అంబాజీపేట: ఉపాధి కోసం సౌదీ వెళ్లిన ఓ యువకుడిని ఏజెంట్‌ మోసం చేయడంతో ఎడారిలో చిక్కుకుపోయాడు. అధిక ఉష్ణోగ్రతల కారణంగా తీవ్ర అనారోగ్యానికి గురయ్యాడు. ప్రభుత్వం జోక్యం చేసుకుని తమ కుమారుడిని తమ ఇంటికి చేర్చాలని అతని తల్లిదండ్రులు కోరుతున్నారు. బాధిత యువకుడి కుటుంబ సభ్యులు తెలిపిన వివరాల ప్రకారం... డాక్టర్‌ బీఆర్‌ అంబేడ్కర్‌ కోనసీమ జిల్లా అంబాజీపేట మండలంలోని ఇసుకపూడి మెరకపేటకు చెందిన సరెళ్ల సత్తిరాజు, మరియమ్మ దంపతుల కుమారుడు సరెళ్ల వీరేంద్రకుమార్‌ ఈ నెల 9వ తేదీన ఏజెంట్, మధ్యవర్తుల సాయంతో ఖతార్‌లో వంట మనిíÙగా పనిచేసేందుకు వెళ్లాడు.అతను 10వ తేదీన ఖతార్‌కు చేరగా, అక్కడ వంట మనిషి ఉద్యోగం ఇవ్వలేదు. అతడ్ని ఖతార్‌ నుంచి ఈ నెల 11 తేదీన సౌదీ అరేబియా పంపించారు. అక్కడ ఎడారిలో ఒంటెలకాపరిగా నియమించారు. భగభగ మండే ఎండ తీవ్రత వల్ల ఎడారిలో ఒంటెలకాపరిగా పని చేస్తున్న వీరేంద్రకుమార్‌ ఆరోగ్యం దెబ్బతిన్నది. తనకు రక్తపు వాంతులు అవుతున్నాయని, తాగేందుకు నీరు, తినేందుకు ఆహారం దొరకడం లేదని, తీవ్ర ఇబ్బందులు ఎదుర్కొంటున్నానని వీరేంద్రకుమార్‌ వాట్సాప్‌ ద్వారా తన తల్లిదండ్రులు సత్తిరాజు, మరియమ్మ, సోదరుడు రవికుమార్‌తోపాటు బంధువులు, స్నేహితులకు తెలియజేశాడు.తన ఆరోగ్యం క్షీణిస్తోందని, వెంటనే స్వగ్రామం తీసుకువెళ్లేందుకు చర్యలు తీసుకోవాలని కన్నీటిపర్యంతమవుతూ వేడుకున్నాడు. దీంతో ఆందోళనకు గురైన తల్లిదండ్రులు స్థానిక ప్రజాప్రతినిధుల సహకారంతో ఈ నెల 19న అమరావతిలోని ఏపీ నాన్‌ రెసిడెండ్‌ తెలుగు సొసైటీ(ఏపీ ఎన్‌ఆర్‌టీఎస్‌) అధికారులను కలిసి సౌదీలో వీరేంద్రకుమార్‌ పడుతున్న ఇబ్బందులను తెలియజేసి సాయం చేయాలని కోరారు. అమలాపురం ఎంపీ గంటి హరీ‹Ùమాధుర్, ఎమ్మెల్యే గిడ్డి సత్యనారాయణ, తహసీల్దార్‌ల దృష్టికి కూడా సమస్యను తీసుకువెళ్లి వీరేంద్రకుమార్‌ను స్వస్థలానికి తీసుకువచ్చేందుకు సహకరించాలని విన్నవించారు.

