బెంగళూరు: లోక్‌సభ 2024 ఎన్నికలు దగ్గరపడుతున్న తరుణంలో ఓటర్లలో అవగాహన పెంచేందుకు, ఓటింగ్‌ శాతాన్ని పెంచేందుకు జిల్లా ఎన్నికల అధికారి, బీబీఎంపీ చీప్ కమిషనర్‌ 'తుషార్‌ గిరినాథ్‌' వింటేజ్‌ కార్‌, బైక్‌ ర్యాలీ కార్యక్రమాన్ని ప్రారంభించారు. గ్రామీణ ప్రాంతాలతో పోలిస్తే.. పట్టణ ప్రాంతాల్లో ఓటింగ్ శాతం చాలా తక్కువగా ఉంది. చదువుకున్న వారిలో కూడా చాలామంది ఓటు వేయడానికి ఆసక్తి చూపడటం లేదు. ఇలాంటి విధానానికి స్వస్తి పలకడానికి పాతకాలపు కార్లు, బైకులతో బెంగళూరులో ర్యాలీ నిర్వహించడం జరిగింది. లోక్‌సభ ఎన్నికల నేపథ్యంలో పాతకాలపు కార్ల ర్యాలీ నిర్వహించే సమయంలో జిల్లా రిటర్నింగ్ అధికారి, చీఫ్ కమిషనర్‌ తుషార్‌ గిరినాథ్‌.. అక్కడున్న వారందరిచేత ప్రతిజ్ఞ చేయించారు. ఈ ర్యాలీ విధాన సౌధ నుంచి ప్రారంభమై.. ఇన్‌ఫ్యాంట్రీ రోడ్డు, ఎంజీ రోడ్డు, చిన్నస్వామి స్టేడియం, ట్రినిటి సర్కిల్‌, రెసిడెన్సీ రోడ్డు మీదుగా కంఠీరవ స్టేడియం వద్ద ముగిసింది. సుమారు వందేళ్ల నాటి అపురూపమైన కార్లు నగర వీధుల్లో దూసుకెళ్తుంటే నగరవాసులు చాలా ఆసక్తిగా తిలకించారు. ఈ కార్యక్రమంలో ఎన్నికల విభాగం ప్రత్యేక కమిషనర్ సెల్వమణి, జిల్లా స్వీప్ కమిటీ చైర్మన్ కాంతరాజు, స్వీప్ నోడల్ అధికారిణి ప్రతిభ మొదలైన వారు పాల్గొన్నారు. ಸಾರ್ವತ್ರಿಕ ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಮತದಾರರಲ್ಲಿ ಜಾಗೃತಿ ಮತ್ತು ಮತದಾನದ ಪ್ರಮಾಣ ಹೆಚ್ಚಿಸುವ ಸಲುವಾಗಿ ವಿಂಟೇಜ್ ಕಾರ್ ಹಾಗೂ ಬೈಕ್ ಗಳ ರ್‍ಯಾಲಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. pic.twitter.com/AwsctvmaLO — Tushar Giri Nath IAS (@BBMPCOMM) March 31, 2024

షోలే సినిమాలో ‘యే దోసితీ హమ్‌ మగర్‌ ఛోడేంగే’ అంటూ అమితాబ్‌-ధర్మేంద్రలు చేసే బైక్‌ జర్నీ వీడిపోని స్నేహానికి గుర్తుగా మిగిలిపోయింది. ఒక్క షోలేలోనే కాదు వెండితెరపైన బ్యాచిలర్‌ ఫ్రెండ్స్‌ చేసిన అనేక రోడ్‌ ట్రిప్‌లు మన మదిపై చెరగని ముద్రను వేశాయి. వారు ఉపయోగించిన  వెహికల్స్‌ మనలో చాలా మందికి ఓ ఫాంటసీలా ఉండిపోయాయి.  