కుమార్‌ను సీఎం కేజ్రీవాల్‌ పర్సనల్‌ సెక్రటరీగా తొలగించారు. మరోవైపు.. ఢిల్లీ లిక్కర్‌ స్కామ్‌ కేసులో సోమవారం భిభవ్‌ కుమార్‌ను ఈడీ ప్రశ్నించింది. అదే విధంగా మనీలాండరింగ్ యాక్ట్ కింద భిభవ్‌ కుమార్‌ వద్ద స్టేట్‌మెంట్‌ రికార్డు చేసినట్లుగా ఈడీ పేర్కొంది. కేజ్రీవాల్‌ తన అరెస్ట్‌ అక్రమమని, ఈడీ అరెస్ట్‌ను రద్దు చేయాలని ఢిల్లీ హైకోర్టులో పిటిషన్‌ దాఖలు చేశారు. ఆ పిటిషన్‌ను హైకోర్టు కొట్టివేసింది. అనంతరం ఢిల్లీ హైకోర్టు తీర్పును సవాల్‌ చేస్తూ కేజ్రీవాల్‌ సుప్రీం కోర్టును ఆశ్రయించగా.. ఈ పిటిషన్‌పై విచారణను పరిశీలిస్తామని సుప్రీం కోర్టు ప్రధాన న్యాయమూర్తి తెలిపారు.

భువనేశ్వర్‌: రాష్ట్ర విజిలెన్స్‌ ఇనస్పెక్టర్‌ మానసి జెనాను విధుల నుంచి బర్తరఫ్‌ చేసినట్లు రాష్ట్ర డైరెక్టర్‌ జనరల్‌ ఆఫ్‌ పోలీస్‌(డీజీపీ) సునీల్‌కుమార్‌ బన్సాల్‌ శుక్రవారం ప్రకటించారు. తోటి ఉద్యోగి ఆధ్వర్యంలో రూ.20 లక్షలు లంచం తీసుకుంటుండగా ఆమె ప్రత్యక్షంగా పట్టుబడ్డారు. విజిలెన్స్‌ వలలో చిక్కుకున్న ప్రభుత్వ ఉద్యోగిపై నమోదైన కేసును కొట్టి వేసేందుకు ఈ మొత్తాన్ని డిమాండ్‌ చేసినట్లు ఆరోపణ. అడిగినంత లంచం ఇవ్వకుంటే కఠిన క్రిమినల్‌ చర్యలు చేపడతామని నిందితుడిని బెదిరించారు. ఈ వ్యవహారంలో విజిలెన్స్‌ అంతర్గత వర్గం అధికారులు మానసి జెనాను అదుపులోకి తీసుకున్నారు. ఈ నేపథ్యంలో మే 14న ఆమెను అరెస్ట్‌ చేసి, జుడీషియల్‌ కస్టడీకి తరలించారు. చదవండి: స్నేహితుని పెళ్లి.. మత్తు ఎక్కువై రైలుపట్టాలపై పడుకుని.. 

సాక్షి, విజయవాడ : కరెప్షన్‌ అనే పదానికి దూరంగా ఉండాలని అది క్యాన్సర్‌ కన్నా ప్రమాదకరమైందని గవర్నర్‌ బిశ్వ భూషణ్‌ హరిచందన్‌ పేర్కొన్నారు. విజయవాడలోని తుమ్మలపల్లి కళాక్షేత్రంలో సోమవారం నిర్వహించిన విజిలెన్స్‌ వారోత్సవాలను గవర్నర్‌ ఘనంగా ప్రారంభించారు. భారతదేశాన్ని అవినీతిరహిత దేశంగా మార్చాలనే ఉద్దేశంతో విజిలెన్స్‌ అవేర్‌నెస్‌ వీక్‌ 2019ను నిర్వహించారు. ఈ సందర్భంగా గవర్నర్‌ మాట్లాడుతూ.. కరెప్షన్‌ అనే పదం క్యాన్సర్‌ కన్నా ప్రమాదకరమైందని పేర్కొన్నారు. అవినీతిరహిత దేశంగా భారతదేశం ఉండాలనేది తన ఆకాంక్ష అని గవర్నర్‌ తెలిపారు. దేశంలో పని చేస్తున్న అన్ని ప్రభుత్వ సంస్థలు అవినీతిరహితంగా పనిచేయాలని పిలుపునిచ్చారు. వచ్చే నెల రెండో తేదీ వరకు జరగనున్న విజిలెన్స్‌ వారోత్సవాలకు కేంద్ర ప్రభుత్వ సంస్థల ఉన్నతాధికారులు పాల్గొన్నారు. 