న్యూఢిల్లీ: ఢిల్లీ మద్యం విధానంలో అవకతవకలకు సంబంధించిన కేసులో ఎన్‌ఫోర్స్‌మెంట్‌ డైరెక్టరేట్‌(ఈడీ) జారీ చేసిన సమన్ల నుంచి ముఖ్యమంత్రి అరవింద్‌ కేజ్రీవాల్​ తప్పించుకోలేరని ఢిల్లీ బీజేపీ అధ్యక్షుడు వీరేంద్ర సచ్‌దేవా మండిపడ్డారు. అయితే  ఈడీ ఇప్పటికే  అరవింద్‌ కేజ్రీవాల్‌కు వరుసగా మూడుసార్లు సమన్లు జారీ చేసిన విసయం తెలిసిందే. కాగా.. మూడోసారి జారీ చేసిన మమన్ల ప్రకారం కేజ్రీవాల్‌ 2024 జనవరి 3వ తేదీ ఈడీ ముందు హాజరుకావల్సి ఉంది. అరవింద్‌ కేజజ్రీవాల్‌ ఉద్దేశపూర్వకంగానే ఈడీ ముందుకు రావటంలేదని వీరేంద్ర సచ్‌దేవా మండిపడ్డారు. ముడోసారి జారీ చేసిన సమన్ల నుంచి మాత్రం కేజ్రీవాల్‌ ఎట్టిపరిస్థితుల్లో తప్పించుకోలేరని అన్నారు.  VIDEO | "Initially, he used the excuse of elections and then Vipassana, and now let's see what explanation he gives on January 3. He can't evade this for long, he has to appear before the agency," says BJP leader @Virend_Sachdeva on ED's summon to CM Arvind Kejriwal. pic.twitter.com/GObqIb6fL7 — Press Trust of India (@PTI_News) December 30, 2023 మొదటిసారి ఎన్నికలు, రెండోసారి విపాశన ధ్యానం పేరుతో కేజ్రీవాల్‌ దూరంగా ఉన్నారని దుయ్యబట్టారు. జనవరి 3న హాజరుకావాలన్న ఈడీ సమన్లపై ఎలాంటి వివరణ ఇస్తారో చూస్తామని తెలిపారు. అయితే సుదీర్ఘం కాలం మాత్రం ఈడీ  సమన్ల నుంచి తప్పించుకోవడం సాధ్యం కాదని అన్నారు. కచ్చితంగా కేజ్రీవాల్‌ ఈడీ ముందుకు హాజరు కావాల్సిందేనని తెలిపారు. ఇక సీఎం కేజ్రీవాల్‌కు ఈడీ మొదటిసారి నవంబర్‌ 2న, రెండోసారి డిసెంబర్‌18న, మూడోసారి డిసెంబర్‌ 21న సమన్లను జారీ చేసిన విషయం తెలిసిందే. రెండు సార్లు ఈడీ విచారణకు డుమ్మా కొట్టిన సీఎం కేజ్రీవాల్‌ జనవరి 3న ఈడీ ముందుకు హాజరవుతారో? లేదో? అని పార్టీ వర్గాల్లో కూడా చర్చ జరుగుతోంది.  చదవండి: ‘రాముడు హిందువులకే దేవుడు కాదు.. అందరివాడు’

నమిత ఫోన్‌ మంగళవారం ఫుల్‌ బిజీ. ఎందుకంటే మంగళవారం (మే 10) ఆమె బర్త్‌ డే. ఈ సందర్భంగా ‘హ్యాపీ బర్త్‌ డే’  చెప్పేందుకు బంధువులు, అభిమానులు ఫోన్‌  చేసి ఉండొచ్చు అనుకుంటున్నారా? అయితే ‘హ్యాపీ బర్త్‌ డే’తో పాటు ‘కంగ్రాట్స్‌’ చెప్పిన ఫోన్‌ కాల్సే ఎక్కువగా ఉన్నాయి. ఇంతకీ విషయం ఏంటంటే... తాను తల్లి కాబోతున్న విషయాన్ని తన బర్త్‌ డే సందర్భంగా నమిత ఇన్‌స్టా అకౌంట్‌ ద్వారా వెల్లడించి, కొత్త ఫోటోలను షేర్‌ చేశారు. దాంతో ‘కంగ్రాట్స్‌...నమిత’ అని ఇటు సినీ సెలబ్రిటీలు అటు అభిమానులు ఆమెకు సందేశాలు పంపడం, ఫోన్‌కాల్స్‌ చేయడం వంటివి చేశారు. ‘‘నా జీవితంలో కొత్త అధ్యాయం ప్రారంభమవగానే నేను మారిపోయాను. నేను నీ కోసం (పుట్టబోయే బిడ్డ గురించి...) ఎంతగానో ఎదురు చూస్తున్నాను. ప్రస్తుతం కొత్త అనుభూతిని ఆస్వాదిస్తున్నాను’’ అంటూ ఇన్‌స్టా పోస్ట్‌లో రాసుకొచ్చారు నమిత. 2017లో వ్యాపారవేత్త వీరేంద్రతో నమిత వివాహం జరిగిన విషయం తెలిసిందే. కొన్నాళ్లుగా సినిమాలకు దూరంగా ఉంటున్న నమిత ‘సొంతం’, ‘జెమిని’, ‘సింహా’ వంటి చిత్రాలతో తెలుగు ప్రేక్షకులకు సుపరిచితురాలే. 