దిల్‌ చాహ్‌తా హై సినిమాలో హీరోలు అమీర్‌ఖాన్‌, సైఫ్‌ఆలీఖాన్‌, అక్షయ్‌ఖన్నాలు ముంబై నుంచి గోవా వెళ్లేందుకు ఉపయోగించిన కారు మెర్సిడెజ్‌ బెంజ్‌ ఎస్‌ఎల్‌ 300 మోడల్‌. ఈ వింటేజ్‌ కారు ప్రస్తుతం మార్కెట్‌లో లేదు. అయితే దీని తర్వాత వచ్చిన ఎస్‌ఎల్‌ 350 వింటేజ్‌ కారు మార్కెట్‌లో కోటి రూపాయల దగ్గర లభిస్తోంది. దిల్‌ చాహ్‌తా హై దర్శకుడు ఫర్హాన్‌ అక్తర్‌కి వింటేజ్‌ కార్లంటే ఇష్టం. అందుకే ఏరి కోరి ఈ సినిమాలో మెర్సిడెజ్‌ బెంజ్‌ ఎస్‌ఎల్‌ 300 కన్వర్టబుల్‌ మోడల్‌ని ఫర్హాన్‌ ఉపయోగించాడు.  దిల్‌ చాహ్‌తాహై తర్వాత మరోసారి హృతిక్‌ రోషన్‌, అభయ్‌ డియోల్‌, ఫర్హాన్‌ అక్తర్‌లతో​ మరోసారి రోడ్‌ ట్రిప్‌ మూవీని తెరకెక్కించాడు ఫర్హాన్‌ అక్తర్‌. అయితే ఈసారి మరో వింటేజ్‌ కారు బ్విక్‌ సూపర్‌పై మనసు పారేసుకున్నాడు. ఈ కారుని 1940 నుంచి 1956 మధ్యన బ్విక్‌ కంపెనీ ఉత్పత్తి చేసింది. ప్రస్తుతం ఈ కార్లు  మార్కెట్‌లో అందుబాటులో లేవు. జిందగి సినిమా కోసం ప్రత్యేకంగా ఈ కారును తీసుకొచ్చారు.  ఇక ట్రెండ్‌ సెట్టర్‌ మూవీ షోలేలో అమితాబ్‌ , ధర్మేంద్రలు ఉపయోగించింది  బీఎస్‌ఏ డబ్ల్యూఏ 500 సీసీ బైక్‌. 1942లో ఈ బైకు మార్కెట్‌లోకి వచ్చింది. ఆ తర్వాత 1975లో షోలే రిలీజ్‌ తర్వాత ఈ బైక్‌ అప్పటి యువతకి కిర్రెక్కించింది. ఈ బైక్‌ ఇప్పుడు మార్కెట్‌లో లేకపోయినా... షోలే నమూనా బైక్‌లు అనేక వింటేజ​ థీమ్‌ హోటళ్లు, రెస్టారెంట్లలో కనిపిస్తూనే ఉంటాయి.  మిస్టర్‌ పెర్‌ఫెక్ట్‌ అమీర్‌ఖాన్‌, ఏస్‌ డైరెక్టర్‌ రాజ్‌కుమార్‌ హిరానీ డైరెక‌్షన్‌లో వచ్చిన త్రీ ఇడియట్స్‌  సంచలన విజయం సాధించింది, ఈ మూవీలో లైట్‌ వెయిట్‌ వెహికల్‌  మహీంద్రా ఫ్లైటీ స్కూటీపై  అమీర్‌ఖాన్‌, మాధవన్‌, శర్మాన్‌జోషిలు చేసిన విన్యాసాలు ఎ‍ప్పటికీ గుర్తుండి పోతుంది. మహీంద్రా ఫ్లైట్‌ ఇప్పటికీ మార్కెట్‌లో ఉంది. We all need friends in our lives that are our ride or die travel partners. Whether it's to go for a Bachelor's trip or to go find a long lost friend. A very #HappyFriendshipDay to all of our readers and their friends! pic.twitter.com/JPXlOlf0aL — carandbike (@carandbike) August 1, 2021