సాక్షి, అమరావతి బ్యూరో : సాధారణంగా ఎండాకాలంలో బీరుకు గిరాకీ ఉంటుంది. ఆ సమయంలో బీరు తయారీ సంస్థలు, డిపోలు దుకాణదారులకు సమృద్ధిగా సరఫరా చేయలేరు. ఈ డిమాండ్‌ను గుర్తించిన కొందరు వ్యాపారులు గతంలో అనధికారికంగా అధిక ధరలకు అమ్మిన సంఘటనలు ఉన్నాయి. వీటన్నింటినీ దృష్టిలో పెట్టుకొని మద్యం దుకాణదారులు ముందస్తు ఏర్పాట్లు చేసుకుంటున్నారు. డిసెంబర్, జనవరి, ఫిబ్రవరి నెలలో బీరు అమ్మకాలు చాలా తక్కువ స్థాయిలో ఉంటాయి. డిపోలు, తయారీ సంస్థలు.. బీరు అమ్మకాలపై ఆయా నెలల్లో రాయితీలు ఇస్తుంటాయి. ఈ ఏడాది కూడా ఈ రాయితీలు ఇచ్చాయి. దీంతో అమ్మకాలు లేకున్నా భారీస్థాయిలో 3.02 లక్షల కేసుల బీరును ఫిబ్రవరి నెలలో మద్యం దుకాణదారులు కొనుగోలు చేశారు. దీంతో ప్రస్తుతం డిపోల్లో బీరు నిల్వలు అడుగంటాయి. బ్రాందీ, విస్కీ తదితర రకాల అమ్మకాలు కూడా పెరిగాయి. బ్రాందీ, విస్కీ కొంటేనే బీర్‌.. బీరు కావాలంటూ దుకాణదారుల నుంచి డిమాండ్‌ రావడంతో డిపోలు కొత్త నిబంధనలను తెరమీదకు తెచ్చినట్లు సమాచారం. ఇతర రకాలు కొనుగోలు చేస్తేనే బీరు ఇస్తామనడంతో మద్యం దుకాణదారుల బ్రాందీ, విస్కీ కేసులను కొనుగోలు చేశారు. గత ఏడాది ఫిబ్రవరి నెలలో 2.91 లక్షల కేసుల లిక్కర్‌ను కొనుగోలు చేయగా.. ఈ ఏడాది ఫిబ్రవరి నెలలో 3.57 లక్షల కేసులు కొనుగోళ్లు జరిగాయి. ఇది గత ఏడాదితో పోలిస్తే 23 శాతం అధికంగా ఉండటం గమనార్హం. అలాగే బీర్లు అయితే గతేడాది ఫిబ్రవరిలో 1.79 లక్షల కేసుల కొనుగోలు చేయగా.. ఈ ఏడాది ఏకంగా 68 శాతం పెరిగి 3.02 లక్షల కేసులు కొనుగోలు చేయడం జరిగింది. ఫిబ్రవరిలో మద్యం కొనుగోళ్లు ఇలా..  నెల/ఏడాది  మద్యం (ఐఎంఎల్‌)  బీర్లు  02/2018  2,19,065  1,79,794  02/2019  3,57,520  3,02,065 బెల్టు షాపులదే హవా.. జిల్లాలో మద్యం దుకాణాలు 339, బార్‌ అండ్‌ రెస్టారెంట్లు 141, స్టార్‌ హోటళ్లు 18 ఉన్నాయి.మద్యం దుకాణాల్లో అమ్మే ప్రతి సీసాపై సమగ్ర వివరాలు ఉంటాయి. ముందస్తుగా భారీ స్థాయిలో కొనుగోళ్లు చేసి నిల్వ చేసిన మద్యం తర్వాత నెలలో అమ్మితే ఆబ్కారీశాఖ తనిఖీల్లో దొరికిపోయే అవకాశం ఉంటుంది. దీనిని గుర్తించి బెల్టు షాపుల్లో అమ్ముతున్నారు. కృష్ణా జిల్లా పరిధిలో చాలా మద్యం దుకాణాలకు అనుసంధానంగా బెల్టు షాపులు ఉన్నాయి. వీటిని అనుమతి పొందిన మద్యం దుకాణదారులే అనధికారికంగా నిర్వహిస్తున్నారు. వీటిల్లో ధర అధికంగా ఉండటంతోపాటు గడువు తీరిన, అదనపు పన్ను కట్టని మద్యం అమ్మకాలు చేస్తున్నట్లు తెలుస్తోంది. ప్రస్తుతం జిల్లా పరిధిలో ఆబ్కారీశాఖలో సిబ్బంది కొరత తీవ్రంగా ఉంది. దీంతో గొలుసు దుకాణాలపై నిఘా పెట్టే పరిస్థితి లేదని తెలుస్తోంది. ప్రభుత్వ ఆదాయానికి భారీ గండి.. దుకాణాలు, బార్‌లు ప్రతి నెలా లక్ష్యానికి మించి జరిపే అమ్మకాలపై అదనంగా 20శాతం పన్ను కట్టాల్సి ఉంటుంది. అదనపు పన్ను కట్టి జరిపే అమ్మకాలపైనా మద్యం దుకాణదారులకు భారీ స్థాయిలోనే లాభం వస్తుంది. దీనికి సంతృప్తి చెందకుండా దుకాణదారులు ఇతర మార్గాల్లోను ఆదాయం ఆర్జించాలని చూస్తున్నారు. అదనపు పన్ను భారం నుంచి తప్పించుకునేందుకు అమ్మకాలు లేని నెలల్లో సైతం భారీస్థాయిలో కొనుగోళ్లు జరిపి.. మద్యం నిల్వలను పెట్టుకుంటున్నారు. ఆయా నెలల్లో 20 శాతం అదనపు పన్ను లేకుండా ఈ ఏర్పాట్లు చేసుకుంటున్నట్లు తెలుస్తోంది. అమ్మకాలపై నిఘా ఉంది.. జిల్లాలో చాలామంది దుకాణదారులు, బారుల యాజమాన్యాలు బీరును భారీస్థాయిలో కొనుగోలు చేస్తున్నట్లు తెలిసింది. దుకాణాలు చేసే క్రయ, విక్రయాలపై దృష్టిపెట్టాం. ఏ దుకాణదారుడు ఎంత కొనుగోలు చేస్తున్నాడు? దానిని ఎక్కడ నిల్వ ఉంచుతున్నాడు? రోజువారీ ఎంత అమ్మకాలు చేస్తున్నాడు? తదితర సమాచారంపై ఆకస్మిక దాడులు చేస్తాం. కొనుగోలు అమ్మకాల్లో వ్యత్యాసాలు ఉంటే కఠిన చర్యలు తీసుకుంటాం. బెల్టుషాపులపై నిఘా పెడతాం. –మురళీధర్, డీసీ, కృష్ణా జిల్లా