సాక్షి ప్రతినిధి, న్యూఢిల్లీ: మధ్యప్రదేశ్‌కు చెందిన బీజేపీ సీనియర్‌ దళిత నేత, గత మంత్రి వర్గ సభ్యుడైన వీరేంద్ర కుమార్‌ ఖతిక్‌(65) 17వ లోక్‌సభ స్పీకర్‌ అయ్యే అవకాశాలు కనిపిస్తున్నాయి. ఏడు పర్యాయాలు ఎంపీగా ఎన్నికైన ఈ దళిత నేతను లోక్‌సభ ప్రొటెం స్పీకర్‌గా మంగళవారం ప్రభుత్వం నియమించింది. కొత్త సభ్యులు ప్రమాణ స్వీకారం చేసేందుకు వీలుగా ఎంపీలు భర్తృహరి మహ్తాబ్, కొడికునిల్‌ సురేశ్, బ్రిజ్‌ భూషణ్‌ శరణ్‌ సింగ్‌లను రాష్ట్రపతి రామ్‌నాథ్‌ కోవింద్‌ నియమించారని అధికార వర్గాలు తెలిపాయి. ఎంపీ వీరేంద్రకుమార్‌ ఖతిక్‌ 17వ లోక్‌సభ మొట్ట మొదటి సమావేశానికి అధ్యక్షత వహిస్తారు. కొత్తగా ఎన్నికైన సభ్యులతో ప్రమాణస్వీకారం చేయించడంతోపాటు స్పీకర్‌ ఎన్నికను ఆయన పర్యవేక్షిస్తారు.  ఎనిమిది పర్యాయాలు ఎంపీగా ఎన్నికైన మనేకా గాంధీ ప్రొటెం స్పీకర్‌ అవుతారని మొదట్లో వార్తలు వచ్చినప్పటికీ మంత్రి వర్గంలో చోటుతోపాటు ప్రొటెం స్పీకర్‌ పదవి కూడా ఆమె తిరస్కరించినట్లు సమాచారం. దీంతో మధ్యప్రదేశ్‌లోని టికమ్‌గఢ్‌ నుంచి ఎంపీగా ఎన్నికైన సీనియర్‌ నేత వీరేంద్రకుమార్‌ వైపు ప్రభుత్వం మొగ్గు చూపింది. స్పీకర్‌ పదవి కూడా వీరేంద్ర కుమార్‌కే దక్కే అవకాశాలున్నాయని భావిస్తున్నారు. ఈ పదవి రేసులో కేంద్ర మాజీ మంత్రులు రాధా మోహన్‌ సింగ్, జుయెల్‌ ఓరమ్, ఎస్‌ఎస్‌ అహ్లూవాలియా కూడా ఉన్నారు. 17వ లోక్‌సభ సమావేశాలు ఈ నెల 17వ తేదీ నుంచి జూలై 26 వరకు జరగనున్నాయి. 17, 18వ తేదీల్లో కొత్త సభ్యులతో ప్రమాణస్వీకారం, 19వ తేదీన స్పీకర్‌ ఎన్నిక ఉంటుందని సమాచారం. 

సీతాపూర్‌, ఉత్తరప్రదేశ్‌ : పెద్దలు పెళ్లికి ఒప్పుకోకపోవడంతో ఆదివారం ఓ యువ జంట బలవన్మరణానికి పాల్పడింది. ఈ దారుణ సంఘటన ఉత్తరప్రదేశ్‌లోని సీతాపూర్‌కు వెళ్లింది. వీరేంద్ర వర్మ(19), రంజానా(18) గత కొద్ది సంవత్సరాలుగా ప్రేమించుకుంటున్నారు. విషయం ఇంట్లో చెప్పి ఒక్కటవ్వాలని భావించారు. అయితే, ఇందుకు పెద్దలు నిరాకరించారు. దీంతో తీవ్ర మనస్తాపానికి గురైన జంట స్థానిక ఆలయంలో పెళ్లి చేసుకుంది. అక్కడి నుంచి నేరుగా రైల్వే ట్రాక్‌పైకి వెళ్లి రైలు కింద పడి ఆత్మహత్య చేసుకున్నారు. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