బాహుబలి తరువాత మరోసారి లాంగ్‌ గ్యాప్‌ తీసుకున్న ప్రభాస్‌ ప్రస్తుతం సాహో సినిమా పనుల్లో బిజీగా ఉన్నాడు. అంతర్జాతీయ స్థాయిలో భారీ యాక్షన్‌ థ్రిల్లర్‌గా తెరకెక్కుతున్న ఈ సినిమాతో పాటు మరో షూటింగ్‌లోనూ బిజీగా ఉన్నాడు ప్రభాస్‌. జిల్‌ ఫేం రాధకృష్ణ దర్శకత్వంలో మరో సినిమాలో నటిస్తున్నాడు. పిరియాడిక్‌ రొమాంటిక్‌ డ్రామాగా తెరకెక్కుతున్న ఈ సినిమాలో ప్రభాస్‌ పాత్రపై ఆసక్తికర వార్తలు వినిపిస్తున్నాయి. ఈ సినిమాలో ప్రభాస్‌ యూరోప్‌లో వింటేజ్‌ కార్ల వ్యాపారిగా కనిపించనున్నాడట. ఓ కారు అమ్మే విషయంలో జరిగిన సంఘటనతోనే సినిమా కథ మలుపు తిరుగుతుందన్న టాక్‌ వినిపిస్తోంది. ప్రభాస్‌ సరసన పూజ హెగ్డే హీరోయిన్‌ గా నటిస్తున్న ఈ సినిమాను ప్రభాస్‌ పెదనాన్న, రెబల్‌ స్టార్‌ కృష్ణంరాజు గోపి కృష్ణమూవీస్‌ బ్యానర్‌పై తెరకెక్కిస్తున్నారు.


 న్యూఢిల్లీ: ఆన్‌లైన్లో పెన్‌డ్రైవ్‌లు, ఎలక్ట్రానిక్ వస్తువుల కొనుగోళ్లకి మాత్రమే పరిమితమైన కొనుగోలుదారులు ప్రస్తుతం లక్షలు, కోట్లు ఖరీదు చేసే వాటిని కూడా కొనడం మొదలుపెట్టారు. నగలు మొదలుకుని బైక్‌లు, వింటేజ్ కార్ల దాకా కొనేస్తున్నారు. రూ. 3.5 కోట్లు విలువ చేసే సోలిటెయిర్ చెవి దుద్దులు, రూ. 30 లక్షలు విలువ చేసే ఫోక్స్‌వ్యాగన్ కారు (ఐపీఎల్ టీమ్ కెప్టెన్లు సంతకాలు చేసినది), రూ. 7 లక్షల ఆస్టిన్ రూబీ వింటేజ్ కారు, రూ. 15 లక్షల ఖరీదు చేసే హార్లే డేవిడ్‌సన్ నైట్ రాడ్ మోటార్ సైకిల్... ఇలా ఒకటేమిటి అనేక లగ్జరీ వస్తువులు ప్రస్తుతం ఆన్‌లైన్‌లో కొనేందుకు కొనుగోలుదారులు సందేహించడం లేదు. మెట్రోల్లాంటి ప్రధాన నగరాల్లోనే కాకుండా చిన్న పట్టణాల్లోనూ ఈ ధోరణి పెరుగుతోంది. ఈబే, శ్నాప్‌డీల్, ఓఎల్‌ఎక్స్ వంటి ఆన్‌లైన్ రిటైలింగ్ వెబ్‌సైట్లు ఇందుకు మాధ్యమాలుగా ఉపయోగపడుతున్నాయి. బెల్గామ్, బులంద్‌షహర్ వంటి ప్రాంతాల నుంచి కూడా భారీ విలువ చేసే లగ్జరీ వస్తువుల కొనుగోళ్లు జరుగుతున్నాయి.  