సాక్షి ప్రతినిధి, అనంతపురం : అనంతపురం విజిలెన్స్‌ అండ్‌ ఎన్‌ఫోర్స్‌మెంట్‌ ఎస్పీ అనిల్‌పై బదిలీ వేటు పడింది. అనంతపురం నుంచి బదిలీ చేయడమే కాకుండా విజిలెన్స్‌ అండ్‌ ఎన్‌ఫోర్స్‌మెంట్‌ ఉన్నతాధికారులు ఆ శాఖ నుంచి రిలీవ్‌ చేశారు. దీంతో ప్రభుత్వం ఆయనను ఇంటెలిజెన్స్‌ ఏఎస్పీగా నియమిస్తూ, పోలీస్‌ హెడ్‌క్వార్టర్స్‌లో రిపోర్ట్‌ చేసుకోవాలని ఆదేశించింది. ఈ మేరకు ప్రభుత్వ ముఖ్య కార్యదర్శి అనురాధ శుక్రవారం ఉత్తర్వులు జారీ చేశారు. ఏఎస్పీ స్థాయిలోని అనిల్‌ను విజిలెన్స్‌ ఎస్పీగా నాలుగేళ్లకుపైగా ఎఫ్‌ఏసీ(పూర్తి అదనపు బాధ్యతలు)పై విధులు నిర్వహించారు. అయితే ఆయన పనితీరుపై విపక్షపార్టీ తరచూ విమర్శలు గుప్పించింది. అధికారపార్టీకి పూర్తి తొత్తుగా వ్యవహరిస్తున్నారని, పలు శాఖలను బ్లాక్‌మెయిల్‌ చేసి అవినీతికి పాల్పడుతున్నారని డీజీకి ఫిర్యాదు చేశారు. ధర్మవరం మాజీ ఎమ్మెల్యే కేతిరెడ్డి వెంకట్రామిరెడ్డి కూడా అనిల్‌ విచ్చలవిడి అవినీతికి పాల్పడుతున్నారని, ఆయనపై చర్యలు తీసుకోవాలని ఈ నెల 3న ప్రభుత్వ ప్రధాన కార్యదర్శికి, విజిలెన్స్‌ డీజీకి ఫిర్యాదు చేశారు.విజిలెన్స్‌ అండ్‌ ఎన్‌ఫోర్స్‌మెంట్‌ శాఖ జిల్లాపై నిఘా ఉంచి అభివృద్ధి పనుల కోసం ప్రభుత్వం వెచ్చించే నిధులు దుర్వినియోగం కాకుండా చూడాలి. అలా జరిగితే తనిఖీలు చేసి ప్రభుత్వానికి నివేదికలు పంపాలి. కానీ ఈ శాఖ పనితీరు నాలుగేళ్లుగా వివాదాస్పదంగానే ఉంది. అనిల్‌ అధికార పార్టీకి అండగా ఉంటారని, ఓ సామాజికవర్గానికి వత్తాసు పలుకుతున్నారనే ఆరోపణలు ఉన్నాయి. ప్రత్యేకించి తనిఖీల పేరుతో బెదిరించి ఒకసారి కేసు నమోదు చేసి, తర్వాత వారితో సత్ససంబంధాలు నడుపుతున్నారనే ఆరోపణలు కూడా వినిపించా యి. అధికారాన్ని అడ్డుపెట్టుకుని అందనికాడికి దోచుకున్నారని మాజీ ఎమ్మెల్యే కేతిరెడ్డి లిఖిత పూర్వకంగా ఫిర్యాదు చేసే స్థాయికి వచ్చారంటే ఆ శాఖ పరిస్థితి ఎలా ఉందో? అధికారులు ఎలా వ్యవహరించారో? ఇట్టే తెలుస్తోంది. ఆర్‌అండ్‌బీలోని ఓ కీలక అధికారి, విజిలెన్స్‌లో పనిచేసిన ఓ ఎస్‌ఐ అండతో ఇతను అవినీతి కార్యక్రమాలకు పాల్పడుతున్నారని ఉన్నతాధికారులకు పలువురు ఫిర్యాదు చేశారు. ఇవన్నీ పరిగణనలోకి తీసుకున్న ఉన్నతాధికారులు అనిల్‌పై బదిలీ వేటు వేశారని తెలుస్తోంది. అనిల్‌పై వచ్చిన ఆరోపణలు కొన్ని: = సాయినగర్‌ పశువుల ఆస్పత్రిలో అప్పటి ఎంపీ అనంత వెంకట్రామిరెడ్డి నిధులు(బిల్లు నెంబర్‌–3160/29–3–2014,ఎంబుక్కు నెంబర్‌ 454/2012–2013)తో షెడ్డు నిర్మించారు. దీనికి ప్రస్తుత కార్పొరేషన్‌ అధికారులు 2014 అక్టోబర్‌ 29న మరో బిల్లు(బిల్లునెంబర్‌1648/29–10–2014, ఎంబుక్కు నెంబర్‌ 24/2008–09)డ్రా చే శారు. దీన్ని 2008–09 ఎంబుక్కులో ఎంటర్‌ చే శారు.  ఇప్పటి వరకూ ఎలాంటి చర్యలు లేవు.  = తాడిపత్రిలో గ్రానైట్‌ మాఫియా దందా ఏ స్థాయిలో సాగుతోందో పత్రికల్లో కథనాలు వెలువడ్డాయి. మాఫియాతో తనకు ప్రాణహాని ఉందని ఆ శాఖ విజిలెన్స్‌ సీఐ ప్రతాప్‌రెడ్డి ఉన్నతాధికారులకు ఫి ర్యాదుచేశారు. తాడిపత్రితో జిల్లా వ్యాప్తంగా గ్రానైట్‌ దందా సాగుతున్నా విజిలెన్స్‌ నిఘా కరువైంది. వారితో విజిలెన్స్‌ అధికారులు సన్ని హిత సంబంధాలు నడపడమేననే ఆరోపణలు ఉన్నాయి.  =ఎరువుల దుకాణాల్లోని అవకతవకలు చూసీ చూడనట్లు వ్యవహరించేందుకు వ్యాపారుల నుంచి కొంత మొత్తం వసూలు చేసినట్లు తెలుస్తోంది.  =కర్ణాటక నుంచి ప్రతి నెలా 80–100 వరకూ స్పాంజ్‌ ఐరన్‌ లారీలు హిందూపురం పరిధిలోని పరి శ్రమలకు వస్తుంటాయి. ఒక్కో వాహనానికి రూ.15వేలు ఇవ్వాలని హుకూం జారీ చేసినట్లు సమాచారం. = జిల్లాలో క్రషర్లతో పాటు మైనింగ్‌ 75శాతం ని బంధనలకు విరుద్ధంగా జరుగుతోంది. వీరి నుం చి కూడా భారీగా వసూలు చేసినట్లు తెలుస్తోంది.  = గుంతకల్లు సమీపంలోని కొందరు డీజిల్‌ మాఫియాగా ఏర్పడి కల్తీ ఆయిల్‌ సరఫరా చేస్తున్నారు. వీరి నుంచి భారీగా ముడుపులు అందుతున్నట్లు ఆరోపణలు ఉన్నాయి. = ఓ సిమెంట్‌ ట్రాన్స్‌పోర్ట్‌ సంస్థ నిబంధనలకు వి రుద్ధంగా జిల్లాలోకి ప్రవేశిస్తున్నందుకు ప్రతి నెలా రూ.2లక్షలు వసూలు చేస్తున్నట్లు చర్చ జరుగుతోంది.  = ఇసుక మాఫియా నుంచి కూడా భారీగా ముడుపులు అందుతున్నట్లు తెలిసింది.  = తనకు అనుకూలంగా ఉన్న కాంట్రాక్టర్ల జోలి కి వెళ్లకుండా ఉండటం, విపక్ష పార్టీకి చెందిన ఏజెన్సీలు, దారికి రాని వారి పనుల్లో లోపాలు వెతికి కేసులు నమోదు చేసి, జరిమానాలు విధించేలా చేస్తారనే ఆరోపణలు ఉన్నాయి.  =అనంతపురంలోని ఒకటో డివిజన్‌లో సిమెంట్‌ రోడ్డు తనిఖీకి వెళ్లి ఒక శాంపిల్‌ తీయగానే అధికార పార్టీ నేతల నుంచి ఫోన్‌ రావడంతో వెనక్కు వెళ్లిపోవడం గమనార్హం. 