న్యూఢిల్లీ: ‘ఆధ్యాత్మిక్‌ విశ్వవిద్యాలయ్‌’స్థాపకుడు వీరేంద్ర దేవ్‌ దీక్షిత్‌ నిర్వహిస్తున్న ఆధ్యాత్మిక కేంద్రాల్లో మూడింటిపై శనివారం దాడులు చేసిన పోలీసులు 47 మంది మహిళలు, ఆరుగురు మైనర్‌ బాలికలను రక్షించారు. ఢిల్లీలోని రోహిణి ప్రాంతంలో ఉన్న ఆధ్యాత్మిక్‌ విశ్వవిద్యాలయ్‌ అనే ఆశ్రయంలో వందల సంఖ్యలో మహిళలు, బాలికలను బంధించి వారిపై లైంగిక దాడులు చేస్తున్నారని ఆరోపణలు వచ్చాయి. ఇలాంటి కేంద్రాలు మరో 8 ఉన్నాయని ఢిల్లీ హైకోర్టు దృష్టికి రావడంతో వాటిలో కూడా సోదాలు జరపాలని న్యాయమూర్తులు ఆదేశించారు. అందులో భాగంగానే పోలీసులు శనివారం ఆయా కేంద్రాలపై దాడులు చేశారు. ఆధ్యాత్మిక కేంద్రాల్లోనివారు పోలీసులను లోపలకు రానివ్వకపోవడంతో పక్కనున్న భవంతులపైకి ఎక్కి వారు లోపలకు ప్రవేశించారు. గురువారం రోహిణిలోని కేంద్రంపై జరిగిన దాడుల్లోనూ 41 మంది అమ్మాయిలను రక్షించడం తెలిసిందే.

సాక్షి, తిరుపతి :  హీరోయిన్‌ నమిత - వీరేంద్ర చౌదరి వివాహం ఘనంగా జరిగింది. తిరుపతి ఇస్కాన్ ఆలయంలో శుక్రవారం ఉదయం 5.30 నిమిషాలకు వేదమంత్రాల సాక్షిగా ఈ జంట ఒక్కటైంది. తెలుగు సంప్రదాయంలో ఈ వివాహాం జరిగింది. ఈ వేడుకకు ఇరు కుటుంబాల పెద్దలతో పాటు, తెలుగు, తమిళ చిత్రరంగానికి చెందిన పలువురు సినీ నటులు హాజరు అయ్యారు. రాధిక, శరత్‌కుమార్‌ ...వివాహానికి హాజరై నూతన వధువరులను ఆశీర్వదించారు. కాగా గతరాత్రి వీరి సంగీత్‌ కార్యక్రమం ఓ ప్రయివేట్‌ హోటల్‌లో జరిగింది.  ‘మియా’ చిత్రంలో తనతో నటించిన వీరేంద్ర చౌదరి అలియాస్‌ వీరు... పెళ్లి చేసుకుంటున్నట్లు కొద్దిరోజుల క్రితం నమిత ఓ వీడియోను సోషల్‌ మీడియాలో పోస్ట్‌ చేసిన విషయం తెలిసిందే. నమిత 2002లో ఆర్యన్‌ రాజేశ్‌ హీరోగా తెరకెక్కిన ‘సొంతం’ చిత్రం ద్వారా టాలీవుడ్‌కు పరిచయం అయింది. ఆ తర్వాత వెంకటేష్‌ హీరోగా నటించిన జెమినీ చిత్రంలో నటించింది. తెలుగులో తగినన్ని అవకాశాలు రాకపోవడంతో నమిత ఆ తర్వాత కోలీవుడ్‌పై దృష్టి సారించి, అక్కడ టాప్‌ హీరోయిన్‌గా పేరు తెచ్చుకుంది. (మరిన్ని చిత్రాల కోసం ఇక్కడ క్లిక్ చేయండి)   