 
  ఆన్‌లైన్ ప్రయోజనాలు..
 సాధారణంగా వింటేజ్ కార్లు, డైమండ్లు మొదలైన వాటి విషయాల్లో ఆఫ్‌లైన్ కన్నా ఆన్‌లైన్‌లోనే పారదర్శకత ఎక్కువగా ఉంటోందని ఆన్‌లైన్ సంస్థలు చెబుతున్నాయి. పైగా ఎంపిక చేసుకునేందుకు విస్తృతమైన శ్రేణి కూడా అందుబాటులో ఉంటుంది. ఆయా విక్రేతల విశ్వసనీయతకు సంబంధించి ఇతర కొనుగోలుదారుల నుంచి వచ్చే సమీక్షలు సైతం తగిన నిర్ణయం తీసుకునేందుకు దోహదపడుతుంది. ఇలాంటి ప్రయోజనాల వల్లే కొనుగోలుదారు ఆన్‌లైన్ షాపింగ్ వైపు మొగ్గుచూపుతున్నారని ఇటైలింగ్ సంస్థలు తెలిపాయి.
 
 పెరుగుతున్న లావాదేవీల విలువ..
  సంపన్న దేశాలతో పోలిస్తే ఇంకా తక్కువగానే ఉన్నప్పటికీ ఆన్‌లైన్‌లో కొనుగోళ్లకు సంబంధించి విలువపరంగా లావాదేవీ పరిమాణం కూడా ఇటీవలి కాలంలో భారీగాా పెరుగుతోంది. ఈ ఏడాది జనవరి-అక్టోబర్ మధ్యకాలంలో ప్రతి ఆర్డరుపై సగటు బిల్లు విలువ సుమారు 25 శాతం మేర పెరిగినట్లు శ్నాప్‌డీల్ వర్గాలు తెలిపాయి. శ్నాప్‌డీల్‌లో అమ్ముడైన అత్యంత ఖరీదైన టీవీ (సోనీ బ్రావియా) విలువ సుమారు రూ. 3.75 లక్షలు. ఈబేలో ప్రతి నెలా 1,200 టీవీలు అమ్ముడవుతున్నాయి. తమకి వచ్చే ప్రతి పది ఆర్డర్లలో ఆరు ఆర్డర్లు చిన్న పట్టణాల నుంచే వస్తున్నాయని శ్నాప్‌డీల్ వర్గాలు తెలిపాయి. అత్యంత ఖరీదైన ఉత్పత్తుల స్టోర్లు చిన్న పట్టణాల్లో ఉండవు కాబట్టి.. అలాంటి వాటికోసం ఆయా ఊళ్లలో వారు ఇప్పటిదాకా పెద్ద నగరాలకు వెళ్లాల్సి వచ్చేది. కానీ ఈటైలింగ్ సైట్ల కారణంగా ఈ ధోరణి మారుతోంది.  ఇంటి దగ్గరే కూర్చుని ఆన్‌లైన్లో ఎంత ఖరీదైనవైనా ఆర్డరు ఇచ్చేస్తున్నారు. రాడో, రోలెక్స్ వంటి ఖరీదైన వాచీలకు కూడా ఈటైలింగ్ సైట్లలో ఎక్కువగా గిరాకీ ఉంటోందని కన్సల్టెన్సీ సంస్థ లగ్జరీ కనెక్ట్ వర్గాలు వివరించాయి.  ఇలా కొనుగోళ్లు జరిపే వాళ్లలో 40 ఏళ్లు దాటనివారి సంఖ్యే ఎక్కువగా ఉంటోందని పేర్కొన్నాయి. సాధారణంగా పసిడికి సంబంధించి రూ. 2 లక్షలకు మించి కొనుగోళ్లు జరిపితే పాన్ కార్డు తప్పనిసరి అవుతుంది. ఇతరత్రా ఆభరణాలకైతే రూ. 5 లక్షల దాకా వెసులుబాటు ఉంటుంది.