సాక్షి ప్రతినిధి, తిరుపతి: తిరుమల శ్రీవారికి కానుకల రూపంలో అందిన ఆభరణాల్లో రూ.వందల కోట్ల  విలువ చేసే పింక్‌ డైమండ్‌ ఉన్నట్లు విజిలెన్సు రికార్డులు చెబుతున్నాయి. 2008 జూలై 28న అప్పటి టీటీడీ చీఫ్‌ విజిలెన్సు అధికారి రమణకుమార్‌ బంగారు డాలర్ల గల్లంతుపై విచారణ జరిపి ఈవోకి అందజేసిన నివేదికలో దీని గురించి ప్రస్తావించారు. ఈ భారీ వజ్రం ముక్కలై ఉన్నట్లు ఆయన తన నివేదికలో పొందుపరిచారు. దీన్నిబట్టి చూస్తే మంగళవారం టీటీడీ చైర్మన్‌ పుట్టా సుధాకర్‌యాదవ్, ఈవో అనిల్‌కుమార్‌సింఘాల్‌లు స్వామి వారి ఆభరణాల్లో అసలు వజ్రమే లేదని చెప్పిన మాటలు అబద్ధమని స్పష్టమవుతోంది.సీఎం చంద్రబాబుతో భేటీ అనంతరం వారు ఈ వ్యాఖ్యలు చేయడంపై అనుమానాలు వ్యక్తమవుతున్నాయి. శ్రీవారికి ఉన్న భారీ వజ్రం ఒకటి దేశం దాటి పోయిందనీ, ఇటీవలే అది జెనీవాలో వేలానికి వచ్చిందని ఆలయ మాజీ ప్రధాన అర్చకుడు రమణ దీక్షితులు ఆరోపిస్తున్న విషయం తెలిసిందే. దీనికితోడు డిసెంబరు 8న శ్రీవారి పోటులో తవ్వకాలు జరిగాయనీ, నిధుల కోసమే ఇవి జరిగినట్లు దీక్షితులు సందేహాలను వ్యక్తం చేస్తున్నారు. దీన్నిబట్టి తిరుమల ఆలయంలో గుట్టుగా నిధుల వేట జరుగుతోందనీ, రూ.కోట్ల విలువైన ఆభరణాలకు భద్రత లేదన్న అనుమానాలు తలెత్తుతున్నాయి. 16వ శతాబ్దంలో ఒక వజ్రం..: ఎస్వీ యూనివర్సిటీ చరిత్ర విభాగం ప్రొఫెసర్‌ దేవిరెడ్డి సుబ్రహ్మణ్యం రెడ్డి తెలిపిన వివరాల ప్రకారం.. 16వ శతాబ్దంలో శ్రీవారికి ఒక విలువైన వజ్రం ఉండేది. పోర్చుగీసు దేశం నుంచి వచ్చిన యాత్రికుడు జాక్వోస్‌ డీ కౌట్రే స్పానిష్‌ భాషలో రచించిన తిరుమల యాత్రా విశేషాల్లో ఈ వజ్రం గురించి వివరించాడని సుబ్రహ్మణ్యంరెడ్డి చెబుతున్నారు. కౌట్రే తిరుమల ఆలయాన్ని చూసి వేంకటేశ్వర స్వామి ప్రతిమకు విలువైన ఆభరణాలు అలంకరించబడి ఉండటం, అందులో విలువైన వజ్రం ఉన్న వడ్డాణాన్ని చూసినట్లు పేర్కొన్నారని ప్రొఫెసర్‌ వివరించారు. నివేదికలో ఏముంది? 2008లో ఐదు గ్రాముల బరువున్న స్వామి వారి బంగారు డాలర్లు 300 పైగా గల్లంతయ్యాయన్న ఆరోపణలు వెలుగులోకి వచ్చాయి. అప్పట్లో సీవీ ఎస్‌వోగా ఉన్న రమణకుమార్‌ ఈ వ్యవహారంపై విచారణ జరిపి 2008 జూలై 28న ఈవోకి నివేదిక ఇచ్చారు. సదరు నివేదికలో గల్లంతైన డాలర్ల విలువ రూ.15.40 లక్షలుగా పేర్కొంటూ, కేసు వివరాలను ప్రస్తావించారు. ఈ సందర్భంగా తన నివేదికలో పింక్‌ డైమండ్‌ గురించి పేర్కొన్నారు. కొన్నేళ్ల కిందట వందల కోట్ల విలువ గల ఈ వజ్రం ముక్కలైనట్లు గుర్తించామని వివరించారు. దీన్నిబట్టి చూస్తే శ్రీవారి ఆభరణాల్లో విలువైన వజ్రం ఉన్నట్లు విశదమవుతోంది. దీనికి చైర్మన్, ఈవోలు ఏం సమాధానం చెబుతారోనన్నది ఉత్కంఠగా మారింది. 16వ శతాబ్దం నుంచి  ఏఏ ఆభరణాలు స్వామివారికి కానుకలుగా అందాయో చెప్పడమే కాకుండా వాటిని ప్రజల సందర్శనార్థం ఉంచాలనీ, అప్పుడే టీటీడీ అధికారుల పారదర్శకత స్పష్టమవుతుందని భక్తులు అభిప్రాయపడుతున్నారు. 