 బనశంకరి(బెంగళూరు): కన్నడ నటుడు దొడ్డణ్ణ అల్లుడైన కె.సి.వీరేంద్ర ఇంట్లో భారీ చోరీ జరిగింది. దాదాపు 21 కేజీల బంగారు ఆభరణాలు అపహరణకు గురయ్యాయి. చిత్రదుర్గం జిల్లా చెళ్లకెరె పోలీస్‌స్టేషన్‌ పరిధిలో ఘటన చోటుచేసు కుంది. చెళ్లకెరెలో వీరేంద్ర నివాసముంటున్నారు. సోమవారం రాత్రి దుండగులు ఇంటి తాళం పగలకొట్టి లోపలికి చొరబడ్డారు.
 
 వీరేంద్ర గది లాకర్‌లో ఉన్న 21 కిలోల బంగారు ఆభరణాలను ఎత్తుకెళ్లారు. ఆ ఇంటికి వంద మీటర్ల దూరంలో ఉన్న వీరేంద్ర సోదరుడు తిప్పేస్వామి ఇంటిలోకి కూడా చొరబడి రూ.10 లక్షల 70 వేల నగదు దోచుకెళ్లారు. ఘటనలపై బాధితులు పోలీసులకు ఫిర్యాదు చేశారు. కాగా, కొద్ది నెలల కిందట ఐటీ శాఖ చేసిన దాడుల్లో.. వీరేంద్ర ఇంటి బాత్రూమ్‌ గోడల్లో దాచిపెట్టిన రూ.6 కోట్లు నగదు బయటపడిన సంగతి తెలిసిందే. 


 భారత గ్రామీణ బాలికలు విద్యావంతులు కావాలన్నదే ఆయన ఆశయం.. అందుకే వారిని సరికొత్త పద్ధతిలో ప్రోత్సహిస్తున్నాడు. పాఠశాలకు రప్పించేందుకు అనేక ఆకర్షణీయమైన బహుమానాలను అందిస్తన్నాడు. ప్రతిరోజూ స్కూలుకు వచ్చిన వారికి పది రూపాయలతో పాటు... హాజరు విషయంలో ముందున్న వారికి ఇంట్లో టాయిలెట్ ఉండేట్లు ఏర్పాట్లు చేస్తున్నాడు. ముఖ్యంగా యువతులు స్వతంత్రంగా బతికేందుకు... వారి కాళ్ళపై వారు నిలబడేందుకు... ఆ ఎన్ ఆర్ ఐ ప్రోత్సహిస్తున్నాడు.
 
 ఉత్తరప్రదేశ్ లోని గ్రామీణ ప్రాంతాల్లో బాలికలు, యువతుల విద్యకు ఆయా కుటుంబాల్లోని పెద్దలు అంగీకరించకపోవడం, బాధ్యతను తీర్చుకునేందుకు మైనర్లకే పెళ్ళిళ్ళు కూడ చేసేయడాన్ని వీరేంద్ర శామ్ గమనించాడు.  అటువంటి వారిని విద్యాకుసుమాలుగా తీర్చి దిద్దేందుకు తన వంతు కృష్టి ప్రారంభించాడు. అందులో భాగంగానే పధ్నాలుగేళ్ళకే పెళ్ళికి తలవంచిన నీతూ తోమర్, ఇంటినుంచీ అడుగు కూడ బయటపెట్టలేని స్థితిలో ఉన్న రీతా, కోరిక ఉన్నా చదువుకు అంగీకరించని తల్లిదండ్రులు కలిగిన రాధారాణి వంటి అమ్మాయిల జీవితాల్లో మార్పు తెచ్చేందుకు ప్రయత్నించాడు. ఇప్పుడు వీరంతా మంచి ఉద్యోగాల్లో స్థిరపడ్డారు. వీరే కాదు ఇటువంటి ఎందరో విద్యాధికులైన బాలికల జీవితాల వెనుక  వీరేంద్ర శామ్ సింగ్ కృషి ఎంతగానో ఉంది. పర్దాడా పర్దాడి ఎడ్యుకేషనల్ సొసైటీ ద్వారా ఉత్తర ప్రదేశ్ లోని అనుప్షహర్, బులంద్షహర్ లోని వేలమంది బాలికల విద్యాభివృద్ధికి ఆయన చేయూతనిస్తున్నాడు.
 