సాక్షి, హైదరాబాద్‌ :  అక్రమాలపై నిఘా పెట్టి ప్రభుత్వ ఆస్తులు కాపాడాల్సిన విజిలెన్స్‌ వ్యవస్థే చేను మేస్తోంది! జీహెచ్‌ఎంసీ, వాటర్‌ బోర్డు, ట్రాన్స్‌కో, హెచ్‌ఎండీఏ, విజిలెన్స్‌ అండ్‌ ఎన్‌ఫోర్స్‌మెంట్‌లోని విజిలెన్స్‌ అధికా రులు, వారి పనితీరుపై తీవ్ర స్థాయిలో విమర్శలు వెల్లువెత్తుతున్నాయి. ఏకంగా ‘బాబోయ్‌.. మాకొద్దు ఈ అధికారులు’ అంటూ పోలీస్‌ పెద్దలకు ఫిర్యాదులపై ఫిర్యాదులు అందుతున్నాయి. ఈ విభా గాల్లోని విజిలెన్స్‌ వ్యవస్థలో కేవలం పోలీస్‌ అధికారులే విధులు నిర్వర్తిస్తున్నారు. వీటి ల్లో పనిచేసేందుకు చాలా పోటీ, డిమాండ్‌ ఉండటంతో అదనపు ఎస్పీలు, డీఎస్పీలు, ఇన్‌స్పెక్టర్లు, ఎస్సైలు, కానిస్టేబుళ్లు డిప్యూ టేషన్‌పై బదిలీ చేయించుకొని మరీ వెళ్తుంటారు. ఇటీవలే హెచ్‌ఎండీఏలోని ఎన్‌ఫోర్స్‌మెంట్‌లో ఉన్న ఓ పోలీస్‌ అధికారి చేసిన అవినీతి వెలుగులోకి రావడంతో అన్ని విభాగాల్లో ఉన్న విజిలెన్స్‌ అధికారులపై నిఘా వర్గాలు దృష్టి సారించినట్టు తెలుస్తోంది. కరెంట్‌ విజిలెన్స్‌ మస్తు ట్రాన్స్‌కో విభాగంలోనూ విజిలెన్స్‌ వింగ్‌ ఉంది. ఈ విభాగానికి డిప్యుటేషన్‌పై వెళ్లడం అంత సులభం కాదు. కొందరికే ఈ అవకాశం వస్తుంది. పోలీస్‌ ఉద్యోగం వదిలి ట్రాన్స్‌కోలో విజిలెన్స్‌ అధికారులు, సిబ్బంది వెళ్లడంపై ఎప్పటినుంచో చర్చ జరుగుతోంది. ఏఈలు, డీఈలు, కింది స్థాయి సిబ్బందిపై వచ్చే అక్రమాల ఫిర్యాదుపై విచారణ జరిపి నివేదిక తయారు చేయా ల్సిన విజిలెన్స్‌ అధికారులు వారితోనే కుమ్మౖMð్క నివేదికలు మార్చిన ఘటనలు న్నాయని ట్రాన్స్‌కో ఉన్నతాధికారులు చెబుతున్నారు. విద్యుత్‌ చౌర్యానికి సంబంధించి వచ్చే ఫిర్యాదులనూ  విజిలెన్స్‌ అధికారులు క్యాష్‌ చేసుకుంటున్నట్టు ఆరోపణలున్నాయి. జీహెచ్‌ఎంసీలోని విజిలెన్స్‌ అండ్‌ ఎన్‌ఫోర్స్‌మెంట్‌ వింగ్‌లోనూ ఇలాంటి వ్యవహారాలే బయటపడటంతో అక్కడ ఉన్నతాధికారులు ఇటీవలే పలువురిని పోలీస్‌ శాఖకు సరెండర్‌ చేశారు. వ్యాపారులు గగ్గోలు జీఎస్‌టీ వచ్చాక విజిలెన్స్‌ అధికారుల నుంచి తమకు వేధింపులు ఎక్కువ య్యాయని వ్యాపారులు కూడా ఆందోళన వ్యక్తంచేస్తున్నారు. ముఖ్యంగా రైస్‌మిల్లర్లు, ఇతరత్రా మధ్య తరహా వ్యాపారులు విజిలెన్స్‌ అండ్‌ ఎన్‌ఫోర్స్‌మెంట్‌ అధికారు లపై మంత్రులకు ఫిర్యాదు చేశారు. అక్రమ రవాణా, జీరో దందా, ట్యాక్స్‌ చెల్లించకుండా జరిగే వ్యాపారాలు తదితర వ్యవహారాలపై  దృష్టి సారించాల్సిన అధికారులు ఇష్టారాజ్యంగా కమీషన్లు దండుకుంటున్నట్టు సమాచారం. విజిలెన్స్‌ ఎత్తేయండి రాష్ట్రంలోని ప్రధాన విజిలెన్స్‌ అండ్‌ ఎన్‌ఫోర్స్‌మెంట్‌తోపాటు వివిధ విభాగాల్లోని విజిలెన్స్‌ వ్యవస్థను ఎత్తివేయాలని హోంశాఖ గతంలోనే రాష్ట్ర ప్రభుత్వానికి ప్రతిపాదన పెట్టింది. అవినీతి నిరోధక శాఖ(ఏసీబీ) కిందే ప్రధాన విజిలెన్స్‌ వ్యవస్థ పనిచేసేలా రూపకల్పన చేయాలని సూచించింది. విజిలెన్స్‌ వ్యవస్థకు బదులు సంబంధిత శాఖల్లోనే అంతర్గత విభాగాలు రూపొందించుకొని అక్కడి అధికారులనే నియమించుకుంటే బాగుంటుందన్న ఆలోచనను కూడా ఉన్నతాధికారులు ప్రభుత్వానికి సూచించినట్టు తెలుస్తోంది. కాసులు కురిపించే అక్రమ కట్టడాలు హెచ్‌ఎండీఏలోని విజిలెన్స్‌ ఎన్‌ఫోర్స్‌మెంట్‌ వింగ్‌లో పనిచేసిన ఓ పోలీస్‌ అధికారిపై అక్కడి ఉన్నతాధికారులు పోలీస్‌ అధికారులకు ఓ లేఖ రాశారు. ఎన్‌ఫోర్స్‌మెంట్‌ను అడ్డంపెట్టుకొని అతడు భారీ స్థాయిలో అక్రమాలకు పాల్పడ్డట్టు అందులో పేర్కొన్నారు. ఇలాంటి అధికారితో తమ అధికారులు, సిబ్బంది కూడా అక్రమార్జనలో ఆరితేరిపోతున్నారని, అతడిని వెంటనే సరెండర్‌ చేస్తున్నామని లేఖలో స్పష్టంచేశారు. ఈ అధికారికి ముందు పనిచేసిన మరో డీఎస్పీ ఏకంగా సస్పెన్షన్‌కు గురికావడం చూస్తే ఏ స్థాయిలో వసూళ్లకు పాల్పడ్డారో అర్థమవుతోంది. ఈ ఎన్‌ఫోర్స్‌మెంట్‌ విభాగం అధికారులు.. అక్రమ కట్టడాలు నిర్మించిన వారి నుంచి భారీ స్థాయిలో వసూళ్లు చేసి ప్లానింగ్‌ విభాగాల్లోని అధికారులతో కుమ్మక్కయ్యారని లేఖలో వివరించారు. హెచ్‌ఎండీఏ పరిధిలోని ప్రభుత్వ భూములు, చెరువులు, కుంటలు వాటి రక్షణకు తీసుకోవాల్సిన చర్యల కన్నా సొంత ఆదాయం పెంచుకోవడంపైనే వీరు దృష్టి పెట్టినట్టు ఆరోపణలు వినిపిస్తున్నాయి. కాసులు కురిపించే నీళ్లు వాటర్‌బోర్డులో విజిలెన్స్‌ విభాగం పోస్టింగ్‌ అంటే చాలు.. లకరాలు పలికినట్టే అన్న మాట పోలీస్‌ శాఖలో వినిపిస్తోంది. అక్రమ నీటి కనెక్షన్లు, వాటర్‌ ట్యాంకర్ల అక్రమాలు, నల్లా కనెక్షన్లకు మోటార్ల బిగింపు.. తదితర వ్యవహారాలు పర్యవేక్షించాల్సిన విజి లెన్స్‌ అధికారులు వీటిని అడ్డం పెట్టుకొని భారీగానే దండుకుంటున్నట్టు ఆరోప ణలు వినిపిస్తున్నాయి. ఇంతటితో ఆగని కొంత మంది పోలీస్‌ అధికారులు ఏకంగా వాటర్‌బోర్డు ఆధ్వర్యంలో ఓ పోలీస్‌స్టేషన్‌ పెట్టి దందా నడిపించేందుకు సిద్ధమవడం ఉన్నతాధికారులనే కంగు తినిపించింది. ఇలాంటివేవీ ఇక్కడ చేయాల్సిన అవసరం లేదని ఉన్నతా ధికారులు పోలీస్‌ శాఖకు రాసిన లేఖలు తెగేసి చెప్పినట్టు సమాచారం.


 తణుకు : తణుకు పట్టణంలోని విత్తనాలు విక్రయించే దుకాణాలపై విజిలెన్స్‌ అధికారులు మంగళవారం దాడులు నిర్వహించారు. విజిలెన్స్‌ జిల్లా ఎస్పీ కె.బాలవెంకటేశ్వరరావు ఆదేశాల మేరకు డీఎస్పీ కె.అనిల్‌కుమార్, సీఐ ఎస్‌.వెంకటేశ్వరరావుల ఆధ్వర్యంలో ఈ దాడులు నిర్వహించారు. రాష్ట్రపతి రోడ్డులోని గ్రంధి సీతయ్య సీడ్స్, గ్రంధి చలమయ్య సీడ్స్‌ దుకాణాల్లో తనిఖీలు నిర్వహించి రికార్డులు, నిల్వలకు భారీ వ్యత్యాసాలు ఉన్నట్టు గుర్తించారు. గ్రంధి చలమయ్య సీడ్స్‌లో రూ.4.64 లక్షలు, గ్రంధి సీతయ్య సీడ్స్‌లో రూ.3 లక్షల విలువైన విత్తనాలు సీజ్‌ చేశారు. రాష్ట్రవ్యాప్తంగా సంచలనం రేకెత్తించిన నకిలీ విత్తనాల వ్యవహారంతో తణుకులో విత్తనాల దుకాణాలపై ఈ దాడులు నిర్వహించారు. గతంలో సైతం తణుకులో కొనుగోలు చేసిన విత్తనాలు నకిలీవిగా తేలడంతో పెద్ద ఎత్తున రైతులు ఏపీ సీడ్స్‌ కార్యాలయం ఎదుట ఆందోళనకు దిగిన విషయం తెలిసిందే. జిల్లాలోనే పెద్ద మొత్తంలో విత్తనాల వ్యాపారం జరిగే తణుకు పట్టణంలో నిర్వహించిన విజిలెన్స్‌ దాడులు ప్రాధాన్యత సంతరించుకున్నాయి. మరోవైపు నకిలీ విత్తనాల అంశాన్ని పరిశీలించాల్సి ఉందని అధికారులు చెబుతున్నారు. పలు బ్రాండ్లకు చెందిన విత్తనాల ప్యాకెట్లను స్వాధీనం చేసుకున్నామని వీటిని నకిలీవా లేక అసలువా తేల్చేందుకు లాబొరేటరీకి పంపించాల్సి ఉందన్నారు. దుకాణాల యజమానులు జీవీఎన్‌ భూషణం, జి.వెంకటేశ్వరరావులపై కేసు నమోదు చేసినట్టు డీఎస్పీ అనిల్‌కుమార్‌ తెలిపారు. ఈ దాడుల్లో విజిలెన్స్‌ ఎస్సై కె.సీతారాం, ఏసీటీవో డీడీ రాజేంద్రప్రసాద్, ఏజీ జయప్రసాద్, ఏవో ఎం.శ్రీనివాస్‌కుమార్, మండల వ్యవసాయాధికారి బి.ప్రియదర్శిని, హెడ్‌కానిస్టేబుళ్లు పి.రాధాకృష్ణ, కె.నాగరాజు, వైఎన్‌ మూర్తి, నాగబాబు పాల్గొన్నారు.
  