 2000 సంవత్సరంలో ఆమెరికాలోని డుపాంట్ లో పనిచేసే వీరేంద్ర.. స్వదేశంలో సమస్యలపై దృష్టి సారించాలకున్నాడు. అనుకున్నదే తడవుగా ఉద్యోగాన్ని స్వచ్ఛందంగా విరమించి భారత్ కు తిరిగి వచ్చేశాడు. బాలికలకు ఆర్థికంగా, సామాజికంగా స్వతంత్రాన్ని కల్పించేందుకు పరిష్కారాన్ని ఆలోచించాడు. వారి పేరుతో బ్యాంకులో డబ్బు డిపాజిట్ చేసి చదువుకునేందుకు ప్రోత్సహించాడు. అయితే ఆ డబ్బు పై వారికి 18 సంవత్సరాలు దాటే వరకూ ఎటువంటి అనుమతి కల్పించలేదు. విద్య పూర్తయిన తర్వాత వివాహ సమయానికి ఆ డబ్బు వారి చేతికందేలా వీరేంద్ర ప్లాన్ చేశాడు. దీంతో బాలికలను విద్యకు ప్రోత్సహించడంతోపాటు, వారి కుటుంబాలకు ఆర్థికంగా సాయపడ్డాడు.
 
 మరోవైపు బాలికలు ఆరోగ్యంగా లేకపోతే విద్యపై దృష్టి సారించలేరన్న ఉద్దేశ్యంతో  ఆ దిశగా చర్యలు చేపట్టిన వీరేంద్ర... వారికి పాఠశాలలో పీపీఈఎస్ ద్వారా మధ్యాహ్న భోజన కార్యక్రమాన్ని కూడ ప్రారంభించాడు. మొదట్లో ఎన్ని ప్రోత్సాహకాలు అందించినా బాలికలను పాఠశాలకు రప్పించలేని సంస్థ సభ్యులు... ప్రతి ఇంటికి వెళ్ళి అవగాహన కల్పించి ప్రోత్సహించారు. అప్పట్లో అనుప్షహర్ లో 35 మంది బాలికలతో ప్రారంభమైన పాఠశాల నేడు చుట్టుపక్కలి అరవై రెండు గ్రామాలనుంచి వచ్చే 14 వందల మంది విద్యార్థులతో కొనసాగుతోంది. ముఖ్యంగా నెలకు మూడువేలకన్నా తక్కువ ఆదాయం ఉన్న కుటుంబాల్లోని బాలికలపై  పీపీఈఎస్ దృష్టి సారిస్తోంది. పాఠశాల విద్య పూర్తయిన అమ్మాయిలకు వృత్తి శిక్షణా, నైపుణ్యం కలిగించే అనేక కోర్సులను కూడ అందిస్తోంది. దీనిలో ఇప్పటికే 150 మంది వరకూ విద్యార్థినులు శిక్షణ పొంది వివిధ సంస్థల్లో ఉద్యోగాలు కూడ సంపాదించారు.
 
 పీపీఈఎస్ సంస్థ బాలికల విద్యతో పాటు గ్రామీణ మహిళల్లో ఆరోగ్యంపట్ల అవగాహన కల్పించడం, వారికి తిరిగి చెల్లించేట్లుగా  చిన్నతరహా రుణాలు అందించడంతో పాటు అనేక వస్తువులు సబ్సిడీలో కూడ ఇస్తున్నట్లు సంస్థ సభ్యులు రేణుక చెప్తున్నారు. ఈ  పీపీఈఎస్ కు వివిధ సంస్థలు, వ్యక్తులు నిధులు సమకూరుస్తుంటారు. దీనికి హెచ్ సీ ఎల్ గ్రాంట్ కూడ వర్తిస్తుంది. దీంతో వచ్చే మూడేళ్ళలో 44 గ్రామాల్లో, 4 వేలమంది బాలికలకు మొబైల్ లెర్నింగ్ ట్రక్ ద్వారా ఇంటివద్దే నాణ్యమైన విద్యతో పాటు, స్కిల్ ట్రైనింగ్ అందించనుంది. పీపీఈఎస్ లో 2 వందలమంది పూర్తి సమయం ఉద్యోగులతో పాటు అనేక మంది వాలంటీర్లుగా కూడ పనిచేస్తున్నారు.