  
 భీమడోలు : భీమడోలులోని ఓ జనరల్‌ స్టోర్స్‌లో ని బంధనలకు విరుద్ధంగా నిల్వ ఉంచిన బియ్యం, నిత్యావసర సరుకులు 93.50 క్వింటాళ్ల నిల్వలు ఉండటాన్ని గుర్తించిన వి జిలెన్స్‌ అధికారులు శని వారం కేసు నమోదు చేశా రు. విజిలెన్స్‌ తహసీల్దార్‌ శైలజ ఆధ్వర్యంలో ఎస్సై వెంకటేశ్వరరావు భీమడోలు గణపతి సెంటర్‌లోని జనరల్‌ స్టోర్స్, గోడౌన్‌ను తనిఖీలు చేశారు. స్టోర్స్‌ యాజమాని ముత్తా వెంకటేశ్వరరావు ఎటువంటి లైసెన్సు లేకుండా అక్రమంగా సరుకులను విక్రయిస్తున్నట్టు గుర్తించారు. రూ.2,02,500 విలువ గల సరుకులను స్వాధీనం చేసుకున్నారు. వీటిలో 72 క్వింటాళ్ల బియ్యం, 20 క్వింటాళ్ల పంచదార, 50 కిలోల మినపప్పు, 50 కిలోల కందిపప్పు, 50 కిలోల పచ్చిశనగపప్పును సీజ్‌ చేశారు. సరుకులను భీమడోలు సీఎస్‌డీటీ జయశ్రీకి అప్పగించారు.  
 జీడిపప్పు పరిశ్రమపై దాడి
 దేవరపల్లి: దేవరపల్లిలో జీడిపప్పు పరిశ్రమపై శనివారం సాయంత్రం విజిలెన్స్‌ అండ్‌ ఎన్‌పోర్సుమెంట్‌ అధికారులు దాడులు చేశారు. దేవరపల్లి–గోపాలపురం రోడ్డులోని సుతాపల్లి నాగరాజుకు చెందిన  వీరవెంకట లక్ష్మీకాంతం ట్రేడర్స్‌ జీడిపప్పు ఫ్యాక్టరీలో అనుమతులు లేకుండా పప్పు ల మిల్లు పెట్టి మినపప్పు తయారు చేస్తున్నట్టు అధికారులు గుర్తించారు. పప్పుల మిల్లులో అక్రమంగా నిల్వ ఉంచిన 13 బస్తాల మినపప్పు, 27 బస్తాల మినుములను విజిలెన్స్‌ అధికారులు స్వాధీనం చేసుకున్నారు. వీటి విలువ సుమారు రూ.1.26 లక్షలు ఉంటుందని విజిలెన్స్‌ అధికారులు తెలి పారు. కేసు నమోదు చేసి సరుకులను స్వాధీనం చేసుకున్నామని చెప్పారు. 
  


 ఏలూరు అర్బన్‌ : రేషన్‌ దుకాణాలకు అందించాల్సిన కిరోసిన్‌ అక్రమంగా బ్లాక్‌ మార్కెట్‌కు తరలిస్తుండగా విజిలెన్స్‌ అధికారులు దాడి చేసి స్వాధీనం చేసుకున్నారు. విజిలెన్స్‌ సీఐ ఎస్‌.వెంకటేశ్వరరావు తెలిపిన వివరాల ప్రకారం.. నగరానికి చెందిన కె.చక్రధర్‌ అనే వ్యాపారి స్థానిక రైల్వేస్టే షన్‌ సమీపంలో కేవీఆర్‌ సుబ్బారావు డిపో అనే పేరున కిరోసిన్‌ వ్యాపారం చేస్తున్నారు. ఈ డిపో ద్వారా ప్రభుత్వ చౌక డిపోలకు కిరోసిన్‌ సరఫరా చేస్తుంటారు. ఈ నేపథ్యంలో డిపో నుంచి బ్లాక్‌ మార్కెట్‌కు భారీ మొత్తంలో కిరోసిన్‌ తరలిపోతుందని సమాచారం అందుకున్న విజిలెన్స్‌ అధికారులు శనివారం అర్ధరాత్రి సమయంలో ఆకస్మికంగా దాడి చేశారు. గుట్టుచప్పుడు కాకుండా ట్యాంకర్‌లో తలిస్తున్న 9,775 లీటర్ల కిరోసిన్‌ను స్వాధీనం చేసుకున్నారు. అనంతరం ఉన్నతాధికారుల ఆదేశాల మేరకు డిపో యజమాని చక్రధర్‌తో పాటు ఇద్దరు గుమస్తాలపై కేసు న మోదు చేశామని సీఐ వెంకటేశ్వరరావు తెలిపారు. విజిలెన్స్‌ ఏవో శ్రీనివాస్, ఏసీటీవో, డీడీ రాజేంద్రప్రసాద్‌ దాడుల్లో పాల్గొన్నారు. 
  


 ఏలూరు అర్బన్‌ : రేషన్‌ దుకాణాలకు అందించాల్సిన కిరోసిన్‌ అక్రమంగా బ్లాక్‌ మార్కెట్‌కు తరలిస్తుండగా విజిలెన్స్‌ అధికారులు దాడి చేసి స్వాధీనం చేసుకున్నారు. విజిలెన్స్‌ సీఐ ఎస్‌.వెంకటేశ్వరరావు తెలిపిన వివరాల ప్రకారం.. నగరానికి చెందిన కె.చక్రధర్‌ అనే వ్యాపారి స్థానిక రైల్వేస్టే షన్‌ సమీపంలో కేవీఆర్‌ సుబ్బారావు డిపో అనే పేరున కిరోసిన్‌ వ్యాపారం చేస్తున్నారు. ఈ డిపో ద్వారా ప్రభుత్వ చౌక డిపోలకు కిరోసిన్‌ సరఫరా చేస్తుంటారు. ఈ నేపథ్యంలో డిపో నుంచి బ్లాక్‌ మార్కెట్‌కు భారీ మొత్తంలో కిరోసిన్‌ తరలిపోతుందని సమాచారం అందుకున్న విజిలెన్స్‌ అధికారులు శనివారం అర్ధరాత్రి సమయంలో ఆకస్మికంగా దాడి చేశారు. గుట్టుచప్పుడు కాకుండా ట్యాంకర్‌లో తలిస్తున్న 9,775 లీటర్ల కిరోసిన్‌ను స్వాధీనం చేసుకున్నారు. అనంతరం ఉన్నతాధికారుల ఆదేశాల మేరకు డిపో యజమాని చక్రధర్‌తో పాటు ఇద్దరు గుమస్తాలపై కేసు న మోదు చేశామని సీఐ వెంకటేశ్వరరావు తెలిపారు. విజిలెన్స్‌ ఏవో శ్రీనివాస్, ఏసీటీవో, డీడీ రాజేంద్రప్రసాద్‌ దాడుల్లో పాల్గొన్నారు. 
  


 సైదాపురం: అటవీ భూముల్లో మట్టి తవ్వకాలపై విజిలెన్స్‌ డీఎఫ్‌ఓ శ్రీనివాసులురెడ్డి విచారణ చేపట్టారు. షామైన్‌ రోడ్డు నుంచి మొలకలపూండ్ల వరకు తారురోడ్డు నిర్మించిన కాంట్రాక్టర్‌ అటవీ అధికారుల అనుమతి లేకుండానే అడవిలో 900 మీటర్ల మేర మట్టిని తరలించడం వివాదాస్పదమైంది. ఈ విషయంలో అటవీశాఖ అధికారులు అవినీతికి పాల్పడ్డారంటూ శ్రీనివాసులునాయుడు అనే వ్యక్తి సీఎం కార్యాలయానికి ఫిర్యాదు చేశారు. ఈ క్రమంలో మొలకలపూండ్ల అటవీ ప్రాంతంలో తవ్వకాలు జరిపిన ప్రాంతాలను మంగళవారం ఆయన ఆకస్మికంగా పరిశీలించారు. సైదాపురం పంచాయతీ కార్యాలయంలో విచారణ నిర్వహించారు. అటవీశాఖ అధికారులు ఈ విషయంలో నిజాయితీగా వ్యవహరించారని సర్పంచ్‌ బండి వెంకటేశ్వర్లు రాతపూర్వకంగా తెలిపారు. రోడ్డు లేక ఇబ్బందులు పడుతున్నామని, రహదారి నిర్మాణానికి అనుమతులు ఇప్పించాలని గ్రామస్తులు కోరారు. శ్రీనివాసులురెడ్డి మాట్లాడుతూ అనుమతులు వచ్చిన తర్వాతే పనులు చేపట్టాలని అధికారులకు సూచించారు. గ్రావెల్‌ తవ్విన 900 మీటర్ల భూమి అటవీశాఖ పరిధిలోనే ఉందన్నారు. ఈ విషయమై అధికారులు సమగ్ర నివేదిక ప్రభుత్వానికి పంపితే అనుమతులు వస్తాయన్నారు. అప్పటి వరకు పనులు చేపడితే చర్యలు తీసుకుంటామని హెచ్చరించారు. ఆయన వెంట నెల్లూరు, వెంకటగిరి రేంజర్లు వెంకటేశ్వర్లు, శ్రీకాంత్‌రెడ్డి, విజిలెన్స్‌ రేంజర్‌ సుబ్బారెడ్డి  తదితరులున్నారు.
  


 colleges, vigilence, check
 
  
 
 గోదావరిఖని కళాశాలలు, తనిఖీ, విజిలెన్స్‌
  
 గోదావరిఖనిటౌన్‌ : పారిశ్రామిక ప్రాంతంలోని పలు ప్రైవేటు జూనియర్, డిగ్రీ కళాశాలలను విజిలెన్స్‌ అధికారులు గురువారం తనిఖీ చేశారు. మార్కండేయకాలనీలోని కృష్ణవేణి వికాస్, చైతన్య ఇతర కళాశాలలో తరగతి గదుల కొలతలు, కళాశాలలను నిర్వహించే హాజరు పట్టిక, స్కాలర్‌షిప్, ఇతర అంశాలను తనిఖీ చేశారు. అనంతరం విద్యార్థులను పలు ప్రశ్నలు అడిగి కళాశాల చెందినవిషయాలు తెలుసుకున్నారు. అసౌకర్యాలు లేకుండా విద్యార్థులకు అన్ని సేవలు అందే విధంగా చూడాలని కళాశాల నిర్వాహకులను కోరారు. కార్యక్రమంలో అధికారులు సత్యానారయణ, కళాశాల డైరెక్టర్‌ కుమార్, తిరుపతి, ప్రిన్సిపాల్‌ మాధవరావు తదితరులు పాల్గొన్నారు.